دجاح مشوى بالزعتر وزيت الزيتون

[بندق أفندى]

دى كانت من ضمن السهرة المطبخية .. شاهد على المطبخ .. أو سهران لوحدى .. أو أى حاجة ..

المهم هى فكرتها شديدة البساطة .. زيت زيتون مخلوط فيه زعتر من الجاهز للأكل لأنه فيه سماق وسمسم ومزز وعليهم عصير ليمون وشوية ملح .. عشان الفرخة أصلا طعمها لا يتغير .. بأتبلها وأتركها فى الثلاجة أى وقت يوم يومين 3 مش مشكلة ..

المهم تدهن الدجاجة بالخطة السابقة من الداخل والخارج وتترك تتبل قبلها بيوم على الأقل ..

هنضعها فى صينية ونعطيها بفويل (ورق قصدير) وندخلها فرن على حرارة 240 درجة لمدة ساعة ثم ننزع الفويل ونترطها 40 دقيقة أخرى حتى تحمر وتكمل النضح وهتطلع رائعة طعما وشكلا

[بندق أفندى]

نسيت اضيف انه من الداخل فيها بصلة مقطوعة ارباع وكم فص ثوم مكسرين بقشرهم

[بركة]

متشكرين جدا

انا واثقة انها أحلى من الطريقة العادية اللي بعملها

هجربها واقول لحضرتك...

بس هو ليه ما سيبتهاش الساعة من غير فويل وخلاص ؟

[بندق أفندى]

متشكرين جدا

انا واثقة انها أحلى من الطريقة العادية اللي بعملها

هجربها واقول لحضرتك...

بس هو ليه ما سيبتهاش الساعة من غير فويل وخلاص ؟

الأول العفو يا افندم ..

ثانيا : شوفى حضرتك .. دى فرخة وزنها 1.5 كيلو ودى يمكن أول مرة أشوفها فى السعودية .. كبير الفراخ كان هنا 1300 جرام

ومن تجربتى مش بستوى كويس من الداخل فى حين بتكون احمرت أو من برة .. عشان كده الفويل يعمق النكهات ويسويها من الداخل

وشوية للاحمرار ..

كنت عامل حسابى أقطع شرحات فيها عشان تاخد من التتبيلة جوا اللحم خصوصا منطقة الصدر بس نسيت ههههههههههه

لكن حسب ما جربت منها .. الأجنحة كانت رائعة هههههههه

[toota]

الفويل بيخليها تنزل ميتها وتستوي فيها الاول من جوه.....ولما تستوي يتشال عشان الجلد يحمر.....شكلها حلو...خصوصا بالزيت والزعتر

[بندق أفندى]

الفويل بيخليها تنزل ميتها وتستوي فيها الاول من جوه.....ولما تستوي يتشال عشان الجلد يحمر.....شكلها حلو...خصوصا بالزيت والزعتر

شكرا عالتوضيح يا أفندم .. الأجمل فيها الطعم ههههههههههههههه

[بركة]

يعني حضرتك اكلت الجناحين وبس !!!! امال الباقي راح لمين أو راح فين

وسؤال هي الفرخة دي فقيه ولا رضوى ولاقيتها فين ..وطبعا شكرا لأن توضيح حكاية الوزن عرّفني مسألة الفويل

مش بقولك دايما حضرتك بتحسسني إني بقلب الاكل اي حاجة مشّي حالك ...........شكرا جزيلا

تم تعديل 29 يوليو 2009 بواسطة بركة

[بندق أفندى]

يعني حضرتك اكلت الجناحين وبس !!!! امال الباقي راح لمين أو راح فين

وسؤال هي الفرخة دي فقيه ولا رضوى ولاقيتها فين ..وطبعا شكرا لأن توضيح حكاية الوزن عرّفني مسألة الفويل

مش بقولك دايما حضرتك بتحسسني إني بقلب الاكل اي حاجة مشّي حالك ...........شكرا جزيلا

بركة هانم بونجوووور

أول حاجة شكرا على الاهتمام

ثانية حاجة مش فقيه ولا رضوى .. دى حاجة اسمها انتاج ولا تنمية مش فاكر دول اللى عندهم الحجم الكبير ده .. وفيه 1600 جرام كمان بس كانت واحدة يتيمة وشكلها مش سياحى فما رضيت اشيلها ..

ثالث حاجة أكلت الأجنحة لأنه الفرخة دى مع أخواتها من المطبوخات (ورقة اللحمة) وصينية لحم أخرى استوو الساعة 6:00 صباحا .. فمش معقول هأفطر لحمة لكن ممكن أدوق الأجنحة هههههههه

رابعا مؤكد حضرتك مش بتقلبى الأكل ولا حاجة .. وانا أصلا ما عنديش غير مسئولية نفسى فى الغربة وبالتالى بأتصرف براحتى .. وفرق كبير انه تتحمل تبعات نفسك أو أفواه منتظرة الأكل منك دا غير كل واحد له طلب .. وطلبات لا تنتهى

تم تعديل 30 يوليو 2009 بواسطة بندق أفندى

[السويفي]

السلام عليكم:

يعني افهم ان لو الفرخه كبيره الفها في فويل واحطها في الفرن ....وبعدين اشيل الفويل علشان الجلد يحمر

ولو كانت صغيره احطها من غير فويل

.........ممكن اسأل عن الوقت اللي احطها فيه في الفرن علشان ان مش هعرف انها استوت ولا لا وهيا في الفويل

[بندق أفندى]

السلام عليكم:

يعني افهم ان لو الفرخه كبيره الفها في فويل واحطها في الفرن ....وبعدين اشيل الفويل علشان الجلد يحمر

ولو كانت صغيره احطها من غير فويل

.........ممكن اسأل عن الوقت اللي احطها فيه في الفرن علشان ان مش هعرف انها استوت ولا لا وهيا في الفويل

ممكن .. السياسة بين السائل والمجيب ..

الفرخة وزن من 1300 الى 1500 جرام بتحتاج ساعة ونص فى الفرن .. نصهم بفويل ونصهم من غير فويل

تقريبا كمقياس .. كل كيلو فى الوزن بيتحتاج من 50 الى 60 دقيقة (عشان يكون ويل دون) أما اللى بيحبو الأكل مش مستوى كتير بتكون فى حدود من 45 الى 50 دقيقة لكل كيلو جرام .. أو كيلو متر ههههههههه

ودايما نص الوقت فى الفويل .. وتكون فى الرف الأوسط فى الفرن .. لو حطيتها تحت هتاخد 30 دقيقة بس فى الفويل (بس هتغامرة بأنها تتحرق أو تحمر من تحت زيادة) وبعدين تطلعها فوق لمدة 40 دقيقة تانى