عاوزنا نرجع زي زومان...

[icehearted girl]

تنزل الشارع تلاقي كل الناس كارهة روحها

وتقولك افففف :lol:

فين أيام زمان...أيام الخير والبركة ;)

حتي ابن العشرين بقي يقلك فين ايام اللحمة ام 7 جنيه وازازة البيبس ام ريال :)

وكأن مصر دي من اربعين خمسين ستين سنة كانت جنه مثلا

صحيح كانت الشوارع فاضية....بس لان معظمها مفيهوش نور ومرشق عساكر انجليز

صحيح كان الاكل رخيص...بس محدش كان لاقي الملاليم اللي بيشتري بيها الاكل دا

كان الناس بالهم رايق...بس الحياة كانت مملة جدا بتنتهي مع الغروب

كان وقت ظلم واستعمار ومجاعات

تخيل يوم قايم تشرب كباية مية ساقعة ملقتش تلاجة فبيتكم؟؟

كل متخيل الحياة في التلاتينات مثلا بحس انها كانت مساخة...وببقي عاوزة أتاوب

مش عارفة حسة ان الناس لما بتتكلم عن الماضي بيكونوا بس مشتاقين لذكريات :lol: :lol:

انما مكنش ماضي مشرق بالشكل اللي بيتكلموا عننه دا

[وسط][/وسط][] تم تعديل 3 أغسطس 2009 بواسطة icehearted girl

[الباشمهندس ياسر]

كل مااااااااااااااااااااااااااااااضى جميل

عارفه ليه

لأنه عدى و فات و ف ديله سبع لفات و مش هيرجع تانى خالث ابتا ابتا

و لاننا عرفناه و عديناه

انما الحاضر بيمثل للناس خوف الفقد ( احد انواع الحرص )

و المستقبل فيمثل الخوف من المجهول ( احد انواع سوء الظن بالله)

اى خدمة و متبقيش تغيبى تانى

الا بالحق

لما البترول يخلص و منلاقيش وقود يكفى طيارة واحدة لرحلة واحدة و ميكونوش اخترعوا حاجة تانية ... هتعملى ايه سعادتك وقتها؟؟

[ام بودى]

يخرب عقلك يا ايس انتى فين يا بنتى واللة جيتى على بالى امبارح وقلت هى مختفية فين هى مش الامتحانات خلصت من زمان امال فين الايسنة والمواضيع المأيسنة يا ايس ولا الايس melted

[icehearted girl]

أم بوووووووووووودي حبيبة هارت ايس

وحشاني جدا كان فيه بس شوية مشاغل واديني جيت ارطبلكم الجو من تاني :lol:

ياسر..بص يا ابني

انا مبتكلمش عن مشاعر انا بتكلم عن واقع

انا بقعد كتير اتخيل الناس كانت ازاي بتتعامل مع الانجليز المتنتورين هنا وهناك وخمارة نابولي اللي بتطلع فكل الافلام biggrin.gif

كانوا محرومين من ابسط حقوقهم في التعليم والعلاج وغيره وغيره

كانت البنت بس تساعد فلبيت والولد ياخد لابتدائية وينزل يشتغل بعد ميبقي زي الشحط معرفش ازاي

ولا الغارات والجري انصاص الليالي عشان يستخبوا

ولا ولا ولا............

حد يحب يتنازل عن اللي هو فيه ويرجع ميت سنة لورا يعيش فلزمن دا؟

[عنبو]

اساسا فيه مرض اسمه الحنين الى الماضى سواء حلو او وحش بس اهو حنين وخلاص عارفه زى لما تلاقى واحده بتحب واحد وهى عمرها ما عرفته بتحبه على شكله وهى رسمه له خيال فى دماغها وتصرفات فى دماغها فاحنا برضه بنحب الماضى علشان كده من باب ان احنا اساسا المستقبل ميعرفوش الا ربنا ومافيش اى حاجه تبشر بخير فى المستقبل "" ده بالنسبه للناس يعنى اللى بتفكر فى كده انا شخصيا متفائل خير جداً " وطبعا الحاضر بايظ ومافيش اى نجاحات يبقى خلاص مش اقدامهم الا يبكوا على الاطلال واقولوا الله يرحم ايام زمان لما ولما ولما ؟؟

ثانكس الحاج محمد الروش

[elfakhrany]

مابلاش نتكلم فى الماضى .. الماضى ده كان كله جراح ومادمت بحبك أنا راضى هندور ليه على شىء راح عودة طيبة يا أيس هارت

كل جيل وليه ظروفه حتى لو رجعت الأيام مش هنقدر نعيش احنا فيها من غير موبايل ومن غير انترنت ومن غير حاجات كتير .... بس أهم شىء الأخلاق ودى نقدر نزرعها فى نفسنا وفى أولادنا .

تم تعديل 4 أغسطس 2009 بواسطة elfakhrany

[icehearted girl]

بظبط والله يا فخراني انت قلت المفيد اللي يفرق فعلا الدين والاخلاق والقيم ودي مش المفروض تختلف من زمن لزمن

دي المفروض من الثوابت :happy:

وعشان خاطر استاذ العنبي شكر تاني للروش :blink:

[mandoo]

تنزل الشارع تلاقي كل الناس كارهة روحها :h!!!h:

وتقولك افففف -_-

فين أيام زمان...أيام الخير والبركة ;)

حتي ابن العشرين بقي يقلك فين ايام اللحمة ام 7 جنيه وازازة البيبس ام ريال B)

وكأن مصر دي من اربعين خمسين ستين سنة كانت جنه مثلا

صحيح كانت الشوارع فاضية....بس لان معظمها مفيهوش نور ومرشق عساكر انجليز

صحيح كان الاكل رخيص...بس محدش كان لاقي الملاليم اللي بيشتري بيها الاكل دا

كان الناس بالهم رايق...بس الحياة كانت مملة جدا بتنتهي مع الغروب

كان وقت ظلم واستعمار ومجاعات

تخيل يوم قايم تشرب كباية مية ساقعة ملقتش تلاجة فبيتكم؟؟

كل متخيل الحياة في التلاتينات مثلا بحس انها كانت مساخة...وببقي عاوزة أتاوب

مش عارفة حسة ان الناس لما بتتكلم عن الماضي بيكونوا بس مشتاقين لذكريات :h!!!h:

انما مكنش ماضي مشرق بالشكل اللي بيتكلموا عننه دا

[وسط][/وسط][]

آيس ... منورة والله ... أخبار :h!!!h: إن شاالله يارب تكونى بخير

المثل بيقول إيه .. مش هتعرف خيرى إلا لما تشوف غيرى

وعلشان كده الناس دايما بعد كل مصيبة يفتكروا الماضى

فين لما كنت بصحتى

فين لما كنت صغير

فين لما كانت الحياه بمبى

ومليون فين زيها كل يوم بنفتكرها ... واللى يشوف مصيبتنا ... تهون عليه مصايبة .... مش كده ولا إيه ؟

مع خالص تحياتى

[icehearted girl]

ماندو..اهئ اهئ :phar: :rolleyes:

دا نورك

بتفكرني ليه بس...الحمدلله رجلي خفت خلاص :happy: :happy:

[ذهبية]

ايس اهلا بيكى كنتى فين من زمان بجد تركتى فراغ كبير جدا يا ايس WELLCOME BACK

بصى يا ايس من وجهة نظرى الموضوع من زمان و دلوقتى اى زمن فى الدنيا زىاى حاجة فى الدنيا لة سلبيات و لة ايجابيات

سواء زمان او الان

تعالى نشوف زمان اة فعلا زى ما انتى بتقولى كدة زمان كان فية جهل و مفيش تقدم فى حاجات كتيرة لكن كانت اجابياتة معظمها فى المشاعر و الارتباط العائلى و الاسرى

رتم الحياة البطيئة والتماسك بين كل افراد الشعب الجيران كلهم بيت واحد الفرح الىل عندك هو نفسة اللى عندى و العكس صحيح الكل يد واحدة الحب كان كبير والاتحاد كان اكبر

زى الان فى زمانا اة فية ايجابيات كتيرة من التقدم العلمى و التكنولوجى لكن تعالى على مستوى الاخلاق و المشاعر تلاقى انحدار

فين بيت العيلة و اللمة و الحب العذرى و قصائد الشعر و اللى يسهر تحت شباك حبيبتة طول الليل

علشان الانسان طماع بطبعة و عايز كل حاجة فعايز التقدم التكنولو جى فى عصرنا مع انة بيحلم باللى ناقصة انة يرجع وراة تانى علشان يلاقية

من وجهة نطرى ان الانسان بيتعود على رتم حياتة ولو جيتى سالتى بتوع زمان تيجوا فى زمنا هيرفضوا و لو سالتى جيل الشباب ترجعوا ورا فى الزمن هيرفضوا

كل واحد بيتعود على عيشتة بكل اللى فيها حلوة او مرة وربنا يرزقنا ويرزقك السعادة

ذهبية