سؤال عاطفى هام جدااااااااااااااااااااااااااااااااا!!!!!!

[lovelyramy]

سؤال ياجماعه ممكن يكون محرج ولكن عايزين كل واحد يدخل ويقول رأيه بصراحه وكمان اللى مروا بتجربه زى دى يقولو اختيارهم كان ايه وهل كان صح ولا لأ؟؟؟

السؤال بصراحه أيهما تختار الحب أم المستقبل؟؟

يعنى لو انت امام اختيارين اما أن تخطب وتتزوج من تحب أو أن تضع أموالك فى مشروع قد يجعل منك رجل اعمال غنى جدا ولكن بعد فتره أيهما تفضل فى الوقت الحالى فى فتره الشباب (من 23 الى 30) ولماذا ؟؟؟؟؟

[doha]

على حسب مين اهم عندي ومين اقرب لاشباع حاجتي الشخصية ومين له الاولوية في اهتماماتي ..

يعني لو انا ماديه وبهتم بالفلوس اوي فوق كل شيء او حتى عملية وشايفه ان الفلوس والمشاريع وان الواحد لازم يكون صاحب وضع اقتصادي مرتاح اكيد هفضل المشروع او الفلوس على الحب والزواج ..

ولو العكس وشايفه ان الاسرة والاطفال اهم او شايفه ان فلان ده او فلانه دي هتضيع مني لو مرتبطتش دلوقت وكان وجوده او وجودها اساسي اوي في حياتي اكتر من اي اعتبار تاني اكيد هختار الحب . .

الحالة مش عامه عند كل الناس وانت الي تقدر تحدد مين الي يهمك بين الاثنين ..

[Princesse]

[[size="5"]font="Times New Roman"]بالنسبة لي كبنت: انا شايف ان الحب = المستقبل و مفيش اي اعتراض بينهم.

احسن لي اتزوج انسان بحبه لسة في بداية حياته و نتعب مع بعض لاني هبقي ضمنة ان في المستقبل حياتي مع الانسان دا هتكون كلها حب و تراحم

اما لو اتزوجت واحد غني و مش بحبه اكيد مستقبلي معاه هيكون مظلم.

بالنسبة لي كنوز الدنيا دي كلها لا تساوي كلمة ماما لما اسمعها من ابني أو كلمة حب و رضى اسمعها من زوجي

يمكن انا عاطفية شوية

بس بجد في مرحلة معينة الانسان بيزهق من الفلوس لو عايش وحيد أو عايش مع ناس بيكرهم

يكفي الانسان ان يكون معاه رفيق صالح يصاحبه طول رحلة حياته و يزوره بعد كدة في القبر و يترحم عليه

مفيش اي شئ يساوي ابتسامة من ابني

يا ريت كل حاجة نقدر نشتريها بالفلوس

انا لو معايا فلوس او متزوجة وعندي اولاد، كنت هتسثمر كل فلوسي في اولادي و بيتي

تم تعديل 15 أغسطس 2009 بواسطة Princesse

[روبي]

طب هو مينفعش يكون الاثنين

يعني زوج صالح يرعاني و يخاف الله فيا و يحبني

و بنفس الوقت مستقبل جميل و خاصة لو كانت هذه الاسرة يحيطها الحب و الاحترام

لان المستقبل اولا بيد الله و لا نعلم اهو اليوم في العلالي و بكرة مش عارفة ايه

[Alshiekh]

سؤال ياجماعه ممكن يكون محرج ولكن عايزين كل واحد يدخل ويقول رأيه بصراحه وكمان اللى مروا بتجربه زى دى يقولو اختيارهم كان ايه وهل كان صح ولا لأ؟؟؟

السؤال بصراحه أيهما تختار الحب أم المستقبل؟؟

يعنى لو انت امام اختيارين اما أن تخطب وتتزوج من تحب أو أن تضع أموالك فى مشروع قد يجعل منك رجل اعمال غنى جدا ولكن بعد فتره أيهما تفضل فى الوقت الحالى فى فتره الشباب (من 23 الى 30) ولماذا ؟؟؟؟؟

ممكن تخطب وتحط اموالك فى المشروع فى نفس الوقت ومااعتقدش ان اللى يخطب حايسيب اعماله ويتفرغ للخطوبة والزواج ، بل قد تكون الخطوبة والزواج دافعين للاسراع بتحقيق النجاح ، وبدل ماتبنى لوحدك يبقى معاك شريك يبنى معاك ويقف معك ويدفعك للامام.

[ذهبية]

طالما انت وضعت الاختيار بين اتنين فقط مفيش اى اختيار بينهم

يبقى هاختار الحب لان ما معنى الفلوس لو عشت مع واحد مش بحبة اية معنى الفلوس و انا قاعدة فى احلى الاماكن بس مع حد مش باحبة

و بعدين كلمة مستقبل و نجاح كلمة مطاطة مختلفة من شخص لتانى

انا قمة النجاح بالنسبة ليا مش انى اكون غنية او مشهورة

انى اكون بصحتى و مستورة و اربى ولادى و يكونوا حواليا و معايا زوج بيراعى ربنا فيا ه و اوصل ولادى لطريق الامان و اشوفهم احسن

ناس و بصحتهم و اشوف ولادهم وولاد ولادهم ياااااااااااااارب دة النجاح بعينة بالنسبة ليا دة بيختلف من واحد للتانى

تحب الناس يحبوك علشانك انت لشخصك انت من غيراى هدف و لا غرض و لا تحب الناس يحبوك علشان انت غنى و

مشهور ايهما افضل بالنسبة ليك ؟؟؟؟؟؟

عموما سواء دة او دة الانسان لابدان يختار هو بيحب اية لكن بشرط ان يتحمل مسئولية اختيارة اى كان

العقلاء من البشر من يستفيد من تجارب الاخرين بدون ان يرهقوا نفسهم من تعب التجربة و دفع تمن الضريبة

ذهبية

[enjisultan]

سؤال ياجماعه ممكن يكون محرج ولكن عايزين كل واحد يدخل ويقول رأيه بصراحه وكمان اللى مروا بتجربه زى دى يقولو اختيارهم كان ايه وهل كان صح ولا لأ؟؟؟

السؤال بصراحه أيهما تختار الحب أم المستقبل؟؟

يعنى لو انت امام اختيارين اما أن تخطب وتتزوج من تحب أو أن تضع أموالك فى مشروع قد يجعل منك رجل اعمال غنى جدا ولكن بعد فتره أيهما تفضل فى الوقت الحالى فى فتره الشباب (من 23 الى 30) ولماذا ؟؟؟؟؟

ممكن تخطب وتحط اموالك فى المشروع فى نفس الوقت ومااعتقدش ان اللى يخطب حايسيب اعماله ويتفرغ للخطوبة والزواج ، بل قد تكون الخطوبة والزواج دافعين للاسراع بتحقيق النجاح ، وبدل ماتبنى لوحدك يبقى معاك شريك يبنى معاك ويقف معك ويدفعك للامام.

اصل غالبا الفلوس دى يأما يتجوز بيها او حتى يخطب

او يدخل بها مشروع يعنى ماينفعش الاتنين مع بعض لان انا فهمت كدة من سؤالة انة لازم يكون فى اختيار

ولو فى اهالى يوفقوا على رأى حضرتك يا استاذ محمد ما كانش حد غلب

اما عشان يخطب لازم شبكة ولازم حفلة يعنى المبلغ اللى معاة هيقل

انما بقى لو معاة فلوس للاتنين يبقى يتوكل على اللة

ربنا يوفقك ويوفق الجميع

[mandoo]

بما أنه سؤال عاطفى وهام جدا ااااااااااااااااااااااااا!!!!

يبقى الحب ...الحب .. الحب .... علشان ببساطة إحنا اللى بنعمل الفلوس ... وعمر الفلوس مابتعمل النفوس

وأجدادنا قالوا .... ياواخد القرد على ماله ..... يروح المال ويفضل القرد على حالة

وزمان كانت العائلات المحترمة بتجوز بناتها دون النظر فى موضوع المادة ... وكانت الكلمة السائدة ..إحنا بتشترى راجل ... وكان أهم حاجة يكون بيشتغل فى الحكومة ... وبعدين إتغير الحال وبنات كتييير قوى وخريجى جامعات وحاصلات على درجات علمية تزوجوا من أغنياء جهلة .. ولو سألت واحد فيهم إنت شهاداتك إيه ؟ يرد عليك ويقول عشرين مليون جنيه فى البنك وثلاث عمارات وعربية بودرة وتمساحة للمووووودام . وهبا ياباشا البيه يتجوز السكرتيرة .... ومش بس كده .. لا... ويلعب بديله كمان

يبقى أخدنا إيه من الفلوس اللى بتغير النفوس

مش الحب لذيذ حتى لو كان على حصيرة وبابور جاز

[الباشمهندس ياسر]

رغم انى مش فاهم انهى شريحة اللى تكاليف الجواز فيها تساوى تكاليف اقامة مشروع يحولك لرجل اعمال ع المدى القريب..

الا انى هجاوبك

الفلوس بتروح و تيجى و احنا اللى بنعملها

انما شريك حياتك ... يا ترى ... هتعرف تعمل منه كام واحد

[عاشق الترحال]

السؤال ده بيعاني منه ناس كتير قبل الزواج وبعد الزواج

قبل الزواج زي الحاله اللي حضرتك بتتكلم عنها الوقتى

وبعد الزواج زي حال كتير من الناس اللي بيضطروا أنهم يضيعوا أحلى سنوات العمر في الغربه بعيد عن أهلهم وزوجاتهم وأبنائهم التلبيه متطلبات الحياه وعمل مستقبل لأولادهم علشان ميعانوش نفس معاناتهم .

ومعظم الشباب وأنا واحد منهم بيضطر أنه يتجوز على أد حاله ويجهز شقته بالتقسيط فأنت ممكن بالإتفاق أولا مع شريكة حياتك وثانيا مع أهلها أنك تبدأ ولو بخطوبه بسيطه في أضيق الحدود وبأقل التكاليف وفي نفس الوقت تعرض عليهم المشروع بتاعك وتحاول تقنعهم بفكرتك دي وأتكلم مع والدها بالعقل وهو إن حس أنك شاري بنته وعاوز تقف على رجليك بمشروعك ده هيحترمك ويقف جنبك وشريكة حياتك تقدر تقنع والدتها وإن كانت متمسكه بيك هتقنع أهلها وإن شاء الله ربنا يوفقك إتوكل على الله وقول يارب .

وإن شاء الله ربنا يصلح لك الحال والمشروع بتاعك يبدأ يقف على رجليه وتستفاد منه وقتها ممكن تتجوز أو أنك تاخد من الأرباح جزء بسيط تدفعها مقدم وتجهز شقتك بالتقسيط وواحده واحده وكل حاجه بتيجي بالصبر وربنا يا أخي خلق الدنيا في سبعة أيام مع أنه قادر أنه يخلقها سبحانه ب (( كن فيكون )) .

فأنا نصيحتي لك حاول متخسرش الإتنين لأن الحب لو كان فعلاَ حب حقيقي مش هيتعوض وفي نفس الوقت أي شاب مننا يهمه مستقبله وعاوز يعيش حياته ويعيش مرتاح ماديا وخصوصا في الزمان اللي إحنا عايشينه الوقتى الماده أصبحت بتتحكم في كل شئ.

دورها في دماغك وإحسبها كويس وإعقلها وتوكل وربنا يوفقك للخير ويصلح لك الحال .

[lovelyramy]

شكرا لكم جميعا على ارائكم المختلفه اللى بتعبر عن عديد من الاتجاهات الفكريه واكيد كل واحد فى الموقف دا هيحسب حساباته من تانى

[herohero]

صدقني ما بتفرقش عيش حياتك واتمتع بشبابك واتجوز والمشاريع لاحقين عليها لان المشروع بيجر مشروع لحد ماتلاقي فرصك ف الاختيار بتقل وكمان اللي كانوا كويسين ما بقوش موجودين والمشاريع مش بتخلص والساقية مش بتقف

هتدخل ف دوامه كتير غيرك دخلوا فيها

[زعلان]

و ايه علاقة الزواج بالفلوس

[عاشق الترحال]

و ايه علاقة الزواج بالفلوس

اكيد حضرتك متجوزتش قبل كده علشان اللي أتجوز أكيد عارف أن الزواج مرتبط إرتباط وثيق بالفلوس

معاك فلوس = تقدر تتجوز

ولا الشباب اللي قاعد من غير زواج لحد الوقتى قاعد ملوش مزاج للزواج ؟؟؟؟؟؟؟!!!!!!!!!!

أكيد علشان مفيش إمكانيات ولا فلوس .

ولا هنفطر حب ونتغدى حب ونتعشى حب ونفرش الشقه حب ونجيب الشبكه حب وكل طلبات الزواج هتبقى حب ؟؟؟

ساعتها لو قلتلها كده هتقولك باي باي طريق السلامه يا شربات .

[زعلان]

اكيد حضرتك متجوزتش قبل كده علشان اللي أتجوز أكيد عارف أن الزواج مرتبط إرتباط وثيق بالفلوس

يمكن يكون عندك حق ولو جزئي

[Princesse]

و ايه علاقة الزواج بالفلوس

اكيد حضرتك متجوزتش قبل كده علشان اللي أتجوز أكيد عارف أن الزواج مرتبط إرتباط وثيق بالفلوس

معاك فلوس = تقدر تتجوز

ولا الشباب اللي قاعد من غير زواج لحد الوقتى قاعد ملوش مزاج للزواج ؟؟؟؟؟؟؟!!!!!!!!!!

أكيد علشان مفيش إمكانيات ولا فلوس .

ولا هنفطر حب ونتغدى حب ونتعشى حب ونفرش الشقه حب ونجيب الشبكه حب وكل طلبات الزواج هتبقى حب ؟؟؟ wst::

ساعتها لو قلتلها كده هتقولك باي باي طريق السلامه يا شربات . :wub:

معاك حق في كل كلمة يا استاذ عاشق الترحال

بس مين السبب في كل دا؟

ثقافة المجتمع...احنا ثقافة مجتمعنا غلط في غلط

كل فرد واحد فينا هو جزء من مشكلة عزوف الشباب عن زواج: مثال لو مثلا اتقدم ولد على خلق و دين لبنت و هو مش عانده شبكة ولا مهر ولا شقة هل حد هيرضى يزوجه بنته أو اخته او بنت خالته؟

مفيش اي حد عنده الشجاعة انه يجد الحل و يطبقه على نفسه و اهل بيته.

الحل هو اتباع الدين: يعني مثلا الشبكة مش مذكورة في القرآن ولا هي شرط من شروط الزواج الصحيح

المهر؟؟ قال الرسول الله صلى الله عليه و سلم : اكثرهم بركة اقلهم مهورا...ويكفي نشوف مهر السيدة فاطمة بنت رسولنا الكريم ...ليه منتبعش السنة في النقطة دي؟

هل مذكور في القرآن ان الزوج لازم يكون عنده شقة تمليك؟ او عربية

الحل بسيط : من جاءكم من ترضون دينه فزوجوه

طب ازاي ؟

اولا: اقترح على الحكومة انشاء مباني سكنية على نظام ستوديو زي اوروبا كدة ..و يكون ايجار جديد

هو اي اتنين متزوجين جديد محتجين ايه غير حجرة و مطبخ و حمام ؟

ثانيا: المشاركة مش عيب لو الزوج و الزوجة بيشتغلوا ( بس بالتراضي طبعا) هو يصرف على نفسه و هي تصرف على نفسها ...و مصاريف البيت مشتركة تتقسم عليهم

ثالثا: و دي اصعب حاجة : تغيير نظرة الاهل للزواج...مش شرط مهر او شبكة او قايمة او عفش كتير او فرح كبير ..المهم الانسان الي يجوز بنتهم يكون راجل و يصونها

لو الكلام دا اطبق صدقوني من بكرة نص شباب مصر هيكونوا متزوجين.

اكيد ناس كتير مش هيعجبها كلامي بس دي وجهة نظرى في مجتمع غارق حتى اذنيه في مظاهر الدين الشكلية و بيتناسى صحيح الدين. مجتمع اناني محدش عاوز يتنازل و يساعد الشباب...كل الي بيعملوا انه يقول " يا حراااااااااااام عندنا 9 مليون عانس في مصر"

[lovelyramy]

والله كلامك مظبوط جداااااااااااااااااااااااا وبيلمس عمق الموضوع

فعلا اللى مخلى الشباب اليومين دول شايف انه مستحيل مش صعب انه يتجوز كل المظاهر دى

الشاب جوازه يتكلف بالقليل حوالى من 60000 الى 80000 دا كمان على حسب هل الشقه موجوده ولا لأ وهل متجهزه ولا لأ

[عنبو]

والله انا على حسب يعنى لو فيه واحده معينه قدامى وانا شايفها انها مناسبه ليا وممكن متتعوضش بعد كده اكيد هرتبط بيها اما لو مافيش حد فى دماغى يبقى ابدأ فى المشروع واشتغل لحد لما قابل نصى التانى وربنا يسهل

بس انا ليا وجهة نظر بالنسبه لتكاليف الزواج

انا علشان اتزوج لازم يكون معايا تكاليف الزواج والا بلاش منها الزواج يعنى مش هنجيب بنات الناس نبهدلهم معانا دى وجهة نظرى

[عاشق الترحال]

السنه اللي فاتت كان فيه قريه مصريه تبنت فكرة أنهم يزوجوا شبابهم وبناتهم بأقل التكاليف ومن غير المصاريف المبالغ فيها والشروط التعجيزيه اللي بنشوفها ونسمع عنها وخصوصا لما وجدوا أن الشباب أعمارها بدأت في تجاوزت الثلاثين وبدون زواج .

وفعلا الناس الله يجزاهم خير عملوا أفراح وجهزوا الشقه في أقل الإمكانيات والأساسيات وكانت غرفه وصاله وحمام ومطبخ ولموا الليله على أد الحال وخلاص والجميل أنهم لما عملوا كده ماكنش الموضوع قاصر عالفقراء بس لأ أول من بدأ بزواج بناته عالطريقه دي كان عمدة البلد والناس المرتاحه ماديا علشان يبقوا نموذج ومثال وقدوه للناس وفعلا الناس ربنا يكرمهم ستروا الشباب وفتحوا بيوت والله يجزاهم بالخير .

وعلى حد علمي الناس (( اللي زي حالاتنا الطبقه المتوسطه )) الوقتي في مصر مبقوش يتشددوا زي زمان وخصوصا أن الحاله الماديه والإقتصاديه لغالبية الناس أصبحت تعبانه.

والوقتى نسبة تأخر الزواج في الجنسين أصبحت تهدد بكارثه لما تلاقي بنات وشباب عمرها تجاوز الثلاثون بل على مشارف الأربعين وأحيانا تجاوزوها ولسه متجوزوش هيتجوزوا إمتى ؟؟؟!!!!!!!!!!

نفس المشكله بيعاني منها الشباب والفتيات في الخليج بس هما فعلا مزودينها أوي يعني المهر يبقى بأد أيه والشقه فيها أيه وكله كلام فاضي علشان يتباهوا و (( فشخره )) ملهاش لزمه .

وربنا يهدينا ويهدي الناس ويرزق بنات المسلمين بالأزواج الصالحين ويرزق شباب المسلمين بالزوجات الصالحات.

تم تعديل 17 أغسطس 2009 بواسطة عاشق الترحال