ثوره المصرين ضد مزودي خدمه الانترنت بمصر

[Phizer]

ردا علي ما تقوم به الشركات المزودة لخدمة الانترنت في مصر و علي ما تقوم به من تصعيد الامور فيما يتعلق ب سياسة الاستخدام العادل " الظالمة " تقرر الاتي :

إعلان يوم الاثنين الموافق 10/8/2009 موعدا لثورة مستخدمي الانترنت في مصر في حالة عدم تراجع الشركات عن قراراها فيما يتعلق بسياسة الاستخدام العادل .

مباديء هذه الثورة .

نحن ندفع مقابل الخدمة التي نحصل عليها ولسنا عبيد احسان هذه الشركات .

ليس من حق شركات النت في مصر تحديد سعة الدونلود لكل خط حسب ما تراه في الوقت الذي تراه ( النهارده يقولي انت اخرك 40 بكره يقول انت اخرك 20 ).

الاتجاه العام في هذه الثورة :

سيقوم الجميع بإيقاف خدمة ال adsl ابتداء من الاثنين 10/8/2009 علي مستوي الشركات جميعها وخصوصا تي داتا ولينك صاحبتي التصعيدات الاخيرة .

سيتم نشر هذا الاعلان علي جميع المنتديات والمواقع والكل مسئول عن هذا الاعلان .

شعارنا في هذه الثورة :

" نحن ندفع مقابل الخدمة التي نحصل عليها ولسنا عبيد احسان هذه الشركات "

الاخبار والحملة بدأت تظهر وصوتنا وصل والقادم أعلي.

.. برجاء النشر فى جميع أقسام المنتدى...

[Phizer]

لمذيد من المعلومات اتضلو اللينك ده لاقذر مذود خدمه في مصر تي اي داتا

http://www.tedata.net/web/MultiMedia/PDF/FUP.pdf

هتفهمو يعني ايه الاستخدام العادل

[فــيــروز]

اللينك مش شغّال

هو إيه الموضوع و يعنى إيه استخدام عادل للإنترنت !! الكلمه دى باسمعها كتير مؤخّرا من غير ما أفهم المقصود بيها و ما توابعها

[حسام يوسف]

يعنى يا باشمهندسة فيروز حضرتك لو عديتي داونلود مساحة معينة همة حطينها سقف للمستخدم فى الشهر

هيقللوا السرعة بتاعتك الى الربع

تخيلي بقى

يعنى مثلا اللى سرعتة 512

يبقى 123

ويدفع برضة 95شهريا

يارب كندا بقى

[Phizer]

اللينك مش شغّال

هو إيه الموضوع و يعنى إيه استخدام عادل للإنترنت !! الكلمه دى باسمعها كتير مؤخّرا من غير ما أفهم المقصود بيها و ما توابعها

الاستخدام العادل هوا نظام جديد في منتهى الظلم اتطبق على كل مشتركي الانترنت الغير محدود في مصر

اي مشترك للانترنت الغير محدود في مصر الان اصبح له حد اقصى للتجميل من الانترنت يعني ليكي كم محدود من البيانات الي بتحمليها او بترفعيها على الانترنت طبعا ده نصب وسرقه لان مينفعش ابقا بدفع قد كده عشان يبقا عندي انترنت سريع واحمل منه الي انا عايزه يقومو يقولو للناس لا انت اخرك 20 جيجا ولما استهلك الحد الاقصى بتاعي يقلي معلش كفايه عليك لحد كده استنى بقا لما الشهر يخلص.....

هوا احنا مش بندفعلهم فلوس مقابل للخدمه دي؟؟؟؟

وبعدين كنا عشمانين ان البرودباند يعلى في مصر ونشوف سرعات عاليه وهو احنا بنتقدم ولا بنتأخر !!!!!

اللينك الي بيشرحو فيه نظامهم الهباب اهه

http://www.tedata.net/web/MultiMedia/PDF/FUP.pdf

[Phizer]

http://www.tedata.net/web/MultiMedia/PDF/FUP.pdf تم تعديل 7 أغسطس 2009 بواسطة Phizer

[أحمد سيف]

المفروض يعملوا أكثر من أوبشن ... اللي عايز استخدام خفيف للانترنت يدفع سعر أقل من اللي عايز يعمل داون لود 24 ساعه... هوا ده الاستخدام العادل ... ولا ايه رأيكم؟

[Shehab]

طيب بما انكم محروق دمكم و مخنوقين فاسمحولى افرع لكم الضغط بالمرة!!

انتم عارفين ان عملية مضاعفة السرعة الاخيرة ديه....ما تعتبرش مضاعفة للسرعة بالمعنى الشامل؟؟

اللى عرفته من احد المهندسين اللى فى شركة طاهرة من اياهم....ان كل العمليات اللى بتتم عالخط بتصنف و بتمر عبر منافذ مختلفة.....يعنى التصفح غير التحميل غير الرفع ...الخ..."ده حسب وصفه ليه فى محاولة فاشلة منه لتبسيط الموضوع عليه".....المهم...هم بامكانهم انهم يحددو سرعة مختلفة لكل منفذ....و اللى حصل ان الافاضل ....ضاعفوا سرعة التحميل و سابوا التصفح زى ماهو ....فى دلع اكتر من كده؟؟؟

طبعا الكلام اللى انا كاتبه ده ع قد فهمى لانى ماليش دراية بالموضوع لو حد فاهم ممكن يوضح اكتر

[حسام يوسف]

طيب بما انكم محروق دمكم و مخنوقين فاسمحولى افرع لكم الضغط بالمرة!!

انتم عارفين ان عملية مضاعفة السرعة الاخيرة ديه....ما تعتبرش مضاعفة للسرعة بالمعنى الشامل؟؟

اللى عرفته من احد المهندسين اللى فى شركة طاهرة من اياهم....ان كل العمليات اللى بتتم عالخط بتصنف و بتمر عبر منافذ مختلفة.....يعنى التصفح غير التحميل غير الرفع ...الخ..."ده حسب وصفه ليه فى محاولة فاشلة منه لتبسيط الموضوع عليه".....المهم...هم بامكانهم انهم يحددو سرعة مختلفة لكل منفذ....و اللى حصل ان الافاضل ....ضاعفوا سرعة التحميل و سابوا التصفح زى ماهو ....فى دلع اكتر من كده؟؟؟

طبعا الكلام اللى انا كاتبه ده ع قد فهمى لانى ماليش دراية بالموضوع لو حد فاهم ممكن يوضح اكتر

طيب انا خطي تي اي داتا 265 لا محدود ب95شهريا

وبعد الزيادة المباركة المفروض انه بقى 512

والحقيقة مش شايف فرق فى التصفح

وبخصوص التحميل فلم يزد عن 20كيلوبايت فى الثانية يعنى 160كيلوبت فى الثانية

يعنى ما وصلتش لتلت ال512 المفروض اخدها

وسلملى ع المترو وتي اي داتا

يارب كندا

[Shehab]

ما انا عندى نفس النظام ...بالعكس بقيت احس ان التصفح ابطأ

بس التحميل زاد ...كان بيبقى فى المتوسط 24 او 25 بقى حوالى 50 بيزيد او يقل شوية حسب الظروف

عشان كده انا مش حاسس بأى فرق

يارب كندا

يارب يا خويا يارب

[Mercedes]

السلام عليكم و رحمة الله و بركاته

كل عام و أنتم بخير بمناسبة شهر رمضان الكريم , أعاده الله عليكم بالخير و اليمن و البركات

يا جماعة , دول ناقصين يعدوا علينا النفس اللى بنتنفسه , فى الوقت اللى العالم كله بينفتح و بيتواصل مع بعضه و السرعات بتوصل الى 20 جيجا و بلا حدود و بأسعار فى متناول الأيدى , نلاقى دول يقولولنا ( الاستخدام العادل ) أنا نفسى أعرف هم جابوا الكلام دة منين و لا هم لقوا أنهى دولة حوالينا بتعمل كدة

و دة طبعا قرار ذى أى قرار فى البلد دى هيتطبق بس على الناس العاديين اللى مالهومش واسطة و مايعرفوش فلان بيه و فلان باشا , لكن لو حد من الناس اياهم هتلاقى النت عنده على أحسن ما يكون و بدون اشتراك شهرى كمان و أكيد بلا حدود

ماهى النت دى الوحيدة اللى الواسطة و التمييز و التفلاقة ماوصلتلهاش و الحمد لله قيدروا يلفوا و يدوروا و يخلوا فيها واسطة و محسوبية

عشان المواطن العادى اللى عنده ابن و لا بنت متغرب فى بلاد الله و كان بيستخدم النت عشان يكلمه و يعرف أخباره ماعدشى يعرف يعمل كدة و ده شئ طبيعى لسعى الحكومة الحثيث للبحث عن أى شئ و أى معاناة تضعها على كاهل المواطن , أصله ناقص غم

لأ و بعد دة كله تلاقى أخوة يقولولك , أن مصر دى بلدنا و أننا بندوب فى التراب اللى بنمشى عليه

ولا تلاقى واحد يقولك , وهى الحكومة مالها , دى شركات خاصة , اقولك لأ , الحكومة مالها و مالها و المفروض أنها لما تلاقى الشركات دى بتعمل كدة اعتمادا على قوة الاحتكار للسوق , أنها تتصدى لها بحزم و قوة , مس تسيبها تلاعب بينا بدعوى أنها شركات خاصة , ايه الخسة و الحقارة و النداله دى

كل يوم بيطلعولنا فى حاجات تخلى الواحد و العياذ بالله يكفر , و بيتفننوا فى أنهم يثبتوا للعالم كله أننا حريصين حرصا شديدا على التأخر و ليس حتى البقاء محلك سر !!!!!

و الله العظيم أى واحد يقدر يسيب البلد دى و يروح أى حتة يشتغل فيها حتى بواب عمارة , هيكون أكرمله من البقاء فيها

ايه القرف ده , لكن هنروح بعيد ليه , فى الوقت اللى العالم كله بيسعى الى التقدم و الرفاهية تلاقى دول سنة 2009 لسه بيناقشوا اذا كان المواطن من حقه أن يحصل على رغيف خبز و لا مش من حقه

و الله دى حكومة بنت ..................

ياراجل ان شالله نصبح فى يوم الصبح نلاقى جالهم كلهم انفلونزا الخنازير

ألا هى اسرائيل مش عاوزة جواسيس يشتغلوا لحسابها

أخوكم / مرسيدس

[Rock]

شكرااااااااااااااااااااااااااااااااااااااااااا جزيلا علي فتح الموضوع دة

فعلا دي بقت حاجة تخنق اللي بيعملوة و قال اية يقولك الاحتلال انتهي بعد الثورة. ايوة هو الاحتلال الاجنبي انتهي بس الاحتلال المصري للمصريين نفسهم ابتدي بعد الثورة

دول لو يقدروا يبيعو الشمس هايبيعوها او يأجروها و يركبوا عداد

دي بقت تكنولوجيا في متناول الجميع بس مصر لسة,لازم يمصوا دم الشعب و الحكومة رفعت ايديها طبعا من الموضوع و طبخت الموضوع

و تيجي تشترك في العروض بتاعتهم تلاقي ناس حريفة نصب و قال اية راوتر هدية و تكتشف انك ادبست في عقد اسوأ من وعد القذر بلفور

ياريت كلنا نقف عشان الموضوع دة

حسبنا اللة ونعم الوكيل

[Ambitious]

انا متفق معاكم ان القرار يخنق شوية (مش اوى)

بس فى فهم خاطئ ان الخطوة دى اتخذتها شركات الانترنت لكن فى الحقيقة الخطوة دى اللى اتخذها هو الجهاز القومى لتنظيم الاتصالات وليس شركات الانترنت وهما اللى فرضوها عليهم مع العلم ان كان فى شركات فى مصر بتطبق نظام الاستخدام العادل Fair use من زمان بس محدش حس بيها لأنها كانت غير معلنة :P

[Ahmed Unknown]

و الله انا شايف ان الناس بتتسرع فى الحكم على الموضوع ده لازم كل واحد يكون فاهم مميزات و عيوب الموضوع ده

على حسب معلوماتى ان مستخدمى الانترنت فى مصر فى تزايد مستمر و سعة الانترنت فى الشركات ثابته تكاد لا تتغير لأنها فى اعتقاد الشركات كافية لتغطية اعداد المشتركين

و تعتمد سرعة الانترنت على عوامل كثيرة منها قرب المكان من السنترال و جودة اسلاك الهاتف و ما الى ذلك و طبعا بتفرق من مزود الى اخر

و طبعا العادات الاستهلاكية السيئة للمصريين ان كل واحد بيفتح كذا برنامج داونلود و يملاه على اخره و يسيبه بالكام يوم شغال (و انا عن نفسى كنت بعمل كده قبل ما اسافر عشان فى ناس هتجادل و تقول مبيحصلش) و بصراحه احيانا بنعمل داونلود استخسار :P

فطبعا هناك من يسيء استغلال الداونلود و يحرم ناس اخرين من الحصول على سرعة مناسبة حتى للتصفح

فجاءت فكرة الاستخدام العادل ده بمعنى العدل بين المستخدمين يعنى محدش ييجى على نصيب التانى

يعنى ممكن كتير من حضراتكم يكون عندكم النت بطىء بسب سوء استغلال شخص اخر و جاء هذا النظام لحمايتكم و ليس لتضييق سرعة الانترنت عليكم

اللى انا شايفة ان المشكلة مش فى النظام و لكن هو تخوف الناس من تطبيقه بشكل سىء من الشركات

و على حسب معلوماتى الشخصية ان لينك دى اس ال كانت بتطبق نظام مشابه منذ بدايتها و اعتقادى ان النظام الجديد لن يشكل اى فارق مع مستخدميها

المشكله بقى ان تى اى داتا كان عدد مستخدمينها فى السابق قليل مقارنه بسعة الانترنت الكبيرة اللتى تملكها و لم يكون هناك اى حدود للتصفح او الداونلود

و ده طبعا لأيهام المشتركين ان السرعة عندهم افضل و هو ما يروجون له فى اعلاناتهم

و مع زيادة عدد المشتركين بدأت المشاكل فى التراكم و كان من اللازم تطبيق مثل هذا النظام للتوزيع العادل بين المشتركين

و هنا فى السعودية الشركات بتطبق نظام مماثل و شغالين داونلود و تصفح عمال على بطال زى مصر و الصراحة محدش اتفصل عنه النت ولا قللوا له السرعه ولا حاجه

فرأيى الشخصى هو الانتظار لحد اما نشوف هل النظام ده سيأتى بنتيجة سلبية او ايجابية او لن يحدث فارق

يا جماعة , دول ناقصين يعدوا علينا النفس اللى بنتنفسه , فى الوقت اللى العالم كله بينفتح و بيتواصل مع بعضه و السرعات بتوصل الى 20 جيجا و بلا حدود و بأسعار فى متناول الأيدى , نلاقى دول يقولولنا ( الاستخدام العادل ) أنا نفسى أعرف هم جابوا الكلام دة منين و لا هم لقوا أنهى دولة حوالينا بتعمل كدة

انا عايز اعرف الصراحه فين فى العالم بالظبط اللى السرعة بتوصل الى 20 جيجا ؟؟؟ و هل هى بال 95 جنية بردوا ؟

اما عن موضوع انهى دولة بتعمل كده, فهنا فى السعودية بيعملوا كده !!!!

[حسام يوسف]

ياباشمهندس أحمد

انا عارف انك زملكاوى

انما تي اي داتاوى؟

لا

مكنتش منتظرها

هوة فين الاستخدام العادل ده

يعنى همة قالوا رفعوا السرعة للضعف

وانا زي ما انا

فين استخدام عادل؟

اه لو اشوف عادل ده وانا اكله بسنانى

[qenawy]

انا عمري ما بزيد عن واحد جيجا نشاط شهري ولا فارقة معايا

احسن حاجة الاشتراك الليمتد 45 جنيه واخر راحة

[Mercedes]

و الله انا شايف ان الناس بتتسرع فى الحكم على الموضوع ده لازم كل واحد يكون فاهم مميزات و عيوب الموضوع ده

على حسب معلوماتى ان مستخدمى الانترنت فى مصر فى تزايد مستمر و سعة الانترنت فى الشركات ثابته تكاد لا تتغير لأنها فى اعتقاد الشركات كافية لتغطية اعداد المشتركين

و تعتمد سرعة الانترنت على عوامل كثيرة منها قرب المكان من السنترال و جودة اسلاك الهاتف و ما الى ذلك و طبعا بتفرق من مزود الى اخر

و طبعا العادات الاستهلاكية السيئة للمصريين ان كل واحد بيفتح كذا برنامج داونلود و يملاه على اخره و يسيبه بالكام يوم شغال (و انا عن نفسى كنت بعمل كده قبل ما اسافر عشان فى ناس هتجادل و تقول مبيحصلش) و بصراحه احيانا بنعمل داونلود استخسار

فطبعا هناك من يسيء استغلال الداونلود و يحرم ناس اخرين من الحصول على سرعة مناسبة حتى للتصفح

فجاءت فكرة الاستخدام العادل ده بمعنى العدل بين المستخدمين يعنى محدش ييجى على نصيب التانى

يعنى ممكن كتير من حضراتكم يكون عندكم النت بطىء بسب سوء استغلال شخص اخر و جاء هذا النظام لحمايتكم و ليس لتضييق سرعة الانترنت عليكم

اللى انا شايفة ان المشكلة مش فى النظام و لكن هو تخوف الناس من تطبيقه بشكل سىء من الشركات

و على حسب معلوماتى الشخصية ان لينك دى اس ال كانت بتطبق نظام مشابه منذ بدايتها و اعتقادى ان النظام الجديد لن يشكل اى فارق مع مستخدميها

المشكله بقى ان تى اى داتا كان عدد مستخدمينها فى السابق قليل مقارنه بسعة الانترنت الكبيرة اللتى تملكها و لم يكون هناك اى حدود للتصفح او الداونلود

و ده طبعا لأيهام المشتركين ان السرعة عندهم افضل و هو ما يروجون له فى اعلاناتهم

و مع زيادة عدد المشتركين بدأت المشاكل فى التراكم و كان من اللازم تطبيق مثل هذا النظام للتوزيع العادل بين المشتركين

و هنا فى السعودية الشركات بتطبق نظام مماثل و شغالين داونلود و تصفح عمال على بطال زى مصر و الصراحة محدش اتفصل عنه النت ولا قللوا له السرعه ولا حاجه

فرأيى الشخصى هو الانتظار لحد اما نشوف هل النظام ده سيأتى بنتيجة سلبية او ايجابية او لن يحدث فارق

يا جماعة , دول ناقصين يعدوا علينا النفس اللى بنتنفسه , فى الوقت اللى العالم كله بينفتح و بيتواصل مع بعضه و السرعات بتوصل الى 20 جيجا و بلا حدود و بأسعار فى متناول الأيدى , نلاقى دول يقولولنا ( الاستخدام العادل ) أنا نفسى أعرف هم جابوا الكلام دة منين و لا هم لقوا أنهى دولة حوالينا بتعمل كدة

انا عايز اعرف الصراحه فين فى العالم بالظبط اللى السرعة بتوصل الى 20 جيجا ؟؟؟ و هل هى بال 95 جنية بردوا ؟

اما عن موضوع انهى دولة بتعمل كده, فهنا فى السعودية بيعملوا كده !!!!

السلام عليكم ورحمة الله و بركاته

أنا لم أقل أن السرعة 20 جيجا و ب 95 جنيه لكن أنا قلت أن السرعات وصلت الى 20 جيجا و منطقيا مفيش حد هيجيب السرعة دى ليه لوحده الا اذا كانوا مجموعة من الناس فى شقة واحدة أو فى بناية واحدة لكن من حيث أن السرعة وصلت الى 20 جيجا , فهو فعلا هنا فى السعودية السرعة القصوى وصلت ل 20 جيجا و ب 555 ريال فى الشهر يعنى لو 5 اشتركوا سوا , كل واحد هيدفع 111 ريال و يكون عنده سرعة 4 جيجا على الأقل

و للحق مفيش دولة حوالينا خدمة النت فيها أسوأ من عندنا الا سوريا , لكن كل الدول التانية ذينا و أحسن , أحسن مش من حيث الرقابة على المواقع لكن أحسن من حيث خدمة النت

حاليا فى مربعات سكنية بالكامل هنا فيهل خدمة النت اللاسلكى يعنى كل اللى انت محتاجه أنك تفتح اللابتوب بتاعك و بس

و ربنا يوفق الجميع

[Mercedes]

و الله انا شايف ان الناس بتتسرع فى الحكم على الموضوع ده لازم كل واحد يكون فاهم مميزات و عيوب الموضوع ده

على حسب معلوماتى ان مستخدمى الانترنت فى مصر فى تزايد مستمر و سعة الانترنت فى الشركات ثابته تكاد لا تتغير لأنها فى اعتقاد الشركات كافية لتغطية اعداد المشتركين

و تعتمد سرعة الانترنت على عوامل كثيرة منها قرب المكان من السنترال و جودة اسلاك الهاتف و ما الى ذلك و طبعا بتفرق من مزود الى اخر

و طبعا العادات الاستهلاكية السيئة للمصريين ان كل واحد بيفتح كذا برنامج داونلود و يملاه على اخره و يسيبه بالكام يوم شغال (و انا عن نفسى كنت بعمل كده قبل ما اسافر عشان فى ناس هتجادل و تقول مبيحصلش) و بصراحه احيانا بنعمل داونلود استخسار

فطبعا هناك من يسيء استغلال الداونلود و يحرم ناس اخرين من الحصول على سرعة مناسبة حتى للتصفح

فجاءت فكرة الاستخدام العادل ده بمعنى العدل بين المستخدمين يعنى محدش ييجى على نصيب التانى

يعنى ممكن كتير من حضراتكم يكون عندكم النت بطىء بسب سوء استغلال شخص اخر و جاء هذا النظام لحمايتكم و ليس لتضييق سرعة الانترنت عليكم

اللى انا شايفة ان المشكلة مش فى النظام و لكن هو تخوف الناس من تطبيقه بشكل سىء من الشركات

و على حسب معلوماتى الشخصية ان لينك دى اس ال كانت بتطبق نظام مشابه منذ بدايتها و اعتقادى ان النظام الجديد لن يشكل اى فارق مع مستخدميها

المشكله بقى ان تى اى داتا كان عدد مستخدمينها فى السابق قليل مقارنه بسعة الانترنت الكبيرة اللتى تملكها و لم يكون هناك اى حدود للتصفح او الداونلود

و ده طبعا لأيهام المشتركين ان السرعة عندهم افضل و هو ما يروجون له فى اعلاناتهم

و مع زيادة عدد المشتركين بدأت المشاكل فى التراكم و كان من اللازم تطبيق مثل هذا النظام للتوزيع العادل بين المشتركين

و هنا فى السعودية الشركات بتطبق نظام مماثل و شغالين داونلود و تصفح عمال على بطال زى مصر و الصراحة محدش اتفصل عنه النت ولا قللوا له السرعه ولا حاجه

فرأيى الشخصى هو الانتظار لحد اما نشوف هل النظام ده سيأتى بنتيجة سلبية او ايجابية او لن يحدث فارق

يا جماعة , دول ناقصين يعدوا علينا النفس اللى بنتنفسه , فى الوقت اللى العالم كله بينفتح و بيتواصل مع بعضه و السرعات بتوصل الى 20 جيجا و بلا حدود و بأسعار فى متناول الأيدى , نلاقى دول يقولولنا ( الاستخدام العادل ) أنا نفسى أعرف هم جابوا الكلام دة منين و لا هم لقوا أنهى دولة حوالينا بتعمل كدة

انا عايز اعرف الصراحه فين فى العالم بالظبط اللى السرعة بتوصل الى 20 جيجا ؟؟؟ و هل هى بال 95 جنية بردوا ؟

اما عن موضوع انهى دولة بتعمل كده, فهنا فى السعودية بيعملوا كده !!!!

السلام عليكم ورحمة الله و بركاته

أنا لم أقل أن السرعة 20 جيجا و ب 95 جنيه لكن أنا قلت أن السرعات وصلت الى 20 جيجا و منطقيا مفيش حد هيجيب السرعة دى ليه لوحده الا اذا كانوا مجموعة من الناس فى شقة واحدة أو فى بناية واحدة لكن من حيث أن السرعة وصلت الى 20 جيجا , فهو فعلا هنا فى السعودية السرعة القصوى وصلت ل 20 جيجا و ب 555 ريال فى الشهر يعنى لو 5 اشتركوا سوا , كل واحد هيدفع 111 ريال و يكون عنده سرعة 4 جيجا على الأقل

و للحق مفيش دولة حوالينا خدمة النت فيها أسوأ من عندنا الا سوريا , لكن كل الدول التانية ذينا و أحسن , أحسن مش من حيث الرقابة على المواقع لكن أحسن من حيث خدمة النت

حاليا فى مربعات سكنية بالكامل هنا فيهل خدمة النت اللاسلكى يعنى كل اللى انت محتاجه أنك تفتح اللابتوب بتاعك و بس

و ربنا يوفق الجميع

http://www.stc.com.sa/cws/portal/ar/indivi...r-intrhm-dslshm

أنا اسف , أنا كنت نسيت أرسل الرابط بتاع شركة الاتصالات السعودية و التى تحتوى على آفاق شامل 20 جيجا و ب 555 ريال فقط بالشهر

شكرا

[metwallly]

الخبر ده نقلا عن جريدة المصرى اليوم طلعونا إحنا اللى جاهلين ومتسرعين

وهما بيعملوا كده علشان مصلحتنا وكمان حبة ممكن الشركات دى ترفع علينا

قضية حجر لأننا سفهاء

شركات الإنترنت تحارب «الوصلات» بربط مشتركى DSL بحجم استخدام شهرى.. ونشطاء يدشنون حملة للمقاطعة

كتب أمير حيدر ٩/ ٨/ ٢٠٠٩

بدأ العديد من شركات الإنترنت فائق السرعة DSL تطبيق سياسة جديدة لتحديد الاستخدام بحجم معين على جميع الاشتراكات الشهرية بمختلف سرعاتها، الأمر الذى أثار انتقادات فى أوساط المتعاملين مع الشبكة الدولية وصلت إلى حد الدعوة لمقاطعة الاستخدام تدريجيا والتهديد بقطع الاشتراك مع شركات الإنترنت الثابت.

وفيما أكد مسؤولون فى شركات الإنترنت أن تحديد الاستخدام جاء وفق قرار للجهاز القومى لتنظيم الاتصالات لتقنين استخدام الإنترنت فائق السرعة، اعتبر نشطاء فى عدد من المنتديات ومواقع الإنترنت أن القرار غير قانونى ويخالف بنود التعاقد مع المشتركين.

غير أن الدكتور عمرو بدوى الرئيس التنفيذى لجهاز تنظيم الاتصالات، قال إن سياسة تحديد الاستخدام معمول بها فى جميع دول العالم وليس مصر فقط، مشددا على أن الهدف منها القضاء على الوصلات غير الشرعية وإتاحة الفرصة لتوصيل الإنترنت بسعر معقول لمختلف الشرائح.

وأشار بدوى إلى أن القرار لا يتعارض مع مصالح المستخدمين، لافتا إلى أنه سبق تخفيض أسعار الاشتراك فى الإنترنت فائق السرعة بنحو ٥٠%. وقال إن الحكومة غير مستعدة لدعم مشتركى الوصلات غير الشرعيين أو من يقومون باستخدام الإنترنت فى تحميل أفلام دون تحديد سعة الاستخدام شهريا.

من جانبه، قال أحمد أسامة العضو المنتدب للشركة المصرية لنقل البيانات «تى إى داتا» إن تطبيق سياسة الاستخدام العادل لن يؤثر على المشتركين الأفراد، مؤكدا أن الإحصاءات المتوفرة لدى الشركة توضح أن ٩٠% من المشتركين فى سرعة ٥١٢ كيلوبت/ الثانية يقومون شهريا بتحميل أقل من ٢٥ جيجا التى حددها القرار الأخير بالنسبة لهذه الشريحة.

معتبرا أنه يستهدف بالدرجة الأولى مستخدمى الوصلات الذين يؤثرون على عمل شركات الإنترنت.

وحذر قرار «الاستخدام العادل» من تخفيض سرعة المشترك الذى يتخطى نسبة التحميل المسموح له بها شهريا وفقا لفئة اشتراكه إلى نحو ١٢٨ كيلوبت/ الثانية لحين انتهاء الشهر على أن تعود له السرعة الطبيعية بحلول الشهر الجديد طالما لم يتخط الحجم المسموح به مجددا.

ودعا نشطاء على موقع «فيس بوك» إلى تحديد يوم الاثنين المقبل لمقاطعة الإنترنت، ملوحين بالتهديد بإلغاء الاشتراك مع الشركات فى حال استمرارها فى تطبيق السياسة الجديدة.

غير أن العضو المنتدب لشركة «تى إى داتا» التابعة للشركة المصرية للاتصالات أشار إلى أنه تم فهم القرار الأخير بشكل خاطئ وأن المستفيدين من مناهضته هم أصحاب الوصلات غير الشرعية.

وفى هذا السياق، قال مصدر مسؤول فى شركة «لينك دوت نت» إن نحو ٥? فقط من عملاء الشركات سيتأثرون بالقرار باعتبارهم من ذوى الاستهلاك العالى.

[النجم الثاقب]

فيديو جامد جدا عن موضوع السياسة الجديدة لتحديد استخدام الانترنت .. ياريت اخوانا اللى بيعرفوا المانى يفهمونا الناس دى بتقول ايه اصلا :ninja: