واأسفااااه ( بهائي )في خانة الديانه

[عاشق الترحال]

اصدرت اليوم السبت 8-8-2009 م مصلحة الاحوال المدنية اول بطاقة رقم قومى للتوام عماد ونانسىى رؤف هندى حليم الذين حصلا على حكم فى الادارية العليا بمجلس الدولة بها علامة شرطة فى 16 مارس 2009م الماضى وكان وزير الداخلية قد اصدر قرار رقم 520 لسنة 2009 بالسماح للبهائيين باستخراج رقم قومى مدون بخانة الديانة شرطة فى 19 ابريل 2009م.

من المعروف انه فى يوم 16 مارس 2009 صدر حكم ايجابى من نفس المحكمة للطالب حسين حسنى بخيت باستخراج بطاقة رقم قومى مدون بها الديانة بهائى ولم يتم استخراج اى شيىء له. وقد تقدم العديد من البهائيين الى مصلحة الاحوال المدنية لاستخراج بطاقة رقم قومى بعد شهادات الميلاد المميكنة منذ صدور قرار الوزير وللان لم يتم استخراج اى شهادة ميلاد او بطاقة غير التى صدرت اليوم ..

وقالت المحكمة في أسباب حكمها إن المادة 46 من الدستور المصري أكدت على أن الدولة تكفل حرية العقدية وحرية ممارسة الشعائر الدينية، على حد زعمها.

وقال والد التوأم رؤف هندي: "هذه الخطوة إيجابية تجاه حل مشاكل البهائيين في مصر ونأمل أن يتم صدور أوراق هوية لجميع البهائيين".

جدير بالذكر أن وزير الداخلية أصدر القرار رقم 520 لسنة 2009 بالتصديق على حكم القضاء الإداري والموافقة على استصدار وثائق هوية لمن سبق قيدهم أو آبائهم أو من حصل على حكم محكمة القضاء الإداري.

البهائيون في مصر يطالبون بـ "عيد قومي"

وكان البهائيون في مصر عن رغبتهم في أن يُخصص لهم يومٌ ليكون "عيدًا" رسميًا لهم، كما فعلت باكستان مع البهائيين.

وكانت الحكومة الباكستانية قد أعلنت يوم 11 أغسطس من كل عام يومًا قوميًا للأقليات، كما أعلنت عن تدشين مركز كبير بالعاصمة لحوار الأديان سيكون ممثلًا فيه كل الأقليات الدينية بباكستان، كما أقرت الحكومة الباكستانية يوم 21 إبريل من كل عام "عيدًا" للبهائيين.

وقالت الناشطة البهائية في مصر "بسمة موسى" إن تخصيص باكستان ليوم 21 إبريل الموافق لـ"عيد الرضوان" للبهائيين باعتباره "عيدًا قوميًا للبلاد"، خطوة رائعة.

وأضافت أن هذه الخطوة الباكستانية تعنى الاعتراف بوجود الأقليات واعتبارهم جزءًا من نسيج الوطن, مشيرةً إلى أنها فرصة جيدة لتعريف المجتمع بهم وبدورهم.

ووجهت بسمة تحية إلى دولة باكستان وقالت "إن هذا العمل يعد تطبيقا لما فعله الرسول محمد - صلى الله عليه وسلم - عندما دخل المدينة المنورة وأرسى صحيفة المدينة مع كل الطوائف بها، فأصبحت المدينة المنورة من وقتها حتى الآن نموذجًا جميلًا للتسامح بين البشر" على حد زعمها

((حسبي الله ونعم الوكيل )) (( ربنا لا تؤاخذنا بما فعل السفهاء منا ))

تم تعديل 8 أغسطس 2009 بواسطة عاشق الترحال

[sherifhfm]

بصراحه انا مش شايف اى مشكله فى انه تتكتب ديانه الشخص فى بطاقته الشخصيه

على الاقل لا اظن ان هناك مانع شرعى من ذلك

البطاقة الشخصية يجب ان تحمل بيانات الشخص

كما اعتقد ان القران الكريم ورد به العديد من الديانات غير الاسلام وغير الديانات السماوية

وهذا لن يضر الاسلام ولا المسلمين فى شئ

[MZohairy]

معلش حسأل سؤال و ياريت من غير ضرب ولا شتيمه

هو فيها ايه لما يكتبوا في خانة الديانه بهائي للبهائيين؟

ايه الضرر العائد على المسلمين من ذلك؟

و هل افضل للمسلمين ان يكون احمد و محمد و ياسر بهائيين العقيده و عاملين نفسهم مسلمين؟

اطمع في ردود منطقيه اذا تكرمتم

شكرا

[Alshiekh]

وليه اصلا تخصص خانة للديانة فى البطاقة؟

الا اذا كان المقصود هى التأكيد على التمييز على اساس العقيدة.

ولماذا لايتم ذلك فى جوازات السفر؟

وواضح ان الخيبة واخدة حقها عند الكل

البهائى حايموت نفسه علشان يكتبوا له بهائى فى البطاقة ، والمسلم حايموت نفسه ورأسه والف سيف ويانا يالسفارة ان البهائى مايتكتبلوش بهائى فى البطاقة.

هى الناس دى فاضية؟ ولا خلاص مشاكل الدنيا كلها اتحلت ومابقاش فاضل غير انهم يتخانقوا على خانة الديانة

طيب كل الناس اللى عاملين هيصة دول لما بيسافروا يعيشوا بره مابيتكتبش ديانتهم فى البطاقة ، ومابيرفعوش قضايا ليه ويطالبوا بالكلام ده.

حلو المثل اللى بيقول " ابن سأل ابوه عن الخيابة وازاى يبقى خايب ، قال له تعال فى الهايفة واتصدر ،

[MZohairy]

ايوه يا محمد

بس لما يكون البهائي او غيره عايش في مصر

و كل المصريين مكتوب في بطاقتهم إما مسلمين أو مسيحيين

و هو يلاقي نفسه مش مكتوب دينه في بطاقته

حيشعر بانتقاص في حقوقه حتى و لو كان الحق هايف

[سهل جدا]

بصراحة أنا ما عنديش رأي محدّد في الموضوع ده

أو بمعنى آخر لا أعرف الحقّ

لكن هي المشكلة اللي كثير مش واخدين بالهم منها هي إن مجرد تسجيل هذه الديانة في البطاقة فهذا يعني أن الحكومة مقرّة ضمنياً بهذه الديانة ...

وبناءً على ذلك هاتكون لهم طلبات.. معابد ومحاكم خاصة بيهم و...

وممكن بعد كده ييجي ناس تاني من اللي بيعبدوا الفار (ودا فعلاً موجود في الهند) يقولوا إحنا عاوزينكم تكتبوا لنا في البطاقة ديانتنا

وهاتبقى العمليّة ميغة ...

[حسام يوسف]

مع خالص كراهيتي لهذا الدين المصطنع من قبل الغرب هوة وأتباعه

الا أنى مع عدم كتابة خانة للديانة فى الهوية

هيية بتتكتب ليه؟

طيب مش ده شكل من أشكال التمييز العنصري على أساس الدين

؟

وممكن بقى مادام هنميز على أساس الدين

يبقى برضة نميز وندون فى الهوية باقى التمييزات فى هوية المواطن

يعنى تخيلوا فى هوية المواطن العرق :قوقازي أو زنجي أو هيسبانيك أو عربي

وفى خانة كمان للون عسل بقى

خمرى فاتح

بنى غامق (ومش برباط عشان ماحدش يتريق) :lol:

ابيض تلجي

اسود فاحم

شامبين والعياذ بالله :lol:

تم تعديل 8 أغسطس 2009 بواسطة حسام يوسف

[عاشق الترحال]

للأسف فكرت أن لسه فيه غيره على ديننا !!!!!!

السيد الفاضل اللى عاوز إجابات منطقيه

سألت نفسك هما مين وعاوزين أيه وبيعملوا كده ليه؟!!!!!

وللأسف أن أول المطالب وضع خانه للدين تحت مسمى بهائي فى البطاقه ثم أعياد رسميه ثم ثم ثم ثم ثم ثم إلخ

وبعدين السوس لما بينخر فى جسد المجتمع اللى مش ناقص حد ينخر فيه هتبقى ايه النتيجه ؟؟؟؟؟؟؟؟؟؟؟؟.

وبكره يطلع عبدة الشيطان تاني فى مصر يطالبوا هما كمان بحرية العقيده ويمارسوا طقوسهم ؟؟؟؟؟؟؟؟؟

(( وزمان كانوا بيقولوا لنا أن الطمطمايه الفاسده بتفسد القفص كله ))

وليه لأ وهيختلفوا ايه عن البهائيين وعن غيرهم واللى يعيش يا ما يشوف .....

[MZohairy]

أمين بطاح عميد البهائيين (تصوير سامى وهيب)

حاورته غادة الشرقاوى

أمين أبو الفتوح محمد بطاح، من مواليد عام 1926، اعتنق البهائية عام 1943 رغم أن والده وجده كانا بهائيين، لقب بعميد البهائيين، وعاصر عهد عبد الناصر قبل إلغاء المحافل البهائية، ووزع بنفسه الدعوات للاحتفال بالعيد المئوى "لبهاء الله" عام 1953، والتى تلقوا فيها التهانى من مجلس قيادة الثورة ولجنة إعداد الدستور.

متحمس بشدة لعقيدته، لكنه مؤمن بأن العلاقة بين الإنسان والله لا تخص سواهما، يرى أن "الشَرطة" فى خانة الديانة قد تكون أقصى طموحات البهائيين فى مصر، لأنهم لا يطالبون باعتراف الدولة كما يقول، فالبهائية لدى بطاح هى تلك التعاليم التى يعلمها الآباء لأبنائهم فى البيت، ولهم مطلق الحرية فى اختيارها أو تركها. ومنتهى أمله هو أن يتمكن البهائى من استخراج شهادة وفاة لآبائه، وشهادة ميلاد لأبنائه، لأن البهائيين بالنسبة له مواطنون مصريون أولاً وأخيراً..

لماذا ظهر فجأة على السطح أن البهائيين فى مصر يعانون مشكلة فى خانة الديانة بالبطاقة الشخصية؟

لأن البطاقات الورقية القديمة كانت توضع بها شَرطة فى خانة الديانة، وقبل 1960 كان يكتب كلمة "بهائى" فى خانة الديانة، لكن المشكلة بدأت مع بطاقة الرقم القومى لأن الكمبيوتر كان مسجل به الديانات الثلاث فقط.

وكيف كنتم تديرون مصالحكم خلال فترة 10 سنوات، أى منذ ظهور بطاقة الرقم القومى؟

كان الوضع صعب جداً، فمثلاً أنا كنت أحصل على معاشى "محبة"، كنت أعطى الشيك الخاص بى لصديق لديه بطاقة الرقم القومى ليصرفه، وهذا الصديق كان يعمل بوزارة الشئون الاجتماعية منذ عام 1948، وكان معروفاً بين الجميع بأنه بهائى، ولم تكن هناك أية مشكلة.

هل من الممكن لمسلمة أو مسيحية أن تتزوج من بهائى؟

نظرياً نعم، فالبهائية تسمح بالزواج من جميع الأديان، لأنها دين عالمى، لكننى أستبعد أن يتم مثل هذا الزواج فى مصر حالياً لأنها ستتحول فوراً إلى قضية، وسيتهم البهائى فوراً بالتبشير.

أنت عميد البهائيين فى مصر، وعاصرت عهد الرئيس جمال عبد الناصر، حدثنى عن الفترة التى تم فيها إلغاء المحافل البهائية عام 1960، لماذا اتخذ هذا القرار برأيك؟

"مش قادر أحدد" فنحن مسالمون، وعقيدتنا تمنعنا من العمل بالسياسة، وأتذكر أن احتفالنا بالعيد المئوى لـ"بهاء الله" سنة 1953 فى مصر كان ضخماً، وكتبت بيدى أكثر من 400 دعوة، منها دعوات كانت موجهة لمجلس قيادة الثورة، وحضرت الصحافة المصرية والعالمية لتغطية الاحتفال، وتلقينا التهانى بالعيد من مجلس قيادة الثورة ولجنة إعداد الدستور.

ما هى الأنشطة التى كانت تمارسها المحافل البهائية فى مصر؟

المحافل لمن لا يعرف، هى هيئة اجتماعية ثقافية، يتم انتخابها لرعاية شئون البهائيين، وتقام فيها مراسم الزواج والطلاق واحتفالات الأعياد، وتنظم الاتصال مع الدولة، وكان هناك محفل مركزى مثلاً فى القاهرة والإسكندرية، وكان مسئولاً عن البهائيين فى القطر كله، وهناك أيضاً محافل محلية فى كل أنحاء الجمهورية، والمحافل هى مراكز للاجتماع وليست مكاناً للعبادات، فنحن نجتمع فى المحفل لأداء صلاة العيد، ولكن العبادة فى البيت.

ما وضع البهائية فى العالم؟

البهائية موجودة فى 178 دولة، ومنها إيران والولايات المتحدة وتركيا والهند والصين، والبهائيون موجودون فى أقرب دولة للقطب الجنوبى وأقرب دولة للقطب الشمالى.

كم عدد البهائيين فى مصر؟

كان هناك تعداد للبهائيين حتى عام 1960، وأنا سلمته بنفسى للواء أحمد المصرى، وكان فيه أسماء كل البهائيين، لكن الآن "مقدرش أقولك كام"

هل هو سر؟

لا، لكن مصر فيها 4 آلاف قرية و32 محافظة "مقدرش أعدهم"

يقال إن تعداد البهائيين فى دول العالم ستة ملايين؟

"لا يمكن"، فالبهائيون كان عددهم 14 مليوناً، "وبعدين وأنا معاكى دلوقت البهائيين بيزيدوا، ودى مش مبالغة"، لقد تم رفع التسجيل من البهائية، لأن عدد من يعتنقون البهائية يتكاثرون بدرجة كبيرة" مش قادرين يحصروا عددهم.

هل أبناء البهائيين بالضرورة بهائيون؟

أنا بهائى أباً عن جد، ورغم أننى من مواليد 1926، إلا أننى اعتنقت البهائية عام 1943، لأن البهائية لا تجبر أبناءها على ذلك، ولهم حق الاختيار عندما يصلون سن الـ21، وكثير من أبناء البهائيين يختارون المسيحية أو الإسلام، وتوجد عائلات بهائية كثيرة أولادها مسلمون ويعيشون تحت سقف واحد، فليس من حقى أن أتدخل بين الشخص وبين الله، وإنما يكون تدخلى فقط فى حل المشاكل أو التوجيه، وأنا لدى أقارب وأولاد عم مسلمون "إللى عاوز يعرفنا أهلاً وسهلاً".

هل توجد دول عربية تعترف بالبهائيين وتكتب "بهائى" فى خانة الديانة؟

نعم، البحرين والإمارات وسلطنة عمان، ولا يوجد فى الجزائر والمغرب خانة ديانة أصلاً، ودول كثيرة لا تضع خانة الديانة، ونحن نعيش فى مصر كمصريين أباً عن جد من آلاف السنين، وليس من حق أحد أن يحرمنا من مصريتنا، فنحن مؤمنون صالحون، ولا يوجد فى تاريخ البهائية منذ عام 1864 وحتى يومنا هذا، بهائى واحد حوكم بارتكاب جريمة أخلاقية، ولا يمكن لأحد إجبارى على اعتناق ديانة معينة، لأن الدولة تعترف بثلاثة أديان سماوية فقط.

البهائيين يقولون إنهم يعترفون بالإسلام، وإن البهائية ليست ديانة مستقلة بذاتها؟

"القرآن ماسابش حاجة" وربنا قال "ومنهم من قصصنا عليك ومنهم من لم نقصص عليك"، وأنا أحفظ القرآن والإنجيل والتوراة، "يا بنتى إحنا بنحب الناس كلها ومتسامحون ونقبل الاختلاف"، وكلام سيدنا محمد كلام روحانى مشع، يحرك الوجدان، يجب أن نحب سيدنا محمد حتى نفهم الدين جيداً، الدين ليس الصلاة والصوم والسلام عليكم فقط، الدين ينبغى أن يتغلغل فى الإنسان، واختلاف الأديان وارد، لكن يجب على الإنسان أن ينظر لأخيه الإنسان بعين المحبة.

كيف تقيّم الموقف من قبول البهائيين فى مصر حالياً؟

الرئيس مبارك قال إن جميع المواطنين سواء. ونحن مصريون، وأول شهيد دفع حياته ثمناً للدفاع عن فلسطين كان بهائياً، أول شهيد فى حرب 1948 هو الملازم أحمد تيسير بشير وكان بهائياً، بهائيون كثيرون حاربوا ودافعوا عن أرض مصر "أنا بحب بلدى وأطيع الأوامر والحكومة"

هل تشعر أن هناك تمييزاً من مؤسسات الدولة ضد البهائيين؟

"أبداً، عمرها ما حصلت معايا" أنا كنت معروفاً فى وزارة الشئون الاجتماعية بأننى بهائى، صحيح تم فصل بعض البهائيين من وظائفهم بتهمة التبشير، لكن هذه التهمة لم تكن تقال مباشرة، أى لم يكن الفصل بسبب العقيدة أمراً مطروحاً بشكل مباشر.

يقال إن البهائيين بعد أن حصلوا على "الشَرطة" فى البطاقة، سيطالبون بتدريس البهائية فى المدارس؟

لن نطالب بهذا أبداً، لأن العبادة مكانها البيت، والكبار يعلمون الصغار تعاليم البهائية، كل ما نريده أن نعيش فى سلام ونصرف أمورنا.

يعنى بطاقة الرقم القومى ستنهى جميع مشاكل البهائيين؟

نحن لا نطالب الدولة بالاعتراف بالبهائية، كل ما نطلبه هو حقوقنا كمواطنين مصريين، واستخراج أوراقنا الثبوتية وتفعيل حق المواطنة، وليس من المعقول أن يكون هناك شخص لا يستطيع استخراج شهادة وفاة لوالدته بعد أكثر من ثلاث سنوات من وفاتها لأنه ليس لديه بطاقة رقم قومى.

[MZohairy]

للأسف فكرت أن لسه فيه غيره على ديننا !!!!!!

السيد الفاضل اللى عاوز إجابات منطقيه

سألت نفسك هما مين وعاوزين أيه وبيعملوا كده ليه؟!!!!!

وللأسف أن أول المطالب وضع خانه للدين تحت مسمى بهائي فى البطاقه ثم أعياد رسميه ثم ثم ثم ثم ثم ثم إلخ

وبعدين السوس لما بينخر فى جسد المجتمع اللى مش ناقص حد ينخر فيه هتبقى ايه النتيجه ؟؟؟؟؟؟؟؟؟؟؟؟.

وبكره يطلع عبدة الشيطان تاني فى مصر يطالبوا هما كمان بحرية العقيده ويمارسوا طقوسهم ؟؟؟؟؟؟؟؟؟

(( وزمان كانوا بيقولوا لنا أن الطمطمايه الفاسده بتفسد القفص كله ))

وليه لأ وهيختلفوا ايه عن البهائيين وعن غيرهم واللى يعيش يا ما يشوف .....

المجتمع الواثق من دينه و من عقيدته ميهموش مليون عقيده مجاوره

بدليل وجود مجتمعات اسلاميه في المهجر و بجوارها مئات العقائد و الغير مؤثره فيها اطلاقا

ولا في سوس ولا نخر ولا اي حاجه ابدا

[عاشق الترحال]

السيد الفاضل هضربلك مثال بسيط عالمجتمع اللى واثق من دينه وقيمه وعاداته وتقاليده اللى أنت بتتكلم عليه كان من كام سنه لما واحده تيجي في فيلم مبينه رجلها فوق الركبه بشويه بيستنكر وتقوم الدنيا ومتقعدش , ويوم ورا يوم ومع التطور الطبيعي للحاجه الساقعه بقت اللقطات الشبه جنسيه فى الأفلام داخل كل بيت شئ عادي والكلام القبيح والمبتذل في الأفلام والمسلسلات والمسرحيات شئ طبيعي والطبيعي يكسب وأعتقد أنك بتتفرج عالإعلانات والأفلام وأنا كمان وغيرنا وغيرنا وأعتقد أن عندك أولاد صغيرين أو أخوات أو بنات وأنا وغيرنا وغيرنا برضه عندنا وبيتفرجوا عالكلام ده والصغير بيكبر وينشأ عالقباحه والكلام الفارغ وهما دول أجيال المستقبل وبرضه المجتمع ده لما كان يلاقى ناس بتتخانق مع بعض مبيسبهمش يموتوا بعض ويقول وأنا مالى خليني فى حالى ولما كانت بنت تتعاكس فى الطريق كان ألف مليون راجل يقفوا جنبها ويحموها الوقتى بيتحرشوا بيهم ويغتصبوهم والناس واقفه تتفرج ومحدش يتدخل والكل يقول وأنا مالي !!!!!!!

أيه اللى وصلنا لكده و المجتمع بالصوره دي فيه سوس بينخر في كيانه ولا مفيش ؟.!!!

ومتهيألي مش محتاج مصايب جديده غير اللي غرقانين فيها

ولك أن تقيس على ذلك ما نناقشه .

وشكرا

تم تعديل 8 أغسطس 2009 بواسطة عاشق الترحال

[MZohairy]

كل اللي قولته مضبوط

بس ايه علاقة وجود بعض البهائيين محطوط ديانتهم على بطاقتهم الشخصيه بهذا؟

تقصد في اقامة شعائرهم يعني في مصر بشكل علني؟

و ماذا في هذا ؟ و ما الضرر العائد علينا منه؟

انا عن نفسي لو شفت مليون شخص بيمارسوا مليون شعيره مختلفه ..لن يغير ذلك من قناعاتي اي شيئ

لهم دينهم ولي دين

[tantrum]

هو فعلا يجب أن توضع علامة فى البطاقة تحدد أن الشخص يدين بديانة غريبة..وفى نفس الوقت لا يتم الإعتراف بها من خلال تسميتها

فافض حل هو الشرطة (-)

أما عن تحديد الديانة فى البطاقة فهو أمر ضرورى..بصرف النظر عما يحدث فى أوروبا و الدول المتقدمة.

و بالمناسية هذا لا يسمى تمييز عنصرى.

و أتعجب ممن يقبل التمييز على أساس الجنسية و المحافظة و المهنةو........و......... و لا يقبله على اساس الدين.

[فوس فوس]

المشكلة مش في البهائيين انفسهم..ما طول عمرهم عايشين في نسيج المجتمع المصري بين كل المعتقدات.... والدولة تعترف بهم كمواطنين.المشكلة الرئيسية هي ((أعتراف وأعتماد الدولة للدين البهائي)) وليس البهائين...المشلكة في أعترافهم ((بالفكر)) ذاته..هذه هي اكبر مشكلة.

((مصر)) اللي هي بلدي وبلدك يا سيدي الفاضل.... ستكون طشط استفراغ لكل معتقد يأتينا من الخارج..وسيتم دلقه علينا نحن الشعب المصري.تارة نصحى على الأحتفال ((بالخنزير)) ومرة طقوس ((للبهاء)). ومرة جوامع ومسجد في اتجاه قبره ...إلخ إلخ. المشكلة ليس لها علاقة بالمسلمين والمسيحين واليهود مين زاد ومين نقص.....المشكلة في البلد نفسها ((مصر)).

[الباشمهندس ياسر]

م الاخر

لو انا الريس همنع اى دين ف البلد غير الاديان السماوية الثلاثة

و هعدم اى مسلم يرتد

كل ده عشان انا مسلم ... مش حاجة تانية

افرحوا بقى انى مش الريس

و بالمناسبة

لما تبقى مسائل الاعتقاد من الخيابة و الهيافة .... ياريت نتعلم من حضراتكم ايه هة المسائل المهمة

و ان كانت كل همومكم ف شوية الزراعة و الصناعة و العلم و التعليم ... ف بكل بساطة

اى حد هيمسك البلد و يبقى قلبه عليها ... هيغير الوضع الحالى ف اقل من 10 سنوات باذن الله

مش محتاجة نصاحة اوى يعنى و لا العملية كيميا و لا دياولو

خنقتونى

[جيمي]

م الاخر

لو انا الريس همنع اى دين ف البلد غير الاديان السماوية الثلاثة

و هعدم اى مسلم يرتد

كل ده عشان انا مسلم ... مش حاجة تانية

افرحوا بقى انى مش الريس

و بالمناسبة

لما تبقى مسائل الاعتقاد من الخيابة و الهيافة .... ياريت نتعلم من حضراتكم ايه هة المسائل المهمة

و ان كانت كل همومكم ف شوية الزراعة و الصناعة و العلم و التعليم ... ف بكل بساطة

اى حد هيمسك البلد و يبقى قلبه عليها ... هيغير الوضع الحالى ف اقل من 10 سنوات باذن الله

مش محتاجة نصاحة اوى يعنى و لا العملية كيميا و لا دياولو

خنقتونى

هوه الدستور المصري بيقول ايه فى حكاية الاديان دي؟؟؟؟؟

[ذهبية]

لية بس متعصب ياباشمهندس ياسر مش من المرفوض اننا نكون متعصبين لكم دينكم و ليا دينى اى كان هذا الدين

الدين و العقيدة شىء اساسى لاى انسان مهما كانت ديانتة فلابد ان كل واحد يحترم عقيدة التانى مهما كان اعتقادة طالما لا

يضرنى وهاكررها تانى طالما لا يضرنى ولا يضر اولادى او مجتمعى

من ناحية الاعتراف بالبهائية انا ارفض ان تسجل والافضل وضع علامة الشرطة فى البطاقة احسن لان هذا سوف يفتح ابواب ليس لها اى لزمة

دينك انت حر فية مش لازم تعلن لكل المجتمع انك بتؤمن بية دة شىء بينك و بين ربك شىء لا يهمنى ان اعرفة

و اية اللى هيزيد عليك غير بلبلة بين اولادنا و اسئلة ملهاش لزمة يعنى اية الدين دة و بيعمل اية و الهدف منة

البا ب اللى يجيلك منة الريح سدة و استريح دة راى الشخصى

ذهبية

[الباشمهندس ياسر]

هوه الدستور المصري بيقول ايه فى حكاية الاديان دي؟؟؟؟؟

سؤال واحد يا عم جيمى

هو مين اللى بيعمل الدستور ده؟؟

و مين اللى عمل لنا الدين؟؟

الدستور يا استاذنا نناقش فيه مصالحنا الدنيوية انما الدين فده قصة تانية لا تخضع للاهواء و الامزجة

[الباشمهندس ياسر]

لية بس متعصب ياباشمهندس ياسر مش من المرفوض اننا نكون متعصبين لكم دينكم و ليا دينى اى كان هذا الدين

الدين و العقيدة شىء اساسى لاى انسان مهما كانت ديانتة فلابد ان كل واحد يحترم عقيدة التانى مهما كان اعتقادة طالما لا

يضرنى وهاكررها تانى طالما لا يضرنى ولا يضر اولادى او مجتمعى

ذهبية

مين قال انى متعصب ؟!!!!

انا لطيف جدا مع جيرانى و زملائى من المسيحين و اليهود

حتى مع الناس اللى ديانتها أرضية مثل السيخ و الهندوس و عبدة الفيلة و عبدة الاشجار من زملائى ف العمل

[toota]

افرحوا بقى انى مش الريس

و

خنقتونى