العاب الغاز الغرف؛ رائعه؛

[اميره]

دول شوية العاب الغاز غرف بس تحفه بجد انا لو افضل العب طول اليوم مش بمل لانى بكتشف كل شويه شئ جديد الالعاب دى بتقيس مدى ذكائك هل هى منخفضه - متوسطه - ام عاليه حسب ايجادك للاشياك الموجوده داخل الغرفه وعندما تجد الادوات تبتدى تربطها ببعض عشان تعرف تخرج من الغرفه.... يلا نبتدى نلعب ونشوف مين العبقرى الى حيحل الالغاز دى ويخرج من الغرفه. بس رجاء ياجماعه الى يوصل الى حل نهائى يساعد الاخرين فى الخروج وربنا يوفق الجميع وتتطلع نسبه الذكاء عاليه يلا الرابط اهو :::http://neutralxe.net/esc

[Abu Reem]

ألف شكر ،،،

بصراحة الألعاب دي جميلة ، سواء للكبار ،،، أو للأطفال

وياريت تبقي تتابعي الموضوع علشان لو احتاجنا مساعدة في حل هذه الألغاز ....

تقبلي تحياتي ،،، :lol:

تم تعديل 3 أغسطس 2009 بواسطة Abu Reem

[اميره]

اولا لعبة البت الكبير http://thebighouse.free.fr/the_big_house.php ثانيا : لعبة الابواب http://alt.tnt.tv/games/thedoors ثالثا: لعبة غرفة الفنان سهله وممتعه httphttp://xn--mgbaj0a7bxdc.xn----ymcae0df5a6foape-artist ودى لعبة لغز الغرف المغله رائعه :: http://neutralxe.net/esc/ اتمنى انهم يعجبوكم

[اميره]

اكيد ياابو ريم انامعاكم عشان الى يحتاج اى مساعده او اذا اتحبس لاقدر الله نخرجو وانتو كمان الى يوصل لحل يساعد ولو شوى عشان مجهودو مايضيعش

[doha]

شكرا يااميره بحب اوي الالعاب من النوع ده ..

بدأت لعبه البيت الكبير حصلت على كرسي وكبريت وحديده واسفنجه وسلاكة حوض ومفتاح .. استخدمت الكبريت والاسفنجه والسلاكه ووصلت لحديقة البيت بس ملقيتش فيها شيء ورجعت البيت تاني .. انتي وصلتي لفين؟

تم تعديل 4 أغسطس 2009 بواسطة doha

[اميره]

انا وصلت بردو زيك كدا ونفسى الاقى حل اخرج من البيت ده بس انا حليت جزء كبير من الغرف الى فى الرابط الاخير حلوين اوى جرب واذا حبيت مساعده انا تحت امرك

[Abu Reem]

أنا محتاس في الخروج من غرفة Sphere في كرة صغير لونها ذهبي مش لا قيها

[doha]

خلينا نركز الاول في لعبه البيت الكبير عشان الواحد ميتشتتش

بصراحه انا زهقت امبارح لعبت وتوقفت عند الجزء الي قلت لكم عليه ومش لاقيه اي فائده لحد الآن من الحديقه او المفتاح مش بيفتح اي باب .. حد اكتشف اي شيء زايد يمكن يكون فيه طرف للحل؟

[doha]

أنا محتاس في الخروج من غرفة Sphere في كرة صغير لونها ذهبي مش لا قيها

في لعبه ايه؟

[السويفي]

السلام عليكم:

انا دلوقت شغال في لعبه http://neutralxe.net lights

شفت مفتاح الباب بس مش عارف اوصله

باقيلي

1 _الصندوق القديم اللي في نص الغرفه

2_الرقم السري بتاع الصندوق اللي جنب الباب

4_الرموز اللي في الفتحه اللي ورا الصندوق اللي ورا الباب

3_المربع الاخضر اللي على الحيطه اللي فوق المكتب

اللي وصل بعد كده ممكن يغششني :phar:

تم تعديل 4 أغسطس 2009 بواسطة السويفي

[doha]

السلام عليكم:

انا دلوقت شغال في لعبه http://neutralxe.net lights

شفت مفتاح الباب بس مش عارف اوصله

باقيلي

1 _الصندوق القديم اللي في نص الغرفه

2_الرقم السري بتاع الصندوق اللي جنب الباب

4_الرموز اللي في الفتحه اللي ورا الصندوق اللي ورا الباب

3_المربع الاخضر اللي على الحيطه اللي فوق المكتب

اللي وصل بعد كده ممكن يغششني :phar:

اللعبه دي احلى من التانيه بتاعت البيت الكبير ..

انا تقريبا وصلت لنفس الي انت وصلتله بس مش عارفه افتح الصندوق الي فوق صوره القطه ..

واضح ان طريقه فتحه في الورقه الي على الرف بس مش عارفه الف المفتاح كام مره مرسوم في الورقه ثلاث مرات بس مش عارفه في اي اتجاه .. الـ X o جبت الشفره بتاعتهم بس مش عارفه احطهم باي ترتيب وهل المصباح الي على المكتب هو المقصود ولا حاجه تانيه ..

بالمناسبة لقيت بطارية واحده بس للعبه انت لقيت التانيه؟ لو لقيتها قولي ايوه بس متقوليش فين عشان متحرقش اللعبه ..

ياريت بقى طريقة فتح الصندوق الي على الحيطه لاني زهقت منه ..

[doha]

فكيت شفرة المصباح وحصلت على البطاريتين بس مازالت مشكلة الصندوق كما هي ..

[doha]

كانت مسليه جدا ..

اي خدمه :phar:

[Abu Reem]

أنا محتاس في الخروج من غرفة Sphere في كرة صغير لونها ذهبي مش لا قيها

في لعبه ايه؟

لعبة اسمها Sphere هي غرفة أيضا أنا وجدت كل الكرات الصغيرة المطلوية بس فيه لوحة فيها معادلات في الأخر بتشوف الكور المتشابهة في الوزن ومش عارف أحلها ... علي أي حال لو وصلت فيها للمرحلة دي نبقى نتناقش فيها

[doha]

ولايهمك بدأت فيها دلوقت .. بس على بليل ان شاء الله اقولك الحل اصلي عاوزه انااااام ( سهرانه من امبارح احل العاب )

[السويفي]

السلام عليكم:

فتح الصندوق اللي فوق القطه

لازم تلعبي اللعبه اللي جمعتلها البطاريات وتجيبي سكووور اعلى من 6000 وبعدين هيديكي طريقه فتح الصندوق

هتلاقي مفك عاده تفتحي بيه الفتحه اللي في الباب وتشوفي المفتاح

وبعدين تقعدي تتحسري

[السويفي]

كانت مسليه جدا ..

اي خدمه

[/quote

السلام عليكم:

مبروووك

ممكن تعرفيني اللوغاريتمات اللي في الفتحه اللي ورا الصندوق .....او اي معلومه علشان انجح

[doha]

السلام عليكم:

مبروووك

ممكن تعرفيني اللوغاريتمات اللي في الفتحه اللي ورا الصندوق .....او اي معلومه علشان انجح

الكلام الي كأنه حروف بالعبري ده الي على برواز الفتحه الي ورا الخزنه هو رموز للعبه الـ X o يعني اول واحد مثلا واخد شكل حرف L يبقى قصده اول مربع يمين في لعبه الاكس او لان هو الي له ضلعين .. بينما لو واخد شكل حرف 0 يبقى قصده المربع الي في النص لان هو الوحيد الي له اربع اضلاع ..

طبعا انت عندك كود الـ XO جبناه بالمنظار من السقف ..

هتنقل الهيلوغريفي ده على ورقه ( ارسمه يعني بالورقه والقلم ) بعدين بص في الكود الي جبته .. نشوف اول مربع مطلوب ايه في الورقه الي انت نقلتها .. لو هو مثلا المربع الاوسط من كود الاكس او يبقى تنقل محتوياته سواء كانت اكس او او .. ثم تنتقل للي بعده وهكذا هيطلع لك سطر من الاكس والأو روح على المصباح ونفذ السطر ده عليه اكس يعني اوف وأو يعني اون هيطلع لك المصباح بطاريه استخدمها في اكمال اللعبه ..

الله ؟ بس انت بتقول لعبت اللعبه وجبت سكور اعلى من 600 يبقى انت تعديت المرحله دي !! امال انت بتسألني على صندوق ايه ؟؟

معليش دماغي ضرب .. صور لي المرحله الي انت واقف فيها ..

[Abu Reem]

ولايهمك بدأت فيها دلوقت .. بس على بليل ان شاء الله اقولك الحل اصلي عاوزه انااااام ( سهرانه من امبارح احل العاب ) :wub:

لو وصلت لحلها على بالليل إلى 12مساءاً بالضبط أشهد لك بشدة الذكاء وقوة الملاحظة وكل حاجة....بس خذي بالك دوختني وأنا وصلت لمرحلة مش عارف أحلها ,,, بس سأنتظر لما توصلي لها.

تم تعديل 5 أغسطس 2009 بواسطة Abu Reem

[السويفي]

السلام عليكم:

انا طلعت البطاريه بس بطريقه تانيه

انا دلوقت فاحت الفتحه اللي في الباب وشفت المفتاح اللي باقيلي

1_صندوق الكنز اللي تحت الرف

2_الدولاب الصغير اللي جنب الباب اللي ليه رقم سري

3_الورقه اللي ورا الفازا مرسوم عليها كوره بتقع ....انا مش فاهم الرسمه ده

ممكن تغششيني واحده من التلاته اللي فوق