أرجو نصيحتى بالقسمة العادلة وبما يرضى الله عز وجل

[المكافح]

السلام عليكم اخوانى الاعزاء,,,,,,

برجاء اسداء الرأى والمشورة فيما أنا فية ولكم جزيل الثواب

انا امتلك قطعة أرض مساحتها 300 متر بأراضى الاسكان العائلى فى أول طرح لها ولم تكن بالقرعة ولا غيرة وتقع بالتجمع الأول بالقاهرة الجديدة وكنت فيها شريك مع أحد اقارب زوجتى بالمناصفة والذى قام ببيع نصيبة وهى مازالت أرض الى جار لى ملاصق بقطعة الارض وهو مهندس ومقاول ايضا ودة طبعا لأنة لم يكن عندى المقدرة لشراء نصيبة وقتها وقمت بالاتفاق مع هذا الشريك والجار والمقاول ايضا أن يقوم هو بالبناء كمقاول بإعتبارة اقرب للشفعة وهو للحق مشهود لة فى المنطقة بالامانة فى عملة ونظرا لاننى أعمل خارج مصر ومقيم بالدولة التى اعمل بها مع اسرتى فى ذلك الوقت فقد قام بالاتفاق المبدئى معى على تقسيم القطعة بيننا على اساس بدروم وأرضى وأول يعتبر نصيب أحدنا والدور الثانى والثالث والروف نصيب الاخر ونظرا لانة متعجل وانا خارج البلاد وقال لى ان تأخيرى فى المشاركة معة فى البناء سوف يضرة نظرا لأننى لم أكن استطيع البناء وقتها فقال انة سيقوم ببناء البدروم والارضى والاول على نفقتة وسوف اشارك معة فى الاساسات فقط بإعتبارها مشتركة بيننا على ان يأخذ هو البدروم والارضى والاول ويكملهما تشطيب حتى يستفيد منهما وعندما استطيع انا البناء أكمل نصيبى ببناء الدور الثانى والثالث والرووف وكان ذلك منذ سنتين تقريبا وقام ببناء فعلا الاساسات مشاركة والبدروم والارضى والاول كهيكل خرسانى بالاضافة للطوب وقمت انا بعدها ببناء الثانى والثالث هيكل خرسانى فقط ولم استطع الاكمال لعدم وجود سيولة معى

والوضع الان على ما هو علية وسؤالى لحضراتكم هو ما القسمة العادلة فى المبنى هكذا بحيث انة لا ظلم لة ولا لى خصوصا اننى اشعر انة يستغل عدم مقدرتى المالية فى الوقت الحاضر ويفوز بقسمة أكبر من نصيبة ( البدروم والارضى والاول ) حيث انة مرارا وتكرارا يساومنى على بيع نصيبى تارة وعلى أن يبادلنى بشقتين اخرتين بدلا من نصيبى معة فى هذا المبنى والشقتين ببناية أخرى

فما هى القسمة العادلة بيننا حيث اننى لا استطيع ان ابيع لة نصيبى وأقوم بالشراء مرة أخرى لعدم توافر سيولة معى لاستكمال عملية الشراء مرة أخرى والبناء ايضا مرة أخرى

اشيرو ا على ايها الاخوة لاننى لا اقيم فى مصر منذ فترة ولا أعلم اى شيىء عن الوضع العقارى فيها وخصوصا فى التجمع الاول بالقاهرة الجديدة مكان قطعة الارض التى امتلكها بالمشاركة مع ذلك المهندس

[elfakhrany]

فقد قام بالاتفاق المبدئى معى على تقسيم القطعة بيننا على اساس بدروم وأرضى وأول يعتبر نصيب أحدنا والدور الثانى والثالث والروف نصيب الاخر

الإتفــاق سيــد الأخلاق ومن وجهة نظرى أن جارك لم يخلف اتفاقه معك وبالنسبة للقسمة فاعتقد انكم متساويين أما لعدم مقدرتك المادية على إكمال البناء فهذه مشكلتك الشخصية وليس لجارك شأن بها ... وأنت أعلم بظروفك إن كنت تستطيع بإكمال البناء أو بيع نصيبك حسب سعر المنطقة حالياً ..

[ذهبية]

لا اعتقد ان شريك اخلف وعدة معك بالعكس دة صبر عليك و نفذ اتفاقة ويمكن سؤالة المتكرر بالبيع نصيبك دة ناتج من ان حضرتك مؤخر عملية البناء لعدم تزافر السيولة

اعتقد ان حضرتك لو ما معك السيولة الكافية لتكملة البناء انك توافق على المبادلة بالشقتين اللى عرضهم عليك طالما هيعفيك دة من الصرف فى البناء و دة هيوفر عليك جامد فى انك تقدر تشطب كويس

حضرتك احسب اللى صرفتة و سعر السوق فى نصيبك فى العمارة وسعر الشقق اللى قالك عليها كام فىالسوق الان وهل تعادل نصيبك ام لا وبعدها بدل بالشقق الىل قالك عليها

يا اخى رحم الله امرىء عرف قدر نفسة طالما حضرتك حاسس ان السيولة مش هتكمل معاك ومش هتقدر تكمل بناء طيب لو كملت هتقدر تشطب لاحظ ان التشطيب اكتر باضعاف كتيرةةةةةةةة من البناء نفسة

حكم عقلك و شوف الشقق اللى قالك عليها لو مناسبة ليك و مكان لا يقل عن مكان حضرتك يبقى وافق على المبادلة ووفر فلوسك للتشطيب

وهذا راى حسب ما فهمت من كلام حضرتك

[بنت الشاطئ1]

يبدو من كلامك انه اوفى بالاتفاق . لكن هذاا البناء شراكة بينكم فلماذا يعرض عليك عرض كهذا الا وهو بيع نصيبك ..ثم انك بنيت هاتين الشقتين وصممت الرسومات على ذوقك فاكيد اى شقة تشتريها مبنية جاهزة مش هتكون على ذوقك..شئ اخر انك الان قطعت شوط لا باس به فى البناء وعندما يكون معك سيولة ستضعها فى الشوط الثالث الا وهو الروف و..اى ان هناك حافز للادخار ..ويمكنك عند توفر سيولة اخرى ان تشطب احدى الشقق وتاجرها وبفلوس الايجار تبنى الروف وبعدين البناية التى يقترحها عليك ممكن يكون فيها اكتر من جار ولا تضمن كيف سيكون اخلاقهم ..ولكن من باب المجاملة لشريكك ممكن لا تمانع فى ان ترى الشقتين ربما تحبهم اكثر وربما تجد فيهم عيوب لا تستطع احتمالها ولا تنسى الاستخارة

[مغتربة]

بصراحه و بدون زعل

اسوء شيىء فى الدنيا الشراكه فى البناء

حتى لو ما بين اخوات

فما بالك لو اغراب عن بعض

انا بتكلم عن تجربه و ليس من فراغ

حتى لو تمت الامور الان على خير

المشاكل لن تنتهى ابدا

[الباشمهندس ياسر]

استاذنا الفاضل

المسلمون على شروطهم

و حضراتكم اتفقتم خلاص

بصراحه و بدون زعل

اسوء شيىء فى الدنيا الشراكه فى البناء

حتى لو ما بين اخوات

فما بالك لو اغراب عن بعض

انا بتكلم عن تجربه و ليس من فراغ

حتى لو تمت الامور الان على خير

المشاكل لن تنتهى ابدا

فيه مثل جميل اوى ...

رغيف خالص ولا جمل شرك :blush2:

[سهل جدا]

بصراحه و بدون زعل

اسوء شيىء فى الدنيا الشراكه فى البناء

حتى لو ما بين اخوات

فما بالك لو اغراب عن بعض

انا بتكلم عن تجربه و ليس من فراغ

حتى لو تمت الامور الان على خير

المشاكل لن تنتهى ابدا

فيه مثل جميل اوى ...

رغيف خالص ولا جمل شرك :lol:

في مثل أجمل منه بيقول:

مُجبَر أخاك لا بطل :lol:

ما حدّش بيحب الشرك.. إنما الناس بتلجأ له اضطراراً

أنا عندي أرض وما عيش فلوس أبني.. وغيري ما عندوش أرض لكن عنده فلوس

يبقى نحطّ إدينا في إيد بعض ونشارك بعض .. ونتفق على كل كبيرة وصغيرة عشان الشيطان ما يدّخلش

ونتوكّل على الله..

أظن ده أحسن من ركنة الأرض وركنة الفلوس :blush2:

[newcomer]

السلام عليكم اخوانى الاعزاء,,,,,,

برجاء اسداء الرأى والمشورة فيما أنا فية ولكم جزيل الثواب

انا امتلك قطعة أرض مساحتها 300 متر بأراضى الاسكان العائلى فى أول طرح لها ولم تكن بالقرعة ولا غيرة وتقع بالتجمع الأول بالقاهرة الجديدة وكنت فيها شريك مع أحد اقارب زوجتى بالمناصفة والذى قام ببيع نصيبة وهى مازالت أرض الى جار لى ملاصق بقطعة الارض وهو مهندس ومقاول ايضا ودة طبعا لأنة لم يكن عندى المقدرة لشراء نصيبة وقتها وقمت بالاتفاق مع هذا الشريك والجار والمقاول ايضا أن يقوم هو بالبناء كمقاول بإعتبارة اقرب للشفعة وهو للحق مشهود لة فى المنطقة بالامانة فى عملة ونظرا لاننى أعمل خارج مصر ومقيم بالدولة التى اعمل بها مع اسرتى فى ذلك الوقت فقد قام بالاتفاق المبدئى معى على تقسيم القطعة بيننا على اساس بدروم وأرضى وأول يعتبر نصيب أحدنا والدور الثانى والثالث والروف نصيب الاخر ونظرا لانة متعجل وانا خارج البلاد وقال لى ان تأخيرى فى المشاركة معة فى البناء سوف يضرة نظرا لأننى لم أكن استطيع البناء وقتها فقال انة سيقوم ببناء البدروم والارضى والاول على نفقتة وسوف اشارك معة فى الاساسات فقط بإعتبارها مشتركة بيننا على ان يأخذ هو البدروم والارضى والاول ويكملهما تشطيب حتى يستفيد منهما وعندما استطيع انا البناء أكمل نصيبى ببناء الدور الثانى والثالث والرووف وكان ذلك منذ سنتين تقريبا وقام ببناء فعلا الاساسات مشاركة والبدروم والارضى والاول كهيكل خرسانى بالاضافة للطوب وقمت انا بعدها ببناء الثانى والثالث هيكل خرسانى فقط ولم استطع الاكمال لعدم وجود سيولة معى

والوضع الان على ما هو علية وسؤالى لحضراتكم هو ما القسمة العادلة فى المبنى هكذا بحيث انة لا ظلم لة ولا لى خصوصا اننى اشعر انة يستغل عدم مقدرتى المالية فى الوقت الحاضر ويفوز بقسمة أكبر من نصيبة ( البدروم والارضى والاول ) حيث انة مرارا وتكرارا يساومنى على بيع نصيبى تارة وعلى أن يبادلنى بشقتين اخرتين بدلا من نصيبى معة فى هذا المبنى والشقتين ببناية أخرى

فما هى القسمة العادلة بيننا حيث اننى لا استطيع ان ابيع لة نصيبى وأقوم بالشراء مرة أخرى لعدم توافر سيولة معى لاستكمال عملية الشراء مرة أخرى والبناء ايضا مرة أخرى

اشيرو ا على ايها الاخوة لاننى لا اقيم فى مصر منذ فترة ولا أعلم اى شيىء عن الوضع العقارى فيها وخصوصا فى التجمع الاول بالقاهرة الجديدة مكان قطعة الارض التى امتلكها بالمشاركة مع ذلك المهندس

باعتقد ان ما فيش مشكلة اساسا غير احساس حضرتك بانك مستغل

الشريك حضرتك بتوصفة بالأمانة ده غير ان مافيش حاجة فى الاتفاق اتغيرت

غير انه بقى حقيقى .....على ارض الواقع

يعنى لما البناء طلع و بان فوق وش الارض مش على الرسومات و الورق

ابتديت حضرتك تحس انه هو كسبان و انه نصيبه بقى باين وواضح

لكن نصيب حضرتك لسه اعمده خرسانيه

فده خلى حضرتك تحس بانك مستغل !!!

طب لو حضرتك فكرت بشكل تانى هاتلاقى ان الحاصل ده افضل وضع

حد بيبنى لحضرتك بامانة و حضرتك بعيد ....ده غير

ان حضرتك بتقول انك ماكنتش تقدر تتبادل الادوار معاه

يعنى حضرتك ماكنتش تقدر تبنى الادوار اللى هو بناها

..................................

انا شايفة انى يبقى الحال على ماهو عليه(زى الاتفاق يعنى)

و كل واحد ربنا يبارك له فى قسمته

و ان شاء الله ربنا هايرزق حضرتك و تكمل البناء و التشطيب

[المكافح]

أشكر كل الاخوة والاخوات الافاضل الذين تفاعلوا معى وقامو مشكورين بمحاولة مساعدتى فى مشكلتى ولهم جزيل الشكر والعرفان

لكننى يا احبائى الكرام احب أن اوضح لكم اننا حين اتفقنا لم يكن لدى خيار أخر حيث أن شريكى هذا كان يريد البناء والاستثمار فيما بنة وقال لى اننى بذلك سو اضرة لعدم مقدرتى على مشاركتة بناء كامل المبنى وبناءا على ذلك اتفقنا شفويا على هذة القسمة حتى لا أضرة ولكننى وبعد مرور ثلاث سنوات على ذلك الاتفاق وما زال شريكى على نفس الوضع الاول وهو بناء العظم وتقفيلة بالطوب فقط وهنا صار الشك فى قلبى من ناحيتة فهو كان متعجلا فى البناء والتشطيب حتى يستثمر اموالة والان الوضع على ما هو علية منذ 3 سنوات فلماذا ضغط على ودفعنى لهذا الاتفاق ؟

مع العلم ان سعر متر البدروم يفوق سعر متر الرووف حيث أن الرووف هذا مجرد حجرة للغسيل والباقى سطح منافع وخدمات .

ومن هنا صار الشك فى قلبى ولم يزغلل المبنى عينى بعدما تم بناؤة حسب ما قال احد الافاضل فأنا لم اشاهد المبنى من اساسة منذ ان كان أرضا وحتى تاريخة

وانا ياأحبائى الكرام اسأل بصفة عامة ما هى القسمة العادلة فى شراكة مبنى بهذة المواصفات بغض النظر عن الظروف المحيطة بة والتى ذكرتها لكم أعلاة للتوضيح ؟

الرجاء مشاركتى تفكيرى لاننى والذى نفسى بيدة لا أريد ظلما لة وأيضا لا أريدة أن يظلمنى

وجزاكم اللة عنى خيراً

[ahmedmohamed]

مع العلم ان سعر متر البدروم يفوق سعر متر الرووف حيث أن الرووف هذا مجرد حجرة للغسيل والباقى سطح منافع وخدمات .

ومن هنا صار الشك فى قلبى ولم يزغلل المبنى عينى بعدما تم بناؤة حسب ما قال احد الافاضل فأنا لم اشاهد المبنى من اساسة منذ ان كان أرضا وحتى تاريخة

وانا ياأحبائى الكرام اسأل بصفة عامة ما هى القسمة العادلة فى شراكة مبنى بهذة المواصفات بغض النظر عن الظروف المحيطة بة والتى ذكرتها لكم أعلاة للتوضيح ؟

الرجاء مشاركتى تفكيرى لاننى والذى نفسى بيدة لا أريد ظلما لة وأيضا لا أريدة أن يظلمنى

وجزاكم اللة عنى خيراً

مع احترامى ليك لكن هو عرض عليك حاجة وانت وافقت

كون ده كان صح ولا لا فانت وافقت

خلى بالك كمان ان هو اللى بيبنى بنفسه يعنى عمل مجهود اكبر منك بكتير فى الترخيص والرسوم وبنا الاساسات والمتابعة ودى اهم حاجة فى بنا البيت لكن الطلوع بالدور الثانى والتالت اقل مجهودا

واخيراً طيب مهو اكيد سعر المتر فى الاول ارخص من سعر المتر بتاع الشقق بتاعتك يبقى الموضوع شبه متعادل

وفى الاخر العقد شريعة المتعاقدين يعنى مدام اتفقت خلاص

[gopy]

أشكر كل الاخوة والاخوات الافاضل الذين تفاعلوا معى وقامو مشكورين بمحاولة مساعدتى فى مشكلتى ولهم جزيل الشكر والعرفان

لكننى يا احبائى الكرام احب أن اوضح لكم اننا حين اتفقنا لم يكن لدى خيار أخر حيث أن شريكى هذا كان يريد البناء والاستثمار فيما بنة وقال لى اننى بذلك سو اضرة لعدم مقدرتى على مشاركتة بناء كامل المبنى وبناءا على ذلك اتفقنا شفويا على هذة القسمة حتى لا أضرة ولكننى وبعد مرور ثلاث سنوات على ذلك الاتفاق وما زال شريكى على نفس الوضع الاول وهو بناء العظم وتقفيلة بالطوب فقط وهنا صار الشك فى قلبى من ناحيتة فهو كان متعجلا فى البناء والتشطيب حتى يستثمر اموالة والان الوضع على ما هو علية منذ 3 سنوات فلماذا ضغط على ودفعنى لهذا الاتفاق ؟

مع العلم ان سعر متر البدروم يفوق سعر متر الرووف حيث أن الرووف هذا مجرد حجرة للغسيل والباقى سطح منافع وخدمات .

ومن هنا صار الشك فى قلبى ولم يزغلل المبنى عينى بعدما تم بناؤة حسب ما قال احد الافاضل فأنا لم اشاهد المبنى من اساسة منذ ان كان أرضا وحتى تاريخة

وانا ياأحبائى الكرام اسأل بصفة عامة ما هى القسمة العادلة فى شراكة مبنى بهذة المواصفات بغض النظر عن الظروف المحيطة بة والتى ذكرتها لكم أعلاة للتوضيح ؟

الرجاء مشاركتى تفكيرى لاننى والذى نفسى بيدة لا أريد ظلما لة وأيضا لا أريدة أن يظلمنى

وجزاكم اللة عنى خيراً

المشكلة ممكن يكون ليها أكتر من حل عادل

أسهلهم أنك تلتزم بما أتفقت عليه و أهو انت فى النهاية كسبت دورين و الروف فإنت مش خسران ولو هو كسبان أكتر فده طبيعى لآنه بذل جهد أكبر و صرف أكتر وده له تمن

الحل التانى انكم تعيدوا القسمة فيما يخص البدروم و الروف فانت تاخد جزء من البدروم وهو ياخد جزء من الروف (وهو ما يفعله الشركاء عادة بس بيكون الأتفاق من البداية على كده)

وممكن لو هو جاهز بالمصاريفالازمة لأستكمال المبانى تحاول انت تاخد قرض مبانى وتكمل البناء وتسدد بالتقسيط للممول (وفى بنوك كتير و شركات بترحب بالنظام ده فى مصر) فده حل ممكن لمشكلة السيوله

[عطر الجنة]

اخى المكافح

الانسان كده دائما ينظر الى ما بيد اخيه ولا ينظر لما بيده

اولا انت فى البداية لم تكن تملك مالا و قد خيرك الرجل

وهو غير مسئول عن ظروفك

و لو جئنا لارض الواقع فسعر متر شقق الاول اعلى من سعر متر شقق الارضى

و غرف السطح فيتم تقفيلها لتصبح شقة بتراس كبير يقوم صاحبها بتحويله الى حديقة علوية فيما بعد

ولا تنسى انه قام بمجهود الاساسات وحده و حضرتك دفعت نصيبك فقط

فلا تطمع

حتى يعينك الله على تكملة مبناك

[ذهبية]

انا شايفة ان القسمة عادلة و كفاية علية المجهود و التعب لان بجد المبانى متعبة جدااااااااااااا يعنى حضرتك اترحمت بجد و كفاية انك شوفت البيت بيعلى من غير ما تجرى وراء التصاريح و المقاولين

يااخى العقد شريعة المتعاقدين انت اتفقت من البداية

و بعدين موضوع ااقل و اكتر دة رزق من عند الله هو ممكن يبيع رخيص و انت ربنا يرزقك باغلى منة و العكس

سيبها لله يا اخى القسمة عادلة و كفاية انة رحمك من المجهود وانت فى الغربة

و على فكرة انت لو كنت مع حد تانى غيرة كان حاسبك على مجهودة الىل هو الاشراف و على فكرة دة بيحصل مع اى حد بيبنى لان الاشراف متعب جدا

[الباشمهندس ياسر]

وانا ياأحبائى الكرام اسأل بصفة عامة ما هى القسمة العادلة فى شراكة مبنى بهذة المواصفات بغض النظر عن الظروف المحيطة بة والتى ذكرتها لكم أعلاة للتوضيح ؟

الرجاء مشاركتى تفكيرى لاننى والذى نفسى بيدة لا أريد ظلما لة وأيضا لا أريدة أن يظلمنى

وجزاكم الله عنى خيراً

أخى الكريم

أجيبك من واقع تجارب عملية فى مسألة المشاركة

اولا : تحديد سعر الاض تحديدا تاما وقت الاتفاق ( اليوم اللى نوينا و اتفقنا اننا هنعمل المشاكة دى )

ثانيا : تحديد تقريبى لتكاليف عملية البناء كاملة على ضوء التكاليف الاجمالية

ثالثا : عمل نسبة و تناسب بين القيمتين ..

و دائما ما خرجت النتائج كالتالى

50% لكلا الطرفين

30% للمالك و 70% للمقاول

40% للمالك و 60% للمقاول

يلاحظ ان الدو الارضى أيضا مناصفة فى حالة العمارات

************************************

الكلام اللى فات لان عندى حوالى 4 مقاولين ف العائلة

تحياتى

تم تعديل 12 أغسطس 2009 بواسطة الباشمهندس ياسر

[بنت الشاطئ1]

نعم الاتفاق تم,, طيب ليه الطرف التانى بيشير عليه للبيع

[المكافح]

الشكر وكل الشكر لجميع الاخوة والاخوات الذين شاركونى تفكيرى وقاموا بالرد على تساؤلاتى وهذا ليس بغريب ولا مستبعد عن منتدانا الرائع وأهلة الكرام

ولكن ما أريد توضيحة لبعض الأخوة ان شريكى هذا مهندس ومقاول وانة لم يقم بعملية البناء مجاناً بل تعامل معى كأنة مقاول خارجى وتم الاتفاق معة على البناء مونة وأجرة فى الاساسات والدور الثانى والثالث مصنعيات فقط وكان هناك ايضا من يتابعة فى الاعمال مرحلة بمرحلة

وأخذ حقة تالت ومتلت كمان يعنى مقاولة عادية جداً كأنى جبت مقاول أخر من برة .

ولكن ما يثير شكى اصراة الشديد على مبادلتى نصيبى بشقق أخرى او شراء نصيبى ( يعنى بالبلدى كدة عاوز ياخدها خالصة مخلصة ويطلعنى منها )

شكراً لتفاعلكم معى وجزاكم الله كل الخير ،،،،،،،،