باركولى.....أصبحت أحمل لقب دكتور مهندس... صعيدى

[مصرى]

مبروك يا دكتووووووور :P

تمنياتى بعلم ينتفع به .. إن شاء الله

[صعيدي]

أشكركم جميعا بدون ذكر اسماء حتى لا أنسى أحد chn: chn:

وأدعوا الله ان ينال كل منكم امله فى الدنيا والاخرة بإذن الله

بصراحة انا معاكم أشعر فى وسط أهلى وخصوصا فى تلك الغربة gra:-

والاخ ايجبت 5 طلب معرفة التخصص

ممم

ممم

التخصص هو هندسة اللحام.

بس الموضوع ملوش علاقة بلحام الكاوتش ولا لحام الباجور

ممكن البعض يتسأل يعنى هو اللحام محتاج دكتوراه ولا حتى هندسة.................................... :angry: :P :angry: :P .

الاخت الدكتورة فريدة جزاك الله خيرا وعقبالك اوانا تحت أمرك فى أى مراجع أو مقالات علمية

وبما اننا ُزمل فى النحس العلمى أقصد البحث العلمى فأقدم لك و لباقى الأاخوة المهندسيين والباحثين عن مقالات فى دوريات علمية دار النشر elsevier

و يمكنك من خلال الوقع ادناه الاطلاع على الدوريات الصادرة و كذلك المقالات الضرورية

وبالطبع لن يمكنك الوصول اللى نسخة كاملة من المقالة لان الموقع غير مجانى

ولكن عند العثور على مقالة مفيدة يمكنك ان ترسلي الى وسوف أعملdownload للمقالة و ارسلها لك

الوصلة

[Farida]

يا خبر يا دكتور ده جميل كبير قوى انا فعلا حا اتعبك بقه و انت اللى جبته لنفسك .... بس ما تخفش انا با شطب يعنى التعب معايا اقل شويه ان شاء الله ......اما البحث العلم انا شخصيا ناويه افتح اكتر من مضوع فيه بس لما اخلص احسن اللى اعرفه و ممكن اقوله ممكن يخلينى ما اخلصش ابدا .... دعواتكم لو خلصت ندر على لأفتح النار على كل الجبهات

[رشيد22]

الف مبروك يا دكتور يا صعيدى و عقبالى ان شاء الله

[disappointed]

ألف ألف مبروك (هيه صحيح متأخرة بس انا ما شفتش الموضوع غير دلوقتى)

مبروووووووك cr((: ty:)

وأحلى حاجه كمان انها دكتوراه يابانى (أصلى يعنى..... مش تايوان...و بكده فأكيد عليها ضمان mf( )

مبروك عليك...لا....قول مبروك علينا رفعك رأسنا فى الشرق الأقصى

:rolleyes: wst::

[Guest Mohd Gramoun]

بسم الله الرحمن الرحيم...

مبارك عليك و نفع الله بك و بعلمك الأمة.....

ممكن تتفضل علينا و تعطينا نبذة بسيطة عن موضوع رسالة الدكتوراه و عن خططك المستقبلية بعد تحقيق حلم من أحلامك؟

[omtmam]

الف مبروك يا دكتور صعيدى و عقبالى ان شاء الله وساعتها حاعمل زى الدكتورة فريدة ما بتقول و حنالف كتب بعنوان كشف المستور فى مراكز البحوث

[حشيش]

مبروك ياصعيدى ياولدى...الكفر كله فرح لك يابن الغالى...أظن آن الأوان ياولدى إنك ترجع وتاخد بتار عمك لجل ما يرتاح فى نومته ونجيم له العزى ونرفع روسنا وسط الخلج... mfb: :rolleyes: :P

جدك / هريدى

[afiona]

مبروك ياصعيدى ياولدى...الكفر كله فرح لك يابن الغالى...أظن آن الأوان ياولدى إنك ترجع وتاخد بتار عمك لجل ما يرتاح فى نومته ونجيم له العزى ونرفع روسنا وسط الخلج... mfb:  :rolleyes:  :P

جدك / هريدى

gt: bk: :P :D :D

إفتقدنا تعليقاتك المرحة...

[صعيدي]

شكرا لجميع الاخوة والأخوات وعقبال الجميع mfb: :P

الاخ مجرمون التخصص هو هندسة لحام ونقطة البحث فى رسالة الدكتوراه بإختصار شديد عن تطبيق الموجات فوق الصوتية فى اللحام وخاصة فى حالة لحام السيرامك مع المعادن والذى يعتبر من اصعب عمليات اللحام (وصلة السيرامك مع المعدن مستخدمة فى الاجهزة الالكترونية وبوجيهات السيارات وكذلك أجزاء المركبات الفضائية) اما عن الخطط المستقبلية فالبنسبة لمجال البحث فبمشيئة الله سوف ادرس تطبيق اليزر على لحام السيرامك مع المعدن بالاضافة الى بعض النقاط الاخرى

أما فى مجال العمل فأنا أبحث عن فرصة للتدريس فى احدى الجامعات اليابانية او جامعات الدول الاسلامية بالاضافة الى الى احتمالية العودة الى :rolleyes: فى احدى مراكز البحوث فى مصر

اما عما أقوم به فى الوقت الحالى فأنا أصمم اول موقع عربى يهتم بمجال هندسة اللحام بالاضافة الى عمل كتاب باللغة العربية عن أحدى طرق اللحام الشائعة

مبروك ياصعيدى ياولدى...الكفر كله فرح لك يابن الغالى...أظن آن الأوان ياولدى إنك ترجع وتاخد بتار عمك لجل ما يرتاح فى نومته ونجيم له العزى ونرفع روسنا وسط الخلج...   

جدك / هريدى

أأبْه انت مخابرش ولا إيه يا ولد العم ده أنى اللى عليا تار من زمان للحشايشة اصل جُط gt: من حدانا فط على عشة الفروج بتاعهم وقتل ديك جوم الحشايشة حلفوا لياخدوا بتار الديك من منى انا وزمانهم لابدين لى فى المطارومدهزيين الفرفر shk(): من سنين وربك يسترها

الاخ ابو تمام والأخ رشيد عقبالكم انتم والدكتوره فريدة وياريت أعرف تخصصاتكم يمكن أعرف اساعدكم

[Guest Mohd Gramoun]

بسم الله الرحمن الرحيم

ماشاء الله عليك....موضوع الرسالة شيق جدا و إن كان تخصصي غير هندسي لكنني مولع بالعلوم الفنية و التكنولوجية والقراءة في مثل هذه الموضوعات.... وربنا يسهل ونري وصلة لموقعك قريبا هنا .

ربنا يوفقك و دائما من نجاح لنجاح.... طالما الهدف مرسوم و الطريق واضح فثق دائما بالله إنك ناجح.

[MuslimaEgyptian]

د. صعيدى، السلام عليكم

بصراحه الاخوه لم يتركوا لى شيئا أضيفه.. و حقا سعدت للغايه لهذه الاخبار الساره ، ما شاء الله. أدعو الله ان يتمم الله لك طموحاتك التاليه ويكون علمك وشهادتك أداه لكل ما هو نافع ويعم على الاخرين والحياه بالخير.

وأضم صوتى لصوتك فى موضوع الأبحاث. أرجو ألا يتردد أحدا فى سؤالى إن أردتم معلومات وأبحاث فى اى موضوع ما وفى اى Journal..وخاصا لو أدبى ذات طابع علمى

ألف مبروك مره أخرى

(هل حضرتك قريبا من د. صابر؟ فأنتم المصريين الوحيدين الذين سمعنا عنهم باليابان...ما شاء الله، المصريين فى كل مكان...مش عارفه شئ يفرح ولا يزعل..)

[صعيدي]

شكراً للاخت مسلمة مصرية وجزاك الله خيرا

للأسف لا أعرف د. صابر فربما يكون فى جامعة أخرى فى اليابان وبالمناسبة فعدد الجالية المصرية هنا تعتبر أكبر جالية عربية فى اليابان و الموقيمين فى أوساكا فقط يتراوح عددهم من 50 الى 100 مصرى