منقول من موضوع وماذا بعد .

[Lighthouse]

وأخيرا .. هل مصر وشعب مصر بالداخل ينبض قلبه بنفس انفعالاتنا نحن المصريين بالخارج .. أم أن ما يهمنا لا يهمهم والعكس صحيح ؟؟

معلش يعني

مع احترامي لكلام حضرتك السابق اعلاه

ايه اللى يجعل من الشخص الموجود بالخارج اكثر التصاقا وهما من المتواجدين بالداخل رغم ان معاناته تختلف عن معاناتنا نحن المطحونين هنا .

ياريت حضرتك توضح وجهة نظرك علشان مايكونش فيه سوء تفاهم

لان لو حضرتك اكثر هما من المتواجدين هنا ماكنتش فكرت تخرج وتسيب البلد

في انتظار توضيح لو سمحت stnd::

[Mohammad Abouzied]

وأخيرا .. هل مصر وشعب مصر بالداخل ينبض قلبه بنفس انفعالاتنا نحن المصريين بالخارج .. أم أن ما يهمنا لا يهمهم والعكس صحيح ؟؟

معلش يعني

مع احترامي لكلام حضرتك السابق اعلاه

ايه اللى يجعل من الشخص الموجود بالخارج اكثر التصاقا وهما من المتواجدين بالداخل رغم ان معاناته تختلف عن معاناتنا نحن المطحونين هنا .

ياريت حضرتك توضح وجهة نظرك علشان مايكونش فيه سوء تفاهم

لان لو حضرتك اكثر هما من المتواجدين هنا ماكنتش فكرت تخرج وتسيب البلد

في انتظار توضيح لو سمحت stnd::

هو كلنا في مركب واحد واحنا مسيرنا لبلدنا قبل اي شي ومصر دي هي مستقبلنا ومستقبل اولادنا وامرها يهمنا يمكن اكثر من المقيمين فيها حاليا نظرا لما نراه من الاختلافات في المستوى الاجتماعي والاقتصادي والثقافي

ودائما نريد الافضل لوطنا خاصة اننا مصريين وكل ما يحيط بنا يعاملنا على اننا مصريين ولا انتي عايزة تشيلي منا الجنسية لمجرد عملنا في الخارج

وعلى فكرة سفرنا مكانش بأرادتنا بل للبحث عن الرزق وقد امرنا الله ان نسعى في مناكبها ونأكل من نرزقها وكمان نترك فرصة لغيرنا يجد فرصة العمل التي كنا بنشغلها في مصر ولما نرجع بنقل خبراتنا الي تعلمناها بره للداخل هنا في مصر

اما ما نحس به فهو فعلا شعور المحروم من وطنه واهله يمكن انتم عادي مش حسين به لانه في ايديكم تشوفو اهلكم ومعارفكم وتتمتعو بمصر زي ما انتم عوزين لكن ان ساعات اشعر لما واحد سعودي يزور مصر ويرجع يحكي انه شاف ايه وراح فين اشعر بأن شئ ناقصني وانا الي مفرط فيه

يمكن تقولي ما ترجع افضلك

طبعا ممكن وسهل كمان لكن وجودي هنا بيخدم ناس كتير تعودو على وجودي معاهم من المصريين القادمين الجدد وكمان لو رجعت دلوقتي مفيش عمل يناسبني وانا في السن دا

طبعا وضحت الامور شوية

[فــيــروز]

امرها يهمنا يمكن اكثر من المقيمين فيها حاليا نظرا لما نراه من الاختلافات في المستوى الاجتماعي والاقتصادي والثقافي

انا وان كنت لا استطيع ان ادعى اننى اكثر وطنيه من غيرى من المصريين المقيمين بالخارج الا انى لا اقبل ان يقول البعض انهم اكثر هما بمصر منى او من غيرى من المقيمين بمصر .. !! وحيث انه ليس لدى مقياس اثبت به انى اكثر وطنيه منهم فهم بالمثل لا يملكون اى دليل على انهم اكثر وطنيه منا نحن المقيمين بمصر .. لذا فانا اعترض و بشده على اى ادعاء ان اى فريق اكثر وطنيه من الفريق الآخر .. ده بفرض اننا فريقان ولسنا فريقا واحدا

اما ما نحس به فهو فعلا شعور المحروم من وطنه واهله

اعتقد ان هذا الشعور هو اختيار المغترب و بارداته الحره تماما .. حضرتك كما قلت تسعى على رزقك وقد يكون الحال فى الخارج افضل من مصر .. فليس هناك اختيار كل تبعاته ايجابيه .. كل انسان يختار ما يقدر ان يتحمله .. انت تختار ان تعيش فى مكان به فرص افضل للعمل و المعيشه مقابل ان تحرم من اهلك ووطنك .. وغيرك اختار ان يعيش فى مصر مع ضيق الحال ولم يستطع ان يتحمل الحرمان من الوطن .. وبالتالى فكل منا اختار بمحض ارادته ومن يشعر بالم من اختياره يستطيع بكل بساطه ان يغيره ..

يمكن انتم عادي مش حسين به لانه في ايديكم تشوفو اهلكم ومعارفكم وتتمتعو بمصر زي ما انتم عوزين لكن ان ساعات اشعر لما واحد سعودي يزور مصر ويرجع يحكي انه شاف ايه وراح فين اشعر بأن شئ ناقصني وانا الي مفرط فيه

يمكن تقولي ما ترجع افضلك

بالظبط كده يا فندم .. حضرتك جبت من الآخر .. كلامى بس عشان محدش يحس انه وحده الذى يعانى .. لا المغتربين عن مصر يعانوا بمفردهم ولا المصريين بالداخل هم وحدهم من يذوقوا الامرين

طبعا ممكن وسهل كمان لكن وجودي هنا بيخدم ناس كتير تعودو على وجودي معاهم من المصريين القادمين الجدد وكمان لو رجعت دلوقتي مفيش عمل يناسبني وانا في السن دا

يبقى حضرتك حسمت اختيارك ولا مجال للمقارنه او ان نقول ان اللى بره بيعانى اكتر من اللى جوه ..

لأن مش هايفهم الكلام ده غير مغترب مثلك ...مش اللي عايش في البلد و نفسه يطلب منك خدمه .....حطني في شنطه سفركـو خدني معاك وانت راجع.....

فى الحقيقه اذا كان الامر بهذه الصعوبه التى لا يفهمها الا المغترب وهو حقيقى بالفعل فان الحال فى مصر ايضا لن يفهمه الا من يعيش فيها الآن وليس منذ سنوات طويله مضت .. لانه حتى المغترب حين ينزل الى مصر يراها بعيون سائح لن يقضى فى مصر سوى بضعة ايام ان طالت لن تدوم .. وبالتالى فليس من العدل ان يتحدث طرف عن معاناة الطرف الآخر بلهجة العالم ببواطن الامور .. والحقيقه انا لا اقصد حضرتك على وجه الخصوص وارجو الا يضايقك كلامى هذا بل و اعتذر مقدما لو سبب لك اى ضيق .. لكن الحقيقه الجمله الاخيره فى كلامك مؤلمه للغايه .. خصوصا ان حضرتك بتقول ان قبل سفر اى مغترب كان بيحاول بشتى الطرق ان يهاجر و يترك البلد يبقى المتوقع منه على اقل تقدير ان يفهم شعور من يحاول مثله نفس المحاوله و يقدر اسبابها و دوافعها ..

على العموم لنا الله .. وكما قلت سابقا .. لا مجال لان يدعى اى منا البطوله .. لا من سافر ولا من بقى .. من سافر سافر بارادته ومن بقى بقى بمزاجه .. يبقى من المستحسن فى رايى الا نقارن من الاساس حتى لا نستدرج الى مثل هذه المناقشه التى لن تجدى اى شئ

[Lighthouse]

الاخت فيروز

شكرا على ردك الذي قلت فيه ماردت قوله ردا على كلام الاخ محمد ابو زيد والاخ ايجيبت 5

ومن غير حساسيات وتقسيم لجبهات انتم واحنا ومصريي الداخل ومصريي الخارج ونقيس مقدار وطنية كل فرد فينا زي المعارضة في اي بلد مابتقسم لمعارضي الداخل ومعارضي الخارج .

لاننا لانملك مقياس موضوعي لنقيس به مدى حب كل فريق منا لبلده ولا يمكننا الحكم على مقدار ماسيقدمه كل فريق مستقبلا .

فهل اطمع في توضيح لما يمكن ان يقدمه اي مغترب لبلده وبشكل عملي وفعلي وليس من قبيل الشعارات والقوالب التي تقال في مثل هذه الاحوال :angry:

هل لو لاقدر الله اندلعت الحرب في مصر وتحرشت بها امريكا كما يطالب دعاة الحرية المنتظرين لها لتحرر لهم مصر ... ماهو العون الذي تستطيعون تقديمه لمصر ؟؟ هل ترسلون ابناءكم مثلا للخدمة العسكرية ام تحمدون الله على انهم مزدوجي الجنسية ولن يستطيعوا دخول الجيش !!!!

في ظل هذه الظروف الاقتصادية العصيبة التي يمر بها الشعب كله ... ماذا يمكنكم تقديمه للبلد حتى يقوم من هذه العثرة !!!!

وارجو الا يكون كلامي مؤلما للبعض ولا يعتبره اي شخص موجه له بالتحديد . فهذا كلام عام موجه لكل مصري اختار الهجرة ليحيا بعيدا عن مصر وفي نفس الوقت يقيم من نفسه حكما على مقدار حبنا لمصر ويعتبر نفسه اكثر وطنية من الموجودين فيها . ومن يعيبون علينا سلبيتنا واننا لانغير الاوضاع الحالية وهم ليسوا باقل منا في هذه السلبية لانهم ايضا لم يفعلوا اي شيئ من اجل هذا التغيير . بل ربما يكون لنا بسبب الاوضاع الامنية عذر في تراجع البعض عن استكمال المسيرة .. ولكن ماعذركم وانتم تعيشون في بلاد الديمقراطية وحرية الراي . اعتقد اننا في هذا متساويين ومافيش حد احسن من حد ... مجرد كلام يقال وكفاح من خلف الشاشات لااكثر ولا اقل mc(:

واذا اتسع صدركم للنقاش فيمكننا استكمال الكلام لاحقا

[Lancelot]

لايت هاوس ... إيه فيه إيه mfb: ... داخلة في الراجل شمال كده ليه fsh:: ... كل ده علشان جملة قالها mc(: ... أكيد لم يقصد بها ما تظنينه – مش كده و لا إيه يا أستاذ إيجيبت - .... لأن اللي إنتي فاكره إنه يقصده مش معقول mfb: ... مش معقول إني أتهم اللي جوه مصر بأنهم أقل وطنية من اللي براها :o ... المفروض و الطبيعي إن الإتهام يكون بالعكس ... يعني اللي بره أقل وطنية من اللي جوه ... و في النهاية الإتهامين مرفوضين ... تماما ... لأن كلنا متفقين و الواحد هنا في المنتدي مثلا مش بيشوف اللي كاتب الكلام قاعد في مصر و لا براها علشان يحكم علي كلامه بإنه سليم و لا لأ ...

و بعدين ما هو قال "و العكس صحيح" .. يعني قال نفس الكلام علي اللي بره مصر .. بس قدم الأولي علشان هو في موقع اللي بره مصر و يتساءل عن هل اللي جوه مصر بيفكروا زيه و لا لأ ...

و بعدين إنتي سيبتي كل الكلام و الإقتراحات اللي هو قالها :angry: .. و اللي هي الهدف الرئيسي من الموضوع .. علشان تتكلمي في معني هذه الجملة ... و في النهاية هو هيقولك "لأ طبعا مش قصدي كده" ... مش كده يا باشمهندس و لا إيه ... mc(: cr((: cr((:

أنا بس قصدي إننا بنضيع وقت في نقطة جانبية في حين إن الموضوع مهم فعلا ... cr((:

و الموضوع ببساطة هو إجابة علي سؤال بسيط هو "إحنا بنعمل إيه هنا (في المنتدي)" ... و السيد إيجيبت 5 بيطرح علينا رؤيته للإجابة ...

أنا عن نفسي شايف إن التحرك العملي بأي شكل هو شئ كويس جدا ... و هو ينقلنا من مرحلة الكلام إلي مرحلة الفعل ... أما عن ردود الأفعال لهذا التحرك بالتأكيد ستكون بسيطة لكن النتيجة النهائية تستحق ... فقط يبقي التنبيه علي أن دراسة الخطوات التي سيتم تنفيذها و المجالات التي سيتم التحرك فيها مهمة للغاية .. لأن النجاح الأولي للفكرة يشجع جدا علي إستمرار تنفيذها و يجذب إليها العديد و العديد من المشاركين ...

الدعاية للمنتدي فكرة يتم دراستها حاليا من أجل زيادة عدد زوار و أعضاء المنتدي ... و الإنتشار علي المستوي الإعلامي من الممكن أن يتم بطريقة مراسلة الصحفيين و الكتاب المتميزين و الذين نثق في أرائهم و فكرهم ...

بالنسبة للفكرتين الأولي و الثالثة ... فأعتقد إن التغيير علي هذا المستوي شئ صعب شويتين ثلاثة ... لكن التوعية بالنسبة للقضايا العربية الخاصة بالتعاون العربي المشترك مما يشكل رأي عربيا عاما موحدا هو شئ مطلوب و ضروري .. و يمكن إستخدام شبكة الإنترنت بفعالية في هذا الأمر ... لكن من المهم جدا حسن إختيار الطرف الآخر في الحوار علشان الحفاظ علي الوقت و المجهود و ضمان نجاح التجربة ....

بريد المنتدي ... فكرة كويسة تستحق الدراسة و تحتاج للدعاية ...

و في إنتظار البقية ....

[Mohammad Abouzied]

وارجو الا يكون كلامي مؤلما للبعض ولا يعتبره اي شخص موجه له بالتحديد . فهذا كلام عام موجه لكل مصري اختار الهجرة ليحيا بعيدا عن مصر وفي نفس الوقت يقيم من نفسه حكما على مقدار حبنا لمصر ويعتبر نفسه اكثر وطنية من الموجودين فيها . ومن يعيبون علينا سلبيتنا واننا لانغير الاوضاع الحالية وهم ليسوا باقل منا في هذه السلبية لانهم ايضا لم يفعلوا اي شيئ من اجل هذا التغيير . بل ربما يكون لنا بسبب الاوضاع الامنية عذر في تراجع البعض عن استكمال المسيرة .. ولكن ماعذركم وانتم تعيشون في بلاد الديمقراطية وحرية الراي . اعتقد اننا في هذا متساويين ومافيش حد احسن من حد ... مجرد كلام يقال وكفاح من خلف الشاشات لااكثر ولا اقل 

ايه الكلام الكبير دا

الواحد لازم يخاف منكم

نحن نتواصل معكم وكمان مش اقل وطنية ولا نتهمكم بانكم اقل وطنية وعلى فكرة اغلبنا معندوش غير الجنسية المصرية وعدد بسيط جدا هو الى مهاجر وعنده جنسية اخرى واولادنا كلهم مصريين حتى ابنتي الى جنسيتها المانيه سوف تتنازل عن جنسيتها الالمانية وها تسترد جنسيتها المصرية وهتتزوج واحد مصري ودا شرطها الوحيد للزواج وسهل طبعا انها تتزوج مصري وتعطيه حق الاقامة في المانيا ولكنها بتحب مصر وها تعيش في مصر زيكم ومش هاتتنازل ابدا عن حقها في مصر وحقها في الجنسية

اما عن ارسال اولادنا الى الجيش للحرب احب ان اقول ليكم ان اغلب المتطوعين في حرب العراق من المصريين من ابناء العاملين المصريين في الخليج والعراق وبعض الدول الاوربية يعني مش في الدفاع عن مصر وبس ولكن في الدفاع عن الوطن العربي كله

وايضا مش اتهام ليكم بعدم الوطنية لكن ما نراه نحن واحنا في الخارج ممكن يعدي عليكم عادي بدون اي اهتمام نظرا لتباين واختلاف طبيعة الحياة في الغربة

وشوية وشوية علينا لان الاستاذ اجيبت بيتسائل ايه الى ممكن يعملوه المغتربين لمصر اما عن المقيمين فانتم ادرى بالي ممكن تعملوه في مصر وكل واحد ومقدرته وربنا يديكم الصحة

[Lighthouse]

لايت هاوس ... إيه فيه إيه  :o  ... داخلة في الراجل شمال كده ليه  fsh::  ... كل ده علشان جملة قالها  cr((: ... أكيد لم يقصد بها ما تظنينه – مش كده و لا إيه يا أستاذ إيجيبت - .... لأن اللي إنتي فاكره إنه يقصده مش معقول  :o  ... مش معقول إني أتهم اللي جوه مصر بأنهم أقل وطنية من اللي براها  :o  ... المفروض و الطبيعي إن الإتهام يكون بالعكس ... يعني اللي بره أقل وطنية من اللي جوه ... و في النهاية الإتهامين مرفوضين ... تماما ... لأن كلنا متفقين و الواحد هنا في المنتدي مثلا مش بيشوف اللي كاتب الكلام قاعد في مصر و لا براها علشان يحكم علي كلامه بإنه سليم و لا لأ ...

و بعدين ما هو قال "و العكس صحيح" .. يعني قال نفس الكلام علي اللي بره مصر .. بس قدم الأولي علشان هو في موقع اللي بره مصر و يتساءل عن هل اللي جوه مصر بيفكروا زيه و لا لأ ...

و بعدين إنتي سيبتي كل الكلام و الإقتراحات اللي هو قالها  :angry:  .. و اللي هي الهدف الرئيسي من الموضوع .. علشان تتكلمي في معني هذه الجملة ... و في النهاية هو هيقولك "لأ طبعا مش قصدي كده" ... مش كده يا باشمهندس و لا إيه  ... cr((:  mfb:  mfb:

أنا بس قصدي إننا بنضيع وقت في نقطة جانبية في حين إن الموضوع مهم فعلا ... :o

و الموضوع ببساطة هو إجابة علي سؤال بسيط هو "إحنا بنعمل إيه هنا (في المنتدي)" ... و السيد إيجيبت 5 بيطرح علينا رؤيته للإجابة ...

أنا عن نفسي شايف إن التحرك العملي بأي شكل هو شئ كويس جدا ... و هو ينقلنا من مرحلة الكلام إلي مرحلة الفعل ... أما عن ردود الأفعال لهذا التحرك بالتأكيد ستكون بسيطة لكن النتيجة النهائية تستحق ... فقط يبقي التنبيه علي أن دراسة الخطوات التي سيتم تنفيذها و المجالات التي سيتم التحرك فيها مهمة للغاية .. لأن النجاح الأولي للفكرة يشجع جدا علي إستمرار تنفيذها و يجذب إليها العديد و العديد من المشاركين ...

الدعاية للمنتدي فكرة يتم دراستها حاليا من أجل زيادة عدد زوار و أعضاء المنتدي ... و الإنتشار علي المستوي الإعلامي من الممكن أن يتم بطريقة مراسلة الصحفيين و الكتاب المتميزين و الذين نثق في أرائهم و فكرهم ...

بالنسبة للفكرتين الأولي و الثالثة ... فأعتقد إن التغيير علي هذا المستوي شئ صعب شويتين ثلاثة ... لكن التوعية بالنسبة للقضايا العربية الخاصة بالتعاون العربي المشترك مما يشكل رأي عربيا عاما موحدا هو شئ مطلوب و ضروري .. و يمكن إستخدام شبكة الإنترنت بفعالية في هذا الأمر ... لكن من المهم جدا حسن إختيار الطرف الآخر في الحوار علشان الحفاظ علي الوقت و المجهود و ضمان نجاح التجربة ....

بريد المنتدي ... فكرة كويسة تستحق الدراسة و تحتاج للدعاية ...

و في إنتظار البقية ....

انا سألت الاستاذ ايجيبت فايف سؤال

شوف انت رد الاستاذ محمد ابو زيد عن السؤال كان عامل ازاي

المفروض يمر الكلام مرور الكرام ولا يتم التعقيب عليه علشان فيه نقاط مهمة اولي بالتعقيب عليها ...

طيب مين يحدد اهمية النقاط دي mc(:

المهم من وجهة نظرك يالانس قد يعتبره البعض غير مهم والعكس صحيح

وكوني سالته عن جملة وردت في معرض كلامه فأعتقد ان النقاش مفتوح للتعقيب عن اي جزء في الموضوع وليس عن اجزاء بعينها وترك باقي الموضوع cr((:

فحيث انكم تطوعتم بتوضيح وجهة نظره وبالمرة كل واحد فيكم قال وجهة نظره هو شخصيا

فأعتقد من حق كل شخص برضه يعترض على مالايعجبه

وانا سبق وقلت ممكن نكمل نقاش لو اتسع صدركم

لكن يبدو والله اعلم ان الصدر غير واسع للنقاش وقبول الراي الآخر mc(:

[Lighthouse]

الاستاذ محمد ابو زيد

لاكلام كبير ولا غيره

وماتخافش

المفروض ان فيه فرصة لحوار ديمقراطي وقبول للراي الآخر

وحضرتك قلت رايك وقمت بالرد عليك واوضحت ان المقصود من ردي ليس شخص بعينه ولكن الفكرة نفسها . واعتقد كلامي كان واضحا

وحضرتك ايضا قمت مشكورا بتوضيح وجهة نظرك التي تختلف أو فلنقل اقل حدة من رايك السابق

فشوف بقى ردنا عليك جاب نتيجة ازاي mc(:

وماتخافش

احنا مش بنعض

:angry:

[Mohammad Abouzied]

طبعا انا لا اقصد الحدة في كلامي فكلكم اولادي وبناتي وكل ما في الامر اني بنقل نظرة لواحد عمل واشتغل في مصر وتغرب ومرت بحياته احداث منها النكسة وما ترتب عليها وحرب اكتوبر وحرب شرسة ، رائحة البرود والموت نحس به حتى الان ولازال صوت المدافع وضرب الرصاص الموسيقى المفضلة عندي ومنها الى سياسة السلام وسياسة الانفتاح وبعدها سياسة الهبش واللبش والتخريب المتعمد وبعدها سياسة القطب الواحد والهيمنة وفرض الامر الواقع

كل ذلك ونحنا نعاني الغربة ولا يوجد في ايدينا الا اننا نسعى لاخوننا ومعارفنا في ايجاد فرص عمل لهم في الخارج او انشاء مشاريع صغيرة وعادتا تفشل لسوء النظام الاقتصادي في البلد وليس امامنا الا الحوار والبحث عن الحل لان عودتنا قبل وجود هذا الحل سوف نقع في نفس المشكلة التى تعانون منها حاليا

اذا القلق الي احنا فيه له أسبابه اما عن الوطنية فهي ليس وسام يعطى لفرد وينزع من اخر بل كل شخص يحاول حتى ولو بالكلام فقط للأصلاح فهو وطني يعني كلنا في مركب واحد كما قلت من قبل

حتى مشاركتنا في المحورات نوع من الوطنية لان منتدانا ذات طابع سياسي بحت ويبحث في امور مصر والمصريين واي فرد بيكتب فيه عارف دا مسبقا وبالطبع بيبسطني كثيرا ان يكون فيه حوار وانا مقتنع تماما بفكرتك بل انا الي بطالب بيها ايضا مع حفظ الملكية الفكرية

وكل سنة وانتم طيبين

[هشام عبد الوهاب]

تم نقل المداخلات التى خرجت عن الموضوع الأصلى . وعفوا للجميع .

عيد سعيد للأخوة المسلمون .

[Mohammad Abouzied]

انا سألت الاستاذ ايجيبت فايف سؤال

شوف انت رد الاستاذ محمد ابو زيد عن السؤال كان عامل ازاي

المفروض يمر الكلام مرور الكرام ولا يتم التعقيب عليه علشان فيه نقاط مهمة اولي بالتعقيب عليها ...

عموما الرد عليكي شئ كويس انا شايف ان توضيح هذه النقطة مهمة جدا خاصة ان العاملين في الخارج متهمين دائما في مصر بعدم الاكتراث بمشاكل مصر ودا بصفة عامة وليس دفاعا عن نفسي بل هي وجهة نظر فقط

[أسد]

لايت هاوس ... فيروز ....

تحية لكم من الأعماق ... إن ماكتبت بواسطتكم هنا إنما يدل على أ نالخير في أبناء هذا الوطن لا زال موجوداً .. ولازال يؤكد على أن هناك من يراهن على حب هذا الوطن ... وأن المتنافسون يتنافسون أيهما يحب مصر أكثر وأكثر ...

تحياتي لكم ... وهذا هو لب الموضوع ...

أعتبر نفسي من فريق المغتربين ... وأحب أن أفسر لكما شيئاً أن المغتربون المصريون نوعان ... نوعاً هاجر إلى الغرب وحصل على جنسية أخرى واتخذ من مهجره وطن آخر ... بيد أن الوطن الأم (مصر) مازال في قلبه وعقله .. وبالطبع يوجد بينهم من لا يذكر مصر بخير على الإطلاق ....

ونوع آخر من المغتربين -وأنا منهم - من سافر للعمل في بلاد أخرى لأهداف إقتصادية بحتة ... وبعضهم راقت له الحياة فقرر البقاء إلى أن يأتي الله بأمر كان مفعولاً ...

أما عن حب مصر ... فبالتأكيد .. كلنا يحب مصر ومهموم بمشاكلها ، وأقصد بكلنا (الوطنيون منا) سواء كانوا من المغتربين أو المقيمين على أرض مصر ...

ليس لأي فريق منهم الأفضلية ...

أما عن كلامكما ورأيكما ... فأنا أميل له ... ولا أدري ما السبب ...

والتأكيد الأخير ....

كلنا يحب مصر ...

وكلنا عليه عبء نتمنى أن نقوم به تجاه مصر ...

وكلنا متهمون بما آلت له الأمور في مصر ...

سواء بهروبنا .. أو بسلبيتنا واللامبالاة التي تسيطر علينا ...

سواء داخل مصر كنا ... أو خارجها ....

وأدعوكم مرة أخرى وأدعو نفسي معكم ..

لنتنافس على حب مصر ..

فمن منكم يحب مصر أكثر مني ؟؟؟؟؟؟؟

[Lighthouse]

تم نقل المداخلات التى خرجت عن الموضوع الأصلى . وعفوا للجميع .

عيد سعيد للأخوة المسلمون .

هذه الردود كانت بناء على نقطة وردت بمداخلة الاخ ايجيب فايف

وليست خارج الموضوع

والا فماالداعي لورودها في مداخلته اصلا

:angry: mc(:

[Lighthouse]

عموما الرد عليكي شئ كويس انا شايف ان توضيح هذه النقطة مهمة جدا خاصة ان العاملين في الخارج متهمين دائما في مصر بعدم الاكتراث بمشاكل مصر ودا بصفة عامة وليس دفاعا عن نفسي بل هي وجهة نظر فقط

من الذي اتهمهم بعدم الاكتراث !!!!

أم ان كل مغترب يهاجم المتواجدين بمصر ويقلل من وطنيتهم حتى يسبقهم قبل ان يهاجموه mc(:

اعتقد ان كلامي كان ردا على ماسبق وقيل أي ان الكلام قيل من طرف شخص مهاجر وليس العكس

وطالما كل فرد فينا اختار طريقه

فالمهاجر اختار الغربة والبعد عن الاهل مقابل ماسيتمتع به من امتيازات علمية وثقافية وغيرها ... فليس عليه ان يتباكى على حرمانه من الاهل والخلان .

وكذلك المقيم هنا اختار التواجد بين الاهل والخلان وفضل البقاء فلا يتباكى على ذلك

وليس من حق اي شخص سواء مقيم او مهاجر ان يعيش دور الشهيد على حساب الغير

فكل شخص حقق من سفره مصالح هو وحده القادر على تقييم ماذا كانت مصالح شخصية له أم من أجل عيون الوطن mc(:

ومرة أخرى

يمكننا التحدث اذا اتسع صدركم للنقاش ولم يكن هناك فرصة للحجر على الاراء :angry:

[wa7d]

إجمتع بعض المهاجرين مزدوجى الجنسية ( مصرى - كندى ) . ووضع أحدهم سؤال :

" لو فريق الكره المصرى لعب مع فريق الكره الكندى ....... تشجع مين ؟

هذه بعض الإجابات :

- مصر بلدى أما كندا بلد أولادى ..... أشجع المستقبل بلد أولادى كندا .

- مصر بلدى وكندا بلد أولادى ..... ملعون أبو أولادى ، أشجع بلدى مصر .

- الفريق المصرى حيتغلب ويكسفنا ..... لا أشجع ده أو ده .

- أشجع مصر علشان لو مصر غلبت ..... أكسر عين الكنديين .

الخلاصة ... مصر مسؤوله من أولادها الذين يعيشون فيها ، والمصريون فى الخارج لن يستطيعون شيئا إلا النصائح والأمنيات ، ما لم يتحرك المقيمين فيها .

[فــيــروز]

الخلاصة ... مصر مسؤوله من أولادها الذين يعيشون فيها ، والمصريون فى الخارج لن يستطيعون شيئا إلا النصائح والأمنيات ، ما لم يتحرك المقيمين فيها .

لا شك فى هذا .. ولم يقلل اى انسان من واجب المقيمين داخل مصر و دورهم المفترض من اجل النهوض بالبلد من عثرتها .. اعتراضنا فقط على عمل مقارنه بين المصريين بالداخل و الخارج ليفوز طرف منهما بلقب "الاكثر هما بمصر من الآخر" وكما قال السيد المسيح "كل يعطى مما عنده" يعنى اللى يقدر يعمل حاجه للبلد سواء وهو مقيم بها او خارجها يتفضل مشكورا .. شكرا للاخ اسد على مداخلته وكل سنه وكلنا طيبين :angry:

[KWA]

لأن مش هايفهم الكلام ده غير مغترب مثلك ...مش اللي عايش في البلد و نفسه يطلب منك خدمه .....حطني في شنطه سفركـو خدني معاك وانت راجع.....

فى الحقيقه اذا كان الامر بهذه الصعوبه التى لا يفهمها الا المغترب وهو حقيقى بالفعل فان الحال فى مصر ايضا لن يفهمه الا من يعيش فيها الآن وليس منذ سنوات طويله مضت .. لانه حتى المغترب حين ينزل الى مصر يراها بعيون سائح لن يقضى فى مصر سوى بضعة ايام ان طالت لن تدوم .. وبالتالى فليس من العدل ان يتحدث طرف عن معاناة الطرف الآخر بلهجة العالم ببواطن الامور .. والحقيقه انا لا اقصد حضرتك على وجه الخصوص وارجو الا يضايقك كلامى هذا بل و اعتذر مقدما لو سبب لك اى ضيق .. لكن الحقيقه الجمله الاخيره فى كلامك مؤلمه للغايه .. خصوصا ان حضرتك بتقول ان قبل سفر اى مغترب كان بيحاول بشتى الطرق ان يهاجر و يترك البلد يبقى المتوقع منه على اقل تقدير ان يفهم شعور من يحاول مثله نفس المحاوله و يقدر اسبابها و دوافعها ..

على العموم لنا الله .. وكما قلت سابقا .. لا مجال لان يدعى اى منا البطوله .. لا من سافر ولا من بقى .. من سافر سافر بارادته ومن بقى بقى بمزاجه .. يبقى من المستحسن فى رايى الا نقارن من الاساس حتى لا نستدرج الى مثل هذه المناقشه التى لن تجدى اى شئ

بسم الله الرحمن الرحيم

السلام عليكم ورحمة الله وبركاته

كل سنه و جميع الأخوه و الأخوات طيبين و عيد سعيد علي الجميع....الأخت الفاضله فيروز...الجمله اللي انا كتبتها قاصدا بها اظهار و توضيح لمدي المعاناه التي يعيشها الشعب و خصوصا الشباب ....و الرغبه في البعد و الهجره كما فعلنا نحن و ربما الوضع الأن اسوأ من قبل ....لا اكثر و لا اقل

لانه حتى المغترب حين ينزل الى مصر يراها بعيون سائح لن يقضى فى مصر سوى بضعة ايام ان طالت لن تدوم .. وبالتالى فليس من العدل ان يتحدث طرف عن معاناة الطرف الآخر بلهجة العالم ببواطن الامور

مين اللي قال ان المصري لما بيرجع مصر بيراها بعيون سائح...ليه هو بنرجع خواجات و لا ايه بالضبط ....مش معني اننا هاجرنا و لا خدنا جنسيه دوله اخري...اننا ننسي نفسنا و اهالينا اللي هم جزء من الطرف الأخر و بيعانوا بالضبط زي الطرف الأخر....و الطرف الأخر ده هو والدي و اخواتي و اصدقائي اللي هم جزء مني ....مش كده و لا ايه ....

الموضوع تشعب بعيد عن الفكره الأساسيه لمداخله الأخ ايجيبت 5....و لا اعرف كيف تم تغير مساره الي خلق نوعين من المصرين...و ده غير صحيح علي الأطلاق ....و ازاي نعمل من انفسنا نوعين من المصريين و مقارنه بين بعضنا البعض ...ده احنا كلنا في الهم سوا...و اللي مالوش خير في اهله مالوش خير في نفسه....

[Mohd Hafez]

بسم الله الرحمن الرحيم

شكرا جدا على الردود في هذا الموضوع الفرعي عن موضوع .. وماذا بعد .. وكل عام والجميع بخير

بصراحة .. لا أعرف لماذا خرج الموضوغ عن محوره الأساسي .. فعندما كتبت هذه المدخلة .. لم يخطر ببالي أبدا .. ما قاله الأخ ليت هاوس .. ولم يخطر ببالي أبدا حكاية ترموميتر الوطنية .. ووحدات قياس وطنية المصري بالداخل أو بالخارج ..فأنا هنا . لم أكن أهدف بتاتا أي شئ متعلق بمشاعر الوطنية لدينا . ولم أشكك بتاتا في وطنية المصري بالداخل أو بالخارج .. ولا أريد الخوض في هذا الأمر .. لأنه ليس موضوعنا ..

كل ما كنت أقصده ببساطة .. هو التحرك من مقعد المتفرجون إلي أرضية المسرح ..هذا هو الهدف الوحيد للموضوع . . ولم أتهم أحد بأن وطنيته أقل أو أكثر من أحد .. ولم أقل أن مصري الداخل أقل وطنية من مصري الخارج .. وإلا ما كنت رشحت الأخ عادل أبو زيد لمنصب البرلمان .. فالرجل من مصري الداخل وليس الخارج .. ولو أعرف عنك يا أخ ليت هاوس معلومات أكثر .. ربما لكنت رشحتك أنت .. ولكن للأسف معلوماتي عن الأخ عادل أكثر وضوحا ..

فرجاء .. يمكن لأي أحد أخر . أن يفتح موضوع جانبي يناقش فيه حكاية وطنية الداخل والخارج .. ولكنى على المستوي الشخصي .. هذا أمر لا يهمني بتاتا .. المهم .. أن مصري بالداخل أو بالخارج .. يتمكن من تحقيق شئ لهذه البلد .

على أي حال يا أخ ليت هاوس .. ليس هناك قاعدة مطلقة تقول أن المصريين بالداخل أكثر أو أقل وطنية من المصريين بالخارج .. والعكس صحيح

وسلام

تم تعديل 25 نوفمبر 2003 بواسطة EGYPT5

[هشام عبد الوهاب]

ما قاله الأخ ليت هاوس

على أي حال يا أخ ليت هاوس

طيب الحق نفسك بقى قبل ماتروح فى شربة ميه :D .. لايت هاوس (أخت) fsh::

[فــيــروز]

طيب اعتقد اننا بهذا قد وصلنا لهدفنا من بداية الموضوع الفرعى

وهو انه لن يمكن اصلا اجراء مقارنه بين المصريين فى الداخل و اخوانهم فى الخارج .. وان كل طرف يمر بمعاناه قد لا يستطيع الطرف الآخر تفهمها لانه لا يعيشها بصور يوميه :D جيم اوفر h): وكل سنه و انتم طيبين rs: