شفلنا معاك عقد عمل في الخليج؟

[ozoozo]

انا بقالي في السعوديه حوالي سنه

عندي حوالي 15 طلب من معارفي واقاربي وتوصيات اني ادور ليهم علي شغل هنا

مؤهلاتهم مختلفه من اول هندسه الي دبلوم صنايع

والكلمه الي علي لسانهم شفلنا اي شغل معاك حتي لو سواقين

المشكله ان معظمهم معلق امال كبيره عليا

والمشكله الاكبر انهم مش فاهمين طبيعه شغلي والشركه اللي انا فيها اكيد مختلفه عن مؤهلاتهم المختلفه

وانهم هنا بيستسهلو ويجيبو بتوع الفيز الحره اسهل مايجيبو حد من مصر

ولو شرحت لاي حد ازاي يبحث عن وظيفه من النت او الجرايد-زي ماجاتلي- بيتهمني اني بتهرب منه ومش عايز ادورله اشغله

المشكله انهم معتقدين اني شغال وزير العمل هنا,وكله بيتودد ليا حتي اللي ماكانش ليا علاقه به

ودلوقتي انا نازل اجازتي السنويه ,وفعلا مكسوف ومحرج من الناس دي كلها

وفعلا مش عارف افمهم ازاي ان الموضوع مش بالسهوله دي

فالي اخواني اللي سبقوني في الغربه

ياريت تقولولي انتم بتتخلصو من المواقف دي ازاي

من غير ماتجرحوا حد ولا تحرجو نفسك

وازاي بتجاوبوا علي السؤال ده

شفلنا معاك عقد عمل في الخليج؟

[سهل جدا]

والله يا أستاذ أوزوزو انت لمست موضوع حسّاس جداً أكثرنا بيعاني منّه..

هاقول سعادتك أنا بعمل إيه ..

الناس في مصر فكرة إن هنا جنّة

فعشان كده بيطلبوا عقد للعمل في السعودية

فأنا أول حاجة بعملها معاهم إني أوضح لهم إن هنا مش جنّة ولا حاجة

وأبدأ أذكرلهم السلبيات الموجودة (بدون مبالغات)

بداية من نظام العبودية (أقصد الكفالة) والسعودة وصعوبة الاستقدام .. نهاية بغلاء المعيشة و......

وتاني حاجة بشرحلهم إن التأشيرات بقت أصعب ما يكون في السعودية .. وغن سعرها وصل إلى 15 ألف ريال .. يعني أكثر من 20 الف جنيه مصري

وبعد كده بذكر لهم نماذج ناجحة عملت نفسها في مصر من الصفر..

وإن أغلب مليونيرات مصر الحاليين .. جمّعوا ثرواتهم من داخل مصر , وليس من الغربة ...

وبختم كلامي بإنه لأسوأ الظروف.. لو الواحد دخله في مصر ألف وخمسمائة جنيه أحسن له من خمس تلاف جنيه في الغربة ..

[ozoozo]

والله يا أستاذ أوزوزو انت لمست موضوع حسّاس جداً أكثرنا بيعاني منّه..

هاقول سعادتك أنا بعمل إيه ..

الناس في مصر فكرة إن هنا جنّة

فعشان كده بيطلبوا عقد للعمل في السعودية

فأنا أول حاجة بعملها معاهم إني أوضح لهم إن هنا مش جنّة ولا حاجة

وأبدأ أذكرلهم السلبيات الموجودة (بدون مبالغات)

بداية من نظام العبودية (أقصد الكفالة) والسعودة وصعوبة الاستقدام .. نهاية بغلاء المعيشة و......

وتاني حاجة بشرحلهم إن التأشيرات بقت أصعب ما يكون في السعودية .. وغن سعرها وصل إلى 15 ألف ريال .. يعني أكثر من 20 الف جنيه مصري

وبعد كده بذكر لهم نماذج ناجحة عملت نفسها في مصر من الصفر..

وإن أغلب مليونيرات مصر الحاليين .. جمّعوا ثرواتهم من داخل مصر , وليس من الغربة ...

وبختم كلامي بإنه لأسوأ الظروف.. لو الواحد دخله في مصر ألف وخمسمائة جنيه أحسن له من خمس تلاف جنيه في الغربة ..

استاذ سهل شكرا علي ردك القيم

والمنطقي

لكن المشكله انك لو رديت بنفس الرد ده بتواجه اتهامات انك مش عايز حد يسافر زيك

الناس معتقده انهم بيدونا جاروف وزكيبه علي باب الطياره عشان تقعد تلم فيها الفلوس من الشارع

[عبير يونس]

والله يا أستاذ أوزوزو انت لمست موضوع حسّاس جداً أكثرنا بيعاني منّه..

هاقول سعادتك أنا بعمل إيه ..

الناس في مصر فكرة إن هنا جنّة

فعشان كده بيطلبوا عقد للعمل في السعودية

فأنا أول حاجة بعملها معاهم إني أوضح لهم إن هنا مش جنّة ولا حاجة

وأبدأ أذكرلهم السلبيات الموجودة (بدون مبالغات)

بداية من نظام العبودية (أقصد الكفالة) والسعودة وصعوبة الاستقدام .. نهاية بغلاء المعيشة و......

وتاني حاجة بشرحلهم إن التأشيرات بقت أصعب ما يكون في السعودية .. وغن سعرها وصل إلى 15 ألف ريال .. يعني أكثر من 20 الف جنيه مصري

وبعد كده بذكر لهم نماذج ناجحة عملت نفسها في مصر من الصفر..

وإن أغلب مليونيرات مصر الحاليين .. جمّعوا ثرواتهم من داخل مصر , وليس من الغربة ...

وبختم كلامي بإنه لأسوأ الظروف.. لو الواحد دخله في مصر ألف وخمسمائة جنيه أحسن له من خمس تلاف جنيه في الغربة ..

استاذ سهل شكرا علي ردك القيم

والمنطقي

لكن المشكله انك لو رديت بنفس الرد ده بتواجه اتهامات انك مش عايز حد يسافر زيك

الناس معتقده انهم بيدونا جاروف وزكيبه علي باب الطياره عشان تقعد تلم فيها الفلوس من الشارع

كلام حضرتك مضبوط

فعلا محدش بيصدق حالنا في الغربة

و لو حكينالهم أحوالنا

بيتهمونا اننا بنخزي العين

أو اننا مش عايزين حد يبقى زينا

الحل ان حضرتك تتكلم بصراحة

يعني توضح انك ممكن تحاول في مكان عملك لو ينفع لهم

و تقول للي مجالهم ممكن ينفع عندك انهم لازم يكتبوا سي في كويس و يسلموه لحضرتك

و حضرتك توصل السيفيهات دي للاتش آر عندكم

و بكده مهمة حضرتك خلصت

و لو لهم نصيب حيبعتولهم

و لازم تفهمهم انك حتسعى بس الرزق على الله وحده سبحانه و تعالى

دي حصلت معايا شخصيا

كنت باشتغل و قدمت سي في لواحدة صاحبتي لمديري

و فعلا بعد فترة اتصلوا بيها عشان تعمل انترفيو

الرزق بتاع ربنا

و احنا مجرد أسباب

فمفيش داعي تزعل حد

اعمل اللي عليك ووصل اليسيفيهات

و مين عارف يمكن حضرتك تبقى سبب

ما تحكيش لحد عل ظروف الحياة عندك

لأن كل واحد وظروفه

و ممكن اتنين في نفس العمل و نفس الظروف بس تلاقي واحد تعبان و قرفان و التاني مبسوط و راضي

متهيألي كده اتحلت

[عنبو]

اولا السلام عليكم ورحمة الله وبركاته

ايه ياعم يعنى هتنزل مصر متقوليش يعنى ينفع كده طيب دانا كنت عاوز ابعت معاك كام عقد لناس صحابى فى مصر

سيبك من الكلام اللى فوق ده

انا راى ان تعمل زى لما الاخت مصريه مغتربه قالت لك يعنى اللى تقد عليه اعمله واللى متقدرش يبقى لا يكلف الله نفساً الا وسعها وبعدين مافيش احسن من الصراحه علشان برضه مش تعشم الناس اقولهم انا هدور وان الموضوع مش سهل واللى تقدر عليه اعمله وبعد كده اللى يزعل هو حر

[الأهلاوي الأصيل]

نفس المشكلة اللي باعاني بالظبط

حسيت كأن الأخ ozzozo اللي كاتب الموضوع بيتكلم على لساني بالحرف

[elfakhrany]

تصدق يا أوزو انت ابن حلال كنت لسه بتكلم فى الموضوع ده امبارح مع واحد صاحبى وبقوله انا كل ماكلم حد من اصحابى او حد يشوفنى على النت يقولى انا عايز عقد عمل من اللى عندك لحد مابقيت أتحرج اكلم حد منهم ولما تحكى للناس على الواقع او تقول معرفش اللى بيحصل انهم يقولولك انت مش عايز تساعدنى وانت ندل وانت وانت.....

وبما انى صاحبى ده فى الغربة من حوالى 5 سنين قالى فى الحالات دى عشان محدش يزعل منك الجواب بتاعك يكون ربنا يسهل ولو فى حاجة ظهرت قدامى هقولك ومن عنيا الاتنين وأن علاقاتك محدودة فى مجال شغلك والشغل محتاج علاقات و أنهم يروحو يقدمو ال سى فى فى مكاتب التوظيف فى القاهرة اللى فى شارع القصر العينى لان بيكون فيها فرص كويسة وأن الازمة الاقتصادية وقفت التوظيف بشكل كبير وقوانين مكتب العمل والسعودة . :rolleyes:

[ozoozo]

الاخوه الاعزاء

سهل

مصريه مغتربه

العنبي

الفخراني

اهلاوي اصيل

شكرا علي ردودكم ونصايحكم والحمدلله انها مشكله عند كل الناس لاني فعلا كنت حاسس بالذنب

[doha]

سهله اوي

عن نفسي اي حط يطلب مني شغل في السعوديه اقولهم بثقة عادي ( موجود ) بس بحوالي 25 الف جنيه .. وبكل بساطه اقولهم عادي لو عاوزين الناس الي بتبيع التأشيرة موجوده بس سعرها غالي زي ماقلت لكم ( طبعا لا عندي حد بيبيع ولا بتاع بس انت اذكر الرقم ده هتلاقي كله كش ) ..

واقوم جايه مكمله .. بس عيبها انك بعد المبلغ ده كله لسه هتيجي تدور على شغل ..

هيرد الشخص دائما ويقول كمان ؟ لاه انا عاوز حاجه على شغل على طول ( كأن المبلغ مش مشكلة هي المشكلة بس في حته الشغل دي .. ماشي عديها )

اقوم انا راده واقول اهو ده عيبه . لو عاوز على شغل على طول يبقى ( للاسف ) مقدامكش غير المكاتب بتاعت السفريات

ساعات بيكون الشخص غتت ويقولك بس دول بيعرضوا راتب ضعيف اوي ..

فبيكون الرد جااهز بان مهو انت لو حسبت ثمن الفيزا الحرة وقسمته على سنوات العقد ( لما تبقى تلاقي شغل ) هتلاقي انك فعليا بتقبض اقل كتير من الراتب وهتبقى هي هي في الآخر الراتب الضعيف بتاع مكاتب الاستقدام ..

للاسف مهما حاولت توضح للناس دي انك مش عمدة الرياض وان العيشة هنا مايعلم بيها الا ربنا محدش هيصدق وهيفتكروا انك مش عاوز الخير لحد وعاوز تكوش على اليغمه كلها لنفسك .. خلاص قولهم يدفعوا ويطلعوا وصدقني محدش هيعملها وتبقى كده اشتريت دماغك منهم وانت كده مظلمتهمش لان من غير حاجه لو الواحد قدامه شغل فورا بيقولهم من غير مايطلبوا يبقى لزومه ايه الالحاح في الطلب و الاحراج الي ملوش داعي ؟

[مغتربة]

لمست وتر حساس جدا

للاسف كلنا بنعانى منه

بس انتوا يا مغتربى السعوديه الموضوع عندكم اهون من عندنا شويه

احنا الى نقول ايه يالى فى الامارات

طبعا السمعه الى عند الناس دلوقتى فى مصر عن الامارات انها جنه الله فى الارض

و الى بيروح هناك بيدوله شيك مفتوح كل شهر يحط فيه الرقم اله هوه عاوزه

تحاول تقنعهم بالعقل بالمنطق

استحاله

يا جماعه دلوقتى فى تسريح كبير ااوظايف و الى مش بيتسرح بيتخفض مرتبه

يبصولك نظره انت بتخزى العين و لا ايه

طب الامارات الاسعار فيها نار نار و معروف انها اغلى دول الخليج

يمعنوا فى النظره اكتر

و يقولولك بس اكيد العائد بيغطى و بيفيض

يا جماعه الخير لا بيفيض و لا حاجه و كل الموضوع انك بتعيش كويس و خلاص

يكون الرد المفحم اهو برضه احسن من هنا

لا يا سيدى مش احسن علشان انا مش مستحمل الغربه و البعد عن الاهل و الحاجات دى لوجه الله

انا برضه محتاج مقابل لغربتى ملقتهوش و مش هلاقيه

لانهم باختصار اتنصحوا جدا

و الدرهم الى بيدهولك باليمين بياخد قدامه 3 بالشمال

و لا كانك بتتكلم اساسا

مش عارفه اقولك ايه

معنديش حل الصراحه

بالعكس لو لقيت انت الحل قلنا عليه ينوبك ثواب

[سامح بيه]

للاسف الشديد انا كمتن وقعت فى هذه المشكله بالرغم من انى مسافر من اربع شهور فقط

اثناء ماكنت بكلم اهلى ع النت صاحبى فى مصر كلمنى وقالى سامح ان زهقت من البلد دى وعاوز اسافر

رديت وقلت ليه الوضع مش حلو دلوقتى انتا ممكن تيجى زياره بس الشغل مش مضمون والزياره هاتكلف كمان

رد وقال ميهمكشى الفلوس معايه

قلت ليه معاك كام قال اربع الاف جنيه مصرى

قلت له لالا لايكفى اصل التاشيره بس هاتكلف كذا والسكن غالى والاكل غالى راح زعلان وقالى كفايه لحسن انك سدتها فى وشى

قلت له والله دا الوضع هنا فى الامارت وهسأل كمان وهاقولك وسألت عرفت ايه المطلوب ومن يومها مش عاوز يرد عليه

[pocy]

هههههههههههههه انا اسفه يا استاذ سامح بس كلامك ضحكنى يعنى هو من ساعتها مش عبرك لانك بتقول اللى بيحصل فعلا ولا لانه مش مصدقك

هو الناس جرى ليها ايه وليه الكل بيفكر فى السفر وليه بيبص تحت رجليه انا شايفه ان الوضع دلوقتى متازم جدا فى الخليج وكتير جدا من الشركات فنشت ناس واللى مش اتفنش مرتبه عمال يخس وبيشيلوا فى البدلات للناس الموجوده والله الواحد قاعد وقلقان وربنا يستر علينا ويبعد عنا عيون الحاسدين يارب

ولو لقيت حل يا استاذ قوقوز ياريت تقولى لانى عملت اللى عملوه كل الاخوه بس للا سف محدش بيصدق

وعجبي على اللى بيحصل

[كرم احمد]

ههههههههههههههه

انت بحالك دة وعايز مساعدة علشان ترد شوف انا حالى ازاى

انا بقى رحت السعودية فى 2006 ومن شركة لشركة لحد مارسيت فى شركة كبيرة والحمد للة وبس المشكلة ان الشركة دة ليها فروع فى كل دول الخليج وبما ان انا مش متجوز وشوية ثقة من المدير المالى فبروح اغطى اجازات محاسبين الفروع دة وبالتالى الاقارب فى مصر والزملاء كل شوية يسمعو انى فى الكويت وشوية فى الامارات فمفكرين انى الوقت انا بقيت واصل ويمكن اكون امين جامعة الدول العربية كمان

ولكم ان تتخيلو ا كم التوصيات والعشم والاتصالات اللى بتجينى من ارقام فى عمرى ماشفتهاش ونتيجة لكدة مابردش على اى رقم معرفوش بس المشكلة لما انزل هعمل اية

انا متابع الموضوع يمكن استفيد

[ozoozo]

الظاهر اننا بنلف في دائره مغلقه

احنا بنقول نفس الاسباب كل مره

وهما مابيصدقوش كل مره

فبيطلبوا تاني

وانت تقول نفس الاجوبه تاني

......................وهكذا

[herohero]

والله ده كان بيحصل زمان يعني كان الخليج مغري انما ناس كتير شايفه ان الخليج حاليا مش مغري لان فعلا ف اماكن ف مصر ممتازة لكن طبعا مش الكل بيوصل لها

انا عانيت من المشكلة ده ايام والدي وهو كان مدرس ف الكويت هيشوف شغل ازاي والحمد لله الناس ما ارتاحتش الا لما انا روحت لشغل ف السعودية يعني بالبلدي اهو معرفش ياخد ابنه لشغل معين وفي الاخر اللي عاوز سهل هات السي في واقدم لك ولازم اكون موضح له ان فيه ناس كتيرة هنود وفلبينيين وده مفهوم

او عليك وع مكاتب السفريات زي ما انا ما قمت عن طريق اعلان ف الجريدة

[Ambitious]

السلام عليكم ..

اسف لتطفلى بس ردودكم دى طرحت سؤال فى دماغى .. لما كل الناس هناك تعبانة ومخنوقة وشايفينها بهدلة ومصر احسن .. ليه قاعدين هناك لدلوقتى ؟ wst::

[doha]

السلام عليكم ..

اسف لتطفلى بس ردودكم دى طرحت سؤال فى دماغى .. لما كل الناس هناك تعبانة ومخنوقة وشايفينها بهدلة ومصر احسن .. ليه قاعدين هناك لدلوقتى ؟ wst::

يعني لما اكون انا في مصر غير موظفة وظروف عمل زوجي صعبه جدا بحيث انه مضطر يسافر لعمله وميرجعش لنا غير اربع ايام كل شهر ولما نلاقي نفسنا مضطرين نسافر على امل نعيش مع بعض في مكان واحد مش كل واحد فينا في بلد ثم أفاجأ بقريب لي اول ماعرف بموضوع سفرنا بيتصل .. القريب ماشاء الله تبارك الله موظف في قطاع حكومي ( كادر ) لوحده وزوجته نفس الشيء ( كادره ) هي كمان يعني راتبهم هم الاثنين مع بعض من ثلاث خانات اللهم لاحسد ومعندهمش غير طفل واحد والاقيه متصل يقولي شوفي لي عقد معاكي .. ده اقوله ايه ؟

لما اقوله العيشه هنا مش زي هناك وان وان ابقى كذابه؟ وهل من المنطق يقولي لما العيشه قرف كده مستحملاها ليه ماترجعي انتي وزوجك ؟

وانا عارفه ومتأكده ان مثل هؤلاء ( محليتش ) السعوديه في عينهم غير عشان احنا فيها .. هم متعودين من سنين ان اي نعمه تطالنا لازم يكون لهم فيها ( حته ) بمنطق ( فيها لاخفيها ) وطالما انا مساعدتوش ومجبتش له عقد من الي بيوزعوهم هنا على باب الجامع وانت خارج من الصلاه يبقى انا استحق ماسيمطره علي من لعنات ( وعيون ) عشان ابقى استاهل و( الهط ) لوحدي ..

في ناس كده والعياذ بالله ميملاش عينها الا التراب ..

آه صحيح كنت هنسى ومجاوبش على السؤال ..

بنقول ان العيشه صعبه بس بعض الناس مؤهله تعيش فيها وبعضها لاه يعني لما تلاقي واحد يادوب لسه متخرج من سنه ومعندوش خبره ومديلك ورقة عشان تشوف له عقد عمل وانت خبرة عشر سنوات ويادوب راتبك مقضيها طبعا وطبيعي جدا تنصحه ( وفقا لظروفه هو ) ان السفر مش هينفع للي زي حالاته لان راتبه اكيد هيكون ( كلام فاضي ) ممكن انا راتبي يكون افضل شويه لان خبرتي اكتر بس مش مضطره اقعد بقى اشرح واقوله انت الي فقر وانا الحمد لله الي تمام التمام ..

اذا لما حد ينصحك ويقولك العيشه هنا مش قد كده فهو حاجه من اثنين اما ظروفه في مصر اسوا من ظروفك او ظروفه هنا احسن من ظروفك وفي كلا الحالتين محدش ابدا يكون متغرب وطافح الدم زي حالاتنا عشان يدور على رزقه ويجي هو نفسه يبقى قطاع ارزاق .. كون على ثقة ان اي واحد مصري برا وجد فرصه لتعيين حد مش هيتأخر ابدا لكن هي الظروف كده وكلها فيا لاول والآخر قسمه ربنا في الي بيديله رزقه في بلده وهو مرتاح وفي الي مضطر يتغرب ويتمرمط عشان يجيبه ..

ثم مايمكن يااخي احنا ندمانين على عملتنا السوده وبنحذرك عشان متعملش زيها ولا ايه؟

تم تعديل 12 أغسطس 2009 بواسطة doha

[عنبو]

إقتباس(Ambitious @ Aug 12 2009, 06:44 PM)

السلام عليكم ..

اسف لتطفلى بس ردودكم دى طرحت سؤال فى دماغى .. لما كل الناس هناك تعبانة ومخنوقة وشايفينها بهدلة ومصر احسن .. ليه قاعدين هناك لدلوقتى ؟

والله برضه سؤال كويس وواضح

بس احب اقولك انت مين اقال لحضرتك ان كل المغتربين تعبانين لكن بجد فيه ناس تعبانه وفيه ناس هنا عايشه على اقد الاكل والشرب وبس ويمكن بيوفر 1000 ج فى الشهر بالعافيه لكن هو بيحسبها انه هنا بيوفر 1000ج وعايش كويس ولو نزل مصر مش هجيب ال 1000ج ومش هيعيش كويس طبعاً

علشان كده هما قاعدين وعلشان كده بيوقوا له ان مصر احسن ليه علشان هو هنا هيسافر على الفاضى يعنى فى مصر بياكل ويشرب وهيجى هنا هياكل ويشرب دى الفكره وبعدين فيه ناس بجد بتبقى فاكره ان السفر ده هيحل مشاكلهم كلها ويكتشف ان السفر اساسا مشكله لوحدها عاوزه حل

طبعا فيه ناس مرتاحه هنا وفيه ناس برضه مرتاحه فى مصر بس الغرض من الموضوع ده ايه ان الواحد ممكن يكون قدامه فرصه وحشه لواحد وتلاقى واحد بيقولك هات بس انت اى حاجه وانا هسلك وانت طبعاً عارف البلد اللى انت فيها وتقوله صعبه ومش هتقدر واول لكا يجى يقعد يقولك شوف انت عملت ايه انا مش اقولتك وانت ليه مش واعتنى

لكن طبعا لو فيه فرصه محترمه يبقى يجى وربنا يسهله

[herohero]

السلام عليكم ..

اسف لتطفلى بس ردودكم دى طرحت سؤال فى دماغى .. لما كل الناس هناك تعبانة ومخنوقة وشايفينها بهدلة ومصر احسن .. ليه قاعدين هناك لدلوقتى ؟ :sad:

لانك اتعودت ع نظام معين انا اتربيت ف الكويت لما نزلت مصر كنت قرفان تكيفت س=شوية لكن برده مكنتش مرتاح 100ف 100 اشتغلت 4 سنوات ف مصر وكان العائد المادي كويس لكن لقيت نفسي برده مخنوق فطفشت

والدليل شوف اللي بيهاجرو وبيروحو يمتحنوا امتحانات اللغه بيتكلفوا اد ايه دول بيروحوا لمجهول بيبقى دكتور ولسه مطالب بمعادلة وقرف ليه بيهاجر وبيدفع فلوس ومذاكرة

عشان مستوى معيشة افضل مصر مش مشكلتها فلوس

مصر = فلوس + نفوذ + سلبية لو قدرت تبقى كده هتعيش كويس جدا ف مصر تخليك ف نفسك وتبقى سلبي جدا تبقى كوووووووووووووول وتقول ياكشي تولع ده شعار المصريين ف انتخابات 2010 ياكشي تولع هي بلدنا

[dongol]

هو انتوا مالكوا كلكم نزلتوا في الاخ ambitious ضرب كده مرة واحدة

الراجل بيسأل سؤال برئ