سؤال هام جداااااا لكل المغتربين المصريين؟؟؟؟؟؟

[lovelyramy]

ماذا تفعل اذا ربحت فى احد المسابقات فى دولتك التى تعمل بها كمغترب مبلغ مليون دولار ؟؟؟

هل ستستمر فى العمل بها أم تغير نشاطك ام ماذا تفعل؟

هل ستعود الى مصر ؟؟ وفى حاله عودتك ماذا ستفعل؟؟

وماذا ............. ولماذا ................... وأين ......................... و................و............و...............و............

من الاخر كل واحد فيكم هيعمل ايه ؟؟؟؟

[زعلان]

الف مبروك المليون دولار

[عاشق الترحال]

أنت جيت عالجرح من بقك لباب السما

بصراحه أنا واحد من اللي نفسهم يكسبوا المليون زرار

ومتقلقش أسهل حاجه في الدنيا صرف الفلوس يعني هتلاقي بدل السكه ألف مليون سكه يتصرفوا فيها !!!1

أما عن كوني هستمر في البلد اللي أنا فيها فده يتوقف عن كوني بحب المكان ده ولا لأ ؟

وأنا في السعوديه بحبها علشان الكعبه ومسجد الرسول بس فيكفي أني أفتح فيها إستثمار علشان لما أحب أعتمر أو أحج في أي وقت أنا أو أي حد من أهلي لا أضطر للإنتظار لحين مواعيد العمره المسموحه في مصر وكذلك مساعده للي عاوز يشتغل في السعوديه .

بس أعتقد أني هظبط أهلي وكل حبايبي في المقام الأول وبعد كده أتفرغ لعمل مشاريع أشغل بيها أقاربي وجيراني وأصدقائي وكل معارفي اللى قاعدين هناك (( الأقربون أولى بالمعروف )) وطبعاَ إن شاء الله حق المساكين والمحتاجين واليتامى والأرامل وعمل الخير ربنا يقدرني عليه ويتقبله مني .

وبالنسبه لي أنا لعشقي لإيطاليا وأوروبا أعتقد أني هسافر أستثمر هناك كمان لإشباع رغبتي بالعيش هناك وهتقتصر زياراتي للسعوديه عالحج والعمره ومتابعه نشاطي الإستثماري هناك من بين الحين والآخر

راجل صاحب مليون زرار بقى حقي

يعني أنا هتلاقيني شويه في مصر وشويه في السعوديه وشويه إيطاليا وعيش بقى يا عم وسيبني أحلم سيبني

بالله عليكم محدش يصحيني من الحلم الجميل أوي ده

وخش عليا ياأنت يا أبو الملايين يا غالي

تم تعديل 16 أغسطس 2009 بواسطة عاشق الترحال

[زعلان]

كل ده حتعمله بمليون دولار انت عابيش في سنة كام

[عاشق الترحال]

كل ده حتعمله بمليون دولار انت عابيش في سنة كام

يا عم زعلان أنت شفت المليون جه علشان تستقل الفلوس عالمشاريع بتاعتي

داأنا أستحلفتكم بالله محدش يصحيني

وبعدين المليون دولار ب (( 5 مليون جنيه وشويه فكه )) إحنا هنتبطر عالنعمه أنا يا عم راضي بربع مليون دولار بس ربنا يبعت وبرضه هظبط اللى قلت عليه وكل شيخ وله طريقه بقى.

وأوعدك إن شاء الله لما ربنا يرزقني بيهم هوريك بعينك أنهم يعملوا كل اللي قلت عليه

بس أنت قول آآآآآآآآآآآآآآمين

[زعلان]

طب ايه رأيك تعمل المليون دولار بدل ما تستناهم يجولك

[عاشق الترحال]

وأنا هكره أني أعملهم ؟ ولا أنا قلت أني مستنيهم يجولي ؟؟

أديني شغال ليل نهار ومتغرب عن بيتي وعيالي وأهلي وبعمل اللي عليا يعني مش نايم في بيتنا وعمال أتصل ب زيرو 900 ومن سيربح المليون والكلام ده !!!

وعالعموم كلها أرزاق . وربنا هو الرزاق .

بس بيني وبينك حد يلاقي الدلع وميتدلعش ؟؟ يعني مأكرهش أني ألاقيهم جايين لي كده من حيث لا أعلم ولا أدري

[زعلان]

طب عملت من المليون دولار كام لحد النهارده

[عاشق الترحال]

إحنا هننق من أولها

الحمد لله مستوره يا عم زعلان أفندي

[lovelyramy]

والله العظيم دمكم شرباااااااااااات

ويعدين طالما نواياك حسنه يا عاشق الترحال يبقى ان شاء الله ربنا هيديك على قد نيتك بس ما تقباش تنسانا بقى :wub:

تم تعديل 16 أغسطس 2009 بواسطة lovelyramy

[lovelyramy]

:wub: الف مبروك المليون دولار

wst::

الله يبارك فيك بس هم فين بالك لو جم يبقى ليك الحلاوه

بس انت ما قولتش برده هتعمل بيهم ايه؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[Abu Reem]

مع احترامي لصاحب الموضوع وأي موضوع في المخاورات

ولكن أعتفد أن عنوان الموضوع غير مناسب لطبيعة الموضوع

أنا بصراحة افتكرت أن كلمة سؤال هام جداً تحتوي على شيء مهم جدا يجب مناقشته مع المغتربين ،،، فهل هذا السؤال الافتراضي الذي طرحه الموضوع ... يطلق عليه كلمة هام جدا....

ولكن اتضح أن الموضوع ( خيالي شوية وحتى ولو حدث في الحقيقة ) ولكن أعتقد ان العنوان غير مناسب لأنه من يقراه لأول وهله سيظن ان هناك حدث خطير يستوجب مناقشتة من المغتربين...!!

فقط حبيت أن أوضح وجهة نظري عن العنوان ..... مع كامل احترامي للفاضل Lovelyramy ... وإن كنت دائما أحب أن يكون العنوان غير مبالغ فيه ... ويكون معبر عن فعلياً عن.. محتوى الموضوع احتراما لوقت وعقلية الأعضاء.

تحياتي للجميع ،،،،

[عاشق الترحال]

بالمناسبه يا جماعه أنا كنت عاوز أحذركم من شوية نصابيين بيبعتوا رسايل عالإيميل ويقولك مبروك كسبت كام مليون دولار مش مليون واحد بس ويبعت لك صوره شيك وشويه حركات أونطه لزوم التحابيش علشان يحبك الموضوع .

المهم ويطلب بياناتك ورقم حسابك فى البنك والمعلومات دي وبعدين يقولك لازم علشان تستلم الجائزه دي تحول لنا مبلغ يعادل ألف أو ألفين ريال تقريبا مصاريف التحويل والأوراق .

المهم تبعتله الفلوس من هنا ويقولك أغداَ ألقاك من هنا والحمد لله أنا مبصدقش الكلام عالورق مبصدقش إلا الكاش ولما بعت يقولي حولي المبلغ ده رديت عليه وقلتله إخصم 10000 دولار من الجائزه بتاعتي كمصاريف و هديه مني لك وإبعت الباقي .

والراجل ده كان أجنبي و كلمني عالموبايل علشان يحسسني بجدية الموضوع ولما ملقاش مني فايده طنشني .

المهم في يوم كنت في WESTERN UNION لتحويل الأموال لقيت راجل سعودي داخل مستعجل وعاوز يحول مبلغ كبير وكان طابع رساله زي اللى بقولكم عليها من عالنت وميعرفش أنه بيتنصب عليه والحمد لله ربنا وقف له واحد إبن حلال هناك من اللي شغالين في البنك وفهمه الحوار وقاله أن دول شوية نصابين وبيعملوا كده علشان تبعت لهم فلوس وبعديها باي باي .

وأنا إتدخلت في الحوار وكلمت الراجل وفهمته وقلتله أني بيجيلي رسايل من دي وبرضه اللى في دماغه في دماغه وفين لحد ما إقتنع .

وفي نوع تاني بيجي عالموبايل ويبعت رسايله مبروك ربحت سياره هامر أو شيك رقم كذا وتتصل يسحبوا منك فلوس عالإتصال .

الخلاصه متنخدعوش من الرسايل اللي زي دي وخلي بالكم النصابين كتير.

وربنا يسترها معانا ومعاكم .

[ahlawycatalony]

وهيعملوا ايه المليون دولار فى الزمن دا؟

الا بالمناسبه اشمعنا يعنى مليون بالظبط

ليه مش 900 الف او عشرميه

على فكره انا لو كسبت حتى مليون يورو

مش هرجع مصر حاليا

بس اكيد فى يوم هنرجع

:happy:

[isa]

****

مش ممكن كده ... شي لا يُطاق بصراحة ما تقوم به في كل موضوع من إدراج نفس وصلة الفيديو الخاصة بمرضتى منصور من غير نظام ولا الإلتفات لإنك في أي موضوع !!!!!!!!!!!!

تم منحك إنذار ووضع مداخلاتك تحت الرقابة وفي حالة تكرار ذلك سيتم إلغاء عضويتك

الإدارة

سي السيد