أطلب الرحمة بالمغتربين

[مصري أصيل]

في موضوعي هذا عندما أطلب الرحمة بالمغتربين أطلبها ليس من غرباء عن المغتربين و لكن أطلبها من أهالي المغتربين أنفسهم فبعض أهالي المغتربين يفرقون بقسوة في التعامل بين المغترب و خصوصاً من يعمل بدول الخليخ و بين أخوتهم المقيمين بمصر و ذلك فقط لكون هذا المغترب يقبض راتبه بالدينار أو الريال و ينسون أن هذا الابن قد سافر سعياً للرزق و تغرب عن بلده و أهله و أصحابه و كل هذا ضريبة يدفعها من صحته و عمره من أجل أن يؤمن مستقبله و مستقبل أبنائه.

و الأمثلة الحية علي ذلك كثيرة و نسمع الكثير عن هذه التفرقة بين الأبناء و كلها حكايات مؤلمة و فيها الكثير من الظلم و من هذه الحكايات صديق لي كان له شقه في منزل أسرته و بعد سنوات طويله من الغربة أستطاع أن يشتري شقه في مكان أخر فقام أهل صديقي هذا بالضغط عليه لكي يتنازل عن شقته في منزل أسرته لأخوه المتزوج في نفس البيت بحجة أن الشقه لا تكفية هو و أولاده و أنها لم تعد تلزمه الأن فأين العدل في هذا و أين حقوق أبناء هذا المغترب.

مثال أخر لصديق منحه والده قبل أن يفكر في السفر مبلغاً من المال و منح أخوه نفس المبلغ فقام صديقي هذا بعمل مشروع أدخل له ربح جيد و الحمد لله و قام أخوه بعمل مشروع خسر فيه كل ماله و أشتري صديقي بأصل المبلغ و أرباحه شقه و قطعة أرض للإستثمار و ذلك منذ فتره طويله و كانت الأسعار بالطبع غير الأن و بعد ذلك سافر صديقي للخليج و مع مرور الوقت قام أخو صديقي بالعيد من المشاريع التي فشلت جميعها . و بعد فتره طويله من الزمن أرسل والد صديقي يطلب منه عمل توكيل عام له و بناء علي رغبة والده قام بعمل توكيل عام له فقام الوالد ببيع الشقه و قطعة الأرض لعمل مشروع للعائلة و لا يعرف صديقي هذا حتي الأن إن كان هذا المشروع سينجح أم سيُكتب له الفشل كسابقه.

أما أنا فقد طلب مني أخي مبلغ من المال منذ فتره طويله لشراء محل يديره هو علي أن يكون شراكة بيني و بينه و بالفعل أرسلت له المبلغ و قام بشراء المحل و كتبه بأسمه منفرداً بالرغم من أنه لم يدفع في ثمنه مليم واحد و قام بأدارته لمدة تزيد عن عشر سنوات و لم أكن أنوي أن أطلب منه هذا المحل أبداً و لكني وجدت أن معاملته لي قد تغيرت و بدء في التدقيق معي علي أمور تافهه بالرغم من أن ثمن هذا المحل الأن يزيد عن ربع مليون جنيه و بالرغم من أنني لم أطلب منه أي مبالغ من مكسب هذا المحل . و الأن و بعد أن أختلفت معه طلبت منه أن ينقل ملكية هذا المحل لي لأنه من حق أبنائي و لكنه بالطبع رفض . و عندما قمت بطلب الوساطه من أفراد عائلتي وجدتهم كلهم علي رأي واحد أن المحل من حقك و لكن أتركه لأخوك لأنه مصدر رزقه . فقلت لهم أنني لم أطلب منه شيء الأن و سيبقي مصدر رزقه هو و أبنائه و لكن هذا المحل بعد عمر طويل له أن شاء الله من حق أبنائي و أنني سأتركه له و لن أطالبه بأي شيء و لكن كل محاولاتي باءت بالفشل و ذلك لمجرد أنني في الخليج و أخي في مصر .

لقد قدمت ثلاثة أمثلة من واقع الحياة و انا أعرف أن هناك الكثير فهل ميزان العدل يختل بين الأخوه لمجرد أن أحدهم في الخليج و الآخر في مصر ؟؟؟ و من يُخل بميزان العدل هذا ؟؟ للأسف الأهل.

أأسف بشده علي الإطاله و لكن قلت أفضفض معاكم و أأسف أيضاً إن كان كلامي هذا قد ألم البعض الذين تعرضوا لظلم مماثل

تقبلوا تحياتي

أبو كريم

تم تعديل 13 أغسطس 2009 بواسطة مصري أصيل

[عصام]

"يَا أَيُّهَا الَّذِينَ آمَنُواْ إِذَا تَدَايَنتُم بِدَيْنٍ إِلَى أَجَلٍ مُّسَمًّى فَاكْتُبُوهُ وَلْيَكْتُب بَّيْنَكُمْ كَاتِبٌ بِالْعَدْلِ وَلاَ يَأْبَ كَاتِبٌ أَنْ يَكْتُبَ كَمَا عَلَّمَهُ اللَّهُ فَلْيَكْتُبْ وَلْيُمْلِلِ الَّذِي عَلَيْهِ الْحَقُّ وَلْيَتَّقِ اللَّهَ رَبَّهُ وَلاَ يَبْخَسْ مِنْهُ شَيْئًا فَإِن كَانَ الَّذِي عَلَيْهِ الْحَقُّ سَفِيهًا أَوْ ضَعِيفًا أَوْ لاَ يَسْتَطِيعُ أَن يُمِلَّ هُوَ فَلْيُمْلِلْ وَلِيُّهُ بِالْعَدْلِ وَاسْتَشْهِدُواْ شَهِيدَيْنِ مِن رِّجَالِكُمْ فَإِن لَّمْ يَكُونَا رَجُلَيْنِ فَرَجُلٌ وَامْرَأَتَانِ مِمَّن تَرْضَوْنَ مِنَ الشُّهَدَاء أَن تَضِلَّ إِحْدَاهُمَا فَتُذَكِّرَ إِحْدَاهُمَا الأُخْرَى وَلاَ يَأْبَ الشُّهَدَاء إِذَا مَا دُعُواْ وَلاَ تَسْأَمُوْا أَن تَكْتُبُوهُ صَغِيرًا أَو كَبِيرًا إِلَى أَجَلِهِ ذَلِكُمْ أَقْسَطُ عِندَ اللَّهِ وَأَقْوَمُ لِلشَّهَادَةِ وَأَدْنَى أَلاَّ تَرْتَابُواْ إِلاَّ أَن تَكُونَ تِجَارَةً حَاضِرَةً تُدِيرُونَهَا بَيْنَكُمْ فَلَيْسَ عَلَيْكُمْ جُنَاحٌ أَلاَّ تَكْتُبُوهَا وَأَشْهِدُواْ إِذَا تَبَايَعْتُمْ وَلاَ يُضَارَّ كَاتِبٌ وَلاَ شَهِيدٌ وَإِن تَفْعَلُواْ فَإِنَّهُ فُسُوقٌ بِكُمْ وَاتَّقُواْ اللَّهَ وَيُعَلِّمُكُمُ اللَّهُ وَاللَّهُ بِكُلِّ شَيْءٍ عَلِيمٌ " 282 سورة البقرة

هذا نص القرآن الكريم .. يعنى إجراء إجبارى وليس اختيارى .. وأراك خالفت ذلك ..

مش عايز كلامى يكون قاسى .. لكن فى النهاية لازم اكون صريح

إنت أخطأت .. دا ربنا بيعفيك من الحرج .. تقوم انت تعمل جدع وتقول مش عايز؟

تم تعديل 13 أغسطس 2009 بواسطة عصام

[herohero]

مهما ما تقول والله ماحد بيتغير انا والدي طلع عينه اللي يستلف وما يردش وكنا نقول طب يعاملونا كويس برده والله كانت بتتقال ادامي يبقى فلوس وعلم وكانوا بيزعلوا لما ندخل كليات كويسة

ازاي اتنين دكاترة وواحد مهندس مش كفاية الفلوس طيب انا كنت دايما ابقى عاوز اقول ايهما افضل اخوك او قريبك لو كانت ظروفه سيئة ولا قريبك او اخوك اللي سافر وربنا وفقه ف اي شيئ

ماهو المنطق بيقول ان اللي سافر ده لو كان مش كويس حتى ومش بينوبك منه شيئ ع الاقل كافيك شره مش احسن من لو كان فقران وعامليك مشاكل

للاسف الحقد والحسد موجود وع فكرة اللي ف مصر بيكسب ف الاخر لانه ع الاقل اي قرش بيكون معاه بتمتع بيه عياله بتتجوز وعيشتهم كلها بتكون عيشه عائلية انما المغترب عياله بيبقوا معاه وبعدين بيدخلوا كليات يبقوا ف مصر والمغترب لوحده ف بلد الاغتراب ينزل مصر للاسف الشديد بيكون عياله مستيين فرصة الهروب من مصر لانهم اتعودوا على الحياة بره مصر فبيهجوا واهلهم نفسهم اللي بيصعبوا عليهم وبيقولولهم سافروا انا حصل معايا ده والدي ووالدتي قالوا لي سافر انت تعبان هنا ومش هترتاح الا لما تسافر بعد محاولة للوصول للراحه بعد 4 سنين من العمل ف مصر

ياجماعة للاسف اللي ف مصر باصص لك باصص لك وطمعان طمعان

عشان كده وفروا كلامكم طبعا اللي ف مصر ده لما بيسافر بتتغير لهجته لانه فعلا بيعرف الواقع لكن هو ده اللي حاصل

[زعلان]

لن انكر ماق لتوه فانتم من عاشه وخبره ولكن نرجوا ان نكون منصفين فليس الموضوع ظاهرة عامة ولكنها حالات خاصة

وبرضه هما اهلكم فاعذروهم وسامحوهم

[مصري أصيل]

"يَا أَيُّهَا الَّذِينَ آمَنُواْ إِذَا تَدَايَنتُم بِدَيْنٍ إِلَى أَجَلٍ مُّسَمًّى فَاكْتُبُوهُ وَلْيَكْتُب بَّيْنَكُمْ كَاتِبٌ بِالْعَدْلِ وَلاَ يَأْبَ كَاتِبٌ أَنْ يَكْتُبَ كَمَا عَلَّمَهُ اللَّهُ فَلْيَكْتُبْ وَلْيُمْلِلِ الَّذِي عَلَيْهِ الْحَقُّ وَلْيَتَّقِ اللَّهَ رَبَّهُ وَلاَ يَبْخَسْ مِنْهُ شَيْئًا فَإِن كَانَ الَّذِي عَلَيْهِ الْحَقُّ سَفِيهًا أَوْ ضَعِيفًا أَوْ لاَ يَسْتَطِيعُ أَن يُمِلَّ هُوَ فَلْيُمْلِلْ وَلِيُّهُ بِالْعَدْلِ وَاسْتَشْهِدُواْ شَهِيدَيْنِ مِن رِّجَالِكُمْ فَإِن لَّمْ يَكُونَا رَجُلَيْنِ فَرَجُلٌ وَامْرَأَتَانِ مِمَّن تَرْضَوْنَ مِنَ الشُّهَدَاء أَن تَضِلَّ إِحْدَاهُمَا فَتُذَكِّرَ إِحْدَاهُمَا الأُخْرَى وَلاَ يَأْبَ الشُّهَدَاء إِذَا مَا دُعُواْ وَلاَ تَسْأَمُوْا أَن تَكْتُبُوهُ صَغِيرًا أَو كَبِيرًا إِلَى أَجَلِهِ ذَلِكُمْ أَقْسَطُ عِندَ اللَّهِ وَأَقْوَمُ لِلشَّهَادَةِ وَأَدْنَى أَلاَّ تَرْتَابُواْ إِلاَّ أَن تَكُونَ تِجَارَةً حَاضِرَةً تُدِيرُونَهَا بَيْنَكُمْ فَلَيْسَ عَلَيْكُمْ جُنَاحٌ أَلاَّ تَكْتُبُوهَا وَأَشْهِدُواْ إِذَا تَبَايَعْتُمْ وَلاَ يُضَارَّ كَاتِبٌ وَلاَ شَهِيدٌ وَإِن تَفْعَلُواْ فَإِنَّهُ فُسُوقٌ بِكُمْ وَاتَّقُواْ اللَّهَ وَيُعَلِّمُكُمُ اللَّهُ وَاللَّهُ بِكُلِّ شَيْءٍ عَلِيمٌ " 282 سورة البقرة

هذا نص القرآن الكريم .. يعنى إجراء إجبارى وليس اختيارى .. وأراك خالفت ذلك ..

مش عايز كلامى يكون قاسى .. لكن فى النهاية لازم اكون صريح

إنت أخطأت .. دا ربنا بيعفيك من الحرج .. تقوم انت تعمل جدع وتقول مش عايز؟

لا كلام حضرتك مش قاسي و لا حاجه لأن ده اللي كان المفروض يحصل فعلاً و بالفعل واحد نصحني النصيحه دي يومها و أنا قلتله ده أخويا و مش ممكن هيجي اليوم اللي هنعض فيه في بعض و أنا و الله يا أستاذ عصام ما كان في دماغي موضوع المحل ده و لا كان في حساباتي أصلاً الا بعد ما دقق معايا علي حاجات تافهه زي ما قلت .

و بعدين اللي مزعلني أكتر هوه موقف باقي أفراد العيله لأنهم وقفوا مع الظالم ضد المظلوم لمجرد أنه في الخليج ... كان نفسي حد بس يطلع يقوله ده حق أخوك و لازم يرجعله و بعد كده يرجعه و لا لأ ده ما كانش هيفرق معايا كتير بس موقفهم ده اللي مزعلني أكتر من أي شيء تاني .

[مصري أصيل]

مهما ما تقول والله ماحد بيتغير انا والدي طلع عينه اللي يستلف وما يردش وكنا نقول طب يعاملونا كويس برده والله كانت بتتقال ادامي يبقى فلوس وعلم وكانوا بيزعلوا لما ندخل كليات كويسة

ازاي اتنين دكاترة وواحد مهندس مش كفاية الفلوس طيب انا كنت دايما ابقى عاوز اقول ايهما افضل اخوك او قريبك لو كانت ظروفه سيئة ولا قريبك او اخوك اللي سافر وربنا وفقه ف اي شيئ

ماهو المنطق بيقول ان اللي سافر ده لو كان مش كويس حتى ومش بينوبك منه شيئ ع الاقل كافيك شره مش احسن من لو كان فقران وعامليك مشاكل

للاسف الحقد والحسد موجود وع فكرة اللي ف مصر بيكسب ف الاخر لانه ع الاقل اي قرش بيكون معاه بتمتع بيه عياله بتتجوز وعيشتهم كلها بتكون عيشه عائلية انما المغترب عياله بيبقوا معاه وبعدين بيدخلوا كليات يبقوا ف مصر والمغترب لوحده ف بلد الاغتراب ينزل مصر للاسف الشديد بيكون عياله مستيين فرصة الهروب من مصر لانهم اتعودوا على الحياة بره مصر فبيهجوا واهلهم نفسهم اللي بيصعبوا عليهم وبيقولولهم سافروا انا حصل معايا ده والدي ووالدتي قالوا لي سافر انت تعبان هنا ومش هترتاح الا لما تسافر بعد محاولة للوصول للراحه بعد 4 سنين من العمل ف مصر

ياجماعة للاسف اللي ف مصر باصص لك باصص لك وطمعان طمعان

عشان كده وفروا كلامكم طبعا اللي ف مصر ده لما بيسافر بتتغير لهجته لانه فعلا بيعرف الواقع لكن هو ده اللي حاصل

أحسن حاجه أن حضرتك بتتكلم من واقع تجربة شخصية .. أتكلمت أولاً علي الإستكتار و ده أكتر حاجه بتضايقني أن بيستكتروا النعمة علي المغترب بالرغم أن السفر في حد ذاته ليه عيوب كتير و حضرتك اتكلمت عنها و للأسف الاثار الجانبية علي المسافر بتنعكس علي اولاده قبل ما تنعكس عليه هوه شخصياً .... و للأسف اللي في مصر فعلاً باصصلك باصصلك و عمرنا ما هنعرف نغير النظره دي .

[مصري أصيل]

لن انكر ماق لتوه فانتم من عاشه وخبره ولكن نرجوا ان نكون منصفين فليس الموضوع ظاهرة عامة ولكنها حالات خاصة

وبرضه هما اهلكم فاعذروهم وسامحوهم

لا أحد يستطيع أن يقول أنها ظاهرة عامة و لكن مسألة عدم العدل بين المغترب و غير المغترب موجودة و بكثرة و ليست حالات خاصة أو فردية و أنا أكتفيت بثلاثة أمثلة كنت أنا شخصياً أحدها و الأمثلة علي ذلك كثير .

أما من ناحية أننا نعذرهم فعذرهم الوحيد أننا كمغتربون ينطبق علينا مقولة البعيد عن العين بعيد عن القلب فمن أين لمن لا يعيش معك أن يعرف ظروفك ؟ فكل الأمور في مصر مكشوفة للجميع و لكن المغترب من يعرف ما عليه من التزامات من مدارس و تكاليف إقامات و إيجار مبالغ فيه و تكاليف معيشة كل يوم في زيادة ... من يعلم بهذا كله هم يرون ما يحيط بهم و نحن لنا الله.

أما السماح فمن الصعب لمن ذاق مرارة الظلم أن يسامح و خصوصاً إن كان هذا الظلم قد وقع عليك من أقرب الناس اليك.

تقبل تحياتي

[aimen]

للأسف الناس هنا بتنظر الى الجزء المتعلق بالمادة فقط لكن لا تنظر الى ما يحدث لنا أو لآولادنا

معقول انت معاك كذا أو بقالك كام سنة فى الخليج وبتشتكى ؟ طيب بتشتكى ليه

تشتكى لأن الأيام كلها زى بعضها لا فرق بين اعياد أو غيره

تشتكى من مشكلات العمل أو الحياة فى الخارج يا راجل قول كلام غير ده

تشتكى من انه لو حدث شئ لك - لن تجد احدا بجوارك الإ ربك الكريم دائما معقول الكلام اللى بتقوله ده

تشتكى - لأنك بتنزل بلدك كالغريب

تشتكى لما تلاقى اولادك بيتعاملوا معاك كأنك صراف ألى للسحب فى كل الأوقات ولا يوجد ايداع ابدا للعواطف

تشتكى لما يكون معاك اولاد صغيرين ولا يعرفوك عندما تنزل مصر لأنهم ولدوا وانت مغترب

كم انت دائم الشكوى ايها المغترب

مش مكفياك الفلوس اللى ربنا انعم عليها بيك وكمان بتشتكى ؟؟

[مصري أصيل]

للأسف الناس هنا بتنظر الى الجزء المتعلق بالمادة فقط لكن لا تنظر الى ما يحدث لنا أو لآولادنا

معقول انت معاك كذا أو بقالك كام سنة فى الخليج وبتشتكى ؟ طيب بتشتكى ليه

تشتكى لأن الأيام كلها زى بعضها لا فرق بين اعياد أو غيره

تشتكى من مشكلات العمل أو الحياة فى الخارج يا راجل قول كلام غير ده

تشتكى من انه لو حدث شئ لك - لن تجد احدا بجوارك الإ ربك الكريم دائما معقول الكلام اللى بتقوله ده

تشتكى - لأنك بتنزل بلدك كالغريب

تشتكى لما تلاقى اولادك بيتعاملوا معاك كأنك صراف ألى للسحب فى كل الأوقات ولا يوجد ايداع ابدا للعواطف

تشتكى لما يكون معاك اولاد صغيرين ولا يعرفوك عندما تنزل مصر لأنهم ولدوا وانت مغترب

كم انت دائم الشكوى ايها المغترب

مش مكفياك الفلوس اللى ربنا انعم عليها بيك وكمان بتشتكى ؟؟

كلام حضرتك كله صحيح و الله يا استاذ ايمن ... تحدثت بإستفاضه عن مساويء الغربة و التي لا يحس بها الا كل مغترب و كما قال احد الزملاء أننا للأسف لن نستطيع تغير هذه النظرة للمغترب مهما فعلنا .

تقبل تحياتي

[الباشمهندس ياسر]

اعرف شابا فى مقتبل العمر يعمل بمهنة راقية ف الخارج

بكى يوما ما عند التفكير فى هذه المشكلة و بلل الدمع خديه

سألته لهذه الدرجة وصل بك الامر

فأجاب بما لا استطيع ان انقله هنا

كان الله فى عون كل غريب مرتين ... مرة ف الوطن و مرة ف الخارج

[مصري أصيل]

اعرف شابا فى مقتبل العمر يعمل بمهنة راقية ف الخارج

بكى يوما ما عند التفكير فى هذه المشكلة و بلل الدمع خديه

سألته لهذه الدرجة وصل بك الامر

فأجاب بما لا استطيع ان انقله هنا

كنت أتمني أن تسرد لنا ما حدث لهذا الشاب ربما كان فيه السلوي لكل من يمر بتجربة مماثلة من باب اللي يشوف بلوة غيره تهون عليه بلوته و لكن هي بالتأكيد أسرار أأتمنك عليها و ليس من المفترض نقلها .

كان الله فى عون كل غريب مرتين ... مرة ف الوطن و مرة ف الخارج

آمين يا رب العالمين

[مصري أصيل]

أأسف بشده لجميع الأعضاء الكرام الذين قاموا بوضع مشاركات في هذا الموضوع و لم أتمكن من الرد عليها قبل إختفائها في المشكلة الأخيره للموقع .

[إسلام طلعت]

يا ابو كريم

خليك كريم

انت اشتريت المحل وكتبته باسم اخوك ومكنش في نيتك انك تاخد حاجة منه وسايبه شغال فيه وبيديره 10 سنوات

دلوقتي عايز تكتبه باسمك !!!

انا شايف انك انت طمعت

عملت حاجة لله ودلوقتي عايز تاخدها

وبعدين انت ربنا رزقك برزق واست لاخوك مكان يسترزق منه ... خلاص انساه بقة

لان من البداية كان ممكن تتفق ان الفلوس المحل دي سلف او شركة بنسبة

تحياتي وآسف لو ضايقتك بس دي الحقيقة ولازم تفكر فيها

والاخ اللي بيقول الناس في مصر بصالك بصالك عيب الكلام ده منتا واحد منهم عييييييييييييييييييييييييييييييييييييييييييب دول غلابة وكلنا غلابة

[مصري أصيل]

يا ابو كريم

خليك كريم

انت اشتريت المحل وكتبته باسم اخوك ومكنش في نيتك انك تاخد حاجة منه وسايبه شغال فيه وبيديره 10 سنوات

دلوقتي عايز تكتبه باسمك !!!

انا شايف انك انت طمعت

عملت حاجة لله ودلوقتي عايز تاخدها

وبعدين انت ربنا رزقك برزق واست لاخوك مكان يسترزق منه ... خلاص انساه بقة

لان من البداية كان ممكن تتفق ان الفلوس المحل دي سلف او شركة بنسبة

تحياتي وآسف لو ضايقتك بس دي الحقيقة ولازم تفكر فيها

شوف يا أستاذ إسلام... المحل لم يكن كل شيء لقد ذكرته علي سبيل المثال و ليس الحصر و بعدين لما تكون بداية الكلام منه إننا نشتري محل انا اللي هدفع تمنه بالكامل علشان نسيبه استثمار و لما سعره يزيد نبيعه و نقسم الزياده بالنص .. يعني انا نصيبي المال المدفوع و هو مشاركته بالفكره فقط .. و أنا أقبل وقتها هذا الإتفاق .. و أنفذه فعلا ..و بعدين يتطور الامر لرغبته في فتح المحل .. و أوافق .. و يتطور الأمر لإحتياجه للمحل بصوره دايمه .. و أوافق و كل ده بحسن نيه و طيب خاطر .. لأن تفكيري وقتها ان المحل كده كده مقفول .. إيه المانع يستفيد منه و في الآخر المحل موجود .. منا فاكره بتاعي .. و بعدين أغير رأيي كمان و أقول علشان ميكونش متضايق أو محرج آجي أقول له لو عاوز أكتبهولك بإسمك ألاقيه فعلاً من الأول لما إشتراه كان كاتبه بإسمه هو بدون علمي..

و أسكت كمان و أقول معلش يبقى فين الأنانيه و الطمع اللي انت بتتكلم عنهم ؟ المشكله أنه عندما تفعل كل هذا و يأتي تصرف يمحي كل هذا تصرف ينم عن أنانية محضة ... عن طمع فيما لديك ... تصرف يدل علي أنك مهما أعطيت و ضحيت لن يـٌقابل هذا الا بالجحود و النكران و بعد كل هذا عندما اطالب بحقي اكون قد طمعت علي حد وصفك ؟؟

و زي ما قلتلك المحل ليس هو المشكله الوحيده او الموقف الوحيد .. هناك الكثير الذي لو ذكرته فسأحتاج الي عدة صفحات من صفحات المنتدي و عندما فعلت ذلك كنت علي استعداد لعمل اكثر منه لو طـُلب مني و قبل حدوث هذه المشكلة عرضت عليه أن أرسل له مبلغ من المال لكي يوسع تجارته

والاخ اللي بيقول الناس في مصر بصالك بصالك عيب الكلام ده منتا واحد منهم عييييييييييييييييييييييييييييييييييييييييييب دول غلابة وكلنا غلابة

الموضوع من البدايه إسمه الرحمه بالمغتربين .. أنا مش عارف حضرتك مغترب و لا موجود في مصر .. بس أنا شايف ان الموضوع اللي بنتكلم فيه مش رأي واحد و لا اتنين و لا مجموعه حتى من خمسه ولا سته .. ده للأسف رأي أغلبية المغتربين .. الأغلب الأعم منهم ... يعني مينفعش تشكك فيه و لا تنكره .. و أنا متأكد إن حضرتك لو مغترب كنت حسيت بينا لو مكنش لتجربه شخصيه كان هيبقى لتجارب كتير لازم تصادفها في غربتك و تشوفها بنفسك

أسمح لي أري في رد حضرتك الكثير من البعد عن الواقع لأننا في النهاية لسنا ملائكة تمشي علي الأرض و لكننا بشر كل الذي نتمناه أن يـُقابل الإحسان بالإحسان و لا يُقابل الإحسان بالنكران فهل هذا كثير يا أخ إسلام ؟؟؟

تم تعديل 15 سبتمبر 2009 بواسطة مصري أصيل

[إسلام طلعت]

الفكرة بس انك اعملها لله فربنا رزقك برزق مادي اوسع منه فميش مشكلة لما تساعد المحتاج بدون متحسب كام ليك وكام ليه

انا بقولك كده عشان الدنيا تمشي ومتنساش لو مكنتش سافرت كنت هتبقة زيه بالظبط محتاج المساعدة المادية وهتتعلق اكيد باخوك المسافر صدقني اعمل الخير وخلي حسابك عند ربنا

وبعدين صحيح المغترب معهوش كل حاجة لان مفيش انسان اصلا بياخد كل حاجة كله 24 قيراط متوزعيييييين على كل واحد بنسب مختلفة

انا شايف ان كل مغترب عليه حق لابناء وطنه الفقراء والمحتاجين يساعد بيه دار ايتام او جمعية خيرية او يشوف اسرة او 2 او 3 يتكفل بجزء من مصاريفهم حسب مقدرته ما بالك الاقرباء

تخيل لو عملنا كده الحب والود والخير في بلدنا هيكون عامل ازاي ؟؟؟؟ بلاش نفرح بنفسنا اوي ونفتكر ان خلاص الناس بتبص علينا - ده احنا غلابة وهما غلابة بردو

على فكرة انا مغترب حاليا من 3 سنوات ووضعي مستقر الحمد لله

[محمد افندى]

جزاك الله خيرا يا اخ اسلام فعلا هم اهلنا ولو احنا مكناش سافرنا كنا هنبقى زيهم بس بجد ربنا يكون فى عون المغتربين انت عارف بردة الغربة عاملة ازاى بس للاسف بعض ضعاف النفوس فى مصر بدل ما يرد لاخوة الجميل وهو الكلام الطيب تبص تلاقية حتى الكلام الطيب مفيش ولى زميل حكى لى قصتة مع اهلة وهو يبكى وبصراحة صعب على جدا

تم تعديل 29 سبتمبر 2009 بواسطة محمد افندى

[محمد افندى]

انا شايف ان كل مغترب عليه حق لابناء وطنه الفقراء والمحتاجين يساعد بيه دار ايتام او جمعية خيرية او يشوف اسرة او 2 او 3 يتكفل بجزء من مصاريفهم حسب مقدرته ما بالك الاقرباء

تخيل لو عملنا كده الحب والود والخير في بلدنا هيكون عامل ازاي ؟؟؟؟ بلاش نفرح بنفسنا اوي ونفتكر ان خلاص الناس بتبص علينا - ده احنا غلابة وهما غلابة بردو

على فكرة انا مغترب حاليا من 3 سنوات ووضعي مستقر الحمد لله

ربنا يوفقك يا اخ اسلام ويجزيك خير ويجعلك مستقر على طول

تم تعديل 29 سبتمبر 2009 بواسطة محمد افندى

[بنت الشاطئ1]

الصراحة موضوع بيضايق جدا وفعلا المفروض وضع حدود لأن الناس فاكرة ان المغترب ده جالس على تل فلوس

المفروض لما الاخ يستلف من اخوه اللى متغرب انا واثقة ان ماحدش بيكتب كما امرنا الله عز وجل بس على الاقل الواحد ميديش الفلوس ويروح مسافر تانى يوم ومن غير ما يسأل مثلا متى يا أخى سترد هذا المبلغ او ان يشعر اخاه انه كان محتاجهم بس اثر اخاه وانه ممكن يصبر عليه المده اللى متفقين عليها..يعنى لازم يكون فى اتفاق ولو شفوى عشان لما ييجى الاخ يطلبهم من اخوه ميحسش اخوه ان اخوه المغترب ده عمل جنايه وذلك ليس لسبب الا لأنه كان معتقد ان هذا المبلغ اللى اخذه من اخوه كان هديه من اخوه المتغرب

اما ما يحدث الان ان الاخوة بتبيع ميراث واراضى ويقسموها دون عمل فى الحسبان لأخوهم المغترب ولو افترضنا ان اخوهم كان موجود وقت ما باعوا الميراث ..يقول له اخوه المسئول عن البيع.. حقك مع اختك الفلانية طب ليه الاحراج طب ما يديهم لأخوه كما اعطى الاخرين ..ثم تأتى اخته تقول لأخوها المغترب ان حقك معى تاخده ؟ طبعا الاخ هيتكسف يقول اه.. فيرد بسرعة ,’ مش مشكلة يعنى هيروحوا فين.. وخلص الكلام على كدا واجازة ورا اجازة وفلوس تانية بنفس الطريقة ومش بنشوف حاجة طب والله لو كل قرش من نصيبنا .. لو وضعناه فى مبنى لكنا بنينا قصر مش فيلا ..وتلاقى اخ مثلا طالب مبلغ كبييييييييييييييييير جدا ممكن نص مليون مثلا عشان يعمل مشروع بيهم ومش مشاركة لأ ..عايزهم سلفة .. مع ان اخوه المغترب لسه مالوش بيت ولا ارض ولا اى املاك خالص ولسه اولاده صغيرين ويمكن بستلف كمان .. ومهما قال انه معهوش ولا حد بيصدق

بصراحة موضوع جاى عى الجرح وممكن اتكلم للصبح

[tarek hassan]

"يَا أَيُّهَا الَّذِينَ آمَنُواْ إِذَا تَدَايَنتُم بِدَيْنٍ إِلَى أَجَلٍ مُّسَمًّى فَاكْتُبُوهُ "

هذا نص القرآن الكريم .. يعنى إجراء إجبارى وليس اختيارى .. وأراك خالفت ذلك ..

مش عايز كلامى يكون قاسى .. لكن فى النهاية لازم اكون صريح

إنت أخطأت .. دا ربنا بيعفيك من الحرج .. تقوم انت تعمل جدع وتقول مش عايز؟

لا شك أن هناك خطأ لابد من كتابة الدين بدون حرج سواء أكان المبلغ صغيرا أو كبيرا " ولا تسأموا أن تكتبوه صغيرا أو كبيرا إلى أجله "

ولكن الكلام الوقتي لا يفيد

المهم هناك خطيئة تقع على الأخ الذي استحل مال أخيه

كيف يربي الأخ أبناءه على مال يأكله بالباطل ؟

كيف يستحل مال أخيه ؟ وكيف يريد أن يورثه لأولاده من بعده وهو يعلم أنه مال أخيه ؟

أتمنى من الأخ الفاضل أن يذكر أخاه بالله وبصلة الرحم بينهما وبين أبنائهما في حياتهما ومن بعدهما

أما الأقارب فعليهم أن يقيموا الشهادة لله فقط ولا تكون مبنية على أي اعتبار آخر مهما كان فصاحب الحق أولى بحقه وهو صاحب القرار فيه

ملاحظة : عنوان الموضوع يجعل الحالة كأنها عامة ليس الأمر كذلك فأنا لست مغتربا وأخوتي مغتربون في كندا وأمريكا والخليج وليس بيننا هذا التقسيم ولا نشعر به

وفق الله الجميع لما يحب ويرضى

تم تعديل 29 سبتمبر 2009 بواسطة tarek hassan

[بنت الشاطئ1]

بصراحة انا بجد حرج لو حد استلف منى واقوله نكتب مع انى لو انا اللى مستلفة هكتب

بس مثلا لو ام تريد ان تستلف من ابنتها او ابنها او اب مثلا خصوصا لو كانوا مش عارفين الشرع كويس يمكن بين الاخوات الامر مش محرج قوى ..انا افضل ان اللى بستلف هو اللى يطلب كدا انه يكتب يعنى

بس موضوع التعميم اكيد احنا مش بنعمم بس ديه الاغلبية العظمى

طب مثلا لو واحد مغترب عايز يشترى قطعة ارض واجازته محدودة ومالوش بيت ولا اى حاجة خالص .. .. وييجى اخوه يقوله انا ابحث لك عن قطعة قولى انت بس امكانياتك كام يروح الاخ الغلبان يقوله مثلا خمسين الف .. يقوله خلاص اتوكل على الله ثم عليا وانا اشوفلك حاجة كويسة

وتمر الايام ..ها ايه الاخبار باقى اسبوعين..اه مانا بدور اهه..باقى اسبوع..ايه الاخبار .. اه وجدتها وجدتها..طيب بكام.. بمتين الف

لا يا اخى ده كتير انا قلتلك حدودى خمسين بس

ها باقى اربع ايام وارجع .. اه وجدتها.. طيب بكام .. بمية وخمسين الف

وانتهت الاجازة

قبل السفر بيوم

طيب معكاش يا اخويا مبلغ كدا اصلى ببنى فيلتى وازمت معايا شويه ومش عايز استلف من الغريب وانت اولى من الغريب

ايه رأيكوا بالله عليكوا واحد يقول كلمة حق ..ليا حق ازعل ولا انا كدا بسئ الظن