بدور على فيلم

[الحازم حسن]

من اهم هواياتي هي جمع الأفلام الأجنبية وتحميلها عن طريق التورنت

شفت فيلم روعة من حوالي سنتين على الMBC2 لكن المشكلة اني مش فاكر اسمه

الفيلم من أفلام الحرب العالمية التانية وموضوعه الرئيسي كان عن حرب الغواصات كانت العملية المكلفة بيها المجموعة انهم يعترضوا طريق غواصة ألمانية قديمة متهالكة ويوهموا طاقهما انهم من الالمان وجايين عشان يساعدوهم في تصليح الغواصة والهدف كان سرقة جهاز تشفير الاتصالات الالماني " أنجيما " لفك شفرات الرسائل الحربية الألمانية وترجمتها وبعد كده يقتلوا الطاقم ويغرقوا الغواصة كانت اهم نقطة في الموضوع ان القيادة الالمانية أو أي سفينة ألمانية قريبة متكتشفش أو تعرف اي شيء لانهم لو عرفوا حيغيروا نظام اتصالاتهم

وبالفعل رفعوا العلم النازي على غواصتهم ولبسوا اليونيفورم الالماني واقتربوا من الألمان وخلوا واحد منهم بيتكلم ألماني كويس يتكلم عنهم قبل الهجوم بثواني اكتشف الالمان اللعبة وحاولوا يغطسوا بالغواصة لن مقدروش وبالفعل تم احتلال الغواصة وسرقة الجهاز وفي الوقت اللي تم فيه سرقة الأنجيما والسيطرة على الغواصة وتلغيمها بالديناميت عشان يغرقوها اصاب غواصتهم الرئيسية طوربيد الماني من غواصة المانية اكتشفت الخدعة

نزل اللي فضلوا احياء من الطاقم للغواصة الالمانية وشالوا الالغام واصبحت سلاحهم الوحيد في مواجهة الغواصة الالمانية وبقت المهمة هي القضاء على الغواصة المعادية

وبعد كده بيقابلوا في طريقهم طيارة ومدمرة المانية وبتواجههم صعوبات كتيرة جدا لان الغواصة اللي معاهم متهالكة وفيها مشاكل في اطلاق الطوربيد بالاضافة لجاسوس الماني كان معاهم في نفس الغواصة

لكن في النهاية بينجحوا في تدمير السفينة الحربية بعد معركة رهيبة وبيضطروا لاخلاء الغواصة لانها كانت بتغرق ركبوا قارب مطاطي في وسط المحيط وبياخدوا معاهم جثة واحد منهم غرق وهوه بيحاول يطلق الطوربيد.

الفيلم اسمه من اسم الغواصة الألمانية وعلى ما أعتقد يبدأ بحرف U ومن بعده رقم ... لن مش أكيد

فإلى أصحاب القلوب الرحيمة من نقاد المنتدى ممكن تقولوا لنا اسم الفيلم بس ايه وسيبوا الروابط عليا

تم تعديل 11 أغسطس 2009 بواسطة الحازم حسن

[Shehab]

[الحازم حسن]

مووووووووواه

[doha]

يانهاااااار ده انا كنت فاكره محدش ( يطيق ) يشوف افلام من النوع ده يقوم يطلع لها ( عشاق ) كمان ..

ده انا لو بقلب بالصدفة ولقيت فيلم حربي متحملش منه ثلاث دقائق على بعض واقلب تاني على طول .. بصراحه احسدكم ماشاءالله على القدره الخارقة دي على مشاهده افلام ضرب وقتل وحرقة اعصاب لاه وبتستمتعوا بيها كمان ..

الفيلم العسكري الوحيد الي قدرت اشوفه ومقدرتش اني اقلب وتابعته للنهايه هو ( كل شيء هاديء على الجبهة الشرقية ) فيما عدا ذلك .. مستحيل .. اتز ايمبوسيبول .. افلام حربية نو .. افلام حربية يوك . يوك .. يوك

[Ahmed Unknown]

يانهاااااار ده انا كنت فاكره محدش ( يطيق ) يشوف افلام من النوع ده يقوم يطلع لها ( عشاق ) كمان ..

ده انا لو بقلب بالصدفة ولقيت فيلم حربي متحملش منه ثلاث دقائق على بعض واقلب تاني على طول .. بصراحه احسدكم ماشاءالله على القدره الخارقة دي على مشاهده افلام ضرب وقتل وحرقة اعصاب لاه وبتستمتعوا بيها كمان ..

الفيلم العسكري الوحيد الي قدرت اشوفه ومقدرتش اني اقلب وتابعته للنهايه هو ( كل شيء هاديء على الجبهة الشرقية ) فيما عدا ذلك .. مستحيل .. اتز ايمبوسيبول .. افلام حربية نو .. افلام حربية يوك . يوك .. يوك

انا كمان مبحبش افلام الحرب اوى و بالذات الغواصات :happy:

بس فيه افلام رائعة متتفوتش و الواحد كل اما تيجى لازم يشوفها زى

Tears of the sun

Saving private Rayan

Behind enemy lines

Pearl Harobor

جربيها و مش هتندمى :unsure:

[doha]

انا مدمنة توم هانكس ومع ذلك مستحيل اشوف فيلم سيفينج رايان ولا بفكر حتى ..

قلت لك . . افلام حربيه يووووووووك

[واحد تاني]

انا كمان مبحبش افلام الحرب اوى و بالذات الغواصات :happy:

بس فيه افلام رائعة متتفوتش و الواحد كل اما تيجى لازم يشوفها زى

Tears of the sun

Saving private Rayan

Behind enemy lines

Pearl Harobor

جربيها و مش هتندمى :unsure:

ودول كمان :happy:

A Few Good Men

Men of Honor

[الحازم حسن]

يانهاااااار ده انا كنت فاكره محدش ( يطيق ) يشوف افلام من النوع ده يقوم يطلع لها ( عشاق ) كمان ..

الأفلام الحربية هي أفضل أفلام ممكن ان الواحد يتابعها لضخامة انتاجها وقوة الموضوع

حرب يعني تضحية

وهي أقوى أنواع التضحيات اللي عرفها البشر

لو بصيتوا على بوستر الفيلم حتلاقوا مكتوب " تسعة رجال على وشك تغيير مجرى التاريخ "

ده انا لو بقلب بالصدفة ولقيت فيلم حربي متحملش منه ثلاث دقائق على بعض واقلب تاني على طول .. بصراحه احسدكم ماشاءالله على القدره الخارقة دي على مشاهده افلام ضرب وقتل وحرقة اعصاب لاه وبتستمتعوا بيها كمان ..

طبعا نستمتع ايه المانع ؟؟

وبتحسدينا مرة على قدرة المشاهدة يبقى لازم تحسدي جنود المعركة الحقيقيين كادريليون مرة (الكادريليون = تريليار تريليار)

أنصح بمتابعة الفيلم ده

من أقوى أفلام الحرب العالمية الثانية حتشوفي انتاج ضخم معاناة البشر و التضحيات لدرجة ان صديق القناص (على شمال الصورة) بيضحي بنفسه في الآخر عشان يكشف مكان القناص الألماني

وحتشوفي كمان مشاهد في منتهى الهدوء والدفء

ولا انتوا ناس مينفعش معاكم غير عادل إمام :unsure:

الفيلم العسكري الوحيد الي قدرت اشوفه ومقدرتش اني اقلب وتابعته للنهايه هو ( كل شيء هاديء على الجبهة الشرقية ) فيما عدا ذلك .. مستحيل .. اتز ايمبوسيبول .. افلام حربية نو .. افلام حربية يوك . يوك .. يوك

سبحان الله ولا حول ولا قوة الا بالله

الفيلم الوحيد اللي مش بطيقه :happy:

طويل جداً .. ممل جداً .. انتاجه ضعيف

وان كانت قصته جميلة

أذواق

تم تعديل 11 أغسطس 2009 بواسطة الحازم حسن

[Ahmed Unknown]

وبتحسدينا مرة على قدرة المشاهدة يبقى لازم تحسدي جنود المعركة الحقيقيين كادريليون مرة (الكادريليون = تريليار تريليار)

زى ما بيقولوا فى المثل العربى الشهير "كمن عرف الماء بالماء" :unsure: :happy: :ninja:

و يطلع ايه الترليار ده كمان؟

يعنى جنبه كام صفر م الاخر كده :blink: :happy:

تم تعديل 11 أغسطس 2009 بواسطة Ahmed Unknown

[الحازم حسن]

انا كمان مبحبش افلام الحرب اوى و بالذات الغواصات :happy:

يعني الفيلم ده وحش

[الحازم حسن]

وبتحسدينا مرة على قدرة المشاهدة يبقى لازم تحسدي جنود المعركة الحقيقيين كادريليون مرة (الكادريليون = تريليار تريليار)

زى ما بيقولوا فى المثل العربى الشهير "كمن عرف الماء بالماء" :unsure: :happy: :ninja:

و يطلع ايه الترليار ده كمان؟

يعنى جنبه كام صفر م الاخر كده :blink: :happy:

دي شتيمة دي ولا ايه !! مش فاهم

عموما الكادريليون مفيش قدامه أصفار (لأن الورقة مش حتكفي)

[النجم الثاقب]

يا حاج حازم بما انك راجل غاوى تجميع افلام اجنبية .. متقدرش تدلنى على لينكات لفيلم Syriana و لو حتى بدون ترجمة .. انا طلبت الفيلم ده فى أحد المنتديات و الحمدلله رفعولى الفيلم بس و انا بفك الضغط فى خطأ .. المهم بطريقة ما قدرت افك الضغط لكن الفيلم بيقف فى نصه تقريبا و نفسى اكمله .. لو تقدر تخدمنى فى الموضوع ده يبقى جزاك الله خير .. و لو مقدرتش يبقى جزاك الله خير برضه

[الحازم حسن]

يا حاج حازم بما انك راجل غاوى تجميع افلام اجنبية .. متقدرش تدلنى على لينكات لفيلم Syriana و لو حتى بدون ترجمة .. انا طلبت الفيلم ده فى أحد المنتديات و الحمدلله رفعولى الفيلم بس و انا بفك الضغط فى خطأ .. المهم بطريقة ما قدرت افك الضغط لكن الفيلم بيقف فى نصه تقريبا و نفسى اكمله .. لو تقدر تخدمنى فى الموضوع ده يبقى جزاك الله خير .. و لو مقدرتش يبقى جزاك الله خير برضه

اتفضل رابط التورنت في المرفقات بس الفيلم من غير ترجمة فعلا

لازم يكون عندك برنامج لتحميل التورنت زي ده

انا بتعمد متابعة الافلام من غير ترجمة عشان نتقن اللغة الانجليزية

مشاهدة ممتعة

[الحازم حسن]

عملية إرفاق الملف فشلت , الرجاء مراسلة الإدارة العامة وإعلامها بفشل إرفاق الملف ؟؟

خد الرابط وحمل منه

[elfakhrany]

يا حاج حازم بما انك راجل غاوى تجميع افلام اجنبية .. متقدرش تدلنى على لينكات لفيلم Syriana و لو حتى بدون ترجمة .. انا طلبت الفيلم ده فى أحد المنتديات و الحمدلله رفعولى الفيلم بس و انا بفك الضغط فى خطأ .. المهم بطريقة ما قدرت افك الضغط لكن الفيلم بيقف فى نصه تقريبا و نفسى اكمله .. لو تقدر تخدمنى فى الموضوع ده يبقى جزاك الله خير .. و لو مقدرتش يبقى جزاك الله خير برضه

فعلاً فيلم سريانا من الأفلام الجيدة عن المخابرات فى الشرق الأوسط

أتفضل نسخة مترجمة بمساحة 272 ميجا مقسمة على ثلاث روابط سريعة

الرابط الأول

الرابط الثانى

الرابط الثالث

[النجم الثاقب]

يا حاج حازم بما انك راجل غاوى تجميع افلام اجنبية .. متقدرش تدلنى على لينكات لفيلم Syriana و لو حتى بدون ترجمة .. انا طلبت الفيلم ده فى أحد المنتديات و الحمدلله رفعولى الفيلم بس و انا بفك الضغط فى خطأ .. المهم بطريقة ما قدرت افك الضغط لكن الفيلم بيقف فى نصه تقريبا و نفسى اكمله .. لو تقدر تخدمنى فى الموضوع ده يبقى جزاك الله خير .. و لو مقدرتش يبقى جزاك الله خير برضه

اتفضل رابط التورنت في المرفقات بس الفيلم من غير ترجمة فعلا

لازم يكون عندك برنامج لتحميل التورنت زي ده

انا بتعمد متابعة الافلام من غير ترجمة عشان نتقن اللغة الانجليزية

مشاهدة ممتعة

يا ريس دونت وورى .. يعنى لا تكلك بس بالإنجليزى :) .. برامج التورنت موجودة و كله فى التمام

عملية إرفاق الملف فشلت , الرجاء مراسلة الإدارة العامة وإعلامها بفشل إرفاق الملف ؟؟

خد الرابط وحمل منه

الف شكر يا باشا wst:: .. متنساش تراسل الإدارة بقى :rolleyes:

يا حاج حازم بما انك راجل غاوى تجميع افلام اجنبية .. متقدرش تدلنى على لينكات لفيلم Syriana و لو حتى بدون ترجمة .. انا طلبت الفيلم ده فى أحد المنتديات و الحمدلله رفعولى الفيلم بس و انا بفك الضغط فى خطأ .. المهم بطريقة ما قدرت افك الضغط لكن الفيلم بيقف فى نصه تقريبا و نفسى اكمله .. لو تقدر تخدمنى فى الموضوع ده يبقى جزاك الله خير .. و لو مقدرتش يبقى جزاك الله خير برضه

فعلاً فيلم سريانا من الأفلام الجيدة عن المخابرات فى الشرق الأوسط

أتفضل نسخة مترجمة بمساحة 272 ميجا مقسمة على ثلاث روابط سريعة

الرابط الأول

الرابط الثانى

الرابط الثالث

مهى هى دى النسخة اللى اترفعتلى لما طلبت الفيلم يا ريس :happy: .. لو بصيت على ردود الاعضاء هتلاقى أكتر من واحد بيشتكى من الخطأ فى عملية فك الضغط و منهم أنا

على العموم تشكر و نردهالك فى الأفراح إن شاء الله

[عاشق الترحال]

السلام عليكم يا أخواننا وأخواتنا الكرام

كل سنه وأنتم طيبين بمناسبه حلول شهر رمضان المبارك أعاد الله علينا وعليكم بالخير واليمن والبركات .

من حوالي 5 أو 6 سنوات أتفرجت على فيلم أجنبي تدور أحداثه حول رجل تقوم أسرته وأصدقائه بالإتفاق مع شركه دعايه للألعاب والمقالب السخيفه بعمل خدعه ومقلب سخيف فيه بمناسبة عيد ميلاده.

فيستيقظ صباح يوم عيد ميلاده ليفاجأ بأشخاص يطاردونه ويحاولون قتله ويطلقون عليه الرصاص من أسلحه رشاشه ثم تظهر له أحد الفتيات لتنقذه وتكون له بمثابة الملاذ الآمن وتتوالى الأحداث ليحاول الجميع إقناعه بأنه ليس هو حيث أنه يذهب لبيته ليجد مفاتيح الأبواب لا تعمل فيضرب الجرس ليجد أشخاص آخرون يفتحون له الباب ويفاجأ بأنهم يقيمون في بيته ويسألونه من هو وماذا يريد وهكذا ثم يجد أن بطاقة الفيزا الخاصه به أيضا لا تعمل ومكتب العمل به أشخاص آخرون على غير المعتاد !!!!!!!!

وتتوالى الأحداث في قالب من الأكشن والإثاره لدرجة أنه يفقد الثقه فى الجميع إلا هذه الفتاه ثم في نهاية الفيلم يصعد لسطح مبنى شاهق الإرتفاع جراء مطاردة العصابه له تحاول قتله ويغلق الباب وفي يده مسدس وليس هناك أى طريق للهروب من هذه العصابه سوى أن يقفز من أعلى المبنى أو أن يطلق النار على من يفتح الباب وفي هذه الأثناء يقوم أخوه بفتح الباب وليست العصابه ليطلق النار على أخوه الذي يخبره بأن كل هذا كان دعابه مما يضطر هذا الشخص للإنتحار بالقفز من أعلى المبني ظناَ منه أنه قتل أخيه ليسقط ويحطم بعض الزجاج وحين يسقط يجد نفسه فوق مرتبه هوائيه معده خصيصا له بالأسفل ويجد حفله فى الدور الأرضي معده خصيصا له والجميع بإنتظاره ويصفقون بحراره له ويضحكون ثم يخبرونه بأن هذا كله كان بترتيب مع هذه الشركه وأن الفتاه التى وثق بها والعصابه وكل هذا كان من ترتيب الشركه حتى أخوه الذي أطلق عليه النار بأعلى المبنى وكل هذه الأحداث كانت نتيجة هذه اللعبه التى أعدت خصيصا بمناسبة عيد ميلاده .

أتذكر أن إسم الفيلم كان ( THE GAME ) ولكن كلما بحثت عنه لا أجده

رجاء من الأخوه بالمحاورات اللي عنده رابط للفيلم يقولي عليه وشكرا

[النجم الثاقب]

السلام عليكم يا أخواننا وأخواتنا الكرام

كل سنه وأنتم طيبين بمناسبه حلول شهر رمضان المبارك أعاد الله علينا وعليكم بالخير واليمن والبركات .

أتذكر أن إسم الفيلم كان ( THE GAME ) ولكن كلما بحثت عنه لا أجده

رجاء من الأخوه بالمحاورات اللي عنده رابط للفيلم يقولي عليه وشكرا

عليكم السلام و رحمة الله و بركاته .. كل سنه و حضرتك طيب

بالنسبة للفيلم أنا شوفته قبل كد .. بطولة مايكل دوجلاس .. و الحقيقة اللعبة اللى اتعملت عليه فعلا سخيفة .. لو لقيت لفظ يوصفها اكتر من كده عشر مرات هكتبه بس مفيش حاجة حاضرة فى ذهنى دلوقتى .

إن شاء الله لو لقيت رابط للفيلم هجيبه لحضرتك .

[doha]

على فكره بخصوص ترجمه الافلام عادي ممكن تحمل نسخه غير مترجمه من اي حته وتجيب لها الترجمه جاهزه من على النت .. اقولكم ازاي..

هتعمل الاول داونلود للملف من التورينت وبعدين هتروح جوجل وتعمل في خانة البحث ترجمه وتحط معاها اسم الملف الي انت عملت له دانلود ..

هيطلع لك ميت موقع بيقدم ملفات ترجمه جاهزه ..

هتروح تعمل داونلود لاي ملف منهم والي اسمه مطابق لاسم الفيلم وتاكد انه هو بالظبط يعني لو الملف ديفيدي ريب يبقى دانولود ملف الترجمه الي بنفس الاسم

حجم ملف الترجمه بيكون صغير جدا بينزل في ثواني ..

حط ملف الترجمه مع نفس ملف الفيلم في فولدر واحد وتأكد ان الاثنين لهم نفس الاسم ..

عادي هتشغل الفيلم بعد كده هتلاقي الترجمه شغاله معاه آخر حلاوة ..

بس في بعض مشغلات الافلام لا تعترف بالترجمه وبعضها بيظهرها عادي ..