شوفوا ايناس الدغيدى بتقول اية

[ذهبية]

يناس الدغيدي: ربنا ما يحكم علي بالحجاب!

اضغط للتكبير

ايناس الدغيدي

احفظ الخبر

اطبع

أضف تعليق ارسل

8/12/2009 5:26:00 PM

خالد فؤاد ـ خاص - انقسم القائمون على برنامج (لماذا) للاعلامى اللبناني طوني خليفة والمقرر عرضه في رمضان على شاشة القناة الفضائية الجديدة (القاهرة والناس) المقرر بدء بث برامجها خلال الأيام القليلة القادمة ويملكها (طارق نور) فيما يتعلق بالحلقة الخاصة التي تم تسجيلها مع المخرجة الجريئة إيناس الدغيدي .

فبعض القائمين على القناة والبرنامج يرون ضرورة حذف بعض الفقرات من الحلقة والمتوقع ان تثير جدلاً واسعاً ومن ثم قد تعطي انطباعاً سيئاً عن القناة وتوجهاتها خاصة وأن الحلقة ستذاع في الشهر الكريم وبالتالي ستثير غضب المسلمات الملتزمات ورجال الدين في حالة إذاعتها كما هي، بينما يرى آخرون ضرورة الإبقاء عليها من منطلق أنها تعبر عن رأي صاحبتها فقط وليس عن القناة .. ولا يزال الجدل مستمراً حول هذه الحلقة حتى الآن .

يأتي فى مقدمة الفقرات التي أدت لإثارة كل هذا الجدل السؤال الذي قام طوني بتوجيهه لإيناس ويتعلق بأسباب رفضها للحجاب بل وتصديها المستمر لكل المحجبات فأجابت بسخرية شديدة: ربنا ما يحكم علي بيه !!

اضف إلى هذا مجموعة من الأسئلة الساخنة والحساسة الأخرى التي توجه لها بها وتتعلق أيضاً بالحجاب والعري في أفلامها والتصريحات الصادمة التي تدلي بها بصفة مستمرة .

من المعروف أن طوني خليفة اشتهر بتقديم البرامج الساخنة والحساسة مثل (لمن يجرؤ فقط) والذي استضاف فيه عدد كبير من نجوم الفن العرب وأثار باستضافتهم وجرأة الأسئلة التي توجه إليهم ردود أفعال واسعة وتعرض بسببها لهجوم عنيف، وقام بعده بتقديم برنامج آخر بعنوان (دمعة وابتسامه) استضاف فيه أيضاً مجموعة كبيرة من الفنانين وأثار بحلقة النجمة اللبنانية "صباح" غضب الكثيرين خاصة بعد اعترافها له في البرنامج بخيانة كل الرجال الذين تزوجت منهم وهو ما أثار ردود افعال واسعة نحوها دفعتها للتراجع عن تصريحاتها هذه فيما بعد.

انقسم القائمون على برنامج (لماذا) للاعلامى اللبناني طوني خليفة والمقرر عرضه في رمضان على شاشة القناة الفضائية الجديدة (القاهرة والناس) المقرر بدء بث برامجها خلال الأيام القليلة القادمة ويملكها (طارق نور) فيما يتعلق بالحلقة الخاصة التي تم تسجيلها مع المخرجة الجريئة إيناس الدغيدي . فبعض القائمين على القناة والبرنامج يرون ضرورة حذف بعض الفقرات من الحلقة والمتوقع ان تثير جدلاً واسعاً ومن ثم قد تعطي انطباعاً سيئاً عن القناة وتوجهاتها خاصة وأن الحلقة ستذاع في الشهر الكريم وبالتالي ستثير غضب المسلمات الملتزمات ورجال الدين في حالة إذاعتها كما هي، بينما يرى آخرون ضرورة الإبقاء عليها من منطلق أنها تعبر عن رأي صاحبتها فقط وليس عن القناة .. ولا يزال الجدل مستمراً حول هذه الحلقة حتى الآن . يأتي فى مقدمة الفقرات التي أدت لإثارة كل هذا الجدل السؤال الذي قام طوني بتوجيهه لإيناس ويتعلق بأسباب رفضها للحجاب بل وتصديها المستمر لكل المحجبات فأجابت بسخرية شديدة: ربنا ما يحكم علي بيه !! اضف إلى هذا مجموعة من الأسئلة الساخنة والحساسة الأخرى التي توجه لها بها وتتعلق أيضاً بالحجاب والعري في أفلامها والتصريحات الصادمة التي تدلي بها بصفة مستمرة . من المعروف أن طوني خليفة اشتهر بتقديم البرامج الساخنة والحساسة مثل (لمن يجرؤ فقط) والذي استضاف فيه عدد كبير من نجوم الفن العرب وأثار باستضافتهم وجرأة الأسئلة التي توجه إليهم ردود أفعال واسعة وتعرض بسببها لهجوم عنيف، وقام بعده بتقديم برنامج آخر بعنوان (دمعة وابتسامه) استضاف فيه أيضاً مجموعة كبيرة من الفنانين وأثار بحلقة النجمة اللبنانية "صباح" غضب الكثيرين خاصة بعد اعترافها له في البرنامج بخيانة كل الرجال الذين تزوجت منهم وهو ما أثار ردود افعال واسعة نحوها دفعتها للتراجع عن تصريحاتها هذه فيما بعد.

انا مش هاعلق عليها الا بكلمة واحدة ربنا يريحنا منك و من امثالك هى عايزة اية بالضبط الست دى؟؟؟ و مين الى وراها ؟؟؟وساكتين عليها لية ؟؟؟

[doha]

اسمحيلي ياذهبية .. عندنا مثل بيقول ماشتمك الا الي بلغك ..

يعني انتي دلوقت نقلتي لنا الخبر الذي لم يأتي بأي جديد الهم الا دعاية للقناه الجديده الي اول مرة اسمع عنها دلوقت وتحميس للناس الي غاويه النوع ده من البرامج ان ياجماعه اتفرجوا على الحلقة وستجدوا مايسركم ..

يعني هي مثلا الحاجه ايناس دي الخضرا الشريفه واحنا اول مرة هنعرف كرهها للحجاب والتدين اجمالا ؟ ولا يعني كانت عندنا فوق اوي ولما نقرأ الكلام ده هتنزل مكانها الطبيعي تحت؟

بصراحه الخبر استفزني مش لانه اتى بجديد وانما للعكس ..

وهي امثال ايناس دي بتضرب بقناعات مجتمعنا عرض الحائط ليه ؟ مهو عشان كده عشان تقول انا اهوه وخالف تعرف وللاسف بتلاقي مننا الي بيساعدها وينشر كلامها ولو من باب الحقوا العبيطه بتعمل ايه ..

معليش اعذريني ياذهبية بس كلمتين وكانوا لازم ينقالوا ..

[MZohairy]

حذفت بمعرفتي

تم تعديل 13 أغسطس 2009 بواسطة mzohairy

[ذهبية]

يا ساتر يا ضحى انا اشتمكم اية بس الكلام الكبير قوى دة و بعدين تقولى فى الاخر اعذرينى

و انا ياستى هاعمل دعاية للقناة بمناسبة اية هو بيقبضونى مثلاااااا اعذرينى برضة

و الله انا اتعودت فى المحاورات كلها من اول ما اشتركت فيها اى حد بيقرا اى خبر بينزلة و كل واحد بيقول راية

و بعدين يعنى هى جت على الخبر دة الىل نرفزك قوىىىىى ما احنا تكملنا قبل كدة على منى زكى و على انها عملت فيلم

فية جراة و هى كانت يعنى خضرة الشريفة علشان كل الاعضاء يناقشوا فية فية و يقولوا رايهم ما الكل عارف انها ممثلة برضة

و بتعمل كل الادوار و هى مش الحاجة منى زكى يعنى

علقى على الخبر براحتك و قولى رايك لو مش عاجبك الموضوع متعلقيش ومتفحوهوش من الاصل

لكن انك تعلقى على موضوعى بالطريقة دى مينفعش

اعزرينى برضة يا ضحى كلمتين و لازم يتقالوااااا

[doha]

العفو ياذهبيه انا مش قصدي المعنى الحرفي للمثل انك بتشتمينا قصدي ان الي بينقل لك شتيمه انت مسمعتهاش يعتبر ضمنيا هو الي شتمك مش الي قالها .. اذا الي ينقل كلام ايناس الدغيدي يعتبر ضمنيا هو الي بيقوله طالما ان النقل ده لن يعود علينا بفائده ولن يأتي بجديد ..

ايناس الدغيدي بالذات غير عن اي ممثله او مخرج لانها معروفه رافعة راية الانحلال وماشيه تحت لوائها وده بتعلنه عادي مش بتخبيه وعلى هذا فالخبر لم يأتي بجديد اطلاقا ..

اما مسألة انك تقصدي دعايه للقناه فوالله لم افهم ذلك ولم اقصد اتهامك بيه وانما قصدت بان الموضوع اجمالا انكتب عشان يكون دعايه للقناه والبرنامج لاننا لم نستفد منه بجديد الا خبر افتتاح القناه ..

فهمتيني ولا نقول كمان؟

[MoTo]

طب هو ده يضايق في إيه يا جماعة ؟ يعني واحدة مش عايزة تتحجب هي حرة .. و الإجابة متوقعة من مقدم البرنامج العبقري اللي رايح يسأل إيناس الدغيدي هتتحجبي إمتي .. هو أصلاَ سألها عشان تقول الإجابة دي و ياخد الإجابة المتينة اللي هتعمل شقلباظات في الرأي العام و يحطها في البرومو و يجيله إعلانات .

هي مش عايزة تتحجب خلاص هنعملها إيه أو إيه المتوقع اما واحد يسأل إيناس الدغيدي هتتحجبي إمتي ؟ هتقوله يناير الجي مثلاَ !؟

[tarek hassan]

مع احترامي للأخت الكريمة : ذهبية

نحن المخطئون إن تحاورنا بشأن إن ايناس الدغيدي قالت أو سيد القمنى قال

بصراحة كلامهم يصيب الإنسان بالقرف والغثيان والرغبة في القيء

رحم الله من قال :

ولقد علمت بأنهم نجس * فإذا ذكرتهم غسلت فمي

كل سنة وحضرتك طيبة لو انشغلنا بما يقوله هؤلاء هيفسدوا علينا شهر رمضان

وهم مجهزين حاجات للشهر زي كل سنه ومعلوم هدفهم

فلنتنبه

تحياتي

[osaimi]

هو ليه كل واحد عاوز يحجر عالتاني ، هو انتوا اللي بتحاسبوا الناس ولا ربنا ، اعتقد دي حرية شخصية

[اميره]

انا اسفه يااخى osaimi بس انا مش بتفق معاك الراى الى بتقوله ده ايوه ماشى كل واحد حر بس فى شئ اسمو ذوق واحترام ومعنى انها تقول كلمه زى ربنا مايكتب عليه بيه زى مايكون حيصيبها بلاء او انفلونزا الخنازير امين يارب وكان ممكن تقول رايها بكل صراحه ووضوح بس فى نطاق الادب والذوق واحترام المجتمع الى بتعيش فيه يااما تشوف لها اى مكان او بلد من اياهم امثالها ..... (حسبى الله ونعم الوكيل فيها الشخصيه المريضه دى)

[MZohairy]

اعتقد ان الدغيدي مخرجه سينمائيه

و الحكم عليها بالسلب او بالايجاب يكون من خلال اعمالها مش من خلال هدومها

و لبسها او قلعها للحجاب لا حيفيد حد ولا حيضر حد

هي حره و حسابها مع اللي خالقها

انما احنا منضيعش وقتنا في نقاش اهمية حجاب الدغيدي من عدمه

اشكركم

[toota]

قريت الموضوع ده...وابتسمت....ماهو لما يصدر من واحدة زي ايناس الدغيدي...مستغربين ليه....يعني لو اتحجبت حتبطل تعمل افلام فيها مشاهد خلاعية؟؟؟؟

او حتبطل تخرج من اصله....؟؟؟

ده اسمه اكل عيش....واسلوب حياة....يتطلب انها متكونش محجبة...ولا حتفقد مصدر دخلها الي بتعيش منه....

وانا مش بدافع عنها...لاني ابغضها لله في الله....لانها شخصية يع من الاخر....بس انا دايما بحاول اشوف الاخر بيفكر ازاي...عشان استوعب اي حديث بيقوله...وافهم مقصده منه....

[عاشق الترحال]

أتعجب من ردود بعض الزملاء على موضوع (( إيناس الدغيدي )) بأن لها شأنها وحريتها وأنا لا أمانع أن تفعل ماتشاء فلست قاضي ولست إله ولكن إذا كانت حريتها هذه تمس حرية الغير فحينها لا وألف لا ولكي اوصل وجهة نظري أضرب مثال بسيط

لو أنت وأبنائك وأسرتك جالسين في غرفه وأنت مبتدخنش سجاير وجاء شخص ما وأشعل سيجاره هتعمل أيه ؟؟؟

هتسيبه يضرك ويضر أولادك وأدخن فى الغرفه ؟!! بحجة أنها حرية شخصيه وبدخن ؟؟

ولا المفروض أنك تقوم وتسيب له الغرفه؟؟؟

ولا المفروض أنه يسيب لك الغرفه علشان لا يضرك ولا يضر أهلك ؟؟؟

ولا أيه بالظبط ؟؟؟؟؟

وبالمناسبه لها برنامج في شهر رمضان على أحد القنوات إسمه (( الجريئه )) وأتعجب عندما يصبح مسمى الوقاحه والقباحه (( جرأه ))

وعالعموم ربنا ينولها مرادها وميحكمش عليها بالحجاب زي ماهي عاوزه بس ياريت تسيب العفيفات المتحجبات في حالهم ولو مش عاوزه تتحجب براحتها بس بلاش الدعوه الصريحه للتبرج والسفور والحملات اللي بتتبناها لنشر الرزيله والقباحه من خلال أفلامها الرائعه والهادفه اللي بتخرج علينا بيها بين الحين والآخر وكأنها (( داعيه على منبر في جهنم ))

وهذه المرأه وأمثالها لا أستطيع إلا أن أذكرها بقوله تعالى

بسم الله الرحمن الرحيم

إِنَّ الَّذِينَ يُحِبُّونَ أَنْ تَشِيعَ الْفَاحِشَةُ فِي الَّذِينَ آمَنُوا لَهُمْ عَذَابٌ أَلِيمٌ فِي الدُّنْيَا وَالآخِرَةِ وَاللَّهُ يَعْلَمُ وَأَنْتُمْ لا تَعْلَمُونَ [النور:19].

ولو كان الأمر بيدي لكان لي تصرف آخر معها ومع أمثالها

وحسبنا الله ونعم الوكيل .

تم تعديل 15 أغسطس 2009 بواسطة عاشق الترحال

[pocy]

يناس الدغيدي: ربنا ما يحكم علي بالحجاب!

امين يارب ما تتحكمي طول حياتك وفى مماتك متلقيش حاجه تتلفي بيها وربنا يكرمك فى القبر يارب بكل اللى عملته فى حياتك ويالا سلام على اخرتك الجميله

قولا امين

[عطر الجنة]

ربنا يهديها

[الحازم حسن]

حرية الانسان تنهتي حينما تبدأ حرية الآخرين

[الحازم حسن]

لا والمدعوقة دي عاملة برنامج في رمضان بتتقصع فيه شمال ويمين تقولش فاكرة نفسها مارلين مونرو وكل شوية تقول انتظروني في رمضان

مش عارفة انه مفيش حد ناوي ينتظرها بملامحها المستفزة

تم تعديل 18 أغسطس 2009 بواسطة الحازم حسن