محترفين مصر .. حسنة قليلة تمنع بلاوي كتيرة

[الحازم حسن]

عمرو زكي

بعد الأداء الرائع اللي قلب بيه كل التوقعات في الدوي الانجليزي وبعد ما سمعنا ان ريال مدريد بيفكر يضمه عاش في الوهم المصري المعتاد تأخير في مواعيد الانضام للمعسكر او ميروحش اصلاً .. على اعتقاد انه في رحمة في الدوري الانجليزي للي بيغلط (زي حالاتنا كده wst:: ) كان فاكر ان 10 اهداف في الدوري الانجليزي تخليه فوق القانون اومال لو كان زي ميسي او توريه او دروجبا كان عمل فيهم ايه لدرجة ان مدرب الفريق ستيف بروس اللي قاتل وحارب عشان يضم زكي لصفوف فريقه وصفه بانه اسوأ محترف اتعامل معها في حياته ورئيس النادي صرح باننا مش عايزين لاعب يصعب السيطرة عليه.

وفجأة لقى نفسه في الشارع والرجوع للزمالك امر لا مفر منه بدا يسوق نفسه بنفسه ويعلن عن عروض وهمية عشان يلفت انظار الفرق الكبيرة اليه لا حياة لمن تنادي .. رجع يغازل بروس من جديد ويقول انا غلطان وحقكم عليه .. لا حول ولا قوة الا بالله طيب وليه تعمل في نفسك كده ماكان م الأول

وطلعوا علينا الجماعة بتوع ويجان يقولوا يا زكي انسى وخد البنسة رجع قال خلاص مش مهم ويجان انا عايز اروح اي نادي في انجلترا وخلاص لان ده اقوى دوري في العالم ومش عايز العب في مكان غيره ولا حياة لمن تنادي مين يفكر انه ياخد لاعب بيتاخر في التدريبات والانضمام وبيكبر دماغه مين يقرف نفسه بنفسه.

وبعدين سمع ان مالاجا الاسباني عاوزه قال وماله 100 فل و14 هوه فيه زي الدوري الأسباني ولا زي حلاوة الدوري الاسباني ولا طعامة الدوري الاسباني وبعدين قالوا له اتكل على اللي خلقك والنهاردة بيقول ان في عرض من بورتسموث الانجليزي طيب ليه النادي الانجليزي مطلعش وفال انه مهتم بزكي ؟

ميدو

الفرقة نزلت رجة تانية فميدو قال ان جه الطوفان حط ولدك تحت رجليك كلم كل معارفه في انجلترا عشان يروح فريق تاني في الدرجة الاولى وقعد في البيت وطنش النادي والنادي جمد مستحقاته المالية برده طنش على امل انه يشوف فرقه تاويه ولما ملقاش رجع لتدريبات النادي بتاع الدرجة التانية وقال للمدير الفني حقك عليا يا باشا وآدي قفايا أهوه

حسام غالي

مشاكل في السعودية ومستوى زي الزفت والجماهير السعودية بتعمل مظاهرات بتطالب فيها برأسه وخناقات عيني عينك مع زمايله في الملعب وكل الناس بتقول يا خسارة الفلوس اللي ادفعت فيك

لما اتغير المدير الفني لنادي النصر غالي حط ايده على قلبه وقال بس الى الشارع الى التشرد فراح يكلم بتوع الاهلي وقال انا جاهز وتحت امركم يلزمش ايوها خدمة قالوا له متشكرين والحمد لله ربنا كرمه وجددوا العقد والاقامة عليه.

عصام الحضري

اتشحتف شحتفة يا ولاده عشان يرجع الاهلي مرة يعيط في الفضائيات ومرة يكتب اعتذار رسمي ومرة يقول انا قابل بالعقوبات ولما راح كاس القارات وكسبنا ايطاليا قام قايل انا نفسي احترف في الدوري الايطالي هوه فيه زي الدوري الايطالي ونسي كل كلامه عن الاهلي لما رجع مصر واستنى بعد القارات اي حسنة ملقاش قام راجع يعتذر للاهلي تاني وطلع الخطيب قطع عليه الطريق وقال لم ولن نناقش عودة الحضري قام رايح الاسماعيلي وكل شوية نسمع خبر ان عصام الحضري يعرض خدماته على نادي كذا وكذا وكذا بس كذا مش موافق.

[أحمد سيف]

مشكلة اللاعب المصري هي مشكلة سلوكية قبل أن تكون مشكلة فنيه ... وبصراحه دي مش مشكلة اللعيبه بس لكن دي مشكلة معظم الشعب المصري ... اللي يصبح يلاقي في جيبه حق الأكل والسجاير ما بيبقاش عاوز يشتغل

[Abu Reem]

ميدو

الفرقة نزلت رجة تانية فميدو قال ان جه الطوفان حط ولدك تحت رجليك كلم كل معارفه في انجلترا عشان يروح فريق تاني في الدرجة الاولى وقعد في البيت وطنش النادي والنادي جمد مستحقاته المالية برده طنش على امل انه يشوف فرقه تاويه ولما ملقاش رجع لتدريبات النادي بتاع الدرجة التانية وقال للمدير الفني حقك عليا يا باشا وآدي قفايا أهوه

الغريب أن ميدو تلاقيه بيسخر جيش جرار من الصحفيين والإعلاميين لحشر أخباره الهايفة كل يوم في الجرائد ومواقع النت والتلفزيون

( ميدو مطلوب في النادي الفلاني ،، المدير الفني للنادي العلاني حلم وهو نايم بأن ميدو سينضم لفريقه ، ميدو بيفكر في اياكس ، الجماهير في توتنهام مستنية ميدو ، ميدو سيعود لفريق مصر القومي ، لماذا لا يعود ميدو لفريقنا القومي ،، )

مش فاهم واحد ما بيلعبش من شهور عاوزينه ازاي يلعب مع فريقنا ، واحد كل موسم بيلعب الكتير 4 أو 5 مباريات والباقي مصاب ، ده حتى في فترات الإعداد دايما مصاب ،، والله الجدع ده محظوظ قوي ، بياخذ ملايين ويلعبله 4 أو 5 مباريات وياريته مرة واحدة يحرز هدف مؤثر لفريقه يخليه يفوز كل أهدافه كمالة عدد ودايما شوبير يحشر اسمه في كل مناسبه عند الحديث عن منتخبنا ، وواضح أنه عامل بيزنز مع ميدو في مشاريعه الخاصة.

[adrianocrespo]

مشكلة اللاعب المصري هي مشكلة سلوكية قبل أن تكون مشكلة فنيه ... وبصراحه دي مش مشكلة اللعيبه بس لكن دي مشكلة معظم الشعب المصري ... اللي يصبح يلاقي في جيبه حق الأكل والسجاير ما بيبقاش عاوز يشتغل

ستيف بروس قال مره علي عمرو زكي انه عامل زي الصنايعي المصري

و صرح في حوار له

وهنا لا أعرف لماذا خطر بذهني نظرية "الصنايعي المصري" - مع كامل الاحترام لزكي- وهي أنه يذهب لأي عمل ويحصل على أجر، لكنه يرفض الالتزام والانضباط في عمله، فيتأخر مرة ويعتذر أخرى، حتى ينفق هذه الأموال فيبحث مجددا عن عمل.

الغريب ان المدرب بتاعه عرف منين ان الصنايعيه عندنا كده

[الحازم حسن]

والأغرب ان همه دول نفسهم اللي اللي متربعين على عرش أفريقيا وكسبوا الكاميرون وكوت ديفوار وايطاليا ومقطعين الدنيا كلها

ليه بيحصلهم كده ؟؟ وحالة التسول اللي بيعيشها المحترف المصري دي مش تستاهل دراسة من الجماعة اللي بيخططوا

[ابو محمود]

كل ماهو مصرى ويعمل فى مهنة ذات احتياج مهما كانت درجة ثاقفتة تجدة يقترب من النمردة او يكون كذلك فى اى مكان خارج او داخل مصر هناك سلوك غريب للمصرى عندما يكون معه فلوس الا من رحم ربى ودة ممكن تشاهدة فى التعامل داخل العائلات والاسر .. تربية وجهل بأصولها وكيف اننا اصبحنا نفعل عكس ثقافتنا الدينية ناهيكم عن الغش والتربح الغير شرعى من استغلال حاجة الناس

كل هذا ينعكس فى عدم احترامنا للعمل

... من الممكن ان تشاهد ذلك فى كل اماكن العمل المصرى فى الخارج والداخل ناهيك عن محاربة المصرى لاخية ان كان يعمل معة فى الخارج انها ثقافة الفقر التى تملكت منا فقر المال والعقول معآ

والدولة بكل ابواقها الاعلامية لا تفعل شيء من توجية معنوى وتهذيب للسلوك بل العكس تعلم الشباب كيفية لعب القمار والرهان فى السماح للأعلانات عن مسابقات تحض على الرزيلة وتضخ فى موادها الاعلامية من مسلسلات وافلام كيفية طريقة اخطف وأجرى ونط نطة واركب البطة بالفهلوة

ومن حسن الطالع ان الكل يكذب من اول رأس النظام الى البواب او حتى الشحاذ

كلهم اتفقو على النفاق والكذب فكيف يخرج اجيال تعرف العمل والجد واحترام الاخر والالتزام بالوقت

[rar]

صدقت يا حازم...

يا ريت تضيف للسته عودة شريف اكرامي... و من قبله هاني سعيد... و معاهم عماد متعب اللي احترافه فشل عشان صمم يلعب ماتش للأهلي بعد ما مضي عقد و بقي مش ملك نفسه...

كل الفشل اللي حضراتكو بتتكلموا عنه ده نتيجة سوء تصميم قواعد الثواب و العقاب في مصر في كل شئ... نتيجة جهل اداري تام... و تصلح في عام واحد صدقوني لو اداري ناجح مسك البلد...

الحسنة الوحيدة للخيبة دي هن اننا السنة الجاية هنتفرج علي دوري قوي جدا... و في الغالب نتيجته هنكسب بطولة أفريقيا تالت في يناير... و مين عارف، لو عملناها مع الجزاير و زامبيا...

[elfakhrany]

الغــــرور ....

[أسد]

إهتمامي بكرة القدم ولاعبيها ضعيف جداً أو يكاد يكون معدوم

ولكني أجدها فرصة لأوضح نقطة ..

غياب بعض القيم الهامة في المجتمع المصري .. هي التي تفرز تلك النوعية من المشاكل ..

لو سألت أي صاحب عمل .. أو أي مدير على موظفه (المصري) قد يمدحه لك كثيراً جداً .. وعن أداؤه . ومستواه المرتفع .. وذكائه .. الخ ..

ولكن ..

ولكنه سيقول .. ولكن ..

وستجد بعد "لكن" هذه .. مشكلات في أغلبها سلوكية ..

مفادها غياب قيمة العمل .. والجد والإجتهاد بشكل أكبر .. ضعف قيمة الإخلاص في العمل .. وبروز الطلصقة .. والدلع ..

هنا الحديث عن لاعبينن كره .. لا سياسة .. ولا أداء وزاري .. ولا إداري .. ولا أزمة مرور .. أو أزمة مياه النيل .. أو حتى إجتماع حزبي ..

يجب أن يعمل الجميع حتى نتغير .. وترتفع قيمة القيم المحترمة .. وتبرز وتكون هي منهاج حياتنا ...

فقد أمرنا ديننا بذلك

[ذهبية]

الفهلوة

هى السر اى واحد يشم نفسة شوية و يحس انة مطلوب من حد يبدا مبدا الفهلوة اعمل قليل و خدكتير

اتقل عليهم علشان يعرفوا قيمتك

لية تاخد قليل مع انة ممكن تاخد اكتر بكتير بشوية صوت عالى و قلة ادب او تكبير دماغ طالما هما محتاجينك يدفعوا غصب عنهم

[الحازم حسن]

الحسنة الوحيدة للخيبة دي هن اننا السنة الجاية هنتفرج علي دوري قوي جدا... و في الغالب نتيجته هنكسب بطولة أفريقيا تالت في يناير... و مين عارف، لو عملناها مع الجزاير و زامبيا...

مظنش اننا حنشوف دوري قوي لأنهم كالعادة حيلعبوا بعجرفة زايدة عن اللزوم على الرغم من خيبتهم الكبيرة في دوريات اوروبا

حيلعبوا بطريقة فجل يا حوش جرجير يا اوباش

[Abu Reem]

الحسنة الوحيدة للخيبة دي هن اننا السنة الجاية هنتفرج علي دوري قوي جدا... و في الغالب نتيجته هنكسب بطولة أفريقيا تالت في يناير... و مين عارف، لو عملناها مع الجزاير و زامبيا...

مظنش اننا حنشوف دوري قوي لأنهم كالعادة حيلعبوا بعجرفة زايدة عن اللزوم على الرغم من خيبتهم الكبيرة في دوريات اوروبا

حيلعبوا بطريقة فجل يا حوش جرجير يا اوباش

أحسنت ، فعلا اتلم متعوس على خايب الرجا .... ميدو ، وزكي ، وشيكابلا..... ده الزمالك هيشوف أيام سودة

الله يكون في عون حسن شحاته ،،، أصحاب الببزنس مع ميدو ، هيفرضوه عليه بالقوة ،،، الناس كلها بتتألق في سن 25 أو 26 في الاحتراف ، وإحنا عندنا الناس بترجع في هذا السن.

[الحازم حسن]

الناس كلها بتتألق في سن 25 أو 26 في الاحتراف ، وإحنا عندنا الناس بترجع في هذا السن.

كله من انفلونزا الخنازير منها لله هيه السبب الرئيسي في عودة محترفينا

[الحازم حسن]

حسنة قليلة تمنع بلاوي كتيرة