فرنسية ترفع دعوى ضد إدارة مسبح منعتها من السباحة بلباس شرعي

[nizza la bella]

ملابس للسباحة بقواعد الحشمة

انتقل الجدل بشأن اللباس الإسلامي في فرنسا إلى برك السباحة بعد منع فرنسية مسلمة من النزول إلى مسبح عام لأنها ترتدي "بركيني" وهو بدلة سباحة تغطي جسم المرأة من الرأس إلى القدمين.

ورغم أن هذه هي المرة الثالثة التي ترتاد فيها المسماة "كارول" مسبح أميرنفيل في ضواحي باريس الشرقية، فإن رئيس حراس هذا المسبح منعها من النزول إليه بتهمة خرقها للنظم المعمول بها والتي تحظر على مرتادي برك السباحة النزول بثيابهم بدواعي الحفاظ على الصحة والنظافة.

وقد اتهمت كارول البالغة من العمر 35 عاما مسؤولي هذه البركة بالتمييز المخالف للقانون ضدها، وتوجهت مباشرة إلى الشرطة ووسائل الإعلام للكشف عن الذي حصل.

وأكدت أن ما مورس ضدها هو "تمييز صارخ" وأنها ستكافح لتغيير الأمور, مشيرة إلى عدم استبعادها, إن رأت أنها ستخسر تلك المعركة, مغادرة فرنسا.

والبركيني كلمة تجمع بين لفظي "بيكيني" و"برقع" وهي بدلة صممتها الأسترالية من أصل لبناني إهداء زانتي, فلقيت نجاحا كبيرا في دول الخليج العربي بينما سببت إزعاجا في برك عامة بأوروبا وأميركا الشمالية.

وقد رفضت الشرطة الفرنسية قبول تسجيل شكوى كارول بدعوى أن رئيس حراس البركة لم يقم سوى بتطبيق التعليمات المطبقة في كل البرك العامة بفرنسا.

وكانت كارول التي تنحدر من عائلة فرنسية محافظة وأسلمت عندما كان عمرها 17 عاما, قد اشترت لباس سباحتها الإسلامي من دبي.

وقد نفى عمدة البلدية أن يكون لمنع كارول من السباحة في تلك البركة أية دوافع سياسية.

ومن المعروف أن فرنسا حظرت في العام 2004 ارتداء الحجاب في مدارسها الحكومية, كما تأتي حادثة لباس السباحة المذكور بعد فترة وجيزة من إعلان الرئيس الفرنسي نيكولا ساركوزي أن "فرنسا لا مكان للنقاب فيها".

المصدر:

تايمز

[nizza la bella]

نورونايا جماعة اللة يخليكو يعنى اية لبس إسلامي للسباحة!!!!!!!!!!!

[Scorpion]

نورونايا جماعة اللة يخليكو يعنى اية لبس إسلامي للسباحة!!!!!!!!!!! :rolleyes:

هو ده يا افندم

[الباشمهندس ياسر]

و مين بقى اللى افتى ان ده اسلامى؟

[Scorpion]

ده اللي انا شفته يا باشمهندس .. بيسموه في كل حتة المايوه الشرعي .. و بعدين ما دام اللي بيرتديه مستريح و مقتنع بيه ما افتكرش ان ده يضايق حد في مجتمع الفكرة نفسها موجودة في موروثاته و عاداته و تقاليده ... و اللي كتير من سيداته علي مختلف عقائدهم بينزلوا البحر لغاية دلوقتي كده :

المشكلة بتظهر في مجتمع مختلف تاني الفكرة نفسها غريبة عنه .. ممكن يتقبلها ببساطة لو ما خالفتش قوانين محددة حاططها .. و ممكن يرفضها لأي سبب خاص بنفس القوانين دي ...

حديك مثال بعيد عن موضوع المايوه ده و اللي انا شايفه ترفيهي شوية .. و ده مثال صعب فعلآ و لكن لسه بشوكه النهارده ...

في شمال ايطاليا بتنشط الأيدي العاملة المؤقتة في موسم قطف الطماطم ... الجو اليومين دول هناك حر ولعة و موجة حر أنيل جاية ...

طلع قرار "نقابي" ... و النقابة حضرتك عارف كويس انها اللي بتحمي حقوق العمال .. و لكن القرار ده طلع علشان "يرفد" او لا يتم استخدام أي عامل يمتنع عن الشرب أثناء أداء وظيفته ... و الشرب يعني شرب الماء مش الخمرة أحسن يتفهم خطأ ...

القرار ده طلع دلوقتي ليه ؟؟؟؟

علشان رمضان عالأبواب و الناس لازم تصومه طبعآ

و بما ان كتييير من الأيدي العاملة المؤقتة دي أصلها شرق أوسطي يعني مسلمين ... يبقي كتير منهم مش حيهوب جنب الميه اثناء ساعات عمله ...

يبقي اييه الأنطباع اللي يجيلك علي طول

حتلاقي جنب يقول لك أصلهم كفرة و بيكرهوا المسلمين و مش هاين عليهم حتي انهم يخلوهم يقوموا بأبسط حقوقهم الدينية...

و حتلاقي جنب تاني يقول لك ... دول ناس بتفكر في شغلهم .. مش معقولة يخلي عامل يشتغل تحت ظروف طبيعية مماثلة و ما يخلهوش يعوض الميه اللي بيفقدها ... لأنه طبيعي بعد كده لا يقع منه لا يجيله ضربة شمس و يضطر يدفعله تعويضات تفرضها عليه نفس القوانين اللي بتحمي حقوق العمال ...

ايه رأيك بجااااااااا ؟؟؟

مين اللي علي حق و مين اللي غلطان ؟؟؟

[ايهاب سالم]

إنها مؤامره على الإسلام و حقد صليبي على فريضة الصيام

عايزين الشباب المسلم يفطروا خوفا على لقمة عيشهم ليزعزعوا إيمانهم

ليه عايزين المسلمين يفطروا و سايبين اللي بيشربوا الخمر

ليه عايزين يمنعوا المايو الشرعي و سايبين البيكيني و التوبليس

ألا سحقا للغرب و من شايعهم من أبناء جلدتنا

[abaomar]

إنها مؤامره على الإسلام و حقد صليبي على فريضة الصيام

عايزين الشباب المسلم يفطروا خوفا على لقمة عيشهم ليزعزعوا إيمانهم

ليه عايزين المسلمين يفطروا و سايبين اللي بيشربوا الخمر

ليه عايزين يمنعوا المايو الشرعي و سايبين البيكيني و التوبليس

ألا سحقا للغرب و من شايعهم من أبناء جلدتنا

السلام عليكم

.

ليه كده يا ايهاب

ليه التفكير الوهابى السلفى ده.

دع ما لقيصر لقيصر و ما لله لله.

دى بلدهم و من حقهم بلاش الانغلاق ده و بحبها شويتين .

ايه المشكله ان الواحده من دول تاخذ راحتها فى الويك إند و تلبس او تقلع دى حريه شخصيه .. :rolleyes:

بصراحه زودتوها و ضيقتوا علينا كل حاجه .....ارحمونا بقى ......

[الباشمهندس ياسر]

ده اللي انا شفته يا باشمهندس .. بيسموه في كل حتة المايوه الشرعي .. و بعدين ما دام اللي بيرتديه مستريح و مقتنع بيه ما افتكرش ان ده يضايق حد في مجتمع الفكرة نفسها موجودة في موروثاته و عاداته و تقاليده ... و اللي كتير من سيداته علي مختلف عقائدهم بينزلوا البحر لغاية دلوقتي كده :

المشكلة بتظهر في مجتمع مختلف تاني الفكرة نفسها غريبة عنه .. ممكن يتقبلها ببساطة لو ما خالفتش قوانين محددة حاططها .. و ممكن يرفضها لأي سبب خاص بنفس القوانين دي ...

حديك مثال بعيد عن موضوع المايوه ده و اللي انا شايفه ترفيهي شوية .. و ده مثال صعب فعلآ و لكن لسه بشوكه النهارده ...

في شمال ايطاليا بتنشط الأيدي العاملة المؤقتة في موسم قطف الطماطم ... الجو اليومين دول هناك حر ولعة و موجة حر أنيل جاية ...

طلع قرار "نقابي" ... و النقابة حضرتك عارف كويس انها اللي بتحمي حقوق العمال .. و لكن القرار ده طلع علشان "يرفد" او لا يتم استخدام أي عامل يمتنع عن الشرب أثناء أداء وظيفته ... و الشرب يعني شرب الماء مش الخمرة أحسن يتفهم خطأ ...

القرار ده طلع دلوقتي ليه ؟؟؟؟

علشان رمضان عالأبواب و الناس لازم تصومه طبعآ

و بما ان كتييير من الأيدي العاملة المؤقتة دي أصلها شرق أوسطي يعني مسلمين ... يبقي كتير منهم مش حيهوب جنب الميه اثناء ساعات عمله ...

يبقي اييه الأنطباع اللي يجيلك علي طول

حتلاقي جنب يقول لك أصلهم كفرة و بيكرهوا المسلمين و مش هاين عليهم حتي انهم يخلوهم يقوموا بأبسط حقوقهم الدينية...

و حتلاقي جنب تاني يقول لك ... دول ناس بتفكر في شغلهم .. مش معقولة يخلي عامل يشتغل تحت ظروف طبيعية مماثلة و ما يخلهوش يعوض الميه اللي بيفقدها ... لأنه طبيعي بعد كده لا يقع منه لا يجيله ضربة شمس و يضطر يدفعله تعويضات تفرضها عليه نفس القوانين اللي بتحمي حقوق العمال ...

ايه رأيك بجااااااااا ؟؟؟

مين اللي علي حق و مين اللي غلطان ؟؟؟

ما انا عارف انهم بيسموه مايوه شرعى .. بس هما مين دول .. و بالامارة فيه محل ف السراج مول يكاد يكون متخصص فيه

بس بينى و بينك كده .. من غير ما الادارة تعرف ... هو المايه بعد ما تعمل stuck ع الجسم ... يبقى ينفع نقول شرعى او مدنى حتى

القرار بقى بتاع منع المايه ... يعتبر نوع من انواع السيفتى و كل شركة ليها الحق انها تحدد اللائحة الداخلية بتاعتها

تبعا لاختلاف المواسم و الحرارة و الطبيعة الجغرافية و الليلة دى كلها

و المسألة بسيطة .... شركة لا تضع فى حساباتها مسألة العقيدة و لها ان تضع ما تشاء من قواعد

اللى عاجبه اهلا و سهلا و اللى مش عاجبه ف الباب يفوت جملين مش جمل واحد

رغم ان المسألة دى عانينها منها ف البترول فترة لغاية ما اتحلت كالتالى

تغير الشيفت يبقى الساعة 12 ظهرا و بكده تضمن ان اى فريق هيصوم نص الوردية بتاعته بس

و طبعا ده مش فرض رأى ع الجماعه بتوع المحاصيل الزراعية لان كل شركة و ادرى بمصالحها

[nizza la bella]

نفي إيطالي لإلزام عمال بالإفطار

قسم من المهاجرين من شمال أفريقيا يشتغل في الزراعة بإيطاليا (الفرنسية-أرشيف)

نفى اتحاد المزارعين الإيطاليين الجمعة صدور قرار يلزم العمال الموسميين من المسلمين بالإفطار أثناء عملهم بالزراعة في الأيام الحارة في شهر رمضان المقبل, متراجعا على ما يبدو عن قرار أعلن الخميس وأثار موجة استياء بين العمال المهاجرين المسلمين

[nizza la bella]

يا ايهاب مش مؤامرء ولا حقد صليبي

الخبر كاذب

[nizza la bella]

يا استاذ ايهاب انا مقيم فى نيس جنوب فرنسا من 10سنين

وفى عرب جزائرى على تونسى على مغربى وفى اللى بينزل البحر بى ملابسة

مافيش ماشاكل وفى اللى بينزل بدون توب عادى

بس فى حاجة ودة الاهم هنا حمامة السباحة تختلف عن البحر

بمعنى ادق كلها تتعلق بالجوانب الصحية وأيضا بنظافة المسابح.

استغربت ان هذه السيدة الفرنسية تجهل القوانين الخاصة بالدخول للمسبح لانه حتى الرجال ممنوعين من السباحة في مايو من القماش (شورت رياضة)

وشكرا

[nizza la bella]

ده اللي انا شفته يا باشمهندس .. بيسموه في كل حتة المايوه الشرعي .. و بعدين ما دام اللي بيرتديه مستريح و مقتنع بيه ما افتكرش ان ده يضايق حد في مجتمع الفكرة نفسها موجودة في موروثاته و عاداته و تقاليده ... و اللي كتير من سيداته علي مختلف عقائدهم بينزلوا البحر لغاية دلوقتي كده :

المشكلة بتظهر في مجتمع مختلف تاني الفكرة نفسها غريبة عنه .. ممكن يتقبلها ببساطة لو ما خالفتش قوانين محددة حاططها .. و ممكن يرفضها لأي سبب خاص بنفس القوانين دي ...

مين اللي علي حق و مين اللي غلطان ؟؟؟

الاخ Scorpion الباشمهندس ياسر ساءل سؤال مين اللى افتي انة المايوه الشرعي ?

بيسموه في كل حتة المايوه الشرعي ?????

لا يا استاذى مش فى كل حتة

هنا فى اوربا مالهوش ماكان(فى حمامة السباحة)

استاذ Scorpion هنا فى قوانين ولازم تحترم

وان اتفق معاك ان

المشكلة بتظهر في مجتمع مختلف تاني الفكرة نفسها غريبة عنه .. ممكن يتقبلها ببساطة لو ما خالفتش قوانين محددة حاططها !!!!.. و ممكن يرفضها لأي سبب خاص بنفس القوانين دي !!!!...

شكرا

[nizza la bella]

ألا سحقا للغرب و من شايعهم من أبناء جلدتنا

smk: :lol:

[عبير يونس]

في حل جذري للمشكلة دي

اللي نفسها تسبح في مسبح

في مسابح منزلية أشكال وأنواع ممكن تتحط في أي مساحة خالية في المنزل

و طبعا بيتفك و يتركب

و في منه له غطاء (سقف)

ممكن يتحط في السطح

و تستمتع المرأة بالسباحة و بالمايوه العادي دون أن يراها أحد

ايه رأيكم؟؟

[شيدوان]

لماذا كل القضايا والمشاكل والمسائل بين الدول المتقدمه وغير المسلمه نجدها محترمه وتستحق الاهتمام 00 فى العلم والفن والادب والفكر والفلسفه 00 فى الحريه والديمقراطيه والانسانيه وكل ما هو ضرورى مفيد لتقدم ورقى كل العالم وليس دولهم فقط 00 يتفقون ويختلفون دون كلمات مكرره مستهلكه مثل تعصب وتعسف وتمييز عنصرى 00 دون اقحام الدين فى اى موضوع فلا نسمع كلمات مسيحى ويهودى وكافر و000

فى حين ان كل مابين المسلمين والمسلمين ، والمسلمين وغير المسلمين هو المرأه المحجبه والرجل الارهابى !؟

حتى التى تنحدر من عائله فرنسيه ، لمجرد انها مسلمه فاصبح الحجاب هو قضيتها ومعركتها ، واذا لم يسمحوا لها بارتداء مايوه محجب فلا تستبعد ان تترك بلدها !00 هل كل شئ معها تمام والحياه لونها بمبى فلم تواجه ابدا طول حياتها اى مشكله تستحق منها الشكوى وترك بلدها الا المايوه والسباحه فى البركة ؟!00

نحن فى حاجه الى وقفه طويله مع انفسنا ، ربما عرفنا شيئا يسحبنا ولو قليلا من بئر التخلف الذى القينا بانفسنا فيه 0

شكرى وتحياتى