هواية تربية القطط....

[toota]

بس مقلتش...كانت بتاكل الفار ولا بس بتستعرض؟؟؟

بعد ما كانت بتخلص الفقرة الاستعراضية بتاعتها كانت بتاخده وتجري بيه في مكان بعيد

كانت حريصة اوي ان محدش يشوفها

معرفش بئه كانت بتعمل فيه ايه بعد كده (أكتر من اللي كانت بتعمله) :)

عموماً دي قطة انت امي بتحبها جداً لانها بتاكل الفيران

لكن قطتي أنا كانت حاجة تانية خالص متربية ع العز كل يوم لحمة وملهاش في شغل الاجرام ده

كانت ملونة بألوان كتير قوي وخصوصاً في راسها كانت عبارة عن مكس من الأسود والابيض والرمادي والاحمر وعينيها خضرة

دي من أي فصيلة بالتقريب كده ؟؟

الله يرحمها

تبقى مكانتش بتاكله...حركات قطط بقى وكدة... :)

القطة المتعددة الالوان وبتخلط كل الالوان بيسموها تورتي...بتجمع مابين الاورنج والاسود والرمادي والابيض ..خليط.....وطالما عينيها خضرا...ممكن تبقى رومي ولو شعرها قصير تبقى بلدي...

ودي صورة م النوع البيرشن الاصلي الي عينيه مش خضرا....اول قطة من الشمال تحت

تم تعديل 9 أغسطس 2009 بواسطة toota

[toota]

مدام توتا

أنا قرأت الموضوع أكثر من مرتين ثلاثة وكل مرة أقول أدخل واشارك وارجع في كلامي واقول بلاش اصل حد يزعل مني خصوصا اني شايف الموضوع كله دلع ومدح في القطط اللي أنا بكرهم جدا جدا .. معليشي يعني إسمحيلي بعد إذنك يعني ..

كانت علاقتي بالنسبة للقطط طبيعية جداً لا بحبهم ولا بكرهم زيهم زي أي حيوان أليف عايش وسط البشر .. طالما عمره ما آذاني يبئا اكرهه ليه .. وطالما عمره ما وقف جنبي (عمل معروف معايا يعني) يبئا مش مفروض علي إني أحبه وصاحبه وكده يعني ..

المهم .. لحد اللي حصل معايا موقفين عقدوني في القطط وسنين القطط .. موقف منهم وانا في مصر وفي بيت العيلة كنت في منتصف العمر يعني حدود ال 15 او 16 سنة في بداية المراهقة كنت طالع على السلم في آمان الله وكانت الساعة واحده بعد منتصف الليل وطبعا راجع متأخر والبيت كله نايم وانا طالع على السلم ومش عايز حد يصحى وتبئا فضيحه وفجأة وأنا في إحدى لفات السلم من دور ل دور إذا بي أجد قطة نايمه وحوليها اولادها أنا لسه ما شوفتهاش ولا عملتلها اي حاجه إلا وهي تقوم نطه حتى نطة وعامله بخة زي بخة الثعبان .. أنا قومت مسرخ وياها وطبعا البيت كله صحى وحصل اللي حصل .. ده أول موقف ..

ثاني موقف .. أول ما سافرت وجيت عالكويت .. كانت الدنيا ملطشة معايا ومفيش شغل لمدة حوالي اربع او خمس شهور .. ومن هنا ل هنا وبحث وتعب على شغل لدرجة إن أعصابي كانت بدأت تفلت مني ومش طايق اي حد قدامي وكنت خلاص ناوي ارجع تاني على مصر احسن .. المهم في الفترة دي لاحظت إن فيه قطه سودا .. وانا اساسا بكره القطط السودا .. برغم ان القطط قليله هنا في الكويت إلا إني كل ما اجي اخرج من باب الشقة الاقيها نايمة وفارشة جسمها كله على عتبه الباب اقولها هش طيب بس ولا هي هنا لحد ما اجيب ايد المآشة (المكنسة يعني) وازقها علشان اعرف اخرج وتفضل واقفالي وتبص لي قعدت فترة ما اعطيش اهتمام وكانت نفس الطريقة وانا راجع على الشقة الاقيها متربصالي لدرجة إن وصل بيني وبينها حوار وبئيت اقعد اكلمها واطلع غضبي عليها وفي يوم كنت خلاص على آخري وجاي تعبان من اللف والتدوير على وظيفة وفي عز الحر وبدون سيارة لدرجة إني كنت بحس اني اخدت ضربة شمس وراجع مخنوق ولقيت دي قدامي .. طلعت بئا كل الكبت اللي فيا فيها وقومت شايطها برجلي في بطنها حتة شولت بس جاي تمام خلت القطة اترمت على مسافة حوالي خمسة متر .. إني أسكت لأ .. رحت وراها ولقيتها واقفة برضه ولا كإن فيه حاجه حصلت والشر في عينيها وروحتلها وانا بكلمها وازعق وكإن خناقة بنا وقومت شايطها تاني برجلي شوطه خلتها اترمت من شباك الدور الثالث .. ومن ساعتها ما شفتهاش .. ومن بعدها باسبوع واحد او عشر ايام بالكثير .. ربنا أكرمني بشغل ما كنتش احلم بنصف راتبه وشغل سهل وبسيط ..

بصراحة بكرههم جدا ...

إوعى يكون حد زعل مني ولا حاجة ..

انا مني وعليا مزعلش لاني بشوف من الامور دي كتير كل يوم....بقت امور عادية .....زي افلام الرعب كدة...

.عموما لو فاكر الحديث الي بسببه ست عتقت من النار بسبب انها شربت قطة ....شوية رحمة متضرش..او يمكن مثلا حسب مافهمت تكون فاكر ان ربنا رزقك بسبب الي عملته مع القطة..... :)

الله اعلم....دي ثقافات وكل واحد ادرى بظروفه...نورت الموضوع...

[doha]

مدام توتا

أنا قرأت الموضوع أكثر من مرتين ثلاثة وكل مرة أقول أدخل واشارك وارجع في كلامي واقول بلاش اصل حد يزعل مني خصوصا اني شايف الموضوع كله دلع ومدح في القطط اللي أنا بكرهم جدا جدا .. معليشي يعني إسمحيلي بعد إذنك يعني ..

كانت علاقتي بالنسبة للقطط طبيعية جداً لا بحبهم ولا بكرهم زيهم زي أي حيوان أليف عايش وسط البشر .. طالما عمره ما آذاني يبئا اكرهه ليه .. وطالما عمره ما وقف جنبي (عمل معروف معايا يعني) يبئا مش مفروض علي إني أحبه وصاحبه وكده يعني ..

المهم .. لحد اللي حصل معايا موقفين عقدوني في القطط وسنين القطط .. موقف منهم وانا في مصر وفي بيت العيلة كنت في منتصف العمر يعني حدود ال 15 او 16 سنة في بداية المراهقة كنت طالع على السلم في آمان الله وكانت الساعة واحده بعد منتصف الليل وطبعا راجع متأخر والبيت كله نايم وانا طالع على السلم ومش عايز حد يصحى وتبئا فضيحه وفجأة وأنا في إحدى لفات السلم من دور ل دور إذا بي أجد قطة نايمه وحوليها اولادها أنا لسه ما شوفتهاش ولا عملتلها اي حاجه إلا وهي تقوم نطه حتى نطة وعامله بخة زي بخة الثعبان .. أنا قومت مسرخ وياها وطبعا البيت كله صحى وحصل اللي حصل .. ده أول موقف ..

ثاني موقف .. أول ما سافرت وجيت عالكويت .. كانت الدنيا ملطشة معايا ومفيش شغل لمدة حوالي اربع او خمس شهور .. ومن هنا ل هنا وبحث وتعب على شغل لدرجة إن أعصابي كانت بدأت تفلت مني ومش طايق اي حد قدامي وكنت خلاص ناوي ارجع تاني على مصر احسن .. المهم في الفترة دي لاحظت إن فيه قطه سودا .. وانا اساسا بكره القطط السودا .. برغم ان القطط قليله هنا في الكويت إلا إني كل ما اجي اخرج من باب الشقة الاقيها نايمة وفارشة جسمها كله على عتبه الباب اقولها هش طيب بس ولا هي هنا لحد ما اجيب ايد المآشة (المكنسة يعني) وازقها علشان اعرف اخرج وتفضل واقفالي وتبص لي قعدت فترة ما اعطيش اهتمام وكانت نفس الطريقة وانا راجع على الشقة الاقيها متربصالي لدرجة إن وصل بيني وبينها حوار وبئيت اقعد اكلمها واطلع غضبي عليها وفي يوم كنت خلاص على آخري وجاي تعبان من اللف والتدوير على وظيفة وفي عز الحر وبدون سيارة لدرجة إني كنت بحس اني اخدت ضربة شمس وراجع مخنوق ولقيت دي قدامي .. طلعت بئا كل الكبت اللي فيا فيها وقومت شايطها برجلي في بطنها حتة شولت بس جاي تمام خلت القطة اترمت على مسافة حوالي خمسة متر .. إني أسكت لأ .. رحت وراها ولقيتها واقفة برضه ولا كإن فيه حاجه حصلت والشر في عينيها وروحتلها وانا بكلمها وازعق وكإن خناقة بنا وقومت شايطها تاني برجلي شوطه خلتها اترمت من شباك الدور الثالث .. ومن ساعتها ما شفتهاش .. ومن بعدها باسبوع واحد او عشر ايام بالكثير .. ربنا أكرمني بشغل ما كنتش احلم بنصف راتبه وشغل سهل وبسيط ..

بصراحة بكرههم جدا ...

إوعى يكون حد زعل مني ولا حاجة ..

فكرتني بنفسي من عشره اتناشر سنة كده وكنت لسه متجوزتش وعايشه مع اهلي وجيت هنا السعوديه .. اكتشفت ان في قطه والده في البلكونه .. القطه سبحان الله كانت كانها شيرازي يعني شعرها طويل وذيلها كثيف لكن كانت شرسه الى اقصى درجه بل متوحشه وياويله ياسواد ليله الي يقرب منها .. خلاص مرت ايام والقطه نقلت عيالها من البلكونه على حسب طبيعه القطط الي لازم تنقل عيالها كذا مرة لغايه مايكبروا ويعتمدوا على نفسهم ..

صادف في الفترة دي ان ربنا رزقني بشغل وكل يوم الصبح السائق بتاع الشغل يمر علي في موعد محدد عشان يوصلني مع زميلاتي ...

بكون لابسه ومنتظره السائق اول مايجي يرن لي الانتر كم انزل على طول .. وسبحان الله .. يوميا افتح باب الشقة الاقي المحروسه منتظراني على السلم وعماله ( تبخ ) على آخرها .. كنت بخاف منها موت .. فظيعه .. اسد مش قطه .. طيب اعمل ايه عشان انزل ؟ كنت لازم حتما ولا بد اني اجهز لها من بليل ( عظمه ) او قطعه لحمه او اي حاجه ارميها لها اول ماجي اطلع تاخذها وتجري وانا انزل وراها ..

ويوم اخضر مطلعتلوش ملامح لو صحيت الصبح وجيت انزل ولقيت الهانم وملقيتش حاجه ارميهالها .. اقعد بقى انادي .. ياماما .... يابابا .. حد يمشي البتاعه دي .. . وخلاص هعيط .. ومفيش فايده ..

الغريب ان ماما وبابا كانوا بينزلوا شغلهم عادي والست مش بتعترضهم ولا بتشوفهم اساسا ... انا بس المقصوده

والاغرب ان مرة عربية الشغل تأخرت ومجاتش القطه مظهرتش .. وسبحان الله اول مالعربية جت الهانم جات تجري .. وطبعا ايام العطل والاعياد الرسمية محدش بيشوف وشها ..

فيين اكتشفت ان سبحان الله هي كانت بتنتظرني مخصوص عشان تفطر .. مهو وراها كوم لحم ..

تعرفوا خلصت الحكايه على ايه ؟

جبت خشبة كبيرة وكل ماشوف وشها اخبط بيها واقولها امشي .. يوم ورا التاني احترمت نفسها والحمد لله ..

مازلت للآن كل مافتكرها اموت من الرعب لما افتكر منظرها والبخ الي كانت بتبخهولي .. واموت من الغيظ لما افتكر اخويه وهو ميت من الضحك علي لما بيشوف وصلة الفزع اليوميه الي كانت بتحصلي معاها .. كانت ايام ..

بس على فكره حكايه ضربك للقطة دي والله حرام ياريت تستغفر ربنا كتير عليها لان ممكن تكون موتها كده ده غير ان قلبك جامد بشكل حد يزعل منه قطه سوده ياراجل ؟

[الحازم حسن]

القطة المتعددة الالوان وبتخلط كل الالوان بيسموها تورتي...بتجمع مابين الاورنج والاسود والرمادي والابيض ..خليط.....وطالما عينيها خضرا...ممكن تبقى رومي ولو شعرها قصير تبقى بلدي...

ودي صورة م النوع البيرشن الاصلي الي عينيه مش خضرا....اول قطة من الشمال تحت

هيه فعلا انت بنفس الوان اول قطة من الشمال تحت لكن مش نفس هيكلها

هيكلها يشبه الى حد كبير الفصيلة دي

اللون ده الاخضر....او البرونزي

وده الاسود....شبه الفهد الاسود

[toota]

فكرتني بنفسي من عشره اتناشر سنة كده وكنت لسه متجوزتش وعايشه مع اهلي وجيت هنا السعوديه .. اكتشفت ان في قطه والده في البلكونه .. القطه سبحان الله كانت كانها شيرازي يعني شعرها طويل وذيلها كثيف لكن كانت شرسه الى اقصى درجه بل متوحشه وياويله ياسواد ليله الي يقرب منها .. خلاص مرت ايام والقطه نقلت عيالها من البلكونه على حسب طبيعه القطط الي لازم تنقل عيالها كذا مرة لغايه مايكبروا ويعتمدوا على نفسهم ..

صادف في الفترة دي ان ربنا رزقني بشغل وكل يوم الصبح السائق بتاع الشغل يمر علي في موعد محدد عشان يوصلني مع زميلاتي ...

بكون لابسه ومنتظره السائق اول مايجي يرن لي الانتر كم انزل على طول .. وسبحان الله .. يوميا افتح باب الشقة الاقي المحروسه منتظراني على السلم وعماله ( تبخ ) على آخرها .. كنت بخاف منها موت .. فظيعه .. اسد مش قطه .. طيب اعمل ايه عشان انزل ؟ كنت لازم حتما ولا بد اني اجهز لها من بليل ( عظمه ) او قطعه لحمه او اي حاجه ارميها لها اول ماجي اطلع تاخذها وتجري وانا انزل وراها ..

ويوم اخضر مطلعتلوش ملامح لو صحيت الصبح وجيت انزل ولقيت الهانم وملقيتش حاجه ارميهالها .. اقعد بقى انادي .. ياماما .... يابابا .. حد يمشي البتاعه دي .. . وخلاص هعيط .. ومفيش فايده ..

الغريب ان ماما وبابا كانوا بينزلوا شغلهم عادي والست مش بتعترضهم ولا بتشوفهم اساسا ... انا بس المقصوده

والاغرب ان مرة عربية الشغل تأخرت ومجاتش القطه مظهرتش .. وسبحان الله اول مالعربية جت الهانم جات تجري .. وطبعا ايام العطل والاعياد الرسمية محدش بيشوف وشها ..

فيين اكتشفت ان سبحان الله هي كانت بتنتظرني مخصوص عشان تفطر .. مهو وراها كوم لحم ..

تعرفوا خلصت الحكايه على ايه ؟

جبت خشبة كبيرة وكل ماشوف وشها اخبط بيها واقولها امشي .. يوم ورا التاني احترمت نفسها والحمد لله ..

مازلت للآن كل مافتكرها اموت من الرعب لما افتكر منظرها والبخ الي كانت بتبخهولي .. واموت من الغيظ لما افتكر اخويه وهو ميت من الضحك علي لما بيشوف وصلة الفزع اليوميه الي كانت بتحصلي معاها .. كانت ايام ..

بس على فكره حكايه ضربك للقطة دي والله حرام ياريت تستغفر ربنا كتير عليها لان ممكن تكون موتها كده ده غير ان قلبك جامد بشكل حد يزعل منه قطه سوده ياراجل ؟

من الواضح انها كانت مرتبة نفسها عليكي بس...طلعت قطة بلطجية وشافت ان الارهاب بيجيب معاكي نتيجه جبارة....تستناكي عند صوت العربية ما تيجي وتسبقك وتبخ لك بختين...وانتي تقومي بالواجب...مين قال القطط مش ذكية ... -_-

[toota]

القطة المتعددة الالوان وبتخلط كل الالوان بيسموها تورتي...بتجمع مابين الاورنج والاسود والرمادي والابيض ..خليط.....وطالما عينيها خضرا...ممكن تبقى رومي ولو شعرها قصير تبقى بلدي...

ودي صورة م النوع البيرشن الاصلي الي عينيه مش خضرا....اول قطة من الشمال تحت

هيه فعلا انت بنفس الوان اول قطة من الشمال تحت لكن مش نفس هيكلها

هيكلها يشبه الى حد كبير الفصيلة دي

اللون ده الاخضر....او البرونزي

وده الاسود....شبه الفهد الاسود

تبقى قطة بلدي......

[HDarwish]

عموما لو فاكر الحديث الي بسببه ست عتقت من النار بسبب انها شربت قطة ....شوية رحمة متضرش..او يمكن مثلا حسب مافهمت تكون فاكر ان ربنا رزقك بسبب الي عملته مع القطة.....

الله اعلم....دي ثقافات وكل واحد ادرى بظروفه...نورت الموضوع...

عندك حق .. بس أنا فعلا كنت ساعتها في حالة نفسية صعبة جدا .. المشكلة ان كمان كان لونها اسود وانا متعقد من القطط السودا تحديدا .. مش موضوع إني علشان ضربت قطه ربنا رزقني لكن أنا لا اتفائل بالقطط السودا أبداً .. ثقافة فلاحين بئا يا مدام توتا .. معليشي إتحمليني ..

وبعدين معليشي بئا تسمحي ترجعي الهدايا عيد الميلاد ..

أرجو أن لا يكون هناك سوء تفاهم فانا لا أقصد شيء البته سوى المداعبة و استرجاع بعض الذكريات الأليمة مع القطط .. يعلم الله إني لا أكن إلا كل الاحترام لكل الأعضاء ...

بس على فكره حكايه ضربك للقطة دي والله حرام ياريت تستغفر ربنا كتير عليها لان ممكن تكون موتها كده ده غير ان قلبك جامد بشكل حد يزعل منه قطه سوده ياراجل ؟

أستغفر الله العظيم

المشكلة إنها قطة سوده ..

[حسام يوسف]

مبروووووووووووووك على توبيك تربية القطط يا مدام توتا :)

نورتى المحاورات -_-

[مغتربة]

طب ينفع الاتجاه الاخر يعلن عن وجوده

انا بقى مش بكره القطط

لكن بخاف منهم جدا جدا جدا

طبعا انا عارفه تماما انها متقدرش تاذينى الاذيه الكبيره الى تخلينى اترعب منهم كده

بس غصب عنى دا احساس لا ارادى

حاولت اقنع نفسى بالعكس لكن مفيش فايده

انا لو لقيت قطه فى شارع بمشى من الشارع التانى

بجد مش هزار

و استحاله اخرج لمكان مفتوح الا لو اتاكدت انه استحاله يكون مرت فيه قطه و لو بالصدفه من قرن فات على الاقل

و الموضوع ده عملى مواقف كتير جدا على مر حياتى

يعنى مثلا مره كنت فايته على صاحبتى علشان نروح الامتحان مع بعض ( و انا فى الكليه )

و بعدين هيه بيتهم دخلته كتير جدا و مكانش فيه قبل كده قطط ابدا

المهم جايين ننزل و بنفتح باب الشقه

لقينه قطه وقفلنا عنده

طبعا انا حلفتلها 300 يمين انى استحاله انزل ابدا

حتى لو ما روحتش الامتحان

هيه هشتها لايه تحت بس انا قولتلها يمكن نزلت كام سلمه و هنلقيها فى وشنا تانى

استحاله

و فضلت قاعده عندها و ماخراها عن الامتحان حوالى ربع ساعه لغايه ما اتاكدت

ان القطه سابت العماره و الحته كلها

و مره تانيه كنت مع زوجى فى اتليه فى احد عمارات وسط البلد علشان اعمل فستان الفرح

المهم كانت الحاجات عندهم مش حلوه و مبالغ فى تمنها جدا

فسبناهم و خرجنا

و جايه انزل على السلم لقيت عليه قطه

طبعا صرخت

راحت البنت الى بتشتغل فى الاتليه خرجت مفزوعه

افتكرت ان انا و زوجى اتخانقنا علشان الفستان و لا حاجه

طبعا و زوجى واقف فطسان على نفسه من الضحك

و بيقولى تلاقيها دلوقتى تقول ان انا ضربتك و لا حاجه

بس بجد الموضوع مش بايدى

ملحوظه اخيره

الغريب فى الامر انا انا كنت بلعب مع القطط عادى و انا صغيره

بس المرحله دى مستمرتش اكتر من ما كان عمرى 3 سنين

و معرفش ليه بعدها فجاه بقيت بخاف منهم جدا

[حسام يوسف]

أنا أساسا مش بحب أربي الحيوانات

وربنا يصبر أصحاب الهوايات دي -_-

[enjisultan]

انا شخصيا اخويا طول عمرة بيعشق القطط وطول عمرة يربلنا قطط

اللى انا فاكرة ان مرة القطة بتاعتة كانت بتولد مش عايزة اقولكوا انها كانت بتولد وهو واقف وماسكها يعنى

المتعارف علية ان القطط دى ما بتحش حد يلمسها ولا يلمس ولادها لا كانت بتزؤهم لة

سبحان اللة

بس انا بقى شخصيا بخاف من القطط

انا اخويا اللى باقولكوا علية دا عندة ولد وحيد 4 سنين ومدلع طول عمرة وكمان اكمن مامتة توفت قريب

المهم شبط فى قطة شيرازى قام اخويا جابهالة

المهم بافتح لهم باب الشقة لانهم كانوا قاعدين عندى الفترة دى لقيت محمد ماسك القطة

واللة كان هيغمى عليا

حرام عليك يا خويا طب ط وطبعا ما فتحتش بقى قولت بينى وبين نفسى انا لو وقفوا على دمغاهم لا يمكن المسها

ربع ساعة وبناتى اتهبلوا مع ابن اخويا ودخلت لقيت ابن اخويا بيشقلبها وبيرميها للبنات

بجد قمت ماسكها وشيلتها من ايدهم ودى كانت اول مرة الحقيقة اشيل قطة

المصيبة بقى ان القطة تانى يوم اصيبت بشلل نصفى

واللة النص الخلفى دا كان مش شغال خالص

العيال اكيد طبعا..... ووديناها للدكتور مش عارفة اداها حقنة اية كدة

المهم ان طبعا ما شاء اللة ابن اخويا شرس جدا

القطة اكتسبت من شراستة بقت اسد طبعا كبرت اوى

بس كشيرازى اخويا بيقولى الشيرازى دى بتبقى طيبة وفى حالها

يعنى قطة انتوخة من الاخر

دى ما شاء اللة اسد بقت مسنية اى عيل يكلمها وتهبشة

حتى القطط سبحان اللة بتتكيف لما تبقى تبقى عايشة مع وحوش

بس انا بنتى الكبيرة هتتهبل على قطة بس انا عايزة قطة تفضل صغيرة

يعنى لما شوفت الشيرازى دى وهى كبيرة اتخضيت منها

انا عايزها ما تبقاش كبيرة فى الحجم كدا بجد فى انواع ممكن يكون احجامهم مش كبيرة اوى

فى الحالة دى ممكن اجيب لبنتى واحد صغنونة كدة

حلولى بقى المشكلة دى؟قطة صغيرة يا ولاد الحلال

[HDarwish]

!

تم تعديل 10 أغسطس 2009 بواسطة HDarwish

[toota]

عموما لو فاكر الحديث الي بسببه ست عتقت من النار بسبب انها شربت قطة ....شوية رحمة متضرش..او يمكن مثلا حسب مافهمت تكون فاكر ان ربنا رزقك بسبب الي عملته مع القطة.....

الله اعلم....دي ثقافات وكل واحد ادرى بظروفه...نورت الموضوع...

عندك حق .. بس أنا فعلا كنت ساعتها في حالة نفسية صعبة جدا .. المشكلة ان كمان كان لونها اسود وانا متعقد من القطط السودا تحديدا .. مش موضوع إني علشان ضربت قطه ربنا رزقني لكن أنا لا اتفائل بالقطط السودا أبداً .. ثقافة فلاحين بئا يا مدام توتا .. معليشي إتحمليني ..

وبعدين معليشي بئا تسمحي ترجعي الهدايا عيد الميلاد ..

أرجو أن لا يكون هناك سوء تفاهم فانا لا أقصد شيء البته سوى المداعبة و استرجاع بعض الذكريات الأليمة مع القطط .. يعلم الله إني لا أكن إلا كل الاحترام لكل الأعضاء ...

بس على فكره حكايه ضربك للقطة دي والله حرام ياريت تستغفر ربنا كتير عليها لان ممكن تكون موتها كده ده غير ان قلبك جامد بشكل حد يزعل منه قطه سوده ياراجل ؟

أستغفر الله العظيم

المشكلة إنها قطة سوده ..

الهدية لا ترد ولا تستبدل...بس ممكن ارجعها وتدفعلي تمنها :unsure: ...

عموما انا مقدرة ثقافات الناس وبقيت اتفهم الوضع في مصر عامل ازاي من الي بشوفه....انا بسمع ياما من الكلام الي بيسم البدن زي مثلا بدل ماتربي قطة تربي لها يتيم او تجيب لها فراخ اهي في الاخر تاكلهم بس قطة حتعمل فيها ايه؟؟؟

قال يعني لو بربي قطة مينفعش اعمل الخير الا بالشكل ده ... :unsure:

هي هواية بالاول والاخر...وميول....

[toota]

مبروووووووووووووك على توبيك تربية القطط يا مدام توتا :unsure:

نورتى المحاورات :unsure:

ادينا بنسلى وقتنا يا دكتور....مش احسن من قزقزة اللب :)

[toota]

طب ينفع الاتجاه الاخر يعلن عن وجوده

انا بقى مش بكره القطط

لكن بخاف منهم جدا جدا جدا

طبعا انا عارفه تماما انها متقدرش تاذينى الاذيه الكبيره الى تخلينى اترعب منهم كده

بس غصب عنى دا احساس لا ارادى

حاولت اقنع نفسى بالعكس لكن مفيش فايده

انا لو لقيت قطه فى شارع بمشى من الشارع التانى

بجد مش هزار

و استحاله اخرج لمكان مفتوح الا لو اتاكدت انه استحاله يكون مرت فيه قطه و لو بالصدفه من قرن فات على الاقل

و الموضوع ده عملى مواقف كتير جدا على مر حياتى

يعنى مثلا مره كنت فايته على صاحبتى علشان نروح الامتحان مع بعض ( و انا فى الكليه )

و بعدين هيه بيتهم دخلته كتير جدا و مكانش فيه قبل كده قطط ابدا

المهم جايين ننزل و بنفتح باب الشقه

لقينه قطه وقفلنا عنده

طبعا انا حلفتلها 300 يمين انى استحاله انزل ابدا

حتى لو ما روحتش الامتحان

هيه هشتها لايه تحت بس انا قولتلها يمكن نزلت كام سلمه و هنلقيها فى وشنا تانى

استحاله

و فضلت قاعده عندها و ماخراها عن الامتحان حوالى ربع ساعه لغايه ما اتاكدت

ان القطه سابت العماره و الحته كلها

و مره تانيه كنت مع زوجى فى اتليه فى احد عمارات وسط البلد علشان اعمل فستان الفرح

المهم كانت الحاجات عندهم مش حلوه و مبالغ فى تمنها جدا

فسبناهم و خرجنا

و جايه انزل على السلم لقيت عليه قطه

طبعا صرخت

راحت البنت الى بتشتغل فى الاتليه خرجت مفزوعه

افتكرت ان انا و زوجى اتخانقنا علشان الفستان و لا حاجه

طبعا و زوجى واقف فطسان على نفسه من الضحك

و بيقولى تلاقيها دلوقتى تقول ان انا ضربتك و لا حاجه

بس بجد الموضوع مش بايدى

ملحوظه اخيره

الغريب فى الامر انا انا كنت بلعب مع القطط عادى و انا صغيره

بس المرحله دى مستمرتش اكتر من ما كان عمرى 3 سنين

و معرفش ليه بعدها فجاه بقيت بخاف منهم جدا

ده اسمه فوبيا القطط....لان خوفك منها مش طبيعي....وغالبا الموضوع مرتبط بحادثة حصلت او فيلم شفتي فيه حاجة اثرت عليكي في اللاوعي...انصحك تحاولي تشوفي حد من صديقاتك عندم قطط مسالمة وطيبة عشان تغيري فكرتك عنهم بسهولة...

توتة....مربية قطط الصبح...ودكتورة نفساوية من بعد الساعه خمسة ونص عصرا :unsure:

[toota]

أنا أساسا مش بحب أربي الحيوانات

وربنا يصبر أصحاب الهوايات دي wst::

مش حقولك على المتعة الي بيحسها محب الحيواانات وهو بيرعاها ولا بيعيش معاها.....خليك مش عارف احسن :ninja:

[toota]

انا شخصيا اخويا طول عمرة بيعشق القطط وطول عمرة يربلنا قطط

اللى انا فاكرة ان مرة القطة بتاعتة كانت بتولد مش عايزة اقولكوا انها كانت بتولد وهو واقف وماسكها يعنى

المتعارف علية ان القطط دى ما بتحش حد يلمسها ولا يلمس ولادها لا كانت بتزؤهم لة

سبحان اللة

بس انا بقى شخصيا بخاف من القطط

انا اخويا اللى باقولكوا علية دا عندة ولد وحيد 4 سنين ومدلع طول عمرة وكمان اكمن مامتة توفت قريب

المهم شبط فى قطة شيرازى قام اخويا جابهالة

المهم بافتح لهم باب الشقة لانهم كانوا قاعدين عندى الفترة دى لقيت محمد ماسك القطة

واللة كان هيغمى عليا

حرام عليك يا خويا طب ط وطبعا ما فتحتش بقى قولت بينى وبين نفسى انا لو وقفوا على دمغاهم لا يمكن المسها

ربع ساعة وبناتى اتهبلوا مع ابن اخويا ودخلت لقيت ابن اخويا بيشقلبها وبيرميها للبنات

بجد قمت ماسكها وشيلتها من ايدهم ودى كانت اول مرة الحقيقة اشيل قطة

المصيبة بقى ان القطة تانى يوم اصيبت بشلل نصفى

واللة النص الخلفى دا كان مش شغال خالص

العيال اكيد طبعا..... ووديناها للدكتور مش عارفة اداها حقنة اية كدة

المهم ان طبعا ما شاء اللة ابن اخويا شرس جدا

القطة اكتسبت من شراستة بقت اسد طبعا كبرت اوى

بس كشيرازى اخويا بيقولى الشيرازى دى بتبقى طيبة وفى حالها

يعنى قطة انتوخة من الاخر

دى ما شاء اللة اسد بقت مسنية اى عيل يكلمها وتهبشة

حتى القطط سبحان اللة بتتكيف لما تبقى تبقى عايشة مع وحوش

بس انا بنتى الكبيرة هتتهبل على قطة بس انا عايزة قطة تفضل صغيرة

يعنى لما شوفت الشيرازى دى وهى كبيرة اتخضيت منها

انا عايزها ما تبقاش كبيرة فى الحجم كدا بجد فى انواع ممكن يكون احجامهم مش كبيرة اوى

فى الحالة دى ممكن اجيب لبنتى واحد صغنونة كدة

حلولى بقى المشكلة دى؟قطة صغيرة يا ولاد الحلال

مشكلتك لها حل على فكرة ومش صعبة خالص....فيه نوع اسمه munchkin cat والنوع ده بيتولد قزم وبيكبر بس مبيطولش ولا بيبقى ضخم في الحجم وبيتجوز وبيولد عادي بس غالبا صعب يطلع فوق الاسطح العالية او ينط زي القطط التانية....ودي صورة للنوع ده وفيه منه في مصر وبيسموه القط القزم...حتلاقيه باشكال مختلفة اكتر من الصور دي ....

تم تعديل 10 أغسطس 2009 بواسطة toota

[moheltohamy]

معلش يابو درويش... على ما خدت بالي من المشاركة!

أنا يا دوب فتحت الصفحة ، وميت حاجة شغلتني بعيد عنك!

أصل بعيد عنك العيال بتوع كندا دول قرفوني بالمياصة بتاعتهم! البلد مايصة بشكل يا جدع!!! دانا هاحكيلكو على بلاوي في الشوبنج بس لما يخلص :P

أنا كنت هادخل أسيب اللينك القديمة بتاعت الواد نوسي ، وبعدين نبقى نتكلّم مع اخواتنا ورفقاء الكفاح القططي بعدين...

بس على فكرة يا توتا... أنا ما باطيقش العيال الهيمالايا دول ومناخيرهم اللي داخلين بيها في حيطة! وشكلهم الصراحة ما يسرّش عدو ولا حبيب... دانتي تحمدي ربّنا إن البت الهيمالايا دي ربّنا سهّلهالها ولقت عريس wst::

أفتكر لمّا شيرين اختي خدت نوسي عندها شويّة ، وبدأ يكون بينهم إيموشنز ، وتخرج مع خطيبها - وقتها - وتشوف قطة بلدي ماشية في الشارع ، تقول له (إيه ده؟ القطط دي مالها رجليها طويلة ، وراسها معضّمة كده ليه؟!) ، وهوّه يقوللها (الله يرحم... ما ياما كنا بنموت فيهم ، وطعمين وأمامير ، ولاّ عشان خدنا على نوسي ، بقوا كُخّين؟!) :lol:

أفتكر أولى علاقاتنا مع القطط كانت في بيت تيتا (الدار ، بتاعت زمان دي)... طبعاً دي كانت من السنن الواجبة في القرى ، وما كانش حد بيتتريق على حد عشان مربّي قطط في بيته ، بعكس البهوات اللي ساكنين في القاهرة مثلاً اللي بيربّوا قطط مايصة في بيوتهم!

كانت هناك القطة ناموسة (أيون ، ده كان إسمها... ناموسة)! الإسم ده أطلقه إبن عمّتي الصغيّر ، وما زلت حتى لحظة كتابة هذه السطور ما اعرفش إيه سبب التسمية الغريبة دي! اللذيذ بأه إن ناموسة دي كانت البنت الصغرى لقطة تانية كانت عايشة عند تيته لغايت ما ماتت ، وما كانلهاش إسم! :lol:

فضلت ناموسة دي القطة المدللة بتاعت البيت ، وعايشة في نغنغة ، وبتاكل أنضف أكل (بواقي سمك ، جلد فرخة ، عيش ناشف ، حتت عضماية ، إلى آخر الاختيارات المرفهة دي wst:: ) ، لغايت ما الطفسة هانم شافت فار وكلته ، وأتاري الفار كان واكل قبلها سم فيران م اللي كانوا حاطّينه في الزخانيق بتاعت البيت ، واللي على ما يبدو كان الفار عنده مناعة منه! (وانتي تقولي بتلعب بالفار بس؟!!!)

وطبعاً كانت فضيحتها بجلاجل كل مرة ترجع من برّه ، وبطنها ع الآخر! بس هنعمل إيه؟ الضنا غالي يا ناس wst::

ويا ريتها حتى كانت بتستنضف البوي فريندس بتوعها! تكتشفي البنت اللي لونها ميكس بين الأصفر والأبيض والبرتقالي والبني ، وتلاقيها جايبة واحد اسود ، واحد بني وحش ، واحد رصاصي! :sad:

توتا... تسدقي صحيح إن كلامك ده هوّه نفس الكلام السافل اللي باسمعه من بعض جرايبيني؟!

ما تروح تصرف على يتيم ، دا ربنا هيحاسبك ع الصرف ده ، بني آدم أولى ولاّ قط؟ ومن ده كتير!!!

وطبعاً الكلام السخيف لازم رد أسخف منه (مانا غلس بطبعي أصلاً)... هيه دي فلوسي ولاّ فلوسِك؟ طيب ربنا اللي هيحاسبني ولا انتي اللي بتحاسبيني؟ أنا خدت منِك قرش ساغ عشان تزعلي؟ هوّه أنا كنت سألتك أعمل إيه بفلوسي؟ أنا كنت طلبت منك نصيحة حضرتِك؟

هيييييه... كانت لنا أيّام :wub:

وللحديث بقيّة ما كان في العمر بقيّة :ninja:

[toota]

معلش يابو درويش... على ما خدت بالي من المشاركة!

أنا يا دوب فتحت الصفحة ، وميت حاجة شغلتني بعيد عنك!

أصل بعيد عنك العيال بتوع كندا دول قرفوني بالمياصة بتاعتهم! البلد مايصة بشكل يا جدع!!! دانا هاحكيلكو على بلاوي في الشوبنج بس لما يخلص :P

أنا كنت هادخل أسيب اللينك القديمة بتاعت الواد نوسي ، وبعدين نبقى نتكلّم مع اخواتنا ورفقاء الكفاح القططي بعدين...

بس على فكرة يا توتا... أنا ما باطيقش العيال الهيمالايا دول ومناخيرهم اللي داخلين بيها في حيطة! وشكلهم الصراحة ما يسرّش عدو ولا حبيب... دانتي تحمدي ربّنا إن البت الهيمالايا دي ربّنا سهّلهالها ولقت عريس :wub:

أفتكر لمّا شيرين اختي خدت نوسي عندها شويّة ، وبدأ يكون بينهم إيموشنز ، وتخرج مع خطيبها - وقتها - وتشوف قطة بلدي ماشية في الشارع ، تقول له (إيه ده؟ القطط دي مالها رجليها طويلة ، وراسها معضّمة كده ليه؟!) ، وهوّه يقوللها (الله يرحم... ما ياما كنا بنموت فيهم ، وطعمين وأمامير ، ولاّ عشان خدنا على نوسي ، بقوا كُخّين؟!) :sad:

أفتكر أولى علاقاتنا مع القطط كانت في بيت تيتا (الدار ، بتاعت زمان دي)... طبعاً دي كانت من السنن الواجبة في القرى ، وما كانش حد بيتتريق على حد عشان مربّي قطط في بيته ، بعكس البهوات اللي ساكنين في القاهرة مثلاً اللي بيربّوا قطط مايصة في بيوتهم!

كانت هناك القطة ناموسة (أيون ، ده كان إسمها... ناموسة)! الإسم ده أطلقه إبن عمّتي الصغيّر ، وما زلت حتى لحظة كتابة هذه السطور ما اعرفش إيه سبب التسمية الغريبة دي! اللذيذ بأه إن ناموسة دي كانت البنت الصغرى لقطة تانية كانت عايشة عند تيته لغايت ما ماتت ، وما كانلهاش إسم! :lol:

فضلت ناموسة دي القطة المدللة بتاعت البيت ، وعايشة في نغنغة ، وبتاكل أنضف أكل (بواقي سمك ، جلد فرخة ، عيش ناشف ، حتت عضماية ، إلى آخر الاختيارات المرفهة دي wst:: ) ، لغايت ما الطفسة هانم شافت فار وكلته ، وأتاري الفار كان واكل قبلها سم فيران م اللي كانوا حاطّينه في الزخانيق بتاعت البيت ، واللي على ما يبدو كان الفار عنده مناعة منه! (وانتي تقولي بتلعب بالفار بس؟!!!)

وطبعاً كانت فضيحتها بجلاجل كل مرة ترجع من برّه ، وبطنها ع الآخر! بس هنعمل إيه؟ الضنا غالي يا ناس

ويا ريتها حتى كانت بتستنضف البوي فريندس بتوعها! تكتشفي البنت اللي لونها ميكس بين الأصفر والأبيض والبرتقالي والبني ، وتلاقيها جايبة واحد اسود ، واحد بني وحش ، واحد رصاصي!

توتا... تسدقي صحيح إن كلامك ده هوّه نفس الكلام السافل اللي باسمعه من بعض جرايبيني؟!

ما تروح تصرف على يتيم ، دا ربنا هيحاسبك ع الصرف ده ، بني آدم أولى ولاّ قط؟ ومن ده كتير!!!

وطبعاً الكلام السخيف لازم رد أسخف منه (مانا غلس بطبعي أصلاً)... هيه دي فلوسي ولاّ فلوسِك؟ طيب ربنا اللي هيحاسبني ولا انتي اللي بتحاسبيني؟ أنا خدت منِك قرش ساغ عشان تزعلي؟ هوّه أنا كنت سألتك أعمل إيه بفلوسي؟ أنا كنت طلبت منك نصيحة حضرتِك؟

هيييييه... كانت لنا أيّام

وللحديث بقيّة ما كان في العمر بقيّة :ninja:

اهلا وسهلا ومرحبتين بدكتور تهامي ,,, حللت اهلا ونزلت سهلا.....موضوعك زمان عمل ضجه جامدة والناس بقت تبعتلي وتقولي خشي شوفي الموضوع ده حيعجبك والكلام ده wst::

تعرف الاول كنت بتضايق لما الاقي حد يقولي كلام زي ده...واحس بذنب اني خايفه اكون فعلا زي مابيقولوا...بعدين قلت مين يعرف انا بزكي ايه ولا بعمل ايه في حياتي الخاصة...ومين ليه عليا ايه عشان يوجهلي كلام او يقولي اعمل ايه في حياتي...بس من ساعتها نفضت بقى لكل الامور دي وعايشة حياتي مع قططي بهناء وسعادة وراحة بال ,....مقولكش.. :lol:

اما بخصوص ناتاشا هانم كعب الغزال...ف دي من احلى القطط ومش عايزة اقولك اغلاهم....لان النوع ده هو التوب ....الهملايات من اغلى القطط خصوصا لما تبقى بيكي او مناخيرها واخدة الخبطه دي...وكل ما زادت التفعيصة فيها كل مازادت قيمتها المادية....واللون الرمادي ده هو اعلى لون في الالوان بتاعة الهملايا....يعني من الاخر نص شباب مصر الجدعان يتمنوا نظرة من عينيها الدبلانه....

بس هي بصراحة في شبابها وقبل ما يشكمها الواد العمدة كانت شقية ومايصة بتحب تحرش معدتها وتقعد تعاكس الواد ابن البواب....مش حقولك...مبيشيلش بقه من مقلب الزبالة...وكان ليهم مغامرات ...يجي ينونو لها من ورا الباب...وهي ترد عليه...وكانت قصة عشق خطيرة...لمت معظم اولاد البوابين حوالينا وكلهم كانوا بيعاكسوها وهي حتجنن تطلع لهم... md2:

لغاية ما جبنالها عريس ابن ناس واتصرفنا ولمينا الفضيحة.....ايييييييييييه متفكرنيش...بس العمدة الي ححكي عنه لاحقا بصراحة علمها الادب..... wst::

[toota]

نكمل بقى موضوع الانسة ناتاشا...كنت جبتها وجبت قطة تانية سميتها وردة :ninja: ... اشمعنى وردة...؟؟

حقول اهو ....القطة دي كانت بيئة من الاخر....بتزن طول النهار....كانها بتشحت بالظبط...سواء باكل او قاعدة مبعملش حاجة او بتكلم ف التلفون...هي مش بتبطل نونوة ....زن متواصل....طيب ياماما فيكي ايه مالك...مفيش هو زن للزن...وكانت ودانها طويله بشكل غير طبيعي....وحوليها شعر كتير كانه ورق ورد مزرع حوالين راسها....من هنا جاءت التسمية الشعبية وردة....وطبعا هي الدادة بتاعة ناتاشا هانم....وسبحان الله الفرق مكانش في النوع عشان دي ارخص ودي اغلى....لا والله...الفرق في النوع بيفرق في الاخلاق والتعاملات...

دي صورتها....

القطط البيكي كل ما زادت درجة ارتفاع المناخير ...كل ما اخلاقهم عليت اكتر...ليه ..؟؟؟ هو كدة

انواع القطط البيكي متدرحة تبدأ بالبيكي الزرار وده اعلى مستوى فيهم....كل ماكانت المناخير اعلى والوش مفعوص لجوه اكتر... كل ما كان احلى......اما ليه سموه زرار؟؟؟ عشان بيبقى المناخيرة لو حطيت مسطرة بالعرض على مستوى العين حتلاقي ان الماخيرة تكان تكون نفس المستوى او اعلى حتى زي القطط دي مثلا....

يتبع...