الانتقال من الكويت الى السعودية

[sherifhfm]

الحمد لله يا اخوانى

منذ فتره حصلت على عرض عمل جيد فى الرياض وبدأت فى تقديم استقالتى من عملى فى الكويت والغيت الاقامة لزوجتى واولادى وحجزت تذاكر الطياره للعودة الى مصر للبدء فى اجراءات السفر الى السعودية

ارجو من الاخوه الدعاء والنصيحه

وفيه فرق كبير ممكن الواحد يشعر بيه بين الحياة فى الكويت والرياض

[herohero]

انا اتربيت ف الكويت طول عمري هو فيه فرق لرياض عن الكويت لو كنت عازب انما غير كده فمفيش فرق الا طبعا ان السيدات هنالازم تلبس عبايات سوداء وموضوع تغطية الوجه ده حرية شخصية وفيه ناس كتير لابسه العباية ومش محجبة

هو ده الفرق الوحيد اللي ظاهر ، غير كده البلد كبيرة عن الكويت وده عيب يعني ممكن تلاقي مشوار ف شمال الرياض ومشوار ف جنوبها مشوار ف الوسط يعني تحس انهم مبهوقين البلد الارتفاعات هنا قليله جدا لانه كانوا عاوزين يمدو مساحة العمران ع اد مايقدرو انا عن تجربتي المتواضعة السعوديين حسن من الكوايته يني الغالب الاعم منهم اقل كبرا من الكوايتة يعني بلدي شوية

العيشة المفروض ارخص من الكويت واحلى ميزة الاتصالات التليفونية بالموبايل فيها عروض كتير يعني الرياض والكويت زي بعض هنا طبعا الجو جاف جدا مفيش رطوبه خالص

لكن طبعا مفيش بحر ولا كورنيش يعني الفسح ف المولات وهنا مفيش اكتر منها

وطبعا البنزين المفروض ارخص

يعني تشرف الرياض وتقضي اوقات ظريفة

طبعا ملحوظة مهمة قوانين العمل هنا معقدة عن الكويت هي ده ف راي اسوأ نقطة بتكتفك تكتيفة بايخة يعني عقدك خلص مش شرط ان شركتك توافق انك تروح لشركة تانيه وده ف كثير من الشركات الا من رحم ربه

[sherifhfm]

شكرا يا اخى جزاك الله خيرا