لو عاوز تخلّي أصحابك وأحبابك يتضايقوا منك اعمل الحركة ديه

[سهل جدا]

*

*

بصراحة هي حركة بايخة جداً

ولكن للأسف كثير من الناس بيعملوها غير آبهين بما يسببونه من ضيق وحرج للآخرين

الحركة التي أقصدها هي:

تغيير رقم الموبايل (الجوال) كل شوية

بعض الناس عندهم العادة السيئة دي..

ما يمر عليه شهر ولا شهرين إلا ويشتري خط جديد, وبالتالي يتغير رقم موبايله

وطبعا هذا يُحرج جميع أصدقائه وأقاربه الذين يضطرون في كل مرة أن يمسحوا الرقم القديم, ويسجلوا بدلاً منه الرقم الجديد..

ولو افترضنا أن متوسط عدد الأشخاص المسجلين في الموبايل 150 رقم, وأن الوقت الذي يستغرقه الإنسان العادي في مسح الرقم القديم وتسجيل رقم جديد هو 30 ثانية

فإن هذا يعني أن من يغير رقم موبايله يهدر أكثر من ساعة من وقت أصدقائه وأحبابه..

هذا فضلاً عن الإزعاج المستمرّ في كل مرّة يتم فيها تغيير الرقم..

بعض هؤلاء حينما يغير رقم موبايله ويمليني الرقم الجديد, أقوم بتسجيله, وفي نيتي إلغاء الرقم القديم بعدها مباشرة, ولكن مع الانشغالات أنسى إلغاء الرقم القديم.. وهكذا يتكرر الأمر مرة واثنين وثلاثة..

ثم تمرّ الأيام, وحينما أريد الاتصال به أُفاجَأ بأن لدي 5 أرقام مختلفة لنفس الشخص !!

وبالتالي,.. علي أن أحاول خمس محاولات حتى أصل إلى الرقم المطلوب..

<< هذا الرقم غير موجود بالخدمة.. تيت تيت تيت >>

<< الرقم الذي طلبته مرفوع مؤقتا من الخدمة >>>

<< اوعى تتصل تاني بالرقم ده يا ابن ال.... >>

(الأخيرة دي بهزار )

وطبعا, لا ننسى أن الشخص الذي يغير رقمه باستمرار يخسر علاقات كثيرة مع أشخاص كانوا مقرّبين منه في يوم من الأيام..

لأنه لما يغير رقمه مش كل الناس بتعرف الرقم الجديد, وحتى لو أرسل لهم رسالة بالرقم الجديد، مش كل الناس بتسجل الرقم.. , ويمكن هم كمان يغيرو أرقامهم مثله, فلا هو يستطيع الاتصال بهم, ولا هم كذلك

أما الإنسان الذي يحتفظ برقمه فترة أطول, فإن علاقاته تستمر فترة أطول..

ما أعنيه.. أن عادة تغيير رقم الموبايل باستمرار .. عادة سيئة تضرّ صاحب الموبايل نفسه, وتضر الآخرين..

ولأننا في المحاورات ستر وغطى على بعض, حبيت أنبهكم لهذا التصرف المزعج.. حتى لا يقع فيه أحد..

وبالمناسبة دي... أحب أمليكم رقم موبايلي الجديد

(0000000000)

[elfakhrany]

تصدق أنى كنت بفكر أجيب خط فاتورة بدل الكارت وكده هحاول أغير النظام على نفس الرقم .. شكرا

[سهل جدا]

تصدق أنى كنت بفكر أجيب خط فاتورة بدل الكارت وكده هحاول أغير النظام على نفس الرقم .. شكرا

دي فكرة كويّسة فعلا..

وأنا عملتها من حوالي 3 سنين..

لكن لو انت محتاج تغير رقمك, لسبب مقنع، وتكون مرة واحدة بس .. فهيكون الأمر هيّن شويّة..

لكن المشكلة في اللي بيغيّروا أرقامهم كل شوية..

كل لما ينزل أي عرض على أي خط, تلاقيه يشتريه ويرمي الخط القديم, وممكن يعمل الحكاية ديه خمس ست مرات في السنة ..

[ايهاب سالم]

هناك مشكله أخرى و هي أن رقم صديقك القديم يعاد إسناده لمشترك جديد بعد فتره و من الممكن أن يكون هذا الشخص مش و لا بد و يتلقي إتصالات أصدقاء الشخص الأول الذين لم يعلموا بتغيير الرقم بعد و يستغلها في أغراض مش تمام

هذا حدث مع أحد أصدقائي في قطر حيث قامت شركة الإتصالات بمنح رقمه القديم لواحده مش تمام و كانت تتلقى تليفونات أصدقائه و تعرض عليهم خدماتها

الطريف أنه بعد إنتشار الحكايه كان بعض الأشخاص و الذين لا علاقه لهم بصديقي هذا مسبقا يطلبون منه رقمه القديم

عشان يتصلوا به في الماضي

تم تعديل 28 يوليو 2009 بواسطة ايهاب سالم

[doudy]

فعلا الحركة دى بتضايق جدا

انا بغير رقم الموبيل بتاع مصر ممكن كل سنة

عشان بسافر و الرقم بيتوقف

لكن رقمى فى السعودية اهه معايا من 2004

و الحمد لله مش بحب اغير رقم الموبيل غير للشديد القوى

عندى واحدة صحبتى ما الحقش اسجل الرقم بتاعها الاقيها المرة اللى بعدها بتتصل بيا من رقم جديد

فعلا بتضايق جدا من كدة

[سهل جدا]

هذا حدث مع أحد أصدقائي في قطر حيث قامت شركة الإتصالات بمنح رقمه القديم لواحده مش تمام و كانت تتلقى تليفونات أصدقائه و تعرض عليهم خدماتها

الطريف أنه بعد إنتشار الحكايه كان بعض الأشخاص و الذين لا علاقه لهم بصديقي هذا مسبقا يطلبون منه رقمه القديم

عشان يتصلوا به في الماضي

بالفعل , الرقم لما يتوقف بيرجع ملكيته للشركة مرة أخرى, وبعدين بتبيعه لأي حدّ تاني

حصلت معايا , كان عندي رقم مميز جداً في مصر, وبعدين سافرت للسعودية وقعدت حوالي 6 شهور

ولما رجعت مصر أجازة لاقيت الرقم راح علي, وحاولت أرجعه بفلوس, وما نفعش وقالوا: إن الرقم أصبح ملك للشركة..

ربنا يستر وما يكونش الرقم راح لواحدة من إيّاهم, عشان ما حدّش يتصل بي في الماضي

فعلا الحركة دى بتضايق جدا

انا بغير رقم الموبيل بتاع مصر ممكن كل سنة

عشان بسافر و الرقم بيتوقف

لكن رقمى فى السعودية اهه معايا من 2004

و الحمد لله مش بحب اغير رقم الموبيل غير للشديد القوى

طيب دا يقودنا إلى سؤال مهم:

هل ينفع إننا نشتري خط من أي شركة اتصالات في مصر ونثبته علطول, بحيث ما يروحش علينا حتى لو لم نستعمله مدة؟؟

[metwallly]

طيب دا يقودنا إلى سؤال مهم:

هل ينفع إننا نشتري خط من أي شركة اتصالات في مصر ونثبته علطول, بحيث ما يروحش علينا حتى لو لم نستعمله مدة؟؟

أجاوبك انا على السؤال ده ياريس

انا معايا رقم 010 من فودافون من ايام الجامعة ولحد الآن محتفظ بيه ما غيرتوش

وشغال معايا هنا فى السعودية المهم ياريس كنت كل شهر أو شهرين بعمل منه مكالمة

علشان ما يتلغيش بس لما روحت سيرلانكا وقعدت حوالى 3شهور ما عملتش مكالمات

الخط أتوقف أتصلت بيهم من سيرلانكا وعملت شكوى لخدمة العملاء وشكوى للجهاز القومى

لتنظيم الإتصالات وفى خلال 48 ساعة الخط إشتغل تانى وعلشان اريح دماغى شحنته وحولته

لنظام كنترول سنوي بحيث أدفع رسم سنوى والخط يبقى شغال معايا على طول يعنى

ممكن تجيب خط كنترول سنوى وتدفع الرسوم السنوية ويبقى شغال معاك دائما

تم تعديل 28 يوليو 2009 بواسطة metwallly

[النجم الثاقب]

طيب دا يقودنا إلى سؤال مهم:

هل ينفع إننا نشتري خط من أي شركة اتصالات في مصر ونثبته علطول, بحيث ما يروحش علينا حتى لو لم نستعمله مدة؟؟

الاخ الفاضل سهل جدا

فكرتنى بالاجازة اللى فاتت .. و دى كانت اول اجازة ليا .. قبل ما أسافر السعودية أول مرة قمت بشراء صلاحية لمدة سنتين مقابل 40 جنيه عشان لما ارجع مصر الخط يبقى شغال .. لانى مش عايز اسيب الخط فى مصر لحد يشحنه .. المهم كل فترة اتصل بنمرتى عشان اتأكد غن الخط شغال .. و فعلا كان كل مرة يقولى غير متاح .. الكلام ده استمر لحد قبل انتهاء السنتين بحوالى 4 شهور .. المهم يا محترم وصلت مصر و بغير الشريحة .. مفيش .. استنى شوية يمكن المكان مفيهوش شبكة .. نفس المشكلة .. بعدها بكام يوم اتصلت بخدمة العملاء ( شركة ام نبيل ) قالولى مفيش اى داتا عن الخط ده نهائى :P .. طب و العمل .. اشترى خط جديد يا فندم .. قلتله يعنى انا شارى صلاحية عشان احتفظ بالرقم و تيبقى الناس عارفاه و لا اضطر انى اوزع الرقم من تانى تقوم تقولى اشترى رقم جديد .. كانت تايه عنى فين الحل ده ( دى فى سرى ) .. طب يا فندم هنعملك شكوى و الرد كمان 24 ساعة على نفس الرقم اللى بتكلمنا منه .. قعد يخبط على الكيبورد شوية و قالى هنرد عليك .. سألت واحد صاحبى كان شغال مندوب زمان فى وكيل للشركة .. قالى لو لقيوا حل هيردوا عليك .. لو ملقيوش هينفضولك .. طبعا فى الفترة دى كنت اشتريت خط بدون ما اسجله باسمى لان الوقت كان متأخر و معرفتش اصور البطاقة .. سافرت لكذا بلد و انشغلت فترة .. رجعت للمحل اللى جبت منه الخط قالى احنا بعتنا العقد للشركة .. قلتله بعته ببطاقة واحد تانى و لا ايه .. قالى لا بعته من غير بطاقة .. سألت صاحبى تانى قالى مستحيل لازم يبعت العقد بصورة بطاقة .. سالت فى خدمة العملاء قالولى فعلا الخط مش باسمك .. رحت عملتله شوشرة فى المحل و الزباين و افقين ( الكداب ) ..كل ما تتاح ليا فرصه فى الاجازة انا اكلم خدمة العملاء او ارحلهم كنت بعمل كده .. و كل مرة اشرحلهم قصة شراء الصلاحية من الاول زى ميكون هما من كوكب تانى .. و كل مرة كنت اخد معايا الخطين و اجرب ارجع القديم او اغير التانى بأسمى .. المهم محدش رضى يعملى اى حاجة و الحجج كانت كتير و مره يقولولى خليك معايا على السماعة و بعدين الخط يقطع .. و على فكرة العمليه دى بتخضع لمزاج السيد الموظف .. فين و فين قبل انتهاء الاجازة بيومين عديت على فرع جسر السويس لنفس الشركة قلت احاول محاولة اخيرة .. لقيت موظفة محترمة قلت ادخل عليها بالخط القديم الاول .. قالتلى للأسف الخط ده اتوقف نهائى .. رحت داخل بالخط الجديد .. قالتلى اخر كارت شحنته كان بكام و الرصيد اللى معاك كام و صورة بطاقتك .. جاوبتها و اتأكدت من كلامى .. قالتلى الخط هيتوقف 48 ساعه و بعدين اتصل بخدمة العملاء و اديهم بياناتك هيفتحوا الخط و هيبقى بأسمك .. اديت الخط لاخويا و كلفته بالمهمة دى .. و رحت اشتريت خط تالت امشى بيه اليومين اللى فاضلين .. بقول لصاحب المحل مش عايز صورة البطاقة :blink: .. قالى براحتك .. قلتله مفيش داعى انا هشغله يومين و ارميه ;) .

طبعا فى ناس هتقول ايه العبط ده .. بس انا هقولكم اسبابى لكل اللى عملته .. اول سبب هو نفس محتوى الموضوع بتاع اخونا سهل .. تانى سبب ان الرقمين القديم و الجديد كانوا حلوين و سهلين فى الحفظ .. مكنش عندى مشكلة لو حد سألنى على رقمى فى أى ظرف .. و طبعا المشكلة دى نسبة كبيرة منا بتقابلها اليومين دول و هى عدم القدرة على حفظ رقمنا الشخصى .. السبب التالت .. فى اصدقاء اعزاء عليا غيروا ارقامهم و مكنتش معايا و كان املى انهم يحاولوا يتصلوا برقمى القديم فأعرف ارقامهم الجديدة .

بس خلاص انا رغيت كتير :lol:

[سهل جدا]

لنظام كنترول سنوي بحيث أدفع رسم سنوى والخط يبقى شغال معايا على طول يعنى

ممكن تجيب خط كنترول سنوى وتدفع الرسوم السنوية ويبقى شغال معاك دائما

شكرا يا أستاذ متولي على المعلومات القيّمة دي

إن شاء الله الأجازة اللي جاية هاعمل الحركة ديه

:P

طيب دا يقودنا إلى سؤال مهم:

هل ينفع إننا نشتري خط من أي شركة اتصالات في مصر ونثبته علطول, بحيث ما يروحش علينا حتى لو لم نستعمله مدة؟؟

الاخ الفاضل سهل جدا

فكرتنى بالاجازة اللى فاتت .. و دى كانت اول اجازة ليا .. قبل ما أسافر السعودية أول مرة قمت بشراء صلاحية لمدة سنتين مقابل 40 جنيه عشان لما ارجع مصر الخط يبقى شغال .. لانى مش عايز اسيب الخط فى مصر لحد يشحنه .. المهم كل فترة اتصل بنمرتى عشان اتأكد غن الخط شغال .. و فعلا كان كل مرة يقولى غير متاح .. الكلام ده استمر لحد قبل انتهاء السنتين بحوالى 4 شهور .. المهم يا محترم وصلت مصر و بغير الشريحة .. مفيش .. استنى شوية يمكن المكان مفيهوش شبكة .. نفس المشكلة .. بعدها بكام يوم اتصلت بخدمة العملاء ( شركة ام نبيل ) قالولى مفيش اى داتا عن الخط ده نهائى ;) .. طب و العمل .. اشترى خط جديد يا فندم .. قلتله يعنى انا شارى صلاحية عشان احتفظ بالرقم و تيبقى الناس عارفاه و لا اضطر انى اوزع الرقم من تانى تقوم تقولى اشترى رقم جديد .. كانت تايه عنى فين الحل ده ( دى فى سرى ) .. طب يا فندم هنعملك شكوى و الرد كمان 24 ساعة على نفس الرقم اللى بتكلمنا منه .. قعد يخبط على الكيبورد شوية و قالى هنرد عليك .. سألت واحد صاحبى كان شغال مندوب زمان فى وكيل للشركة .. قالى لو لقيوا حل هيردوا عليك .. لو ملقيوش هينفضولك .. طبعا فى الفترة دى كنت اشتريت خط بدون ما اسجله باسمى لان الوقت كان متأخر و معرفتش اصور البطاقة .. سافرت لكذا بلد و انشغلت فترة .. رجعت للمحل اللى جبت منه الخط قالى احنا بعتنا العقد للشركة .. قلتله بعته ببطاقة واحد تانى و لا ايه .. قالى لا بعته من غير بطاقة .. سألت صاحبى تانى قالى مستحيل لازم يبعت العقد بصورة بطاقة .. سالت فى خدمة العملاء قالولى فعلا الخط مش باسمك .. رحت عملتله شوشرة فى المحل و الزباين و افقين ( الكداب ) ..كل ما تتاح ليا فرصه فى الاجازة انا اكلم خدمة العملاء او ارحلهم كنت بعمل كده .. و كل مرة اشرحلهم قصة شراء الصلاحية من الاول زى ميكون هما من كوكب تانى .. و كل مرة كنت اخد معايا الخطين و اجرب ارجع القديم او اغير التانى بأسمى .. المهم محدش رضى يعملى اى حاجة و الحجج كانت كتير و مره يقولولى خليك معايا على السماعة و بعدين الخط يقطع .. و على فكرة العمليه دى بتخضع لمزاج السيد الموظف .. فين و فين قبل انتهاء الاجازة بيومين عديت على فرع جسر السويس لنفس الشركة قلت احاول محاولة اخيرة .. لقيت موظفة محترمة قلت ادخل عليها بالخط القديم الاول .. قالتلى للأسف الخط ده اتوقف نهائى .. رحت داخل بالخط الجديد .. قالتلى اخر كارت شحنته كان بكام و الرصيد اللى معاك كام و صورة بطاقتك .. جاوبتها و اتأكدت من كلامى .. قالتلى الخط هيتوقف 48 ساعه و بعدين اتصل بخدمة العملاء و اديهم بياناتك هيفتحوا الخط و هيبقى بأسمك .. اديت الخط لاخويا و كلفته بالمهمة دى .. و رحت اشتريت خط تالت امشى بيه اليومين اللى فاضلين .. بقول لصاحب المحل مش عايز صورة البطاقة :blink: .. قالى براحتك .. قلتله مفيش داعى انا هشغله يومين و ارميه :blink: .

طبعا فى ناس هتقول ايه العبط ده .. بس انا هقولكم اسبابى لكل اللى عملته .. اول سبب هو نفس محتوى الموضوع بتاع اخونا سهل .. تانى سبب ان الرقمين القديم و الجديد كانوا حلوين و سهلين فى الحفظ .. مكنش عندى مشكلة لو حد سألنى على رقمى فى أى ظرف .. و طبعا المشكلة دى نسبة كبيرة منا بتقابلها اليومين دول و هى عدم القدرة على حفظ رقمنا الشخصى .. السبب التالت .. فى اصدقاء اعزاء عليا غيروا ارقامهم و مكنتش معايا و كان املى انهم يحاولوا يتصلوا برقمى القديم فأعرف ارقامهم الجديدة .

بس خلاص انا رغيت كتير :lol:

ما شاء الله, كل ده عشان رقم .

يا بخت أصحابك بيك :lol:

[doudy]

[

طيب دا يقودنا إلى سؤال مهم:

هل ينفع إننا نشتري خط من أي شركة اتصالات في مصر ونثبته علطول, بحيث ما يروحش علينا حتى لو لم نستعمله مدة؟؟

و الله يا استاذ سهل جدا

مرة كنت سافرت من اسكندرية و يدوب مر 3 شهور

و اتصلت على رقمى المصرى اللى شريحته معايا فى السعودية

لقيت واحدة بترد عليا اتخضيت بصراحة و قلتلها دة رقمى ازاى حضرتك اخدتيه

قالتلى اشتريته عادى

حاجة تجنن و الله فى مصر

رقمى بتاع السعودية شركة موبيلى

غيبت عن السعودية حوالى سنة او اكتر كمان لظروف ولادة و كدة

و شغلته بعدها لقيته لسة ملكى الحمد لله و اشتغل عادى جدا wst::

[عنبو]

اولا السلام عليكم ورحمة الله وبركاته

انا شخصيا بسجل الرقم مره واحده وبس وده طبعا علشان صحابى والناس العزاز عليا نفس الدماغ

بعد اذنك ياعم سهل كنت عاوز اقول على حاجه برضه ليها علاقه بموضوع الضيق

امبارح وانا مروح اقولت اعدى على الصراف اسحب فلوس لقيت فيه تلاته على الصراف وانا كنت الرابع طبعا واحنا واقفين بنبص لقينا واحده جايه من بعيد ولا بعد اذنك ولا حاجه يدوب الراجل اللى جوه خلص راحت داخله على طول وسحبت فلوس وهى جوه جت واحده كمان نفس النظام بدون اى كلام دخلت سحبت بس بقى التانيه دى كان معها جوزها بس كان واقف بعيد وبعتها هى علشان تخلص على طول بجد انا لولا مسكت اعصابى كنت هعمل مشكله بجد اي نعم الواحد بيحترم المرأه اه لكن يظل برضه فيه نظام وبعدين هى لو وقفت مش حتقرص ولا حد هيخطفها مين اهبل اللى هيخطف دى ؟؟؟

طيب وفيه حاجه كمان تبقى سايق فى امان الله وفجأه تلاقى واحده قاطعه الشارع بدون لما تبص وكأنه قانون انك لازم تقف بجد انا تقريبا ضغطى ارتفع يعنى الواحد يبقى راجع من شغله وطول النهار مواقع واقرف وعاوز يروح يرتاح يحصل معاك دول ويقولك ياعم دول حريم لازم نيجى على انفسنا شويه انا معرفش بجد ليه كده

على فكره الكلام ده فى السعوديه فى جده ؟؟

[toota]

اهو تغيير الرقم ده كوووم وصاحبتي الي مأجرة شقتها لواحدة كوم....الست دي مأجرة شقتها لست متجوزة...اكتشفت انها ممثلة.... وكل تلات ايام بتغير رقمها ومعندهاش تلفون ارضي....والمسكينة عشان تاخد منها الاجرة كل شويه تروح لها تحت بيتها لان رقمها اتغير.....

بتقولي عندها اكتر من عشر ارقام لحد دلوقتي من سنه مش شغالين لنفس المستاجرة بتاعتها....ومش عارفه تعمل معاها ايه

[metwallly]

الاخ الفاضل سهل جدا

فكرتنى بالاجازة اللى فاتت .. و دى كانت اول اجازة ليا .. قبل ما أسافر السعودية أول مرة قمت بشراء صلاحية لمدة سنتين مقابل 40 جنيه عشان لما ارجع مصر الخط يبقى شغال .. لانى مش عايز اسيب الخط فى مصر لحد يشحنه .. المهم كل فترة اتصل بنمرتى عشان اتأكد غن الخط شغال .. و فعلا كان كل مرة يقولى غير متاح .. الكلام ده استمر لحد قبل انتهاء السنتين بحوالى 4 شهور .. المهم يا محترم وصلت مصر و بغير الشريحة .. مفيش .. استنى شوية يمكن المكان مفيهوش شبكة .. نفس المشكلة .. بعدها بكام يوم اتصلت بخدمة العملاء ( شركة ام نبيل ) قالولى مفيش اى داتا عن الخط ده نهائى wst:: .. طب و العمل .. اشترى خط جديد يا فندم .. قلتله يعنى انا شارى صلاحية عشان احتفظ بالرقم و تيبقى الناس عارفاه و لا اضطر انى اوزع الرقم من تانى تقوم تقولى اشترى رقم جديد .. كانت تايه عنى فين الحل ده ( دى فى سرى ) ..

بصراحة انا بكره (شركة أم نبيل) دى وبحس انهم نصابيين وحرامية ومستغليين

وبعد ما عرفت صاحبها وتاريخه الآسود كرهتها أكتر وأكتر

[سهل جدا]

اولا السلام عليكم ورحمة الله وبركاته

انا شخصيا بسجل الرقم مره واحده وبس وده طبعا علشان صحابى والناس العزاز عليا نفس الدماغ

بعد اذنك ياعم سهل كنت عاوز اقول على حاجه برضه ليها علاقه بموضوع الضيق

امبارح وانا مروح اقولت اعدى على الصراف اسحب فلوس لقيت فيه تلاته على الصراف وانا كنت الرابع طبعا واحنا واقفين بنبص لقينا واحده جايه من بعيد ولا بعد اذنك ولا حاجه يدوب الراجل اللى جوه خلص راحت داخله على طول وسحبت فلوس وهى جوه جت واحده كمان نفس النظام بدون اى كلام دخلت سحبت بس بقى التانيه دى كان معها جوزها بس كان واقف بعيد وبعتها هى علشان تخلص على طول بجد انا لولا مسكت اعصابى كنت هعمل مشكله بجد اي نعم الواحد بيحترم المرأه اه لكن يظل برضه فيه نظام وبعدين هى لو وقفت مش حتقرص ولا حد هيخطفها مين اهبل اللى هيخطف دى ؟؟؟

طيب وفيه حاجه كمان تبقى سايق فى امان الله وفجأه تلاقى واحده قاطعه الشارع بدون لما تبص وكأنه قانون انك لازم تقف بجد انا تقريبا ضغطى ارتفع يعنى الواحد يبقى راجع من شغله وطول النهار مواقع واقرف وعاوز يروح يرتاح يحصل معاك دول ويقولك ياعم دول حريم لازم نيجى على انفسنا شويه انا معرفش بجد ليه كده

على فكره الكلام ده فى السعوديه فى جده ؟؟

والله يا أستاذ محمد الموضوع اللي انت أشرت إليه ده موضوع مهم

لو أمكن تفتح له توبيك جديد ونتناقش فيه, أعتقد هانطلع بفائدة

شكرا لك يا جميل

اهو تغيير الرقم ده كوووم وصاحبتي الي مأجرة شقتها لواحدة كوم....الست دي مأجرة شقتها لست متجوزة...اكتشفت انها ممثلة.... وكل تلات ايام بتغير رقمها ومعندهاش تلفون ارضي....والمسكينة عشان تاخد منها الاجرة كل شويه تروح لها تحت بيتها لان رقمها اتغير.....

بتقولي عندها اكتر من عشر ارقام لحد دلوقتي من سنه مش شغالين لنفس المستاجرة بتاعتها....ومش عارفه تعمل معاها ايه

صحيح فعلاً...

أنا نسيت أقول إن في ناس بتغيّر أرقامها مخصوص عشان تهرب من الحقوق اللي عليها

وطبعاً ده يعتبر نوع من النصب الواضح وأكل أموال الناس بالباطل...

تم تعديل 29 يوليو 2009 بواسطة سهل جدا