تلغراف صعيدى

[maksoof]

الحكاية دى حقيقية حكاها واحد قريبنا (صعيدى) كان وكيل نيابة في الصعيد - مش فاكر فى أى محافظة- فى أوائل الخمسينات و وصله التلغراف الآتى من قرية صغيرة فى المحافظة:

حيص ليص يا نيابة

آبَكْر واد حمبوط

عمل له شَمَطَه من زٍجْزٍجْة الشَمْبرَه لعَيـّاط الديوك

وجّع عبغنى من علحيط فنكسرت عمبوصته

و إن كانت يا نيابة راسك مبلولة ما تحلجيهاش الا هون

محمد جاعود محمدين

سأترك التفسير للقراء الكرام

[amir]

صعيـدى

أنت بتعرف لغات و متنور

مفيش داعـى بقـى تحرجنا عشان احنا مابنعرفش

:angry: :angry:

gra:-

[فــيــروز]

اقول انا

العجل فى بطن امه !! stnd::

بس اعتقد الجمله الاخيره دى

و إن كانت يا نيابة راسك مبلولة ما تحلجيهاش الا هون

تعنى تعالى يا نيابه على وجه السرعه .. يعنى لو وكيل النيابه واخد دوش و راسه مبلوله وناوى يحلقها بعد ما غسل راسه بشامبو ضد القشره يبقبى ييجى يحلق عند حلاق الصحه اللى فى الكفر عشان ما يتاخرش .. phn:

تم تعديل 21 نوفمبر 2003 بواسطة فــيــروز

[صعيدي]

حيص ليص يا نيابة

الحقى يا نيابة

آبَكْر واد حمبوط

آبَكْر ولد شقى

عمل له شَمَطَه من زٍجْزٍجْة الشَمْبرَه لعَيـّاط الديوك

عمل مشكلة نتيجة صراخ الديوك اللى عند الجيران

وجّع عبغنى من علحيط فنكسرت عمبوصته

القى بعبد الغنى من فوق الجدار مما أدى الى كسر فى نهاية العمود الفقرى

و إن كانت يا نيابة راسك مبلولة ما تحلجيهاش الا هون

الترجمة الحرفية للجملة تعنى اذا كنت مغسلت رأسك و مستعقد للحلاقة فالغى الموضوع وتعالى احلقها هنا اقضل

وكنها تعنى (برجاء الوصول بسرعة)

والله أعلم

[maksoof]

ما شاء الله يا فيروز على الذكاء! إنتى يا إما إسكندرانية يا إما فيكى عرق إسكندرانى (وش واحد حيجيب لنفسه المشاكل)

طبعا تفسير أخونا صعيدى أغلبه صح فيما عدا الآتى:

أولا الناس دول بيعتبروا النيابة واحدة ست (متوحشة و لبط و تقدر تمرمغ أجدع شنب فى التراب) و عشان كدة بيحترموها و بيحاولوا يتقوا شرها بقدر المستطاع.

حيص ليص يا نيابة: حيث ليس يا نيابة أى حيث أنك ليست موجودة هنا فى القرية

أبكر واد حمبوط: أبو بكر ولد شقى

عمل له شمطة من زجزجة الشمبرة لعياط الديوك: عمل خناقة من ساعة ما العصافير زقزقت فى الفجر حتى صاحت الديوك فى الليل (طول اليوم)

الباقى كما فسره أخونا صعيدى و أختنع فيروز.

ملحوظة لفيروز:

برجاء العلم أن الترجمة الدقيقة عاليه قام بها أحد مشابكنا ماركة مشبكترونك اللى بتمتاز عن المشابك السويسرية بمعرفتها لعدد كبير من اللغات.

[Lighthouse]

ماشاء الله عليكم

العلم حلو صحيح

بتعرفوا لغات اهه stnd::

بس حلوة قوي يامكسوف المشابك اللى بتعمل عملية ترجمة فورية دي هههههههه

[maksoof]

ماشاء الله عليكم

العلم حلو صحيح

بتعرفوا لغات اهه  stnd::

بس حلوة قوي يامكسوف المشابك اللى بتعمل عملية ترجمة فورية دي هههههههه

دي مشابك بتعمل العجب يا لايتهاوس. حضرتك زورى "شركة حساس ليميتد للأعلانات" و شوفى بنفسك!