حياتي تأخذ منحى اخر.....

[ذهبية]

و الله انا احترت اربى ولادى الضغيرين ازاى ؟؟؟؟ هل اربيهم على يديلك اديلة ؟؟؟ولا ادى و مستناش حاجة من حد ربنا هو اللى هيديلك

طيب لو ربيتة بالطريقة الاولى

انا كدة هاعملة بتاع مصلحتة حاجة قصاد حاجة هلاقى نفسى بعد فترة بناقض روحى يعنى الولد مش هيرضى يعملى حاجة الا بالمقابل

وانا جربت الطريقة دى باقول لابنى انزل اشترى ليا حاجة من الراجل الىل تحت البيت قالى بكام هتدينى كام يعنى انا هاتعب نفسى و

انزل اشتريلك وانا ما استفيد

استغربت قالى مش انتى قولتى كدة مش انتى قولتى متعملش حاجة لحد الا لو عملك الاول الدنيا لفت بيا و لاقيت انهم الاخوات بيعملوا

كدة فى بعض حتى لو هات زجاجة مية يقولة هو انت جيب ليا حاجة علشان اجيبلك

لما كنت ماشية بالطريقة التانية

لاقيت ان ولادى هيطلعوا هطل و هبل لاقيت ولادى فى المدرسة اللى واخد منة كتابة اللى واخد منة سندوتشاتة اللى يضربة و ميردش

علية الضرب و يقولة ربنا يسامحك ربنا شايفك و هو اللى هيرد عليك

انا خلفتى صبيان يعنى اعمل اية انا احترت بجد

اعلمهم زى ما بنقرا فى الكتب مثل عليا و اخلاق حميدة ولا زى ما ما نشوف فى الشارع هو صحيح محدش ساعاتها هيضحك علية بس

ياترى مش انا برضة هادفع الضريبة و اخواتة لما اطلع واحد انانى مش بيفكر الا فى مصلحتة الاول و السن بالسن و البادى اظلم

ذهبية

[rewsha]

يااااااااريت والنبى يا toota خدينى معاك فى المكان اللى هتطفشى فية لانى اعانى اكبر مما تعانى منة بكتيررررررررررر

لكن بجد احييكى على ذكائك و سرعة البديهة و تصرفك الاكثر من رائع مع الاب اللى معندوش دم دة بجد كنتى فى منتهى الذكاء

انا نفسى بجد اعرف هل المفروض من الانسان انة يكون قليل الذوق و قاسى وعنيف و صوتة عالى علشان الناس تخاف منة و تحترمة

للاسف انا مريت بمواقف كتيرة و فيها خسائر مادية كبيرة بسبب انى انخدعت فى الناس و لانى مليش ضهر و بسبب الناس بتصيع

عليكى و تقولك محصلش

ياريت تلاقينى مكان معاكى و اطفش انا كمان لانى انا كمان زهقت بجد

ذهبية

على فكره .....الحل .....مش اننا نحاول نهرب لعالم تاني مافيهوش سلبيات ونروح شومبونجو (ولو ان انا اول واحده نفسي اعيش في العالم ده)

بس الحل

اننا نتعلم ونعلم ابنائنا .ازاي نتعامل مع الناس بطبائعهم المختلفه واخلاقهم المختلفه برضو .ونواجه الحقيقه والعالم اللي احنا فيه

مش نهرب منه

تعرفوا

انا مافيش اطيب مني (تصفيق حاد)

بس في خلال ال 4-5 سنوات اللي فاتوا دول .الواحد اخد له كام صدمه وراء بعض .ومن اعز الناس عليه كمان

وبصراحه اول صدمه وقعها عليه ماكانش زي الصدمه رقم 3 او 5 بعني كل مره باْخذ مناعه اكتر شويه من اللي قبلها

لحد ما الواحد بقى لما يحصل معاها مواقف نداله من دي الموضوع بيبقى عادي ومايستغربش

يبقى المهم

الواحد يتعامل بالمثل ويبقى عنده مناعه من اللي بيشوفه في الدنيا دي

[قلب ابيض]

تعرفي...أولادي كلهم طلعوا زي حالاتي...طيبين لدرجة مش طبيعيه....وللاسف مش عارفه اغير الفكرة دي او الاسلوب ده في التعامل مع الي حواليهم...الطيبه والاخلاق والكرم...لدرجة ان ابني الكبير 23 سنة وبيشتغل ومستقل ماديا....... بشوف بعيني اصحابه مستغلينه ازاي ولما بقوله....بيقولي دي حياتي وانا حر فيها... md2:

غالبا جينات :)

أأأيون هى الجينات

"جينات صدقى " bv:-

عارفه يا توتا الحمدلله سن اولادى من سن 7سنوات الى 23سنه

يعلم الله حتى من غير تربيه مباشره اقصد عن طريق انهم عايشين فى بيئه هى بتفرض نسها على سلوكيتهم بمعنى انى ماطلبتش من بنتى تتحجب 00بس هى اتوماتيك شايفه ماما كده يبقى هى كمان كده زى ما كنا كلنا زمان نقف قدام المرايا ونحطروج ونلبس جزمه ماما ام كعب عالى 000

اللى اقصده ان اولادنا هم فعلا صوره لنا من غير ما نربى ده فيهم 00ولكل قاعده شواذ طبعا

ولادى خيريين جدا 00من ورايا اكتر من قدامى ولكن فجأه ومن ايام عرفت ان ابنى "19 سنه " اتخانق مع صديقه من سنوات لدرجه انه ضربه بشكل هستيرى ولا احد يعرف السبب بالتحديد

ولله الحمد انا علاقتى باولادى علاقه صداقه اكتر من اى شىء وبعد ضغط عليه عرفت الاتى: انه اكتشف بالصدفه صور لبنات اخوات اصحابهم على موبيله ومسجات بينه وبين اخت واحد فيهم 00ولما سأله عنها 00قاله عادى بنروش 00فما كان منه بعد عدماستجابته له بأنهاء الوضع ده حفاظا على علاقته بصديقه وانها زى اختهم واللى ما يرضاهوش لاخته0000وما الى ذلكمن قيم ربينا اولادنا عليها

قام نازل فيه ضرب لدرجه انه كان ممكن يروح فيها الاتنين " ودى طبعا حماقه لسنا بصدد الكلام فيها الان " ولكن الهدف انه قاله مادمت مش عاوز تتراجع عن اللى بداته 0رد على اللى هايسالك عن سبب ضربى لك ايه؟؟

اللى عاوزه اوصله لكم وانا معاكم 00صح اربيهم على المثل والمثاليه ؟ ولا على العين بالعين والسن بالسن والبادى اظلم ؟

طي بدول الصبيان

والبنااااات؟؟دول هم اكبر واكبر 0000تعبت

الله المستعان

لوحد سأل على انتو عارفين انا فين :sad:

[عنبو]

هو ليه احنا منعرفش نبقى وسط ياجماعه فيه فرق انا عاوز ادى وفيه فرق واحد بيُستغل ازاى ؟؟

انا مثلا معايا حاجه بينى وبين نفسى هديها لاى حد يطلبها منى انا اساسا كده كده هديها

اما النوع التانى انا معايا حاجه والاقى واحد عمال يدحلب عليا علشان ياخدها منى ده طبعاً اسمه استغلال

احنا نربى اطفالنا على الكويس بس نقولهم ازاى يعرف اللى قدامه بيفكر ازاى ؟؟ ومش يسمح لاى حد انه يستغله بس فى نفس الوقت لو لقى حد محتاج مساعده يديله ؟ ومش ينتظر منه حاجه لكن لو لقى حد عاوز يستغله ينفض له ويبعد عنه

ده الى انا ارعفه فيه فرق بين انى اربى ابنى على السلبيه وبين انى اربى ابنى على الخير ابنى لو سلبى هيبقى عرضه انه يستغل لكن لو متربى صح هيبقى عارف يميز بين اللى عاوز فعلاً مساعده واللى بيستغله

على ما اعتقد كده الامور وضحت "" سلبيه لا خير نعم ""

وسلام بقى

[الباشمهندس ياسر]

لدرجة ان ابني الكبير 23 سنة وبيشتغل ومستقل ماديا....... بشوف بعيني اصحابه مستغلينه ازاي ولما بقوله....بيقولي دي حياتي وانا حر فيها...

غالبا جينات

الناس معادن...

بس ابنك هيجى يوم و يبوس ايدك و يقول سامحينى ... مكنتش فاهم

[بندق أفندى]

أكثر ما أفلحت فيه ان أربى ابنى على عكسى .. ان يحب نفسه أولا لأنه ما تربينا عليه لم يعد يصلح لهذا الزمن .. بالظبط هى كما لو انك راكب طيارة وفى تعليمات السلامة تلاقى اللى بيقولك لو انخفض الضغط فى المقصورة سوف تنزل اقنعة الأكسوجين ضع قناعك أولا ثم ابدأ بمساعدة من حولك .. يعنى تحب وتساعد نفسك أولا حتى تكون قادر على مساعدة الآخرين .. هذه القسمة ادركتها منذ زمن .. لأنه كنت دائم الشكوى من مواقف متشابهة .. لأنه لأسف متربى زيادة شويتين والشويتين دول مش يوم ولا يومين لا دول سنين ههههههههههههه