انتصار المصريين المختطفين على القراصنة الصوماليين واسر 2 كمان

[dawn walker]

بدأ الخوف يعود من جديد لأسر الصيادين فى مدينة المطرية بمحافظة الدقهلية، بعد اتصال تليفونى تلقته حنان إبراهيم زوجة العربى عياد، وأكد لها تعطل مركب "سمارة" فى عرض البحر أثناء رحلة العودة، بعد أن تخطوا المياه الإقليمية للمملكة العربية السعودية وأنهم اضطروا إلى التوقف وسحب المركب "ممتاز ا" للمركب "سمارة" مما سيؤخر موعد عودتهم لأن المركب ستسير ببطء شديد.

وأضاف الصياد الناجى من الخطف أنهم يحاولوا الآن إصلاح العطل حتى لا يتأخروا كثيرا عن الموعد المقرر وصولهم فيه إلى ميناء السويس.

http://www.youm7.com//News.asp?NewsID=128480

ربنا يرجعهم بالسلامة

تم تعديل 17 أغسطس 2009 بواسطة dawn walker

[HDarwish]

بصراحه الحكومه شكلها وحش قوىىىىىىىىىىى

بس للاسف بتحب دايما تفضح نفسها

نفس سيناريو مجموعه السياح الى خطفوهم قرب السودان و طالبوا فديه عليهم

بجد انا مش عارفه الاخوه الى فى الحكومه دول بيضحكوا عليناو لا على نفسهم

لا وقبل كده كمان في "عودة الطلبة المصريين اللي كانوا في رحلة سفاري قرب الحدود"

من مصادر مقربة لي جدا .. أحد أصدقائي أمين شرطة في سجن طُرة

في يوم لقيته بيقوللي إن كان عندهم بالأمس قلق جامد قوي وجمعوهم الساعة اثنين صباحا ومش عارف وزير مين اللي كان موجود هناك في الساعة دي .. وقال إيه هيتم الإفراج عن عزام عزام الجاسوس المشهور واللي كان معروف انه موجود في السجن ده تحت الأرض .. وبعدها بيوم ولا يومين لقيت الخبر إن الطلاب بتوعنا رجعوا وخُد عندك بئا شكر في مجهودات الريس ودعاء أُسر الطلبة وثلاث اربع صفحات في الجرائد الرسمية شكر ودعوات لمجهودات سيادة الريس .. وما جابوش اي سيرة إنه تم تبادل الطلبة دول ب عزام عزام .. وبعدها باسبوع وبعد ما الجرايد شبعت وزهقت من كثر الشكر والمدح في الريس لقيت الخبر بتاع الإفراج عن عزام عزام ..

الناس دي بتشتغلنا .. آه والله

[doha]

بصراحه الحكومه شكلها وحش قوىىىىىىىىىىى

بس للاسف بتحب دايما تفضح نفسها

نفس سيناريو مجموعه السياح الى خطفوهم قرب السودان و طالبوا فديه عليهم

بجد انا مش عارفه الاخوه الى فى الحكومه دول بيضحكوا عليناو لا على نفسهم

لا وقبل كده كمان في "عودة الطلبة المصريين اللي كانوا في رحلة سفاري قرب الحدود"

من مصادر مقربة لي جدا .. أحد أصدقائي أمين شرطة في سجن طُرة

في يوم لقيته بيقوللي إن كان عندهم بالأمس قلق جامد قوي وجمعوهم الساعة اثنين صباحا ومش عارف وزير مين اللي كان موجود هناك في الساعة دي .. وقال إيه هيتم الإفراج عن عزام عزام الجاسوس المشهور واللي كان معروف انه موجود في السجن ده تحت الأرض .. وبعدها بيوم ولا يومين لقيت الخبر إن الطلاب بتوعنا رجعوا وخُد عندك بئا شكر في مجهودات الريس ودعاء أُسر الطلبة وثلاث اربع صفحات في الجرائد الرسمية شكر ودعوات لمجهودات سيادة الريس .. وما جابوش اي سيرة إنه تم تبادل الطلبة دول ب عزام عزام .. وبعدها باسبوع وبعد ما الجرايد شبعت وزهقت من كثر الشكر والمدح في الريس لقيت الخبر بتاع الإفراج عن عزام عزام ..

الناس دي بتشتغلنا .. آه والله

بالعكس في دي بالذات مش اشتغاله نهائيا والي عملوه هو الصح لان مش كل حاجه تذاع على العامة ومش كل الاتفاقيات الكل يفهمها ويعرف ماورائها خاصه وممكن لو صدقت الرواية وانهم فعلا افرجوا عن ده مقابل دول يكون في اطراف تانيه للاتفاق او مقابلات تانيه احنا منعرفهاش هم ادرى بيها لان هم الي امامهم خيوط اللعبه كامله ..

بصراحه مش شايفه غلطان في الموضوع ده كله غير امين الشرطه الي يفشي اسرار شغله ببساطه كده والمفروض امور زي كده متتاخذش غير بكل سرية وكتمان .. وفعلا اديك شفت مجرد ماعرف معلومه تافهه راح جري بلغها مابالك بقى لما الشعب كله يعرف التفاصيل كلها هيطنطن بيها لطوب الارض ..

احنا منعرفش عن الامور الا مايذاع في وسائل الاعلام يعني الي هم عاوزينا نعرفه مش الي المفروض فعلا نعرفه وبناء عليه فمنقدرش نحكم على حاجه غيبيه في علم الله ونقول صح او غلط .. ولا انت مش معايا في كده؟

[HDarwish]

احنا منعرفش عن الامور الا مايذاع في وسائل الاعلام يعني الي هم عاوزينا نعرفه مش الي المفروض فعلا نعرفه وبناء عليه فمنقدرش نحكم على حاجه غيبيه في علم الله ونقول صح او غلط .. ولا انت مش معايا في كده؟

لا للأسف أنا مش معاكي في بعض النقط ولكن أتفق معكي بالطبع في نقط كثيرة ... أتفق معكي أن هناك سياسات وأمور يجب أن لا تظهر إلى العلن حتى لا يتم فساد مخططات معينة هدفها مصلحة البلد والمواطن أولاً وأخيراً ... لكن أنا كنت بتكلم عن الأسلوب نفسه وأسلوب تداول الإعلام وفقا لمنظومة هدفها هو إقناع المواطن أننا استطعنا أن ننقذ أولادنا من فم الأسد لأننا لنا كلمة ولنا نفوذ على السلطة الإسرائيلية ... وطبعا الشعب يفرح ويهيص ويفكر إننا الدولة اللي محدش يقدر يكسر لها أمر وكلمتنا سيف على الجميع .. في حين إنه ما يعرفش إن اللي حصل بالتحديد ... طيب تعرفي إن وقتها آباء الطلبة دول كانوا رافضين عملية التبادل دي برغم فرط قلوبهم على أولادهم .. لإن أولادهم مش زي عزام عزام ... علشان تحصل عملية التبادل دي لدرجة إنهم قالوا إنهم يفضلوا أولادهم ما يرجعوش على إن عزام عزام يتم الإفراج عنه ...

حتوصلك فكرتي أكتر لما تقرأي شوية الأخبار دي وقتها وانتي حتعرفي فعلا ان الناس دي بتشتغلنا ...

هنا حتلاقي الحكومة بتقول إن مفيش لا صفقات ولا يحزنون والرئيس افرج عنه بمزاجه

وهنا حتلاقي تفاصيل الصفقة كامله وإن الريس بيقول ل شارون أنا عملت كل ده علشان خاطرك انت بس

وهنا حتلاقي فرحة اسرائيل وشارون بعودة عزام عزام ..

مشكلتنا بنصدق كل اللي بيتقال في الإعلام .. صدقتوا بئا إنهم بيشتغلونا ..

هي الديمقراطية .. إني ألعب بأفكارك واشكلها على مزاجي أنا علشان في الآخر تقول رأيك اللي أنا عايز اسمعه منك .. ولو حد خرج عن المنظومة دي اعتقله .. وساعتها يبئا .. إنت من حقك تعبر عن رأيك وأنا من حقي أني أسجنك !!!...

دمتم بود

[كرم احمد]

الحقيقة بدأت تظهر شوى بشوى و كما هو المتوقع كلام المسؤولين منة للارض وفعلا مايعرفوش اى حاجة عن اى حاجة

وان الصيدين هما فعلا اللى خلصوا نفسهم بنفسهم بالتعاون مع شيخهم

من المصرى اليوم

كشف السفير فرغلى عبد الحليم طه، سفير مصر فى جيبوتى، الذى ساعد فى تأمين وصول «شيخ الصيادين» الحاج حسن خليل، مالك أحد مركبى الصيد المختطفين إلى مصر، عن أن الفضل فى تحرير مركبى الصيد المصريين «ممتاز١ وأحمد سمارة»، يعود إلى «خطة ذكية» وضعها خليل ومواطنان أحدهما يمنى والآخر صومالى، مؤكداً عدم تدخل قوات كوماندوز أو أى جهات أمنية فى عملية التحرير، كما نفى نشوب أى خلاف بين القراصنة، مثلما تناقلت بعض الروايات.

وقال طه – فى تصريحات خاصة لـ«المصرى اليوم» – «الحاج حسن خليل والمواطن اليمنى محمد النهدى، وهو وكيل ملاحى وصاحب شركة تجارة أسماك، بالإضافة إلى مواطن صومالى - رفض طه ذكر اسمه حفاظاً على سلامته وسلامة قبيلته – وضعوا خطة ذكية جداً تمكن من خلالها الصيادون المصريون من السيطرة على المركب واختطاف الأسلحة من القراصنة».

وأضاف السفير المصرى: «بدأت الخطة بإلهاء القراصنة عن طريق إغرائهم بالمال والتفاوض على قيمة الفدية، وتم اختيار الوقت المناسب للسيطرة على مركبى الصيد، وكان فى الساعة الثالثة ظهراً، لكونه وقت انتشاء القراصنة بالقات، وتزامن مع مرور يوم واحد من حصول القراصنة على فدية السفينة الإيطالية، فتمكن الصيادون المصريون من السيطرة على المركبين وخطفوا الأسلحة من القراصنة».

من جانبه، رفض خليل، مالك سفينة الصيد المصرية «ممتاز١»، الإفصاح عن الجهة التى دفعت الفدية أو قيمتها.

وقال خليل – فور وصوله مطار القاهرة أمس قادماً من العاصمة اليمنية صنعاء - «الذى يُسأل فى هذا هو الرئيس مبارك»، موضحاً أن المركبين سيصلان إلى ميناء السويس غداً الخميس، أو الجمعة على أقصى تقدير.

ووصل شيخ الصيادين إلى مطار القاهرة الدولى ظهر أمس على متن رحلة الخطوط الجوية اليمنية رقم ٦٠٢، التى أقلعت من مطار صنعاء الدولى. وكان فى استقباله السفير مصطفى الجندى وعدد كبير من الجهات الأمنية المصرية العليا، وعقب خروجه رفضت السلطات الأمنية لصحفيى المطار التحدث معه

واهالى الصيدين بيقولوا المسؤولين بالخارجية قالوا لنا مالناش دعوة».

«مش هنسى أبدًا كلام السفير أحمد رزق لنا كلنا وهو يقول كل واحد مسؤول عن نفسه والخارجية ليس لها علاقة بهم، واجمعوا إنتو الفدية وإحنا هنوصلها بمعرفتنا» وطبا الناس دول بسطاء لابعد الحدود ومش يكذبوا ابداhttp://www.almasry-alyoum.com/article.aspx?ArticleID=223073

[doha]

وآدي الاستاذ كرم جاب رواية ثالثه او رابعه عن كيفية نجاة الصيادين دول ..

واحلى حاجه منسوب النجاح فيها ( لريس ) الصيادين .. عادي

قلت لكم مش هنعرف الحقيقة ابدا ..

وبيني وبينكم ميفرقش ايه الي حصل بقدر مايهمنا الناس دي ترجع لاهلها سليمه وخلاص ..

[كرم احمد]

وبيني وبينكم ميفرقش ايه الي حصل بقدر مايهمنا الناس دي ترجع لاهلها سليمه وخلاص ..

مش صح يا مدام doha لان دة يهمنا جدا

يعنى ابسط شئ نتأكد كويس جدا من خلال المشكلة دة قد اية المسؤولين فى مصر منافقين وكذابين وانهم مش حارصين على الشعب المصرى ابدا

[كرم احمد]

وبيني وبينكم ميفرقش ايه الي حصل بقدر مايهمنا الناس دي ترجع لاهلها سليمه وخلاص ..

مش صح يامدام doha لان دة يهمنا جدا

ابسط شئ نتأكد ان المسؤولين فى مصر اصبحوا على درجة عالية جدا من النفاق والكذب وما بيهمهمش اى حد من الشعب المصرى

والروايا الاولى مافيش فرق كبير بينها وبين الروايا الاخيرة كلهم بيأكدوا انا المسؤولين ما يعرفوش اى حاجة عن اى حاجة وان الصيادين هما اللى خلصوا نفسهم