هل يصلح أن يسكت الشباب المصرى على الحكومه( البطاله)

[sheriefm]

أرى فى مصر بلدى الحبيب حاله من استرخاء الشباب وتقاعسه فى مطالبة الحكومه الحصول على فرصة عمل اليست الحكومه هى صاحبة السياسات للنهوض بالشباب اليس دور مجلس الشعب مراقبة عمل الحكومه وجعل الحكومه تجد فرص عمل للشباب ارى تقصير من الشباب لماذا لا يسأل الشباب من يمثلهم تحت القبه ماذا فعلتم لنا لكى نعمل ماذا اديتم لنا اليس من حق الشباب العاطل مسائلة الحكومه ماذا فعلتى لنا نرى خريجى الجامعات والمدارس الفنيه اصحاب المؤهلات المتوسطه كله قاعد على القهوه بالسنوات واهليهم صرفوم عليهم كتير ومفيش فايده وشباب بيحاول ينتحر بالهجره غير الشرعيه لايطاليا الحل فى نظرى المتواضع للشباب هو مسائلة الحكومه واعضاء البرلمان ورفع دعاوى قضائيه من الشباب ضد الحكومه والمجلس للضرر البالغ الواقع على الشباب من ناحيه البطاله وايجاد فرص العمل ولتعويض الشباب عن التعليم ليه علمتونا تعليم غير مؤهل لماذا لم تضعوم فى حسابتكم زيادة السكان والخريجين تعويض للأهل على المصاريف والتعب الا تعبوه يجب على الشباب العاطل بمصرأن يكون وينضم تحت مسمى اى جمعيه وطنيه اى كانت الجمعيه ويكون همها الاول مسائلة الحكومه والبرلمان ثانيا صرف بدل بطاله اظن لو الحكومه هتدفع بدل بطاله هدور لكم على شغل لأن مبيوجعش الحكومه غير القرش لكن الحكومه نايمه فى العسل ولا يضيع حق وراءه مطالب هذه فكره ووجهة نظر تحتمل الخطاء والصواب بس ابقو شوفوم كام دعوه هتترفع ضد الحكومه

تم تعديل 5 أغسطس 2009 بواسطة sheriefm

[elfakhrany]

قهوة + فيسبوك +يوتيوب = ضياع شباب مصر

[الباشمهندس ياسر]

و لو شغال كويس و امورك متظبطة

هتلاقى نفسك عندك كمية التزامات كفيلة انها تخليك متفكرش فى حالك و بس

هو الاخ اللى قايل ف توقيعه

يا تفكر فى احوالك ... يا تحط الحكومة ف دماغك

راح فين؟؟

[أحمد سيف]

أوعى تكون عايزنا نرجع لعصر الوظيفة الميري ... ده كان زمان وجبر ... دلوقتي انت لازم تفرض نفسك على صاحب العمل وتقنعه بإن تشغيلك معناه زياده في أرباحه وليس عبء عليه ... دي الوسيلة الوحيدة عشان تشتغل موظف ... غير كده ممكن تبدأ بزنس خاص بيك (تجاره - مكتب خدمات - ورشة - مزرعه ... الخ)

أرى فى مصر بلدى الحبيب حاله من استرخاء الشباب وتقاعسه فى مطالبة الحكومه الحصول على فرصة عمل

نفسي نغير عبارة (مطالبة الحكومة) ونضع مكانها (السعي الجاد والتفكير العملي في سبيل)

[تيتو]

يمكن يجى اليوم ويثور البركان

ويمكن اليوم ده يكون قريب .

[sherifhfm]

أوعى تكون عايزنا نرجع لعصر الوظيفة الميري ... ده كان زمان وجبر ... دلوقتي انت لازم تفرض نفسك على صاحب العمل وتقنعه بإن تشغيلك معناه زياده في أرباحه وليس عبء عليه ... دي الوسيلة الوحيدة عشان تشتغل موظف ... غير كده ممكن تبدأ بزنس خاص بيك (تجاره - مكتب خدمات - ورشة - مزرعه ... الخ)

أرى فى مصر بلدى الحبيب حاله من استرخاء الشباب وتقاعسه فى مطالبة الحكومه الحصول على فرصة عمل

نفسي نغير عبارة (مطالبة الحكومة) ونضع مكانها (السعي الجاد والتفكير العملي في سبيل)

اكيد الحصول على فرصه عمل جيده فى مسئوليه شخصيه بالدرجة الاولى وتحتاج الى مجهود ( او واسطه )

لكن

الدولة مسئوله ايضا فحتى فى الدول المتقدمه اقتصاديا الناس تحمل الحكومات ارتفاع نسب البطالة وقد يتسبب ارتفاع نسبة البطالة فى الاطاحه بالحكومات

فقد تكون سياسات الدولة هى المسئوله عن ارتفاع نسبة البطالة او انخفاضها