مين ناوي يعمل لاندينج الصيف الجاي ؟

[أحمد سيف]

بمناسبة بدء إجراءات ال processing لعدد كبير من أخوانا الذين ينوون الهجرة لكندا ... سواء حسب النظام القديم أو الجديد، ولأن الوقت المتوقع لحصول أغلبهم على الفيزا سيكون بإذنه تعالي خلال النصف الأول من العام القادم ... فقد فكرت في فتح موضوع جديد لمناقشة مخططات رحلة اللاندينج لمن ينوي القيام بها في الصيف المقبل (من أبريل الى سبتمبر ... إذا اعتبرنا تجاوزا أن الشهرين المذكورين ضمن فصل الصيف).

معروف طبعا أن فترة الصيف هي التوقيت المثالي للقيام برحلة اللاندينج بسبب الطقس وأجازات المدارس ... وإن كانت التكلفة المتوقعة للسفر والإقامة ستكون أكبر من الشتاء ... ولكن تبقى بعض القرارات الصعبة التي يجب أن يتخذها كل من ينوي القيام بهذه الرحلة:

- لاندينج ثم عودة أم استقرار نهائي

- ما هو أنسب وقت للسفر

- مدة الإقامة

- شركة الطيران

- مكان الإقامة

- المواصلات خلال فترة الإقامة

- الاستعدادات الأخرى للرحلة

في انتظار مساهماتكم وأفكاركم حتى تعم الفائدة

[enoureldine]

مشكور يا استاذ احمد على فتح الموضوع المهم ده انا بالنسبة لى اخدت الفيزا الحمد بس علشان ظروف خاصة بالعمل هتأخرنى لبداية فصل الشتا مش هقدر اعمل اللاندنج غير فى شهر مارس او ابريل ان شاء الله نبدأ بموضوع حجز الطيران بالنسبة لى انا اعرف ان مصر للطيران عندها رحلات منتظمة اسبوعيا القاهرة مونتريال والسعر كويس ولو الخيار ده مش متاح يبقى مفيش غير الاوليمبيك علشان دول اكتر شركتين بيعملوا عروض كويسه المشكلة بقى اللى انا باشوفها بتواجه جميع اخوانا المهاجرين هى موضوع البحث عن شقة حتى ولو كانت صغيرة كبداية هناك علشان طبعا كلنا بنحتاج عنوان فى البداية لاستقبال ال pr كارد فيه مواقع للبحث عن شقق بس برده بتظل صعوبة الاتصال علشان تتفق مع الشخص المالك وانك تنهى الاجراءات ويا ترى هو عايز ديبوزيت ولا لا بالاضافة ان فيه كتير بيشغلهم موضوع استكمال دراسة اللغة وعمل المعادلة الامور دى كلها بتتحول لمخاوف فى دماغنا كلنا وكل واحد بيبقى هو وحظه لو له قريب او معارف هناك ممكن يساعده اما اللى ملهوش اعتقد ان مخاوفه بتزيد بالنسبة لى انا بافكر فى كل المواضيع دى كل يوم واعتقد ان كلنا كده .

[qenawy]

شكرا يا ابو حميد علي الموضوع القيم

انا لن اشارك الا من الخارج لاني لا ارغب في بناء سراب

لما ربنا يكرمنا بالفيزا ممكن افكر

ليس كمن معها سلة بيض واشترت بقرة خيالا ثم انكسر البيض

لكن لو رغبت في التفكير بصوت عالي معكم ممكن

اول حاجة لاحظتها

ان ت\اكر محرك بحث توماس كوك مصر ارخص من اكسبيديا ده للعلم

ثانيا فروق تداكر الصيف والشتاء مش كبيرة قوي لو هتحجز بدري

لو ناوي علي تورنتو او كلجاري او فانكوفر احجز في طيران ترانزيته في فرانكفورت احسن من لندن بصلفهم المعهود

ده من قراءاتي في المنتدي طبعا

انا رايي اللي عاوز يهاجر المفروض يتحدي نفسه من اجل المعادلة وان يكون الشغل الكاجوال مؤطر باطار زمني

شخصيا لن اعود هاكمل المشوار

هاحجز في فندق لمد اسبوع مثلا ومن ثم زي مدام ميو ادور علي شقة

احلام اليقظة تداعبني والكوابيس في منامي

سبحان الله

العمر يضوي وطول الامل من اجل ابنائي

[elmadysm]

موضوع مفيد جدا

انا اتوقع الكشف الطبى خلال سبتمبر ان شاء الله

و بعدها ب4 شهور الفيزا يعنى يناير او فبراير ان شاء الله

و ان شاء الله احتمال السفر اول الصيف القادم

اهم ما يشغلنى هو مكان اللاندنج

نريد من اخوانا اصحاب الخبرة اعطائنا فكرة عن افضل الاماكن من وجهة نظرهم

تم تعديل 16 أغسطس 2009 بواسطة elmadysm

[elhusseiney]

علي أن أسعى وليس علي إدراك النجاح

شكرا يا ابو حميد علي الموضوع القيم

انا لن اشارك الا من الخارج لاني لا ارغب في بناء سراب

لما ربنا يكرمنا بالفيزا ممكن افكر

ليس كمن معها سلة بيض واشترت بقرة خيالا ثم انكسر البيض

لكن لو رغبت في التفكير بصوت عالي معكم ممكن

اول حاجة لاحظتها

ان ت\اكر محرك بحث توماس كوك مصر ارخص من اكسبيديا ده للعلم

ثانيا فروق تداكر الصيف والشتاء مش كبيرة قوي لو هتحجز بدري

لو ناوي علي تورنتو او كلجاري او فانكوفر احجز في طيران ترانزيته في فرانكفورت احسن من لندن بصلفهم المعهود

ده من قراءاتي في المنتدي طبعا

انا رايي اللي عاوز يهاجر المفروض يتحدي نفسه من اجل المعادلة وان يكون الشغل الكاجوال مؤطر باطار زمني

شخصيا لن اعود هاكمل المشوار

هاحجز في فندق لمد اسبوع مثلا ومن ثم زي مدام ميو ادور علي شقة

احلام اليقظة تداعبني والكوابيس في منامي

سبحان الله

العمر يضوي وطول الامل من اجل ابنائي

[أحمد سيف]

شكرا لكل من شارك بالموضوع

أنا هتكلم عن مخططاتي وأفكاري شويه ... أنا بإذن الله متوقع خطاب الأبديت على شهر نوفمبر وأوراقي جاهزة وأقدر أبعثها خلال اسبوع ... ومتوقع ورق الكشف الطبي في فبراير والفيزا في يونيو إذا سارت الأمور بصورة طبيعية

اللاندينج هيكون بإذن الله في شهر 8، وأنا ناوي أقيم شهر في كندا قبل العودة الى الإمارات ... سفري غالبا هيكون من البحرين عن طريق فرانكفورت حتى أتجاوز بهدلة مطار هيثرو كما أوصى الدكتور قناوي ... السفر بإذن الله سيكون على لوفتهانزا ثم كندا اير الى تورنتو ... هناك خيار السفر المباشر من أبوظبي على الاتحاد ولكن السعر أعلى بكثير

حيث أنها مجرد رحلة لاندينج وليس الهدف منها الاستقرار النهائي فمكان الإقامة يفضل أن يكون خارج تورنتو (أسعار اقل - طبيعة وفسح - الشغل مش فارق) ... أنا شخصيا أفاضل بين 3 أماكن: ميساساجا (وتحديدا بورت كريديت على خطى الباشمهندس ايهاب) أو جويلف زي ما أحد الأصدقاء وصاني أو واترلوو قرب الجامعة اللي أنا منشن عليها

مهم أن تكون لدي سيارة خلال الرحلة من أجل التنقل بسهولة مع زوجتي وثلاثة أطفال ... ناوي آخذ السيارة من المطار وأعيدها وأنا ماشي ... الموضوع هيتكلف 900 دولار تقريبا بس فيه راحة بال كبيرة ... أنظمة وقواعد المرور في كندا قريبة من القواعد في دول الخليج لذلك لا أتوقع صعوبة كبيرة في استخدام السيارة

أحد أهداف رحلة اللاندينج هي التعرف على الجامعات في كندا حيث أني أنوي استكمال دراسة الدكتوراه هناك .. طبعا مواقع الانترنت للجامعات بها معلومات ممتازة ولكن معرفة الوضع على الطبيعة ومقابلة الناس تفرق كثير ... محتمل أيضا اقوم بزيارات لبعض أصدقاء الدراسة والمنتدى إذا سمحت الظروف

واحد يسأل طيب ليه ناوي على شهر ... مش أسبوع كفايه ... حقيقة أكبر بند في مصاريف الرحلة هو الطيران (حوالي 5500 دولار) بينما إقامة اسبوع مش هتفرق كثير عن الإقامة لمدة شهر (يعني تفرقلها 2000 دولار إقامه ومواصلات)... فطالما عندي أجازه أقضيها في كندا بدل ما اقضيها في الخليج (طبعا قضاء الأجازة في مصر خارج الحسابات تماما)

كالعادة سيدور جدل كبير بيني وبين المدام حول المستلزمات اللي هناخذها معانا خلال الشهر ... هي هتحاول تقنعني ناخذ البيت كله وأنا هحارب عشان نروح فاضيين ... وفي النهايه هنوصل لحل وسط (3 شنط كبيرة وهاندباج)

بعد رحلة اللاندينج مباشرة وفور استلام ال PR card هبدأ رحلة التقديم في الجامعات والمنح الدراسية لي ولزوجتي على أمل العودة بعد سنة لاستكمال الدراسة والعمل بالجامعة

[مراد أنور]

انا عجبنى الموضوع ده يااستاذ احمدسيف

الله ينور عليك

وجميل خالص إنت تبدأ تحكى عن خططك لأنها ضرورى ممكن تنور دماغ ناس تانية ويستفيدو منها

وأنا حامشى على خطاك وعلى حسب المعلومات اللى جبتها من المنتدى ده

أولاً أنا بذاكر دلوقتى للمنيل إللى إسمه ielts

وإن شاء أنا حجزت إمتحانين فى 24/10 و 21/11" نصيحة جناوى وزناتى "

و مطلوب أجيب ما يوازى 12 درجة للإسكور بتاع الهجرة والله الموفق "دعائكم لأخوكم بظهر الغيب "

وإن شاء الله ناوى أقدم الأبليكشن يوم 24 أو 25 /10 يعنى بعد الإمتحان مباشرةً

عشان يبقى فيه فرصة بإذن الله لدخول الإمتحان مرات أخرى فى حالة عدم الحصول على الدرجات المطلوبة فى المرتين إللى مقدم عليهم قبل ما يخلص وقت الأبديت وكمان قبل ماتنزل الليستة الجديدة للوظائف

إن ربنا أكرم بالإسكور المطلوب متوقع جواب الأبديت ييجى فى أقل من شهر "فى حالات كتيير مماثلة "

يعنى 20 /11 مثلاً حابقى جاهز أسلم الورق خلال أسبوعين على الأكثر يعنى 10/12

يبقى فى إحتمال ييجى الميديكال على شهر 4 والفيزا على 6 إن شاء الله

وبكده يبقى حسافر بعد ما أصفى أعمالى فى مصر على شهر 7 بإذن الله

أصلى باشتغل محاسب قانونى ولازم أدى الشغل لحد تانى يوافق عليه العميل !

وربنا ينولنا المراد إحنا وكل العباد

[حسام يوسف]

موضوع جميل يا عم أحمد

بس مش عارف افكر او أقول أى حاجة

احتمال ارجع للموضوع وأقول رأيي بعد 29أكتوبر ميعاد المقابلة بتاعتي لو ربنا كرمنى ونجحت

دعواتكم جميعا

تم تعديل 16 أغسطس 2009 بواسطة حسام يوسف

[elmadysm]

مهم أن تكون لدي سيارة خلال الرحلة من أجل التنقل بسهولة مع زوجتي وثلاثة أطفال ... ناوي آخذ السيارة من المطار وأعيدها وأنا ماشي ... الموضوع هيتكلف 900 دولار تقريبا بس فيه راحة بال كبيرة ... أنظمة وقواعد المرور في كندا قريبة من القواعد في دول الخليج لذلك لا أتوقع صعوبة كبيرة في استخدام السيارة

انا مش فاهمة الحتة دى

ممكن الشرح

[elmadysm]

ميساساجا (وتحديدا بورت كريديت على خطى الباشمهندس ايهاب) أو جويلف زي ما أحد الأصدقاء وصاني أو واترلوو قرب الجامعة اللي أنا منشن عليها

وصلنا ل 3 اماكن مقترحة

ياريت لو الاعضاء عندهم تفاصيل عن هذه الاماكن

[أحمد سيف]

مهم أن تكون لدي سيارة خلال الرحلة من أجل التنقل بسهولة مع زوجتي وثلاثة أطفال ... ناوي آخذ السيارة من المطار وأعيدها وأنا ماشي ... الموضوع هيتكلف 900 دولار تقريبا بس فيه راحة بال كبيرة ... أنظمة وقواعد المرور في كندا قريبة من القواعد في دول الخليج لذلك لا أتوقع صعوبة كبيرة في استخدام السيارة

انا مش فاهمة الحتة دى

ممكن الشرح

أنا ناوي أؤجر سيارة من أحدى الشركات اللي عندها مكتب في مطار بيرسون زي بدجت أو ايفيس أو هيرتز ... واستخدمها خلال إقامتي في البلد ثم أعيدها عند عودتي الى المطار

الكلام ده ممكن يتم بسهولة Online سواء من على موقع الشركة أو الأفضل من خلال موقع اكسبيديا

[ELSHAMY]

بالتوفيق يا شباب

تم تعديل 17 أغسطس 2009 بواسطة ELSHAMY

[أحمد سيف]

بالتوفيق يا شباب

دكتورنا الكبير الشامي ... شرفت التوبيك

[medopharm]

موضوع فعلا جمييييل

انا برضه لسه مشغول فى الايلتس

وان شاء الله لو الامور ميشت طبيبعيه وجبت الاسكور فى الامتحان القادم

ممكن الكشف الطبى يجى على شهر 11او 12

وبعدها ب4شهور يعنى ممكن على شهر 4 او 5 ممكن الفيزا ان شاء الله

والسفر بكده هظبطه على شهر 7 عشان امتحان المعادله ان شاء الله

انا طبعا بفكر فى كالجارى او فانكوفر

ولسه مش قادر احدد اى منهم بالظبط

ولكن انا طلعت بفكره عامه عن البلدين من مشاركات الاخوه الافاضل فى المنتدى

من ناجية الشغل المتوفر فى كالجارى او الجو الكويس فى فانكوفر

لو فرص عمل الصيادله فى فانكوفر كويسه

يبقى ان شاء الله هيكون السفر على فانكوفر ( دعواتك يازوهيرى )

دعواتكم جميعا اخلص من الايلتس على خير

عشان الاحلام دى تبقى حقيقه مش وهم

والله المستعان

[أحمد سيف]

مش عاوز أستبق الأحداث لكن ما فيش مانع أفصح عما أحلم به من الآن ... أحد أهدافي يا جماعه إننا نعمل لقاء جماعي للمحاوراتيين المهاجرين الى كندا خلال الصيف القادم ... غالبا خلال شهر يوليو في تورنتو ... على غرار الاجتماعات التي عقدت في القاهرة والرياض ... الهدف هو التعرف وتبادل الخبرات ودمج القادمين الجدد في الجالية المصرية (أو العربية) في كندا كخطوة أولى نحو الاندماج في المجتمع الكندي

[Omar Habib]

مرحبا أخ أحمد

شكرا على موضوعك..انشالله كلنا نستفيد من موضوعك..اسمي عمر الجنسية الايرانيه

والله انا قررت اعمل لاندينج 2010 اغسطس

انا قدمت الهجره من يوليو 2009 وحاليا احضر لامتحان الايلتس وبتوقع دوكمنت ريكويست في سبتمبر والفيزا يناير 2010 انشالله

ناوي اروح بريتش كولومبيا او كلجاري مش مقرر لسه

وانا بنتظر اخوي الاكبر يروح قبلي لأن هو ينتظر الميديكل وهو مقرر يستقر في بريتش كولومبيا السبب بيعرف أطباء هناك وكمان نفس الوقت هو يحظر لتقديم امتحان الطب في كندا مش عارف نظامهم ايه بظبط بس شكلنا نستقر في بريتش كولومبيا فانكوفر

اخوكم عمر

تم تعديل 17 أغسطس 2009 بواسطة Omar Habib

[مراد أنور]

مش عاوز أستبق الأحداث لكن ما فيش مانع أفصح عما أحلم به من الآن ... أحد أهدافي يا جماعه إننا نعمل لقاء جماعي للمحاوراتيين المهاجرين الى كندا خلال الصيف القادم ... غالبا خلال شهر يوليو في تورنتو ... على غرار الاجتماعات التي عقدت في القاهرة والرياض ... الهدف هو التعرف وتبادل الخبرات ودمج القادمين الجدد في الجالية المصرية (أو العربية) في كندا كخطوة أولى نحو الاندماج في المجتمع الكندي

والله فكرة رائعة وربنا يوفقك وتحققها :)

ويا ريتنى كنت معاهم " وش الطريق إلى إيلات " :)

[the world]

الاستاذ أحمد

اشكرك على فكرة التوبيك دة انا تقريبا نفس الظروف ولكن مشركاتى قليلة لظروف عملى انا على فكرة حاليا فى دبى لو تشرفى برقم الهاتف اكون سعيد جدا لو ارسلة على الميل (amraelgendy@yahoo.com)

ثانيا اتمنى ان يحدث هذا التجمع فى يوم من الايام ،

اسف انا لا اجيد الكتابة على المنتدى

[أحمد سيف]

الأخ the world

للاتصال ايميلي هو ansaif1976@yahoo.com

وأنا مقيم بأبوظبي

في انتظار مزيد من المشاركات

[somayasaleh]

مش عاوز أستبق الأحداث لكن ما فيش مانع أفصح عما أحلم به من الآن ... أحد أهدافي يا جماعه إننا نعمل لقاء جماعي للمحاوراتيين المهاجرين الى كندا خلال الصيف القادم ... غالبا خلال شهر يوليو في تورنتو ... على غرار الاجتماعات التي عقدت في القاهرة والرياض ... الهدف هو التعرف وتبادل الخبرات ودمج القادمين الجدد في الجالية المصرية (أو العربية) في كندا كخطوة أولى نحو الاندماج في المجتمع الكندي

انا مع حضرتك في الخطوة ده

يعني لما ربنا يسهل لنا ونسافر.....ياريت نعمل اجتماعات بصفة منتظمة للمهاجرين الجدد....نشجع بعض فيها....ونقوي بعض....كل جروب علي حسب مكان اقامته

بس للاسف معظم الناس اللي موافقة علي الفكرة ده مسافرين علي كيبك.... وبالتالي مفيش اي تجمع فيدرالي حتي الان

بالاضافة اني لا احب ان اسبق الاحداث....واقول ح اعمل كذا وكذا.......خطوة بخطوة....كل لما اخلص خطوة اخطط للي بعدها.....

وربنا يوفق الجميع