تورتة....مش تورتة

[toota]

كنت شفت الفكرة في قناة فتافيت وعجبتني اوي....وقلت لازم اجربها...بسيطة وسهلة واتعملت في ربع ساعة .......

شوفوا الصور وقولولي حد عارف دي ايه....؟؟؟

[pink rose]

هو دا الكريب سوزيت بتاع بنت سلطح بابا مش كده؟ :sad:

( يا منجي من المهالك يا رب ) (وش يوسف بك وهبي في اشاعة حب) wst::

لا صحيح اظن دا طبقات من الكريب و الكريمة و الخوخ

صح و لا غلط يا مدام توتا؟ :unsure:

[elfakhrany]

إحنا مش عايزين نعرف يا مدام توتا .. إحنا عايزين ناكل :sad:

وبعدين أنا مواظب على قسم المطبخ عشان داخلين على رمضان والعزوبية فى رمضان وحشة اوى :unsure:

[doudy]

ممكن اقول الطبقات دى يا توتة يا حبيبتى

بانكيك و بينها كمبوت خوخ و كريمة صح

بس فظيعةةةةةةةةةةةةة عايزة تتاكل اكل

تسلم ايديك

[pink rose]

فينك يا مدام توتا

مش تقوليلنا بقى التورتة التحفة دي اللي مش تورتة هي ايه

مش قادرة اقولك من ساعة ما شوفته الصبح و انا ايدي بتاكلني عاوزة اقوم اعمله

يالا بقى قوليلنا هو ايه و طريقته ازاي

و تسلم ايدك بجد شكله يجنن و زي ما قال فخراني عاوزين ناكل هم هم هم :lol: :wub:

[toota]

هو دا الكريب سوزيت بتاع بنت سلطح بابا مش كده؟ :P

( يا منجي من المهالك يا رب ) (وش يوسف بك وهبي في اشاعة حب) ;)

لا صحيح اظن دا طبقات من الكريب و الكريمة و الخوخ

صح و لا غلط يا مدام توتا؟ :lol:

صح.......

طبقات كريب مع كريمة شانتي مخلوطه بالاشطة الطازه وكومبوت الخوخ......

[toota]

إحنا مش عايزين نعرف يا مدام توتا .. إحنا عايزين ناكل :P

وبعدين أنا مواظب على قسم المطبخ عشان داخلين على رمضان والعزوبية فى رمضان وحشة اوى :lol:

واظب على المطبخ....لان الوصفات الي بيعملها الشيف بندق سهلة جدا....وانا برضو لما يهفني على اكلة سريعة بحب اصورها واحطها لسهولة وحلاوة طعمها

[toota]

ممكن اقول الطبقات دى يا توتة يا حبيبتى

بانكيك و بينها كمبوت خوخ و كريمة صح

بس فظيعةةةةةةةةةةةةة عايزة تتاكل اكل

تسلم ايديك :lol:

هو البانكيك زي الكريب....بس اظن اتخن شويه منه....دي كريب طبقات ارق شويه ....وفعلا الي قلتيه كله تمام

[toota]

الطبقات عباره عن كريب ودي وصفتها اسهل مايمكن

الطريقه مع المقادير

لكل كباية لبن بيضة واحدة...وانا عملت كبايتين لبن على بيضتين

اضرب البيض باللبن وحطيت عليه بشر لمونة...وبعدين بضيف الدقيق شويه بشويه لحد ما يتقل المزيج ويبقى سميك شويه....مش كتير وبضيف له حته زبدة سايحه مقدار ملعقه

بقليه بطاسه تيفال بنقطه زيت بمسحها على الطاسه كل مره...

بعمل الكريب مقاسين عشان احط الاكبر من تحت القاعدة....

الكريم شنتي جاهز بودرة ضربته مع لبن واشطه عندي طازه وشويه سكر بودرة لان النوع ده مفهوش سكر....

استنى الكريب لما يبرد وبتبدي ارص الطبقات فوق بعض مع الكومبوت بالشكل ده...

بجد كل ده مخدش ربع ساعه شغل.... وبعد ما اعمله بحطه ف الفريزر فوق نص ساعه يمسك بعضه......

وبالهنا والشفا....

[pink rose]

هو دا الكريب سوزيت بتاع بنت سلطح بابا مش كده؟ ;)

( يا منجي من المهالك يا رب ) (وش يوسف بك وهبي في اشاعة حب) :lol:

لا صحيح اظن دا طبقات من الكريب و الكريمة و الخوخ

صح و لا غلط يا مدام توتا؟ :lol:

صح.......

طبقات كريب مع كريمة شانتي مخلوطه بالاشطة الطازه وكومبوت الخوخ......

بما اني شاطرة و جاوبت صح عاوزة هدية

تورتاية من الحلوة دي

و معاها قطة تكون pink ما تسالينيش ازاي قطة لونها pink بس هي مريم بنتي اللي نفسها في كده :blink: :blink:

تسلم ايدك على الوصفة يا مدام توتا :P

هاقوم اعملها حالا بس انا عندي كومبوت اناناس اظنه شغال برضه

بس حضرتك ما بتحطيش سكر خالص في عجينة الكريب؟

[toota]

هو دا الكريب سوزيت بتاع بنت سلطح بابا مش كده؟ :blink:

( يا منجي من المهالك يا رب ) (وش يوسف بك وهبي في اشاعة حب) :lol:

لا صحيح اظن دا طبقات من الكريب و الكريمة و الخوخ

صح و لا غلط يا مدام توتا؟ :P

صح.......

طبقات كريب مع كريمة شانتي مخلوطه بالاشطة الطازه وكومبوت الخوخ......

بما اني شاطرة و جاوبت صح عاوزة هدية

تورتاية من الحلوة دي

و معاها قطة تكون pink ما تسالينيش ازاي قطة لونها pink بس هي مريم بنتي اللي نفسها في كده :lol: :blink:

تسلم ايدك على الوصفة يا مدام توتا ;)

هاقوم اعملها حالا بس انا عندي كومبوت اناناس اظنه شغال برضه

بس حضرتك ما بتحطيش سكر خالص في عجينة الكريب؟

قطة بينك ازاي :blink: ..... طب ينفع بورتوقالي :lol: ؟؟؟؟

لا مش بحط سكر خالص لاني بعملها احيانا باللحمة المفرومة....بس برش رشة ملح دايما ودي الي نسيت اقولها وطبعا الاناناس انا بحبه جدا واكيد ينفع ....اصل الوصفة الي شفتها كانت بالبلاك بيري والتوت والفراولة... وكان شكلها تحفة بس الخوخ هو الي كان متوفر..... :blink:

[aboramy]

ممكن نعرف كيفية رص الطبقات هل الخوخ يكون بين كل طبقة والتانية وكذلك هل تسقى الكريب بالكمبوت وازاى تتاكل ديه اهم حاجة

[toota]

ممكن نعرف كيفية رص الطبقات هل الخوخ يكون بين كل طبقة والتانية وكذلك هل تسقى الكريب بالكمبوت وازاى تتاكل ديه اهم حاجة

الكريب بيبقى عبارة عن شرائح سهل انها تلزق ببعضها...والكريمة بتخليها تثبت ...وانا حطيت بين كل طبقه وطبقه كريمه وخوخ...الي لقيته...لان الوصفة الاصلية كانت بالفراولة والتوت....وممكن اي نوع فاكهه حسب المتوفر....وبتتقطع زي التورته بس انا حطيتها في الفريزر لمدة نص ساعه قبل التقديم عشان يسهل قطعها واكلها بدون ما تتفعص وانا بقطعها -_-

ومسقتش الكريب الكومبوت عشان ميطراش

تم تعديل 9 أغسطس 2009 بواسطة toota