عشرة مليون جنيه!

[Sherief AbdelWahab]

ماذا لو هبطت عليك بطريقة مشروعة ثروة تقدر بعشرة ملايين جنيه مصري؟

كيف ستغيرك الثروة إن كانت ستغيرك؟ للأفضل؟ للأسوأ؟

هل ستفتح أبواب و شبابيك قلبك على الناس أم ستغلقها بالضبة و المفتاح خوفا من الاستغلال؟

خلص الكلام

[amir]

دأنا حعمل عمايل ...بس هــــات

rs: :D h):

[Lighthouse]

لايمني الاول وبعدين اقول لك

:D h): rs:

[جدو]

لو معايا المبلغ ده هسيب مليون

وهحول الباقي دولارات على يورو

انا خايف الجنيه بقى ورق توالت بعد كده

:D

[Mohammad Abouzied]

من عندي انا سوف افتح مشروع يستفيد منه اكبر عدد من البشر

[arabawy]

بقى

:D

هوا لسة

[فــيــروز]

رغم انى رايت هذا السؤال عشارت المرات بصيغ مختلفه فى مواقع شتى

الا انى اول مره اسال نفسى عن معنى هذا التساؤل

ويا ترى بيعبر عن حاله من الياس و الاحباط تدفعنا لتخيل اللامعقول هربا من واقع لا نستطيع التكيف معه؟ ام يا ترى ان الجميع فى كل المجتمعات حتى المرفهه منها يسالون انفسهم هذا السؤال !!

ما علينا .. :D

اجابتى طبعا اجابه نظريه جدا قد يغيرها الواقع لو تحقق -وارجو الا يتحقق- هذا الافتراض .. لان الاموال بالنسبه لى ضروريه طبعا زى باقى الناس لكن بالقدر الذى يوفر لى حياه معقوله وليست حياه مرفهه .. مش عارفه ده يمكن اعتباره دليل على انى شخصيه فقريه مثلا !! :P

ما علينا تانى B)

اعتقد انى ساظل اشتغل فى نفس وظيفتى لان شخصيتى صعب اتخيل تكون شخصيه لها اعمال تديرها لكن هيكون فيه فرق جوهرى فى موضوع العمل .. هو انى ساعتها هاكون باشتغل فقط لانى احب عملى و استمتع به لانه بيحقق لى اشباع معين . ty:) . ممكن اعمل مشروع صغير فعلا كنت باحلم اعمله لكنى كنت باتكسف و باتردد خوفا من الفشل . mfb: . عاوزه افتح كشك جرايد جميل على النيل فى الزمالك .. يمكن لانى باحب جدا اقف عند اى بائع جرايد ولو للفرجه على آخر المجلات و الجرائد و الكتب .. ماعرفش ليه بس العاده دى عندى من زمان mf( وعاوزه اشترى شقه على النيل عشان اشوفه كل يوم الصبح ..

كمان ممكن اطلع احج و آخد خالى معايا .. ساعتها هيبقى عندى قدره ماليه اعزمه عشان يبقى معايا محرم وانا عاوزه احج قبل ما اعجز

يمكن كمان اشترى عربيه بسواق .. عشان انا مش باطيق السواقه رغم انى اتعلمت بس مش باحبها bk:

وكمان هاعمل ماجستير فى الجامعه الامريكيه :D

كل ما سبق طبعا متبوعا بكلمة ان شاء الله

اظن هيفضل فلوس كتيره بعد كل ده !! ييييييييييييييه مشكله :D

ابقى اكمل بعدين احنا عندنا فلوس كتير ناخد راحتنا بقى smk:

[جدو]

ربنا يسهل يا فيروز كده وتتحقق احلامك بس هتديني تخفيض عالجرايد والمجلات

بس تصدقي انا نفسي افتح مكتبه عشان اقرى كتب ببلاش

:D

[Lighthouse]

انا بقى نفسي اعمل حاجات كتيرة قوي

ويمكن ماعرفتش اقول قبل كده لاني عمري ماتخيلت نفسي من اصحاب الرصيد الست اصفار mfb:

اول حاجة ح اعملها اني اخد امي واخويا ونطلع نحج وكان نفسي والدي يحج قبل وفاته الله يرحمه بس ماحصلش نصيب

ح اخد جزء من الفلوس علشان شقة ع النيل لاننا محرومين منه ومش بنشوفه :D

جزء من الفلوس ح اتبرع بيهم لرعاية الاطفال الايتام لاني باحب الاطفال جدا ولان منظر الايتام بيقطع قلبي :D

الباقي ح اعمل بيه مشروع كويس والم المجموعة اللى اعرفها ونعمل مشروع جماعي نطلع قدراتنا ومواهبنا فيه بعيد عن تحكمات الغير

بس عايزين نعمل مشروع جديد ويكون مفيد ويشغل اكبر عدد ممكن من الناس

وربنا يفتح علينا جميعا

ده اللى في بالي دلوقتي

مش عارفة لو عندي المبلغ فعلا ح افكر كده ولا فكري ح يتغير

حتى لو اتغير

مش ح يكون تغيير كبير

ربنا يستر والفلوس ماتغيرناش زي مابنشوف :D

[Mohammad Abouzied]

وعاوزه اشترى شقه على النيل عشان اشوفه كل يوم الصبح ..

اخد جزء من الفلوس علشان شقة ع النيل لاننا محرومين منه ومش بنشوفه

انتم عوزين الشقتين في اي موقع على النيل ؟؟؟؟

لان فيه بعض المواقع ميكفيش العشرة مليون ولا تأخدو الشقتين في المنيا او اسيوط على فكرة اوعو تغلطوا احنا صعايدة وبنعتز بالمنيا واسيوط

[Scorpion]

بما أني عندي كل الحاجات دي... يعني شقة بتطل عالبحر... و فيللة في الجبل... و شقتين تلاتة في مصر... و بيت في الوايلي... علي عربيتين تلاتة و كام حنطور و بسكليتة.. علي كشك سجاير عجب مفروش جرانين امريكاني فوق سطح احلي عمارة آيلة للسقوط في الحوامدية ( وش واحد بيبص للتانيين بقرف ).. واخدين بالكم يا بشرية تعبانة... افففف ايه الحر ده.. و النبي شوية يا جماعة.. ابعدوا شوية عشان الأوكسوجين بتاعي حتخلصوه... mfb:

فيا يعني... لو قررت التواضع و أقيل العشرة مليون جنيه الفقر دول... الأول لازم يتوسلوا ليّ يومين لحد ماأقبلهم... وبعدين أشتري منتدي محاورات برايفت لحسابي... ماحدش يقدر يكتب مداخلة فيه... كله عالبرايفت.. بفلوسي يا..... و بعدين هكون زهقت.. أقوم قافله و باقي المبلغ أحوله لعملات معدنية صغيرة فئة شلن و بريزة عالأكثر.. و بعدين وبعدين... و بعدين أفضل أعد فيهم أحسن يكونوا خموني في التغيير... smk:

مسسسساااءءء الخييييييييييييييييييييييير يا عالم بتحلم..... :D

يا حشييييش. :D :D .. يا جدع أنا زهقت... رمضان خلص.. و العيد خلص... ما ترجع بقي..محتاج حد يساعدني هنا.. يمكن لو يرجعوا يبتسموا زي الأول القلوب تصفي

تم تعديل 28 نوفمبر 2003 بواسطة Scorpion

[فــيــروز]

من عيونى يا جدو

هاخلى ملحق بالمكتبه كوفى شوب جميل بيشوف النيل و يكون كله ازاز و يقدم المشروبات مجانا .. عشان تبقى متعة القرايه لا تدانها اى متعه تانيه :D

لايت فكرتنى انى ان شاء الله بعد ما احج لنفسى ابقى احج لوالدى الله يرحمه و يرحمنا جميعا smk:

يا استاذ محمد ابو زيد .. انا عاوزه الشقه فى الزمالك عشان اروح الشغل مشى و كمان عشان منطقه هاديه و اموره .. تفتكر العشره مليون هيكفوا ولا هاحتاج اعمل قرد قصدى قرض اشترى بيه الشقه و بعدين اسيبها و اهرب على بره mfb:

سكوربيون باشا .. اللى على على يا عم بس انا افتكرتك عاوز الشلنات و البرايز عشان تتبرع بيهم للشحاتين اللى هيتلموا حواليك اما يلاقوا فلوسك بتشخلل :D

اعتقد ان حشيش مشغول بيفتح لك حساب فى البنك بالعملات الصغيره اللى بتحببها يافندم :D

[Lighthouse]

وعاوزه اشترى شقه على النيل عشان اشوفه كل يوم الصبح ..

اخد جزء من الفلوس علشان شقة ع النيل لاننا محرومين منه ومش بنشوفه

انتم عوزين الشقتين في اي موقع على النيل ؟؟؟؟

لان فيه بعض المواقع ميكفيش العشرة مليون ولا تأخدو الشقتين في المنيا او اسيوط على فكرة اوعو تغلطوا احنا صعايدة وبنعتز بالمنيا واسيوط

احنا مالناش دعوة بالمواقع الغالية دي

عايزين شقة متواضعة على قد خمسة ستة مليون كده وتكون بعيدة عن عمارة فيفي عبده :D

اصل معلش يعني مانقدرش نسكن هناك :D :D

[جدو]

ايوة كلكم عاوزين شقق عالنيل

كده الشقق هتخلص انا بقى هحلها عشان العالم دي

انا هاخد العشرة مليون بتوعي واروح اقفل الحنفيه اللي بتملى

النيل عشان محدش يشترى شقق عالنيل واشتريهم انا بارخص الاسعار

وبعد كده انادي على بليه اللي هسيبه جمب الحنفيه عشان يفتحها وارجع ابيع الشقق

اتعلموها بقى

trch:

وتشكري يا فيروز بس بعد ما الحنفيه تتقفل مش هيبقى فيه قعده ولا اقولك هبقى امدلك خرطوم لوحدك

:D

نصيحتي القلبيه لسكربيون انه بعد ما يعدهم ويتاكد منهم يكيسهم كل جنيه لوحده

في كيس قماش

ويجيبله حزام من اللي بيجوا في المسلسلات التاريخيه دول

وطول مهو ماشي يحدفله كيس ويقول اليك بالف درهم

:D