تصورك لوضع الوطن بعد عشرين عاما..؟؟؟

[الباشمهندس ياسر]

وضع مصر فى الفترة القادمة مرهونه بطبيعة نظام الحكم فى الفترة القادمة

لذا السيناريو المتوقع شيئين من وجهة نظرى

الاول ان يستمر الحكم فى قبضة الحزب الوطنى وعلى هذا لن يختلف الوضع عن الوضع الراهن سوى فى زيادة معدلات الفقر والجريمة وانهيار التعليم والصحة ويذداد الاغنياء غنى والفقراء بؤس وتنعدم تماما الطبقة الوسطة وتزداد الهجرة خارج مصر ولنا فى سعر الجنية المصرى عبرة وفى وضع الاقتصاد

الثانية وهو ان تحدث معجزة من السماء وتجد مصر قيادة رشيدة حكيمة تعمل على اعادة بناء الوطن اقتصاديا واجتماعيا وسياسيا قيادة تنهض بالبلد على جميع الاصعدة وتسطيع ان توحد قوى الشعب حولها وتجعل من نهضة مصر هدف قومى

واذا تحقق ذالك فسوف نشهد مصر حصانا اسودا على شاكلة النمور الاسيوية

لقد وضعت يدك يا سيدى على أشد مواطن الآلم فى الاشكالية كلها

نحن دائما فى انتظار القيادة

جاء محمد على باشا و أسس دولة حاربت الدنيا بعدما سبقت فى الزراعة و الصناعة و العلم و لما مات الوالى مات الحلم

أشكرك على تصورك الكريم و لكن الى أى الأمرين يميل عقلك بصورة أكبر

و حسن الختام اقلكم يا رب ما نقول علي مصر بعد عشرين سنة ( عليها السلام )

عليها السلام من 170سنة يا استاذنا صدقنى و يمكن من قبل كده بس انا اللى مش واخد بالى

لو علمتم الغيب لاخترتم الواقع

كسبنا صلاة النبى

اللهم صلى و سلم و بارك عليه

[الباشمهندس ياسر]

الاساتذه الافاضل

هل من مجييييييييييييييييييييييب

نريد أسوأ التصورات ......

نريد أجمل التخيلات .....

[محمــد عــز]

الباشمهندس ياسر

تحيه طيبه وبعد

(1) توافر مناخ صحى للمارسة حرية التعبير

(2) اجراء انتخابات رئاسية نظيفة .. وليست انتخابات الفرد الاوحد

(3) تعدد الاحزاب والمشاركة الفعلية لها فى الحياة السياسبة

اعتقد هنكون فى مصاف الدول المتحضرة والمتقدمة بجانب عوامل اخرى كثيرة اذا توافرت تلك الاسباب

ولوكنا محلك سر عليه العوض فى مصر

[وليد أهلاوى مصراوى]

موضوع فعلا جميل ياباشمهندس ياسر ..... لى عوده أن شاء الله

[elfakhrany]

بعد عشرين سنة أتوقع إن الوضع هيكون افضل من دلوقتى .. مصر بلد عظيمة جداُ ومش هتبدأ من جديد ومانحن فيه بمثابة وعكة صحية لأن ببساطة مصر هى ( الحضارة - الثقافة - التاريخ -العلم - الفنون - الطب - الهندسة )

ياريت يا فخرانى يا خويا

بس ازاى.......؟

نحن لسنا دولة متخلفة ستبدأ من الصفر

نحن نحتاج فقط إلى تفعيل حقيقى لأبسط مفاهيم إدارة الأعمال ( تخطيط - تنظيم - توجيه - رقابه )

تم تعديل 4 أغسطس 2009 بواسطة elfakhrany

[سهل جدا]

احنا نسينا حاجة مهمة جداً متوقعة في المستقبل القريب (في حدود العشرين سنة بتاعت أخونا ياسر)

وهي إن المدن الجديدة التي تعتبر (شبه مهجورة حالياً) هاتكون بمثابة وسط البلد حالياً..

واحتمال كبير إن الوزارات ومراكز الحكم تكون اتنقلت لإحدى هذه المدن..

عشان كده بنقول اللي معاه فلوس زايدة عن حاجته يلحق يشتري بيها في المدن الجديدة, ودا هايكون أحسن استثمار لأولاده في المستقبل ..

[الباشمهندس ياسر]

يا عم سهل يا متفائل

مش هتبطل تفكير ف البيزنس ... بيزنس مان يا اخواتى

التوقعات كلها يا عم سهل بتقول اننا هنقطع ف بعض عشان الاكل

سامعينى كويس

عشان الاكل

و انت بتتكلم ف الشقق و الاستثمار

عايزين نشوف توقعات الناس هنا واصلة لفين و الاحلام الوردية رايحة فين

و الواقع شكله ايه

هروح اولع ف نفسى شوية و اجى

[سهل جدا]

يا عم سهل يا متفائل

مش هتبطل تفكير ف البيزنس ... بيزنس مان يا اخواتى

التوقعات كلها يا عم سهل بتقول اننا هنقطع ف بعض عشان الاكل

سامعينى كويس

عشان الاكل

و انت بتتكلم ف الشقق و الاستثمار

عايزين نشوف توقعات الناس هنا واصلة لفين و الاحلام الوردية رايحة فين

و الواقع شكله ايه

هروح اولع ف نفسى شوية و اجى

زمااااااان في مصر من عشرين سنة كده انقسم الناس إلى قسمين

قسم متفائل كان شايف إن بكرة أحسن من انهاردة, وإن فيه حاجة اسمها مناطق جديدة جميلة زي "مدينة نصر" وغيرها

وقال خلاص أنا هاشتري فيها ولو حتة أرض صغيرة، تنفع أولادنا ..

وكان فيه قسم تاني برده متشاءم جداً

فضل يثبط الناس التانيين، ويقولهم دي الأيام اللي جاية صعبة جداً

دا بعد عصر الانفتاح الأسعار كلها كانت نااار

ومش بعيد ما نلاقيش لقمة ناكلها احنا وعيالنا..

ومش بعيد إسرائيل تعمل فينا زي ما عملت في صبرا وشاتيلا

طبعاً الناس المتفائلين ما سمعوش كلامهم, ولسان حالهم كما قال الشاعر:

إن ربا كفاك بالأمس ما كان ** سيكفيك في غد ما يكون

الناس اللي كانوا متفائلين دول هم دلوقتي –في عصرنا الآن- اللي معاهم المال والشهرة

وهم أصحاب المشاريع الخيرية اللي مالية البلد دلوقتي ..

والناس اللي كانوا متشائمين فضلوا زي ما هم

لا طالوا دنيا والله أعلم هايطولوا آخرة ولا لأ

لأن التشاؤم اللي هم عايشين فيه ده ربنا نهانا عنه

لأنه فيه سوء ظن بالله

تم تعديل 4 أغسطس 2009 بواسطة سهل جدا

[حسام يوسف]

فيه رواية لدكتور أحمد خالد توفيق اسمها يوتوبيا

بتتكلم عن مصر سنة 2052

واخدين بالكم من التاريخ

وفيه بيشوف ان مصر بقت مستعمرات متناثرة للناس الهاي

وأغلبية المصريين فى عيشة بدائية وحشية بياكلوا لحم بعض

اقرووا الرواية اللى لما خلصها كاتبها

اكتأب

[أحمد سيف]

أينشتين مره قال جمله معناها أنا مش عارف الحرب العالمية الثالثة هتبقى عامله ازاي ... بس عارف الحرب العالمية الرابعه هتبقى ازاي ... بالشوم والنبابيت لإن الحضاره كما نعرفها ستفنى في الحرب العالمية الثالثة

أنا بقى بأقول أنا مش عارف مصر هتبقى عامله ازاي بعد 20 سنه لإن 20 سنه فترة صغيره يمكن ما تكونش دورة النضوج والتغيير اكتملت فيها ... لكن أعرف مصر هتبقى عامله ازاي بعد 50 أو 100 سنه ... هتبقى دوله متقدمة وستسود المنطقة ... ببساطة لإننا شعب ذكي ونشيط ومسالم ولا نحتاج سوى بعض الوعي والانضباط

[الباشمهندس ياسر]

فيه رواية لدكتور أحمد خالد توفيق اسمها يوتوبيا

بتتكلم عن مصر سنة 2052

واخدين بالكم من التاريخ

وفيه بيشوف ان مصر بقت مستعمرات متناثرة للناس الهاي

وأغلبية المصريين فى عيشة بدائية وحشية بياكلوا لحم بعض

اقرووا الرواية اللى لما خلصها كاتبها

اكتأب

منور الدنيا و بتجيب م الاخر يا دكتور حسام

و دائما بتجيب م الاخر و الله

,و أحب اقول كمان رواية من روايات الجيب اسمها أرض العضايا... ياريت اللى يعرف يجيبها و يبقى مشكور ..

لان احدهم اقترضها و لم يردها بكل اسف

عموما انا نويت انزل الرواية ف موضوع مستقل ان شاء الله لانها اصابتنى بصدمة ساحقة ماحقة

[mandoo]

الأخ الفاضل باشمهندس / ياسر

قرأت هذا الموضوع من موقع الهيئة العامة للإستعلامات وقلت ياواد ياماندو إذا كانت الـ 25 سنه اللى فاتت كانت ميت فل وأربعتاشر يبقى لازمن وحتما يكون عندنا أمل فى المستقبل ، وعلشان المستقبل يكون وردى والدنيا تبقى ربيع يبقى لازم نهتم بأولادنا ونعلمهم الصح إيه ونغرس فيهم المبادئ والقيم والأخلاق ومن المهم جدا أن نبدأ فورا وعلينا أن نكون قدوة صالحة ومثل أعلى لكل من حولنا .... ولو حصل ده أقدر اقول وبالفم المليان وأعلى صوتى كمان أنا متفائل

الهيئة العامة للاستعلامات الدور و الرسالة

لقد قرأت هذه المداخلة بالتفاصيل و لا |املك ادوات الأثبات او النفى

الا اننى لا أشك لحظة بأن ما تم أثناء السنين المنصرمة ما هو الا تأخير لهذا الوطن

ياهندسة هناك أمور طيبة حدثت ولكنها ليست كافية لإشباع طموحنا ولكن كما قلت فى مداخلتى علينا أن نبدأ بكل ما أوتينا من قوة وبأقصى سرعة نعم لدينا إخفاقات كثيرة لأننا ببساطة لانؤمن بالتخطيط وليست لدينا إستراتيجية نفسها طويل .... وكل مانملكه الفهلوة ودائما نتحرك فى الوقت الضائع وأريد فقط أن أذكرك بما حدث فى حرب إكتوبر وماذا قيل عن جنود مصر قبل الحرب ... ولكن إذا تم التخطيط السليم وخلصت النوايا وتوكلنا على الله كان النصر حليفنا .

لذا علينا أن نتمسك ببصيص شعاع الأمل و نبدأ ومن حيث إنتهى الآخرون ... ( هكذا العقلية اليابانية )

ولك خالص تحياتى

[ing]

انا متفق مع لدكتور احمد خالد توفيق

[عنبو]

انا شخصياً مش متفق مع حد خالص فيه ايه فى القران بتقول ايه

بسم الله الرحمن الرحيم

( ولا تيأسوا من روح الله إنه لا ييأس من روح الله إلا القوم الكافرون )) يوسف

[mandoo]

انا شخصياً مش متفق مع حد خالص فيه ايه فى القران بتقول ايه

بسم الله الرحمن الرحيم

( ولا تيأسوا من روح الله إنه لا ييأس من روح الله إلا القوم الكافرون )) يوسف

وأنا كمان مش متفق مع كلامك اللى مش متفق مع حد خالص من الأخوة اللى مش متفقين يبقى فى النهاية كلنا متفقين على ( لاتيأسوا ) يعنى بالبلدى لازم يكون عندنا أمل ... مش كده ولا إيه !!!!

بس إيه رأيك فى الكيميا اللى فوق دى wst::

[عنبو]

انا شخصياً مش متفق مع حد خالص فيه ايه فى القران بتقول ايه

بسم الله الرحمن الرحيم

( ولا تيأسوا من روح الله إنه لا ييأس من روح الله إلا القوم الكافرون )) يوسف

وأنا كمان مش متفق مع كلامك اللى مش متفق مع حد خالص من الأخوة اللى مش متفقين يبقى فى النهاية كلنا متفقين على ( لاتيأسوا ) يعنى بالبلدى لازم يكون عندنا أمل ... مش كده ولا إيه !!!!

بس إيه رأيك فى الكيميا اللى فوق دى wst::

هلا اهلا ياهندسه علشان تعرفوا بس ان الكيميا داخله فى كل حاجه حتى فى المحاورات

احنا كده متفقن ان انا وانت مختلفين مع باقي الاعضاء " نظرية النسبيه "

سلام بقى اصل الواحد هنج

[سهل جدا]

الحقيقة أنا كل ما أقرأ عنوان الموضوع ده جسمي بيقشعرّ

تم تعديل 7 أغسطس 2009 بواسطة Salwa

[الباشمهندس ياسر]

ازيكم ازيكم

ف خلال سنتين حصل اللي حصل

يا تري

العشرين اللي جايه مخبيه ايه