موقف غريب حدث لي مع الأحلام!

[سهل جدا]

استيقظت فاغراً فاهِ على صوت جرس المنبّه المزعج , والذي تزامن –بعمدٍ منّي- مع أذان الفجر ليشكّلا معاً صوتاً عالياً يجبر الديناصور على الاستيقاظ من نومه..

وبعد أن استيقظت ذهبت إلى الحمّام لأفعل مثل ما يفعل الناس عند دخولهم الحمّامات.. ولا داعي لذكر التفاصيل.. فاللبيب بالإشارة يفهمُ!

ثم توجّهت بعد ذلك إلى الحوض لأتوضأ وضوءي للصلاة.. وبعد فراغي لبست ملابسي.. وهممت أن أخرج إلى المسجد, ولكني وجدت صعوبة بالغة..

وذلك لأني لم أنمْ إلا قُبَيْل الفجر بدقائق –نظراً لإصابتي بالأرق الشديد في تلك الليلة- فقرّرت أن أصلي الفجر في البيت..

صليت ركعتين خفيفتين وختمت الصلاة مسرعاً.. ثم توجّهت إلى السرير توجّه الظمآن إلى الماء البارد في شدة الحر..

وبعدها بسويعات قليلة استيقظت للمرّة الثانية على صوت المنبّه الخاص بإيقاظي للعمل..

ضغطت على زرّ المنبّه لأوقف صوته المزعج..

وقمت جالساً على سريري في تكاسل رهيب.. وأنا أفرك عينيّ بكلتا يديّ, وأردفت ذلك بهرشتين خفيفتين على جانبي رأسي..

وفجأة !!!

رجعت بذاكرتي إلى الوراء قليلاً..

ثم سألت نفسي..

هل هذا هو استيقاظي الأول أم الثاني ؟!!

وهل فعلاً أنا صليت الفجر في وقته .. أم أن استيقاظي السابق ما هو إلّا حلم صوّره لي الشيطان كيلا أقوم للصلاة في الواقع؟!!

بالفعل لا أدري, ولا يوجد عندي أي دليل على أحد الأمرين، ولا يوجد معي أحد في المنزل لأني أبات وحيداً في هذه الأيام..

ذهبت إلى مسرح الجريمة الحمّام.. ثم الحوض.. ثم ملابسي ... ولكني لم أظفر بأي دليل يخبرني بأني صليْت فعلاً أم لا..

وبعد أن يئست قرّرت أن آخذ بالأحوط, وهو أن أصلي الفجر مرة ثانية .. فإن لم أكن صليت الفجر فها قد صليته, وإلّا فهي نافلة ..

والسؤال الآن لإخواننا المهتمين بعلم النفس والطب والهندسة (إيه اللي دخل الهندسة في الموضوع fty:: )

كيف حدث لي ذلك؟؟

كيف يمكن لإنسان ألّا يفرّق بين الحلم واليقظة..

وما الذي يضمن لي في المستقبل أن هذا الأمر لن يتكرّر

بل , وما الذي يضمن لي أن الموضوع الذي أكتبه الآن لكم .. إنما أكتبه في اليقظة وليس في الأحلام !!

حبذا لو جاوبني أحد

إني أغرق

أغرق

أغرق

أغرق

[capitshino]

لاء جديدة يا سهل جدا .

تسجيل متابعة.

[mandoo]

استيقظت فاغراً فاهِ على صوت جرس المنبّه المزعج , والذي تزامن –بعمدٍ منّي- مع أذان الفجر ليشكّلا معاً صوتاً عالياً يجبر الديناصور على الاستيقاظ من نومه..

وبعد أن استيقظت ذهبت إلى الحمّام لأفعل مثل ما يفعل الناس عند دخولهم الحمّامات.. ولا داعي لذكر التفاصيل.. فاللبيب بالإشارة يفهمُ! wst::

ثم توجّهت بعد ذلك إلى الحوض لأتوضأ وضوءي للصلاة.. وبعد فراغي لبست ملابسي.. وهممت أن أخرج إلى المسجد, ولكني وجدت صعوبة بالغة..

وذلك لأني لم أنمْ إلا قُبَيْل الفجر بدقائق –نظراً لإصابتي بالأرق الشديد في تلك الليلة- فقرّرت أن أصلي الفجر في البيت..

صليت ركعتين خفيفتين وختمت الصلاة مسرعاً.. ثم توجّهت إلى السرير توجّه الظمآن إلى الماء البارد في شدة الحر..

وبعدها بسويعات قليلة استيقظت للمرّة الثانية على صوت المنبّه الخاص بإيقاظي للعمل..

ضغطت على زرّ المنبّه لأوقف صوته المزعج..

وقمت جالساً على سريري في تكاسل رهيب.. وأنا أفرك عينيّ بكلتا يديّ, وأردفت ذلك بهرشتين خفيفتين على جانبي رأسي..

وفجأة !!!

رجعت بذاكرتي إلى الوراء قليلاً..

ثم سألت نفسي..

هل هذا هو استيقاظي الأول أم الثاني ؟!!

وهل فعلاً أنا صليت الفجر في وقته .. أم أن استيقاظي السابق ما هو إلّا حلم صوّره لي الشيطان كيلا أقوم للصلاة في الواقع؟!!

بالفعل لا أدري, ولا يوجد عندي أي دليل على أحد الأمرين، ولا يوجد معي أحد في المنزل لأني أبات وحيداً في هذه الأيام..

ذهبت إلى مسرح الجريمة الحمّام.. ثم الحوض.. ثم ملابسي ... ولكني لم أظفر بأي دليل يخبرني بأني صليْت فعلاً أم لا..

وبعد أن يئست قرّرت أن آخذ بالأحوط, وهو أن أصلي الفجر مرة ثانية .. فإن لم أكن صليت الفجر فها قد صليته, وإلّا فهي نافلة ..

والسؤال الآن لإخواننا المهتمين بعلم النفس والطب والهندسة (إيه اللي دخل الهندسة في الموضوع )

كيف حدث لي ذلك؟؟

كيف يمكن لإنسان ألّا يفرّق بين الحلم واليقظة..

وما الذي يضمن لي في المستقبل أن هذا الأمر لن يتكرّر

بل , وما الذي يضمن لي أن الموضوع الذي أكتبه الآن لكم .. إنما أكتبه في اليقظة وليس في الأحلام !!

حبذا لو جاوبني أحد

إني أغرق

أغرق

أغرق

أغرق

طيب تصدق ياعم سهل ... ناس كتير زيك كده .. بس إيه .... تحلم .. وبعدين تصحى ... وبعدين تنام تانى ..... وتكمل الحلم

وبما إنى مهندس فالتفسير المنطقى لحالتك ..... الشيخوخة المبكرة ... حاول ياصاحبى ماتحلمش .. ولا أقولك يفضل برده ومن باب الإحتياط إنك ماتنامش

مع خالص تحياتى

[MZohairy]

بسيطه ما تستبسطهاش

اربط باب الحمام بفتله بحيث تتقطع لو فتحت الباب

و بالتالي لو اتكرر موقفك ببساطه تروح تشوف الفتله

لو لقيتها مقطوعه يبقى انت صليت الفجر

لو لقيتها مش مقطوعه يبقى الموضوع حيدخل في منعطف آخر نتكلم عليه في وقته

[سهل جدا]

لاء جديدة يا سهل جدا .

تسجيل متابعة.

عفواً أخي الكريم كابتشينو

لم أفهم تعليقك..

ومرحبا بك في المتابعة

على فكرة أنا قرأت موضوع جميل عن طريقة عمل الكابتشينو بالصور

وكنت هاحطّوا في قسم المطبخ .. بس قولنا ناخذ الإذن منك الأول بردو

ها.. قولت إيه سعادتك :waf:

طيب تصدق ياعم سهل ... ناس كتير زيك كده .. بس إيه .... تحلم .. وبعدين تصحى ... وبعدين تنام تانى ..... وتكمل الحلم

وبما إنى مهندس فالتفسير المنطقى لحالتك ..... الشيخوخة المبكرة ... حاول ياصاحبى ماتحلمش .. ولا أقولك يفضل برده ومن باب الإحتياط إنك ماتنامش

مع خالص تحياتى

يا هلا بالأخ الكريم ماندو..

يعني انت شايف إن دي شيخوخة مبكّرة .. وإني خلاص بودّع ..

يلّا حسن الختام ..

على فكرة ..

في أكلة سعودية جميلة أوي اسمها ماندو

بفكّر أعمل لها موضوع في قسم المطبخ

بس قولت آخذ منك الإذن الأول بردو

ها.. قولت إيه ؟ wst::

[adrianocrespo]

بسيطه ما تستبسطهاش

اربط باب الحمام بفتله بحيث تتقطع لو فتحت الباب

و بالتالي لو اتكرر موقفك ببساطه تروح تشوف الفتله

لو لقيتها مقطوعه يبقى انت صليت الفجر

لو لقيتها مش مقطوعه يبقى الموضوع حيدخل في منعطف آخر نتكلم عليه في وقته

حلوه

ادهم صبري او رجل المستحيل كان لما يروح مهمه و يسيب الشقه اللي كان فيها كان بيعمل كده عشان يشوف حد دخل فيها و لا لأ

بالنسبه للموضوع يا استاذ سهل

اعرف ناس بتقول ان ده بيحصلها

اعمل حركه الاستاذ زهيري و قولنا

حلم و لا علم

[سهل جدا]

بسيطه ما تستبسطهاش

اربط باب الحمام بفتله بحيث تتقطع لو فتحت الباب

و بالتالي لو اتكرر موقفك ببساطه تروح تشوف الفتله

لو لقيتها مقطوعه يبقى انت صليت الفجر

لو لقيتها مش مقطوعه يبقى الموضوع حيدخل في منعطف آخر نتكلم عليه في وقته

فكرة حلوة بردو يا مايسترو..

بس هي ما بتحصليش على طول الحكاية ديه.. دا هي مرتين أو تلاتة بس..

بس أنا خايف لأكون من النوع اللي بيمشي وهو نايم

زي اللي كنّا بنشوفهم في الأفلام كده..

أنا الحقيقة مش عارف , هو موضوع المشي والواحد نايم ده , بيحصل فعلاً

ولا ده كلام أفلام أونطة ..

[سهل جدا]

حلوه

ادهم صبري او رجل المستحيل كان لما يروح مهمه و يسيب الشقه اللي كان فيها كان بيعمل كده عشان يشوف حد دخل فيها و لا لأ

لااا يا أستاذ أدريانو

الأستاذ زوهيري من الجيل اللي قبلينا بكثييير

يمكن ما يعرفش رجل المستحيل وملف المستقبل والكلام ده

على أيامهم كان قصص أرسين لوبين , والشياطين ال 13 والمغامرون الخمسة.

=====================

طيب يا جماعة الموقف ده حصل مع حدّ قبل كده ؟!!

أقصد إنه يشوف حلم ويتهيأله إنه حقيقة أو العكس

يعني عمل حاجة وتطلع في الآخر إنها حلم ؟!!

[mandoo]

لاء جديدة يا سهل جدا .

تسجيل متابعة.

عفواً أخي الكريم كابتشينو

لم أفهم تعليقك..

ومرحبا بك في المتابعة

على فكرة أنا قرأت موضوع جميل عن طريقة عمل الكابتشينو بالصور

وكنت هاحطّوا في قسم المطبخ .. بس قولنا ناخذ الإذن منك الأول بردو

ها.. قولت إيه سعادتك :waf:

طيب تصدق ياعم سهل ... ناس كتير زيك كده .. بس إيه .... تحلم .. وبعدين تصحى ... وبعدين تنام تانى ..... وتكمل الحلم

وبما إنى مهندس فالتفسير المنطقى لحالتك ..... الشيخوخة المبكرة ... حاول ياصاحبى ماتحلمش .. ولا أقولك يفضل برده ومن باب الإحتياط إنك ماتنامش

مع خالص تحياتى

يا هلا بالأخ الكريم ماندو..

يعني انت شايف إن دي شيخوخة مبكّرة .. وإني خلاص بودّع ..

يلّا حسن الختام ..

على فكرة ..

في أكلة سعودية جميلة أوي اسمها ماندو

بفكّر أعمل لها موضوع في قسم المطبخ

بس قولت آخذ منك الإذن الأول بردو

ها.. قولت إيه ؟ wst::

وإحنا فى ديكى الساعة لما نبقى أكلة ونبقى على كل لسان .... ذيع ياباشا ولا يهمك بس متنساش العمولة ;)

[ذهبية]

و الله بتخصل جدا يا استاذ سهل متقلقش على نفسك

انا ساعات كتير بالاقى جوزى يحكى ليا حوار دار بينى و بينة لما رجع بالليل و انا نايمة باصحى و اكلمة و ارد علية و انا نايمة

و نتفق على حاجات المفروض تتعمل تانى يوم يجى ما يلاقيها

اقولة مقلتش حاجة يقولى ازاى دة انتى كلمتنينى و ردتى عليا و طبعا انا ولا هنا باكون فى الاحلام و باكل رز مع الملايكة

يعنى تخيل حضرتك بتكلم و باعمل حوار و بأ رد على اسئلتة و بنتفق على حاجات كمان و انا نايمة يعنى اطمنك حالتك مستقرة و مطمئنة حالك احسن من ناس كتيررررررر

يا سهل جداااااا ساعات بيحصل لينا حاجات فى الحقيقة نتمنى بينا و بين نفسنا انها تكون حلم ومش حقيقة و نفضل نقول انا باحلم

ولا دة كابوس يارب ما تكون حقيقة

يعنى الحمد الله انها بتيجى فى حاجات بسيطة و كل حلم و انت طيب

[سهل جدا]

و الله بتخصل جدا يا استاذ سهل متقلقش على نفسك

انا ساعات كتير بالاقى جوزى يحكى ليا حوار دار بينى و بينة لما رجع بالليل و انا نايمة باصحى و اكلمة و ارد علية و انا نايمة

و نتفق على حاجات المفروض تتعمل تانى يوم يجى ما يلاقيها

اقولة مقلتش حاجة يقولى ازاى دة انتى كلمتنينى و ردتى عليا و طبعا انا ولا هنا باكون فى الاحلام و باكل رز مع الملايكة

يعنى تخيل حضرتك بتكلم و باعمل حوار و بأ رد على اسئلتة و بنتفق على حاجات كمان و انا نايمة يعنى اطمنك حالتك مستقرة و مطمئنة حالك احسن من ناس كتيررررررر

يا سهل جداااااا ساعات بيحصل لينا حاجات فى الحقيقة نتمنى بينا و بين نفسنا انها تكون حلم ومش حقيقة و نفضل نقول انا باحلم

ولا دة كابوس يارب ما تكون حقيقة

يعنى الحمد الله انها بتيجى فى حاجات بسيطة و كل حلم و انت طيب

طيب ربنا يطمنك يا مدام ذهبية..

بس على فكرة اللي عندك ده أسهل بكثير

لأن الواحد ممكن يقول كلام وهو بين النوم واليقظة, ولمّا يصحى ما يفتكرهوش

أما إنه يصدر منه أفعال تترتب عليها نتائج, وبعد كده يشكّ هل دي كانت في الحلم ولا في اليقظة, فدي فعلاً مشكة تخوّف.. خصوصاً إذا زادت عن حدّها ..

[السويفي]

السلام عليكم:

ده محصلش معايا قبل كده

بس بالنسبه للموضوع الاساسي

لما انت كنت ضابط المنبه يصحيك الفجر ......اكيد لما انت صحيت ضبطه مره تانيه علشان يصحيك في المعاد اللي انت صحيت فيه المره التانيه

طريقه تانيه تعرف بيها

لما صحيت المره التانيه ودخلت الحمام ....عملت زي ما كل الناس بتعمل لما بتدخل الحمام .......لانك لو فضيت التنك مره ......اكيد فهمتني wst::

[سهل جدا]

السلام عليكم:

ده محصلش معايا قبل كده

بس بالنسبه للموضوع الاساسي

لما انت كنت ضابط المنبه يصحيك الفجر ......اكيد لما انت صحيت ضبطه مره تانيه علشان يصحيك في المعاد اللي انت صحيت فيه المره التانيه

وعليكم السلام يا دكترة

لاااا, ما هو أصلي أنا عندي منبّه اسمه منبّه الفجر

ودا من ضمن مميزاته إنه فيه منبّه خاص يصحيك لصلاة الفجر يأذّن لوحده ويرنّ لوحده,

وفي نفس الوقت فيه منبّه خاص للعمل يصحيك في ميعاد ثابت كل يوم.. حسب اختيارك

يعني المنبّه كلّ يوم بيرنّ مرّتين لوحده..

وأول ما اشتريته ظبطه مرة واحدة بس ومن ساعتها وهو شغّال مع نفسه

طريقه تانيه تعرف بيها

لما صحيت المره التانيه ودخلت الحمام ....عملت زي ما كل الناس بتعمل لما بتدخل الحمام .......لانك لو فضيت التنك مره ......اكيد فهمتني

كده بردو يا دكترة.. تظن بأخوك سهل الظنّ الوحش ده

بقى أنا بردو أدخل الحمّام عشان أعمل الحاجات الوحشة اللي انت بتقول عليها ديه

wst::

شوف هو الفرق بين الاستيقاظين كان حوالي 3 ساعات..

يعني التنك ممكن يفضى ويتملي تاني عادي جداً.. أكيد فهمتني .. ها :waf:

[mandoo]

شوف ياحاج / سهل .. سيبك من الكلام ده وتعالى خش على الأفكار اللى ملهاش حل .... شوف ياسيدى

إنت تجيب بدرة بيضاء وترشها على أرض الحمام .... وبعدين ياباشا لما تصحى الصبح لو لقيت رجل سعادتك معلمة فى الأرض ... يبقى أكيد إنت فى الحمام

بس أوعى تقوللى الخطوات كانت ون واى

مش فكره جهنمية wst::

فين ياباشا أكلة ماندو .. منتظرين الإفتتاح

[سهل جدا]

شوف ياحاج / سهل .. سيبك من الكلام ده وتعالى خش على الأفكار اللى ملهاش حل .... شوف ياسيدى

إنت تجيب بدرة بيضاء وترشها على أرض الحمام .... وبعدين ياباشا لما تصحى الصبح لو لقيت رجل سعادتك معلمة فى الأرض ... يبقى أكيد إنت فى الحمام ;)

بس أوعى تقوللى الخطوات كانت ون واى

مش فكره جهنمية :waf:

فين ياباشا أكلة ماندو .. منتظرين الإفتتاح

هي الفكرة حلوة ..

لكن للأسف ممكن ما تكونش مجدية ..

ليه بقى يا حلو ؟!!

لأن ممكن في أي وقت بالليل أقلق وأصحى وأدخل الحمام وأعمل زي الناس ما بتعمل...... إلخ.

فإيه اللي هايعرّفني بقى إني صحياني الأولاني غير صحياني التاني, وإن صحياني التاني غير صحياني التالت

شوف غيرها يا حبيبي :lol:

بالنسبة لأكلة الماندو, سأستشير الشيف بندق

لأن هو الأب الروحي لقسم المطبخ في منتدى المحاورات زي ما سعادتك عارف طبعاً wst:: ..

[زقلط]

بص يا سيد الكل

حضرتك تعمل جدول بايام الشهر وتلصقه في الحيطة ومعاها قلم... وكل ما تصحى تصلي تعلم على اليوم اللي صليت فيه.. ولو صحيت عالدوام وملقتش علامة على اليوم اللي انت فيه ... إذن انت لم تصل.

[ozoozo]

هو ساعات الواحد بيبقي عايز يصلي الفجر وتفضل سهران -بتفرج علي التلفزيون طبعا- وتيجي قبل الصلاه بنص ساعه وتلاقي النوم كبس عليك خلاص تقوم ايه تقول هانام النص ساعه دي واصحي علي الصلاه وطبعا باسمع الاذان ومابصحاش لكن كل شويه اقول خمس دقايق واصحي لغايه ماحلم اني اتوضيت وصليت فعلا

ولما سألت قالولي انك بتبقي حاسس بالذنب عشان ماصحيتش فعقلك الباطن بيعمل حركه الحلم دي عشان يريح ضميرك وتنام وانت مستريح

[toota]

انت تحمد ربنا وتبوس ايدك وش وظهر.....انك على الاقل بتهيألك انك صليت وانت نااااااااااايم....وممكن في حالة الشك تعيد الصلاة عادي....

انا بقى....وانا صاحية...شواخد بال سعادتك..بقوم وبتوضأ وبصلي...وبرجع مثلا اعمل اي حاجة تانيه....وبعدها بشويه...ده لسه وانا صاحية....يتهيألي اني مصلتش...واقوم واتوضأ واصلي تاني....وبعد ما اصلي افتكر اني صليت اولاني....

اييييييييييييييييه...الزهايمر ملوش كبير.....

[capitshino]

[عفواً أخي الكريم كابتشينو

لم أفهم تعليقك..

ومرحبا بك في المتابعة

على فكرة أنا قرأت موضوع جميل عن طريقة عمل الكابتشينو بالصور

وكنت هاحطّوا في قسم المطبخ .. بس قولنا ناخذ الإذن منك الأول بردو

اقصد انها حاجة جديد وفعلا تلخبط الدماغ ... بس اعتقد ان الحل الوحيد انك تكهرب الحمام قبل ما تنام :closedeyes:

بالنسبة للكابتشينو فطبعا ممكن ممكن تحط الموضوع فى قسم المطبخ بس ابعته لى الاول عالخاص اشوفه وبعد كده ابعت لك التصريح :sad:

[سهل جدا]

بص يا سيد الكل

حضرتك تعمل جدول بايام الشهر وتلصقه في الحيطة ومعاها قلم... وكل ما تصحى تصلي تعلم على اليوم اللي صليت فيه.. ولو صحيت عالدوام وملقتش علامة على اليوم اللي انت فيه ... إذن انت لم تصل.

فكرة بردو.. بس هو الموضوع مش بيتكرّر معايا علطول

دا هي حصلت مرتين أو ثلاثة بالكثير في حياتي

شكرا لك .. bv:-

هو ساعات الواحد بيبقي عايز يصلي الفجر وتفضل سهران -بتفرج علي التلفزيون طبعا- وتيجي قبل الصلاه بنص ساعه وتلاقي النوم كبس عليك خلاص تقوم ايه تقول هانام النص ساعه دي واصحي علي الصلاه وطبعا باسمع الاذان ومابصحاش لكن كل شويه اقول خمس دقايق واصحي لغايه ماحلم اني اتوضيت وصليت فعلا

ولما سألت قالولي انك بتبقي حاسس بالذنب عشان ماصحيتش فعقلك الباطن بيعمل حركه الحلم دي عشان يريح ضميرك وتنام وانت مستريح

تحليل منطقي بردو موضوع العقل الباطن ده.. ولو إني بميل إن اللي حصلّي ده تدخّل من الشيطان

اللهم اخزيك يا شوشو :happy: