مبارك عليكم الشهر عساكم من عوادة

[ابو زمزم]

:sad: :lol: كل عام وانتم الى الله اقرب وعلى طاعته ادوم :lol: :lol:

الحمد لله ربنا اكرمنى العام الماضى برمضان الشهر كامل نصفه فى المدينة المنورة مدينة رسول الله صلى الله عليه وسلم يــــــــــــــــــــــــــــــــــــــــــــــــــــاه على المدينة وروح المدينة وجو المدينة ياه على نسيم المدينة والرائحة التى تهل وانت مقدم على مشارف الحرم النبوى يــــــــــــــــــــــــــــــــــــــــــــاه على تجمع الفقير مع الغنى العربى مع الغربى والشرقى الابيض مع الاسود المدير بجانبه العامل البسيط ................ فى اجتماع على اطول مائــــــــــــــــــدة افطار فى العالم يـــــــــــــــــــــاه على الافطار على شوية تمر رطب سكري مع كاســــــــــــــــات من ماء زمزم والزبادى ومعاه شوية الدقة وهو ده افطار السنة بجوار الحبيب المصطفى صلى الله عليه وسلم

يــــــــــــــــــاه على اجواء الروحانيات بقى فى التراويح وعلى انغام صوتيات التلاوات لائمة الحرم النبوى الشيوخ الاجلاء الحذيفى وحسين ال الشيخ وعبد البارىء الثبيتى وعبد المحسن القاسم وغيره حفظهم الله والله ليها طعم ايمانى ربنا يتقبله نيجى بقى للنصف المكى وهو التجمع ذاته على اطول مائـــــــــــــــدة افطار فى العالم وبرضه شوية الرطب وماء زمزم المكيى بقى ليها طعم مختلف ويا سلام بقى على انغام التراويح * ( النغمة الايمانية فى القلب ) *مع السديس والشريم وماهر المعيقلى وعادل الكلبانى وغيره حفظهم الله ورعاهم لخدمة الاسلام والمسلمين فالاجواء مختلفة تماما فى المدينة عن مكة وسبحان الله وهم اعظم ماسافرت اليهم وطبعا كما قال المصطفى لا تشد الرحال الا لثلاث مساجد المسجد الحرام والمسجد النبوى والمسجد الاقصى جمعنا الله واياكم بالصلاة فيهم وطبعا بقى فى صلاة التهجد والاعتكاف بالعشر الاواخر من رمضان وليلة القدر ودعاء السديس السنوى له اختلالالالالالالالالالالالاف كبير وفى اخر يوم رمضان هى عند ظهور رؤية هلال عيد الفطر فعند ثبوب الرؤية ونحن على سطح الحرم يفرح المسلمين بفطرهم ويهنىء بعضعهم البعض بالعيد ونحن جالسين على السطح تنطلق فى عنان السماء الالعاب النارية واصوات الفرح والبهجة

وغير ذلك من صلاة العيد فجلوسى فى سطح الحرم له رؤية مختلفة والمؤمنين مهنئين بعضهم بالعيد وعيدية الكبير للصغير يـــــــــــــــــــــــــــــــاه

وان شاء الله يربنا يكرمنى بعمرة رمضان هذا فان شاء الله الرحلة 4/رمضان ففى اربع ايام من رمضان فى مصر

وطبعا يا جماعة رمضان فى مصر مختلف ايضا من نواحى اخرى روحانياً وايمانيا الحرمين يكسبو ا بالنسبة لى اما بقى على الافطار طبعا بقى الافطار( الافطار على السنة ) فى الحرمين لهم اجواء كما وصفت اما الافطار بقى التانى ( مع الاهل والاقارب ) طبعا مصر تكســــــــــــــــــــــب بالجامـــــــــــــــــــــــد من حيث الاكلات الحلوة الى ساعات الواحد بيبقى لايص فى الحرم يا كل من عند مين بعد التراويح طبعا لان المعظم فى الحرم بيفطر الاكل العادى بعد التراويح وطبعا الزحمة بقى مقلكوش والطوابير على المطاعم ومتستمتعش بطعمه مش عاوز اوصفة انا الى كان بيصبرنى ( بروست البيك ) مع رغم زحامه الواحد بيصبر بس بياكل طبعا الاكل من ايد الاهل فى مصر جو تانى بس اهو شهر وخلاص ويسلام بقى على السهر فى رمضان مع الاصدقاء وليالى العيد والعيد مش عاوز اقلب المواجع على المغتربين العذاب وطبعا المغتربين المتزوجين ومعاه الاهل يعينى اه بتفرق ممكن الجو يكون مختلف انا عارف ان فى مطاعم مصرية واكلهم حلو بس رمضان مختلف مع الاهل فى السعودية

دا غير الشباب والاطفال بيعملو ا يه قبل الفطار :blink:

الموضوع يتبع شاركونا اجواء رمضانية من كل نواحى العالم

[وسط][/وسط]

[pocy]

هلاهلا اخي ابو زمزم

اولا كل عام وانت بخير وطيب والعائله الكريمه والامه الاسلاميه بخير

ثانيا سيدى الكريم وانت تتكلم عن الروحانيات فى مكه والمدينه فكرتنى بالعمره اللى كنت فيها فى شهر 4 واد ايه بجد حسيت كأنى فى المدينه وانت بتتكلم عنها

ثالثا سيدى اطلب منك الدعاء بظاهر الغيب لاختك الكريمه هناك(أم عمر) بتيسر الامور ان شاء الله واوعى تنسانى انا هحملك امانه هسألك عليها يوم القيامه ان شاء الله

ومشكور على الموضوع واتمنى انك تشاركنا فى موضوعنا

http://www.egyptiantalks.org/invb/?showtopic=84408

وجزاك الله خيرا

تم تعديل 13 أغسطس 2009 بواسطة pocy

[ابو زمزم]

هلا وغلا فيكى اختى الكريمة بوسى واحنا بنكلم عن رمضان فى الغربة :lol: انا لسه هنا فى مصر يعنى فى طبعا استعدادات رمضان ظهرت فى الشوارع المحلات بدأت تعرض منتجاتها زى التمور والياميش طبعا غير الخيم الرمضانية الى بتنفرد بيها مصر واشكالها الى بتخلى الواحد السعادة والفرح باستعداد رمضان من شعبان حتى رمضان ليهم طعم تانى لحد بقى مانخش على الشهر الكريم والاجواء بقى الى عارفاها سبحان الله بيبقى الشهر الكريم فعلا بكرمه مع البسطاء و و و و و و و لحد الصبح غير انه كمان بيرفع عن الناس الغم والنكد الى شايفاه طول السنة والله فى مصر خير من اهلها للبسطاء شهر نسائم ورحمات بحس ان المصريين ليهم احساس تانى خالص لاجواء رمضان

يلا يا اخوانى فين اجوائكوا الرمضانية

جزاكى الله خير وكل سنة وانتى طيبة :sad: عايز اجيبلك فطار سحور ا ن شاء الله وعمر اجيبله فانوس من بتاع مصر الزجاجى الملون الى طبعا مش موجود خالص فى الكويت :blink:

طيب خلاص هدعيلك زى ما طلبتى ان شاء الله ربنا ييسرلك امرك ويجعلك من السعداء فى الدنيا والاخرة وان يكفيكى شر الغربة ويرزقك خيرها ونتقابل على خير اختى ( ام عمر)

[ابو زمزم]

السلام عليكم ورحمة الله وبركاته

هلا باخوانى لسه محدش ظهرت عنده اى اجواء رمضانية باقى من الوقت عدة ساعات ويتولد هلال الشهر الكريم

طيب احمس الموضوع شوية :wub:

يعنى مثلا الشباب فى الشوارع والميادين بيزينو منازلهم ويعلقو الفوانيس والزينة ( الشرشير ) بالبلدى

والمحلات بتستعد لعرض منتجاتها ومبيعاتها فى الخيام الرمضانية

واجيبلكم شوية صور تفكركوا باجواء رمضان زمان وحاليا

عايز اعيش اخوانى المغتربيين اجواء رمضانية من مصر

حد تانى عايز يعيش الجو ( اللحظة )

تم تعديل 19 أغسطس 2009 بواسطة ابو زمزم

[سهل جدا]

الله يبارك في حضرتك يا أستاذ أبو زمزم

وربنا يعيد رمضان علينا جميعاً باليُمن والبركات

بسب بعد إذنك

بدل ما تقول (مبارك عليكم الشهر)

خليها : (مبروك عليكم الشهر)

أحسن كلمة مُبارك ديه ما بحبّهاش خالص...

[ابو زمزم]

منور يا استاذ سهل جدا شرفت ومعك اجواء رمضانية

مبارك عيكو الشهر ربنا ( مبــــــــــــــــــــــــــــــارك ) فى ايامنا وربنا يسترها علينا

[خالد شحاته]

كل عام وانت بخير اخي الفاضل وربنا يعيد الايام علي الجميع بالخير ان شاء الله

[ابو زمزم]

وانت طيب يا استاذ خالد ويارب ينولك الى فى بالك تنزل اجازة العشرة الاواخر من رمضان مصر

ويارب وانت بصحة وسلامة

وتكون من السعداء فى الدنيا والاخرة

وجزاك الله كل خير على معلومات حضرتك الممتازة الى حضرتك لم ولن تبخل على اى حد بيها

وجعلها الله فى ميزان حسناتك

وبطلب من حضرتك طلب ممكن تحكيلنا على اجوائك الرمضانية

يعنى كان رمضان وروحانيات رمضان كانت عاملة ايه معاك وانت صغير الى ان اصبحت ماشاء الله

يشرفنى مشاركتك :) ........... فضفضة بعيد عن جانب الجدية والاعمال اليومية وبالمرة نفكرك ببلدنا واجوائك الرمضانية فيها

وماشاء الله صورة توقيعك الجديدة ربنا يكتبها لنا الحرميين وما ادراك ما الحرميين

[HassanAboali]

السلام عليكم يارب يعيد علينا وعليكم وعلى الأمة الاسلامية شهر رمضان المبارك ويتقبل منه الصيام والقيام

وكان لي طلب عندك اخ ابو زمزم رجاء نزع سورة الشيخ السديس من جنب سورة الكعبة

وجزاك الله خير

[خالد شحاته]

وانت طيب يا استاذ خالد ويارب ينولك الى فى بالك تنزل اجازة العشرة الاواخر من رمضان مصر

ويارب وانت بصحة وسلامة

وتكون من السعداء فى الدنيا والاخرة

وجزاك الله كل خير على معلومات حضرتك الممتازة الى حضرتك لم ولن تبخل على اى حد بيها

وجعلها الله فى ميزان حسناتك

وبطلب من حضرتك طلب ممكن تحكيلنا على اجوائك الرمضانية

يعنى كان رمضان وروحانيات رمضان كانت عاملة ايه معاك وانت صغير الى ان اصبحت ماشاء الله

يشرفنى مشاركتك ........... فضفضة بعيد عن جانب الجدية والاعمال اليومية وبالمرة نفكرك ببلدنا واجوائك الرمضانية فيها

وماشاء الله صورة توقيعك الجديدة ربنا يكتبها لنا الحرميين وما ادراك ما الحرميين

السلام عليكم ورحمة الله وبركاته

اخي الفاضل رمضان انت عارف ايام ماكنا اطفال مشاء الله كنا مجموعه اطفال مشاء الله الان الا منهم دكتور والا منهم محاس والا منهم مهندس كل مشاء الله انعم الله عليهم جميعا كنا في الشهر الكريم نسهر نلعب في الشارع طول الليل حتي اذان الفجر نروح نصلي ونرجع نكمل شويه لعب والكل يرجع بيته لكي ننام نقوم علي العصر طبعا كنا اطفال لم ندرك اهميه الصلاه ونحن لم ندخل المدارس اهم شي انت عارف الاطفال اللعب والفانوس وكنا نصوم للظهر والولد الله يرحمة كان يجبرني علي الفطور علشان كنت صغير ولكن الحمد لله عندما دخلت المدارسه وانا من المرحله الابتدائيه عرفت كيفه الصيام وتعود علي الصيام من صغيري والحمد لله الان الشهر الكريم يجي في الحر او في البرد انسان تعود عليه وده فضل من الله سبحانه وتعالي علي الانسان ان يتحمل انا خارج مصر من عام 1988 ال 21 سنه اتذكر اني صمت في مصر فيهم ثلاث مرات وليس الشهر كامل بل العشر الاخيره من رمضان رغم الحمد لله انا هنا في المملكه من فتره كبير ه جداااا بس بعد ماجرت الصيام في مصر الثلاث سنوات الاخيره عرفت ان رمضان في مصر غير اي بلد تحس مع الاسره والاصدقاء في البلد غير هنا خالص رغم هنا الوقت كمان عندي بيكون اقدر اقراء قران اكتر من مصر لان انت عارف مصر ونزل 10 ايام مش هتلحق تشوف ده ولا ده وتنعزم اليوم عند اخوك ولا ابن عمك ولا صاحب لك بيعدو كفايه وانت لو راجع من سفر طريق طويل نشوف الخير علي جنبي الطريق والناس في وجها الخير انها بتخد الانسان بالقوه لكي يفطر عنده بعض المرات قضيت ايام كتيره في الحرمين الشرفين وهنا يختلف رمضان لان في مكه ولا المدينه شي تاني خالص لان طول الوقت في الحرم كفايه الصلاه في البيت الحرام ولا الدروس الا بعد صلاه الفجر في الحرم المكي الشريف من افضل علماء المملكه والحمد لله الان احنا فين وايام زمان فين وادعو الله العلي العظيم ان يعيد الشهر علي جميع اعضاء المنتدي وجميع الامه الاسلاميه بالخير واليمن والبركات ويتقبل منا الصيام والقيام ويكتب للجميع زيارة بيت الله الحرام وزياره مدينه رسول الله صلي الله عليه وسلم ومسجده الشريف في المدينه المنوره

وانتهز هذه الفرصه واقول للجميع

السلام عليكم ورحمة الله وبركاته...

أحبتي في الله....

كل عام وأنتم والأمة الإسلامية بكل خير وصحة وسعادة...

بمناسبة قرب شهر رمصان المبارك اعاده الله علينا

وعليكم بالخير واليمن والبركات ..

وأعاننا الله على صيامــه وقيــامه اللهم آميين ..

اتقدم اليكم باطيب التهاني والتبريكات

وجعله الله شهر خير وبركه على الامة الاسلامية جمعاء ..

وأسأل الله الكريم رب العرش العظيم أن يبلغني وإياكم شهر الخيرات..

والنفحات... شهر العتق من النيران ودخول الجنان..

وأن يرزقنا وإياكم صيامه وقيامه على الوجه الذي يرضيه عنا...

آميــن...آميــن...آميــن...

وأوصيكم وأوصى نفسى بقرآءة القرآن وختمه ..

والخشوع في الصلاة ..

تم تعديل 20 أغسطس 2009 بواسطة خالد شحاته