السعودية تعد لانهاء نظام الكفالة

[السيد توفيق]

قريبا جدا وتحديدا بعد الانتهاء من نظام البصمة وتبصيم جميع المقيمين ستلغي السعودية نظام الكفيل ولكن النظام سيكون صارم سيكون عقد العمل مسجل في مكتب محاماه وموثق من مكتب العمل وتستخرج رخصة العمل من مكتب العمل ومن يعمل في شركة أو مكتب خلاف المكتب المسجل في رخصة العمل بيدفعوه غرامة

ومن البنود المكتوبة كذلك يمنع تسليم الرواتب بالطرق اليدوية وأي شركة تدفع رواتب موظفيها باليد تغرم

بل تكون الرواتب عن طريق الصراف الالي حفاظا على حقوق الجميع وللتأكد من العاملين هل فعلا يعملوا وبيقبضوا رواتبهم أم عاطلين عن العمل ولمعرفة مصدر دخلهم هل هو مال حلال أم لا

البنود كتيرة جدا لكن اطلعت عليها اليوم عن طريق واحد صاحبي واللي عاوز يتطلق من كفيله بيروح لمكتب العمل بيعطوه ورقة الطلاق وبيروح يبحث له عن عمل ويجيب لهم عقد موثق من المحامين المعتمدين وتقريبا حيكونوا محامين تابعين للغرفة التجارية ويروح للبنك ويفتح له حساب ويسجله بعقد العمل وهذا الحساب هو نفسه اللي بتعتمد عليه مكاتب العمل في حل الخلافات بين اصحاب العمل والعمال

يعني انت راتبك 5000 ريال وصاحب العمل ماقبضك راتب شهر بتروح لمكتب العمل وبيطلبوا منك كشف حساب من البنك وبيراجعوه وبيعرفوا هل هو فعلا قبضك او لا حتى تذاكر الاجازه بتكون عن طريق الصراف الالي

تم تعديل 9 أغسطس 2009 بواسطة السيد توفيق

[KAhamid]

يارب

الكلام ده يطلع صح ويطبق فعلا

[عاشق النيل]

mfb: حسن أسكندراني(الوفاق)جدة:

قالت مصادر خاصة للوفاق في وزارة العمل انه تم إعداد دراسة لإلغاء نظام الكفيل وإعداد نظام بديل يقوم على عدة ضوابط وأنظمة تحكم العلاقة بين الطرفين وأشارت الدراسة ان التعديلات المقترحة تتضمن عدم احتجاز جواز العامل من قبل الكفيل وإلغاء موافقة الكفيل عند استقدام العامل أسرته او رغبته في أداء الحج او زيارة احد من أقاربه في المملكة على ان لايتحمل الكفيل مسئولية العامل الشخصية او مخالفات يرتكبها خارج العمل تلك المقترحات تأتي بعد ان فكرت الوزارة في إلغاء نظام الكفيل تدريجيا بعد إقراره من الجهات العليا وأهمها وضع شركات تستقدم العمال وتقوم بتأجيرهم كبديل لنظام الكفيل القائم. وينتظر الغاء النظام بالكامل قريبا

وكانت الجمعية الوطنية لحقوق الإنسان قد تقدمت بعدة خطابات الى وزارة العمل رغبة منها في إعادة النظر في نظام الكفيل الحالى بعد ان كشفت دراسة أعدتها الجمعية أن قرابة أن 12 ألف و 369 قضية خلال الأعوام الخمسة الماضية، تشكل القضايا العمالية منها 1430 قضية بما نسبته 12 %.

وبرزت الدراسة عيوب الوضع الراهن للكفالة وما يكتنف أحكام الكفالة من تعقيدات إدارية وتنظيمية وعدم فاعلية هذه الأحكام في تحقيق الأهداف المرجوة منها وانتشار ظاهرة العمالة السائبة وتزايد جرائمها.

واقترحت الدراسة عدة حلول لمشكلة الكفالة, منها استحداث وثيقة تأمين إلزامية لضمان الحقوق المالية للعامل وصاحب العمل في نفس الوقت كوسيلة فاعلة لإنهاء مبرارات وجود نظام الكفالة بهدف تغطية مسئولية العامل الوافد في حال تسببه في أضرار تصيب صاحب العمل أو في أضرار تصيب الغير وتغطية مسئولية صاحب العمل في الوقت نفسه عن دفع راتب العامل. واكد ان الجمعية طالبت بإنشاء هيئة حكومية ذات شخصية اعتبارية تتبع وزارة العمل للإشراف على أوضاع العمالة الوافدة وتلغي أي دور للكفيل التقليدي, واقترحت تسمية هذا الجهاز بـ"هيئة شؤون العمالة الوافدة" يكون مقرها الرياض ولها فروع في عدد من المناطق.

والله يبشرك بالخير انا قريت الخبر دة من يجى شهرين او اكتر ومتعشمين خير

واحساسى الشخصى انة حيكون صارم والاخوة الكوافيل مش حيعجبهم

لكن احنا عايزين المصلحة لانى سمعت ان فية خطة لوضع شرائح لفئات المرتبات

لكل مهنة يعنى واحد بيستغل حاجة مكفولة براتب 1500

واخر يمكن اقل منة تاهيل 5000

وسبحان الله ارزاق

وربنا يقرب الوقت والمسافة :)

[KAhamid]

mfb: حسن أسكندراني(الوفاق)جدة:

قالت مصادر خاصة للوفاق

ربنا يقرب الوقت والمسافة :)

اللهم امين

[ozoozo]

بس اظن النظام الجديد هايعمل مشكله لاتنين

1-اصحاب الفيز الحره العاملين عند غير كوافيلهم

2-اصحاب المهن المسعوده واشهرها مندوب المبيعات ممكن يرخموا في تجديد اقامتهم

[dongol]

بس اظن النظام الجديد هايعمل مشكله لاتنين

1-اصحاب الفيز الحره العاملين عند غير كوافيلهم

قصد حضرتك كفلاءهم لان كوافيلهم دي جمع كافلوة و هي ما يلبسه الرضيع عوضاً عن البامبرز mfb:

معلشه خرجت عن المواضيع بس فعلا يا ريت يتلغي نظام الكفيل ده في كل الدول العربيه

عقبالنا في الامارات يا رب

[خالد شحاته]

اظاهر اننا في السعوديه بنحلم

ياجماعة الخير ازي هيتلغي نظام الكفيل وانا قولت قبل كدا اكتر من 80% عايشين علي تاجرة التاشيرات ونسبه الشهريه والنسبه السنويه علشان يتلغي النظام ده للازم السعوديه توفر رواتب لجميع السعودين الا عندهم مؤسسات وهميه علشان يعرفو يعشو ولا هياكلو من فين

[ozoozo]

بس اظن النظام الجديد هايعمل مشكله لاتنين

1-اصحاب الفيز الحره العاملين عند غير كوافيلهم

قصد حضرتك كفلاءهم لان كوافيلهم دي جمع كافلوة و هي ما يلبسه الرضيع عوضاً عن البامبرز mfb:

معلشه خرجت عن المواضيع بس فعلا يا ريت يتلغي نظام الكفيل ده في كل الدول العربيه

عقبالنا في الامارات يا رب

بالفعل انا اقصدها

[doha]

مش عارفه ليه قلبي مش مطمن ..

معنى كده ان الورقة العرفي الي كنا بنجيبها من الكفيل والي بتفيد ان الشخص راتبه فوق 4000 عشان يسمحوا له يستقدم زوجته دي خلاص نبلها ونشرب ميتها ودلوقت البنك هيثبت بما لايدع مجال للشك ان المدعوا باسمه وصفته راتبه لايزيد عن سين من الريالات وده لايكفي لاطعام بعوضه وعليه فنص المصريين العاملين في السعوديه مش هيعرفوا يجيبوا زوجاتهم ده اولا ..

وثانيا بدال ماكنا رابطين الحزام عشان نوفر مبلغ رسوم الاقامه والتاشيرة والخروج والعوده والتامين الطبي هيطلع لنا في المقدر كمان تامين مالي عشان لو حد فينا لعب بديله التامين يسد بدال الكفيل الي قال يعني زمان كان بيعمل حاجه ..

وثالثا دلوقت وضعه ايه الي هيطلق الكفيل وملقيش كفيل تاني في فرصة سريعه يعني قاعد في البلد يدور على شغل الى ان يفرجها ربنا .. زمان البعض كان مدبر نفسه بانه بيراضي الكفيل بقرشين كل سنه عشان يسيبه يدور براحته او بينه وبين الكفيل موده قديمه وشغالين مع بعض من زمان فالراجل سايبه على كفالته الى ان يفرجها ربنا ويلاقي حد تاني يشتغل عنده .. بعد تطبيق القانون الجديد ياترى الوضع هيكون ايه؟

اعتقد والله اعلم ان هيلاقوا له ابواب خلفيه برضه وهنلاقي الكفيل الي يوافق ياخذ قرشين عشان يدرج اسمك ضمن كشوف العاملين عنده مقابل نسبه شهريه وهتروح اول كل شهر تودع مبلغ الراتب في البنك وترجع تسحبه تاني وستستمر عجله الحياه ..

يلله احنا قاعدين نتبطر على ايه هم بس يلغوا النظام الاول بعدين نبقى نشوف عيوب الجديد .. ربنا يصلح الحال ..

[عماد حمدي]

أنا عن نفسي أول واحد هيخلع كفولته .. لأني كبرت .. وهغير الكفولة ببامبرز لانه فية مميزات كتير مش موجودة في الكفولة الا وهي الراحة النفسية تتحرك بدون مشاكل تنام مرتاح البال .. تنطط براحتك .. حاجات كتير اوي اوي

وربنا يسهل ونسمع خبر من بامبرز بإصدار خبر إلغاء الكوافيل

ملحوظة لا توجد علاقة بين ردي والموضع الرئيسي ... منعا ًَ للإحراج

تم تعديل 9 أغسطس 2009 بواسطة EMAD HAMDY

[المخنوق دائما]

كلنا نتمنى ذلك

بس فيه فرق بين دراسه لإلغاء الكفالة وبين قرار لإلغاء الكفالة...

بس أظن ان حتى لو اتلغت الكفاله فالموضوع مش هيبقى وردى أوى زى الناس ما متخيله

يعنى مثلا فيه حاجات هتبقى اسهل زى الزيارات والاستقدام واستخراج رخصه وشراء سياره وفتح حساب فى البنك والأشياء الاخرى التى تتطلب ورقه او موافقه من الكفيل

لكننى اظن انهم سيجدوا الكثير من البدائل للسيطره على المكفول والحفاظ على حق صاحب العمل(الكفيل)

يعنى مثلا مش هيخلوا حد ينزل اجازه الا لما يجيب ورقة من الشركه التى يعمل بها تفيد بأنه ليس لديه اى مستحقات لها

ده طبعا غير العقد اللى بيكون مكتوب فيه مدة الاجازات ومواعيدها

أتمنى الغاء الكفاله إلغاءا حقيقيا وليس إستبداله بنظام أخر مجحف وغير أدمى

[عماد حمدي]

ياخوفي فعلا ً يبدلوا زي مصر كده شالوا الطواريء وحطوا الإرهاب !!!!!

ربنا ييسر الأمور

[herohero]

ياجماعة يعني هل مثلا الناس اللي واخده سيارة من الشركة ولاب توب وموبايل وفيه ف عهدتها حاجات هل من المنطق انها فجأة تمشي ، ده مش منطقي وان سيادتط طقن ف دماغك تسيب الشغل وتروح مكان تاني عادي كده

بصراحه كده مش منطق لكن كل اللي مطلوب من سيادتهم ان لما عقدي يخلص اقدر اروح لشركة تانيه وده ابسط حقوق العامل انا اشتغلت معاك وعقدي خلص ليه تمنعني من اني اروح مكان تاني

خلي فيه منافسة ف السوق الكل هيستفيد السوق هينتعش المرتبات هتتحسن هيبقى فيه حركة واللي عاوز ينزل اجازة بيدفع رسم مغادرة زي دبي وبيبقى بموافقة جهة عمله عادي خالص ونظم الحكاية عشان ما يكونش فيه عماله سايبة انا شوفت الوضع ده ف الكويت الشوارع مليانه ناس فيه منطقة هناك كلها صعايده بيجوا ومش لاقيين شغل والكفيل واخد منهم مبلغ زي اللي بيدفع هنا ويقولك اسرح دور ع شغل

انا شايف انها تقنن مصلحة لكلا الطرفين اجي ع شغل معين او لو انا هنا بتاشيره لقيت شغل يبقى كفيلي هو شغلي وعقدي خلص ادور ع شغل تاني ويكون ليا فتره كمهلة

كده السوق يبقى فيه منافسه والكل يستفيد

[السيد توفيق]

البنود كثيرة جدا ومن ضمنها أن يكون الالغاء مع الدول التي وقعت على اتفاقيات امنية وحيكون هناك ربط آلي عن طريق الحكومة الالكترونية بمعنى من خلال مركز المعلومات بيعرفوا كل حاجة عنك داخل البلد حتى تأشيرة الخروج والعودة بتصدر عن طريق النت بدون الذهاب للجوازات

بكل تأكيد حتكون هناك ايجابيات وسلبيات خصوصا اللي بيعملوا خارج محيط الشركات والمؤسسات بكل تأكيد لابد أن تكون اوراقهم نظامية فالكثير من المقيمين بيعملوا عند شركات ومؤسسات لاترتبط بكفيلهم الاصلي ولهذا عليهم تصحيح اوضاعهم بعد اقرار الغاء نظام الكفالة

[عاشق النيل]

:)

والله خايف نطلع من نقرة لدوحضييرة ومن فخ لفخ

والدنيا تشلنا وتهبدنا طاخ طوخ طيخ طاخ

الصراحة الوضع الحالى ماشى بالتراضى وبالفلوس

يعنى اقول للكفيل انا حاتحمل كل حاجة واالى انت عايزة

بيمضى بعد ما يتاكد انة مش حيتضر ولا حيدفع هللة زيادة

والحمد لله الامور بتمشى

ولكن عند تطبيق النظام الجديد اكيد حتتعقد لان الصراحة معظم الرواتب لحد اول 3 سنين للاغلبية العظمى تحت ال4 الاف ر.س.

ولكن الغاء الكوافييل حيدى حرية للحج / للزيارة/للاستقدام/للبنوك/لتغيير العمل اللى اكيد حيبقى بورقم من الشركة

وانا سمعت ان الالغاء للوظائف العليا الاول

يعنى اللى ليهم اصلا حق الزيارة والاستقدام

ويمكن القرار صورى وتحاييل عشان حقوق الانسان وخلافة :)

[herohero]

:)

والله خايف نطلع من نقرة لدوحضييرة ومن فخ لفخ

والدنيا تشلنا وتهبدنا طاخ طوخ طيخ طاخ

الصراحة الوضع الحالى ماشى بالتراضى وبالفلوس

يعنى اقول للكفيل انا حاتحمل كل حاجة واالى انت عايزة

بيمضى بعد ما يتاكد انة مش حيتضر ولا حيدفع هللة زيادة

والحمد لله الامور بتمشى

ولكن عند تطبيق النظام الجديد اكيد حتتعقد لان الصراحة معظم الرواتب لحد اول 3 سنين للاغلبية العظمى تحت ال4 الاف ر.س.

ولكن الغاء الكوافييل حيدى حرية للحج / للزيارة/للاستقدام/للبنوك/لتغيير العمل اللى اكيد حيبقى بورقم من الشركة

وانا سمعت ان الالغاء للوظائف العليا الاول

يعنى اللى ليهم اصلا حق الزيارة والاستقدام

ويمكن القرار صورى وتحاييل عشان حقوق الانسان وخلافة -_-

والله فالكويت ناس بتفهم قالك بعد 3 سنين تروح لكفيل تاني غصب عن الكفيل الاولاني مش زي العبودية الي هنا عقدك يخلص وتفضل تحت ايده نظام متخلف بجد

[White heart]

بعد أعوام من الشد والجذب ... وتارة السعودية: نظام "الكفيل" لن يلغى ... وتارة وزارة العمل السعودية : السعودية تتبع قطر فى الغاء نظام الكفالة
أخشى أنه وبعد البدء في تداول مثل هذا النوع من الأخبار: السعودية تدرس شراء ديون مصر الداخلية .. ان نصبح يوماً في بلدنا وفي ظل المنظومة " المدنية " القديمة / الجديدة،  لنجد وان ونظام الكفالة الذي يلغوه " الأشقاء " ليدهم هناك، وقد أخذ في التطبيق بشكل أو بآخر لدينا نحن هنا!!!