الشاب المعزة

[الباشمهندس ياسر]

مساء الورد

العنوان ده بفكرر اكتبه من بدرى و كل ما اقول هنزله ف الاجازة عشان نعرف نتناقش فيه براحتنا

الاقى الالتزامات اللى ف الاجازة اكتر من التزامات الشغل احيانا

الشاب المعزة هو وصف من بنات افكارى لحال شباب كتير قابلتهم ف حياتى

و اللى خلانى افكر ف الموضوع اكتر هو اهتمامى ف الفترة الماضية بموضوع الزواج

حسيت ان الناس ف مصر بتهتم ان الشاب يكون مقتدر ماديا و يا سلام لو من عائلة كويسة و يبقى ربنا كرمنا لو طلع معزة

يعنى ايه معزة بقى

الشاب المعزة هو الذى تنطبق عليه المواصفات التالية

1...لا بيهش و لا بينش

2...زى الاطرش ف الزفة

3...من ايدك دى لايدك دى

4...المعايير عنده مميعة ... مفيش ثوابت م الاخر كده

5...ملوش شخصية ... يعنى ايه شخصية اساسا

6...ملوش موقف .... مش موقف رمسيس و الله

7...كلامه محفوظ ومتوقع ... حاضر يا عمو او اللى تؤمرى بيه يا تانت او اللى تشوفيه يا حبيبتى او اعملى اللى انتى عايزاه

السؤال بقى

علل ... يعنى افطن

ليه الناس مش فاهمة ان الشاب لما يبقى رجيييييل اكيد هيحافظ على البنت ف رموش عينيه و انه اكيد هيحاول يعمل الصح دائما و ابدا

ليه الناس مش عارفه ان الحر اولى و احق بالشرف و الكرامة و الجود من اشباه الرجال

حد هنا لسه فاكر قصص الجدات و ان الغول م أكلش عياله

السؤال التقليدى

انت ليه كتبت الموضوع ده..؟

كتبته عشان عاوز اشوف وجهة النظر اللى ع الشط التانى من النهر

كتبته عشان اى حد مر بتجربة مشابهة يتفضل مشكورا ينقلها و يدينى الخلاصة منها

كتبته ك سؤال لكل اب و لكل ام ف المحاورات ... على اى الطرق انت؟؟

مساكم ورد و ياسمين

[بندق أفندى]

واجهت هذا الموقف مرة واحدة ليس معى شخصيا وانما مع أخى الذى يصغرنى ب 10 سنوات

راح خطب وتوالت المحاولات لخلق شخصية مميعة منه وهو ليس كذلك .. المهم اتفق جميع اخوانى ان تكون لى الكلمة الأخيرة فى القصة ..

واتفقت معه حسب تقييمى للموقف من زيارة أهل العروس .. اذا قلبت عليهم فليس له أن يخالف رأيى واتفقنا على هذا ..

ومشيت معهم واحدة واحدة .. وموافقة على كل الطلبات حتى كانت القشة التى قصمت ظهر البعير ..

الأم: عاوزين كمان يجيب صالون زيادة ..

أخى : لأ هو صالون أو أنتريه على قدر مساحة الشقة

انا : حاضر الصالون هدية منى

الأم : طيب هتجيب صالون بكم؟

أنا : تفرق معاكى فى ايه انك تعرفى السعر؟

الأم : آه ما هو تروحش تجيب صالون ب 2000 جنيه وتقول جيبت صالون

انا : الحقيقة لم يدر فى خيالى ان يكون مثل الصالون الجالسين عليه .. لأنه مثل ما فى بيتى .. وهو أوبيسون بالمناسبة ومعمول مخصوص عند بيرج

دى كانت القشة التى قصمت ظهر البعير .. وانقلبت الى تقفيل الموضوع وعدم ترك أى خط للرجعة ..

لأنه الأب كان يجلس فى طرف المجلس كأكبر مثال على الرجل الطيشة والمعزة وكل حاجة .. وانتهت القصة وثبت صحة نفاذ بصيرتى فيما بعد بشدة

دى التجربة اللى قابلت فيها الرجل المعزة او محاولة التمعيز اذا صح التعبير

نبذة صغيرة .. حمايا .. المهر كذا .. موافق .. طيب المؤخر زيه .. لأ وان كان عاجبك .. وعجبه ههههههههههههههه

[عنبو]

طيب هقولك على حاجه بقى فيه بقى شاب بيكون معزه فى الاول وبعد الجواز بيتحول الى كلب

يعنى يقعد يوافق يوافق وبعد الجواز يتحو ل الى كلب ومتعرفش لا تاخد فيه حق ولا باطل بس بجد بيكونوا اهل العروسه يستاهلوا

انت ايه رايك فى ده ياهندسه ده معزه ولا ايه ؟؟؟

[Egypt]

انا كنت اسد قبل الجواز

وكنت باتنح

واعمل مش فاهم

واستعبط

وبعض الاحيان ارخم واغتت

لدرجة ان الجوازة فى بعض الاحيان كانت هتفركش

لكت يا ابو الايسار يا اخويه

بعد الجواز ربنا يعزك اصبحت معزه

لا باهش ولا بانش

وحاضر ونعم

ازى الصحه الجو جميل

وربنا يخليلى مراتى

[بندق أفندى]

انا كنت اسد قبل الجواز

وكنت باتنح

واعمل مش فاهم

واستعبط

وبعض الاحيان ارخم واغتت

لدرجة ان الجوازة فى بعض الاحيان كانت هتفركش

لكت يا ابو الايسار يا اخويه

بعد الجواز ربنا يعزك اصبحت معزه

لا باهش ولا بانش

وحاضر ونعم

ازى الصحه الجو جميل

وربنا يخليلى مراتى

طب فين الاستعباط والتتنيح حتى؟ ههههههههه

[sherifhfm]

فيه موقف عمرى محنساه

كنت واقف فى محل ملابس رجالى بتفرج علشان عاوز اشترى قميص واذ فجأتن دخلت المحل واحدة ست وماشى وراها راجل -فى الصعيد غالبا لا تدخل الستات محلات لبس رجالى- وبدأت الست تدور فى القمصان المعروضه واختارت بعضها وبدأت تسأل على السعر وكل ده والراجل واقف يتفرج وبعدين لقيناه ميل عليها وقلها مش ممكن يا حبيبتى نشوف لون غير ده على علشان انا مش بحب اللون ده لقيناها فجأة اتنرفزت وشخطط فيه وقالت"اى حاجه انا اختارهالك تاخدها وانته ساكت واوعى تعترض عليها" وكان رد فعله انه قال ماشى يا حبيبتى انا اسف الست اخدت القمصان ودفعت الفلوس واحنا واقفين مش مصدقين الى بيحصل

مش عارف ايه ده

[adrianocrespo]

الأم: عاوزين كمان يجيب صالون زيادة ..

أخى : لأ هو صالون أو أنتريه على قدر مساحة الشقة

انا : حاضر الصالون هدية منى

الأم : طيب هتجيب صالون بكم؟

أنا : تفرق معاكى فى ايه انك تعرفى السعر؟

الأم : آه ما هو تروحش تجيب صالون ب 2000 جنيه وتقول جيبت صالون

انا : الحقيقة لم يدر فى خيالى ان يكون مثل الصالون الجالسين عليه .. لأنه مثل ما فى بيتى .. وهو أوبيسون بالمناسبة ومعمول مخصوص عند بيرج

و حتي لو كان الكلام كويس يا استاذ بندق

و الست هي اللي بتناقش و الراجل قاعد ملوش كلمه

الواحد ياخد بعضه و يهرب

لان البنت متربيه في بيت الكلمه ليه للست

و غالبا حتحب تبقي كده

[Egypt]

الأم: عاوزين كمان يجيب صالون زيادة ..

أخى : لأ هو صالون أو أنتريه على قدر مساحة الشقة

انا : حاضر الصالون هدية منى

الأم : طيب هتجيب صالون بكم؟

أنا : تفرق معاكى فى ايه انك تعرفى السعر؟

الأم : آه ما هو تروحش تجيب صالون ب 2000 جنيه وتقول جيبت صالون

انا : الحقيقة لم يدر فى خيالى ان يكون مثل الصالون الجالسين عليه .. لأنه مثل ما فى بيتى .. وهو أوبيسون بالمناسبة ومعمول مخصوص عند بيرج

و حتي لو كان الكلام كويس يا استاذ بندق

و الست هي اللي بتناقش و الراجل قاعد ملوش كلمه

الواحد ياخد بعضه و يهرب

لان البنت متربيه في بيت الكلمه ليه للست

و غالبا حتحب تبقي كده

عفوا الموضوع هباخد منحنى خطير

هيبدا السادة الرجال كل واحد يعمل فيها سى السيد واللى بارم ديله

بلاش نضحك على بعض

البيت زى المركب لازم يكون ليه ريس واحد ودائما الست

واللى يعمل دكر ويعترض ويتخانق مع مراته زى اللى بيتخانق فى قطر درجه تالته كل اللى معدى هيضرب فيك

دعوه الى كل الرجال كل واحد يقعد فى الكرسى بتاعه ويسيب سيدة المنزل تسير الامور براحتها

[بندق أفندى]

الأم: عاوزين كمان يجيب صالون زيادة ..

أخى : لأ هو صالون أو أنتريه على قدر مساحة الشقة

انا : حاضر الصالون هدية منى

الأم : طيب هتجيب صالون بكم؟

أنا : تفرق معاكى فى ايه انك تعرفى السعر؟

الأم : آه ما هو تروحش تجيب صالون ب 2000 جنيه وتقول جيبت صالون

انا : الحقيقة لم يدر فى خيالى ان يكون مثل الصالون الجالسين عليه .. لأنه مثل ما فى بيتى .. وهو أوبيسون بالمناسبة ومعمول مخصوص عند بيرج

و حتي لو كان الكلام كويس يا استاذ بندق

و الست هي اللي بتناقش و الراجل قاعد ملوش كلمه

الواحد ياخد بعضه و يهرب

لان البنت متربيه في بيت الكلمه ليه للست

و غالبا حتحب تبقي كده

عفوا الموضوع هباخد منحنى خطير

هيبدا السادة الرجال كل واحد يعمل فيها سى السيد واللى بارم ديله

بلاش نضحك على بعض

البيت زى المركب لازم يكون ليه ريس واحد ودائما الست

واللى يعمل دكر ويعترض ويتخانق مع مراته زى اللى بيتخانق فى قطر درجه تالته كل اللى معدى هيضرب فيك

دعوه الى كل الرجال كل واحد يقعد فى الكرسى بتاعه ويسيب سيدة المنزل تسير الامور براحتها

ههههههههههههههههههههههههههههههههههههههههههههههههههههههههه

سى السيد مش بالشخط والنطر يا ريس ايجيبت

الراجل مش بكلمته انما برعاية بيته واسرته هههههههههههه

[بندق أفندى]

الأم: عاوزين كمان يجيب صالون زيادة ..

أخى : لأ هو صالون أو أنتريه على قدر مساحة الشقة

انا : حاضر الصالون هدية منى

الأم : طيب هتجيب صالون بكم؟

أنا : تفرق معاكى فى ايه انك تعرفى السعر؟

الأم : آه ما هو تروحش تجيب صالون ب 2000 جنيه وتقول جيبت صالون

انا : الحقيقة لم يدر فى خيالى ان يكون مثل الصالون الجالسين عليه .. لأنه مثل ما فى بيتى .. وهو أوبيسون بالمناسبة ومعمول مخصوص عند بيرج

و حتي لو كان الكلام كويس يا استاذ بندق

و الست هي اللي بتناقش و الراجل قاعد ملوش كلمه

الواحد ياخد بعضه و يهرب

لان البنت متربيه في بيت الكلمه ليه للست

و غالبا حتحب تبقي كده

كلام حضرتك صح

بس لما تكون بتتكلم فيما يخصك وانت مش خبير التقييم فقط

حاجة تانية مهمة للغاية .. البنت فى بيت تتحكم فيه الأم تخرج وهى تريد رجل قوى الشخصية عكس الذى تراه كل يوم ودور فيمن تعرف هتجد كلامى صح بنسبة عالية

[esocial]

الموضوع ببساطة

لازم تكون شخصية الرجل أقوى من شخصية زوجته

لا تكون أقل ولا تكون متماثلة

الشخصية ليست فقط بالشخط والنطر والنرفذة والعصبية لا بس لازم يكون الرجل أكثر حكمة وذكاء من المرأة ولا بد أن يستخدم اسلحته المتاحة التى غالبا ما تكون معنوية للسيطرة على زمام الأسرة والسيطرة ليس معناها أن يكون جامح ومتزمت ويسعى الى أن يكون متحكم بغير حق وفى غير الصالح لا لابد ان يكون محبا لزوجته واولاده يسعى الى ان يجعلهم على احسن حال وبذلك ينال ما يتمنى ويحب .

[الباشمهندس ياسر]

واجهت هذا الموقف مرة واحدة ليس معى شخصيا وانما مع أخى الذى يصغرنى ب 10 سنوات

لأنه الأب كان يجلس فى طرف المجلس كأكبر مثال على الرجل الطيشة والمعزة وكل حاجة .. وانتهت القصة وثبت صحة نفاذ بصيرتى فيما بعد بشدة

دى التجربة اللى قابلت فيها الرجل المعزة او محاولة التمعيز اذا صح التعبير

ربنا يخليك لاخوانك و اخواتك و يديم بينكم المودة ... و انا بمثل و القراء جميعا ... امين

افتكر انى مرة اتعرفت ببنت و زورتهم و الموضوع دخل ف الجد .. و انا رايح اقعد مع والدها عشان اتفق معاه على طلباته

ملقيتش الراجل ... اه و الله يا حاج بندق ... قالولى ان احد اصدقائه جاتله ذبحة صدرية و راحله المستشفى

قلتلهم ان شاء الله خير .. و عموما اتصل بيه ليكون محتاج حاجة او اى خدمة اقدر اعملها

تانت قالتلى ...لا يا ياسر متتعبش نفسك

المهم ... انت كنت عاوز عمك ف ايه

قلتيلها حضرتك عارفه انى كنت جاى اشوف طلباته و المهر و الشبكة و كده يعنى

قالتلى طيب يا حبيبى ..اعتبرنى مكان عمك و اتفضل قول اللى عندك

كنت عاوز اضجك ساعتها بس مسكت نفسى لان ضحكتى عالية اوى و اكيد هتعمل مشكلة

المهم رحت مبتسم ابتسامة خضراء كده و قلتلها ... لا يا تانت ... الحاجات دى مع الرجالة بس

لانى هطلبها من عمى مش من حضرتك و هقرأ الفاتحة مع عمى مش مع حضرتك

و ربنا ما يوريكم الا كل خير ... حسيت انها هتطق من جنابها و تنفجر وهى فاعدة :blink:

الغريب ف الموقف ..ان البنوته كانت عاوزة تطير من ع الارض طير من الفرحة بيا و بموقفى اللى قالت عليه انها مشافتش حد كلم مامتها كده غيرى

و كالمتوقع ...الموضوع باظ .....

طيب هقولك على حاجه بقى فيه بقى شاب بيكون معزه فى الاول وبعد الجواز بيتحول الى كلب

يعنى يقعد يوافق يوافق وبعد الجواز يتحو ل الى كلب ومتعرفش لا تاخد فيه حق ولا باطل بس بجد بيكونوا اهل العروسه يستاهلوا

انت ايه رايك فى ده ياهندسه ده معزه ولا ايه ؟؟؟

ده انسان مش واضح يا محمد لانه يظهر خلاف ما يبطن

مينفعش ان احنا نغش ف حياتنا اصلا فضلا عن اننا نغش ف مسألة الزواج

و بعدين ايه الفكرة ف انه يتحول لكلب مع انسابه و اصهاره

انا مش قادر افهم...

الطبيعى ان الاصهار او الانساب يبقوا قيمة مضافة للشخص مش يبقوا عبأ

ولا انت ايه رايك

انا كنت اسد قبل الجواز

وكنت باتنح

واعمل مش فاهم

واستعبط

وبعض الاحيان ارخم واغتت

لدرجة ان الجوازة فى بعض الاحيان كانت هتفركش

لكت يا ابو الايسار يا اخويه

بعد الجواز ربنا يعزك اصبحت معزه

لا باهش ولا بانش

وحاضر ونعم

ازى الصحه الجو جميل

وربنا يخليلى مراتى

ليه....!!!؟؟؟

فيه موقف عمرى محنساه

كنت واقف فى محل ملابس رجالى بتفرج علشان عاوز اشترى قميص واذ فجأتن دخلت المحل واحدة ست وماشى وراها راجل -فى الصعيد غالبا لا تدخل الستات محلات لبس رجالى- وبدأت الست تدور فى القمصان المعروضه واختارت بعضها وبدأت تسأل على السعر وكل ده والراجل واقف يتفرج وبعدين لقيناه ميل عليها وقلها مش ممكن يا حبيبتى نشوف لون غير ده على علشان انا مش بحب اللون ده لقيناها فجأة اتنرفزت وشخطط فيه وقالت"اى حاجه انا اختارهالك تاخدها وانته ساكت واوعى تعترض عليها" وكان رد فعله انه قال ماشى يا حبيبتى انا اسف الست اخدت القمصان ودفعت الفلوس واحنا واقفين مش مصدقين الى بيحصل

مش عارف ايه ده

يا ما تشوف ف الدنيا ... و ربك اعلم بظروف الناس

يمكن صابر عليها ف النقطة دى لانه شايفها كويسه ف 1000 نقطة غيرها

متعرفش و متقدرش تحكم

[elfakhrany]

ياباشمهندس يـاسر عندك حق إن فعلا كثير من الأسر بيفضلو الشاب المعزة عشان يريحو دماغهم وميعرفوش إن ده ليه عواقب وخيمة على الأجيال اللى جاية .. وربنا يسترها علينا جميعاً

[Ahmed Unknown]

امبارح كنت بتصل بواحد صاحبى فى مصر عشان ابارك له على كتب كتابه اللى كان المفروض اول امبارح و اذا بالصدمة لقيته بيقولى ان الموضوع باظ بعد خطوبة اكتر من سنتين و قصة حب و كده حاولت اعرف الاسباب و ساعتها مكنتش لاقى مصطلح كويس ينطبق على اللى حصل لحد ما اكتشفت مصطلح التمعيز :lol:

و بهد دقيقتين من الكلام بسأل على حال الشله فى مصر اتفاجأت ان واحد تانى صاحبنا بعد الجواز بأكتر من سنتين و بعد ما ربنا زقه بطفل استمرت محاولات التمعيز اللى كان احيانا بيستسلم و احيانا بيناضل و يرفض و بعد كده انتهت بالطلاق للأسف

ومثال ثالث لأحد الاصدقاء هنا فى السعودية استمرت محاولات التمعيز معاه 5 سنوات بعد الجواز و بعد ما ربنا رزقه بطفلين و للأسف انتهت بالطلاق

احد النصائح التى نصحنى بيها احد اصدقائى فى مصر , اتجوز يا ابنى من عندك من السعودية او من اى حته من العالم و سيبك من مصر

قلت له ليه رد عليا و قالى "الناس فى مصر اتجننت" :blink:

فواضح ان المشكله مش بس ساعة الخطوبة ووقت اما تيجى تتقدم لأ دى بتستمر لبعد الجواز لسنوات

[Alshiekh]

طيب وأيه رأى الباشمهندس ياسر ورأى الاخوة الافاضل فى الشاب ( الراجل ) الذى يذهب ليخطب أو يتزوج ويقول :

أنا مش عايز منكم أى حاجة ، أنا كفاية على انكم حاتدونى بنتكم بشنطة هدومها او حتى من غيرها كمان أنا موافق ، كفاية عليكم ربيتوها وكبرتوها وطلعتوها بنت مؤدبة ، وبنتكم ان شاء اللهى اشيلها فى عينى .

ويرد اهل العروسة :

يا ابنى احنا بنشترى راجل ، لو حتى نيمتها على حصيرة طالما مبسوطين ومتهنيين ربنا يوسع عليكوا واللى ماتقدرش تجيبوا يابنى احنا رقبتنا سدادة وكفاية علينا ان بقى لنا ابن جديد .

الناس ليه متخيلة ان الجواز موقعة حربية ولازم يطلع واحد منصر وفائز بالغنائم وواحد مهزوم وخسران الجلد والسقط.

الجواز ياجماعة مودة ورحمة ونسب ، ومافيش مانع ابدا ان العريس يطيب خاطر نسايبه بحلو الكلام ويتفاهم بهدوء لو شايف انهم خايفين منه وبيتشددوا فى الضمانات علشان بنتهم.

الاهل اللى بيتشددوا بيكونوا قلقانين على البنت لان العادات والتقاليد والقانون فى صف الرجل وليس المرأة ، لكن الاهل الذين يثقون فى العريس دائما مايتساهلون فى كل شيئ.

اما القلة الطماعة او الجشعة فهى لاتمثل المجتمع بحال .

شيئ آخر مهم ان الشاب المعزة ده ياباشمهندس دائما بيكون من بيئة على اد حالها وعايز يتشعلق فى بيئة اعلى منه واهل العروسة بيكونوا عارفين كده علشان كده بيحاولوا يسخطوه لمعزة او نعجة !

[فــيــروز]

الجواز ياجماعة مودة ورحمة ونسب ، ومافيش مانع ابدا ان العريس يطيب خاطر نسايبه بحلو الكلام ويتفاهم بهدوء لو شايف انهم خايفين منه وبيتشددوا فى الضمانات علشان بنتهم.

الاهل اللى بيتشددوا بيكونوا قلقانين على البنت لان العادات والتقاليد والقانون فى صف الرجل وليس المرأة ، لكن الاهل الذين يثقون فى العريس دائما مايتساهلون فى كل شيئ.

مش بس كده حضرتك ..

ده لو الأهل تساهلوا فى الطلبات و اعتبروا العريس المتقدّم لبنتهم ده زى إبنهم و قدّروا ظروفه و أنّه فى بداية حياته بيكون رد الفعل غالبا سوء فهم و سوء تقدير لهذا الموقف و اعتقاد إن العروسه معيوبه ولاّ أهلها عاوزين يلزّقوها .. و تلاقى نفس العريس اللىّ كان بيقول لهم راعوا ظروفى هو نفسه اللىّ بيقول لنفسه الناس دى ليه بتتساهل معايا و مش زى غيرهم ناويين على دبحى الموضوع فيه إنّ !!

للأسف الشديد فيه أمراض نفسيه و مجتمعيه كتير بتظهر فى موضوعات الزواج دى .. سواء من أهل العريس أو أهل العروس .. ربنا يرحمنا الجميع و يوفّق الجميع لما فيه الخير

[عنبو]

إقتباس(محمد العنبى @ Jul 30 2009, 09:41 PM)

طيب هقولك على حاجه بقى فيه بقى شاب بيكون معزه فى الاول وبعد الجواز بيتحول الى كلب

يعنى يقعد يوافق يوافق وبعد الجواز يتحو ل الى كلب ومتعرفش لا تاخد فيه حق ولا باطل بس بجد بيكونوا اهل العروسه يستاهلوا

انت ايه رايك فى ده ياهندسه ده معزه ولا ايه ؟؟؟

ده انسان مش واضح يا محمد لانه يظهر خلاف ما يبطن

مينفعش ان احنا نغش ف حياتنا اصلا فضلا عن اننا نغش ف مسألة الزواج

و بعدين ايه الفكرة ف انه يتحول لكلب مع انسابه و اصهاره

انا مش قادر افهم...

الطبيعى ان الاصهار او الانساب يبقوا قيمة مضافة للشخص مش يبقوا عبأ

ولا انت ايه رايك

انا قصدى ان بيكون فيه انسان طيب وسلبى فى نفس الوقت فده بيقعد يستحمل وبيقول اهو جوازه والسلام وبعد لما يتجوز ويتمكن والفاس تقع فى الراس يطلع على العروسه او اهلها كل اللى عملوا فيه

هذا هو المقصود كان معكم (محمد بن العنبى )^الروش

[أحمد سيف]

طيب وأيه رأى الباشمهندس ياسر ورأى الاخوة الافاضل فى الشاب ( الراجل ) الذى يذهب ليخطب أو يتزوج ويقول :

أنا مش عايز منكم أى حاجة ، أنا كفاية على انكم حاتدونى بنتكم بشنطة هدومها او حتى من غيرها كمان أنا موافق ، كفاية عليكم ربيتوها وكبرتوها وطلعتوها بنت مؤدبة ، وبنتكم ان شاء اللهى اشيلها فى عينى .

ويرد اهل العروسة :

يا ابنى احنا بنشترى راجل ، لو حتى نيمتها على حصيرة طالما مبسوطين ومتهنيين ربنا يوسع عليكوا واللى ماتقدرش تجيبوا يابنى احنا رقبتنا سدادة وكفاية علينا ان بقى لنا ابن جديد .

الناس ليه متخيلة ان الجواز موقعة حربية ولازم يطلع واحد منصر وفائز بالغنائم وواحد مهزوم وخسران الجلد والسقط.

الجواز ياجماعة مودة ورحمة ونسب ، ومافيش مانع ابدا ان العريس يطيب خاطر نسايبه بحلو الكلام ويتفاهم بهدوء لو شايف انهم خايفين منه وبيتشددوا فى الضمانات علشان بنتهم.

الاهل اللى بيتشددوا بيكونوا قلقانين على البنت لان العادات والتقاليد والقانون فى صف الرجل وليس المرأة ، لكن الاهل الذين يثقون فى العريس دائما مايتساهلون فى كل شيئ.

اما القلة الطماعة او الجشعة فهى لاتمثل المجتمع بحال .

شيئ آخر مهم ان الشاب المعزة ده ياباشمهندس دائما بيكون من بيئة على اد حالها وعايز يتشعلق فى بيئة اعلى منه واهل العروسة بيكونوا عارفين كده علشان كده بيحاولوا يسخطوه لمعزة او نعجة !

متفق معاك 100% يا استاذ محمد ... الجواز في مصر بقى زيه زي أي حاجه خناقه واستقطاع ... أنا شخصيا كان ليا تجربة سيئة في موضوع الخطبة في مصر والجوازه اتفشكلت بسبب تافه جدا ... ورغم إني زعلت في البداية لكن حمدت ربنا بعد كده لإن الناس اللي بتفكر بعقليه زي دي الواحد ما يزعلش عليهم.

العكس تماما لما تقدمت لزوجتي الحالية وهي بالمناسبة فلسطينية وليست مصرية ... لما جيت أتكلم مع أبوها في الماديات وأنا هجيب ايه وانت هتجيب ايه ... الراجل بكل بساطه قالي احنا عندنا البيت بيت الراجل والست بتروح بيت جوزها بشنطة هدومها وبترجع منه لا قدر الله بشنطة هدومها أيضا ... في المقابل بما إن البيت بيتك وهيا هتكون مراتك فأنا مش بتدخل في نوعية وقيمة الأثاث والكماليات ... أنا كل اللي يهمني يبقى عندكم سرير تناموا عليه ... أي حاجه بعد كده تتفقوا عليها وتجيبوها براحتكم ... وأنا وأخواتها هنجيب شوية أجهزة للمطبخ كهدية ... وطبعا ما فيش حاجه اسمها قائمة منقولات وكلام فاضي ... المهر دفعته كاش لمراتي وأبوها زودلها عليه واشترت بيه كام طقم ذهب حسب عاداتهم.

بصراحه الراجل فعلا أكبرته واحترمته بعد ما قال الكلمتين دول والتزم بيهم ... هوا كان شرطه الوحيد إن كتب الكتاب يكون بأسرع ما يمكن وفعلا كتبنا الكتاب بعد قراءة الفاتحه بشهر واحد والدخله كانت بعدها ب ست شهور. أنا شخصيا عجبتني الطريقة العربية في الجواز ... الأمور بسيطة والمسؤوليات والالتزامات واضحة ومنطقية ... إن شاء الله لما آجي أجوز بناتي هجوزهم بالنظام ده. معزه بقى ولا جدي مش مهم ... المهم إني باعمل اللي أنا مقتنع إنه صحّ ويتفق أكثر مع التعليمات الدينية والغرض من الزواج والمنطق السليم.

[metwallly]

[quote

متفق معاك 100% يا استاذ محمد ... الجواز في مصر بقى زيه زي أي حاجه خناقه واستقطاع ... أنا شخصيا كان ليا تجربة سيئة في موضوع الخطبة في مصر والجوازه اتفشكلت بسبب تافه جدا ... ورغم إني زعلت في البداية لكن حمدت ربنا بعد كده لإن الناس اللي بتفكر بعقليه زي دي الواحد ما يزعلش عليهم.

العكس تماما لما تقدمت لزوجتي الحالية وهي بالمناسبة فلسطينية وليست مصرية ... لما جيت أتكلم مع أبوها في الماديات وأنا هجيب ايه وانت هتجيب ايه ... الراجل بكل بساطه قالي احنا عندنا البيت بيت الراجل والست بتروح بيت جوزها بشنطة هدومها وبترجع منه لا قدر الله بشنطة هدومها أيضا ... في المقابل بما إن البيت بيتك وهيا هتكون مراتك فأنا مش بتدخل في نوعية وقيمة الأثاث والكماليات ... أنا كل اللي يهمني يبقى عندكم سرير تناموا عليه ... أي حاجه بعد كده تتفقوا عليها وتجيبوها براحتكم ... وأنا وأخواتها هنجيب شوية أجهزة للمطبخ كهدية ... وطبعا ما فيش حاجه اسمها قائمة منقولات وكلام فاضي ... المهر دفعته كاش لمراتي وأبوها زودلها عليه واشترت بيه كام طقم ذهب حسب عاداتهم.

بصراحه الراجل فعلا أكبرته واحترمته بعد ما قال الكلمتين دول والتزم بيهم ... هوا كان شرطه الوحيد إن كتب الكتاب يكون بأسرع ما يمكن وفعلا كتبنا الكتاب بعد قراءة الفاتحه بشهر واحد والدخله كانت بعدها ب ست شهور. أنا شخصيا عجبتني الطريقة العربية في الجواز ... الأمور بسيطة والمسؤوليات والالتزامات واضحة ومنطقية ... إن شاء الله لما آجي أجوز بناتي هجوزهم بالنظام ده. معزه بقى ولا جدي مش مهم ... المهم إني باعمل اللي أنا مقتنع إنه صحّ ويتفق أكثر مع التعليمات الدينية والغرض من الزواج والمنطق السليم.

بجد دى أجمل طريقة جواز شفتها وربنا يباركلك فى زوجتك ويرزقك الذرية الصالحة :blink:

بالمناسبة بقى زوجتك ما عندهاش آخت صغيرة ولا حاجة :)

تم تعديل 2 أغسطس 2009 بواسطة metwallly

[أحمد سيف]

بجد دى أجمل طريقة جواز شفتها وربنا يباركلك فى زوجتك ويرزقك الذرية الصالحة

بالمناسبة بقى زوجتك ما عندهاش آخت صغيرة ولا حاجة

الله يكرمك يا حاج متولي ... بس أوعى تكون زي الحاج متولي اللي في المسلسل

والله كنا نتشرف بدخولك العائلة ... بس للأسف العرايس كلهم طاروا ... لو مش مستعجل أوي ممكن تستنى الجيل الجديد :blink: