زيادة في فواتير المحمول

[Guest Mohd Gramoun]

بسم الله الرحمن الرحيم...

لن أعلق فقد ارتفع ضغطي بعد قرآة الموضوع بجريدة الجمهورية 1/12/2003

انتهت وزارة المالية من اعداد مشروع قانون بفرض رسم تنمية موارد علي فواتير التليفونات المحمولة بشركتي موبينيل وفودافون..يفرض التشريع الجديد رسم تنمية الموارد بنسبة 10% علي قيمة المكالمات بالمحمول سواء المحلية أو الدولية وكذلك الرسائل الصوتية أو المقروءة من محمول لآخر.

http://www.algomhuria.net.eg/algomhuria/to...ge/detail08.asp

[Lighthouse]

:rolleyes: :rolleyes: :rolleyes:

مش كفاية الخدمة اللى زي الزفت وكل شوية يقولوا عاصفة شمسية

كمان زيادة في الفواتير

الواحد يرمي المحمول بقى ويشتري اعصابه

حاجة تحرق الدم

[Guest Mohd Gramoun]

مش كفاية الخدمة اللى زي الزفت وكل شوية يقولوا عاصفة شمسية

أيه حكاية العاصفة الشمسية دي؟؟؟

بصراحة انا أستخدمت خط من شركة موبينيل خلال فترة قصيرة و عندما حاولت الإتصال بأحد الاصدقاء و كان بعد صلاة التراويح... يرد علي شخص آخر فأعتذرت له ...وإعتقدت أن الرقم خطأ....ثم كررت المحاولة 4 مرات و في كل مرة شخص جديد يرد علي !!!!

فذهبت لبقالة و اشتريت كارت تليفون ثايت و أتصلت من الكابينة عشان اريح نفسي من موبينيل و من أم نبيل......

[فــيــروز]

الحقيقه من زمان نفسى اقترح حمله لمقاطعة استخدام المحمول يوم واحد كل شهر لو اصروا على اصدار مثل هذه القوانين المجحفه

وفكرت استشير الناس هنا قبل ان اطلق حملتى المضاده ولا خاب من استشار :rolleyes:

[Lighthouse]

العاصفة الشمسية دي حركة غريبة كده حصلت في بادية رمضان

الخطوط وقعت من كتر الضغط على الشبكة :rolleyes:

وقالوا عاصفة شمسية

قلنا ماشي :rolleyes:

يوم الوقفة اتكررت المشكلة لدرجة انك تبعت رسالة لحد ياتوصل ياماتوصلش ويجيلك تقرير انها اتبعتت وكله تمام

ويتضح ان حتى الرسايل مش بتوصل

وقالوا برضه عاصفة شمسية

مش عارفة ليه العواصف بتختار المناسبات علشان تصيبنا فيها :rolleyes:

[Lighthouse]

الحقيقه من زمان نفسى اقترح حمله لمقاطعة استخدام المحمول يوم واحد كل شهر لو اصروا على اصدار مثل هذه القوانين المجحفه

وفكرت استشير الناس هنا قبل ان اطلق حملتى المضاده ولا خاب من استشار  :rolleyes:

دشني الحملة وانا موافقة معاكي

نفسي اقاطعه خالص :rolleyes:

[Guest Mohd Gramoun]

فكرة المقاطعة لهدف معين ...فكرة جيدة... إذا كان الهدف هو توجيه رسالة للدولة برفع يدها عن المواطن و أن تكف عن فرض رسوم من حين لآخر عليه هي أشبه بالإتاوات...

و من ناحية اخري رسالة تحذير للشركات للنهوض بمستوي الخدمةو تقليل النصب و السرقة التي يتعرض لها المواطن المصري....

في مصر و أعتقد أنه في مصر فقط تحدث يوميا حالة سرقة جماعية لمئات الألوف من مشتركي شبكتي المحمول ....فتقوم شركتي المحمول بحماية من الشركة المصرية للإتصالات بمحاسبة المشترك علي كسر الدقيقة بإعتباره دقيقة كاملة و لنا أن نتخيل كم من الملايين تسرقها الشركتين و معهم الشركة المصرية للإتصالات من المواطنين يوميا... لا بل كل دقيقة....

و رجوعا للمقاطعة فليس من الضروري أن يكون يوما بالشهر فمن الممكن أن إنتقاء الوقت الامثل لإطفاء الموبيل يوميا ...فمثلا صاحب الاعمال المكتبية يغلق جهازة فترة تواجده بالعمل اما من يعملون خارج المكاتب ..فمن الممكن أن يغلقوا أجهزتهم بعد الذهاب للبيت وهكذا ....فيكونوا قد ضربوا أكثر من عصفور بحجر واحد... تقليل التكاليف... حماية صحية....تخفيض السرقات الحكومية و سرقات شركات الإتصال لأموال الشعب....

تم تعديل 1 ديسمبر 2003 بواسطة mgramoun