كيف تتخلص من همومك

[اميره]

كيف تحرق همك قبل ان يحرقك ..؟

::

كم مرة أحسست بالألم يعتصر جوانبك ..؟

كم مرة أحسست أنك لا تقوى على البكاء، وأن دموعك جفت .؟

::

تعجز عن البكاء...

ولكن الألم ما زال يسكن قلبك... والحرقة تعصرك ...

::

خوف + هم + حزن + تردد + قهر ..

هذه بعضاً من الأحاسيس التي ربما قد أحسست بها يوماً ما ...

ولكن لا أحد يدري بمشاعرنا الدفينة التي لا ترقى للسطح ...

::

هل تريد بالفعل التخلص من همومك ..؟

إذا أحضر ورقة وقلم وعود ثقاب أعمل الآتي .. وبدون تردد ..

أكتب كل ما يحزنك... كل همومك... كل مشاكلك...

أكتبها كلها على هذه الورقة وبصدق وكأنك تتحدث لشخص عزيز عليك ...

أكتب وبدون خجل أو استحياء فلا أحد سوف يطلع على ما كتبت ..!

سوى الله عز وجل,,

أكتب و أكتب وحتى لو استمرت تلك العملية أيام....

فقط أكتب ولا تقرأ ما كتبت ..!

بعد ذلك قم وبدون تردد و .. أحرق تلك الورقة ..

أحرق تلك الأوراق وأستشعر بذلك أنك تحرق همومك معاها ..

سوف تتحول تلك الأوراق إلى رماد ...!!!

ومعها همومك...

وتذكر أنك لن تستطيع بعدها رؤية ما كتبت لأنه أصبح رماداً ...

ومعها أيضاً همومك ..

لا تحاول أن تتذكر تلك الهموم لأنها أصبحت رماداً ..

^^ هذه التجربة نجحت مع الكثيرين بشهادة خبراء ^^

و

مهم جداً أن تقتنع بأن همومك احترقت وتحولت إلى رماد فعلا

.صحيح العمليه يوجد بها خيال وصعب التخلص من هذه الهموم بسهوله لكن

العمليه نفسيا وحاول أن تتحكم بنفسيتك قليلا وأقنع نفسك بأن العمليه سوف تنجح

ولا تستعجل النتائج لأن النتيجه تأتي مع مرور الوقت,,

وأولا واخيرا إجعل إيمانك بالقادر على كل شئ أكبر وإستعن به على كل شئ وبكل شئ,,

واخيرا

أختم موضوعي بهذه الكلمات الرائعة

إذا أصابك هم فلا تقل

يا رب ... إن همي كبير

ولكن ..

قل يا هم ... إن ربي كبير

[بركة]

اختنا الفاضلة اميرة اهلا بيكي في محاورات المصريين

شكرا على اضافاتك الجميلة في هذا الباب

هناك مقولة غيرت حياتي كلها من ساعة اما سمعتها من دكتور ابراهيم الفقي

وهي نصيحة لمن يعيش الذكريات المؤلمة التي تمر عليه باستمرار ويصر على تذكرها دائما

حين قال" هل تريد ان تعيش الباقي من عمرك في الماضي بآلامه واحزانه وتكون سجين هذه المشاعر السلبيه دائما ,

إسأل نفسك لو عايز تعيش سعيد تفتكر بالطريقة دي وبتفكيرك السلبي ده هتوصل للسعادة في يوم من الأيام ؟ "

.............اللهم لا كرب وأنت الرب..................

دمتي بخير

أختك بركة .. :lol:

تم تعديل 31 يوليو 2009 بواسطة بركة

[جيمي]

انا بتهيالي حضرتك ببتكلمي عن الهموم والاحزان اللى بقت فى طور الذكريات ممكن فى الحاله دي نتخلص منها بالطريقه دي انما لما تكون لسه قائمه يبقى نصرف ازااااااااااااي

[esocial]

:lol: :lol: B)

[اميره]

جيمى صدقينى اناكتبت الموضوع دا لان بجد ناس كتير بتتالم ومفيش حد حاسس بيها وانا اول الناس دى وصلت فعلا لمرحله ان فقدت المتعه فى العيش.... وكل شخص بيتالم على طريقته ولكن فى الاخر كلها هموم واحزان بتبعدنا جدا عن شئ اسمو السعاده عشان كدا لازم نحاول ننسى بكل الطرق والوسائل مهما كان الثمن تعرفى جيمى ان انا كتبت الكلام دا وانا بداخلى نهر من الاحزان والالم ومش بقول كلام وخلاص لا والله دى حقيقه وبتمنى من الله انو يخرجنى من الهم انا وكل المهمومين امين يارب العالمين وشكرا حبايبى على ردودكم :unsure:

[جيمي]

جيمى صدقينى اناكتبت الموضوع دا لان بجد ناس كتير بتتالم ومفيش حد حاسس بيها وانا اول الناس دى وصلت فعلا لمرحله ان فقدت المتعه فى العيش.... وكل شخص بيتالم على طريقته ولكن فى الاخر كلها هموم واحزان بتبعدنا جدا عن شئ اسمو السعاده عشان كدا لازم نحاول ننسى بكل الطرق والوسائل مهما كان الثمن تعرفى جيمى ان انا كتبت الكلام دا وانا بداخلى نهر من الاحزان والالم ومش بقول كلام وخلاص لا والله دى حقيقه وبتمنى من الله انو يخرجنى من الهم انا وكل المهمومين امين يارب العالمين وشكرا حبايبى على ردودكم :unsure:

:lol: mfb:

ربنا يفرج همك يا اخت اميره ...... الحل فعلا زي ما قالت العضوه الفاضله بركه واضيف عليه كمان من كلام ابراهيم الفقى ان بعد مانسي الذكريات الاليمه والهموم اخد نفس عميق واكلم نفسي بالطريقه اللى تدعمني وافكر فى المستقبل واحقق نجاح وساعنها هيكون النجاح ده هوه النهايه الجذريه لكل الذكريات السلبيه اللى فاتت ........ لو فشلت كل المحاولات السابقه وظلت الشخصيه مرتبطه بالهموم والاحزان اللى حضرتك بتتكلمي عنها يبقى مع احترامى للدكتور ابراهيم الفقي ده وسواس قهري ومحتاج لعلاج

اخوكي جيمي

تم تعديل 1 أغسطس 2009 بواسطة جيمي

[اميره]

السلام عليكم ..... انا متفقه تماما مع كلامك جيمى انت وبركه وبجد مبسوطه كتير ان اتعرفت على اشخاص مستوى فكرهم عالى زى الموجودين هنا... مع ان الاول افتكرتك بنت بس ماتفرقش المهم فى الاخر بنكتسب اصدقاء حقيقين ونفيد بعض ونتكلم بقلب صافى ... وبشكرك اخت بركه على دعواتك الجميله ربنا يجعلها فى ميزان حسناتك

[مسالم]

السلام عليكم ..

عجبتني الفكره .. ولكن ...!!!

لكن فكرت لمدة دقيقه .. وقلت لنفسي برضه بنفكر في الهم ونحاول نستجمع كل الاحزان والهموم .. وبعد ما قلوبنا تتقطع وتنفطر من الحزن والالم .. نحرق و نوّلع .. وكل نار تصبح رماد ... يا جماعه مش ممكن بعد نسترجع همومنا واحزاننا نقدر نرجع لحياتنا الطبيعيه بسرعه ..

طيب ايه رأيكم لو استخدمنا نفس الفكره الجميله دي في ان نستجمع كل الافراح والمواقف الجميله اللي عشناها .. ياريت نكتب كل اللي عندنا ومش عند غيرنا .. ياريت فعلا نكتب كل المميزات .. اتحدى ان اجد من هو دون المستوى .. او ان الهم خُلق من اجله فقط .. كلنا عندنا مميزات احسن من بعضنا .. بس لو فكرنا في حسننا...

[hOuSsAm]

السلام عليكم ..

عجبتني الفكره .. ولكن ...!!!

لكن فكرت لمدة دقيقه .. وقلت لنفسي برضه بنفكر في الهم ونحاول نستجمع كل الاحزان والهموم .. وبعد ما قلوبنا تتقطع وتنفطر من الحزن والالم .. نحرق و نوّلع .. وكل نار تصبح رماد ... يا جماعه مش ممكن بعد نسترجع همومنا واحزاننا نقدر نرجع لحياتنا الطبيعيه بسرعه ..

طيب ايه رأيكم لو استخدمنا نفس الفكره الجميله دي في ان نستجمع كل الافراح والمواقف الجميله اللي عشناها .. ياريت نكتب كل اللي عندنا ومش عند غيرنا .. ياريت فعلا نكتب كل المميزات .. اتحدى ان اجد من هو دون المستوى .. او ان الهم خُلق من اجله فقط .. كلنا عندنا مميزات احسن من بعضنا .. بس لو فكرنا في حسننا...

فكرة ممتازة جدا يا مسالم وبكدة لما نشوف افراحنا ومميزاتنا نقدر بشئ ما نتغلب على احزانا

[اميره]

لا امانع انها فكره جيده بس صعب انسان بيعيش اصعب لحظات فى حياتو من الم وحزن ويتحدى نفسو ويبتسم وبداخله الف دمعه

[بركة]

معلش اضافة كمان من كلمات دكتور ابراهيم الفقي " زيارة للمستشفى قسم الحروق كافية جدا لتشعر بنعم الله عليك , وان لم تكفي ادخل على قسم الحوادث "

ومن عندي بقه روح المقابر .......فمادمت حيا فهناك أمل وأختم بالحديث القدسي اللي موجود في امضائي

واللي بصدق الايمان بما فيه ستتغير كل الدنيا وترى النور دائما لائحا في الافق

" قال الله تبارك وتعالى أنا عند ظن عبدي بي فليظن بي ما شاء " .

[عنبو]

والله فكره جميله سواء حرق الذكريات الاليمه او استعادة الذكريات السعيده

انا من مدمنى علم التنميه البشريه

ياه بقى الصبح كده وانت اقايم من النوم وقفت فى البالكون واخدت نفس عميق وكتمته وطلعته على مراحل وهكذا وتفتكر كذا حدث يكون سعيد وفيه ثقه بالنفس وتنزل شغلك هتلاقى نفسك بتتصرف على اللى انت اعتقدته فى نفسك

على العقل بتاع الانسان ناجح بنسبة ميه بالمائه يعنى اذا وجهته للفشل هجيب اخر مراحل الفشل وبالتالى انت هتفشل لكن عقلك هيبقى نجح انه جعلك تفشل مهو انت اللى وجهته وبالعكس طبعا ول وجهته الى النجاح هيوصل بيك لاعلى دراجات النجاح

[عبير يونس]

الموضوع فعلا جميل يا أميرة

و أنا مع الرأي اننا نفتكر نعم ربنا علينا لتخطي الهموم و الأحزان

{ و إن تعدوا نعمة الله لا تحصوها}

نعمة واحدة فقط لا نحصيها

شوفي نعمة البصر اللي بتقدري تقرأي بيها المحاورات مثلا و شاركتي بيها معانا

نعمة العقل اللي خلاكي تفكري في الموضوع

نعمة الحركة اللي خلتك تكتبيلنا الموضوع

كفاية دول أوي

فكري بقى كام واحد محروم من نعمة البصر

و تخيلي نفسك -عافاك الله- بدون هذه النعمة لمدة ساعة واحدة فقط

اغمضي عينيك و اطفئي النور و تحركي بدون استخدام عينيك لمدة ساعة

شوفي يا أميرة

السعادة دي سر من أسرار المولى عز وجل

و لا يمكن شراؤها و لا الحصول عليها دون أن يعطيها الخالق

و الحقيقة أنه لا توجد أسباب للسعادة

عن نفسي مررت بمواقف كثيرة مليئة بالهموم التي لا يطيقها بشر

و كنت أتعجب بشدة كيف تمر علي لحظات من السعادة و أنا وسط كل تلك الهموم

و بدون أن تزول وبدون أن يتغير أي شيء

و مع ذلك أشعر بالسعادة

السعادة هبة من الله عز و جل يمنحها لمن يرضى

لذلك قالوا السعادة في الرضا

و أذكر لك الحكاية القديمة المعبرة جدا عما أقول

يحكى في قديم الزمان عن ملك شاب كان تعيسا جدا

و حار فيه الأطباء

لا يوجد شيء من حوله يجعله سعيدا

كل الجاه و المال و السلطان

كل متع الدنيا

كل ما يريد رهن إشارته

و مع ذلك لم يكن يوما سعيدا

و في يوم جاءه أحد الحكماء بحل

فقال له لن تكون سعيدا يا مليكي

إلا إذا ارتديت قميص أكثر الناس سعادة

فنادى الملك في جنوده أن يبحثوا في كل مكان عن أسعد شخص و يأتوا له بقميصه بأي ثمن

و بحثوا في كل مكان حتى وجدوا واحدا من عامة الناس مبتسما و تبدو عليه إمارات السعادة

و لا يشكو هما واحدا

ففرحوا كثيرا

و أتوا به للملك

و عندما رآه الملك رحب به و استبشر بانفراج همه

و عندما طلب الملك قميص ذلك الشخص ليشتريه

تبين له أنه لا يملك قميصا

[اميره]

مصريه انتى كلامك بجد جميل ومقدرش اقول انو مش صحيح بس ساعات الدنيا بتضيق بينا زى الطوق بيلف ويلف لحد مايخنقك بس الحمدلله ربنا بيفرجها بس بتبقا زى قرصة ودن للانسان عشان يفكر هو عمل ايه غلط فى حياتة وربنا بيعاقبو عليه فى الدنيا احسن مايبقى الحساب شديد فى الاخره ... تحياااتى للجميع

[متشوقة للمدينة]

اميره انا من شهرين تقريبا وخاصة بعد الولاده كل لما اكون عايزه اعيط قلبى هيقف من الحزن وفعلا العياط مش عايز يطلع كنت مفكره ان الموضوع ده خاص بيه لكن طله ممكن اى حد حزين يعانى منه وهو فعلا عدم القدره على البكاء اميره انتى تعرفى الموضوع ده فى منتهى الصعوبه انا مجرباه صعب جدااااااااااا

[اميره]

ليه متشوقه دا انتى المفروض تكون دى اسعد لحظه بالنسبالك انجاب طفل ؟ على العموم القلوب تحمل من الاسرار والهموم مالايعد ولايحصى .. كل الى اقدر اعملو وبايدى ان ادعى المولى عز وجل ان يفك كرب كل مهموم ويصلح احوالنا جميعا للخير امين يارب

[اميره]

متشوقه فعلا جوانا احاسيس كتير بنخبيها حتى عن اقرب الناس لينا سواء حزينه او سعيده بس فى الاخر بتاثر فينا جدا وحسب كل شخص فى الى بيستسلم وينهزم واخر يصر على الانتصار وممارسه الحياه حتى فى اضيق احوالها .. وعلى راى المثل (اشتدى ياازمه تتفرجى) اللهم مافرج كرب المسلمين واعينا على طاعتك ياارحم الراحمين.

[Ahmed Ramadan]

السلام عليكم و رحمة الله و بركاته

سبحان الله ما و جدت مشكلة و الا ووجد لها حل فى الاسلام

كان رسول الله صلى الله عليه و سلم اذا اصبح و اذا امسى يقول

اللهم انى اعوذ بك من الهم و الحزن و اعوذ بك من العجز و الكسل و اعوذ بك من غلبة الدين و قهر الرجال

دعاء جميل من دعى به و هو صادق النية و حسن الظن بالله فرج الله به كربه فى الدنيا و الاخرة

[ذهبية]

انا كنت زيك يا متشوقة بعد الولادة و كانت عندى حالة بكاء مستمر و مش طايقة البيبى و لا عايزة ااقرب منة و لا اشيلة

وماما ساعتها قالت ليا انتى محسودة و بعدها لما سالت الدكتور قالى دى حالة بتيجى لبعض الامهات الجدد اللى مش متعودين

على مسئوليات البيبى و ناتج من تغيرات فى الهرمونات و بتاخد وقتها و بتروح و لازم من التغير و لازم الزوج يفهم الحالة دى و

يحتويك لان علية دور كبير جدا

و فعلا بعد فترة الحمد الله الحالة اختفت و الحمد الله لكن بجد انا عزراكى لانى افتكرتها و انا بقرا تعليقك و كان احساس وحش جدااا

انا حبيت اطمنك دى فترة و بتعدى بس لازم تفهمى انها ناتجة من تغير بعض الهرمونات بحكم الرضاعة و غيرة

و بيحصل على فكرة لبعض السيدات اصحاب المشاعر الحساسة

متقلقيش خالص و خدى ابنك او بنتك فى حضنك و افرحى بية او بيها و خدى بالك كل يوم بيعدى مش بيرجع تانى

و كل فترة بتعدى لو عملتى اية مش هترجع تانى ابنك الان لة شكل و ملامح كل ما هيكبر هتتغير معاة

عيشى معاة كل لحظة اول ضحكة و ابتسامة و اعرفى انك فى نعمة غيرك بيتمنى نصها

و هاين علية يدفع ملاين النقود علشان بس يعيش احساس الامومة

لك كل تحياتى

ذهبية

[مغتربة]

يا ليتها بمثل هذه السهوله