الأصل و ضده

[الباشمهندس ياسر]

سؤال بيطرح نفسه و بعتبره الخيط الضعيف اللى لسه رابط ما بين طرفين من الناس

القصة ببساطة تامة كالتالى

واحد اسمه (س) و اتولد ف بيت فقير جدا لأب بيشتغل شغلانة بسيطة جدا جدا ... و ساكنين ف غرفة ايجار

الا ان الاب ده مكنش بيتأخر على ابنه ف اى حاجة و نقدر نقول بيدي كل ما يملك ف الدنيا ( صحته ووقته ) لاولاده

س شد حيله و بقى يروح المدرسة بتاعت جمال عبد الناصر و اتعلم و كانت عنده بوادر الذكاء و النباهة اللى بيتميز بيها كل المصريين

تخلص المدرسة يرجع س للبيت قصدى للغرفة بتاعتهم و يذاكر و يشد حيله تماما

و لما تيجى الاجازة الكبيرة يطلع ع الورشة بتاعت جارهم الاسطى عبده الميكانيكى ( هتلاقى عبده الميكانيكى ف كل حتة شعبية مصرية تقريبا )

مرت الايام و س بيكبر و بيعانى ف مصروفه و ملابسه و كراسه اللى ملوش ذكر جنب اصحابه و يعانى ف الاجازة عند الاسطى عبده

خلصت الثانوية العامة و دخل الجامعه ام بلاش برده و شاء المولى انه يتفوق في الجامعه برده

و اتخرج س بتفوق جامد جدا و لولا الواسطة كان هيتعين ف الجامعه

و النصيب خدمه و احدى الشركات الاجنبية عامله معرض ف الكلية و اتعرف على احد مديرينها الا قاله لما تتخرج اتصل بيا

و فعلا اتعين س ف وظيفة مكانش يحلم بيها و لا حتى يتوقعها

يا ترى س عمل ايه اول ما جاتله الوظيفة

ميل على والدته و قالها محتاج بدلتين اروح بيهم الشغل و نفسى ف ازازة برفان و ساعة نظيفة و شنطة

و فعلا الست متأخرتش عليه و قامت خلعت الغويشة اللى حيلتها ( او نقول الخلخال عشان نضيف الجو المناسب للقصة )

و راح س اشترى الاغراض المطلوبة و بدأ يروح الشغل و يجى م الشغل و الميكروباص يعدى عليه يوديه و يجيبه

و س بيه راح و س بيه رجع

السؤال هنا

ما توقعك لرد فعل الاستاذ س تجاه ابوه و امه و اخوانه و اخواته ؟؟

و ليه اخترت التوقع ده

[metwallly]

سؤال بيطرح نفسه و بعتبره الخيط الضعيف اللى لسه رابط ما بين طرفين من الناس

القصة ببساطة تامة كالتالى

واحد اسمه (س) و اتولد ف بيت فقير جدا لأب بيشتغل شغلانة بسيطة جدا جدا ... و ساكنين ف غرفة ايجار

الا ان الاب ده مكنش بيتأخر على ابنه ف اى حاجة و نقدر نقول بيدي كل ما يملك ف الدنيا ( صحته ووقته ) لاولاده

س شد حيله و بقى يروح المدرسة بتاعت جمال عبد الناصر و اتعلم و كانت عنده بوادر الذكاء و النباهة اللى بيتميز بيها كل المصريين

تخلص المدرسة يرجع س للبيت قصدى للغرفة بتاعتهم و يذاكر و يشد حيله تماما

و لما تيجى الاجازة الكبيرة يطلع ع الورشة بتاعت جارهم الاسطى عبده الميكانيكى ( هتلاقى عبده الميكانيكى ف كل حتة شعبية مصرية تقريبا )

مرت الايام و س بيكبر و بيعانى ف مصروفه و ملابسه و كراسه اللى ملوش ذكر جنب اصحابه و يعانى ف الاجازة عند الاسطى عبده

خلصت الثانوية العامة و دخل الجامعه ام بلاش برده و شاء المولى انه يتفوق في الجامعه برده

و اتخرج س بتفوق جامد جدا و لولا الواسطة كان هيتعين ف الجامعه

و النصيب خدمه و احدى الشركات الاجنبية عامله معرض ف الكلية و اتعرف على احد مديرينها الا قاله لما تتخرج اتصل بيا

و فعلا اتعين س ف وظيفة مكانش يحلم بيها و لا حتى يتوقعها

يا ترى س عمل ايه اول ما جاتله الوظيفة

ميل على والدته و قالها محتاج بدلتين اروح بيهم الشغل و نفسى ف ازازة برفان و ساعة نظيفة و شنطة

و فعلا الست متأخرتش عليه و قامت خلعت الغويشة اللى حيلتها ( او نقول الخلخال عشان نضيف الجو المناسب للقصة )

و راح س اشترى الاغراض المطلوبة و بدأ يروح الشغل و يجى م الشغل و الميكروباص يعدى عليه يوديه و يجيبه

و س بيه راح و س بيه رجع

السؤال هنا

ما توقعك لرد فعل الاستاذ س تجاه ابوه و امه و اخوانه و اخواته ؟؟

و ليه اخترت التوقع ده

لو كان س ده محترم يبقى هيعتبر الفضل فى كل اللى هو

فيه يرجع لله أولا ثم لأمه وأبيه وانه لازم يفكر فيهم الآول قبل ما يفكر فى نفس

ولو كان س ده ............. يبقى هيتنصل من أبوه وامه ومش هيعرفهم بعد كده

ويارب يطلع من النوع الآول :)

[مغتربة]

و الله انا خايفه ليتحول لمحجوب عبدالدايم للقاهره 2009

[doha]

طالما طلب من امه بدله وبرفان فاتوقع اول حاجه هيفكر فيها انه يتجوز وحده بنت ناس تدخله الطبقة المخملية من اوسع الابواب .. وطبعا هيعرفها على اهله من بعيد لبعيد كده عشان متاخذش بالها من بقع السنين في وجوههم .. هيزورهم من وقت للتاني يعني كل سنه مرة ثم كل سنتين مره .. وفي يوم الام او الاب هيروح يزوره عشان يطلب منه مساعده في زواج احد اخواته او اخوانه هيقولهم معليش مفيش سيوله دلوقت وياريت لما تحتاجوا مني حاجه متتعبوش نفسكم وتيجو تزوروني انا هبقى اجي لكم .. هيفهم الاب الحوار ويعرف ان محجوب مات مات واندفن ..

ده لو كان سين ..

اما لو كانت سينه .. فغالب الظن انها هتغير عفش ( اوضة المسافرين ) وهتشتري حتتين كستور جداد لوالدتها وكام جيبه وكام بلوزه لاختها عشان لما يجي لها عريس مينسرعش من منظر البيت وتقدر تطلع من العيشه الي هي فيها دي لعيشه افضل .. ده لو سينه جميلة على فكره بس لو سينه نص لبه فغالبا هتبيض البيت وتغير عفشه كله وتحجج امها كمان لانها للاسف هتطول عندهم شويه ..

وهذا لا ينفي بالتأكيد ان في ناس سينات او صادات لما ربنا بيفتحها عليهم اول حاجه يعملوها انهم يردوا الجميل لاهلهم وفي الي بيقتطع لهم راتب شهري وفي الي بيعمل لهم مشروع ولو صغير وفي الي بيتكفل بتزويج اخواته كلهم عادي .. كل ده موجود ومشاهد بس لو عملوا كده مكانتش بقت قصة وزي ماانتم عارفين ان الخبر السليم هو حين يعض الرجل الكلب وعشان كده بنقول ان سين مش هيطلع سين ..

بس على فكرة القصة فيها حته مش راكبه شويه ..

لو كان سين شغال في ورشة ميكانيكي في الصيف فمينفعش ابدا انه يشتغل شغله محتاجه بدله وبرفان .. خلاص شغله في الورشه مش هيديله فرصه ( يلقط الموضه ) ومستحيل بعد كده هيطلع شيك في لبسه او يهتم حتى بانه ( يطقم ) حتى لو حاول .. الحكايه دي عرفينها كويس من ايام الكلية وببساطه قارن كده مظهر اي وحده خريجه اداب او تجاره باي طالبه في كلية طب وانت تعرف قصدي .. الناس الي معندهاش وقت تبص في اللبس ايام الكلية خلاص بتطلع كده وتعيش كده طول عمرها الا بعض الاستثناءات طبعا الي لا تنفي القاعده ..

[toota]

فيه مشكلة هنا....ومشكلة بيعاني منها ناس كتير...الا وهي اختلاف المستوى بعد انتهاء التعليم ودخول الابن في مرحلة او مستوى تاني بعيد عن مستواه الاصلي....هو عنده طموح وحابب يبقى حاجة...وشايف حواليه الناس بتبص على المستويات الاقل منهم ازاي..وطالما طموحه وصله انه يجتهد ويتفوق ويبيع امه الغويشتين....يبقى حيكمل طريقه بكل روقان بال ويقولك في عقل باله...ايه الي حيتغير على اهله ماهم ميعرفوش يعني ايه مستوى اعلى ولا شافوا ولا جربوا,...يبقى خليهم زي ماهم ..وبدون اي تغييرات..ويبقى كتر خيره لو رمى لاهله قرشين كل اول شهر...ودمتم...

بس لو حصل الكلام ده...عندي سؤال مهم... هل لو عمل كده فعلا يعتبر ولد عاق ولا بار بأهله؟؟؟؟؟؟؟؟

تم تعديل 9 أغسطس 2009 بواسطة toota