دولة شومبونجو

[قلب ابيض]

احبائى 00

وقعت تحت تأثير مواقف عديده ومختلفه ومن اشخاص مختلفون من حيث الثقافه والبيئه والدين والعمر ايضا كلها فى آن واحد او بمعنى اصح فى فتره زمانيه واحده00وجدت نفسى كارهه نفسى ومن حولى 00رافضه كل الواقع بما فيه شخوصه ازمنته امكنته

تمنيت للحظه ان اختفى من الدنيا او يختفى من هم سبب همومى

وكعادتى اغمضت عينى وسبحت فى عالمى الخيالى الذى اعتدت ان اهرب اليه منذ مراهقتى00وجدتنى اعيش فى عالم مختلف المعالم والاشخاص واللغه وحتى الزمن

وقررت ان اشرككم معى رفاق وحدتى وخيالى

وحتى يتسم عالمى بأهم سماتى لابد ان يكون ساخرا مبتسم دائما لامشاكل لاهموم لااحزان

ما رأيكم يا احبتى فى عالم شومبونجو؟؟؟؟

الاسم اقترضته من جروب انشأه احد ابنائى على النت

عشت فيه مه واصدقائه بأحلامهم

وهنا اود ان اعيشه معكم هروبا من عالمنا الواقعى000هل من مجيب؟؟

شومبونجو000بلد توقيته الزمنى اليوم به 48 ساعه 000ليتسنى لنا انجاز كل اعمالنا

افراده ومواطنيه دائمى البسمهوالتفاؤل

حكومته متفهمه لشعبها تماما ومريحااه على الاخر

وزاراته احنا هانحددها حسب احتياجنا وهانحدد مين يمسك كل وزاره ومن حقنا نعين ونقيل اللى يقصر

اعياده هانحددها برده حسب اهميتها لنا كشعب

شوارعه هانظمها ونجملها بخيالنا 00ان شالله ندهن عواميدها بالبن العصفور

وهكذا

يا جماعه مخنوءه وعاوزه احتفظ بقلبى الابيض مش عاوزه ازعل حد ولا حد يزعلنى

مين هايركب معايا البساط ونطير ونأسس دوله شومبونجو

اللى لما نزهق من شىء نطير لهابمجرد غمضه عين او لمسه كيبورد بالتحديد؟

شكلى هنجت ؟؟اعذورونى

[سهل جدا]

خدوني معاكي يا مدام قلب أبيض الله يباركلك

أنا حبيت العالم اللي حضرتك قولتي عليه ده أوي

<<<<<<<<<لو لم أولد شومبونجوياً , لوددت أن أكون شومبونجوياً>>>>>>>>>>>>>

<<<<<<<<<<وما تقولش إيه اديتنا شومبونجو.. قول هاندّي إيه لشومبونجو >>>>>>

خلاص حضرتك اعتبري باسبوري وبطاقتي اتغيروا, وبقت جنسيتي شومبونجوني

إن شاء الله ستكون لي مشاركات عديدة في هذا الموضوع ...

[قلب ابيض]

خدوني معاكي يا مدام قلب أبيض الله يباركلك

أنا حبيت العالم اللي حضرتك قولتي عليه ده أوي

<<<<<<<<<لو لم أولد شومبونجوياً , لوددت أن أكون شومبونجوياً>>>>>>>>>>>>>

<<<<<<<<<<وما تقولش إيه اديتنا شومبونجو.. قول هاندّي إيه لشومبونجو :sad: >>>>>>

خلاص حضرتك اعتبري باسبوري وبطاقتي اتغيروا, وبقت جنسيتي شومبونجوني

إن شاء الله ستكون لي مشاركات عديدة في هذا الموضوع ...

هلا وغلا بالغالى سهل الممتنع

سعيده جدا بمبادرتك بالانضمام0000ألا أونه 00ألا دوى 00هاااااا مين معانا؟؟

"عاوزين نبدأ فاعليات شومبونجو بسرعه وعلى فكره وزاراتها ووزرائها من داخل منتدى المحاورين00"

[HDarwish]

أنا نفسي اكون معاكم لكن ..

إوعوا .. يكون هناك ناس بتظلم بعضها أو حكام بتظلم شعبها

إوعوا .. يكون الناس هناك بتحقد بعضها

(إفتكرت قصة السلطانية اللي كانت بتيجي في الراديو .. لو مش عارفينها أبئا أحكيلكم عليها واهو نتسلى واحنا في الطريق)

إوعوا .. يكون هناك ناس بتحسد بعضها وبتتمنى الشر لغيرها وتكره لو جالهم الخير زي ما جالهم

إوعوا .. يكون جيرانا اللي هنسكن جنبهم يطلعوا في البلكونة ولا يعدوا عليك من غير ما يقول سلام عليكم أو حتى صباح الخير

(أنا جاري اللي ساكن جنبي من 10 سنين معرفشي اسمه ايه ولا شغال ايه)

إوعوا .. تكون الناس هناك بطلت تضحك في وش بعض وكإن الضحك بئا غالي ومش قادرين يشتروه هو كمان ..

إوعوا .. نلاقي المايه مش نظيفة وبدل ما نشرب منها تروي ظمأنا نروح نتعالج منها)

يـــاريــــــت دوة شومبونجو تكون كلها أطفال كحد أقصى عمرهم يبئا خمس سنين وطبعا إحنا معاهم

ويحضرني هنا في هذا التوقيت تحديداً أغنية المطرب اللي ما بحبوش قوي بس دايما اغنيته دي بتيجي على بالي من وقت للتاني

زمـــــان ... زمـــــان وأنا صغير كنت بحلم أبئا كبير .. تعب القلب واتحير م الدنيا وم المشاوير .. / أو كما قال الفنان اللي ما بحبوش

تحياتي

[mandoo]

الأول النظام الشمبونجى جمهورى ولا ملكى ولا إمارة

شمبونجو ... أحلى إسم سمعته فى حياتى

أنا معاكم .... يمكن نلاقى ضالتنا ونكمل الباقى من عمرنا فى مجتمع صحى بدون آلام

[عنبو]

انا شخصيا معاكم وليا عالم برضه زى بتاع شمبونجو بس ممكن اضم عالمى لعالمكم طالما الهدف واحد

[metwallly]

انا كمان عاوز ابقى معاكم فى العالم الخيالى

ده يمكن الواحد يعرف يهرب من الواقع

بس ياترى اللى عاوز يآخد الجنسية ويطلع جواز السفر يروح فين

[جيمي]

حلم المدينه الفاضله ده حلم قديم حلم بيه الفلاسفه وكتبو عنه الزعماء فى مذكراتهم بس طبعااا. وانا شوفت منه صوره مصغره لما بلاقى شوية اطفال بيلعبو مع بعض وواحد بيمثل دور الاب وواحد او واحده بتمثل دور الام واللى بيجهز الاكل واللى بيذاكر للعيال اللى هما اصلا عيال وبتلاقى التمثيليه بتاعتهم مثاليه لاقصى حد

انا بتهيالي علشان فكرة الفاضله قلب ابيض تنجح لازم نعمل زى العيال دي

مين اللى هيقوم بدور حارس بوابة دولتنا .... ويمنع دخول الاشرار من باقى الدول زى جمهورية اسمها جمهورية مبارك على ما اعتقد ويسمح بس بدخول الاجئين الهربانين من الظلم وماينساش يكشف على قلوبهم بجهاز كشف الخير علشان يعرف ان قلوبهم ماتلوثتش ومين اللى هيقوم بدور الدكتور اللى هيديهم المصل اللى هيعالج بيه الامهم اللى جابوها معاهم وماتنسوش تبنو معسكر نقاهه يقضو فيه اول ايامهم علشان مايتتجننوش من فرق المعامله والا اقولكم احسن حاجه نمحي ذاكرتهم علشان يبتدو حياتهم من جديد فى دولتنا

ومين هيمسك قيادة الجيش اللى هيبقى دفاعي بس طبعاا علشان نحمي دولتنا من الحاقدين والطمعانين فى خيرنا

ومين المدرس اللى هيعلم الاجيال الجديده معني الخير والحب والاخلاص وحب الانسان لاخيه الانسان

ومين اللى هيقوم بدور الطبيب اللى هيعالج الالم قبل مايقبض التمن

ومين اللى هيقوم بدور الشرطى اللى يحسس الناس بالامان مش بالطغيان

ومين اللى هيزرع ويقلع وهوه عارف انه بيادي رساله وبياكل الناس اكل خالى من السرطان خالى من الهرمونات

ومين اللى هيقوم بدور القاضى اللى هيحكم بالحق والعدل مش براي اسياده

ومين اللى هيصحيني من الحلم اللى انا فيه ده اصلى انا شكلى اتجننت رسمي :lol:

[قلب ابيض]

انا شخصيا معاكم وليا عالم برضه زى بتاع شمبونجو بس ممكن اضم عالمى لعالمكم طالما الهدف واحد

يا ويلكم00انت من الشمنجه يا على

اقصد يا عنبى

انا كمان عاوز ابقى معاكم فى العالم الخيالى

ده يمكن الواحد يعرف يهرب من الواقع

بس ياترى اللى عاوز يآخد الجنسية ويطلع جواز السفر يروح فين

متولى يا بن عمى 00شومبونجو دى دوله بسيطه مافيهاش تعقيدات ولا اورلق رسميه

فيها الناس ثقه بدون مواثيق ولا عهود مكتوبه

الكلمه عهد وبدون شهود

حلم المدينه الفاضله ده حلم قديم حلم بيه الفلاسفه وكتبو عنه الزعماء فى مذكراتهم بس طبعااا. وانا شوفت منه صوره مصغره لما بلاقى شوية اطفال بيلعبو مع بعض وواحد بيمثل دور الاب وواحد او واحده بتمثل دور الام واللى بيجهز الاكل واللى بيذاكر للعيال اللى هما اصلا عيال وبتلاقى التمثيليه بتاعتهم مثاليه لاقصى حد

انا بتهيالي علشان فكرة الفاضله قلب ابيض تنجح لازم نعمل زى العيال دي :lol:

ومين هيمسك قيادة الجيش اللى هيبقى دفاعي بس طبعاا علشان نحمي دولتنا من الحاقدين والطمعانين فى خيرنا

ومين المدرس اللى هيعلم الاجيال الجديده معني الخير والحب والاخلاص وحب الانسان لاخيه الانسان

ومين اللى هيقوم بدور الطبيب اللى هيعالج الالم قبل مايقبض التمن

ومين اللى هيقوم بدور الشرطى اللى يحسس الناس بالامان مش بالطغيان

ومين اللى هيزرع ويقلع وهوه عارف انه بيادي رساله وبياكل الناس اكل خالى من السرطان خالى من الهرمونات

ومين اللى هيقوم بدور القاضى اللى هيحكم بالحق والعدل مش براي اسياده

ومين اللى هيصحيني من الحلم اللى انا فيه ده اصلى انا شكلى اتجننت رسمي :lol:

انا هاصحيك يا جيمى 00بس شومبونجو بنظرتك دى هتبقى شبه العالم الواقعى اللى بنرفضه مجازا فى دولتنا الحره 00

مبدئيا انا بوضع اليد 00وبفرض سلطتى كخياليه مستبده " لانى مش كده فى الواقع " هاعتبر نفسى الزعيمه " سبونا نحلم بقى 000الله :lol: "

واعلن الاتى :

دستور دوله شومبونجو الحبيبه: اولا : على من يرغب فى الانضمام للدوله كتابه نكته على الاقل

ثانيا : المرح ضروري جدا .. فهو روح شومبونجو

_________________

ثالثا : جزاء الخيانة هو " النفي " في مركب المنبوذين " وده مركب مخصص لكل اللى ممكن يقرفنا او نرفضه بالاجماع "

ـــــــــــــــــــــــــــــــــــــــــ

رابعا : شومبونجو دولة ديموقراطية ... " بس اللي مش هيعجبنا هنطلع عينة "ا

ــــــــــــــــــــــــــــــــــ

خامسا : تنوع السلطات داخل الدولة و تنقسم الى :ا

- سلطة و ادارة عليا

- زعيم

- مناضلين

- الشعب

ـــــــــــــــــــــــــــــــــــــ

سادسا : الاحترام المتبادل مع الدول الاخري في كافة المجرة

سابعا : اليوم في شومبونجو 48 ساعة مع العلم ان الساعة 30 دقيقة فقط .. و أن الدقيقة 120 ثانية

يتبع:

[قلب ابيض]

أوزارات شومبونجو:

" أوزارات مأخوده من الوزر وليست الوزاره بتاعت الواقع "

على المواطنين ترشيح اسماء الأوزارات وما ستقوم هذه الاوزاره بتقديمه للمواطنين الشومبونجيين

وكل اللى هايالف أوزاره هيكون هو وزيرها

وانا هاسبق وها ختار أوزاره الآنتخه000

ومن خلال وزارتى الانتخه اللى اهرب بيها من مشاق يومى فى عالمى الواقعى واللى مابلاقيش فيه نفسى الا صدفه قررت كمرشحه لرئاسه الأوزاره من قبل نفسى

ان اصر :lol: ف لجميع مواطنينى الاحباء كل فرد بـ 2 جنيه شومبونجى لب اسمر + كيس شيبسى حجم عائلى +شكولاتايه سنكرز من السوق الحره الشومبونجيه +_ تلفزيون بلازما 700بوصه لزوم الانتخه والطناش واللامبالاه طيله 8 ايام فى الاسبوع مع العلم ان اليوم 48 ساعه والساعه 40 دقيقه والدقيقه 120 ثانيه

اترك لزملائى اختيار وعرض باقى الآوزارات

[الباشمهندس ياسر]

طالما هنعمل دولة خلاص

ف أنا اول واحد موافق و مؤيد و معاكم على طول الخط

بس ممكن رجاء صغنن أوى

تسمحولى امسك وزارة المتمردين

بليييييييييييز

متزعلونيش

تم تعديل 3 أغسطس 2009 بواسطة الباشمهندس ياسر

[ام بودى]

يا افكارك يا قلب ابيض واللة انتى زى العسل انا عاجبنى اوى روحك الشبابية الجميلة حيويتك التى تبث فية انا بالذات تفاؤل وفرفشة لانى اليومين دول مكتئبة وربنا وحدة يعلم بية . انا معاك ياريس ( وش عبد اللة مشرف فى وجهه نظر ) واسجل حضورى بنكتة

واحد ركب اتوبيس.. جاله الكمسرى بيقول له تذاكر ... قال له امين شرطه..... سابه وراح للى جنبه قال له: تذاكر ... قال له: ابراهيم شرطه :lol:

مطالب من مواطنة شمبونجية: مش عاوزين فيلا وعربية وشالية لكل مواطن عاوزين معاملة ادمية للانسان مهما كان مستواة عاوزين نمشى فى الشارع بامان من حق اللى معندوش عربية يلاقى مواصلات مريحة نظيفة امنة ومتوفرة مرور حضارى منظم زى بقية خلق اللة عاوزين لما نعيا نلاقى الدوا والطبيب الامين ورعاية صحية لائقة عاوزين تعليم راقى يهتم بالكيف لا بالكم عاوزين فرص عمل للشباب مش عاوزين بلطجة ولا رشوة ولا اتاوة ولا محسوبية ولا فساد ذمم ولا سرقة ونهب وتهليب ولا تنطيط ولا تبليط ولا ظلم ولاقهر عاوزين العدل تعبنا وعاوزين نرتاااااااااااااااااااااااااااااااح واملنا من بعد ربنا فى شمبونجو

على من يجد لدية القدرة على تحقيق هذة المطالب فليتقدم لترشيح نفسة لكرسى السلطة بانتخابات حرة نزيهه

[سهل جدا]

وانا هاسبق وها ختار أوزاره الآنتخه000

ومن خلال وزارتى الانتخه اللى اهرب بيها من مشاق يومى فى عالمى الواقعى واللى مابلاقيش فيه نفسى الا صدفه قررت كمرشحه لرئاسه الأوزاره من قبل نفسى :lol:

مبروك عليكي الوزارة يا مدام قلب أبيض

طيب وبصفتي واحد من عامة الشعب (لحد دلوقتي يعني, يمكن ربنا يكرمنا بعد كده وناخذ أوزارية ولا بطاية) :lol:

بصفتي واحد من الشعب فأحب أقدم لإخواني الشومبونجيين وصايا الأنتخة ..

وصايا الأنتخة الخالدة

1

اجعل هدفك في الحياة

هو الراحة والاسترخاء

2

حب سريرك

فهو مملكتك الوحيدة

3

ارتاح بالنهار

لتتمكن من النوم بسهولة في الليل

4

العمل شيء مقدس،

لذلك لا تقترب منه أبداً

5

لا تؤجل عملك للغد

طالما يمكنك تأجيله لبعد الغد

6

اعمل أقل ما يمكنك عمله،

وحاول أن تجعل غيرك يؤدي عملك بدلاً منك

7

لا تقلق لن يموت أحد إذا لم تفعل شيئاً،

بالعكس قد يتأذى البعض عندما تعمل

8

إذا أحسست بأن لديك رغبة في العمل،

استرخي قليلاً حتى تزول تلك الرغبة

9

لا تنسى: العمل مفيد للصحة،

لذلك اتركه دائماً للمرضى

==========================

وكما قال الحاج محمد الروش قدس الله سرّه

هذه الوصايا

(م ن ق و ل ة)

[ام بودى]

مش عارفة لية يا سهل جدا حاسة انك متغير اسلوبك مش هو الاولانى بتكتب بروح مختلفة مش عارفة انا بيتهيألى ولا كلامى صح ولو صح يا ترى اية السر؟ عموما انت طيوب و ظريف فى كل الاحوال

[قلب ابيض]

مش عارفة لية يا سهل جدا حاسة انك متغير اسلوبك مش هو الاولانى بتكتب بروح مختلفة مش عارفة انا بيتهيألى ولا كلامى صح ولو صح يا ترى اية السر؟ عموما انت طيوب و ظريف فى كل الاحوال

يا ام بودى سهل ده انسان جمييييل وسهل خالص

بس انا معاك انه مروق حبتين وده من دواعى سرورى 000هى دى بقى احد فوائد الآنتخه

[قلب ابيض]

طالما هنعمل دولة خلاص

ف أنا اول واحد موافق و مؤيد و معاكم على طول الخط

بس ممكن رجاء صغنن أوى

تسمحولى امسك وزارة المتمردين

بليييييييييييز

متزعلونيش

تمرد على كيفك يا هندزه ولا يهمك انت فى بلد حر اعمل اللى انت عاوزه مالم تضر الاخرين 00بس تمرد بشوييييش وماتصحيش حد00اقولك تمرد يوم الجمعه بعد الصلاه تكون الناس روحت تريح شويه وانت تاخد راحتك فى البلد

يا جماعه فى أوزارات كتير فاضيه محتاجه ناس كفأ تمسكها او تمسك حته منها00هاتمسكوا ولا ارشح انا برده بصفتى زعيمه مستنبده ؟؟؟

وبعدين يا ياسر انت داخل كده من غير احم ولادستور ؟؟ فىن قواعد الدستور؟؟ فين رسم الالتحاق بالدوله ؟؟ فين النكته؟؟؟؟

[سهل جدا]

مش عارفة لية يا سهل جدا حاسة انك متغير اسلوبك مش هو الاولانى بتكتب بروح مختلفة مش عارفة انا بيتهيألى ولا كلامى صح ولو صح يا ترى اية السر؟ :blink: عموما انت طيوب و ظريف فى كل الاحوال

جزاك الله خيرا أختي الفاضلة أم بودي.. ويارب ما يكونش حدّ زعلان مني

على فكرة أنا اليومين دول مش رايق ولا حاجة.. دا أنا عندي مشاكل بالجملة

وفي الغالب هايطرأ على حياتي تغيير مصيري في خلال شهر من الآن

بالله عليكي ادعيلي ربنا يقدر لي الخير

خذي الوردة ديه .. اديها لبودي

وبعدين بقى انتو هاتفكروني بالمشاكل ليه تاني...

دا أنا داخل دولة شومبونجو عشان أنساها

[سهل جدا]

طيب يا جماعة , بعد إذنكم أنا هامسك أوزارة الضحك والفرفشة

وبالمناسبة ديه .. هاعلن إني هاصرف لكل مواطن جهاز زغزغة يعمل بالكهرباء

وممكن نخليه يعمل بالبطاريات بردو, عشان لو واحد اتزنق في مكان ما فيهوش كهرباء..

أو نخليه بالشحن زي الموبايلات كده

وهانخلّي شعارنا.. في الوزارة هو:

(((الضحك من غير سبب هو قمة الأدب)))

(((وضحكة قليلة تمنع بلاوي كثيرة)))

[قلب ابيض]

طيب يا جماعة , بعد إذنكم أنا هامسك أوزارة الضحك والفرفشة

وبالمناسبة ديه .. هاعلن إني هاصرف لكل مواطن جهاز زغزغة يعمل بالكهرباء

وممكن نخليه يعمل بالبطاريات بردو, عشان لو واحد اتزنق في مكان ما فيهوش كهرباء..

أو نخليه بالشحن زي الموبايلات كده :happy:

وهانخلّي شعارنا.. في الوزارة هو:

(((الضحك من غير سبب هو قمة الأدب)))

(((وضحكة قليلة تمنع بلاوي كثيرة)))

الف مبروك يا معالى الوزير 00يا ابو ضحكه جنان

واهنئك على اختيارك شعار لوزارتك اللى كلنا محتاجين لفاعليتها00وبناءا عليه اسمح لى اقولك يابخت من ضحكنى وضحك الناس معايا ولابكانى وقعدت اسح بقى والناس تتفرج على :blink:

ومن هنا اعلن انشوده شومبونجو الرسميه 000شومبونجولو عطشااااانه 00000000تشرب بيبسى

[عنبو]

بما انكم بتوزعوا الوزرات يبقى انا بفكر امسك كذا وزاره

1- وزارة الاحترام : تعمل المواطن ازاى يحترم غيره وايه هى الحقوق اللى له واللى عليه ومطالب بتنفيذ الاتنين

2- وزارة التسامح : تعمل على نشر روح التسامح والالفه بين الناس

3- وزارة الاطفال : ودى بقى بتعمل على اخذ حقوق الاطفال ولا تسمح بالعنف

4- وزارة الاسره : ودى مخصصه لحل مشاكل كل الاسر

وزارة الحاج محمد الروش