اخواني الشرفاء من المسلمين .. هل تتقبلون الآخر؟

[زعلان]

هناك من يقول ان من كفر بالاسلام على حق و ان الاسلام من عدمه ليس مقياسا عند الله يوم القيامة بحجة ان الاسلام دين مشوه اليوم ولا يمكن ان يحتج الله به على الناس طالما انه انسان كويس بمقياس اهل الدنيا وقوانينهم لذا يجب ان نفصل بين الايمان والعمل الصالح

نقول ان الايمان مرتبط بالعمل الصالح وان العمل الصالح مرتبط بالايمان وانهما اساس الحساب

فلا يقبل ان نغفل العمل الصالح و لا يقبل ان نغفل الايمان

"َبَشِّرِ الَّذِين آمَنُواْ وَعَمِلُواْ الصَّالِحَاتِ أَنَّ لَهُمْ جَنَّاتٍ تَجْرِي مِن تَحْتِهَا الأَنْهَارُ كُلَّمَا رُزِقُواْ مِنْهَا مِن ثَمَرَةٍ رِّزْقاً قَالُواْ هَـذَا الَّذِي رُزِقْنَا مِن قَبْلُ وَأُتُواْ بِهِ مُتَشَابِهاً وَلَهُمْ فِيهَا أَزْوَاجٌ مُّطَهَّرَةٌ وَهُمْ فِيهَا خَالِدُونَ"

"وَالَّذِينَ آمَنُواْ وَعَمِلُواْ الصَّالِحَاتِ أُولَـئِكَ أَصْحَابُ الْجَنَّةِ هُمْ فِيهَا خَالِدُونَ"

" مَنْ عَمِلَ صَالِحاً مِّن ذَكَرٍ أَوْ أُنثَى وَهُوَ مُؤْمِنٌ فَلَنُحْيِيَنَّهُ حَيَاةً طَيِّبَةً وَلَنَجْزِيَنَّهُمْ أَجْرَ هُم بِأَحْسَنِ مَا كَانُواْ يَعْمَلُونَ"

"وَأَمَّا الَّذِينَ آمَنُوا وَعَمِلُواْ الصَّالِحَاتِ فَيُوَفِّيهِمْ أُجُورَهُمْ وَاللّهُ لاَ يُحِبُّ الظَّالِمِينَ"

"فَأَمَّا الَّذِينَ آمَنُواْ وَعَمِلُواْ الصَّالِحَاتِ فَيُوَفِّيهِمْ أُجُورَهُمْ وَيَزيدُهُم مِّن فَضْلِهِ وَأَمَّا الَّذِينَ اسْتَنكَفُواْ وَاسْتَكْبَرُواْ فَيُعَذِّبُهُمْ عَذَاباً أَلُيماً وَلاَ يَجِدُونَ لَهُم مِّن دُونِ اللّهِ وَلِيّاً وَلاَ نَصِيراً"

" وَعَدَ اللّهُ الَّذِينَ آمَنُواْ وَعَمِلُواْ الصَّالِحَاتِ لَهُم مَّغْفِرَةٌ وَأَجْرٌ عَظِيمٌ"

"وَعَدَ اللَّهُ الَّذِينَ آمَنُوا وَعَمِلُوا الصَّالِحَاتِ مِنْهُم مَّغْفِرَةً وَأَجْراً عَظِيماً"

"فَالَّذِينَ آمَنُوا وَعَمِلُوا الصَّالِحَاتِ لَهُم مَّغْفِرَةٌ وَرِزْقٌ كَرِيمٌ"

"لِيَجْزِيَ الَّذِينَ آمَنُوا وَعَمِلُوا الصَّالِحَاتِ أُوْلَئِكَ لَهُم مَّغْفِرَةٌ وَرِزْقٌ كَرِيمٌ"

"إِنَّ الَّذِينَ آمَنُوا وَعَمِلُوا الصَّالِحَاتِ إِنَّا لَا نُضِيعُ أَجْرَ مَنْ أَحْسَنَ عَمَلاً"

"إِنَّ الَّذِينَ آمَنُوا وَعَمِلُوا الصَّالِحَاتِ سَيَجْعَلُ لَهُمُ الرَّحْمَنُ وُدّاً"

"فَأَمَّا مَن تَابَ وَآمَنَ وَعَمِلَ صَالِحاً فَعَسَى أَن يَكُونَ مِنَ الْمُفْلِحِينَ"

"والعصر ان الانسان لفي خسر الا الذين آمنوا وعملو الصالحات وتواصوا بالحق وتواصوا بالصبر"

" وَقَالَ الَّذِينَ أُوتُوا الْعِلْمَ وَيْلَكُمْ ثَوَابُ اللَّهِ خَيْرٌ لِّمَنْ آمَنَ وَعَمِلَ صَالِحاً وَلَا يُلَقَّاهَا إِلَّا الصَّابِرُونَ"

" وَالَّذِينَ آمَنُوا وَعَمِلُوا الصَّالِحَاتِ لَنُكَفِّرَنَّ عَنْهُمْ سَيِّئَاتِهِمْ وَلَنَجْزِيَنَّهُمْ أَحْسَنَ الَّذِي كَانُوا يَعْمَلُونَ"

"وَالَّذِينَ آمَنُوا وَعَمِلُوا الصَّالِحَاتِ وَآمَنُوا بِمَا نُزِّلَ عَلَى مُحَمَّدٍ وَهُوَ الْحَقُّ مِن رَّبِّهِمْ كَفَّرَ عَنْهُمْ سَيِّئَاتِهِمْ وَأَصْلَحَ بَالَهُمْ"

"وَالَّذِينَ آمَنُوا وَعَمِلُوا الصَّالِحَاتِ لَنُدْخِلَنَّهُمْ فِي الصَّالِحِينَ"

"وَمَا أَمْوَالُكُمْ وَلَا أَوْلَادُكُم بِالَّتِي تُقَرِّبُكُمْ عِندَنَا زُلْفَى إِلَّا مَنْ آمَنَ وَعَمِلَ صَالِحاً فَأُوْلَئِكَ لَهُمْ جَزَاء الضِّعْفِ بِمَا عَمِلُوا وَهُمْ فِي الْغُرُفَاتِ آمِنُونَ"

" إِلَّا الَّذِينَ آمَنُوا وَعَمِلُوا الصَّالِحَاتِ وَقَلِيلٌ مَّا هُمْ"

" أَمْ نَجْعَلُ الَّذِينَ آمَنُوا وَعَمِلُوا الصَّالِحَاتِ كَالْمُفْسِدِينَ فِي الْأَرْضِ أَمْ نَجْعَلُ الْمُتَّقِينَ كَالْفُجَّارِ"

"تَرَى الظَّالِمِينَ مُشْفِقِينَ مِمَّا كَسَبُوا وَهُوَ وَاقِعٌ بِهِمْ وَالَّذِينَ آمَنُوا وَعَمِلُوا الصَّالِحَاتِ فِي رَوْضَاتِ الْجَنَّاتِ لَهُم مَّا يَشَاؤُونَ عِندَ رَبِّهِمْ ذَلِكَ هُوَ الْفَضْلُ الكَبِيرُ {22}‏ ذَلِكَ الَّذِي يُبَشِّرُ اللَّهُ عِبَادَهُ الَّذِينَ آمَنُوا وَعَمِلُوا الصَّالِحَاتِ"

"وَيَسْتَجِيبُ الَّذِينَ آمَنُوا وَعَمِلُوا الصَّالِحَاتِ وَيَزِيدُهُم مِّن فَضْلِهِ وَالْكَافِرُونَ لَهُمْ عَذَابٌ شَدِيدٌ"

" فَأَمَّا الَّذِينَ آمَنُوا وَعَمِلُوا الصَّالِحَاتِ فَيُدْخِلُهُمْ رَبُّهُمْ فِي رَحْمَتِهِ ذَلِكَ هُوَ الْفَوْزُ الْمُبِينُ"

:

" رَّسُولاً يَتْلُو عَلَيْكُمْ آيَاتِ اللَّهِ مُبَيِّنَاتٍ لِّيُخْرِجَ الَّذِينَ آمَنُوا وَعَمِلُوا الصَّالِحَاتِ مِنَ الظُّلُمَاتِ إِلَى النُّورِ وَمَن يُؤْمِن بِاللَّهِ وَيَعْمَلْ صَالِحاً يُدْخِلْهُ جَنَّاتٍ تَجْرِي مِن تَحْتِهَا الْأَنْهَارُ خَالِدِينَ فِيهَا أَبَداً قَدْ أَحْسَنَ اللَّهُ لَهُ رِزْقاً"

" إِنَّ الَّذِينَ آمَنُوا وَعَمِلُوا الصَّالِحَاتِ أُوْلَئِكَ هُمْ خَيْرُ الْبَرِيَّةِ {7}‏ جَزَاؤُهُمْ عِندَ رَبِّهِمْ جَنَّاتُ عَدْنٍ تَجْرِي مِن تَحْتِهَا الْأَنْهَارُ خَالِدِينَ فِيهَا أَبَداً رَّضِيَ اللَّهُ عَنْهُمْ وَرَضُوا عَنْهُ ذَلِكَ لِمَنْ خَشِيَ رَبَّهُ"

" مَن كَفَرَ فَعَلَيْهِ كُفْرُهُ وَمَنْ عَمِلَ صَالِحاً فَلِأَنفُسِهِمْ يَمْهَدُونَ"

تم تعديل 19 أغسطس 2009 بواسطة زعلان

[pink rose]

لاه مينفعش كده ترميها وتمشي ..اصول الضيافه برضه تقعد تاخذ حاجه ..

واكيد مش هفوت فرصة حلوة ان واحد من الجانب الآخر انضم للحوار .. بعد اذن حضرتك لو تجاوب على اي من السؤالين التاليين او كلاهما ..

طيب أنا مستعد أشارك بس توعديني... لو لقيتي العزيز أبو عمر داخل... تخبيني!!

رأي المسيحيين ما فيهوش فصال... من ساعة المسيح ما اداهم مثل "السامري الصالح"... المسيح قال للتلاميذ (علي حسب اعتقادي الشخصي) ان كان في واحد يهودي "مؤمن" طلع عليه قطاع طريق ضربوه و سرقوه و سابوه بين الحياة و الموت... مر عليه واحد كاهن يهودي "عالم دين تقي مؤمن"... طنشه و قال و انا مالي... مر عليه واحد فريسي "سلفي متشدد" ينتمي لجماعة دينية تدعو للتشدد في تطبيق شرع الله، و كراهية الآخرين حبا في الله... طنشه و قال و انا مالي...

مر عليه واحد سامري من سكان السامرة في شمال فلسطين... و السامريين هم أصلا يهود موحدون، انحرفوا و ضلوا و فسدت عقيدتهم... فقاطعهم اليهود و كرهوهم "حبا في الله"... و بات التعامل معهم من الكبائر، ولا أما يكون واحد سني بيعامل واحد شيعي كده... حاجة صعبة خالص يعني... المهم السامري الصالح ده هو الوحيد اللي صعب عليه المصاب... فشاله و تعب فيه لغاية ما وصلوا مدينة قريبة، فجابلوا طبيب يعالجه، و أودعه في فندق و دفع ثمن بقاؤه لعده أيام، و أجرة من يخدمه و يداويه... و تركه و مضي دون أن ينتظر كلمة شكر...

يعني المسيح بيقولك يا مؤمن... تفتكر مين في دول ربنا هيرحمه و يدخله فسيح جناته يوم الحشر؟ الكاهن... و لا السامري المنحرف عقائديا المنضبط أخلاقيا؟ سؤال محرج...

و بعدها المسيح ما سابلناش فرصة نفلفص ولا نناور... و راح مكتفنا بنص ما يقبلش القسمة علي اتنين:

"سَمِعْتُمْ أَنَّهُ قِيلَ: تُحِبُّ قَرِيبَكَ وَتُبْغِضُ عَدُوَّكَ. 44وَأَمَّا أَنَا فَأَقُولُ لَكُمْ: أَحِبُّوا أَعْدَاءَكُمْ. بَارِكُوا لاَعِنِيكُمْ. أَحْسِنُوا إِلَى مُبْغِضِيكُمْ، وَصَلُّوا لأَجْلِ الَّذِينَ يُسِيئُونَ إِلَيْكُمْ وَيَطْرُدُونَكُمْ، 45لِكَيْ تَكُونُوا أَبْنَاءَ أَبِيكُمُ الَّذِي فِي السَّمَاوَاتِ، فَإِنَّهُ يُشْرِقُ شَمْسَهُ عَلَى الأَشْرَارِ وَالصَّالِحِينَ، وَيُمْطِرُ عَلَى الأَبْرَارِ وَالظَّالِمِينَ. 46لأَنَّهُ إِنْ أَحْبَبْتُمُ الَّذِينَ يُحِبُّونَكُمْ، فَأَيُّ أَجْرٍ لَكُمْ؟ أَلَيْسَ الْعَشَّارُونَ أَيْضًا يَفْعَلُونَ ذلِكَ؟ 47وَإِنْ سَلَّمْتُمْ عَلَى إِخْوَتِكُمْ فَقَطْ، فَأَيَّ فَضْل تَصْنَعُونَ؟ أَلَيْسَ الْعَشَّارُونَ أَيْضًا يَفْعَلُونَ هكَذَا؟ 48فَكُونُوا أَنْتُمْ كَامِلِينَ كَمَا أَنَّ أَبَاكُمُ الَّذِي فِي السَّمَاوَاتِ هُوَ كَامِلٌ."

طيب ده عقيديا... بس يا تري المسيحيين في مصر بيعملوا كده، و لا بقوا جزء لا يتجزأ من العالم العربي، بحلوه و مره؟

مش عارف... و انا صغير عشت فترة كانت فيها الطايفة الانجيلية في مصر سخنة قوي في التبشير... و كمية مهولة من الكتب و المؤتمرات الروحية للشباب... و الترانيم الحديثة ذات الايقاع الأسرع مقارنة بالترانيم القبطية ال"حزايني"... و صحت الكنيسة القبطية لتجد نفسها في مواجهة لم تكن مستعدة لها... و لكن أعتقد أن رد الفعل كان في أغلبه بناء... كثرت الوعظات و الكتب التي تفسر الاختلاف بيننا و بين الانجيليين.. و زاد التركيز علي أصل ايمانا بال"تناول"، و بشفاعة القديسين، و بأهمية ال"تقليد" و عدم الاكتفاء بالكتاب المقدس فقط كمصدر وحيد للفهم... و أيضا بدأت الموسيقي القبطية تتطور و توفر للشباب كل الألوان في التسبيح... أعتقد ان التجربة كانت بناءة جدا للكنيستين... و كل واحدة أخدت من التانية ما رأته مفيدا و صحي... و طوال حياتي لم أري أحد لا في عائلتي و لا جيراني و لا أصدقائي يفرق في المعاملة أو ال"محبة" بين أرثوذكسي و انجيلي أو كاثوليكي... هناك حساسية كنسية ضد بعض الطوائف مثل شهود يهوة و المورمون و السبتيين... و لكني أعرف كثيرا من أبناء هذه الطوائف و لا أذكر موقف واحد اشتكي فيه أحدهم من التفرقة أو ال"تجنب"... و لكن تجربتي معهم محدودة... الله أعلم...

أما عن نفسي... فبرضه أعتقد اني بأعيش المعني ده في حياتي، و هأحاول أعلمه للقرد الصغير (ابني ذو ال13 شهرا)... لسه كنت معزوم عند زميل لي... شاذ جنسيا... و ذهبت مع زوجتي و طفلي لتهنئته في بيته بعيد "زواجه"!!

نعم أعلم أنه خاطئ، و انه لا يمكن أن يحيي كمسيحي في يوم ما دون قطع هذه العلاقة... و أعرف رأي أب اعترافي مقدما في هذه ال"صداقة" و اني أعرض ابني لنموذج خاطئ، مثلما قالت العزيزة ذهبية في مداخلتها أعلي... و لكني أعلم أيضا أنه لا يفعل ذلك ليغيظني و لا ليغيظ المسيح... بل يفعله و هو يعتقد انها طبيعته التي خلقها عليها الله... اعتقاد خاطئ، نعم... و لكن الحل لا يكون بطرده من الكنيسة، و حث المؤمنين علي مقاطعته، و فصله عن نماذج أنجح من الأزواج و الزوجات... الذين يحيون في ظل الكنيسة و تعاليمها... لا يكون بمخاطبته ب "يا كافر"... لعل صداقتنا تلك تنتزعه من فك الموت... و لو بتوبة في آخر لحظات حياته... مين أنا عشان أحاكمه... يا تري كام واحد ممن يكرهون الشواذ "حبا في الله"، بيفتكر يصلي لهم و يتمني لهم رؤية النور مع كل ركعه أو "مطانية"؟

أيوه... أنا واحد من المسيحيين الكتير اللي أيدوا تقنين زواج المثليين في كاليفورنيا... و برغم ان الاستفتاء فشل، لكن النسبة بتزيد مع الوقت... و قريب هيكون لهم نفس الحقوق القانونية و المادية اللي بتعطي للمتزوجين، من حق الورث و تخفيض في الضرائب... برغم تضاد حياتهم مع كل ما أؤمن به... و لكن لو رأيت أن هناك حقوق أعطاها الله للمؤمنين فقط... و أن واجبي أن أشعرهم ب"كرهي" لهم في الله، أليس العشارون أيضا يفعلون ذلك؟

كانت الكنيسة و احنا صغيرين تعلمنا ان المسيحية انتشرت بكتر الشهداء اللي سفكوا دمهم قدام السلطان أو الامبراطور، لغاية قسطنطين ما بقي مسيحي... بعد ما كبرت و قريت عرفت ان المسيحية لم تزد عن أية ديانة سابقة كان يتبناها الامبراطور، و تخفت بعد مماته أو موت وريثه... الا بسبب ما حدث وقت الوباء الأسود الذي قضي علي ثلث سكان القارة الأوروبية... ازاي تقدر تقاوم عقيدة، معتنقها ما خافش علي نفسه من مرضك... و قبل يفضل معاك بعد أهلك نفسهم ما سابوك و خافوا من مرضك... يداويك و يسقيك، علي أمل شفاءك... ازاي تقدر تقاومها، و أهلك كانوا بيدوروا عليه عشان يؤذوه بسبب عقيدته دي... كام واحد دخل المسيحية ساعتها عن جهل تام... فقط مؤمن بما رآه من أخلاق ذاك الفقير الذي جازف بحياته (أو فقدها) كي يساعده...

برضه ما أقدرش أعمم، و ما أقدرش أقولك ان مفاهيمي دي هي الصح... لكن أنا لا أؤمن بالتعميم أبدا لا في الحلو ولا الوحش... و الدليل أهه قدامنا... الأعزاء المحاورين انقسموا انقسام حاد الي "مسلمين جدد"، و "مسلمين كارهين للآخر" !! مع ان النص هو هو، و الأصل هو هو... ده حتي ما فيش فصل بين جوامعهم و كتبهم الدينية...لكن مفاهيمهم مختلفة اختلاف الشمس و القمر... ازاي أقدر أعمم مفهوم أو معتقد علي كل المسلمين... مش بالزمة ده يبقي جهل مني؟

بجد يا استاذ رار جاتلي صدمة شديدة من مداخلة حضرتك خصوصا الجزء الملون بالاحمر

ازاي نتقبل الاخر دا و هو منتكس فطريا و تصاحبه و تهنيه بزواجه معلش زواجه من مين؟؟؟؟؟؟؟؟؟؟؟؟؟؟؟؟

انتوا هاتجننوني و انا عندي بنت عاوزة افضل بعقلي عشان اربيها الله يهديكم

اللي افهمه نتقبل الاخر المختلف معاك في الدين لان احنا مش ربنا مش احنا اللي هانحاسبه لينا و ليه رب هو اللي يحاسب

و برضه اللي فاهماه ان على ايام اعظم الخلق الرسول محمد صلى الله عليه و سلم كان في كفار مشركين و كان في اهل كتاب الرسول ما امرش بقتلهم مدام ما اسلموش

و عندنا في قرآنا لكم دينكم و ليا دين

يعني الاخر المختلف في الدين هايفضل موجود لحد ماالقيامة تقوم وكل واحد يرد الي الله بعمله و دينه و الله يحاسبه

لكن ما اجي بقى اقول اتقبل سلوكيات الاخر و سلوك ورا سلوك الدنيا تبوظ

يعني حضرتك متقبل الشواذ جنسيا و كنت بتطالب بتقننين زواجهم ايه داااااااااااااااااااااااااا ارحمونا يا ناس في ايه مش للدرجة دي يوصل بينا الحال اننا نتقبل سلوك منافي للفطرة بحجة التقبل و حرية الفرد و حرية مش عارفه مين

اقسم بالله من ساعه ما قريت مداخلة حضرتك و انا دماغي سخنت حضرتك اخدت ابنك ربنا يحفظه من كل شر يا رب و يفرحك بيه لبيت صديقك الشاذ و تعرضه انه يشوف حاجه لا الدين و لا العقل و لا الفطرة السليمة يقبلوها و مش خايف عليه؟

سؤال ابنك دا لما يكبر و يشوف ان دا بقى شئ عادي لو لا قدر الله جه ابنك و عمل كده انت هايكون رد فعلك ايه؟

يا استاذ رار الله يهدينا و اياك ان شاء الله

لو حضرتك دلوقتي تقبلت وضع شاذ و بعدين بدأ تقنيين زواج المثليين و بعدين بقى ليهم حقوق و مش عارفه ايه الوضع كده بدأ ياخد شكل و منحى التطبيع

بمعنى ان العلاقة الشاذة بقت شئ طبيعي يبقى ازاي بعد كده نيجي نلوم نفسنا لو ولادنا طلعوا كده

فاهم قصدي

حد فاهمني يا جماعة الله يرضى عليكم

مش مقعول كده كل سلوك من اي فرد حتى لو غلط نتقبله بحجة الحرية لحد ما نصحى في يوم نلاقي الغلط دا بقى صح و تطلع حاجه وقتها اسوأ و اسوأ و الشيطان ما شاء الله شغال الله ينور يوسوس و ناس تغلط و احنا نتقبل

يا مثبت العقل و الدين يا رب

يا مقلب القلوب و الابصار ثبت قلبي على دينك

ربنا يهدينا و اياكم ان شاء الله

[mffaswan]

أستاذ زعلان ..

ربنا يفتح عليك ..

بصراحة الربط بين الإيمان و العمل الصالح .. كالربط بين الروح و الجسد .. يعني فعلاً .. الإيمان دون عمل صالح .. لا يعني الكثير .. و العمل دون الايمان .. لا قيمة له ..

هذا ما كنت أحاول شرحه في ردودي السابقة حول هذا الموضوع .. أي إن المسلم المؤمن بالله .. يجب أن يكون صالح العمل .. بما في ذلك التعامل مع أهل الكتاب .. وهذا لا ينتفي أبداً مع البغض في الله .. و التي لا تؤثر في التعامل بالحسنى ..

و الرد على رافضي مبدأ البغض في الله .. مهما أتينا بآيات أو أحاديث .. كانت الردود تبنى على إن التفسير خاطئ .. و المفسرين متشددين ..

ولكن ..

بعيداً عن كل هذا الاعتراض .. سوف أقوم بالرد إن شاء الله حول هذه المسألة في الموضوع الذي سوف يفتح حول هذا الخصوص ..

تحياتي و تقديري

[زعلان]

بالنسبة للبغض في الله الذي تم ذكره كثيرا يكون موجه لمن يعادون الله و الاسلام علنا فأنا اعلن معادتي وبغضي لهم في الله بغض النظر عن عقيدتهم او دينهم حتى لو كانوا يدعون الاسلام

أما من لا يعادي الاسلام ولا يظهر معاداته للاسلام فلا ينطبق عليه ذلك بغض النظر عن فكره او دينه او عقيدته

[mffaswan]

الأخت الكريمة ريمو ..

الصراحة أنتي سبقتيني في الرد على الزميل .. رار ..

شوفي ..

للرد على من يتبنى حرية تصرف الآخرين أياً كانت حرياتهم تلك .. تأكدي إنهم لا يعون خطورة ما يفعلون ..

نموذج الأستاذ رار من جاره الشاذ المنحرف .. و تأيده لهذه الحرية .. سيرفضها ولا شك إذا ما تعرض لها ابنه .. و هذا سيؤكد قمة التناقض في شخصية من يؤيد مثل هذه التصرفات ..

أمة الاسلام .. الخير فيها ليوم الدين ماداموا يأمرون بالمعروف و ينهون عن المنكر .. وليس تقبل الآخر على علاته و شطحاته ..

هايجي يوم ونلاقي في مصر ناس تنادي بالشذوذ و السكر و الدعارة المقننة .. و للعلم .. هذا اليوم ليس ببعيد .. و البركة في الناس اللي بيأيدوا حريات (الآخر) !!!!!!!!!!!!!!!!

أنا ضد هذه الحريات .. و ضد هذه المعتقدات الفاسدة .. حتى لو قيل عني متحجر و دماغي قفل .. و لو الأمر بيدي .. كنت أمرت إن كل اصحاب المعتقدات الفاسدة (وهذا لا يشمل أهل الكتاب) بالنفي خارج البلاد إلى الأبد .. أو الإعدام .. و هذا يشمل عبدة الشيطان .. و عبدة الأبواب .. و عبدة الأصنام ... و كل من يعبد غير الله .. و كل من يتصرف تصرفات تؤثر على هذا المجتمع .. بحجة الحرية !

تحياتي

[زعلان]

بالنسبة للشواذ جنسيا هما احارا في حياتهم طالما لم يتدخلوا بالفاساد في المجتمع و بجذب الشباب الصغير و الاطفال لتوريطهم في حياتهم التي تحمل كثيرا من علامات الاستفهام ان نعامل الشذوذ على انه امر طبيعي نقبل به لا اظن ان هذا يجعل منا مجتمع طبيعي انا اتعامل مع الشاذ كمريض نفسي في غالب الاحيان طالما لا يضر بالمجتمع لكن منهم من يسعى في الارض فسادا ويصر على نشر الرذيلة و توريط الاخرين في حياته الشاذة هنا نقول له معلش احنا اسفين و العهر و الدعارة التي نرفضها من الرجال و النساء الغير شواذ نرفضها من الشواذ ايضا

الشذوذ بكل انواع غير مقبول ويحجم في اطاره الشاذ ولا يجب فرضه على المجتمعات و تمويع الامور لنخلق جيلا من الشواذ فكريا و عقائديا و انسانايا و جنسيا

[زعلان]

من حق كل مجتمع ان ينظم قوانينه وزي ما في مجتمعات بترفض المخدرات وتسن قوانين ضدها ومجتمعات بتقبلها يبقى من حق مجتمعات انها ترفض السجائر و تسن قوانين تجرمها ومن حق مجتمعات انها ترفض الدعارة وتسن قوانين تجرمها ومن حق مجتمعات تسن قوانين ترفض الخمور و من حق مجتمعات تسن قوانين ترفض الشذوذ

القانون هو الي بيحرم ويحلل والقانون بيسنه المجتمع الي من حقه يقول هو عايز يعيش ازاي وايه الجو الي عايز يربي فيه ابنائه

[الترجمـان]

بالنسبة للبغض في الله الذي تم ذكره كثيرا يكون موجه لمن يعادون الله و الاسلام علنا فأنا اعلن معادتي وبغضي لهم في الله بغض النظر عن عقيدتهم او دينهم حتى لو كانوا يدعون الاسلام

أما من لا يعادي الاسلام ولا يظهر معاداته للاسلام فلا ينطبق عليه ذلك بغض النظر عن فكره او دينه او عقيدته

الله ينور عليك يا اخ زعلان

إذا فهل تكمل لنا إجتهادك الذي انتهيت أليه..,

وتقول لنا رأيك فيمن يبغضون الآخر الذي لا يعادي الإسلام قولا او فعلا بإسم الدين والتدين الصحيح ويدعون أنه من ضمن المعاملة الحسنة التي أمرنا بها القرآن..؟؟

تم تعديل 19 أغسطس 2009 بواسطة الترجمـان

[أبو محمد]

الأخت الفاضلة remo

هوِّنى على نفسك وعقلك يا أختاه .. سلامتك وسلامة عقلك

فى قراءتى الأولى للجزء "الأحمر" الخطر من مداخلة الفاضل "رار" .. أصابنى ما أصابك من الدهشة .. لذلك قرأتها مرة أخرى وهذا ما أرجو أن تفعليه

الفاضل "رار" - على ما أظن - لا يتقبل الشذوذ .. يعرف أنه خطأ وخطيئة ..

هو لا يتقبل الخطأ أو الخطيئة .. ولكنه يتقبل المخطئ والخاطئ .. وهناك فرق كبير جدا بين الاثنين .. صدقينى ليسا شيئا واحدا

هناك فرق بين الجرب والجربان .. الجرب نحاربه بكل ما أوتينا من قوة وعقل وعلم .. أما الجربان فلا نحكم عليه بالنفى أو الإعدام .. لا نملك هذا .. ولا يعطينا الله الحق فى هذا أبدا

إن السبب فيما نبدو عليه من اختلاف فى هذا الموضوع وفى غيره هو الخلط بين المخطئ ومانؤمن بأنه خطأ .. مرة أخرى يا أختى الفاضلة .. هما ليسا نفس الشئ أبدا

عندما يأمر الله سبحانه وتعالى رسوله بالأمر الآتى :

قُلْ يَا عِبَادِيَ الَّذِينَ أَسْرَفُوا عَلَىٰ أَنْفُسِهِمْ لَا تَقْنَطُوا مِنْ رَحْمَةِ اللَّهِ ۚ إِنَّ اللَّهَ يَغْفِرُ الذُّنُوبَ جَمِيعًا ۚ إِنَّهُ هُوَ الْغَفُورُ الرَّحِيمُ (53)

فهل معنى هذا أن الله يقبل ويرحب بالإسراف على الأنفس .. حتى بالشرك؟ أم معناه أننا يجب أن نستأصل المشركين ؟

هَذِهِ الْآيَة الْكَرِيمَة دَعْوَة لِجَمِيعِ الْعُصَاة مِنْ الْكَفَرَة وَغَيْرهمْ إِلَى التَّوْبَة وَالْإِنَابَة وَإِخْبَار بِأَنَّ اللَّه تَبَارَكَ وَتَعَالَى يَغْفِر الذُّنُوب جَمِيعًا لِمَنْ تَابَ مِنْهَا وَرَجَعَ عَنْهَا وَإِنْ كَانَتْ مَهْمَا كَانَتْ وَإِنْ كَثُرَتْ وَكَانَتْ مِثْل زَبَد الْبَحْر وَلَا يَصِحّ حَمْل هَذِهِ عَلَى غَيْر تَوْبَة لِأَنَّ الشِّرْك لَا يُغْفَر لِمَنْ لَمْ يَتُبْ مِنْهُ

حتى المشرك لا ينبغى أن نيأس من إمكانية توبته عن الشرك حتى قبل الغرغرة .. هكذا يأمرنا الله .. ولا يأمرنا أن نكرهه لمجرد أنه مشرك .. أنا أكره من يضطهدنى بسبب دينى .. هذا أبغضه فى الله ، وأبغضه لأنه يؤذينى فى دينى ..ولا أعمم فأبغض كل من كان على دين من يؤذينى فى دينى .. صعبة دى ؟

[doha]

تذكرت جملة ظريفة قالها أحد الخطباء في خطبة الجمعة ... قال:

الناس اللي عمّالة تقول الآخر الآخر الآخر...

ومكسوفة تقول الكافر زي ما ربنا قال

خلاص , ممكن نخليهم يغيّروا الآيات ويقولوا بدل {قل يا أيها الكافرون} يخلّوها: قل يا أيها الآخرون !!!

بصراحة عجبتني وضحكت منها.. وحسّيت إنها في الجون

انا بقى حاسس انها اوف سايد :wub:

ايه رأيك يا سهل مادام الموضوع كده ....

المصريين يفرشوا الملايات لبعض في الشارع

انت تقول للمسيحي لما تقابله في سوق الخضار مثلا يا كافر ياللي انجيلك محرف ياللي بتعبد تلاته يا وحش

و هو يقولك لما يقابلك في الجامعه مثلا يا كافر ياللي دينك كله تأليف و اونطه و نصب يا وحش

و بكده تبقى الصراحه حلوه و محدش يزعل من حد

ايه رأيك ؟

بحيث نمشي نشتم بعض كده على طول عشان ترتاح

فكرني ردك ده يااستاذ زهيري ـ بعد اذنك ـ بنكته

مرة دكتور مصري مسافر كندا . .وهو في المطار الظابط بيفحص جواز سفره وتكتك كده على الكمبيوتر طلع بياناته ..

قاله الله ؟ هو انت الدكتور ابراهيم معتز ؟ قاله ايوه

الظابط : الي متخرج من جامعة القاهرة ؟

قاله ايوه

الظابط : الي معاه دكتوراه من ادنبرة؟

قاله ايوه ؟

الظابط : الي اخته سنيه الرقاصه؟

هنا الدكتور ابراهيم انفعل اوي وقاله مسمحلكش انت ازاي تقول اني لي اخت كده وازاي تشتمني بشكل زي ده .. قاله طيب تعال معايا لرئيسي ..

دخلوا عند مدير الجوازات .. فحص الجواز وتكتك شويه على الكمبيوتر وقاله ..

سعادتك الدكتور ابراهيم معتز؟

قاله ايوه ..

الي متخرج من جامعة القاهرة ؟

قاله ايوه ..

اخو سنية الرقاصه؟

هنا انفجر الدكتور ابراهيم قائلا .. مينفعش كده ودي قلة ادب وانا مش هسكت ..

قالوا له طيب معليش بقى تعال معانا .. واخذوه على مكتب الامن يقابل رتبه كبيره هناك ..

الراجل الرتبه بص كده في الجواز بهدوء وقاله ..

انت الدكتور ابراهيم معتز؟

الدكتور بغيظ .. ايوه

الي متخرج من جامعة القاهرة ؟

قلنا ايوه ..

عضو تنظيم القاعدة ؟

لاه سعدتك .. انا الدكتور ابراهيم .. اخو سنية الرقاصه ..

=====================

اتمنى استاذ زهيري ميكونش محاولتك لاثبات رايك باي طريقة دافع ليك انك تشتم دينك بالطريقة السيئة دي ولو على سبيل المزاح او التوضيح ..

عبارتك الي بتوصف بيها دينا من وجهة نظر مسيحية مسيئة جدا .. حاولت اتجاهلها احتراما ليك على الاقل لكني مقدرتش لان بجد الكلمه جارحه ومش موقعها ابدا ..

اتمنى تحذفها وفي الحاله دي يبقى اتمنى ردي ده كمان ينحذف ..

[زعلان]

الاسلام وحدة واحدة اما ان يقبل ككل واما ان يرفض اما ان ينتقى منه ما يناسب اهواء الانسان و حياته التي اختارها حى يرضى عنه من يسعى لارضائهم عل وعسى ان يقبلوا به واحدا منهم ولا يكتفي بذلك بل يسعى لفرض دينه الجديد الذي خلص اليه على باقي المسلمين فهو امر مرفوض

نعم الاسلام منهج و حياة ودين وعبادة نحيى من خلاله ونستمد قيمنا و مثلنا منه ولا نخجل كوننا مسلمين ولا نحاول ان نرضي احد على حساب ديننا او ايماننا وعقيدتنا

[doha]

استمتعت كثيرا بقراءة مداخله الاخ رار ( الآخر ) الي كان ولابد يكون احدهم موجود معانا عشان تكتمل بيه الصورة وتتضح لنا اكتر وجهة النظر الي المفروض ناخذها

وعشان مكثرش اقتباسات وانا ناوية على رد طويل فلمن لم يقرأ المداخله اضغط هنا

نيجي بقى لما يستفاد منها ..

اولا المسيحية الي انت مؤمن بيها كواحد من ( الآخرين ) في عقيدتها زي مافي عقيدتنا نصوص صريحة مامورين بموجبها بمعاملة ( الآخر ) بالخير وان لا تردوا على الاساءة بغير الاحسان ..

ثانيا جبت لنا ادلة جميلة جدا ازاي ان الكلام والمعاملة بالطيب واللين بدون انتظار للاجر او الشكر ده بيحبب الناس في الدين ويدخلهم فيه افواجا وبالمنطق فالعكس وهو المعامله الخشنة وتنفير الناس و( حجب ) خيرنا واحسانا عنهم بحجة انهم ( آخرون ) ده هيخليهم طول عمرهم آخرون ..

ثالثا .. من اكتر الاجزاء الي عجبتني في مداخلتك هو الجزء الي ذكرت فيه تطوير الكنيسة الي بتنتمي ليها ( معليش اعذرني لو مكنتش بفرق مابين الكنائس او الطوائف المسيحيه المختلفة والفروق مابينها لاني مش مهتمه اوي بالقراءة في الاديان فبعتبر الكل مسيحي وخلاص )

ذكرت ان الناس المؤمنه بدينها اوي وبالطائفة بتاعتها اوي لما لاحظت ان الطوائف التانيه بدات تجذب الآخرين عشان ( اعلى نفيرا ) وانهم عملوا كده مش عشان غيرو حاجه في دينهم مثلا ولا عشان هم الاصح بل عشان عرفوا ازاي يروجوا لافكارهم بالجذب مش بالتنفير .. بالمحبه مش بالكراهية . . اعجبني جدا انكم استفدتم من ( الآخرون ) في تطوير نفسكم .. مغيرتوش عقيدتكم ولا اقتبستم من عقائد الآخرين عشان ( تعجبوا ) وانما غيرتم بس اسلوب الدعوة غيرتم بس الطريقة الي بتخاطبوا بيها فئة جديده من الشباب عاوزه تسمع بلغه عصرها مش بلغه العصر الحجري .. لم تتغنوا بترانيم الآخرين عشان تجذبوا من انجذب لها ولكن ابتكرتم ترانيمكن الخاصه من عقيدتكم المؤمنين بيها وغنيتوها بنغمه متماشية مع العصر نغمة عارفين انها هتجذب وهتعجب ..

احيي الناس الي عندكم والي فكرت كده من باب حبها في دينها واقول يارب يهدينا ويهديهم للحق ..

بس عارفين الاهم من كل ده ايه ؟ ان بالتوازي مع تغيير الخطاب الديني حصل تكثيف للوعظات والخطب زي ماقال الاخ رار يعني مش بس هنغير الاسلوب والطريقة وانما كمان المحتوى لازم يزيد عشان نضمن عدم اختلاط المعتقدات ..

طيب نيجي لاهم نقطه من ناحية اثارتها للتحفظات وهي تقبله للآخر ( اياه ) على اساس انه ( مولود كده ) وان من الاخلاق الحميده ـ من وجهة نظره ـ تقبل الآخر برغم رفضنا ورفض عقيدتنا لما هو عليه ..

بالنسبة للمثال الي اوردته في مداخلتك من ان لك صديق شاذ وانك لا تجد غضاضه من زيارته لتهنئته ( بزواجه ) بل واصطحاب ابنك كمان معاك عشان ( تضرب له ) مثال بالسماحه والتقبل للآخر مهما كان مختلف ..

اسمح لي بالمقابل اضرب لك مثال يوضح وجهة نظري ومش هجد ابلغ من مثال قاله لنا الرسول محمد عليه افضل الصلاة والسلام ..

يقول عليه الصلاة والسلام : مثل القائم على حدود الله، والواقع فيها، كمثل قومٍ استهموا على سفينة فأصاب بعضهم أعلاها، وأصاب بعضهم أسفلها، فكان الذين فى أسفلها إذا استقوا من الماء مَرُّوا على من فوقهم فآذوهم، فقالوا: لو أنا خَرَقْنا فى نصيبنا خرقاَ ولم نؤذِ مَنْ فوقَنا، فإن تركوهم وما أرادوا هلكوا جميعاًَ، وإن أخذوا على أيديهم نَجَوْا ونَجَوْا جميعاً"

ولانك مش مطالب بالاخذ بنص الحديث لانه خارج عن عقيدتك بالتاكيد فانا هبسطهولك باللغه العامية يعني واعتبره كلام مني انا ليك فقط بقتبس المثال الي قاله عليه الصلاة والسلام ..

تفسير الحديث .. افرض ان في ناس راكبين مع بعض سفينة بتاعتهم كلهم شركاء فيها .. وراحوا عاملين قرعة يقسموها مابينهم ازاي ففي ناس طلع لهم سطح السفينة وناس طلع لهم بطنها او الجزء الي تحت منها .. خلاص السفينة مشيت بيهم في عرض البحر وهم مقسمينها كده ناس ساكنة فوق وناس ساكنة تحت .. فكانت الناس الي تحت لما تحب تملا ماء تطلع فوق وترمي الدلو في الماء وتجيب من البحر .. فطبعا بيمروا على نصيب الناس الي فوق فبيتأذوا .. يعني داخلين طالعين عليهم ..

فكرت الناس الي تحت بقى قالت نعمل ايه؟ نعمل خرم في قاع السفينة ـ في نصيبنا ـ يدخل لنا مية وبكده نوفر علينا الطلوع والنزول كل شويه ونوفر كمان اذية زملائنا الي فوق بدال ماكل شويه ننط لهم في نصيبهم ..

طيب رد فعل الناس الي فوق على القرار ده هيكون ايه؟

لو سابوهم وقلت يعملوا الي هم عاوزينه مهو نصيبهم الي بيخرموه مش نصيبنا .. هيغرق المركب ويموتوا كلهم .. ولو ( اخذوا على ايديهم ) يعني منعوهم ولو بتكتيف ايديهم كمان هينجوا هم الاثنين ..

اذا وبغض النظر عن قائل المثال فهو واقعي وصحيح ..

لما الاقي شخص بيستهين ( بحدود الله ) يعني حاجه عارف ومتأكد انها حرام .. وطبعا في دينا زي مافي دينكم في امور تعتبر حدود لايمكن تجاوزها وامور تانيه قد تكون محل خلاف او متخرجش من المله .. زي مثلا قتل النفس او الزنا دول مينفعش ينسكت عليها في دينا ولازم نقيم فيها الحد بينما امور تانيه زي واحد مبيصليش ( كسلا ) مش انكارا ده خلاص بنفضل نذكره بالله من وقت للتاني ونحثه على الصلاه لكن مش هنموته مثلا ولا نحدفه بالطوب ..

نيجي بقى لصديقك الشاذ فانا مش معاك ابدا في تقبله بالشكل السافر ده ولو بحجة انه ( مولود كده ) .. ببساطة لان دينك الي انت مؤمن بيه ومؤمن ان الي حاطه هو الي خلقك وخلق صاحبك ولو كان عارف ان الشذوذ ده حاجه غصب عن الواحد مولود بيها كان سمح بيها ومكانش غلظ عليها العقوبه او الاستنكار بالشكل ده ( على فكره انا كمان كمسلمة مؤمنه بدينك وعارفه انه من عند ربنا نفسه الي بعبده بس برضه مؤمنه ان خلال السنوات حصل اضافات في الكتاب الي بتستقوا منه الدين ده وبناء عليه فربنا نزل كتاب جديد مفيهوش الاضافات دي وبناء عليه فكل مافي كتابك وهو نفسه في كتابي فانا مؤمنه انه من عند رب العالمين .. طبعا ده رايي الخاص وانت مش ملزم بيه .. نرجع لموضوعنا )

الخلاصة في موضوع صديقك .. ان ماهو عليه من انحراف ده بيهدد تماسك مجتمعك الي المفروض يتمسك قدر امكانه بالفضيله وينبذ الرذائل .. وطالما هدد المجتمع يبقى بيهددك انت شخصيا وبيهدد ابناءك من بعدك وواجبك كشخص مخلص لدينه ومخلص لمجتمعه الي عايش فيه كمان انك ( تاخذ على يده ) يعني تمنعه بكل مااوتيت من قوه ولو مش قادر انك تمنعه يبقى على الاقل تستنكر الي بيعمله علانيه ان قدرت او بقلبك لو مكانش عندك امكانيه للاعلان .. لكن تروح وتزوره وتقره على مافعل فده اعلان منك له بان ( جو اهيد ) وخليك على ماانت فيه ..

وبرغم كده في مايستفاد برضه من نقطه الشاذ دي ..

ان لو الآخر ده مختلف عني في ( حد من حدود الله ) يعني حاجه هتخرب حياتنا بجد والا مكانش ربنا حرمها علينا بتشديد وتغليظ واعتبرها حدود لايمكن تجاوزها يبقى في الحاله دي مينفعش ابدا اني اتقبل الآخر بل لازم احاربه بقدر استطاعتي واضيق عليه لغايه مايرجع عن الي هو فيه .. وان مقدرتش فلا اقل من اني استنكر ولو بقلبي مش اطبل واهلل واقول مدنية ..

وبالتاكيد فكون الآخر ده ( كافر ) او مختلف في الدين فده في حد ذاته مش سبب اني اعتبره مخالف لحدود الله لان ربنا سبحانه وتعالى استثنى الفئة دي بالذات بقوله تعالى : (لا يَنْهَاكُمُ اللَّهُ عَنِ الَّذِينَ لَمْ يُقَاتِلُوكُمْ فِي الدِّينِ وَلَمْ يُخْرِجُوكُمْ مِنْ دِيَارِكُمْ أَنْ تَبَرُّوهُمْ وَتُقْسِطُوا إِلَيْهِمْ إِنَّ اللَّهَ يُحِبُّ الْمُقْسِطِينَ ) ( آية 8 سورة الممتحنة )

اذا كل من خالف حدود الله ده ينبغي علينا عدم تقبله ابدا الا من خالفها بالكفر فده اما انه مسالم لايؤذينا ولايقاتلنا ولا بيزنق علينا في عيشتنا يبقى خلاص مسموح لنا نعامله باحسان وقسط بل ان محبذ معاملته كده مش بس مسموح بدليل قوله تعالى في آخر الآية ( يحب المقسطين ) ..

اشكرك يااخ رار على مداخلتك مرة تانيه الي زي ماقلت لك استمتعت بيها لانها جديده علي الى حد ما اصل انا محتكيتش بمسيحيين كتير في حياتي وبرحب من وقت للتاني اعرف افكار جديده مسمعتش عنها قبل كده من ثقافات ومجتمعات تانيه بشرط طبعا انها تكون راقية وباسلوب محترم زي الي حضرتك تكلمت بيه ..

شكرا لك ولكل الي شاركوا معانا في الموضوع لحد دلوقت والي بستمتع جدا بحواراتهم بغض النظر اتفقت مع اراءهم فيها او اختلفت . ...

[pink rose]

الأخت الفاضلة remo

هوِّنى على نفسك وعقلك يا أختاه .. سلامتك وسلامة عقلك

فى قراءتى الأولى للجزء "الأحمر" الخطر من مداخلة الفاضل "رار" .. أصابنى ما أصابك من الدهشة .. لذلك قرأتها مرة أخرى وهذا ما أرجو أن تفعليه

الفاضل "رار" - على ما أظن - لا يتقبل الشذوذ .. يعرف أنه خطأ وخطيئة ..

هو لا يتقبل الخطأ أو الخطيئة .. ولكنه يتقبل المخطئ والخاطئ .. وهناك فرق كبير جدا بين الاثنين .. صدقينى ليسا شيئا واحدا

هناك فرق بين الجرب والجربان .. الجرب نحاربه بكل ما أوتينا من قوة وعقل وعلم .. أما الجربان فلا نحكم عليه بالنفى أو الإعدام .. لا نملك هذا .. ولا يعطينا الله الحق فى هذا أبدا

إن السبب فيما نبدو عليه من اختلاف فى هذا الموضوع وفى غيره هو الخلط بين المخطئ ومانؤمن بأنه خطأ .. مرة أخرى يا أختى الفاضلة .. هما ليسا نفس الشئ أبدا

عندما يأمر الله سبحانه وتعالى رسوله بالأمر الآتى :

قُلْ يَا عِبَادِيَ الَّذِينَ أَسْرَفُوا عَلَىٰ أَنْفُسِهِمْ لَا تَقْنَطُوا مِنْ رَحْمَةِ اللَّهِ ۚ إِنَّ اللَّهَ يَغْفِرُ الذُّنُوبَ جَمِيعًا ۚ إِنَّهُ هُوَ الْغَفُورُ الرَّحِيمُ (53)

فهل معنى هذا أن الله يقبل ويرحب بالإسراف على الأنفس .. حتى بالشرك؟ أم معناه أننا يجب أن نستأصل المشركين ؟

هَذِهِ الْآيَة الْكَرِيمَة دَعْوَة لِجَمِيعِ الْعُصَاة مِنْ الْكَفَرَة وَغَيْرهمْ إِلَى التَّوْبَة وَالْإِنَابَة وَإِخْبَار بِأَنَّ اللَّه تَبَارَكَ وَتَعَالَى يَغْفِر الذُّنُوب جَمِيعًا لِمَنْ تَابَ مِنْهَا وَرَجَعَ عَنْهَا وَإِنْ كَانَتْ مَهْمَا كَانَتْ وَإِنْ كَثُرَتْ وَكَانَتْ مِثْل زَبَد الْبَحْر وَلَا يَصِحّ حَمْل هَذِهِ عَلَى غَيْر تَوْبَة لِأَنَّ الشِّرْك لَا يُغْفَر لِمَنْ لَمْ يَتُبْ مِنْهُ

حتى المشرك لا ينبغى أن نيأس من إمكانية توبته عن الشرك حتى قبل الغرغرة .. هكذا يأمرنا الله .. ولا يأمرنا أن نكرهه لمجرد أنه مشرك .. أنا أكره من يضطهدنى بسبب دينى .. هذا أبغضه فى الله ، وأبغضه لأنه يؤذينى فى دينى ..ولا أعمم فأبغض كل من كان على دين من يؤذينى فى دينى .. صعبة دى ؟

الاخ الفاضل ابو محمد

انا قبل ما اكتب كلامي اللي فوق دا كنت قريت مداخلة الاستاذ رار مرارا و تكرارا صدقني و الجزئية دي بالذات اهي تاني

أما عن نفسي... فبرضه أعتقد اني بأعيش المعني ده في حياتي، و هأحاول أعلمه للقرد الصغير (ابني ذو ال13 شهرا)... لسه كنت معزوم عند زميل لي... شاذ جنسيا... و ذهبت مع زوجتي و طفلي لتهنئته في بيته بعيد "زواجه"!!

نعم أعلم أنه خاطئ، و انه لا يمكن أن يحيي كمسيحي في يوم ما دون قطع هذه العلاقة... و أعرف رأي أب اعترافي مقدما في هذه ال"صداقة" و اني أعرض ابني لنموذج خاطئ، مثلما قالت العزيزة ذهبية في مداخلتها أعلي... و لكني أعلم أيضا أنه لا يفعل ذلك ليغيظني و لا ليغيظ المسيح... بل يفعله و هو يعتقد انها طبيعته التي خلقها عليها الله... اعتقاد خاطئ، نعم... و لكن الحل لا يكون بطرده من الكنيسة، و حث المؤمنين علي مقاطعته، و فصله عن نماذج أنجح من الأزواج و الزوجات... الذين يحيون في ظل الكنيسة و تعاليمها... لا يكون بمخاطبته ب "يا كافر"... لعل صداقتنا تلك تنتزعه من فك الموت... و لو بتوبة في آخر لحظات حياته... مين أنا عشان أحاكمه... يا تري كام واحد ممن يكرهون الشواذ "حبا في الله"، بيفتكر يصلي لهم و يتمني لهم رؤية النور مع كل ركعه أو "مطانية"؟

أيوه... أنا واحد من المسيحيين الكتير اللي أيدوا تقنين زواج المثليين في كاليفورنيا... و برغم ان الاستفتاء فشل، لكن النسبة بتزيد مع الوقت... و قريب هيكون لهم نفس الحقوق القانونية و المادية اللي بتعطي للمتزوجين، من حق الورث و تخفيض في الضرائب... برغم تضاد حياتهم مع كل ما أؤمن به... و لكن لو رأيت أن هناك حقوق أعطاها الله للمؤمنين فقط... و أن واجبي أن أشعرهم ب"كرهي" لهم في الله، أليس العشارون أيضا يفعلون ذلك؟

الاستاذ رار ايوة بيقول انه بيعتقد ان صديقه دا خاطئ و انه لا يمكن ان يحى كمسيحي في يوم ما دون قطع هذه العلاقة على حد قوله لكن اسمحلي اقولك انه قال برضه أنا واحد من المسيحيين الكتير اللي أيدوا تقنين زواج المثليين في كاليفورنيا.

و في نفس الوقت راح هنأه بزواجه

الاستاذ رار رافض السلوك و في نفس الوقت بيهنئ بيه و بيطالب بتقنينه و بيقول كمان و قريب هيكون لهم نفس الحقوق القانونية و المادية اللي بتعطي للمتزوجين، من حق الورث و تخفيض في الضرائب..

يا حلاوة يا ولاد ايه دا بقى؟

اللي افهمه "من رأي منكم منكرا فليغيره بيده ان لم يستطع فبلسانه ان لم يستطع فبقلبه و هذا اضعف الايمان"

مش اروح اهنئ و ابارك بالحرام

اااااااااااااااااااااااااااااه يا راسي

[MZohairy]

تذكرت جملة ظريفة قالها أحد الخطباء في خطبة الجمعة ... قال:

الناس اللي عمّالة تقول الآخر الآخر الآخر...

ومكسوفة تقول الكافر زي ما ربنا قال

خلاص , ممكن نخليهم يغيّروا الآيات ويقولوا بدل {قل يا أيها الكافرون} يخلّوها: قل يا أيها الآخرون !!!

بصراحة عجبتني وضحكت منها.. وحسّيت إنها في الجون

انا بقى حاسس انها اوف سايد :)

ايه رأيك يا سهل مادام الموضوع كده ....

المصريين يفرشوا الملايات لبعض في الشارع

انت تقول للمسيحي لما تقابله في سوق الخضار مثلا يا كافر ياللي انجيلك محرف ياللي بتعبد تلاته يا وحش

و هو يقولك لما يقابلك في الجامعه مثلا يا كافر ياللي دينك كله تأليف و اونطه و نصب يا وحش

و بكده تبقى الصراحه حلوه و محدش يزعل من حد

ايه رأيك ؟

بحيث نمشي نشتم بعض كده على طول عشان ترتاح

فكرني ردك ده يااستاذ زهيري ـ بعد اذنك ـ بنكته

مرة دكتور مصري مسافر كندا . .وهو في المطار الظابط بيفحص جواز سفره وتكتك كده على الكمبيوتر طلع بياناته ..

قاله الله ؟ هو انت الدكتور ابراهيم معتز ؟ قاله ايوه

الظابط : الي متخرج من جامعة القاهرة ؟

قاله ايوه

الظابط : الي معاه دكتوراه من ادنبرة؟

قاله ايوه ؟

الظابط : الي اخته سنيه الرقاصه؟

هنا الدكتور ابراهيم انفعل اوي وقاله مسمحلكش انت ازاي تقول اني لي اخت كده وازاي تشتمني بشكل زي ده .. قاله طيب تعال معايا لرئيسي ..

دخلوا عند مدير الجوازات .. فحص الجواز وتكتك شويه على الكمبيوتر وقاله ..

سعادتك الدكتور ابراهيم معتز؟

قاله ايوه ..

الي متخرج من جامعة القاهرة ؟

قاله ايوه ..

اخو سنية الرقاصه؟

هنا انفجر الدكتور ابراهيم قائلا .. مينفعش كده ودي قلة ادب وانا مش هسكت ..

قالوا له طيب معليش بقى تعال معانا .. واخذوه على مكتب الامن يقابل رتبه كبيره هناك ..

الراجل الرتبه بص كده في الجواز بهدوء وقاله ..

انت الدكتور ابراهيم معتز؟

الدكتور بغيظ .. ايوه

الي متخرج من جامعة القاهرة ؟

قلنا ايوه ..

عضو تنظيم القاعدة ؟

لاه سعدتك .. انا الدكتور ابراهيم .. اخو سنية الرقاصه ..

=====================

اتمنى استاذ زهيري ميكونش محاولتك لاثبات رايك باي طريقة دافع ليك انك تشتم دينك بالطريقة السيئة دي ولو على سبيل المزاح او التوضيح ..

عبارتك الي بتوصف بيها دينا من وجهة نظر مسيحية مسيئة جدا .. حاولت اتجاهلها احتراما ليك على الاقل لكني مقدرتش لان بجد الكلمه جارحه ومش موقعها ابدا ..

اتمنى تحذفها وفي الحاله دي يبقى اتمنى ردي ده كمان ينحذف ..

لا ابدا يا فندم خلي العباره و خلي الرد

هل انا كذبت او بالغت؟

ابدا

هذه هي الحقيقه الجليه

و هذه وجهة نظرهم في الاسلام و المسلمين و لكنها غير معلنه احتراما لمشاعر المسلمين او خوفا بسبب انهم اقليه الله اعلم

و بالتالي اذا اصرينا نناديهم نقولهم يا كفره يا كفره في كل مكان ... فأعتقد ان الخطوه القادمه ان يظهروا لنا حقيقة مشاعرهم (اللي انا كتبتها فوق دي)

الفرق بينا و بينهم هو اعلان الشتيمه

خلينا نستوعب اننا لما بنناديهم كده عمال على بطال حييجي يوم و ينادونا برضه بنفس الطريقه دي

و حتبقى وصلة ردح محترمه دائمه في كل مكان في مصر

تحياتي

[tantrum]

و هو يقولك لما يقابلك في الجامعه مثلا يا كافر ياللي دينك كله تأليف و اونطه و نصب يا وحش

هل انا كذبت او بالغت؟

ابدا

هذه هي الحقيقه الجليه

و هذه وجهة نظرهم في الاسلام و المسلمين و لكنها غير معلنه احتراما لمشاعر المسلمين او خوفا بسبب انهم اقليه الله اعلم

الفرق بينا و بينهم هو اعلان الشتيمه

لأننى لا أحب التمسك بهفوات الحديث أو أستخدام زلات اللسان كحجة فى التحاور :)

لذا لن أعلق على ما سبق

تحياتى مستر زهيرى

تم تعديل 19 أغسطس 2009 بواسطة tantrum

[mffaswan]

هههههههههههههه Tantrum !!!

أعجبني جداً اقتباسك الأخير ..

تحياتي

الفاضل زهيري ..

هما بيكنوا المشاعر دي جواهم .. ليه مستكتر علينا نفس المشاعر دي جوانا !!

هما شايفين كده .. و إحنا شايفين كده .. و مع ذلك إحنا عايشين و منسجمين .. لكن تقولي بهائي و غوغائي و كلام فارغ زي ده .. لأ !!

أنا أتقبل الآخر .. اللي هو أهل كتاب .. في حدود معينة .. و بشكل يضمن الاحترام المتبادل و الأمن المتبادل .. أيه المشكلة في كده .. يعني هو أنا لازم أحبهم و أموت في دباديبهم !! ما كل واحد مننا يحترم نفسه وخلاص !! و للعلم .. أنا عشت التجربة دي لأكتر من 28 سنة في بلدي في جيرة مع مسيحين .. و لا يجمعنا إلا كل احترام متبادل ما بيننا .. دون حب ولا صداقة ولا موالاة ولا يحزنون !!

المسيحيين بيكرهونا من جواهم .. و إحنا بنكرههم من جوانا .. و عايشين و زي الفل بدون أي مشاكل لقرون من الزمان .. ومش بس كده .. إحنا بنكرههم من جوانا .. و مع ذلك بنحميهم عند الضرورة .. و بنسكن معاهم .. و بنأمن لهم .. و بنزاملهم .. و كل شيء .. هو مواطن له حق المواطنه .. و أنا زيه .. الفرق الوحيد .. و اللي لا جدال فيه ولا نقاش .. إن دين الدولة هو الاسلام .. يعني القواعد الاسلامية هي الأساس في التشريع ..

أرجو أن تكون فكرتي قد وضحت ..

و بالنسبة للأخوة اللي فاهمين البغض في الله .. غلط .. أرجو مراجعة مصادرهم الموثوقة للفهم الصحيح .. فالبغض في الله لا يعني المعاداة و التعامل السيء .. ولكنها تعني عدم الحب و الصداقة و الموالاة لمن لا يؤمن بدينك و برسولك و بربك ..

تحياتي .. و كل عام و أنتم جميعاً بخير بمناسبة الشهر الفضيل .. تقبل الله منا و منكم صالح العمل

[MZohairy]

هههههههههههههه Tantrum !!!

أعجبني جداً اقتباسك الأخير ..

تحياتي

الفاضل زهيري ..

هما بيكنوا المشاعر دي جواهم .. ليه مستكتر علينا نفس المشاعر دي جوانا !!

هما شايفين كده .. و إحنا شايفين كده .. و مع ذلك إحنا عايشين و منسجمين .. لكن تقولي بهائي و غوغائي و كلام فارغ زي ده .. لأ !!

يا أخي افهمني صح مره لوجه الله تعالى

لو وصل الأمر الى الكراهيه خلاص و مش قادر تغير الشعور ده

يبقى خليها داخليه بدون اعلان و توجيه كلمة كافر عمال على بطال

كلمة كافر لما تتقال في المسجد غير لما تتقال في المنتدى او ملعب الكوره او في الشغل

خليها بالكتير لو مش قادر تبطلها في المسجد فقط بدون توجيهها علنا في كل مكان ليس ذو صله بالعقيده

ده الفرق بيننا و بينهم

الكارهين منا و منهم

كارهيهم لا يوصموكم بالكفر علنا

لكن كارهينا شغالين فيها ليل و نهار

فهمتني؟

و بعدين لو عايز تفتح موضوع تاني عن البهائيين الكرماء انا تحت أمرك

[MZohairy]

و هو يقولك لما يقابلك في الجامعه مثلا يا كافر ياللي دينك كله تأليف و اونطه و نصب يا وحش

هل انا كذبت او بالغت؟

ابدا

هذه هي الحقيقه الجليه

و هذه وجهة نظرهم في الاسلام و المسلمين و لكنها غير معلنه احتراما لمشاعر المسلمين او خوفا بسبب انهم اقليه الله اعلم

الفرق بينا و بينهم هو اعلان الشتيمه

لأننى لا أحب التمسك بهفوات الحديث أو أستخدام زلات اللسان كحجة فى التحاور :)

لذا لن أعلق على ما سبق

تحياتى مستر زهيرى

رغم اني مفهمتش اي حاجه من مداخلة حضرتك الا ان رد التحيه واجب

تحياتي انا كمان

[mffaswan]

هههههههههههههه Tantrum !!!

أعجبني جداً اقتباسك الأخير ..

تحياتي

الفاضل زهيري ..

هما بيكنوا المشاعر دي جواهم .. ليه مستكتر علينا نفس المشاعر دي جوانا !!

هما شايفين كده .. و إحنا شايفين كده .. و مع ذلك إحنا عايشين و منسجمين .. لكن تقولي بهائي و غوغائي و كلام فارغ زي ده .. لأ !!

يا أخي افهمني صح مره لوجه الله تعالى

لو وصل الأمر الى الكراهيه خلاص و مش قادر تغير الشعور ده

يبقى خليها داخليه بدون اعلان و توجيه كلمة كافر عمال على بطال

كلمة كافر لما تتقال في المسجد غير لما تتقال في المنتدى او ملعب الكوره او في الشغل

خليها بالكتير لو مش قادر تبطلها في المسجد فقط بدون توجيهها علنا في كل مكان ليس ذو صله بالعقيده

ده الفرق بيننا و بينهم

الكارهين منا و منهم

كارهيهم لا يوصموكم بالكفر علنا

لكن كارهينا شغالين فيها ليل و نهار

فهمتني؟

و بعدين لو عايز تفتح موضوع تاني عن البهائيين الكرماء انا تحت أمرك

أخي الكريم .. أنا لم أطالب بترديد كلمة كافر .. ولكني أطالب بعدم موالاتهم و حبهم و مصادقتهم .. أنا أطالب بتطبيق أحد ركائز الإيمان في ديننا الحنيف .. و هي الولاء و البراء ..

أنا أطالب بالعيش في سلام دون إهانة و دون سب و دون حرب ودون معاداة و دون معاملة سيئة .. و إنما في سلام و أمان .. وفي حدود الاحترام لا أكثر ولا أقل ..

أنا أرفض استخدام كلمة كافر للتحقير من مسيحي أو يهودي يعيش معي في سلام .. يراعي حقوق الجيرة أو الزمالة .. فهذا ليس من شيم الاسلام .. فالاسلام دين سلام .. وليس دين تحقير ولا ازدراء للآخر من أهل الكتاب ..

و في الوقت نفسه .. لا أحب المسيحي و لا أصادقه .. ولا أواليه .. و كيف أفعل و أنا أعلم بما يكنوه بداخلهم !!!!!!!!!!!!

ولكن .. من الممكن .. بل إنه من الحادث في الواقع أن يجمعنا إطار العيش بسلام دون التعرض للآخر ..

و عليه ..

فأنا لست ضدك فيما قلت في ردك الأخير .. و لكني ضدك في موالاة غير المسلمين .. أو المسلمين العصاة المصرين على المعصية .. بل يجب بغضهم في الله .. و عدم حبهم .. و عدم مصادقتهم ..

تحياتي

[MZohairy]

كما ان ليس كل المسلمين كارهين

فتأكد ايضا ان ليس كل المسيحيين كارهين

و ابعد موضوع الكراهيه جانبا دلوقتي

الموضوع باختصار كما اشرت هو ايقاف ترديد كلمه غير محببه في كل حته و كل مناسبه

لأن رد الفعل لن يكون جيدا و مقبولا من المسلمين عند سماعه