واأسفااااه ( بهائي )في خانة الديانه

[toota]

في بلد صغيرة زي لبنان....وضع المذهب في البطاقة مهم جدا جدا....وبسبب العنصرية دي...حصلت مجازر ايام الحرب الاهلية....المسيحيين بيقتلوا المسلم على الحاجز (الكمين) والمسلمين بيقتلوا المسيحيين على نفس الحاجز من الناحية الاخرى......

بابا كان حيروح فيها بسبب ان اسمه احمد ومسلم سني....الدبح على الهوية ....

ماعلينا...حكاية المذهب دي تفيد فقط في موضوع الزواج لا اكثر ولا اقل....عشان ميحصلش خداع او غش بسبب اختلاف الدين فقط...غير كده بعتبرها عنصرية وكلام فارغ لا فائدة منه الا زيادة النعرات الطائفية في البلد الواحد...ولبنان اكبر مثل ......

[الباشمهندس ياسر]

:blink:

م ن و ر ة ا ل د ن ي ا

[MZohairy]

م الاخر

لو انا الريس همنع اى دين ف البلد غير الاديان السماوية الثلاثة

و هعدم اى مسلم يرتد

اولا يا ياسر البهائيين معتقدون تماما ان دينهم سماوي زي اعتقادك بأن الاسلام سماوي بالضبط

يعني لو بصيت عليها بحياديه حتلاقيها زيك زيهم بالمللي

بل و يؤمنون بما سبقهم من رسل كموسى و عيسى و محمد

و الاحلى كمان انهم مؤمنين بأن محمد خاتم الرسل

بس كلمة خاتم تعني الخاتم اللي بيتلبس يعني زينة الرسل مش آخرهم

أما موضوع حتعدم اللي حيرتد فدي حقولك عليها انك مش حتقدر

لأن ممكن 1000 مسلم يرتدوا من غير اعلان و سيادتك ولا حتدرى باللي حصلهم

ممكن تقول حعدم اللي حيعلن ارتداده فقط

و ساعتها كل اللي حيرتدوا حيرتدوا سوكيتي من غير انت ما تعرف

يعني مغلوب على كل المحاور

التدخل بالقوه في العقائد لا يجدي نفعا يا أخي

ابدا

بل ربما سيسفر عن نتائج عكسيه

تحياتي

[عاشق الترحال]

م الاخر

لو انا الريس همنع اى دين ف البلد غير الاديان السماوية الثلاثة

و هعدم اى مسلم يرتد

كل ده عشان انا مسلم ... مش حاجة تانية

افرحوا بقى انى مش الريس

و بالمناسبة

لما تبقى مسائل الاعتقاد من الخيابة و الهيافة .... ياريت نتعلم من حضراتكم ايه هة المسائل المهمة

و ان كانت كل همومكم ف شوية الزراعة و الصناعة و العلم و التعليم ... ف بكل بساطة

اى حد هيمسك البلد و يبقى قلبه عليها ... هيغير الوضع الحالى ف اقل من 10 سنوات باذن الله

مش محتاجة نصاحة اوى يعنى و لا العملية كيميا و لا دياولو

خنقتونى

أتفق معاك في الكلام يا بشمهندس وشكرا لك على ردك الجميل

وياريت الناس اللى مبتفكرش غير فى الدنيا والعيشه والحياه والمستقبل يفكروا شويه فى الدين اللى هو أساس الحياه

(( وما خلقت الجن والإنس إلا ليعبدون ))

وللعلم أنا لا أنا شيخ ولا أنا العابد الزاهد التقى ولا أزكي نفسي ولكن والله بغير عالدين والبلد دي من كل الكلاب و الذئاب اللي بتهنش في لحمها وللأسف لابسين أثواب الحملان لخداع الناس حتى يتمكنوا عارفين المثل اللي بيقول (( يتمسكن لحد ما يتمكن )) وشويه شويه هتلاقي أنهم عاوزين أماكن فى مجلس الشعب والوزارات وغيرها من مناصب الحكومه الحساسه !!!!

وبكره هنشوف الكلام ده .

والغيره عالدين نابعه من القلب ولازم يبقى ولائك لربك ودينك قبل أي شئ . ومتهيألى حتى لو مش بأيدينا أننا نغير الحكم ده يبقى عالأقل الناس اللى أصدرته يحسوا بإستنكار الشعب ورفض المجتمع للكلام ده علشان منفتحش الباب على مصرعيه لكل من هب ودب للمطالبه بأنه يكون مثل هؤلاء الشرذمة والأيام اللى جايه هتبين لكم معنى كلامي ده كل الفيران اللى نايمه فى جحورها ومستنيه الفرصه دي هتخرج وتبدأ تلوح وتطالب بأنها تنال حقوقها مثل البهائيين واللى يعيش يفكر التاني.

و هنلاقي مصر بلد الأديان السماويه هتبقى بلد الأديان الغير السماويه والأفكار الخبيثه والملوثه وده أحد نتائج العلمانيه اللي دخلت برضه علينا من أوسع الأبواب وبتفرض سيطرتها علينا من خلال شخصيات كبيره لها كلمتها في البلد معتنقين الفكر ده وبيمهدوا الطريق لعلمنة البلد وهتبقي ميغه يا عمده واللي نفسه في حاجه هيعملها والحكومه مش ناويه تحرم الشعب من حاجه.

واللي مش خايف على نفسه الوقتى وبيقول أنا بطل ومحدش يأثر عليا لازم يخاف على ولاده والأجيال اللي جايه اللي كتير منها بالكاد يكون عارف إزاي يتوضأ ويصلى أو يحفظ قرآن أو يعمل أبسط أساسيات دينه .

تم تعديل 9 أغسطس 2009 بواسطة عاشق الترحال

[justtrying]

XXXXXXXXXXXXXXXX

تم تعديل 10 أغسطس 2009 بواسطة Scorpion
مخالفة القاعدة رقم 1 من قواعد المشاركة

[أحمد سيف]

طيب خلينا نتصور الوضع من وجهة نظر الطرف الآخر ... تصوروا بكره أي دولة أوروبية قالت احنا خلاص هنرمي العلمانية وراء ظهورنا وهنبقى دولة مسيحية زي ما مصر دولة أسلامية ... طبعا في المسيحية لا يعترفون أساسا بالإسلام كديانة سماوية ويعتبرونه تحريف للمسيحية ولا يعترفون بالرسول محمد صلي الله عليه وسلم ... يعني بالضبط نظرتهم للإسلام هي نظرتنا للبهائية ... وبالتالي فإن خانة الديانة في الأوراق الرسمية لا يجوز أن يكتب فيها (مسلم) ويجب على المسلم في هذه البلاد أن يختار بين أن يكون يهودي أو مسيحي (الديانتين المعترف بهما) .... يا ترى هيكون رأينا ايه في الموضوع ؟؟؟

يقول الله تعالى في كتابه العزيز : ((ان الذين امنوا والذين هادوا والصابئين والنصارى والمجوس والذين اشركوا ان الله يفصل بينهم يوم القيامة ان الله على كل شيء شهيد)) الحج - 17

يعني هناك اعتراف بوجود ديانات غير سماوية، وسواء اعترفنا بها أم لم نعترف فهي موجودة، ومن الأفضل أن يفصح أصحابها عن دياناتهم الحقيقية حتى لا تحدث مشكلات في المعاملات الشخصية كالزواج.

تم تعديل 9 أغسطس 2009 بواسطة أحمد سيف

[MZohairy]

طيب خلينا نتصور الوضع من وجهة نظر الطرف الآخر ...

صعب قوي على الكثيرين في العالم الاسلامي تطبيق الفكر اللي انت بتقوله ده يا احمد

[doha]

م الاخر

لو انا الريس همنع اى دين ف البلد غير الاديان السماوية الثلاثة

و هعدم اى مسلم يرتد

اولا يا ياسر البهائيين معتقدون تماما ان دينهم سماوي زي اعتقادك بأن الاسلام سماوي بالضبط

يعني لو بصيت عليها بحياديه حتلاقيها زيك زيهم بالمللي

بل و يؤمنون بما سبقهم من رسل كموسى و عيسى و محمد

و الاحلى كمان انهم مؤمنين بأن محمد خاتم الرسل

بس كلمة خاتم تعني الخاتم اللي بيتلبس يعني زينة الرسل مش آخرهم

معليش نقطة نظام ..

مفيش حاجه ياعمو زهيري اسمها معتقدين زيك تماما ان دينهم سماوي لان فرق السما من الارض مابين اني احط في بالي ان ديني سماوي وابحث في ( السماويه دي ) ومابين اني اقول سماوي والسلام ..

دلوقت الاسلام دين سماوي غصب عن الجميع والا فازاي نفسر ان القرآن ( مفيهوش غلطه ) يعني الآلاف على مر العصور بحثوا ونقبوا عن خطأ او تشابه او تكرار مخل فيه ملقيوش .. الكتاب ده مستحيل يكون من عند بشر .. عارفه هيجي واحد يقولي لاه المبشرين بيقولوا فيه آيات فيها كذا وكذا .. ولما تيجي تفند الآيات دي تلاقيها عاديه جدا مفيهاش حاجه ابدا وتلاقي ان الناس دي بتستهبل فعليا .. اي حد منصف عاوز يهتدي للدين الصح يقرأ بس القرآن هيعرف ان هو ده الدين الصح الي نازل من عند اله الكون وان مستحيل الي حاطه يكون آدمي ومستحيل يكون كلام بشر ..

نيجي بقى للبهائيه ..

انا معرفش كتابهم الي بيتبعوه ايه ولكن الي اعرفه هو ادعائهم بانهم مؤمنون بالاسلام والاسلام بيقول ان مفيش نبي بعد الرسول عليه الصلاه والسلام ..

قال الله تعالى:﴿ مَّا كَانَ مُحَمَّدٌ أَبَا أَحَدٍ مِّن رِّجَالِكُمْ وَلَكِنْ رَّسُولَ اللَّهِ وَخَاتَمَ النَّبِيِّينَ وَكَانَ اللَّهُ بِكُلِّ شَيْءٍ عَلِيماً ﴾(الأحزاب:40)

وبالتاكيد تبريرهم الساذج بان كلمه خاتم دي مقصود بيها الخاتم الزينه فده غير مقبول عقلا والا كنا قلنا بان تفسير قوله تعالى ( انما يخشى الله من عباده العلماء ) مقصود بيها ان ربنا جل وعلا بيخشى العلماء .. اي حد فاهم في اللغه يقدر يؤكد لك قطعيا ان المقصود ان العلماء هم من يخشون الله ولو مش فاهم لغويا فهيؤكد لك من السياق والفهم للآيه ان المقصود الصحيح هو نفسه ماقاله عالم اللغه .. نفس الشيء بالنسبة لخاتم النبيين فاي حد ( منصف ) ميقدرش يقول غير انها خاتم يعني خاتمه ونهايه لكل نبي ورسول ..

ولو فرضنا ان في نبي بعد محمد عليه الصلاه والسلام ليه محمد عليه السلام مقالش كده صراحه في الحديث ؟ ليه منزلتش في القرآن آية صريحه زي مانزل قبل كده في الانجيل ((مبشرًا برسول يأتي من بعدي اسمه أحمد)) ليه ربنا سبحانه وتعالى يكتب في الانجيل خلوا بالكم ياجماعه في بعد عيسى نبي جاي ومش بس كده واسمه كذا كمان .. يعني عرف ان في نبي هيرسل وعرف علامه عليه وهي اسمه المشتق من الحمد .. مش بس كده ده كمان نزل نفس الآيه في القرآن ان ياجماعه آمنوا بمحمد لاني سبق وحطيت لكم الدليل على بعثته القريبه في الانجيل الي بين يديكم .. لما هو في نبي بعد محمد عليه السلام ليه منزلتش آيه وبنفس الطريقة تقول ياامه محمد انتبهوا في نبي بعد محمد وهيكون اسمه كذا؟ مفيش ..

ومع ذلك انا مش هجادل في حجيه البهائية كديانه او لاه لان مبدئي من شاء فليؤمن ومن شاء فليكفر وموعدنا عند رب العباد وكل واحد متعلق من عرقوبه زي مابيقولوا يعني مش هيضرني من كفر اذا اهتديت وهم ( بكيفهم ) احرار يؤمنوا ان شاله بسيدي جربو حتى كنبي لهم وخليهم يمشوا وراه في الآخره دي مشكلتهم مش مشكلتي .. لكن الي يهمني هو توجه البعض الي للاسف خايفه تكون بقيت منهم يازهيري من المؤمنين اوي بما يسمى بحوار الاديان واننا لازم نؤمن بالـ" الآخر " ونحترم دينه حتى لو كان الآخر ده ناوي وحالف بتربه ابوه ينسف دينا من على الارض ..

ياعم زهيري في فرق شاسع بين اني احترم رغبه شخص ما في ان يعتنق دين معين من مبدأ الي بيشيل قربه .. وبين اني ادور للشخص ده على مبررات لاعتناقه ده وكاني بقنع نفسي بان الدين ده حاجه كده كماليه الي عاوزها بمبي هو حر والي يختار يلبسها فوشيا فده شيء راجع له .. صدقني لو فضلت على كده ممكن توصل لنقطه تسال نفسك فيها انا ليه مختاره بنفسجي وقت ماعندي البرتقالي اشيك واليق ..

الخلاصه . . البهائيين ميعتبروش مسلمين لانهم يخالفوا الاسلام في احد مبادئه الصريحه وهي ان لانبي بعد محمد عليه الصلاه والسلام وهم قالوا كده بنفسهم لما طالبوا باعياد خاصه بيهم اذا حتى اعيادنا كمسلمين مش عيد لهم والله اعلم لهم افتكاسات ايه تانيه من ناحية الصلاه والصوم وكل مايمت للعباده عندنا ... اذا هم وباعترافهم مش مسلمين وبعقيدتنا وكمال اسلامنا فهم مش على دين سماوي لان الاديان السماويه ثلاثه بنستقي منها كمسلمين تعاليمها من كتابنا وهو القرآن مش من اي كتاب تاني حتى لو كان الانجيل او التوراه لان تمام اسلامنا بيحتم علينا ناخذ تعاليم الاديان السماويه الثلاثه من آخر كتاب فيهم وهو القرآن .

واجبنا ايه تجاه الفئة دي ؟

اولا : مش هنؤذيهم لان من تمام تعاليم دينا اننا مش بنغصبه على حد ولا بنفرضه واننا نعامل الناس بالحسنى واللين مالم يعاملونا بغير ذلك ..

ثانيا :منقراش في معتقداتهم ولا نتبحر في دراسه " دينهم " مهما اثيرت حوله من ضجه لان هو ده الهدف الاساسي من الزوبعه الاعلاميه المصاحبه لموضوع خانة الديانه .. دعايه مجانيه لدين مؤلف ومنسوب لله تعالى والمفروض ان عندنا من المشاكل والاهتمامات العقليه ماهو اكبر بكتير من البحث في ديانات الغير حتى لو كان الغرض هو هدايتهم .. الحكايه دي لها ناس متخصصه ياريت نسيب لهم المهمه دي ونتفرغ احنا لحاجات اهم خاصه وان مش كلنا مؤهلين اننا نسمع ( الراي والراي الآخر ) بدون مايؤثر ده على رأينا وقناعتنا الشخصيه ..

ثالثا : منقعدش كل شويه نعيد ونزيد في الكلام عن البهائية عشان منديش للناس دي اكبر من حجمها وبكده نبقى بنخدمهم في النقطه ( ثانيا ) وهي الدعايه المجانيه الي بيحصلوا عليها والي قد تدفع بالبعض للتنقيب عنهم وعن معتقداتهم ولو من باب الفضول ..

[elfakhrany]

من وجهة نظرى إن فعلا علامة (--) هى أحسن حل للموضوع ده .

[MZohairy]

خليني اوضح بس نقطه مهمه

زي ما اخونا احمد سيف قال

خلينا نشوف الطرف الاخر بيفكر ازاي عشان نفهم الموضوع صح

لما بقول ان البهائيين مقتنعين ان دينهم دين سماوي ...فهذا لا يعني انني معتقد بهذا

و انما هذه قناعتهم

هم يعتقدون ان دينهم سماوي

انا مالي انا بقى؟؟؟

ولا انتي عايزاهم ميعتقدوش بكده غصب عنهم؟؟

هم مش مسلمين

واللي يقول عنهم انهم من المسلمين يبقى غلطان

هم بهائيين و بيعترفوا بالثلاثة اديان السماويه السابقه لدينهم السماوي الرابع

انا بس حبيت اوضح انهم بالنسبالنا كمسلمين زي المسلمين بالنسبه للمسيحيين و زي المسيحيين بالنسبه لليهود

يارب اكون قدرت اوضح كلامي

اشكرك

[doha]

خليني اوضح بس نقطه مهمه

زي ما اخونا احمد سيف قال

خلينا نشوف الطرف الاخر بيفكر ازاي عشان نفهم الموضوع صح

لما بقول ان البهائيين مقتنعين ان دينهم دين سماوي ...فهذا لا يعني انني معتقد بهذا

و انما هذه قناعتهم

هم يعتقدون ان دينهم سماوي

انا مالي انا بقى؟؟؟

ولا انتي عايزاهم ميعتقدوش بكده غصب عنهم؟؟

هم مش مسلمين

واللي يقول عنهم انهم من المسلمين يبقى غلطان

هم بهائيين و بيعترفوا بالثلاثة اديان السماويه السابقه لدينهم السماوي الرابع

انا بس حبيت اوضح انهم بالنسبالنا كمسلمين زي المسلمين بالنسبه للمسيحيين و زي المسيحيين بالنسبه لليهود

يارب اكون قدرت اوضح كلامي

اشكرك

والله عارفه وفاهمه قصدك كويس وانه بحسن نيه وعشان كده ارجوا انك تقرأ ردي تاني وتفهمه برضه كويس

معليش نقطة نظام ..

مفيش حاجه ياعمو زهيري اسمها معتقدين زيك تماما ان دينهم سماوي لان فرق السما من الارض مابين اني احط في بالي ان ديني سماوي وابحث في ( السماويه دي ) ومابين اني اقول سماوي والسلام ..

دلوقت الاسلام دين سماوي غصب عن الجميع والا فازاي نفسر ان القرآن ( مفيهوش غلطه ) يعني الآلاف على مر العصور بحثوا ونقبوا عن خطأ او تشابه او تكرار مخل فيه ملقيوش .. الكتاب ده مستحيل يكون من عند بشر .. عارفه هيجي واحد يقولي لاه المبشرين بيقولوا فيه آيات فيها كذا وكذا .. ولما تيجي تفند الآيات دي تلاقيها عاديه جدا مفيهاش حاجه ابدا وتلاقي ان الناس دي بتستهبل فعليا .. اي حد منصف عاوز يهتدي للدين الصح يقرأ بس القرآن هيعرف ان هو ده الدين الصح الي نازل من عند اله الكون وان مستحيل الي حاطه يكون آدمي ومستحيل يكون كلام بشر ..

نيجي بقى للبهائيه ..

انا معرفش كتابهم الي بيتبعوه ايه ولكن الي اعرفه هو ادعائهم بانهم مؤمنون بالاسلام والاسلام بيقول ان مفيش نبي بعد الرسول عليه الصلاه والسلام ..

قال الله تعالى:﴿ مَّا كَانَ مُحَمَّدٌ أَبَا أَحَدٍ مِّن رِّجَالِكُمْ وَلَكِنْ رَّسُولَ اللَّهِ وَخَاتَمَ النَّبِيِّينَ وَكَانَ اللَّهُ بِكُلِّ شَيْءٍ عَلِيماً ﴾(الأحزاب:40)

وبالتاكيد تبريرهم الساذج بان كلمه خاتم دي مقصود بيها الخاتم الزينه فده غير مقبول عقلا والا كنا قلنا بان تفسير قوله تعالى ( انما يخشى الله من عباده العلماء ) مقصود بيها ان ربنا جل وعلا بيخشى العلماء .. اي حد فاهم في اللغه يقدر يؤكد لك قطعيا ان المقصود ان العلماء هم من يخشون الله ولو مش فاهم لغويا فهيؤكد لك من السياق والفهم للآيه ان المقصود الصحيح هو نفسه ماقاله عالم اللغه .. نفس الشيء بالنسبة لخاتم النبيين فاي حد ( منصف ) ميقدرش يقول غير انها خاتم يعني خاتمه ونهايه لكل نبي ورسول ..

ولو فرضنا ان في نبي بعد محمد عليه الصلاه والسلام ليه محمد عليه السلام مقالش كده صراحه في الحديث ؟ ليه منزلتش في القرآن آية صريحه زي مانزل قبل كده في الانجيل ((مبشرًا برسول يأتي من بعدي اسمه أحمد)) ليه ربنا سبحانه وتعالى يكتب في الانجيل خلوا بالكم ياجماعه في بعد عيسى نبي جاي ومش بس كده واسمه كذا كمان .. يعني عرف ان في نبي هيرسل وعرف علامه عليه وهي اسمه المشتق من الحمد .. مش بس كده ده كمان نزل نفس الآيه في القرآن ان ياجماعه آمنوا بمحمد لاني سبق وحطيت لكم الدليل على بعثته القريبه في الانجيل الي بين يديكم .. لما هو في نبي بعد محمد عليه السلام ليه منزلتش آيه وبنفس الطريقة تقول ياامه محمد انتبهوا في نبي بعد محمد وهيكون اسمه كذا؟ مفيش ..

ومع ذلك انا مش هجادل في حجيه البهائية كديانه او لاه لان مبدئي من شاء فليؤمن ومن شاء فليكفر وموعدنا عند رب العباد وكل واحد متعلق من عرقوبه زي مابيقولوا يعني مش هيضرني من كفر اذا اهتديت وهم ( بكيفهم ) احرار يؤمنوا ان شاله بسيدي جربو حتى كنبي لهم وخليهم يمشوا وراه في الآخره دي مشكلتهم مش مشكلتي .. لكن الي يهمني هو توجه البعض الي للاسف خايفه تكون بقيت منهم يازهيري من المؤمنين اوي بما يسمى بحوار الاديان واننا لازم نؤمن بالـ" الآخر " ونحترم دينه حتى لو كان الآخر ده ناوي وحالف بتربه ابوه ينسف دينا من على الارض ..

ياعم زهيري في فرق شاسع بين اني احترم رغبه شخص ما في ان يعتنق دين معين من مبدأ الي بيشيل قربه .. وبين اني ادور للشخص ده على مبررات لاعتناقه ده وكاني بقنع نفسي بان الدين ده حاجه كده كماليه الي عاوزها بمبي هو حر والي يختار يلبسها فوشيا فده شيء راجع له .. صدقني لو فضلت على كده ممكن توصل لنقطه تسال نفسك فيها انا ليه مختاره بنفسجي وقت ماعندي البرتقالي اشيك واليق ..

الخلاصه . . البهائيين ميعتبروش مسلمين لانهم يخالفوا الاسلام في احد مبادئه الصريحه وهي ان لانبي بعد محمد عليه الصلاه والسلام وهم قالوا كده بنفسهم لما طالبوا باعياد خاصه بيهم اذا حتى اعيادنا كمسلمين مش عيد لهم والله اعلم لهم افتكاسات ايه تانيه من ناحية الصلاه والصوم وكل مايمت للعباده عندنا ... اذا هم وباعترافهم مش مسلمين وبعقيدتنا وكمال اسلامنا فهم مش على دين سماوي لان الاديان السماويه ثلاثه بنستقي منها كمسلمين تعاليمها من كتابنا وهو القرآن مش من اي كتاب تاني حتى لو كان الانجيل او التوراه لان تمام اسلامنا بيحتم علينا ناخذ تعاليم الاديان السماويه الثلاثه من آخر كتاب فيهم وهو القرآن .

واجبنا ايه تجاه الفئة دي ؟

اولا : مش هنؤذيهم لان من تمام تعاليم دينا اننا مش بنغصبه على حد ولا بنفرضه واننا نعامل الناس بالحسنى واللين مالم يعاملونا بغير ذلك ..

ثانيا :منقراش في معتقداتهم ولا نتبحر في دراسه " دينهم " مهما اثيرت حوله من ضجه لان هو ده الهدف الاساسي من الزوبعه الاعلاميه المصاحبه لموضوع خانة الديانه .. دعايه مجانيه لدين مؤلف ومنسوب لله تعالى والمفروض ان عندنا من المشاكل والاهتمامات العقليه ماهو اكبر بكتير من البحث في ديانات الغير حتى لو كان الغرض هو هدايتهم .. الحكايه دي لها ناس متخصصه ياريت نسيب لهم المهمه دي ونتفرغ احنا لحاجات اهم خاصه وان مش كلنا مؤهلين اننا نسمع ( الراي والراي الآخر ) بدون مايؤثر ده على رأينا وقناعتنا الشخصيه ..

ثالثا : منقعدش كل شويه نعيد ونزيد في الكلام عن البهائية عشان منديش للناس دي اكبر من حجمها وبكده نبقى بنخدمهم في النقطه ( ثانيا ) وهي الدعايه المجانيه الي بيحصلوا عليها والي قد تدفع بالبعض للتنقيب عنهم وعن معتقداتهم ولو من باب الفضول ..

[justtrying]

يا جدعان انتو مديين الموضوع اكبر من حجمه بكتير قوي .. دول اصلا كلهم على بعض ميعدوش 5 تلاف شخص من وسط 70 مليون .. يعني ولا حاجه اصلا

XXXXXXXXXXXXXXXXXX

ارجو الموضوع ميخدشي اكتر من حقه ..

تم تعديل 10 أغسطس 2009 بواسطة Scorpion
مخالفة القاعدة رقم 1 من قواعد المشاركة

[MZohairy]

يا جدعان انتو مديين الموضوع اكبر من حجمه بكتير قوي .. دول اصلا كلهم على بعض ميعدوش 5 تلاف شخص من وسط 70 مليون .. يعني ولا حاجه اصلا

XXXXXXXXXXXXXXX

ارجو الموضوع ميخدشي اكتر من حقه ..

عموما لا احد يملك حقيقة العدد في مصر حتى لعدد المسلمين و المسيحيين بسبب عدم وجود احصاء رسمي علمي سليم و موثوق فيه

لكننا لن نختلف في انهم الاف و ليسوا مئات الالاف في مصر

بينما عددهم في العالم يقارب العشرة ملايين تقريبا

و اختلف معك في انهم يجب ان يكونوا كلهم XXXXXXXXX

اعتناق العقائد المختلفه لا تؤدي بالضروره بالانسان الى ان يكون متردي الخلق و الطباع

يعني اكيد فيهم الجيد و السيئ زيهم زي اي طائفه في الدنيا

شكرا

تم تعديل 10 أغسطس 2009 بواسطة Scorpion
حذف أصل الأقتباس

[عاشق الترحال]

يا ساده أنا لا أقول أني أعترض على أنهم يعبدوا غير الله فأنا في هذه النقطه أقول (( لكم دينكم ولي دين )).

ولكن لا تفرضهم علي داخل المجتمع ويصبحون فئه معترف بها وتروج لأفكارها من خلال ما سيكفله الدستور جراء إعترافه بهم من محافل ومعابد ودور عباده لإقامة طقوسهم المبتدعه والتي سيحاول أصحابها نشرها وترويجها داخل المجتمع بشتى الأساليب وأقذر الطرق .

ولنفكر قليلا بالعقل في التسعينيات عندما قبض على عبدة الشيطان هل المقبوض عليهم كانوا من كوكب آخر أم من مجتمعنا المصري وإستطاع بعض الملاعين التغرير بهم نتيجه لغياب الوعي الديني ورقابة الأسره وغيره من الأسباب ولنتفق أن الشيطان هو الشيطان في جميع الأديان السماويه وهؤلاء الشباب عبدة الشيطان منهم المسلم والمسيحي فمن ذا عقل يعبد شيطان ماهو إلا عدو مبين .

بسم الله الرحمن الرحيم (( أفتتخذونه وذريته أولياء من دوني وهم لكم عدو بئس للظالمين بدلا ))

المقصود من كلامي أننا بإعترافنا بدين البهائيه أكسبناها شرعيه ليست من حقها وجراء ذلك فتحنا أولا الباب لآخرين وآخرين ممن على شاكلتهم أن يطلبوا المعامله بالمثل والإعتراف بدينهم وسنسمع كل يوم بدين جديد وبفكر جديد وكل يوم سينال من فرد من أفراد المجتمع لنستيقظ في أحد الأيام فنجد أشياء ما كانت إلا لتأباها الفطره وبكره الدين الجديد نلاقيه بيبيح الخمر والزنا واللواط والميسر والقمار وغيره وغيره ماهو دين على كيف كيفك اللى أنت عاوزه بقى وحفلات جنس جماعي و ميغه و على عينك يا تاجر .

والدين الجديد بيبيح الكلام ده ومن حقى أمارس طقوسي الدينيه !!!!!!!!! ولا أيه ومحدش يقدر يمنعني ولا يحاسبني أنا ديني بيقولى كده عاوزني أكفر وأخرج من ديني ولا أيه ؟؟؟؟؟!!!!!!!!!!

الموضوع فعلا كبير ولازم ياخد أكتر من كده ويعامل بكل حزم وصرامه وأستغرب من أعضاء مجلس الشعب انهم ساكتين عالكلام ده وهتقولولى لا تعقيب على أحكام القضاء هقولكم من الذي سن أحكام القضاء مش السلطه التشريعيه (( مجلس الشعب )) ولا أنا غلطان ؟

اللهم إني أبرأ إليك مما يحدث و حسبنا الله ونعم الوكيل

[الباشمهندس ياسر]

حاج زهيرى ... نهارك زى الفل

مفيش حاجة اسمها حرية اعتقاد تتبع انبثاقات الذهن البشرى .... و الا .. من غير أيمان ...

هتلاقى الناس بقت على ملل اتكسف انى اتكلم عنها على صفحات المنتدى

ولاية الامر ... ليها دور خطير جدا ف حياة الامة

الموضوع مش لقمة و حنفية مايه و شوية مدارس و كام قناة على ماتش كورة نلهى بيهم الناس

دعواتك يا عمنا

طيب خلينا نتصور الوضع من وجهة نظر الطرف الآخر ... تصوروا بكره أي دولة أوروبية قالت احنا خلاص هنرمي العلمانية وراء ظهورنا وهنبقى دولة مسيحية زي ما مصر دولة أسلامية ... طبعا في المسيحية لا يعترفون أساسا بالإسلام كديانة سماوية ويعتبرونه تحريف للمسيحية ولا يعترفون بالرسول محمد صلي الله عليه وسلم ... يعني بالضبط نظرتهم للإسلام هي نظرتنا للبهائية ... وبالتالي فإن خانة الديانة في الأوراق الرسمية لا يجوز أن يكتب فيها (مسلم) ويجب على المسلم في هذه البلاد أن يختار بين أن يكون يهودي أو مسيحي (الديانتين المعترف بهما) .... يا ترى هيكون رأينا ايه في الموضوع ؟؟؟

يقول الله تعالى في كتابه العزيز : ((ان الذين امنوا والذين هادوا والصابئين والنصارى والمجوس والذين اشركوا ان الله يفصل بينهم يوم القيامة ان الله على كل شيء شهيد)) الحج - 17

يعني هناك اعتراف بوجود ديانات غير سماوية، وسواء اعترفنا بها أم لم نعترف فهي موجودة، ومن الأفضل أن يفصح أصحابها عن دياناتهم الحقيقية حتى لا تحدث مشكلات في المعاملات الشخصية كالزواج.

طب و نتصور ليه يا هندسة

اسبانيا عملت كده فعلا ف المسلمين بعد سقوط الاندلس... و عموما

المووع بسيط جدا

المسلم اللى عايز يفضل هناك و يغير دينه ... مع الف سلامة

المسلم اللى عايز يرجع ارض السلم ... اهلا و سهلا

و نفس الشىء هعمله لو انا الريس برده.... مفيش دين ف الدولة غير الاديان الثلاثة

و نشوفك ع خير يا هندسة

[عاشق الترحال]

الباشمهندس ياسر إمتى هترشح نفسك للرئاسه ؟؟؟؟

أنا بعد عمر طويل لبابا حسني وأبيه جمال أقدر أنتخبك وده وعد مني ياهندسه

وإبسط يا عم هتبقى الريس ياسر حرب

تم تعديل 9 أغسطس 2009 بواسطة عاشق الترحال

[سهل جدا]

((مصر)) اللي هي بلدي وبلدك يا سيدي الفاضل.... ستكون طشط استفراغ لكل معتقد يأتينا من الخارج..وسيتم دلقه علينا نحن الشعب المصري.تارة نصحى على الأحتفال ((بالخنزير)) ومرة طقوس ((للبهاء)). ومرة جوامع ومسجد في اتجاه قبره ...إلخ إلخ. المشكلة ليس لها علاقة بالمسلمين والمسيحين واليهود مين زاد ومين نقص.....المشكلة في البلد نفسها ((مصر)).

عجبني أوي التشبيه بتاع الطشت ده

تشبيه بليغ ... حيث حذف المشبه به وأتى بصفة من لوازمه وهي الدلقان .. mfb:

على فكرة أنا متفق معك يا أستاذ فوس فوس.. وهذا ما ذكرته في تعليقي السابق..

إن مصر لو اعترفت بالبهائية هاتبقى ميغة لكلّ من هبّ ودبّ... وهاتلاقي كل طائفة بتطالب بحقوق لها ومعابد و....

 

م الاخر

لو انا الريس همنع اى دين ف البلد غير الاديان السماوية الثلاثة

و هعدم اى مسلم يرتد

ونعم الريّس

أهو ده الإرهاب ولّا بلاش....

على فكرة صفة الإرهابي صفة ليست مذمومة على طول الخطّ كما يظن البعض

يعني ربنا قال في القرآن الكريم: {..... تُرْهِبُونَ بِهِ عَدُوَّ اللَّهِ}

يعني احنا مطالبون نكون إرهابيين.. ولكن ليس لكل البشر

لأعداء الله فقط ..

نسخة مع التحيّة لكل إخواننا الإرهابية

[سهل جدا]

أما موضوع حتعدم اللي حيرتد فدي حقولك عليها انك مش حتقدر mfb:

لأن ممكن 1000 مسلم يرتدوا من غير اعلان و سيادتك ولا حتدرى باللي حصلهم

ممكن تقول حعدم اللي حيعلن ارتداده فقط

و ساعتها كل اللي حيرتدوا حيرتدوا سوكيتي من غير انت ما تعرف

يعني مغلوب على كل المحاور

التدخل بالقوه في العقائد لا يجدي نفعا يا أخي

ابدا

بل ربما سيسفر عن نتائج عكسيه

تحياتي

ازاي بس يا أستاذ زوهيري..

ما هو الهدف من إقامة الحدود ردع الآخرين ..

يعني لما يطبّق حدّ الردّة على من يعلن ارتداده.. ده هايكون رادع لكل من تسوّل له نفسه إنه يرتدّ

لأن الردة ضررها عام وليس خاص

, ولو المرتدّ ارتدّ في السرّ, فما فيش مشكلة على المجتمع

هايكون زيه زيّ المنافقين.. الذين يظهرون الإيمان ويبطنون الكفر

طيب خلينا نتصور الوضع من وجهة نظر الطرف الآخر ...

صعب قوي على الكثيرين في العالم الاسلامي تطبيق الفكر اللي انت بتقوله ده يا احمد

ليسوا سواء..

الله مولانا ولا مولى لهم

[زعلان]

بالعكس ده خطوة ايجابية بتحافظ على السلام و الامان في المجتمع للكل مش للبهائيين فقط

المفروض اي حد يكتب في بطاقته الديانة/المعتقد الي على كيفه

سواء مسلم مسيحي يهودي او اي من المعتقدات الاخرى ملحد بهائي هندوسي مجوسي بوذي ايا كان

وده حيحفظ المجتمع من مشاكل كثيرة

[مغتربة]

حقيقى استاذ عاشق الترحال

لا اعلم ما هو الذى يدعو للاسف فى الموضوع

دولتنا السعيده ما زالت مصره على ذكر خانه الديانه فى البطاقه الشخصيه

كل الامور فى حياتنا لا تسير بدون البطاقه الشخصيه

و بالتالى يريد هؤلاء الناس امتلاك بطاقه شخصيه لهم مثل سائر المواطنين

هم ليسوا بمسلمين و لا مسيحيين و لا يهود

و لكن وجب ان يكتب الديانه فى البطاقه

من هنا المشكله

فما هو الحل من وجهه نظرك

ان يكتب لهم انهم مسلمين و هم ليسوا بمسلمين و لا يريدوا ان يكونوا مسلمين

و بالتالى يحسبوا على المسلمين و هم ليسوا كذلك

مما يؤدى له ذلك من تسهيل لاعمال نصب و تضييع لحقوق وواجبات

او وضع خانه لا تعنى اكثر من انهم ليسوا من اتباع احد الديانات الثلاث المعترف بها من الدوله

و ايهم افضل ان تعرف ان الذى امامك يخالفك العقيده و بالتالى تنتظم تعاملاتك معه على هذا الاساس

ام يكتب فقط فى الاوراق ما يخالف ما يعتقده فتختلط

المعاملات و ينتج عن ذلك من الكوارث ما لا يخفى على احد

المساله تنظيميه و تصب فى مصلحه الجميع