العاب الغاز الغرف؛ رائعه؛

[doha]

السلام عليكم:

انا طلعت البطاريه بس بطريقه تانيه

انا دلوقت فاحت الفتحه اللي في الباب وشفت المفتاح اللي باقيلي

1_صندوق الكنز اللي تحت الرف

2_الدولاب الصغير اللي جنب الباب اللي ليه رقم سري

3_الورقه اللي ورا الفازا مرسوم عليها كوره بتقع ....انا مش فاهم الرسمه ده

ممكن تغششيني واحده من التلاته اللي فوق

معليش اصل انا حليت بعدها غرفتين تانيين فاختلطت علي الغرف .. على كل حال اليك بعض التلميحات ..

البطاريات بطاريتين مش وحده وطبعا كل وحده بتيجي بطريقة غير الثانيه .

الصندوق الي في نصف الغرفه مش هنفتحه لكن هنستغل المفتاح ال فيه في فتح شيءء تاني ..

المفتاح البعيد المعلق خلف الباب صعب نوصل له وبالتالي هنبص عليه بالمنظار ..

استمر . . . . .

[doha]

ولايهمك بدأت فيها دلوقت .. بس على بليل ان شاء الله اقولك الحل اصلي عاوزه انااااام ( سهرانه من امبارح احل العاب )

لو وصلت لحلها على بالليل إلى 12مساءاً بالضبط أشهد لك بشدة الذكاء وقوة الملاحظة وكل حاجة....بس خذي بالك دوختني وأنا وصلت لمرحلة مش عارف أحلها ,,, بس سأنتظر لما توصلي لها.

عادي حليتها ومخدتش مني ساعه زمن بس معليش تأخرت عليك في الرد كنت نايمه وصحيت النهرده الفجر . .

هفترض انك واقف على آخر حاجه خالص وهي الفتحات الي مفروض نحط فيها الكور بشكل معادلات ..

اولا مش محتاج تجيب كوره ذهبيه لان هو لو لاحظت فيه سبع فراغات تقريبا او تسعه مش فاكره وانت اساسا بيكون معاك نفس العدد من الكور يعني خلاص هم كده كاملين معاك .

في كتاب عثرت عليه بس مش فاكره فين تفتحه هتلاقي فيه صوره للكور على الميزان خذها وهتلاقي كمان صوره للعصايه على النبته المعلقه في السقف .. هتاخذ العصايه دي الي شكل العكاز وتروح للنبته المعلقه على السقف وتضرب في المكان المحدد في الكتاب هتلاقي كوره ( بمبي ) على مااتذكر ودي آخر كوره بتحتاجها ..

هتبص للصوره هتلاقي مرسوم فيها كوره ذهبيه متعادله مع ثلاث كور ( اخضر وبمبي ورصاصي ) هترجع تبص للمعادلات او الاحجية الي مفروض منك حلها هتلاقي ان في طرف محطوط كوره ذهبي وكوره بيضا وعلامه يساوي مع ثلاث اماكن خاليه .. وانت عارف ان الذهبي بتساوي ثلاث كور لوحدها بدون الابيض الي معاها اذا طالما حطينا معاها الابيض يبقى لازم نستبدل كوره من الثلاثه تكون زايده عن المجموع بمايعادل كوره بيضاء عشان لما نضيفها في الطرف الثاني جنب الذهبيه تتعادل ..

المهم رحت للميزان وصلحته طبعا عشان يتصلح لازم تقلبه الاول بعدين تثبت فيه الكفه الثانيه بالبراغي بعدين تبدأ تحط الاحتمالات وتوزن الكور فلقيتها على الترتيب الرصاصي اثقل شيء ثم الاخضر ثم الابيض واخيرا البمبي اخف حاجه

بدأت ادور واوزن .. المهم توصلت لمعادلات اعتقدت انها صحيحه ورحت طبقتها بس لقيت الكور مش مكفيه واكتشفت اني بحاجه لمزيد من الوزن ..

بيني وبينك زهقت وكنت اصلا عاوزه انام فاستعنت بصديق عملت سيرش وطلعت الحل من النت ..

الحل :

بمبي = بمبي

رصاصي = ابيض + اخضر

ابيض +ابيض = اخضر + بمبي

ذهبي + ابيض = اخضر +اخضر + رصاصي

جربته ونفع وانفتحت الاحجيه وطلعت من الغرفه بس بعد ماراحت متعه اللعبه .. بصراحه استمتعت بالثانيه اكتر

[doha]

لاه شوفوا دي الي بجد باين عليها خطيره كاتبين في الموقع انها اصعب وحده وفعلا لغايه دلوقت عماله افكر في حل لها وانا في الاول ومشلوله .. شكلها دماغ

http://neutralxe.net/esc/vision_play.html

[doha]

ياااه اخيرا خلصتها .. بصراحه رائعه رائعه رائعه . .

الرابط الاخير الي اسمها فيجن دي رهيبه .. انصح تسيبوا الي في ايدكم من العاب تانيه وابدئوا فيها ..

اول نص ساعه فيها او يمكن ساعه وانا متنحه مش عارفه اتصرف وكنت خلاص هسيب اللعبه واقوم بس سبحان الله اول ماتحل اول خيط تلاقيها ماشيه بعد كده بسلاسه منقطعه النظير ..

شكرا اميره على الالعاب دي بجد امتعتينا ..

[اميره]

تسلمى ضحى اى خدمه ياستى اتمنى تكونو استمتعتو بالالعاب الى توقف الدماغ دى بس جميله ومفيده لتنشيط الذاكره الى صدت من قلة التفكير ... وانشاء الله اجيب شوية العاب كمان قريب بس لما الناس المحبوسه دى تخرج wst::

[اميره]

دول بقا شوية العاب بس تحفه وصعبه جدا يلا ورونا شطارتكم والى حيحل لغز واحد من دول اشهد له انه عبقرى بسم الله نبدا .... Haunted Escape from Mahir's Office Locked Inside: Episode 2 Sealed Room Incognitus Escape the Dark Room

Escape from 1428 Elm Street

[اميره]

اسفه ياجماعه بس الرابط مش راضى ينزل :: http://www.freewebarcade.com/room-escape-games.php