كيف تتخلص من همومك

[الباشمهندس ياسر]

إذا أصابك هم فلا تقل

يا رب ... إن همي كبير

ولكن ..

قل يا هم ... إن ربي كبير

هذا الكلام غير صحيح اطلاقا و لا يجوز نداء الهم او غيره

و انما النداء و الاستغاثة و الاستعانة تكون بالله الذى لا اله الا هو

و اخيرا

من صدق الله صدقه الله

و قال عمر بن الخطاب ... رضى الله عنه و ارضاه ... انى لا اعول هم الاجابة و انما اعول هم الدعاء ... او كما قال

[دموع فى الاحداق]

ساعات الواحد بيحس ان الدنيا ضيقه اوىىىى العمر لسه بيبدىء ونفسنا بتنتهى والى بيعقد ان الناس بردة بتحسد فينا وهم ولا على بالهم حاجة ..لا تحسبن رقصى بينكم طربا فالطير يرقص مذبوحا من الالم :: بالرغم من كل دة مفيش شك فى رحمه ربنا ودموع تنزل من غير حساب ولا تكلف على سجادة فى نص الليل بتريح اوى والواحد يرجع تانى ياخد من دعوة ام وحضن اب الامل يقابل ضحكه طفل على حاجة بسيطه اديتهاله او عملتهاله بتنسى الواحد همومه ومشاكله وتفرد شويه التجاعيد اللى الغم والتكشيريه عملوها. وارجع اقول لنفسى الى فات فات وحواليكى ناس بتحبيهم جمبك شالو همك الى فات عرفتيه وعدى الى جى ياترى شكله ايه؟؟ الحمد لله على كل حاااااااااال الحمد لله على حصل واللى محصلش وكل القلوب مقفوله على الى فيها شكرا لصاحبه الموضوع على اختيارها وتقبلو تحيتى

[ابو حودة]

مفيش حد مننا مرتاح

لكن لما يجي الصبح علينا وابني يقولي صباح الخير يا بابا بالدنيا وما فيها

[رضوي]

احد العلماء في مجال علم النفس شبه المشكلة بالمثلث طالما انت بداخله فلا تستطيع الخروج منه ولو كنت بخارج هذا المثلث فانت تعلم كيفية الخروج

بس وعن خبرة عملية الانسان طول ماهو في مشكلة من الصعوبة بمكان ان يعرف كيفية حلها وبيكون شايفها مشكلة كبيرة جداً ولا حل لها ...............

وفي الحالة دي ينصح المتخصصون باللجؤ الي اشخاص يثق بهم صاحب المشكلة ويتحاور معهم او مانسميه الفضفضة حتي لا يصل به الحال الي مرض عضوي

واذا كان صاحب المشكلة لا يستطيع التحدث مع احد فينصح بالتأمل وهو نوع من أنواع العلاج النفسي عن طريق الجلوس في مكان مريح وهادي خفيف الاضاءة (الا اذا كان المريض يعاني من فوبيا الاماكن المظلمة ) والتفكير ببطئ في مشلكلته التي يمر بها , وانا انصح (عن تجربة ) بقراءة ماتيسر من القرآن الكريم وصلاه ركعتين استخارة مع شرب كوباً دافئاً من اللبن اوالينسون والتوجه الي النوم مباشرة ......

[اميره]

اختى دموع انا كتبت الموضوع ده لان بجد كنت فى ضيق وهم وربنا يعلم انا كنت بتألم قد ايه

عشان كدا وبحكم تخصصى فى علم النفس حاولت ان اجد ولومخرج بسيط نحاول نخفف بيه أوجاعنا الى بتنغص علينا العيشه وتبعدنا عن السعاده

وفى الاخر كلو بيعدى ويفوت صدقينى ماتفكريش فى الى فات ولاتزعلى عليه وحتى لو عندك هموم الدنيا ربنا بيفرجها

ودا بيبقا امتحان او قرصة ودن عشان تراجعى نفسك فى كل حاجه سواء سلبيه او ايجابيه

وتبتدى ترتبى حساباتك من اول وجديد.

اللهم مابدل حالنا وحال أمة محمد(عليه الصلاه والسلام )

الى احسن وافضل الاحوال امين يارب العالمين

[بنت الاصول]

الحاجة اللى بتخلينا نفكر دايما فى الهم

هو فشلنا فى التخلص من الهم

على سبيل المثال خريج جامعة عاطل عن العمل ومعهوش فلوس يخرج من البيت

قعدت فى غرفة النوم يتحسر على حاله وشايل الهم فوق راسو

لانه مفكرش ازاى يتخلص من الهم نفسه

ولو فكر للاسف بيفكر بطريقة غلط تخلي حالة الياس والاحباط تزيد

والاهم من كل ده

انه لم يستعن بالله

فقط يفكر بكل شئ الا ان يدعو الله

وهذا ما جعلنا متعثرين فى حل امورنا ومشاكلنا الفردية

[أمة اللطيف بعباده]

ما شاء الله عليكم اقتراحتكم كلها ممتازة وخاصة تزكير نفسنا بالمميزات والنعم .....