اخواني الشرفاء من المسلمين .. هل تتقبلون الآخر؟

[الترجمـان]

و بالنسبة للأخوة اللي فاهمين البغض في الله .. غلط .. أرجو مراجعة مصادرهم الموثوقة للفهم الصحيح .. فالبغض في الله لا يعني المعاداة و التعامل السيء .. ولكنها تعني عدم الحب و الصداقة و الموالاة لمن لا يؤمن بدينك و برسولك و بربك ..

تحياتي .. و كل عام و أنتم جميعاً بخير بمناسبة الشهر الفضيل .. تقبل الله منا و منكم صالح العمل

الفاضل mffaswan

انا فعلا رجعت لمراجعة المصادر الموثوفه ولعقلي الذي وهبه لي رب العالمين لقيت إن الحب عكس الكره والصداقه عكس العداوة والموالاة عكس المعاداة فوجدت ونحن نتكلم عن الآخر الذي ((لا يعادي الإسلام ظاهرا سواء فولا او فعلا)) ان مفهوم البغض في الله اللي حضرتك مشكروا أيضا ..

لخصته لنا بأنه لا يعني المعاداة والتعامل السئ ولكنه يعني عدم الحب والصداقة والموالاة لمن لا يؤمن بدينك وبرسولك وربك..

سؤال لعقل حضرتك وضميرك

كيف يحل الله لنا الزواج من أهل الكتاب ..؟؟

وكيف تستطيع أن تحمل تلك المشاعر التي ((تراها انها من الدين الأصيل)) وتتقدم بها للزواج من أهل الكتاب ..

أليس الزواج هو مشروع يجب ان يكون قائما على مشاعر مثل الحب والقبول والتفاهم والصداقه وكلها مشاعر يجب أن تكون تحت إطار العبادة لله ..؟؟

ألا تشعر بنوع من التناقض في ذلك أم أن هناك تبرير جديد تثبت فيه بغضك للآخر وفقط...لأنه آخر.

شكرا على دعوتك الجميله والكريمه واعاد الله عليك وعلى الجميع شهره الكريم بكل الخير والبركه .

تم تعديل 19 أغسطس 2009 بواسطة الترجمـان

[MZohairy]

كيف يحل الله لنا الزواج من أهل الكتاب ..؟؟

وكيف تستطيع أن تحمل تلك المشاعر التي ((تراها انها من الدين الأصيل)) وتتقدم بها للزواج من أهل الكتاب ..

أليس الزواج هو مشروع يجب ان يكون قائما على مشاعر مثل الحب والقبول والتفاهم والصداقه وكلها مشاعر يجب أن تكون تحت إطار العبادة لله ..؟؟

ألا تشعر بنوع من التناقض في ذلك أم أن هناك تبرير جديد تثبت فيه بغضك للآخر وفقط...لأنه آخر.

.

نساؤهم حلال لنا (وش عادل امام و هو مكشر في فيلم الارهابي)

[mffaswan]

و بالنسبة للأخوة اللي فاهمين البغض في الله .. غلط .. أرجو مراجعة مصادرهم الموثوقة للفهم الصحيح .. فالبغض في الله لا يعني المعاداة و التعامل السيء .. ولكنها تعني عدم الحب و الصداقة و الموالاة لمن لا يؤمن بدينك و برسولك و بربك ..

تحياتي .. و كل عام و أنتم جميعاً بخير بمناسبة الشهر الفضيل .. تقبل الله منا و منكم صالح العمل

الفاضل mffaswan

انا فعلا رجعت لمراجعة المصادر الموثوفه ولعقلي الذي وهبه لي رب العالمين لقيت إن الحب عكس الكره والصداقه عكس العداوة والموالاة عكس المعاداة فوجدت ونحن نتكلم عن الآخر الذي ((لا يعادي الإسلام ظاهرا سواء فولا او فعلا)) ان مفهوم البغض في الله اللي حضرتك مشكروا أيضا ..

لخصته لنا بأنه لا يعني المعاداة والتعامل السئ ولكنه يعني عدم الحب والصداقة والموالاة لمن لا يؤمن بدينك وبرسولك وربك..

سؤال لعقل حضرتك وضميرك

كيف يحل الله لنا الزواج من أهل الكتاب ..؟؟

وكيف تستطيع أن تحمل تلك المشاعر التي ((تراها انها من الدين الأصيل)) وتتقدم بها للزواج من أهل الكتاب ..

أليس الزواج هو مشروع يجب ان يكون قائما على مشاعر مثل الحب والقبول والتفاهم والصداقه وكلها مشاعر يجب أن تكون تحت إطار العبادة لله ..؟؟

ألا تشعر بنوع من التناقض في ذلك أم أن هناك تبرير جديد تثبت فيه بغضك للآخر وفقط...لأنه آخر.

شكرا على دعوتك الجميله والكريمه واعاد الله عليك وعلى الجميع شهره الكريم بالخير البركه .

الأخ الكريم .. الترجمان ..

أولاً .. كل رمضان و حضرتك بخير .. و شكراً على المعايدة ..

ثانياً .. أحب أوضح نقطة صغيرة .. هي إن بعض أمور الدين لا تتطلب من الانسان إعمال العقل .. و بدون الخوض في امثلة .. هناك أمور في مسائل التوحيد مثلاً يجب أن تؤخذ على ماهيتها .. و نكرانها .. بل ان التدبر و التفكير فيها ممنوع من أصله !!

ثالثاً .. بالنسبة للزواج من الذميين (وليس الكفار) .. هو حلال .. ولكن جمهور الفقهاء أيد إن الزواج من نساء النصارى أو اليهود يكون على كراهة في حالو وجود الزوجة المسلمة المؤمنة .. و يمكن لحضرتك الرجوع لمصادرك الموثوقة لمراجعة هذه النقطة .. ولهذا .. فلا تناقض بين ما ذكرته و بين الزواج منهم

رابعاً .. فرضاً .. تزوجت مسيحية من مسلم .. و نشير هنا لردود الافعال التي ستصدر عن أهل الفتاة .. و التي تكون غالباً عصبية و فيها نوع من التبرأ من هذه الفتاة و اعتبارها ميتة و كافرة و الكثير من الصفات .. حينها تكون هذه الفتاة قد علمت إنها قد استهانت بدينها .. بل إنها قد تكون كفرت بدينها .. و ينتج عن هذه الأفعال مقاطعة كاملة لها و لأسرتها و لزوجها و لأبنائهم .. ويعطي لزوجها (الذي أحبها على ديانتها) العذر في التعامل معها .. و بنسبة 99% من هذه الزيجات تنتهي لإسلام الزوجة لما تكتشفه من صدق رسالة الاسلام و اختلافه عما يسمعون عنه في الكنيسة .. و أنا أعرف ثلاثة أسر انتقلت رباتها من المسيحية للإسلام .. و هي فائدة طبعاً للزوج الذي ينال ثواب اسلامها !

تحياتي

[سهل جدا]

انا فعلا رجعت لمراجعة المصادر الموثوفه ولعقلي الذي وهبه لي رب العالمين لقيت إن الحب عكس الكره والصداقه عكس العداوة والموالاة عكس المعاداة

يا أستاذ الترجمان.. بارك الله فيك

ارجع لأي كتاب من كتب العقيدة

هاتلاقي فيهh جزء كامل بيتكلم عن حاجة اسمها الولاء والبراء..

ومعناها بالبلدي زي ما قولنا: حبيب حبيبي يبقى حبيبي

أنا لا يمكن بصراحة .. أصدق واحد بيقولي إنه بيحب رسول الله صلى الله عليه وسلم أكثر من نفسه , وفي نفس الوقت بيحب اللي يقول على رسول الله :كاذب

نعم.. فالذي لا يؤمن بأن سيدنا محمد صلى الله عليه وسلم هو رسول من عند الله إلى الناس كافة... ، معناها أنه يقول أن رسول الله كاذب في ادعائه للنبوة..

وكما قلنا أن هذا لا يعني أننا نظلمه ونهدر حقّه .. بل نعامله بالحسنى..

سؤال لعقل حضرتك وضميرك

كيف يحل الله لنا الزواج من أهل الكتاب ..؟؟

وكيف تستطيع أن تحمل تلك المشاعر التي ((تراها انها من الدين الأصيل)) وتتقدم بها للزواج من أهل الكتاب ..

أليس الزواج هو مشروع يجب ان يكون قائما على مشاعر مثل الحب والقبول والتفاهم والصداقه وكلها مشاعر يجب أن تكون تحت إطار العبادة لله ..؟؟

ألا تشعر بنوع من التناقض في ذلك أم أن هناك تبرير جديد تثبت فيه بغضك للآخر وفقط...لأنه آخر.

جواب السؤال ده هو الآتي:

المحبة نوعان :

1- محبة طبيعية كمحبة الإنسان لزوجته ، وولده ، وماله، وهي المذكورة في قوله تعالى : {وَمِنْ آيَاتِهِ أَنْ خَلَقَ لَكُم مِّنْ أَنفُسِكُمْ أَزْوَاجًا لِّتَسْكُنُوا إِلَيْهَا وَجَعَلَ بَيْنَكُم مَّوَدَّةً وَرَحْمَةً إِنَّ فِي ذَلِكَ لَآيَاتٍ لِّقَوْمٍ يَتَفَكَّرُونَ} [(21) سورة الروم]

2- محبة دينية ؛ كمحبة الله ورسوله ومحبة ما يحبه الله ، ورسوله من الأعمال ، والأقوال ، والأشخاص .

قال تعالى { فَسَوْفَ يَأْتِي اللّهُ بِقَوْمٍ يُحِبُّهُمْ وَيُحِبُّونَهُ } [(54) سورة المائدة]

وقال النبي :" مثل المؤمنين في توادهم وتراحمهم وتعاطفهم كمثل الجسد .. الحديث ".

ولا تلازم بين المحبتين بمعنى : أن المحبة الطبيعية قد تكون مع بغض ديني ؛ كمحبة الوالدين المشركين فإنه يجب بغضهما في الله ، ولا ينافي ذلك محبتهما بمقتضى الطبيعة ، فإن الإنسان مجبول على حب والديه ، وقريبة ، كما كان النبي يحب عمه لقرابته مع كفره، قال الله تعالى : {إِنَّكَ لَا تَهْدِي مَنْ أَحْبَبْتَ وَلَكِنَّ اللَّهَ يَهْدِي مَن يَشَاء } [(56) سورة القصص]

ومن هذا الجنس محبة الزوجة الكتابية؛ فإنه يجب بغضها لكفرها بغضا دينيا، ولا يمنع ذلك من محبتها المحبة التي تكون بين الرجل وزوجه، فتكون محبوبة من وجه، ومبغوضة من وجه، وهذا كثير ،

فقد تجتمع الكراهة الطبيعية مع المحبة الدينية كما في الجهاد فإنه مكروه بمقتضى الطبع ، ومحبوب لأمر الله به ، ولما يفضي إليه من العواقب الحميدة في الدنيا والآخرة ، قال الله تعالى:{كُتِبَ عَلَيْكُمُ الْقِتَالُ وَهُوَ كُرْهٌ لَّكُمْ وَعَسَى أَن تَكْرَهُواْ شَيْئًا وَهُوَ خَيْرٌ لَّكُمْ } [(216) سورة البقرة] .

ومن هذا النوع محبة المسلم لأخيه المسلم الذي ظلمه فإنه يحبه في الله، ويبغضه لظلمه له؛ بل قد تجتمع المحبة الطبيعية، والكراهة الطبيعية كما في الدواء المر: يكرهه المريض لمرارته، ويتناوله لما يرجو فيه من منفعة .

وكذلك تجتمع المحبة الدينية مع البغض الديني؛ كما في المسلم الفاسق؛ فإنه يحب لما معه من الإيمان، ويبغض لما فيه من المعصية .

والعاقل من حكّم في حبِه وبغضِه الشرعَ والعقلَ المتجرد عن الهوى ، والله أعلم .

المصدر

[doha]

اتمنى استاذ زهيري ميكونش محاولتك لاثبات رايك باي طريقة دافع ليك انك تشتم دينك بالطريقة السيئة دي ولو على سبيل المزاح او التوضيح ..

عبارتك الي بتوصف بيها دينا من وجهة نظر مسيحية مسيئة جدا .. حاولت اتجاهلها احتراما ليك على الاقل لكني مقدرتش لان بجد الكلمه جارحه ومش موقعها ابدا ..

اتمنى تحذفها وفي الحاله دي يبقى اتمنى ردي ده كمان ينحذف ..

لا ابدا يا فندم خلي العباره و خلي الرد

هل انا كذبت او بالغت؟

ابدا

هذه هي الحقيقه الجليه

و هذه وجهة نظرهم في الاسلام و المسلمين و لكنها غير معلنه احتراما لمشاعر المسلمين او خوفا بسبب انهم اقليه الله اعلم

و بالتالي اذا اصرينا نناديهم نقولهم يا كفره يا كفره في كل مكان ... فأعتقد ان الخطوه القادمه ان يظهروا لنا حقيقة مشاعرهم (اللي انا كتبتها فوق دي)

الفرق بينا و بينهم هو اعلان الشتيمه

خلينا نستوعب اننا لما بنناديهم كده عمال على بطال حييجي يوم و ينادونا برضه بنفس الطريقه دي

و حتبقى وصلة ردح محترمه دائمه في كل مكان في مصر

تحياتي

سيد زهيري

مش عارفه انت بتغالط نفسك ولا بتغالطني على كل حال هفترض انك مش عارف وهوضح لك كلامي مرة تانيه بطريقة تانيه ..

اولا كلنا عارفين رايهم في دينا والا مكانوش كفروا بيه .. وبرضه كلهم عارفين راينا في دينهم والا كنا آمنا بيه ..

لما واحد مسيحي يقولي دينك فيه كذا وعشان كده انا مش مؤمن عادي اتقبلها منه بالظبط زي مااقول لواحد مسيحي معليش انا مش مصدقة دينك عشان فيه كذا برضه عادي ويفترض بيه لو منصف يتقبلها مني .. احنا او هم لكم دينكم ولي دين ومش مفترض اننا نقتنع بقناعات بعض ..

اما الي انت عملته ده بالظبط زي واحد محترم قاعد وسط اصحابه في كافتيريا .. حصلت خناقة بين المحترم وصاحب الكافتيريا السوقي الي قال للمحترم ضمن الخناقة يابن الـ ... (تيييييييييت).

المحترم انغاظ اوي وطول ماهو ماشي في الشارع بقى يقول لاصحابه .. انا يقولي يابن الـ..( تييييييييييييت ) ويكررها ... انا ينقال علي ابن الـ ... .. (تييييييييت)

لاه واحلى حاجه تاني يوم رايحين يسهروا فيقولوا هنسهر فين النهرده ؟ فرد واحد وقال عند الكافتيريا الي صاحبها قال لفلان يابن الـ (تييييييييييييييت)

اتصلوا صحابه بيه وقالوا له تعال يافلان احنا سهرانين النهرده قالهم فين؟ قالوا له كالمعتاد .. عند الراجل اياه الي قالك امبارح يابن الـ ... ( تيييييييت ) .

احلى حاجه بقى فلان ده خارج فابوه قاعد كده وسط اخواته فبيقوله انت رايح فين يابني .. قاله رايح اسهر مع صحابي عند الي قال علي ابن الـ( تييييييييييييييت ) يا ( تيييييييييت)

==========

قلتها لك قبل كده يامستر زهيري متخليش اصرارك على اثبات وجهة نظرك باي طريقة يعميك عن حقائق ثابته او يجرأك على انتقاد معتقداتك بالشكل السافر ده ..

ان واحد كافر بدينك يقول عليه شيء ده حاجه وانك تكرر الكلام نفسه بلا غضاضه وباريحيه تامه وكأنه لا يعنيك شيء تاني مختلف تماما .. بالظبط زي ماواحد يشتم اهلك عادي هو مش متربي خلاص هتعمل ايه .. لكن تطلع منك انت الشتيمه دي حتى لو من باب ذكر ماحدث فده غير مقبول ابدا خاصه وان الكل عارف خلاص ايه الي انقال وانك تقدر تكتفي بالاشاره خاصه اكتر وفي ناس كتير فندت حته لازم ننادي لهم بكافر دي وذكروا كلام من القرآن وتكلموا بالمنطق بما يثبت ان كلمه كافر لا ينبغي ابدا ننادي بيها حد مختلف عنا في الدين على الاطلاق كده بل نستخدمها فقط لو كنا بنتكلم عن الدين اما في الحوار فاللطف واللين اقبل للذوق والمنطق ..

اتمنى مستقبلا تاخذ وقتك شويه في قراءة الردود والتمهل في الرد عليها بدال التسرع الي مش مخليك احيانا تاخذ بالك من كلامك وتذكر ان كل كلمه عليها رقيب عتيد وكله مسجل في صحائف الاعمال حتى لو انت نسيته هو مش هينساك .. وحرام اوي ان ناس تكتب كلام تتحاسب عليه بخير ويكون شاهد لها يوم القيامه وناس تانيه تكتب مايكون شاهد عليها .. انت يمكن عمال تكتب وترد لمجرد الرد وفي ظنك انك مصلح اجتماعي او هتغير الكون .. وفي ناس تانيه بتكتب لنفس هدفك وهو الاصلاح بس مبتغيه في كلامها وجه الله .. في الحالتين انتم الاثنين كسبانين دنيا بس ماذا عن الآخره ؟

ايا كانت وجهة نظرك مع او ضد فاختار الاسلوب واعمل مايمليه عليك ضميرك بما لايغضب الله ومتخليش اسلامك وعقيدتك مطيه عشان توصل دنويا وتحس انك متحضر في افكارك ومختلف عن شويه الجهله الي معتقد انهم حواليك لان مفيهاش حاجه ابدا لما تجمع بين الاثنين ويكون لك عقل حضاري مصاحب قلب مؤمن .. وعلى فكره اسمع للي حواليك شويه لان ممكن ميكونوش زي ماانت فاهم او معتقد ..

انا مش هديلك موعظة بس اكيد انا زيي اي واحد من اخوات فلان الي كانوا قاعدين ساعه لما طلع يروح الكافتيريا كان لازم هيستفز وكان لازم هيرد ولا يبقى ( تيييييييييييت ) ..

[rar]

سامحوني نخلي موضوع المثليين و معاملتهم دي في موضوع تاني (أنتظر من الأخت ريمو فتحه) عشان ما نسرقش موضوعنا الأساسي...

عزيزي صفوان... مداخلتك فيها كلام كتير قوي عايز رد...

هما بيكنوا المشاعر دي جواهم .. ليه مستكتر علينا نفس المشاعر دي جوانا !!

لا يا فندم مش صحيح... أنا لا أكرهك، لا في الله و لا في غيره... أنا أحبك و أحب عشرتك و أخاف علي مشاعرك... و سأظل كذلك مهما كانت معاملة حضرتك لي... لو حضرتك قابلت مسيحيين قالوا لك انهم بيكرهوك (حتي في الله)، فهم يؤمنون بعقيدة مختلفة تماما عني.. أرجو الا تضعني معهم في قالب واحد و تفترض أني أشاركهم مشاعرهم... مش ها ينفع اننا نفضل "نوازن" بين الطرفين، باختراع مشاعر أو تطرف أو أذي ليس موجودا... عشان يبقي الاتنين وحشين... خالصين و صافية لبن... أنا لم أكرهك، لا داخل نفسي، و لا داخل الكنيسة، و لا بيني و بين أهل بيتي، و لا في أي مكان أو زمان... متي كرهتك فقد خرجت من الملة... و فقدت مسيحي... لو كانت دي مشاعر حضرتك، سواء نتيجة تعليم ديني، أو حتي ميول شخصية... فهي خاصة بك وحدك... أنا لا أكره اليهود و لا الشواذ و لا الملحدين... هل تتخيل أن أكره أخي و ذراعي اليمين و شريكي في الحياة الي الأبد، الذي يؤمن بأغلب ما أؤمن به، و يتخلق بأغلب أخلاقي؟ لن يحدث أبدا...

المسيحيين بيكرهونا من جواهم .. و إحنا بنكرههم من جوانا .. و عايشين و زي الفل بدون أي مشاكل لقرون من الزمان ..

برضه سامحني الكلام ده مش صحيح... ما كانوش عايشين زي الفل بدون أي مشاكل لقرون من الزمان... كانوا عايشين تحت حد السيف و ساكتين بسببه... حضرتك بس اللي ما سمعتش... ما سمعتش عن ثورة الأشمونيين اللي علق فيها الخليفة المأمون جدودنا علي فروع الأشجار... ما سمعتش عن ابادة المسيحيين الملكانيين في دمياط وقت الغزو الصليبي... ما سمعتش ان الأقباط و المسلمين كانوا عايشين في قري منفصلة، لا يجرؤ أحدهم (من الشعب و ليس الحكام) علي دخول منطقة الآخر خوفا علي حياته... ما سمعتش عن ال"عرف" ان المسيحي ما يبعش ملكه لمسلم و العكس... ما سمعتش عن شهداء العصر الاسلامي اللي يملوا كتب... أرجوك أن تتوجه لكنيسة القديس سيدهم بشاي أو تحاول تقرا عنه... هيديك مثال للحياة اللي زي الفل اللي كانوا عايشينها... يا سيدي الفاضل الحياة اللي زي الفل دي ما بدأتش غير بعد ما جه الغريب و ذل المسلمين زي الأقباط... ساعتها بس العلاقة بينهم بدأت... و بدأوا يثقوا في بعض نتيجة ضعف و عجز الطرف القوي عن حماية نفسه ضد المماليك و الاتراك و الانجليز... و كل من هب و دب... و بقي المسلم أقرب لي من الغريب...

يا أخي الحبيب أنا لا أحملك وزر التاريخ و لا ألومك بسببه... و لا أتهمك في دينك و اتحجج بما فعله من نسب زورا له... و أرجو ألا تلومني انت علي أي شئ حدث في الماضي، أو أي رأي اليوم لا يعبر عني... رأيي أقوله لك في وجهك و لا أخفيه...

و لكن هذا الوطن الذي تتخيله لا يمكن أن يقوم أبدا... و لو قام لفترة من الزمن فهو الاستثناء و ليس القاعدة... ان اردتني "صاغرا" أتحلي بأخلاق العبيد... و أقبل علي أبنائي أن يميز القانون بينهم و بين أبناءك في الحق أو الواجب أو حتي ال"كنية" بحجة أنها دوله "مسلمة"... فأرجوا الا تنتظر مني أي انتماء... أرجو أن تخشاني جدا لأني سأخونك في أقرب فرصه، متي وجدت من يحميني من حد سيفك... ان كنت في بلدي و بلد جدودي أعامل كأقليه، فلماذا لا يحكمني يهودي أو أوروبي... كلهم سادة و كلهم يقرفوا... ان اردتني أن أقبل اهاناتك المستمرة لي، و اصرارك علي تسميتي بما لا أحبه... فتأكد اني قادر علي الرد، و هو رد لن تحبه و لن تقبله... كل ما في الأمر أن الأقباط في أغلبهم ما زال لديهم "عشم"... ما زالوا يؤمنون بأن العقد الذي وقعه جدودهم مع أخوتهم في الوطن ما زال قائما... و أن الطرف الآخر سيلتزم به و لو بعد حين، بعد أن يفيقوا و يتدبروا عقيدتهم و عقولهم... كل من فقد الأمل في ذلك أطلقنا عليه "زكريا بطرس"!! و ما هو الا مقدمة لظواهر أبشع و أقذر ستأتي علينا... ما دمت حضرتك شايف ان "مافيش أي مشاكل بينا... هما قابلين بكدة... احنا نسميهم كفار في كل مقام و مقال، و حقنا عليهم أن يسموننا مسلمين و يحسنوا مخاطبتنا... حقي ان ولادي يدرسوا قرآن و حديث في مناهج اللغة، و حقي برضه انهم ما يتعرضوش لمعتقدات فاسدة في كتب اللغة... حقي اني أبني جامع في كل قرية سياحية بطول الساحل الشمالي... لكن اتفاقنا معاهم ان مافيش كنايس جديدة تتبني، و الا ده يبقي تبشير... حقي ان رجال الدين يطلعوا في التلفزيون يفندوا عقائدهم، و واجبهم نحونا أن يحترموا معتقداتنا و لا يعلنوا آراءهم"

يعني هو أنا لازم أحبهم و أموت في دباديبهم !! ما كل واحد مننا يحترم نفسه وخلاص !!

موافق... يا ريب حضرتك تحترم نفسك و ما تنادينيش ب"نصراني" لأن ده اسم مش باحبه... يا ريت حضرتك تحترم نفسك و ما تقولش عني كافر في مكان ممكن أسمعك فيه (مع العلم اني مقر باني كافر بدينك، بس دي كنية مش باحبها)... و يا ريت حضرتك لما ترمي التحيه، ترميها علي كل الحضور، مش بس اللي اتبع الهدي... و لما تترحم علي حد مات، تترحم علي الجميع، مش بس المسلمين منهم... و أنا أوعدك اني أعاملك بالمثل في كل هذه الأمور...

و بعد كده كل واحد بيختار صحابه براحته... لا ضرر و لا ضرار...

و مع ذلك بنحميهم عند الضرورة .. و بنسكن معاهم .. و بنأمن لهم .. و بنزاملهم .. و كل شيء .. هو مواطن له حق المواطنه .. و أنا زيه .. الفرق الوحيد .. و اللي لا جدال فيه ولا نقاش .. إن دين الدولة هو الاسلام .. يعني القواعد الاسلامية هي الأساس في التشريع ..

كلام جميل... لكن لو القواعد الاسلامية دي بتفرق في الحقوق أو الواجبات، أو بتمنع مواطن من ممارسة حياته بما لا يتعدي علي حريات الآخرين أو ممتلكاتهم أو أشخاصهم بحجة ان ده "أمر الله"... فسامحني مش هيقبلوا بيها... طب ايه العمل... نخلي القوي "يقمع" الضعيف الي أن يأتي من هو أقوي منه... و لا نقسم البلد حتتين و نشيل ده من ده يرتاح ده عن ده؟ و لا يجي كل واحد فينا علي نفسه شوية، و يقدم السبت، و نلاقي نقطة في النص نتقابل عندها و نتعايش... يا سيدي الفاضل لو الشريعة الاسلامية اللي انت شايفها (و ده تعبير مطاطي جدا بيختلف من واحد للتاني) بتساوي بينا في كل شئ، و تترك لي بعض الحريات التي تنتظر من المسلم الالتزام بها من نفسه دون قانون يجبره علي ذلك... فهي علي عيني و علي راسي...

أخوك و شقيقك رار... من "أقباط المهجر" اللي انتماءهم لمصر زاد عن حد احتماله...

[tantrum]

و لكن هذا الوطن الذي تتخيله لا يمكن أن يقوم أبدا... و لو قام لفترة من الزمن فهو الاستثناء و ليس القاعدة... ان اردتني "صاغرا" أتحلي بأخلاق العبيد... و أقبل علي أبنائي أن يميز القانون بينهم و بين أبناءك في الحق أو الواجب أو حتي ال"كنية" بحجة أنها دوله "مسلمة"... فأرجوا الا تنتظر مني أي انتماء... أرجو أن تخشاني جدا لأني سأخونك في أقرب فرصه، متي وجدت من يحميني من حد سيفك... ان كنت في بلدي و بلد جدودي أعامل كأقليه، فلماذا لا يحكمني يهودي أو أوروبي... كلهم سادة و كلهم يقرفوا... ان اردتني أن أقبل اهاناتك المستمرة لي، و اصرارك علي تسميتي بما لا أحبه... فتأكد اني قادر علي الرد، و هو رد لن تحبه و لن تقبله...

!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!

تم تعديل 19 أغسطس 2009 بواسطة tantrum

[rar]

و لا تقربوا الصلاة...

و لكن هذا الوطن الذي تتخيله لا يمكن أن يقوم أبدا... و لو قام لفترة من الزمن فهو الاستثناء و ليس القاعدة... ان اردتني "صاغرا" أتحلي بأخلاق العبيد... و أقبل علي أبنائي أن يميز القانون بينهم و بين أبناءك في الحق أو الواجب أو حتي ال"كنية" بحجة أنها دوله "مسلمة"... فأرجوا الا تنتظر مني أي انتماء... أرجو أن تخشاني جدا لأني سأخونك في أقرب فرصه، متي وجدت من يحميني من حد سيفك... ان كنت في بلدي و بلد جدودي أعامل كأقليه، فلماذا لا يحكمني يهودي أو أوروبي... كلهم سادة و كلهم يقرفوا...

تم تعديل 19 أغسطس 2009 بواسطة rar

[أبو محمد]

فلنعلنها صريحة

نحن الأصحاء لن نسمح بوجود إلا الأصحاء مثلنا .. لأن هناك احتمال أن تكون أمراضهم معدية .. فهم بذلك خطر على مجتمعنا ، مجتمع الأصحاء

نحن المتعلمين لن نسمح بوجود الجهلاء بيننا لأن هناك احتمال أن يستعذب أولادنا سلوكياتهم .. وقد بدأ ذلك بالفعل فشبابنا أصبح يحب الكلام بلغة اللصوص والعوالم .. مثل مأشفر ، وأبِّجنى تجدنى

فلنستأصل كل من هم ليسوا مثلنا ..

فلنتوقف عن ترديد الكلمة وعكسها فى نفس الوقت .. باحبك بس باكرهك .. أنت جارى وصاحبى بس عدوى ..

فلنستأصل كل من نكرههم حتى ننعم فى مجتمع الأحبة ..

[doha]

قرات مداخلتك ياسيد رار كامله ولي عليها تعليق بسيط..

بدايه اتفق معاك في كثير مما جاء فيها وما( تطالبون ) به من حقوق .. فعلا مبرراتك وحججك قويه واي منصف يجب ان يقرك على كثير من مطالبك ـ بس مش كلها ..

ممكن اقعد اناقشك في مشروعية المطالب الي فهمت من كلامك انكم بتطالبوا بيها .. ممكن والرد عليها سهل .. لكن مش هناقش ببساطة لان واضح من ردك ان دي مش اول مرة تتكلم في الحكايه دي وان الموضوع ( ملف ) كامل معد مسبقا الردود والاجابات فيه محفوظه يعني مهما اجيلك فيه يمين هتيجي لي شمال ومش هنتفق لان اكيد كل منا له اجندته الخاصه الي هيتكلم من منطلقها .. انا كمسلمه احب اكيد دولتنا تكون زي ماهي بحجمها واستقلالها والاهم حكمها من قبل المسلمين .. وانت كمسيحي مقتنع بما نسمع ان اقباط المهجر بيرددوه اكيد هتحب يكون لكم سياده على شيء ما زي مافهمت في كلامك من تلويح بانقسام او ماشابه بما يتيح لكم مزيد من الحرية او مزيد من السلطة او ايا كان مطالبكم او اهدافكم منها ..

مش هلومك ولا هناقشك انت لك قناعتك فانت حر فيها ولك تدافع عنها وتحاول تخرجها للتطبيق بالوسيلة الي تشوفها مناسبه بس في نفس الوقت انت واحنا للاسف هندفع ثمن اي تحرك خاطيء غير محسوب العواقب من طرفنا او طرفكم على السواء ..

انا بس هقولك شيء واحد .. انت مقتنع بانكم ( مظلومين ) في مصر للحد الي ممكن تتحالف فيه ( مع الشيطان ) ذاته في سبيل رفع الظلم ده عنكم .. وعلى حد كلامك فمش فارقه مع مسيحيي مصر ظلم بظلم يبقى يحكمنا اي حد مدام خسرانه خسرانه .. طيب انت متخيل ان الـ ( اي حد ) ده لما ( يحكمنا ) هيديلكم حقوقكم ؟ متخيل ان الظلم هينشال من عليكم ومش هيبقى ظلمين؟ بل انت حتى متخيل انكم لو استقليتم بدوله أو ( دويله ) لوحدكم هيبقى لكم نفس القوة والنفوذ الي يفترض انها لمصر حاليا كدوله ـ شاء البعض او ابى ـ لها مكانتها الدولية لحد الآن ؟

احنا لما بنتعلم النصوص القرآنية في كتبنا المدرسيه فعشان الصالح العام لمعظم المصريين الي ـ صادف انهم مسلمين كوننا الاغلبية ـ مش عشان نضطهدكم او نغصب عليكم كلام انتم مش عاوزينه .. وقس على ذلك في بقية ماذكرته في ردك السابق من ( اضطهادات ) تتعرضون لها على ارضنا ( والنا عائده علينا وعليكم بالتأكيد ولكن وجب التوضيح فحين يكون الكلام عن الاضطهاد ستتصور انها تعنينا نحن فقط )

يعني من السهل الواحد يقنع نفسه بالي هو عاوز يقتنع بيه ويتصور مايريد تصوره وهيلاقي ادله وبراهين وهتكون مقنعه برضه ده لو ترك نفسه للهوى .. اما لو كان منصف وفكر بالعقل وفكر لبعيد ..ابعد من موطأ قدمه او حتى موطأ قدم ابنائه ممكن نظرته ساعتها تتغير .

زي ماقلت لك انا مش هناقشك لاني عارفه القضيه محسومه عندك مسبقا كما ان مفيش في ايدي شيء اغيره والامر متروك كله لمن بيدهم الحل والربط من المسؤولين عننا في ( بلدنا ) هم يقدروا يسنوا القوانين الي تضمن لكم ( حقكم ) وفي نفس الوقت لا تخل ( بحقوقنا ) كمسلمين اغلبية شاء البعض ذلك ام ابى .

عن نفسي مقدرش غير اقول ربنا مع الكل ويعمل الي فيه الخير ورضاه ..

وعلى فكره رمضان بعد بكره كل سنه واحنا طيبين .. مش هتبارك لنا ولا ايه ؟

[pink rose]

سامحوني نخلي موضوع المثليين و معاملتهم دي في موضوع تاني (أنتظر من الأخت ريمو فتحه)

معلش يا استاذ رار مش هاقدر انفذلك طلبك

حضرتك عارف رمضان على الابواب و مش هاكون فاضية

حضرتك فاهم رمضان بقى صيام بالنهار و صلاة تراويح و قرءاة قرآن بالليل فا مش هاكون فاضية افتح حوار عن المثليين في الشهر الفضيل

بس صدقني هادعيلهم و انا ساجدة لله بالهداية

و هادعي لحضرتك كمان ان الله يحفظ ابنك

تم تعديل 19 أغسطس 2009 بواسطة remo

[أبو محمد]

سامحوني نخلي موضوع المثليين و معاملتهم دي في موضوع تاني (أنتظر من الأخت ريمو فتحه)

معلش يا استاذ رار مش هاقدر انفذلك طلبك

حضرتك عارف رمضان على الابواب و مش هاكون فاضية

حضرتك فاهم رمضان بقى صيام بالنهار و صلاة تراويح و قرءاة قرآن بالليل فا مش هاكون فاضية افتح حوار عن المثليين في الشهر الفضيل

بس صدقني هادعيلهم و انا ساجدة لله بالهداية

و هادعي لحضرتك كمان ان الله يحفظ ابنك

قفشتك يا ريمو .. مخالفة صريحة لعقيدة الولاء والبراء

[mffaswan]

سامحوني نخلي موضوع المثليين و معاملتهم دي في موضوع تاني (أنتظر من الأخت ريمو فتحه) عشان ما نسرقش موضوعنا الأساسي...

عزيزي صفوان... مداخلتك فيها كلام كتير قوي عايز رد...

أنا أسمي محمد و ليس صفوان

هما بيكنوا المشاعر دي جواهم .. ليه مستكتر علينا نفس المشاعر دي جوانا !!

لا يا فندم مش صحيح... أنا لا أكرهك، لا في الله و لا في غيره... أنا أحبك و أحب عشرتك و أخاف علي مشاعرك... و سأظل كذلك مهما كانت معاملة حضرتك لي... لو حضرتك قابلت مسيحيين قالوا لك انهم بيكرهوك (حتي في الله)، فهم يؤمنون بعقيدة مختلفة تماما عني.. أرجو الا تضعني معهم في قالب واحد و تفترض أني أشاركهم مشاعرهم... مش ها ينفع اننا نفضل "نوازن" بين الطرفين، باختراع مشاعر أو تطرف أو أذي ليس موجودا... عشان يبقي الاتنين وحشين... خالصين و صافية لبن... أنا لم أكرهك، لا داخل نفسي، و لا داخل الكنيسة، و لا بيني و بين أهل بيتي، و لا في أي مكان أو زمان... متي كرهتك فقد خرجت من الملة... و فقدت مسيحي... لو كانت دي مشاعر حضرتك، سواء نتيجة تعليم ديني، أو حتي ميول شخصية... فهي خاصة بك وحدك... أنا لا أكره اليهود و لا الشواذ و لا الملحدين... هل تتخيل أن أكره أخي و ذراعي اليمين و شريكي في الحياة الي الأبد، الذي يؤمن بأغلب ما أؤمن به، و يتخلق بأغلب أخلاقي؟ لن يحدث أبدا...

شوف يا أستاذ رار .. أنا ملاحظ إن ليك آراء مغايرة عن المسيحين .. ربما بحكم سفرك و حياتك خارج مصر و الشرق الأوسط كله .. لكن في الوقت نفسه إسمحلي أؤكد لك إنك نموذج في غاية الندرة في مصر و بين مسيحيين الشرق الأوسط .. ولن أدخل في مقارنات بين الكنيسة المصرية و باقي الكنائس الأخرى و المذاهب المسيحية المختلفة .. كإختلاف الشيعة و السنة في العالم الإسلامي .. و من هذا .. فلا أستطيع أن آخذ كلامك على إنه يمثل أقباط مصر ..

منذ أن وعيت على الدنيا .. و جيراني المسيحين يعاملوننا بإحترام .. و نعاملهم بإحترام .. و يزورننا في مناسباتنا المختلفة .. و نزورهم في مناسباتهم المختلفة .. كنوع من حقوق الجيرة .. و لكن .. منذ أن بدأت أبحث في العلاقات الاسلامية المسيحية في مصر .. و وصلت لشيء هام جداً .. إن أقباط مصر المسالمين .. هؤلاء القوم الذين وصاهنا رسولنا الكريم عليه صلاوت الله و سلامه عليهم .. و أيضاً الصحاية .. و قصص عمرو بن العاص في فترة فتح مصر معروفة لدى الجميع .. هؤلاء الأقباط يعتبروننا مغتصبين لأرضهم .. المدهش إنهم لا يفرقون بين قبطي دخل في الاسلام .. أو مسلم وفد من جزيرة العرب .. فيعتبرون المسلمين مغتصبين للأرض .. قاموا بفرض السطوة بالسيف .. ثم اضطهاد .. ثم إذلال .. و الأكثر إدهاشاً .. هو إصرارهم على هكذا فكر حتي يومنا هذا !!

ليس هذا فحسب .. بل إن المسيحين يرون فساد ديانتنا (وهم أحرار في هذا) ولكن بدأنا نرى تجاوزات تصل للنيل من المقدسات لدينا بصورة مستفزة في مواقع الانترنت و على الفضائيات .. بينت و وضحت ما بداخل أقباط مصر من غل و حقد .. ولن أتحدث عن الاسباب التاريخية لأنك و لأني لا دخل لنا بها الآن ..

نيجي لنقطة إن الكنيسة مش بتكرهنا كمسلمين و كديانة .. و طبعاً الكلام ده مغلوط لوجود الكثير من الوثائق و الكتابات و الأدلة على كره الكنيسة للإسلام و المسلمين و فساد عقيدتنا و همجيتنا و بربريتنا .. و طبعاً أنا لن أسوق أي أدلة هنا .. لإنها ستُطعن ولا شك .. و عليه فإني أطالبك بالبحث أكثر لرؤية ما نراه نحن !!

أما مشاعري تجاهك .. فهي مشاعر مختلطة .. سأفندها مجدداً للإيضاح، أنا أعيش معك في نفس الأرض .. لك بيت يجاور بيتي .. و تعمل معي في مكان عملي .. و أبناؤك يدرسون مع أبنائي .. و تأكل مما تخرج نفس الأرض .. و تشرب من نفس النيل .. و نتنفس نفس الهواء .. يعني بالعربي .. انا و أنت مصريين .. مواطنين .. لنا نفس الحقوق و علينا نفس الواجبات .. و ندافع عن هذه الأرض بدمائنا .. فطبيعي جداً إني لا أعاديك .. مادمت أنت لا تعاديني .. و حتى هنا أنا لم أتطرق لديني و لا لدينك ..

طيب .. أنا ديني بيقولي (وبدون ما تقولي ده فكرك إنت لوحدك .. ولا الشيوخ اللي بتسمعهم دول متشددين .. فأنا أدرى منك بديني و أدرى منك بالمصادر الموثوقة في ديني) إن اللي مش بيقول إن الله واحد .. و إن محمد عليه الصلاة و السلام رسوله .. ده كافر بما أنزل على محمد و بالاسلام و بالله .. ده ديني .. لا هأقدر اعدل و لا أغير فيه ولا أشكله ولا أطوعه ولا أي شيء .. زي ما هو واخده كده على بعضه ..

طيب .. ديني و قرآني بيقولي إن اللي مؤمن بعيسي عليه الصلاة و السلام .. أسمه نصراني .. و ذكره كده بالاسم ده .. و للعلم أصل الكلمة هي النصرة أي التأييد لعيسى عليه الصلاة و السلام .. ولغوياً أنا بصراحة مش شايف فيها أي اهانة .. (ده طبعاً بغض النظر عن رأيك كونك بتحب الكلمة ولا بتكرهها) و قرآني اللي انا مؤمن بيه بيقول إن اللي آمنوا برسالة سيدنا عيسى عليه الصلاة و السلام .. قد انحرفوا عن الطريق .. و جعلوه ابن لله .. و ده شرك بالله و كفر بالله .. و عليه فلا يمكن لأي مسلم إنه يقول إن المسيحي على حق بأي حال من الأحوال .. و خصوصاً إن الإسلام جه علشان يصحح دين موسى و عيسى عليهما الصلاة و السلام .. يعني أنتم و اليهود ضالين عن طريق الحق .. ده بالنص القرآني .. و ما أقدرش أغير النص القرآني ..

طيب .. ديني بقى ماقلش إني أجبرك ولا أجبر اليهودي ولا حتى المجوسي ولا أي إنسان على اعتناق الاسلام .. بأي نوع من الاجبار .. لإن الهداية من عند الله وحده .. وعليه .. وضع لنا قواعد للتعامل مع المسيحيين و اليهود .. و قالنا إزاي اتعامل معاهم .. و في المجمل .. تعاليم الدين كلها لا تحض بأي حال من الأحوال على الإيذاء أو المعاداة أو المشاحنة ولا السخرية ولا التعرض لهم بأي شكل ولا بأي لون مادام المسيحي و اليهودي ممن يعيشون بأرضي مسالمين ..

ولكن في الوقت نفسه .. أمرني بأمر من ركائز التوحيد بالله .. إني أبغضك في الله .. و ده مصطلح مقصود بيه إني ما أخدش منكم أصدقاء .. ولا أحباء .. ولا أولياء .. ولا أناصرك على فكرك ولا أفعالك (وطبعاً أنا أقصد أفعالك الخاصة بطريقة حياتك الدينية أو إني أساندك على أخي المسلم الضعيف لمجرد إنك مديري أو جاري مثلاً).. و إنما في الوقت نفسه .. أراعي فيك حق الجيرة و الزمالة و أدافع عنك بدمي لو حد اتعرض ليك أو لينا .. أنت شريك حياة، و جزء لا يتجزأ من وطني أنا و أنت عايشين فيه منذ الأزل ..

المسيحيين بيكرهونا من جواهم .. و إحنا بنكرههم من جوانا .. و عايشين و زي الفل بدون أي مشاكل لقرون من الزمان ..

برضه سامحني الكلام ده مش صحيح... ما كانوش عايشين زي الفل بدون أي مشاكل لقرون من الزمان... كانوا عايشين تحت حد السيف و ساكتين بسببه... حضرتك بس اللي ما سمعتش... ما سمعتش عن ثورة الأشمونيين اللي علق فيها الخليفة المأمون جدودنا علي فروع الأشجار... ما سمعتش عن ابادة المسيحيين الملكانيين في دمياط وقت الغزو الصليبي... ما سمعتش ان الأقباط و المسلمين كانوا عايشين في قري منفصلة، لا يجرؤ أحدهم (من الشعب و ليس الحكام) علي دخول منطقة الآخر خوفا علي حياته... ما سمعتش عن ال"عرف" ان المسيحي ما يبعش ملكه لمسلم و العكس... ما سمعتش عن شهداء العصر الاسلامي اللي يملوا كتب... أرجوك أن تتوجه لكنيسة القديس سيدهم بشاي أو تحاول تقرا عنه... هيديك مثال للحياة اللي زي الفل اللي كانوا عايشينها... يا سيدي الفاضل الحياة اللي زي الفل دي ما بدأتش غير بعد ما جه الغريب و ذل المسلمين زي الأقباط... ساعتها بس العلاقة بينهم بدأت... و بدأوا يثقوا في بعض نتيجة ضعف و عجز الطرف القوي عن حماية نفسه ضد المماليك و الاتراك و الانجليز... و كل من هب و دب... و بقي المسلم أقرب لي من الغريب...

معلش يا أستاذ رار .. أنت كلامك فيه مغالطات كبيرة .. و أهمها إن المسلمين مؤمورين بحسن معاملتكم .. و بين لنا مدى حرمة التعرض لكم .. مادمتم مسالمين .. وكون كان فيه تعرض لكم في ازمان سحيقة .. فالمسلمين شافوا من المسيحية أكثر مما رأيتم أنتم آلاف المرات .. و لكن هذا ليس مجالنا ..

أما بخصوص عدم بيع المسلم أملاكه للمسيحي و العكس .. فده برضه ناتج عن اللي في الصدور .. مش عن اللي في الاديان ..

و مسألة إن المستعمر جه و ذل المسلمين .. علشان كده المسلمين تعاونا مع المسيحين لصد المستعمر .. فأرجع للفقرة اللي فاتت و اللي بأقولك فيها إني أدافع عنك بدمي .. سواء أنا أتعرضت معاك للخطر أو لو كنت أنا في أمان .. لأن دمك حرام عليا .. و أهلك و بيتك و أولادك و أمنك .. أمانة في رقبتي .. بأمر من ديني .. و بسبب فساد الحكام و الجهل .. الكلام ده ماكنش متطبق بشكل فعلي .. و طبعاً فساد الحكام كان على المسلم و المسيحي .. و الجهل كان على المسلم و المسيحي ..

يا أخي الحبيب أنا لا أحملك وزر التاريخ و لا ألومك بسببه... و لا أتهمك في دينك و اتحجج بما فعله من نسب زورا له... و أرجو ألا تلومني انت علي أي شئ حدث في الماضي، أو أي رأي اليوم لا يعبر عني... رأيي أقوله لك في وجهك و لا أخفيه...

و أنا أيضاً لا ألومك .. فأنت مثلي ضحية جهل عاش فيه أجدادنا و أهلنا و بلدنا .. فأنا لا ألقي بلوم عليك بالمرة ..

و لكن هذا الوطن الذي تتخيله لا يمكن أن يقوم أبدا... و لو قام لفترة من الزمن فهو الاستثناء و ليس القاعدة... ان اردتني "صاغرا" أتحلي بأخلاق العبيد... و أقبل علي أبنائي أن يميز القانون بينهم و بين أبناءك في الحق أو الواجب أو حتي ال"كنية" بحجة أنها دوله "مسلمة"... فأرجوا الا تنتظر مني أي انتماء... أرجو أن تخشاني جدا لأني سأخونك في أقرب فرصه، متي وجدت من يحميني من حد سيفك... ان كنت في بلدي و بلد جدودي أعامل كأقليه، فلماذا لا يحكمني يهودي أو أوروبي... كلهم سادة و كلهم يقرفوا... ان اردتني أن أقبل اهاناتك المستمرة لي، و اصرارك علي تسميتي بما لا أحبه... فتأكد اني قادر علي الرد، و هو رد لن تحبه و لن تقبله... كل ما في الأمر أن الأقباط في أغلبهم ما زال لديهم "عشم"... ما زالوا يؤمنون بأن العقد الذي وقعه جدودهم مع أخوتهم في الوطن ما زال قائما... و أن الطرف الآخر سيلتزم به و لو بعد حين، بعد أن يفيقوا و يتدبروا عقيدتهم و عقولهم... كل من فقد الأمل في ذلك أطلقنا عليه "زكريا بطرس"!! و ما هو الا مقدمة لظواهر أبشع و أقذر ستأتي علينا... ما دمت حضرتك شايف ان "مافيش أي مشاكل بينا... هما قابلين بكدة... احنا نسميهم كفار في كل مقام و مقال، و حقنا عليهم أن يسموننا مسلمين و يحسنوا مخاطبتنا... حقي ان ولادي يدرسوا قرآن و حديث في مناهج اللغة، و حقي برضه انهم ما يتعرضوش لمعتقدات فاسدة في كتب اللغة... حقي اني أبني جامع في كل قرية سياحية بطول الساحل الشمالي... لكن اتفاقنا معاهم ان مافيش كنايس جديدة تتبني، و الا ده يبقي تبشير... حقي ان رجال الدين يطلعوا في التلفزيون يفندوا عقائدهم، و واجبهم نحونا أن يحترموا معتقداتنا و لا يعلنوا آراءهم"

الوطن الذي أتكلم عنه قائم .. و يستطيع الاستمرار و المواجهة .. و لكن في حالة التصدي للجهل بأصول الدينين الاسلامي و المسيحي .. و أنا لا أريدك صاغراً .. أنا أريدك مواطناً .. تشاركني في حمل هم هذا الوطن .. و تجني معي ثمار تقدمه و رفعته .. و لا أريد من أبنائك إلا أن يساعدوا أبنائي على التقدم بهذا الوطن .. و حمايته بأرواحهم مع أبنائي .. و بالتأكيد يا سيد رار .. حكم اليهودي أو الاوربي لن يكون كحكمنا نحن المسلمين .. و لنا في تاريخ فتح مصر العبرة ..

و أنا لا أهينك .. و قد أوضحت هذه النقطة في فقرتي السابقة .. ووضحت لك إنك كافر بديني و برسولي .. كما أنا كافر بدينك .. المسألة طبيعية بين أي طرفين مختلفين في الدين .. كلاهما كافر بالآخر .. و لا تظن إنك حين تقول لي يا كافر إنها ستغضبني أو تضايقني .. بالعكس .. أنا أفخر بهذا الوصف .. لأنه يؤكد على التزامي بديني .. و شهادة لي أمام الله بأني كفرت بدينك .. و آمنت بديني !

و للعلم .. ديني لا يأمرني ولا يحضني على مناداتك بـ (يا كافر) أبداً .. أنت بالنسبة لي كافر بديني .. و لكنه ليس لقب لك ولا هو أسلوب لمخاطبتك .. و من يفعل ذلك هو ناقص العقل و التفكير .. مخاطبتك كما أمرني ديني .. تعتمد على الاحترام .. لا اسبك ولا اهينك ولا اتعدى عليك لا بالقول ولا بالفعل .. فأنت أمانة في رقبتي !

أما مسألة بناء الكنائس .. فمعلش .. خلي دي في موضوع تاني .. لأن الحديث فيها يطول .. و تأكد إن المسألة فيها لبس كبير ..

و مسألة القنوات و التليفزيون .. فأظن إن ده حق أنتوا أخدتوه من بدري .. و ليكم أربع قنوات مسيحية على النايل سات تشرف عليه الكنيسة المصرية .. و تبث برامج هادفة .. لا تبعث على الفتنة ولا التعصب .. و قد استمعت مرة لأحداها .. و كان الحديث موضوعياً جداً ..

يعني هو أنا لازم أحبهم و أموت في دباديبهم !! ما كل واحد مننا يحترم نفسه وخلاص !!

موافق... يا ريب حضرتك تحترم نفسك و ما تنادينيش ب"نصراني" لأن ده اسم مش باحبه... يا ريت حضرتك تحترم نفسك و ما تقولش عني كافر في مكان ممكن أسمعك فيه (مع العلم اني مقر باني كافر بدينك، بس دي كنية مش باحبها)... و يا ريت حضرتك لما ترمي التحيه، ترميها علي كل الحضور، مش بس اللي اتبع الهدي... و لما تترحم علي حد مات، تترحم علي الجميع، مش بس المسلمين منهم... و أنا أوعدك اني أعاملك بالمثل في كل هذه الأمور...

و بعد كده كل واحد بيختار صحابه براحته... لا ضرر و لا ضرار...

قلت لحضرتك إن كلمة نصراني دي مش شتيمة .. و أصلها في اللغة .. النصرة .. أي التأييد .. و المناصرة .. أما كونك مش بتحبه .. فأنت حر تحب و تكره ما تشاء .. مادام كرهك غير مبني على سبب مقنع .. و وضحت لك مسألة كافر .. أنا باقولها عليك .. لكن مش لقب ليك .. ولا علشان أناديك بيها .. ولا علشان أحرض عليك الغير .. ولا لأي من هذا الكلام .. ده لتوضيح الفروق اللي في عقيدتك و عقيدتي .. و أنا شرحت المسألة دي في فقرة سابقة من هذا الرد ..

و مسألة أرمي التحية .. فأحب أقولك إن السلام هو أصل الدين الاسلامي .. و التحية في الاسلام هي السلام عليكم .. و أنت مش مسلم .. فأيه المشلكة لما ما أقولش السلام عليكم عليك .. و أقول صباح الخير مثلاً .. مافيهاش شيء .. من باب الادب و الاحترام .. لكن زي ما قلتلك ان فيه ناس عقولها على قدها .. و بتتمسك بأمور صغيرة في الدين .. و تسيب أمور عظيمة و أساسية في نفس الوقت .. و عليه ناس زي دي ما تحاسبنيش عليهم ..

و مع ذلك بنحميهم عند الضرورة .. و بنسكن معاهم .. و بنأمن لهم .. و بنزاملهم .. و كل شيء .. هو مواطن له حق المواطنه .. و أنا زيه .. الفرق الوحيد .. و اللي لا جدال فيه ولا نقاش .. إن دين الدولة هو الاسلام .. يعني القواعد الاسلامية هي الأساس في التشريع ..

كلام جميل... لكن لو القواعد الاسلامية دي بتفرق في الحقوق أو الواجبات، أو بتمنع مواطن من ممارسة حياته بما لا يتعدي علي حريات الآخرين أو ممتلكاتهم أو أشخاصهم بحجة ان ده "أمر الله"... فسامحني مش هيقبلوا بيها... طب ايه العمل... نخلي القوي "يقمع" الضعيف الي أن يأتي من هو أقوي منه... و لا نقسم البلد حتتين و نشيل ده من ده يرتاح ده عن ده؟ و لا يجي كل واحد فينا علي نفسه شوية، و يقدم السبت، و نلاقي نقطة في النص نتقابل عندها و نتعايش... يا سيدي الفاضل لو الشريعة الاسلامية اللي انت شايفها (و ده تعبير مطاطي جدا بيختلف من واحد للتاني) بتساوي بينا في كل شئ، و تترك لي بعض الحريات التي تنتظر من المسلم الالتزام بها من نفسه دون قانون يجبره علي ذلك... فهي علي عيني و علي راسي...

تأكد أستاذ رار إن الدين الاسلامي لا يفرق في شيء .. اللهم إلا في بعض الأمور و هي لا تخضنا الآن .. و لكنا لا علاقة لها بحقوقك كمواطن تتمتع بالحرية و تعيش معي في سلام .. و أمر الله هو الاحسان إليكم أنتم المسيحين .. شوف ربنا سبحانه و تعالى قال عليكم ايه (وَلَتَجِدَنَّ أَقْرَبَهُمْ مَوَدَّةً لِلَّذِينَ آمَنُوا الَّذِينَ قَالُوا إِنَّا نَصَارَى ذَلِكَ بِأَنَّ مِنْهُمْ قِسِّيسِينَ وَرُهْبَانًا وَأَنَّهُمْ لَا يَسْتَكْبِرُونَ) المائدة - 82 .. و متهيألي تفسير الآية واضح مش محتاج توضيح ..

الاستاذ رار .. الاسلام لا يعاديكم ولا يسلبكم حقوقكم .. و أي تجاوز .. فلا علاقة له بالدين .. و إنما بمن يطبقه .. و أرجو أن نلاحظ إن بلدنا يعوم في بحور من الجهل .. تغرقنا جميعاً في مشاكل لا حصر لها .. و الحل أن تتعاون معي و أن أتعاون معك و أن نقدم كلانا السبت كما قلت حضرتك لحل سبب المشاكل و هو الجهل .. و هو أمر في غاية الصعوبة يحتاج لتكاتف الكثير من الجهود .. و الكثير من العرق و الكثير من التعب لتحقيقه ..

أخوك و شقيقك رار... من "أقباط المهجر" اللي انتماءهم لمصر زاد عن حد احتماله...

تحياتي و تقديري

[MZohairy]

اتمنى استاذ زهيري ميكونش محاولتك لاثبات رايك باي طريقة دافع ليك انك تشتم دينك بالطريقة السيئة دي ولو على سبيل المزاح او التوضيح ..

عبارتك الي بتوصف بيها دينا من وجهة نظر مسيحية مسيئة جدا .. حاولت اتجاهلها احتراما ليك على الاقل لكني مقدرتش لان بجد الكلمه جارحه ومش موقعها ابدا ..

اتمنى تحذفها وفي الحاله دي يبقى اتمنى ردي ده كمان ينحذف ..

لا ابدا يا فندم خلي العباره و خلي الرد

هل انا كذبت او بالغت؟

ابدا

هذه هي الحقيقه الجليه

و هذه وجهة نظرهم في الاسلام و المسلمين و لكنها غير معلنه احتراما لمشاعر المسلمين او خوفا بسبب انهم اقليه الله اعلم

و بالتالي اذا اصرينا نناديهم نقولهم يا كفره يا كفره في كل مكان ... فأعتقد ان الخطوه القادمه ان يظهروا لنا حقيقة مشاعرهم (اللي انا كتبتها فوق دي)

الفرق بينا و بينهم هو اعلان الشتيمه

خلينا نستوعب اننا لما بنناديهم كده عمال على بطال حييجي يوم و ينادونا برضه بنفس الطريقه دي

و حتبقى وصلة ردح محترمه دائمه في كل مكان في مصر

تحياتي

سيد زهيري

مش عارفه انت بتغالط نفسك ولا بتغالطني على كل حال هفترض انك مش عارف وهوضح لك كلامي مرة تانيه بطريقة تانيه ..

اولا كلنا عارفين رايهم في دينا والا مكانوش كفروا بيه .. وبرضه كلهم عارفين راينا في دينهم والا كنا آمنا بيه ..

لما واحد مسيحي يقولي دينك فيه كذا وعشان كده انا مش مؤمن عادي اتقبلها منه بالظبط زي مااقول لواحد مسيحي معليش انا مش مصدقة دينك عشان فيه كذا برضه عادي ويفترض بيه لو منصف يتقبلها مني .. احنا او هم لكم دينكم ولي دين ومش مفترض اننا نقتنع بقناعات بعض ..

اما الي انت عملته ده بالظبط زي واحد محترم قاعد وسط اصحابه في كافتيريا .. حصلت خناقة بين المحترم وصاحب الكافتيريا السوقي الي قال للمحترم ضمن الخناقة يابن الـ ... (تيييييييييت).

المحترم انغاظ اوي وطول ماهو ماشي في الشارع بقى يقول لاصحابه .. انا يقولي يابن الـ..( تييييييييييييت ) ويكررها ... انا ينقال علي ابن الـ ... .. (تييييييييت)

لاه واحلى حاجه تاني يوم رايحين يسهروا فيقولوا هنسهر فين النهرده ؟ فرد واحد وقال عند الكافتيريا الي صاحبها قال لفلان يابن الـ (تييييييييييييييت)

اتصلوا صحابه بيه وقالوا له تعال يافلان احنا سهرانين النهرده قالهم فين؟ قالوا له كالمعتاد .. عند الراجل اياه الي قالك امبارح يابن الـ ... ( تيييييييت ) .

احلى حاجه بقى فلان ده خارج فابوه قاعد كده وسط اخواته فبيقوله انت رايح فين يابني .. قاله رايح اسهر مع صحابي عند الي قال علي ابن الـ( تييييييييييييييت ) يا ( تيييييييييت)

==========

قلتها لك قبل كده يامستر زهيري متخليش اصرارك على اثبات وجهة نظرك باي طريقة يعميك عن حقائق ثابته او يجرأك على انتقاد معتقداتك بالشكل السافر ده ..

ان واحد كافر بدينك يقول عليه شيء ده حاجه وانك تكرر الكلام نفسه بلا غضاضه وباريحيه تامه وكأنه لا يعنيك شيء تاني مختلف تماما .. بالظبط زي ماواحد يشتم اهلك عادي هو مش متربي خلاص هتعمل ايه .. لكن تطلع منك انت الشتيمه دي حتى لو من باب ذكر ماحدث فده غير مقبول ابدا خاصه وان الكل عارف خلاص ايه الي انقال وانك تقدر تكتفي بالاشاره خاصه اكتر وفي ناس كتير فندت حته لازم ننادي لهم بكافر دي وذكروا كلام من القرآن وتكلموا بالمنطق بما يثبت ان كلمه كافر لا ينبغي ابدا ننادي بيها حد مختلف عنا في الدين على الاطلاق كده بل نستخدمها فقط لو كنا بنتكلم عن الدين اما في الحوار فاللطف واللين اقبل للذوق والمنطق ..

اتمنى مستقبلا تاخذ وقتك شويه في قراءة الردود والتمهل في الرد عليها بدال التسرع الي مش مخليك احيانا تاخذ بالك من كلامك وتذكر ان كل كلمه عليها رقيب عتيد وكله مسجل في صحائف الاعمال حتى لو انت نسيته هو مش هينساك .. وحرام اوي ان ناس تكتب كلام تتحاسب عليه بخير ويكون شاهد لها يوم القيامه وناس تانيه تكتب مايكون شاهد عليها .. انت يمكن عمال تكتب وترد لمجرد الرد وفي ظنك انك مصلح اجتماعي او هتغير الكون .. وفي ناس تانيه بتكتب لنفس هدفك وهو الاصلاح بس مبتغيه في كلامها وجه الله .. في الحالتين انتم الاثنين كسبانين دنيا بس ماذا عن الآخره ؟

ايا كانت وجهة نظرك مع او ضد فاختار الاسلوب واعمل مايمليه عليك ضميرك بما لايغضب الله ومتخليش اسلامك وعقيدتك مطيه عشان توصل دنويا وتحس انك متحضر في افكارك ومختلف عن شويه الجهله الي معتقد انهم حواليك لان مفيهاش حاجه ابدا لما تجمع بين الاثنين ويكون لك عقل حضاري مصاحب قلب مؤمن .. وعلى فكره اسمع للي حواليك شويه لان ممكن ميكونوش زي ماانت فاهم او معتقد ..

انا مش هديلك موعظة بس اكيد انا زيي اي واحد من اخوات فلان الي كانوا قاعدين ساعه لما طلع يروح الكافتيريا كان لازم هيستفز وكان لازم هيرد ولا يبقى ( تيييييييييييت ) ..

يا سيدتي الفاضله

لما بقول الجمله اللي مضايقاكي دي فأنا اهدف منها توصيل رساله قويه لكل مسلم يتخيل ان ترديده لكلمة كافر للمسيحي جاره لن يكون لها عواقب

لأ

انا بقوله ليها عواقب و هي دي اخرتها

حتفضل تردد الجمله الخايبه بتاعة انت كافر و مش عارف ايه حيرد عليك باللي انا قلته

لو انت عايز تسمع شتيمتك و شتيمة دينك بودانك استمر في وصمه بالكفر في كل مكان

و لو انت متقي الله في دينك و مش عايز حد يجيب سيرته بالسيئ يبقى عليك و على احترام الفاظك في اي مكان عام

و كل واحد متعلق من عرقوبه

و نصيحتك على العين و الراس بس ليست ذات علاقه بي اطلاقا

ربما يحتاجها شخص آخر

عموما حخليها معايا لغاية ما ييجي حد ياخدها

تحياتي

[tantrum]

انا بقوله ليها عواقب و هي دي اخرتها

حتفضل تردد الجمله الخايبه بتاعة انت كافر و مش عارف ايه حيرد عليك باللي انا قلته

لو انت عايز تسمع شتيمتك و شتيمة دينك بودانك استمر في وصمه بالكفر في كل مكان

و لو انت متقي الله في دينك و مش عايز حد يجيب سيرته بالسيئ يبقى عليك و على احترام الفاظك في اي مكان عام

و كل واحد متعلق من عرقوبه

تحياتي

يا راجل ما تقول كده من الصبح...........

أعتقد أنك تقصد معنى الأيه التالية:

بسم الله الرحمن الرحيم

{وَلا تَسُبُّوا الَّذِينَ يَدْعُونَ مِنْ دُونِ اللَّهِ فَيَسُبُّوا اللَّهَ عَدْواً بِغَيْرِ عِلْمٍ كَذَلِكَ زَيَّنَّا لِكُلِّ أُمَّةٍ عَمَلَهُمْ ثُمَّ إِلَى رَبِّهِمْ مَرْجِعُهُمْ فَيُنَبِّئُهُمْ بِمَا كَانُوا يَعْمَلُونَ} (الأنعام:108)

[MZohairy]

انا بقوله ليها عواقب و هي دي اخرتها

حتفضل تردد الجمله الخايبه بتاعة انت كافر و مش عارف ايه حيرد عليك باللي انا قلته

لو انت عايز تسمع شتيمتك و شتيمة دينك بودانك استمر في وصمه بالكفر في كل مكان

و لو انت متقي الله في دينك و مش عايز حد يجيب سيرته بالسيئ يبقى عليك و على احترام الفاظك في اي مكان عام

و كل واحد متعلق من عرقوبه

تحياتي

يا راجل ما تقول كده من الصبح...........

أعتقد أنك تقصد معنى الأيه التالية:

بسم الله الرحمن الرحيم

{وَلا تَسُبُّوا الَّذِينَ يَدْعُونَ مِنْ دُونِ اللَّهِ فَيَسُبُّوا اللَّهَ عَدْواً بِغَيْرِ عِلْمٍ كَذَلِكَ زَيَّنَّا لِكُلِّ أُمَّةٍ عَمَلَهُمْ ثُمَّ إِلَى رَبِّهِمْ مَرْجِعُهُمْ فَيُنَبِّئُهُمْ بِمَا كَانُوا يَعْمَلُونَ} (الأنعام:108)

انت بتتكلم جد يا تنترم؟؟؟!!!

هو كلامي الاولاني مكانش مفهوم للدرجه دي؟

[tantrum]

انا بقوله ليها عواقب و هي دي اخرتها

حتفضل تردد الجمله الخايبه بتاعة انت كافر و مش عارف ايه حيرد عليك باللي انا قلته

لو انت عايز تسمع شتيمتك و شتيمة دينك بودانك استمر في وصمه بالكفر في كل مكان

و لو انت متقي الله في دينك و مش عايز حد يجيب سيرته بالسيئ يبقى عليك و على احترام الفاظك في اي مكان عام

و كل واحد متعلق من عرقوبه

تحياتي

يا راجل ما تقول كده من الصبح...........

أعتقد أنك تقصد معنى الأيه التالية:

بسم الله الرحمن الرحيم

{وَلا تَسُبُّوا الَّذِينَ يَدْعُونَ مِنْ دُونِ اللَّهِ فَيَسُبُّوا اللَّهَ عَدْواً بِغَيْرِ عِلْمٍ كَذَلِكَ زَيَّنَّا لِكُلِّ أُمَّةٍ عَمَلَهُمْ ثُمَّ إِلَى رَبِّهِمْ مَرْجِعُهُمْ فَيُنَبِّئُهُمْ بِمَا كَانُوا يَعْمَلُونَ} (الأنعام:108)

انت بتتكلم جد يا تنترم؟؟؟!!!

هو كلامي الاولاني مكانش مفهوم للدرجه دي؟ :lol:

أى و الله...أو عبرت عن قصدك بطريقه غريبة شوية أو مباشرة أكثر من اللازم

معظم الخلافات سوء تفاهم

[doha]

انا بقوله ليها عواقب و هي دي اخرتها

حتفضل تردد الجمله الخايبه بتاعة انت كافر و مش عارف ايه حيرد عليك باللي انا قلته

لو انت عايز تسمع شتيمتك و شتيمة دينك بودانك استمر في وصمه بالكفر في كل مكان

و لو انت متقي الله في دينك و مش عايز حد يجيب سيرته بالسيئ يبقى عليك و على احترام الفاظك في اي مكان عام

و كل واحد متعلق من عرقوبه

تحياتي

يا راجل ما تقول كده من الصبح...........

أعتقد أنك تقصد معنى الأيه التالية:

بسم الله الرحمن الرحيم

{وَلا تَسُبُّوا الَّذِينَ يَدْعُونَ مِنْ دُونِ اللَّهِ فَيَسُبُّوا اللَّهَ عَدْواً بِغَيْرِ عِلْمٍ كَذَلِكَ زَيَّنَّا لِكُلِّ أُمَّةٍ عَمَلَهُمْ ثُمَّ إِلَى رَبِّهِمْ مَرْجِعُهُمْ فَيُنَبِّئُهُمْ بِمَا كَانُوا يَعْمَلُونَ} (الأنعام:108)

انت بتتكلم جد يا تنترم؟؟؟!!!

هو كلامي الاولاني مكانش مفهوم للدرجه دي؟

انت الي بتتكلم جد يازهيري وفاكر اننا مش فاهمين قصدك من ان منقولش لحد ياكافر عشان ميردش علينا بالمثل وعمال تعيد وتزيد في توضيحه متجاهلا حقيقة واضحه اني مش معترضه على القصد الي قصدته بكلامك بالعكس من الصبح ومعظمنا متفق ان كلمه كافر دي مش مقبوله في الحوار بينا وبين ( الآخر ) المختلف دينا عنا الا لو كنا بنتكلم عن الدين والي فتح الموضوع هو اعتراض البعض على العنوان الي بوصف فيه المختلف عنا دينيا بالآخر مش بالكافر الي طبعا عمري مانادي حد بيها كده بدون سبب ..

انا اعترضت على الجملة الي انت ذكرتها في وصفك للمسلمين من وجهة النظر المسيحية .. مش على كلمه كافر وانما الثلاث كلمات التالية لها ..

اعتقد انت فاهم قصدي كويس اوي بس العزه وخداك بالاثم وعمال تلف وتدور حواليه وكان اسهل لك لو تعتذر ( لاخوانك ) الشرفاء من المسلمين الي جرحتهم عبارتك الغير محترمه تماما لما تخرج من واحد مسلم مؤمن بدينه ويردد الكلام الي بينقال عليه بسلاسه وسهولة كده كأنه بيقزقز لب رغم ان مفيش اي داعي لذلك ورغم ان كان في الف عباره تانيه يقدر يوصل بيها مقصده بدون تجريح . ..

معليش يااخ زهيري بما انك مازلت مصر على عدم الاعتراف بخطأك فانا مصره على اعتذار منك عن وصفك للدين الاسلامي بالطريقة الي تكلمت بيها دي حتى لو كانت على لسان ( آخرون ) ومهما كان هدفك ( نبيل ) من وجهة نظرك فانت ( جرحتنا ) وواجب عليك تعتذر ..

ولا هو لازم نبقى بهائيين ولا عبدة بقر عشان تعمل لمشاعرنا احترام !!

[MZohairy]

انا بقوله ليها عواقب و هي دي اخرتها

حتفضل تردد الجمله الخايبه بتاعة انت كافر و مش عارف ايه حيرد عليك باللي انا قلته

لو انت عايز تسمع شتيمتك و شتيمة دينك بودانك استمر في وصمه بالكفر في كل مكان

و لو انت متقي الله في دينك و مش عايز حد يجيب سيرته بالسيئ يبقى عليك و على احترام الفاظك في اي مكان عام

و كل واحد متعلق من عرقوبه

تحياتي

يا راجل ما تقول كده من الصبح...........

أعتقد أنك تقصد معنى الأيه التالية:

بسم الله الرحمن الرحيم

{وَلا تَسُبُّوا الَّذِينَ يَدْعُونَ مِنْ دُونِ اللَّهِ فَيَسُبُّوا اللَّهَ عَدْواً بِغَيْرِ عِلْمٍ كَذَلِكَ زَيَّنَّا لِكُلِّ أُمَّةٍ عَمَلَهُمْ ثُمَّ إِلَى رَبِّهِمْ مَرْجِعُهُمْ فَيُنَبِّئُهُمْ بِمَا كَانُوا يَعْمَلُونَ} (الأنعام:108)

انت بتتكلم جد يا تنترم؟؟؟!!!

هو كلامي الاولاني مكانش مفهوم للدرجه دي؟

انت الي بتتكلم جد يازهيري وفاكر اننا مش فاهمين قصدك من ان منقولش لحد ياكافر عشان ميردش علينا بالمثل وعمال تعيد وتزيد في توضيحه متجاهلا حقيقة واضحه اني مش معترضه على القصد الي قصدته بكلامك بالعكس من الصبح ومعظمنا متفق ان كلمه كافر دي مش مقبوله في الحوار بينا وبين ( الآخر ) المختلف دينا عنا الا لو كنا بنتكلم عن الدين والي فتح الموضوع هو اعتراض البعض على العنوان الي بوصف فيه المختلف عنا دينيا بالآخر مش بالكافر الي طبعا عمري مانادي حد بيها كده بدون سبب ..

انا اعترضت على الجملة الي انت ذكرتها في وصفك للمسلمين من وجهة النظر المسيحية .. مش على كلمه كافر وانما الثلاث كلمات التالية لها ..

اعتقد انت فاهم قصدي كويس اوي بس العزه وخداك بالاثم وعمال تلف وتدور حواليه وكان اسهل لك لو تعتذر ( لاخوانك ) الشرفاء من المسلمين الي جرحتهم عبارتك الغير محترمه تماما لما تخرج من واحد مسلم مؤمن بدينه ويردد الكلام الي بينقال عليه بسلاسه وسهولة كده كأنه بيقزقز لب رغم ان مفيش اي داعي لذلك ورغم ان كان في الف عباره تانيه يقدر يوصل بيها مقصده بدون تجريح . ..

معليش يااخ زهيري بما انك مازلت مصر على عدم الاعتراف بخطأك فانا مصره على اعتذار منك عن وصفك للدين الاسلامي بالطريقة الي تكلمت بيها دي حتى لو كانت على لسان ( آخرون ) ومهما كان هدفك ( نبيل ) من وجهة نظرك فانت ( جرحتنا ) وواجب عليك تعتذر ..

ولا هو لازم نبقى بهائيين ولا عبدة بقر عشان تعمل لمشاعرنا احترام !!

لأ ابدا مش شرط تكوني بهائيه عشان احترمك..فأنا احترم اي انسان جدير بالاحترام

لو حضرتك شايفه اني غلطان برغم اقتناعي بعدم خطأي يبقى امام حضرتك حل وحيد

هو تقديم شكوى ضدي للاداره لفض المشكله

تحياتي

[rar]

العزيز محمد أسوان ؟؟:

شوف يا أستاذ رار .. أنا ملاحظ إن ليك آراء مغايرة عن المسيحين .. ربما بحكم سفرك و حياتك خارج مصر و الشرق الأوسط كله .. لكن في الوقت نفسه إسمحلي أؤكد لك إنك نموذج في غاية الندرة في مصر و بين مسيحيين الشرق الأوسط ..

يا ريت يا جماعة أي أخ مسيحي هنا في المنتدي، مقتنع ان المسلمين دول كلهم دمويون جهلاء، جم كلهم من الجزيرة العربية... و ليسوا مصريين "مخلطين" زي المسيحيين بالضبط... ييجي يقولنا رأيه ده و يحاول يقنعنا بيه... لأني بصراحة مش مطلع عليه بما يكفي... و بفرض اني لا أمثل سوي واحد في المية من المسيحيين المصريين... يا ريت حضرتك تدينا اسم مختلف (و ليكن ال"مسيحيين الجدد") و تديهم هما اسم تاني (و ليكن ال"مسيحيين كارهين الآخر") و تكلمني عن المساواة المطلوبة بين المسيحيين الجدد و المسلمين و ما هي حدودها و صفاتها...

ولكن بدأنا نرى تجاوزات تصل للنيل من المقدسات لدينا بصورة مستفزة في مواقع الانترنت و على الفضائيات .. بينت و وضحت ما بداخل أقباط مصر من غل و حقد ..

تاني حضرتك بتنمطني و تشملني مع غيري... و تكرهنا "كلنا" في الله... يا سيدي الفاضل انا كمان بأدخل علي مواقع انترنت و فضائيات... بتدعو للقتل و الترهيب و تبارك كل غزوة ارهابية للمجاهدين الأفغان في تدمير تماثيل بوذا... و لقبي هناك (حفيد القردة و الخنازير) و لا أستحق في نظرهم سوي الموت و الجزية و ما شابه، باعتبارها سنة مطهرة!!! و لكن كل ذلك لا يجعلني أضم حضرتك معهم في سلة واحده، و اتهم المسلمين بأنهم يحملون لي "غل و حقد"... يا عزيزي تكلم لأراك... أسمعك فأعرفك...

الوطن الذي أتكلم عنه قائم .. و يستطيع الاستمرار و المواجهة .. و لكن في حالة التصدي للجهل بأصول الدينين الاسلامي و المسيحي .. و أنا لا أريدك صاغراً .. أنا أريدك مواطناً .. تشاركني في حمل هم هذا الوطن .. و تجني معي ثمار تقدمه و رفعته .. و لا أريد من أبنائك إلا أن يساعدوا أبنائي على التقدم بهذا الوطن .. و حمايته بأرواحهم مع أبنائي ..

طيب يا أخي... ما تتحفني بالكلمتين دول كل شوية، و انت تدوب الجبال مش بس تزيل أي مشاعر بالظلم جوايا... يا سيدي كلمني بالطريقة دي و عاملني بالطريقة دي، و سميها "كره" زي ما انت عاوز... انا عن نفسي بأسميها "محبة"... مش القضية... عامل الناس مثلما تحب أن يعاملوك...

وطبعاً أنا أقصد أفعالك الخاصة بطريقة حياتك الدينية أو إني أساندك على أخي المسلم الضعيف لمجرد إنك مديري أو جاري مثلاً

يا عزيزي لماذا لا "توالي" الحق بغض النظر عن صاحبه... لو كان المدير ظالم فوالي زميلك بغض النظر عن دياناتهم... لو كان المدير محقا فانصره أيا كانت عقيدته... أعرف أن هذا ما تقصده...و لكن حضرتك حتي الآن لم تحدد لنا معني "الموالاة" الذي تعنيه... ان كان الصداقة، فلك اختيار الصديق الذي ترتأيه... ان كان البشاشة في وجه الآخرين و رد التحية و عدم استئصالهم من خيرك و حياتك العملية، فمن أين أتيت بهذه المعاني؟

العزيزة جدا ضحا:

زي ماقلت لك انا مش هناقشك لاني عارفه القضيه محسومه عندك مسبقا كما ان مفيش في ايدي شيء اغيره والامر متروك كله لمن بيدهم الحل والربط من المسؤولين عننا في ( بلدنا ) هم يقدروا يسنوا القوانين الي تضمن لكم ( حقكم ) وفي نفس الوقت لا تخل ( بحقوقنا ) كمسلمين اغلبية شاء البعض ذلك ام ابى .

لا صدقيني ما فيش أي حاجة محسومة عندي مسبقا... كل شيء بين الاخوات يجي بالتفاهم... انا بأقول لحضرتك مشاكل محدده أعاني منها دونك، تضاف لمشاكل كتير قوي قوي نشترك سويا في المعاناة منها... و أطلب منك مناقشتها بالتفصيل... و بقالي سنين بأقول نفس الكلام و مواضيع كتير منها اتفتحت فعلا للنقاش هنا في المنتدي... كل شيء أخد و عطا... و أنا راضي اني أقدم السبت و الحد... يا تري حضرتك مستعدة تقدمي الاتنين و التلات... و لا أيام الأسبوع كلها شرعها الله لا نملك منها أي تغيير؟

و بعدين مين يا فندم اللي قال ان ما فيش حاجة بايدك... في ايدك قدرة رهيبة انت مش مقدراها... اسمها "رأيك"... رأيك ده هو اللي هيغير المجتمع بكره... و عشان كده احنا بنتناقش النهارده، بخصوص مجتمع بكره... و مش بتضايقني كل المشاكل اللي باذكرها لحضرتك، قد ما بيضايقني "رأي" أحد الأعضاء هنا المؤيد لابقاء هذه المشاكل لأنها تمثل في رأيه قمة العدل و بدونها يسقط المجتمع و ينهار!! يسقط المجتمع عشان واحد طلع بطاقة تقول انه بهائي... و لا يسقط عشان واحد لم يعد يعتد بالسنه؟ و لا يسقط عشان البت صفية اتجوزت واحد مسيحي برغم علمها حرمية ذلك في الاسلام؟ و لا يسقط عشان المسيحيين في قرية عملوا بيت يصلوا فيه، فطلع عليهم الجيران حرقوه، و لم تخرج مظاهرات الأزهر تندد و تشجب و تجمع التبرعات لاعادة بناء منازل مسيحيي غزة؟

انا كمسلمه احب اكيد دولتنا تكون زي ماهي بحجمها واستقلالها والاهم حكمها من قبل المسلمين .. وانت كمسيحي مقتنع بما نسمع ان اقباط المهجر بيرددوه اكيد هتحب يكون لكم سياده على شيء ما زي مافهمت في كلامك من تلويح بانقسام او ماشابه بما يتيح لكم مزيد من الحرية او مزيد من السلطة او ايا كان مطالبكم او اهدافكم منها ..

يا عزيزتي، العدل أساس الملك... هل طلب أقباط المهجر دول شيئا يميز المسيحين دونا عن غيرهم؟ أم أن طلباتهم كلها من نوعية (نفس القواعد تطبق علي الكل)... حتي لو كان هذا هو ما تؤمن انه شرع الله، و لكنه ليس عدلا... فلن يقبله منك أحد... تعالي نتناقش في كل التفاصيل، و يقبل كل منا بتضحيات فقط لأجل اسعاد الآخر... انا مش عايز حضرتك تقلقي خالص من الكلام العنتري بتاع الانقسام و الخيانة و النار و الشرار و الكلام الكبير ده... لأنه ببساطة من قبيل البلاغة اللغوية... الأقباط اختاروا رد الفعل اللي يناسبهم فعلا... و بدأوا في الهجرة بمعدلات متزايدة منذ أربعين عاما... و اليوم تصل نسبة المسيحيين المصريين في الخارج لما يقرب من الخمس... في خلال أربعين عاما آخرين، ستحتفل مصر بجلاء آخر قبطي عن أرض المحروسة، بدون نقطة دم واحده... مثلما احتفلت العراق بذلك في الأعوام القليلة الماضية... و تطهرت أرض الرافدين من أحد طوائفها...

و بعدين؟

و بعدين هيجي محمد ابن أبو محمد... و نورا بنت ضحي... و جونيور ابن سكوربيون... يفتحوا مواضيع زي دي بالضبط بعد أربعين سنه... تناقش حقوق القرآنيين و الشيعة و الصوفية... الذين لا حجة لهم باعتبارهم أهل كتاب... و وجوب "كرههم في الله"، و يفتي بعضنا بأن هؤلاء الناس أكثر كفرا من أهل الكتاب، لأنهم منافقون... و الحروب الأهلية اللي باتكلم عنها و خايف علي بلدي (حتي لو ماليش فيها حد)... هتحصل فعلا ساعتها... زي ما هي والعة في العراق... من غير ما يكون فيهم مسيحيين و لا بهائيين و لا أي حد...

اما ان تقري بروعة و نعمة التعدد... و بقبولنا لدفع ثمنه بقبول مجتمع مخالف لما نتمناه... و بعدل يقبله الآخرين برغم عدم تطابقه مع شرع الله... و اما نتحوصل، و نتفتت، و نتخلف، و يطبق الله سنته في الأرض فيبيد القوي ضعفنا و يأخذ الأرض التي نخشي عليها أكثر من خشيتنا علي بعض...

وعلى فكره رمضان بعد بكره كل سنه واحنا طيبين .. مش هتبارك لنا ولا ايه ؟

صدقيني كنت مستني أتاكد من معاد بدايته بس... كل سنة و حضرتك طيبة... و يبارك لك و لكل العالم بالشهر الكريم... و تملي فيه جعبتك الروحية بما يكفيك مشوار العام الطويل... كل سنة وحضراتكم جميعا بخير...