مصر الأخرى .. أرقام وتقارير مخيفة

[elfakhrany]

أثناء تصفحى لموقع مصراوى قرأت هذا التقرير المخيف وأحسست بألم شديد بجميع مفاصل جسمى

مصر الأخرى .. أرقام وتقارير مخيفة

عداد – عماد سيد - حاولت كثيرا ان اكبح جماح نفسي عن كتابة اي تعليقات حول هذه الأرقام المذهلة التي قضيت وقتا طويلا في جمعها من الصحف والتقارير الرسمية التي ترد الى بوسائل مختلفة.

هذه الأرقام إن دلت على شيء فهي تدل على أن السيد أحمد عز والسيد على الدين هلال وغيرهما إما أنهم يعيشون في دولة أخرى غير التي نعيش فيها، او أننا نحن الذين لا نعرف كيف نتمتع بعطايا وهبات حكومتنا الرشيدة وأننا قد اصبنا بالإحباط لدرجة منعتنا من رؤية المنجزات العصرية للفكر الجديد، الذي عجز عن توفير كوب ماء نظيف او غذاء غير ملوث !!

كل ما ارجوه منك عزيزي القارئ أن تحاول البحث كما فعلت ولكن عن الايجابيات فقط، فيكفينا ما اوردته هنا من سلبيات، كما أرجو ان يكون في هذه الأرقام ما يكفي للرد على السيد أحمد عز وغيره من قيادات الحزب الوطني الذين اصابونا بصداع مزمن حول انجازات الحزب الذي يحكم البلاد لأكثر من ثلاثين عاماً متواصلة .. وهذه هي نتائجه!!

ملحوظة: في اغلب التقارير ان لم يكن كلها، كلما تأخر ترتيب الدولة دل ذلك على تدهور حالتها في الموضوع محل التقييم

الحالة النفسية

20 مليون مصري مصابون بالاكتئاب.

1200 حالة انتحار سنويا .. 24% منها في القاهرة ، 19.5% في القليوبية.

المركز 57 من بين 60 دولة في تقرير البؤس العالمي من حيث معدلات البؤس والشقاء والتخلف والفقر.

مؤشرات الفقر

48 مليون فقير يعيشون في 1109 مناطق عشوائية - أي 45% من المصريين (تقرير صندوق النقد الدولي للتنمية الزراعية)

2.5 مليون مصري يعيشون في فقر مدقع (تقرير الأمم المتحدة للتنمية الإدارية).

45% من المصريين يعيشون تحت خط الفقر يحصلون على أقل من دولار في اليوم (لجنة الانتاج الزراعي يمجلس الشورى).

41% من إجمالي عدد السكان في مصر فقراء (تقرير التنمية البشرية العربية 2009) (28.6% في لبنان - 30% في سوريا - 59.9% في اليمن).

12 مليون مصري ليس لديهم مأوى منهم 1.5 مليون يعيشون في المقابر (الجهازا لمركزي للتعبئة العامة والإحصاء).

16% من دخل الفرد في مصر ينفق على الطعام والشراب.

46% من الأسر المصرية لا تجد الطعام الكافى للحركة والنشاط (تقرير لشعبة الخدمات الصحية والسكان بالمجلس القومى للخدمات والتنمية الاجتماعية التابع للمجالس القومية المتخصصة).

الحريات وحقوق الانسان

40 حالة تعذيب مثبتة رسميا في 2007 و 28 حالة في 2008 غير الحالات التي لم يمكن اثباتها(المنظمة المصرية لحقوق الانسان).

93 حالة وفاة تحت التعذيب في 2007، 56 حالة لتعذيب المواطنين داخل أقسام الشرطة، من بينها (13) حالة وفاة غامضة و25 حاله اضطهاد واحتجاز تعسفي، وذلك خلال الفترة من يونيو 2008 حتى فبراير 2009 (المنظمة المصرية لحقوق الانسان).

مئات الأحكام القضائية واجبة التنفيذ كتعويضات وافراج عن سجناء لا تنفذ ولا يوجد سبيل لإجبار وزارة الداخلية على تنفيذها!

النقل والمواصلات

22.4 ألف حادث سيارة في 2007.

88 ألفًا و779 قتيل، و 379 ألف و233 مصاب بسبب حوادث الطرق في الفترة ما بين 1990 إلى 2006 .. المركز الأول على مستوى العالم في معدلات خسائر الأرواح (الجهاز المركزى للتعبئة العامة والإحصاء).

7394 حادث بقطاع السكة الحديد في الفترة ما بين 2000 و2006، أسفرت عن مصرع 573 شخصا وإصابة 805 آخرين.

4 مليارات جنيه خسائر سنوية بسبب حوادث الطرق (مركز المعلومات ودعم اتخاذ القرار).

الفساد

39 ملياراً و373 مليوناً و524 ألف جنيه تم اهدارها في الفترة ما بين أبريل 2008 ويناير 2009 بسبب الفساد المالي والإداري (تقرير عام 2008 لمركز الدراسات الريفية).

8 مليار جنيه دعم سنوي لأنابيب البوتاجاز (يبلغ احتياطي مصر من الغاز الطبيعي 67 تريليون قدم مكعب، وتبيع المليون وحدة حرارية لإسرائيل 1.5 دولار والتي يتكلف انتاجها 2.65 دولار .. سعر التصدير العالمي من 6 الى 8 دولارت للمليون وحدة حرارية).

المركز 134 من بين 134 دولة في معدل تعيين الاقارب والأصدقاء في المناصب المختلفة (تقرير التنافسية العالمية).

المركز 115 من بين 134 دولة في مؤشر مدركات الفساد الذي يقيس درجة انتشار الفساد بين المسئولين في الدولة (تقرير التنافسية العالمية).

المركز 72 من 134 على مؤشر الشفافية والنزاهة لمنظمة الشفافية العالمية في 2006، ثم المركز 105 في 2007 ثم الركز 115 في عام 2008 (منظمة الشفافية العالمية).

المركز 77 من بين 146 دولة في تقرير منظمة الشفافية الدولية لعام 2007 (إسرائيل من أفضل 20 دولة).

المجال الصحي

ربع سكان مصر يعانون من ضغط الدم.

أعلى معدل لوفيات الأطفال في العالم (50 طفل لكل 1000 مولود) .. 3 في السويد .. 4 في اليابان (جهاز التعبئة العامة والإحصاء).

29% من أطفال مصر لديهم تقزم و 14% لديهم قصر قامة حاد وطفل من كل اثنين لديه انيميا (مديحة خطاب رئيس لجنة الصحة بأمانة سياسات الحزب الحاكم).

9 مليون مصري مصابون بفيروس (سي) .. تحتل مصر المركز الأول في معدلات الإصابة بالمرض على مستوى العالم

8 مليون مواطن مصابون بالسكر والمركز الثاني على مستوى العالم في الوفاة بسبب المرض (مديحة خطاب رئيس لجنة الصحة بأمانة سياسات الحزب الحاكم).

من أعلى معدلات الوفيات على مستوى العالم بسبب انفلونزا الطيور الذي أصبح مرضاً متوطناً في مصر (إلى جانب مخاوف من توطن انفلونزا الخازير ، ظهور حمى التيفود، مخاوف من انفلونزا الكلاب).

4% من سكان مصر يعانون من مرض أنيميا البحر المتوسط الذي يصيب الأطفال (تقرير لوزارة الصحة).

20 ألف مواطن يموتون سنويا بسبب نقص الدماء (تقرير لوزارة الصحة).

اكثر من 200 حالة إصابة بحمى التيفويد، منها 164 في قرية واحدة خلال أقل من اسبوعين (ولا يزال السيد المستشار عدلي حسين محافظاً للقليوبية!!).

اكثر من 100 ألف مواطن مصري يصابون سنوياً بالسرطان بسبب تلوث مياه الشرب (د‏.‏ أحمد لطفي استشاري أمراض الباطنة والقلب بمستشفي قصر العيني).

مؤشرات أخرى

26% من المصريين لا يعرفون القراءة أو الكتابة.

16 شابا من بين 100 شاب شربوا المخدرات.

178 مليار جنيه هي تكلفة علاج الإدمان في عشر سنوات فقط.

10 مليون عاطل (في سن 15 الى 29 عاما) أي 21.7% من إجمالي قوة العمل.

9 مليون شاب تخطوا سن 35 عاماً دون زواج (5.5 مليون شاب + 3.5 مليون فتاة) بمعدل عنوسة 17%.

255 ألف حالة زواج عرفي بين الطلبة (أي 17% من طلبة الجامعات) نتج عنها 14 ألف طفل مجهول النسب.

المركز 129 بين 134 دولة في معدل هجرة العقول العلمية والموهوبة وتعد أسوأ دول الشرق الأوسط في ذلك (تقرير التنافسية العالمية).

المركز 134 من بين 134 دولة في مؤشر كفاءة سوق العمل (تقرير التنافسية العالمية).

المركز 125 من بين 134 دولة في مؤشر استقرار الاقتصاد الكلي (تقرير التنافسية العالمية).

المصادر : تقارير رسمية + صحف.

المصدر: مصراوى

[mffaswan]

لا حول ولا قوة إلا بالله العلي العظيم

أستاذ فخراني ..

موضوع و إن احتوى على على أرقام قد عرفت عنها من قبل .. إلا إنه بالفعل .. قد زاد من أعداد المكتئبين .. واحداً على الأقل !!

اللهم ارفع غضبك ومقتك عنا

[مغتربة]

استاذ فخرانى

رغم ان هذه الارقام مخيفه جدا بالتاكيد لكل من يقراها

الا انها من وجهه نظرى ما زالت متساهله جدا و ان النسب الحقيقيه اكثر قتامه و سوداويه

[سهل جدا]

ياجماعة كفاية بقى نشر الأخبار السيئة ديه

انشروا الأخبار الحلوة عشان نتفاءل

الأجواء التفاؤلية بتساعدنا على الإنتاج والتقدّم

لا يوجد عندي دليل ينكر صحة هذه الأرقام

لكن يوجد عندي ألف دليل على أن مصر بها أخبار وأرقام جميلة جداً

وإن شاء الله بكرة أحلى من انهاردة

مع الاعتذار لأخي الحبيب الفخراني

[Amr Radwan]

استاذ فخرانى

رغم ان هذه الارقام مخيفه جدا بالتاكيد لكل من يقراها

الا انها من وجهه نظرى ما زالت متساهله جدا و ان النسب الحقيقيه اكثر قتامه و سوداويه

كلام سليم يا اخت مغتربة و خاصة في النسبة دي ..

16% من دخل الفرد في مصر ينفق على الطعام والشراب.

يعني لو واحد بياخد 1000 جنية في الشهر بيدفع 160 جنيه بس اكل و شرب !!!!!!!!!!!!!!!!!!!

اكيد الدرسة دي بتحاول تهون علينا شوية

[herohero]

يا جماعة الارقام ده ممكن تكون اقل من الحقيقة طيب وبعدين هنقعد نلوم ونعيب ف البلد وبعدين عشان نبقى واضحين اي مصري بره مصر مادام مش معاه الا جواز سفرها المصري الاخضر يبقى مالوش الا مصر كلنا ف غضون ايام ممكن نرجع لبلادنا يبقى لازم نتفائل لان من الاخر مالناش غير بلدنا لو زهقانين منها قوي خلاص نشوف لنا جوزا سفر تاني بس فكركم هتستمحلنا احنا اللي عملنا كده ف بلدنا احنا اللي سرقناها ونهبناها وخلينا الارقام ده صح واقل من الواقع يمكن يبقى نستحمل بقى احنا اللي خلينا الحرامية يكبروا ويبقوا قطط سمان يا جماعة احنا اللي عملنا للراقصات قيمة وخلينا المطرب اللي يهرب من التجنيد نجم يتعلق له يافطة ع كوبري اكتوبر ونقوله وحشتنا

احنا اللي مات مننا 1300 واحد مره واحده ف البحر والمجرم هربناه

اه يمكن مش انا ولا انتم بس واحد مصري والله مش اسرائيلي ع فكرة اللي زي دول اخطر من مليون جاسوس لعلمكم اسرائيل مش هتتعب نفسها عشان تجيب اللي يدمرنا لان الحمد لله احنا وفرنا عليهم احنا بندمر نفسنا بنفسنا

اه هندفن نفسنا ف الرمل ماشي ماهو ف بعض الاحيان لازم نكدب ع نفسنا لان الحل اننا نتشائم والله انا مجرب ده شخصيا لو فضلت اقول مفيش امل عمري ماهتحرك اضحك ع نفسي واقول انا كويس شويه عشان اعرف اشتغل لو حطيت ف دماغي السواد عمري ما هشوف بارقة امل

البلد ضاعت وبتضيع بس زي ما احنا ضيعناها هنرجعها تاني اه احنا اللي ضيعناها لو كلنا كنا بنقدر الصح وكلنا كنا بنقيم الصح الاه ماحنا طول عمرنا كده هتقولوا حكومة هي مالها ومالنا احنا اللي سرقنا بعض احنا اللي بعنا الفيز لبعض ونصبنا ع بعض لازم نعترف احنا اللي اخدنا الرشاوي هنعمل ايه بقى نجب شعب تاني

البلد مش هتتصلح الا بينا الحل واضح يا نستمر ونضيع البلد يانعترف اننا مخطئين ونحاول مع نفسنا كده كل واحد يحسن من نفسه

نتخيل كده لو عندنا 100 دكتور زي مجدي يعقوب وناس خيرة وبتحب مصر لما يتبرعوا ويعملوا عمليات وغيرهم من المهندسين بلاش الناس الوحشة سيبكم منهم

ياربي انا بقول بس نص مليون معقوله مفيش ف البلد نص مليون شريف اكيد فيه

ارجوكم ننسى السواد ننتقد بعين المحب اصل بصوا البلد ده ف الاول او ف الاخر بلدنا محدش هيصلحها الا بينا اه ضعفنا وياسنا بدري وهربنا منها لما طفشنا عادي نقدر من بره مصر نخدمها اكتر واكتر

يا جماعه الهند اتطورت عن زمان بفضل مهاجريها ، حكومتنا وحشة والناس اللي ف مصر وحشين طيب احنا فين

خلي كل مصري يعتبر انه لما بيبقى كويس ف شغله يبقى كده هو بيخلي الناس قبل ماتحبه وتشكر فيه هتشكر ف انه مصري

نفسي يرجع الزمن الجميل لما كنا بنقول ده انا جايب دكتور مصري ولا مهندس ولا محاسب ولا مدرس يا جماعة والله العظيم وانا طفل صغير ف الكويت كان بيتقال لو عاوز عيالك يدخلوا كليات كويسه ويبقوا دكاترة ومهندسين وناس كويسه اتجوز مصرية

اللي ربنا ينتقم منها خلوا ابن المصرية ده شتمة ، الحل ف ايدينا ان شاء الله يطلع مليون تقرير عادي هنقوم وهنغلب مشاكلنا بس خلينانتفق ان كل واحد مننا يتقن شغله ويبقى قبل كل شيئ حاطط انه بيعمل اسم لبلده والله العظيم ساعتها البلد هتتغير انما احنا هنقعد نعيط ع حالنا خلاص ناجر شعب تاني يحل مشاكلنا

[عصام]

حضرتك بتقول فى العنوان "مصر الأخرى"

أنا شايف انك بتتكلم عن "مصر الحالية"

[tantrum]

الحمد لله

دى خطوة من خطوات الإصلاح الأولى

عارف ليه يا أخ فخرانى....

لأننا بدأنا نهتم بالإحصاء و تقدير حجم المشكلات عندنا.

تعرف أننا لما نحتاج أر رقم عن حجم أى مشكلة عندتا نادرا ما تلاقيه فى (Data Base) مصرية بل غالبا تكون إحصاء أمريكية عن مشاكل مصرية.

[sayed_ossman]

امبارح كنت بتفرج على لقاء بين مزيع على قناة الحياة وبين محمد ابراهيم سليمان اللى كان وزير سابق للاسكان

وبعدين الراجل داهية المزيع مش عارف يمسكله حاجه - واحيان كتيره بيبان على وشه الكدب والضيق من اسالة المذيع المهم الوزير قال للمذيع شوف يا عمر هقولك كلمه اعداء مصر عرفين ان مصر لن يدمرها اى عدو من الخارج على مر التاريخ

ولكن مصر لن يدمرها غير المصريين انفسهم

سرحت فى الكلمه اللى بيقولها استاذ جامعه كبير ومسؤل وقلت اه يا مصر - ان مصر " الجائزة الكبرى" مدروسه جيدا من اعدائها - فهلا من يدمرون مصر فعلا مصريين - هل يستحقو ان يعيشو فيها ؟

[mandoo]

ياعم فخرانى ... شوف كده الراجل ده بيقول إيه ... وهل هو ده فعلا حالنا ؟ ولا الناس عاجبها إنها تكون كده ... بس ياترى عن قناعة ؟ ولا قلة حيلة

http://www.youtube.com/watch?v=GBH70jG-Q3o

[elfakhrany]

شكراً جزيلاً لجميع الأعضاء اللى شاركوا فى الموضوع وياجماعة المشكلة إن كل الأرقام المخيفة دى واحنا مبنتحركش واللى بيحاول يتحرك بيندم لانه بيلاقى نفسه الضحية فى وسط السلبية والخوف من بطش الأجهزة الأمنية المفترية

ماندووو : عجبنى أخر مقطع فى الفيديو وده فعلاً واقع حكومتنا الرشيدة فى التعامل مع شعبها ( هتقبل هحبك .. هترفض هلبَك .. هتطلع هتنزل هجيبلك جمـــال )

تم تعديل 4 أغسطس 2009 بواسطة elfakhrany