مستقبل العمالة المصرية في السعودية في ظل نظام السعودة

[سهل جدا]

الحمد لله رب العالمين والصلاة والسلام على أشرف المرسلين سيدنا محمد وعلى آله وصحبه أجمعين وبعد..

تمهيد:

*454 ألف عاطل في السعودية والبطالة تتجاوز 11 في المائة" [صحيفة محلية]

* "... وتدرك وزارة العمل أن إنهاء مشكلة البطالة أمر حتمي لابد منه، وأصبح أكثر إلحاحاً في ضوء الإحصاءات المعلنة، ويتطلب ذلك قرارات حاسمة وحازمة، وان كانت أليمه في بعض الأحوال لكن المصلحة الوطنية العليا تقتضي ذلك" د/ غازي القصيبي وزير العمل

* "يجب إحلال المواطن السعودي مكان الوافد الأجنبي في مختلف الأعمال، ...ولابد أن تقوم تنمية الوطن على سواعد أبنائه" د/ إسماعيل محمد البشري عضو مجلس الشورى..

* "السعودة أم الطوفان"

ما سبق كان مقتطفات سريعة من بعض الصحف المحلية في السنوات القليلة الماضية, وهو استهلال لابد منه في هذا الموضوع, لأنه يوضح وبصورة مباشرة اتجاه بلاد الحرمين (حفظها الله) بخصوص تنظيم العمل والعمال في الفترة القادمة..

فالعاطلون السعوديون كُثُر، ويقدرون بمئات الآلاف, والتعليم السعودي في كل سنة يدفع بأكثر من 150 ألف شاب وفتاة جُدد إلى سوق العمل، مما يعني أن أرقام البطالة ستزداد عام بعد عام إذا لم يكن هناك حل جذري لهذه المشكلة الاجتماعية الخطيرة..

ويزداد الأمر خطورة حين يربط علماء الاجتماع في السعودية ارتفاع معدلات الجريمة بارتفاع نسبة البطالة بين أشقائنا السعوديين..

والحقّ يقال أنها مشكلة كبيرة فعلا, وأن نظام السعودة -من حيث المبدأ- ضرورة اقتصادية واجتماعية, فلا يمكن تقبُّل فكرة أن يأتي العمال من الشرق والغرب ليعملوا في البلاد، ويبقى أبناؤها بدون وظائف..

وإن كان تطبيق السعودة يحتاج إلى بعض التروّي والحكمة من المسئولين، لأن كثيرا من أشقائنا السعوديين في الوقت الحالي غير مؤهلين لاحتياجات سوق العمل.. والمؤهلون منهم لا يقبلون إلا بوظيفة ذات شروط معينة وراتب كبير!

نسأل الله أن يوفق إخواننا السعوديين المسئولين لإيجاد حل لهذه المشكلة الكبيرة..

وسواء اتفقنا على جدوى أو شرعية مبدأ السعودة أم لم نتفق, فالذي يعنينا الآن.. أن نظام السعودة انعكس علينا سلبا كمقيمين بالسعودية يشكلون الغالبية العظمى من مهاجري مصر في الخارج..

(يتبع)

[rewsha]

بصراحه وموضوعيه

من حقهم موضوع السعوده

بس الاهم انهم يكونوا مؤهلين فعلا لكي يحلوا محل المغتربين من جميع الجنسيات

وكمان اتفق مع حضرتك ان موضوع السعوده ده هايجي على دماغ المغتربين في السعوديه

بس في مثل بيقول

جحا اولي بلحم ..........

وبلدهم اولى بيهم

تم تعديل 7 أغسطس 2009 بواسطة rewsha

[خالد شحاته]

تعرفي ياروشه للاسف الكل بيشكي من البطاله هنا شغل في البلد دي تشغل اكتر من مليون سعودي ولكن للاسف هما عايزين عربيه وجوال ويلف في الشوارع وبس ويقوم الليل ونام النهار هو ده الدوام بس لم انكر ان فيهم ناس علي مستوي في العلم بس مشكلتهم الموعيد نادر لما تحصلي حد في موعده خمسين الف عزر انما انتي لو تاخرتي دقيقه عن الموعد يعمل الا متعملش

[adrianocrespo]

صاحب العمل السعودي من مصلحته انه يشغل مصري و هندي علي انه يشغل سعودي

بيطلبوا مرتبات كبيره جدا و شغلهم قليل

و كلام الاستاذ خالد صح

[rewsha]

طبعا كلام الاستاذ خالد صح

بس انا قلت في كلامي من حقهم السعوده ...وكمان قولت بس الاهم انهم يكونوا مؤهلين لكي يحلوا محل المغتربين

وكلمة مؤهلين دي تتضمن معنى كلام الاستاذ خالد انهم عايزين عربيه وجوال ويناموا الصبح ويصحوا الليل

ومعنى كده

انهم غير مؤهلين

تم تعديل 7 أغسطس 2009 بواسطة rewsha

[سهل جدا]

إختنا الفاضلة روشا

أخي الكريم خالد

أخي الفاضل أدريانو

أشكر لكم تفاعلكم.. , وأتفقك معكم أن نظام السعودة يعاني منه السعوديون أنفسهم قبل غيرهم..

لكن في الحقيقة لم يكن غرضي من فتح الموضوع مناقشة هذا الأمر..

وإنما كان مقصدي كما كتبت في الموضوع الرئيسي

وسواء اتفقنا على جدوى أو شرعية مبدأ السعودة أم لم نتفق, فالذي يعنينا الآن.. أن نظام السعودة انعكس علينا سلبا كمقيمين بالسعودية يشكلون الغالبية العظمى من مهاجري مصر في الخارج..

ولو تتبّعنا بعض القرارات التي صدرت من وزارة العمل في السنوات الماضية (سأذكر بعضها بإذن الله) لوجدنا أنها قرارات خطيرة جداً على العمالة الأجنبية بشكل عام..

وينبغي أن نضعها في الاعتبار..

دمتم بود

تم تعديل 7 أغسطس 2009 بواسطة سهل جدا

[rewsha]

مانا قولت يا استاذ سهل جدا في كلامي برضو

اني باتفق مع حضرتك ان السعوده دي هاتيجي على دماغ المغتربين

بس ياترى الحل ايه ؟

متهياْلي مافيش غير اننا دايما ننمي من قدراتنا ونطور نفسنا ونكون دايما مميزين في العمل عنهم

لان البقاء للاْفضل

وكل صاحب عمل بيدور على الافضل له

[سهل جدا]

بس ياترى الحل ايه ؟

متهياْلي مافيش غير اننا دايما ننمي من قدراتنا ونطور نفسنا ونكون دايما مميزين في العمل عنهم

لان البقاء للاْفضل

وكل صاحب عمل بيدور على الافضل له

لااا غير صحيح يا أختنا روشة

السعودية مختلفة تماماً..

فالبقاء فيها لم يعد للأفضل

وهذه الحقيقة يغفلها كثير من المقيمين .. وأخصّ بالذكر المصريين.. الذين فتحت من أجلهم هذا الموضوع ..

كما سأوضح في التعليقات القادمة ..

تم تعديل 7 أغسطس 2009 بواسطة سهل جدا

[سهل جدا]

(1)

نظرة في بعض قوانين مكتب العمل والعمال بالسعودية..

صرحت الحكومة السعودية مرارا وتكرارا بأن الهدف الرئيسي من نظام السعودة هو إحلال جميع السعوديين (المؤهلين منهم وغير المؤهلين) مكان جميع الأجانب ما أمكن..

وأن تطبيق ذلك سيكون تدريجيا؛ فالوظائف التي لم تسعود الآن، ففي الخطة أن يتم سعودتها مستقبلا ما أمكن، إلى أن تصل السعودة إلى أقصى معدلاتها في المستقبل في جميع المؤسسات والقطاعات الحكومية وغير الحكومية..

وقد نصت المادة 35 من نظام العمل والعمال على أنه:

"يجب التأكد قبل تجديد رخصة العمل من أنه ليس بين طالبي العمل من السعوديين من تتوافر لديه الشروط المطلوبة ويرغب في القيام بالعمل نفسه".

[أحمد سيف]

بصراحه أنا نفسي اليوم اللي السعودية تقفل فيه أبوابها بصورة نهائية أمام العمالة المصرية ... اللي محتاجينه ومش قادرين يستغنوا عنه يدوه جنسيتهم والباقي يروح بلده. خروج العمالة المصرية للعمل في دول الخليج زي ما كان له آثار ايجابية من حيث تدفق البترودولارات على مصر فإنه كانت له آثار سلبية عديدة أيضا سواء من ناحية هجرة العقول أو استراد القيم والأفكار الغريبة عن المجتمع المصري والعادات الاستهلاكية، إضافة الى تدني مكانة المصري في نظر شعوب هذه الدول والتفكك الأسري الذي نجم عن هذه الهجرات.

[tarek nokia]

احنا لسا عندنا في العمل ممشين 15 شخص طبعا فيهم مصريين وعرب وطبعا السعودين موجودين واغلب الي مشوهم عندهم خبرات كبيرة وشهدات كبيرة مشوهم من دون اي انذار قلولهم عندكم شهر وتمشوا طبعا ناس لسا جيا من الأجازة وناس وضعها المادي تعبان المهم هنا مفيش غير المصلحة وبس مافيش حاجة اسمها عزيز ومفيش انت كويس ولا وحش حسب مزاج المدير

[herohero]

احنا لسا عندنا في العمل ممشين 15 شخص طبعا فيهم مصريين وعرب وطبعا السعودين موجودين واغلب الي مشوهم عندهم خبرات كبيرة وشهدات كبيرة مشوهم من دون اي انذار قلولهم عندكم شهر وتمشوا طبعا ناس لسا جيا من الأجازة وناس وضعها المادي تعبان المهم هنا مفيش غير المصلحة وبس مافيش حاجة اسمها عزيز ومفيش انت كويس ولا وحش حسب مزاج المدير

طبعا هنا الوضع معتمد ع المصلحة ولا عزيز لديهم لكن موضوع السعودة اناشايف انه ع الورق يعني السعوديين مش هيقبلوا يشتغلوا بمرتبات قليله بل ان السعوديين بيروحوا يشتغلوا مثلا ف الكويت وده نا شوفته ف المدرسين سواء سيدات او جالة بيروحوا الكويت احسن لهم وبياخد مرتب الكويتي اللي احسن من مرتب المدرس السعودي

[سهل جدا]

بصراحه أنا نفسي اليوم اللي السعودية تقفل فيه أبوابها بصورة نهائية أمام العمالة المصرية ... اللي محتاجينه ومش قادرين يستغنوا عنه يدوه جنسيتهم والباقي يروح بلده.

والله على رأيك يا أستاذ أحمد...

يروّحونا ويخلّصونا , وتبقى جات منهم

إنما فعلاً اللي حاصل دلوقتي واللي هايحصل بعد كده.. لا يسرّ عدو ولا حبيب ... والله المستعان

[سهل جدا]

(2)

نظرة في بعض قوانين مكتب العمل والعمال بالسعودية..

كثير من المصريين الذين يعملون في مهن مسعودة يضطرون لتسجيل المهنة في إقامتهم بمهنة أخرى غير المهنة الحقيقية .. ظناً منهم أن ذلك حلّاً للمشكلة ..

لكن ينبغي أن نعلم أن هذا مخالفة صريحة لنظام العمل والعمال..

فقد نصت المادة 38 من نظام العمل والعمال على أنه:

"لا يجوز لصاحب العمل توظيف العامل في مهنة غير المهنة المدونة في رخصة عمله، ويحظر على العامل الاشتغال في غير مهنته قبل اتخاذ الإجراءات النظامية لتغيير المهنة".

\

وقد حُكي لنا مشكلات كثيرة حدثت لبعض المقيمين والمؤسسات من جراء مخالفتها لهذه المادة..

وإن كان المفتشون لا يدققون على هذه المادة الآن, إلا أنه قد يصدر قرار بالتشديد عليها في أي وقت، وعندها سيكون موقف أغلب المصريين صعب جدا.

[doha]

مش عارفه ليه حاسه ان الموضوع ده موضوع من لا موضوع ..

مش عارفه ليه برضه اصرار البعض على تصوير السعوده وكانها شيء مقصود بيه المصريين بالذات وانها ـ البعبع القادم ـ اذا طبقت كما انزل هتطبق و( هتطربق ) على دماغنا احنا لوحدنا بالذات ..

اولا لازم نتفق اننا كلنا هنا كمصريين في الخليج وضعنا مختلف تماما عن وضع المصريين في اي حته تانيه خارج مصر .. فالمصري في كندا مثلا او استراليا غالبا بيطلق عليه لفظ مهاجر يعني شخص خلاص طلع من بلده واستقر في المكان الجديد وخلاص مش ناوي يرجع لا كزائر . . بينما احنا في الخليج اللفظ الصحيح الي بيطلق علينا هو مقيم او ( متعاقد ) يعني واحد جاي يقضي شغل يومين وماشي وسواء بقى اليومين دول طولوا وبقوا تلاته او حتى عشره فده مينفيش ان القاعده انه اقعد زي ماتقعد انما في الاول والآخر انت جاي .. وماشي ..

تفرق معانا ايه بقى ان تسعودت البلد او لم تتسعود واحنا اصلا جايين مش ناويين (نبرطع ) ونقعد الى ماشاء الله ؟

ثانيا .. حضرتك يااخ سهل بتقول "" كثير من المصريين الذين يعملون في مهن مسعودة يضطرون لتسجيل المهنة في إقامتهم بمهنة أخرى غير المهنة الحقيقية .. ظناً منهم أن ذلك حلّاً للمشكلة ..""

جانبك الصواب في العباره دي لان ( احنا ) كمصريين مبنضطرش لتسجيل مهنا ولا حاجه الي بيحصل ان السعودي هو الي بيطلع فيزا بمهنه غير الي هو محتاجها تحايلا على قانونه لانه ( مضطر ) .. الدنيا كلها هنا عارفه ان الي عاوز يجيب محاسب على سبيل المثال بيجيبه على مهنه عمل .. هو داخل المطار وظابط الجوازات شايفه وعارف ان ده مش شكل عامل ومع ذلك مدخله .. راح عمل الكشف وطلع الاقامه والرخصه وكله والدنيا كلها بتكشف وتمضي وتبصم كمان وهم عارفين ان ده راجل مؤهل جاي يشتغل في مكتب مش على سقاله .. بتتكلموا عن ايه بقى ؟ السعوده دي حاجه كده زي مجانيه التعليم عندنا .. شعار مرفوع بالاسم لامتصاص غضب الغاضبين انما فعليا لا توجد لليوتوبيا مكان على الارض وصاحب العمل دائما بيدور على مصلحته لو كانت عند مين ..

ثالثا .. كتير بيستشهدوا بان ( الدنيا معادش لها امان ) بدليل انهم لسه ممشيين امبارح خمستاشر خبير ذري وسامعين اخبار بان هيمشوا بعد بكرا خمسميه ..

ياجماعه الامور لا تقاس بهذا الشكل اطلاقا ..

دلوقت مش وارد جدا لو انا بشتغل وزير حتى وراتبي مليون ريال اني اصحى الصبح لا قدر الله الاقي نفسي مشلول ولا مش عارف اتحرك ؟ مش وارد كمان ان الواحد الف لاقدر الله يموت فجأه ؟ بلاش دي .. مش وارد ان صاحب الشغل نفسه نصحى الصبح نلاقيه منتقل الى رحمه الله من اول امبارح وعياله خلاص بيصفوا الشركه؟

يفترض بينا اننا ناس ( بروفيشنال ) لما بننزل شغل عارفين ان الشغل ده حاجه مؤقته بنثبت فيها كفائتنا الى ان يشاء الله ننتقل لحته تانيه نشتغل فيها برضه ونطلع فيها اقصى طاقتنا وابداعنا .. لكن الثقافه الاشتراكيه الي مسيطرة علينا احنا المصريين بالذات بتخلينا نتوهم حاجات مش حقيقية ولا واقعيه وهي انك طالما ( مسكت ) وظيفة يبقى خلاص هتبلط فيها ومش هتطلع منها غير منشال .. ليه كده ياجماعه ؟ مين قال ؟

الشغل في اي حته حتى في مصر نفسها عرض وطلب وممكن تكون شغال النهرده في مكان وبكرا في مكان تاني خالص معادش في نظام القوى العامله الي تحطك في كرسي متطلعش منه غير بالطبل البلدي .. خلاص مفيش ..

تفرق معانا ايه بقى لما يسعودوها ولا يقلبوها اي حاجه هم عاوزينها المفروض ان الواحد شغال في المهنه ولو قفلت عليه وطلع منها لاي سبب بيكون طول السنين دي عمال يكتسب خبره ويطور نفسه بحيث يوم مايطلع يلاقي الف باب تاني مفتوح له في اي حته في العالم سواء هنا او في مصر ..

واخيرا .. هو ربنا لما بينزل الرزق من السما بيبقى شارط فيه محل الاقامه ولا رب هنا مش رب هناك ؟

ياريت بقى ندور على حاجه افيد نتناقش فيها ..

[عنبو]

بص ياعم سهل موضوع انه يسعودوا ولا مش يسعودوا فممكن يسعودوا فى المهن السهله لكن فيه مهن لازم مغترب يقيم بيها نظراً لعدوم وجود السعودى طيب احنا عندنا فى الشركه كل يوم ناس جايه جديده ليه علشان المشاريع يعنى انت بتاخد وقت معين لازم تبقى مخلص فيه المشاريع وفى سبيل ذالك بتاخد كل الصلاحيات علشان تخلص ؟؟

لكن اذا كانوا عاوزين يعملوا نظام السعوده صح يبقى يشتغلوا نظام السخره مع السعودين يعنى يجيبوا السعودى ويحطوه فى مشروع وسط الصحراء ويقعد بقى يشتغل لحد لما يتعودوا على كده لكن اذا سابوها بالاختيار احب اقولك مافيش ولا مشروع هيتم على مستوى البلد

انا بصفتى بنزل مشاريع ضخمه بتعتة المملكه تنزل المشروع من دول تتوه فيهم بجد وشكل المشروع يخض وتدخل مكاتب المهندسين تلاقيهم تايهين بجد اللى بيحسب واللى معرفش بيعمل ايه انت متخيل يبقى شغال فى مكان واحد 100 الف عامل وكل ده بيشتغل فى حاجات مختلفه

فطبعاً عمرهم ما هيجم يبقولك مشوا الناس دول علشان نشغل السعودين انا اعرف مهندس سعودى رفض يسافر كل يوم من جده الى ثول علشان يتابع مشروع هناك اقلى لا ياعم ده تعب انا عاوز ابقى فى المكتب بس

انزل المشاريع وشوف ازاى التعب اللى المهندسين المصريين والسورين والفلسطنين وكل الجنسيات بيتعبوه وشوف كم المسؤليه انت عارف المهندسين دول فيه منهم ناس بتهلب والمشايخ بتوع الشركات عارفين وسايبنهم لانهم عارفين كمية الضغط اللى هم فيهم وبيقولوا ان الناس دى اخدوا على الشغل وتنفيذ المشاريع ومافيش ليهم بديل بجد لا سعودى ولا مغترب

علشان يطبقوا نظام السعوده لازم الشعب نفسه يضحى ويجى على نفسه ويقبل انه يبات فى الصحراء والجبل ويقعد يومين تلاته بيشرب سجاير بس علشان مافيش غير كده ممكن وقتها اساسا هتلاقى مافيش مغترب بدون اى سعوده ولا ديولوا

طيب احنا عندنا فى مصر ليه مافيش مصرنه ؟؟ عارف ليه لان الشعب عاوز يشتغل وعاوز يتعب وبيدور على اى فرصه يمسك فيها ومش فارقه معاه الرفاهيه

لكن هنا بتلاقيه لسه طالع وعاوز يرتاح ويوقلك دانا معايا اوفس عاوز اقعد على مكتب

[lawyer egypt]

بارك الله فيكي يا أخت ضحى

كلام جميل جداً

الواحد عارف ان الرزق طبعا على الله ورب هنا هو رب أي مكان

ولكن المؤمن خطاء ناسياً ذاكراً إذا تذكر

المهم أن الواحد يؤدي شغله بضمير ويخرج أحسن ما عنده مش عشان يفضل صاحب العمل محتاجه ،لا .... عشان ربنا سبحانه وتعالى يبارك له في رزقه كمان ولاننا مأمورين بذلك ( إن الله يحب إذا عمل أحدكم عملاً أن يدقنه

وإن كنت أرى من وجهة نظري أن نظام السعودة هو نظام جائر فالمفروض تكون الأفضلية للأصلح مش أبن البلد ولا المقيم

بل بالعكس أن الذي قيل عن مواصفات وإحتياجات الشاب السعودي ومدى إلتزامه بالعمل وتأهيله ..... كل هذا نتاج نظام السعودة

لانه هو شايف أنه هو الأفضل لانها بلده مش لان هو الاصلح طب ليه بقى يلتزم ويشتغل وينافس المقيم عشان يكون هو الاصلح ويستحق الوظيفة

فأنا بيتهيئلي من وجهة نظري إن نظام السعودة بهذه الاليه لم يقدم لسوق العمل الموظف الكفء الناجح الاصلح لاستحقاق الوظيفة

والدليل على كده إحنا عندنا في مصر ما فيش حاجة إسمها مصرنة ولا غيره

الاجنبي بيجي مصر ويشتغل ويأخذ راتب أحسن بكتير من المصري لانه الأكفء بالرغم من وجود معدلات البطالة العالية اللى عندنا في مصر

لكن كانت النتيجة إن مثلا أنا سمعت إن مترو الإنفاق في المرحلة الأولي كان الاجانب فيه بنسبة عاليه جدا لكن لما عملوا المرحلة التانية أنا سمعت أنه كان كله من المصرين أو بنسبة كبيرة جداً

طب ده حصل ليه لان المصري عنده روح التحدي والعمل تحت أي ضغط وأي ظروف مش أنه لازم هو اللى يشتغل عشان هو مصري وغيره لا عشان هو أجنبي

[herohero]

يا جماعة ده بلدهم ومن حقهم يعملو اكده ماتنسوش موضوع التركيبة السكانية مش معقولة فالسعودية يسمحوا انها تبقى مفتوحة لحد ماتوصل زي دبي تحس انك مش ف بلد عربي وان مالهاش هوية بل بالعكش دبي ناس كتير خايفه انها ممكن تتقلب مدينة مش عربية اذا كان فاضل لسه فيها شيئ عربي

واحنا كمصريين ف السعودية اجانب بالنسبة لهم لان فكرنا غير ونظام الحكم بتاعنا غير فمهما كنت كفء مش هتوصل وده فكرهم او اللي مناسب لطبيعة مجتمعهم الحاكية سياسية وكمان عندهم بطالة يبقى لازم يشغلوا ابنهم

وحته الكفاءة مش هتطبق ابدا لان اصلا ف مصر معظم الشغل لاهل الثقة مش للكفاءة

احنا ف عالم عربي دوله كله من ضمن العالم التالت اللي بتهيئلي لو ف تصنيف اقل كنا اتحطينا فيه