الزوجه الثانيه بس بشروط

[لولا]

العزيز "مظيهرى " انت بالك طويل على فكره :wub: wst::

ثانيا .. هو الموضوع تحول لنقاش احكام التعدد ليه ؟؟

موضوع التعدد قتل بحثا ونقاشا واختلافا فى مواضيع اخرى كثيره

ارى فعلا القضيه هنا من منظور شخصى كما قلت فى البدايه يراعى الظروف والمصلحة العامه والرضا لكل الأطراف بقناعه وعن طيب خاطر للجميع

فى القصه الواقعيه الواضحة الظروف التى نتحدث عنها..

اذا كانت الزوجه قد رضحت للضغوط فهى فى النهايه قد وافقت ..جعله الله فى ميزان حسناتها وبارك لها ..

وطالما ان الزيجه استمرت بعد ذلك فهذا معناه انها فعلا موافقه يا زهيرى لأنها لو وافقت على مضض واكراه على شيء تعجز عن تقبله وترضاه نفسها

لقتلتها الغيره بعدها وطلبت الطلاق لاحقا ..

تحياتى ..

رمضان كريم

لولا

[Princesse]

بصوا ياجماعة انا جبت لكم راي من اخصائية اجتماعية الست ماما

و احنا قاعدين كده بالمطبخ بنجهز العشا يعني هي كانت بتجهز العشا و انا كنت برغي بس و بتفرج wst::

قلت لها يا ماما ايه رايك في موضوع التعدد لانه في المنتدى نزلوا موضوع و فيه ناس بتقول اه و ناس لا

قالت لي و الله يا بنتي فكرتني ابقي اعتذري لهم عن غيابي ممم قلت لها سيبك انت ده منتدى اخر خالص

بس الحوار فيه جميل و فيه حرية اكبر المهم قالت لي رايها

بس طلبت مني مش اعرف بابا حتى مش افتح عيونه و خليه قانع يوه غيرة نساء بقه

تقول امي انها تقبل ان يتزوج بابا لو طلب مع ان الغيرة واردة طبعا و ذكرتني باحاديث توضح غيرة نساء الرسول صلى الله عليه و سلم

اولا لانه شيء شرعي و هي لن تقف امام شرع ربنا و تقول زوجي حبيبي عاوزة رضاه لانه برضاه ادخل الجنة

و من جانب اخر تقول لي انظري يا بنتي لارتفاع المتزايد في نسبة العنوسة فان كنت احظى بزوج فلا يجب ان اتصرف بأنانية الغرب

و أبقيه لنفسي قلت لها يا ماما ان الغرب فعلا مش بيعددوا الزوجات لكن فيه العشيقات ووووو بلاوي ربنا يستر علينا يارب

ردت علي و قالت الله ينور يا بنتي و هذا يحصل كذلك عند الكثير من العائلات المسلمة. و نعلم أن عدد الإناث يفوق بكثير عدد الذكور و منهم من ليس مع مال ليتزوج. فإذا كنت أحظى بعائلة, أود أن يكون نفس الشيء مع أخواتي

ثم يا بنتي متنسيش ان الامر يعد إحياء لسنة نبينا عليه افضل الصلوات

و حاجة مهمة جدا قالت لي على استحياء تقول ان طاقة الزوج الجنسية تفوق طاقة المرأة كذلك هناك فترات لا يمكن للزوج ان يعاشر زوجته كفترة الحيض و النفاس و من المعروف أن الزوج يحب تغيير شريكته و هذا أمر عادي و ليس عيب وأود أن يكن ذلك بعلمي لا وراء ظهري في الحرام و العياذ بالله وذكرتني بنقطة غابت عن دهني اكثار الامة الاسلامية تقول لي أنها لا تستطيع أن تنجب الكثير من الأولاد لكن مع الزوجة الأخرى إن شاء الله سيكون العدد أكثر هنا حسيت فعلا ان كلامها صح لاني وحيدة فياه لو كان لي دسة اخوان و اخوات افتخر بهم اساكشهم بدل ما انا قاعدة ليل نهار على النت :wub:

و تضيف امي ان التعدد لا يعني وجود عيب في انا اطلاقا لكن هي فكرة ترسخت في الاعراف فمثلا الخيانة بقت عادية و ادا ما رأوا رجل يخون زوجته يقولون مسكينة زوجها خائن و يسقطون عليه جميع الصفات السيئة اما اذا رأوا رجل عفيف تزوج من تانية يقولون إن الزوجة بها عيوب. لا حول و لا قوة إلا بالله لا هذا يعجبهم و لا ذاك. و يا بنتي لا تنسي الخير بصي كده على ارملة ملتزمة بشرع الله فقيرة و معها أيتام . لديها خيارين أو بالا حرى ثلاث:أن تخلع حجابها لتطعم أولادها ***تتسول في الشارع****تتزوج ****أفضل الخيار الثالث لكن النساء الآن يعتبرن أزواجهن ملكية خاصة كذلك لو نظرنا لامرأة أو بنت دائماكانت تحلم بالزواج لكن لظروف لم تتزوج ما أجمل الفرحة التي ستدخلين على قلبها كان النقاش طويلا و العشاء جهز و بابا دخل علينا المطبخ فغمزت لي ماما بقلب الموضوع bv:-

اسمحي لي يا روبي اختلف معك...

احنا مش احذية علشان الزوج لما يزهق منا يغيرنا...و لا احنا جواري اشترانا....ولا احنا ارانب علشان نفضل نجيب في عيال.

ليه بتأخدوا بعض ايات القران وتحكموا عليها و تنسوا ايات تانية؟ مش القرآن برضه بيقول ان لو واحد مش هيعرف يعدل يبقى يتزوج زوجة واحدة؟ و في ايه تانية ربنا بيقول ان العدل صعب..

و بعدين زي ما الزوج له احتياجات جنسية الزوجة ايضا لها نفس الاحتياجات...اشمعنى الزوج مش عاوز يتنازل عن الحقوقه في حين الزوجة ديما بتتنازل؟

اي واحدة بتقبل ان جوزها يجوز عليها فمعنى ذلك انها كارهة زوجها و عايشة معاه كدة بس علشان يصرف عليها و علشان الولاد بس

و الزوجة التانية لازم تعرف انها اتجوزت نص راجل...طيب ايه الي يجبر واحدة تجوز نص راجل ...من قلة الرجالة؟

والله العنوسة احسن ...و اكرم للبنات بدل ما نكون جواري، او زي المناديل الكلينكس بتترمي بعد الاستخدام.

[MZohairy]

العزيز "مظيهرى " انت بالك طويل على فكره :wub: bv:-

ثانيا .. هو الموضوع تحول لنقاش احكام التعدد ليه ؟؟

موضوع التعدد قتل بحثا ونقاشا واختلافا فى مواضيع اخرى كثيره

ارى فعلا القضيه هنا من منظور شخصى كما قلت فى البدايه يراعى الظروف والمصلحة العامه والرضا لكل الأطراف بقناعه وعن طيب خاطر للجميع

فى القصه الواقعيه الواضحة الظروف التى نتحدث عنها..

اذا كانت الزوجه قد رضحت للضغوط فهى فى النهايه قد وافقت ..جعله الله فى ميزان حسناتها وبارك لها ..

وطالما ان الزيجه استمرت بعد ذلك فهذا معناه انها فعلا موافقه يا زهيرى لأنها لو وافقت على مضض واكراه على شيء تعجز عن تقبله وترضاه نفسها

لقتلتها الغيره بعدها وطلبت الطلاق لاحقا ..

ياسلام يا لولا؟؟؟؟

انتي متخيله ان كل واحده ما بتطلبش الطلاق بتكون راضيه عن حياتها؟؟؟؟؟؟؟

الحاجه و العوز و الظروف المختلفه تقضي على كل أمل في اعلان المطالب يا سيدتي

و ياما ستات قاعده و صابره و راضيه غصب عنها عشان معندهاش بديل يا عيني

الموافقه يا لولا تعني القبول بمزاجها فقط

و ده وضح عكسه تماما في مثالنا في هذا الموضوع

و وضح تماما انها رفضت و سابت البيت و حاولوا يقنعوها لغاية ما اضطرت توافق تحت الضغط الاجماعي الذكوري المتلبس لعباءة الدين

اللي يوافق يبقى موافق و هو مبسوط مش و هو متكدر

تقبل الله عمرتك يا لولا و ياريتك افتكرتي الزميل مظهيري بالدعاء wst::

[الباشمهندس ياسر]

بل لإقتناعه برأيهم و معناه و مغزاه و فائدته

وفقكم الله

صلى الله على محمد و اله و صحبه و سلم

بص يا سيدى

انا موافق جدا ع التعدد و مؤيد تماما ليه فى الحالة اللى ذكرها عنبى

او ما شابهها من حالات زى الانفصال مثلا او مرض الزوجة او عدم انجابها او ما الى ذلك...

و مقدرش ابدا ابدا انى انطق كلمة حرام او لا يجوز او حاجة من هذا القبيل على شخص هيتجوز عشان شاف واحدة دخلت دماغه و عملت باركنج هناك

انما بحس جوايا ان ده فراغة عين مش اكتر لانه يقدر يظبط مراته و يخليها ف احسن وضع

طب هقولك على حاجة شفتها بعينى و اكيد انت شفتها برده

لما يبقى فيه بنت فقيره هتتجوز بتلاقى الناس بتتكاتف فى تجهيزها و بسرعة جدا

و كتير اوى تلاقى حد قام و قال جهاز فلانة كاملا عليا انا

تعالى بقى و قولى شفت المنظر ده كام مرة ف حياتك بيحصل مع الشباب الغلابة

ايه المانع اننا بصفتنا ناس ربنا كارمها و موسع عليها اننا نساعد الشباب الفقراء

ايه المانع ان كل واحد داعبت عقله فكرة التعدد انه يعمل معروف مزدوج و يشوف اتنين غلابة و يشيل مصاريف جوازهم

عموما

ربنا يصلح الحال و يهدينا و يديم علينا الستر و الرضا

[MZohairy]

ايه المانع اننا بصفتنا ناس ربنا كارمها و موسع عليها اننا نساعد الشباب الفقراء

ايه المانع ان كل واحد داعبت عقله فكرة التعدد انه يعمل معروف مزدوج و يشوف اتنين غلابة و يشيل مصاريف جوازهم

عموما

ربنا يصلح الحال و يهدينا و يديم علينا الستر و الرضا

هو ده الكلاااام

يا هندسه يا شديد يا رايق

و دايما افتكر مثال بعض الاخوه الخليجيين اللي كانوا عايزين يتزوجوا من اخواتهن سيدات من البوسنه و الهرسك(جمال اوروبي شديد المفعول و ساحق و ماحق) بغرض كفالة الاسره و الايتام و ستر امرأه مسلمه

و محدش منهم ابدا فكر يعمل ده مع اخواته السيدات من دارفور و الصومال!!!

تفتكر ليه؟؟؟ :wub:

ربنا يهدي الجميع

[Princesse]

ايه المانع اننا بصفتنا ناس ربنا كارمها و موسع عليها اننا نساعد الشباب الفقراء

ايه المانع ان كل واحد داعبت عقله فكرة التعدد انه يعمل معروف مزدوج و يشوف اتنين غلابة و يشيل مصاريف جوازهم

عموما

ربنا يصلح الحال و يهدينا و يديم علينا الستر و الرضا

هو ده الكلاااام

يا هندسه يا شديد يا رايق

و دايما افتكر مثال بعض الاخوه الخليجيين اللي كانوا عايزين يتزوجوا من اخواتهن سيدات من البوسنه و الهرسك(جمال اوروبي شديد المفعول و ساحق و ماحق) بغرض كفالة الاسره و الايتام و ستر امرأه مسلمه

و محدش منهم ابدا فكر يعمل ده مع اخواته السيدات من دارفور و الصومال!!!

تفتكر ليه؟؟؟ :wub:

ربنا يهدي الجميع

wst:: bv:- bv:-

[size="5"]هو دا الكلام

لو كل واحد عنده المقدرة انه يفتح بيت تاني ايه المانع انه يساعد الشباب المحتاج في تكاليف الزواج؟

ايه المانع ان الناس الي كل سنة تروح تحج و تعمل عمرة انهم يساعدوا في تاكليف زواج الفقراء

بس للاسف الانسان طول عمره اناني

الي هيجوز ارملة هيخترها صغيرة

و الي هيجوز انسة هيخترها جميلة

محدش هيجوز واحدة وحشة او مريضة او كبيرة في السن

تم تعديل 18 أغسطس 2009 بواسطة Princesse

[لولا]

انتي متخيله ان كل واحده ما بتطلبش الطلاق بتكون راضيه عن حياتها؟؟؟؟؟؟؟

الحاجه و العوز و الظروف المختلفه تقضي على كل أمل في اعلان المطالب يا سيدتي

تقبل الله عمرتك يا لولا و ياريتك افتكرتي الزميل مظهيري بالدعاء :wub:

فعلا مفكرتش فى الموضوع من ناحيه الرضوخ بسبب ظروف قهريه تمنعها من حريه القرار المطلقه .. ربما لأننى رأيتها ملكت المقدرة منذ البدايه

على ترك البيت والإعتراض واحتاجت حتى لوقت واقناع لتوافق ..

لا يمنع ابدا ان البعض قد يوافق بعد رفض وتستمر الحياة ولكن دون قهر وذله بسبب الظروف قد يعطيها الله القوه والإيمان لذلك لما لا .. ..

وفى نفس الوقت يحدث ايضا ما تقوله من موافقه قهريه لعدم وجود خيارات اخرى للمرأة وفى حالات كثيره طبعا نسمع عنها ..

اما العمرة ..

معملتش عمرة يا سيدى ولا كنت افتكرت اخويا "مظيهرى" طبعا wst::

كنت فى رحاب مصر ورجعت على مطار جده وشفت العجب هناك !

مش بنصح باى عمره دلوقت ..

تحياتى

لولا

[الباشمهندس ياسر]

الفاضلة سمو الاميرة

:wub:

اسمحى لى ان اتناول مداخلتك بشىء من التعليق

احنا مش احذية علشان الزوج لما يزهق منا يغيرنا...و لا احنا جواري اشترانا....ولا احنا ارانب علشان نفضل نجيب في عيال.

ليه بتأخدوا بعض ايات القران وتحكموا عليها و تنسوا ايات تانية؟ مش القرآن برضه بيقول ان لو واحد مش هيعرف يعدل يبقى يتزوج زوجة واحدة؟ و في ايه تانية ربنا بيقول ان العدل صعب..

اولا : النساء شقائق الرجال

النساء يعنى ماما نينى العين و بلسم الروح و أحن حد ف الدنيا ... النساء يعنى اختى الصغيرة دلوعة البيت و فرحتنا كلنا و رمز الشقاوة و المشاكسة

النساء يعنى نصى الحلو اللى هتصالحنى بيها أيامى .. اللى اعيش معاها الاحساس ده

مجرد الاحساس ان حد بيهتم بيك ..و بيدور عليك..و بيرتاح لراحتك...و بيتعب لتعبك...و بيفرح لفرحك...و بيحزن لحزنك...

حد فعلا يقعد يعد النجوم من كتر التفكير فيك...حد ينام و هو بيحلم بيك...و قبل ما ينام كان سهران يفكر فيك...

ياااااااااااااااااااااااه

احساااااااااااااااااس تانى فعلا

بصى ... م الاخر كده

مينفعش خالص ابدا ان حضرتك تضربى مثل زى ده و مينفعش خالص تقولى اررانب و كلام زى كده

و بالنسبة للقرءان و الاحكام الشرعية

مسألة عدم تحقق العدل ... فهم العلماء انه الحب و الوطء ..... و الله اعلم

و بعدين زي ما الزوج له احتياجات جنسية الزوجة ايضا لها نفس الاحتياجات...اشمعنى الزوج مش عاوز يتنازل عن الحقوقه في حين الزوجة ديما بتتنازل؟

اي واحدة بتقبل ان جوزها يجوز عليها فمعنى ذلك انها كارهة زوجها و عايشة معاه كدة بس علشان يصرف عليها و علشان الولاد بس

و الزوجة التانية لازم تعرف انها اتجوزت نص راجل...طيب ايه الي يجبر واحدة تجوز نص راجل ...من قلة الرجالة؟

والله العنوسة احسن ...و اكرم للبنات بدل ما نكون جواري، او زي المناديل الكلينكس بتترمي بعد الاستخدام

مفيش اشمعنى

حقوق الرجل شبه حقوق المرأة بالظبط

يعنى من حق الزوجة انها تطلق اذا كان الزوج ضعيف جنسيا او ان كان فيه اى ضرر واقع عليها

و بالمناسبة

من حقوق الزوجة انها تعيش فى نفس المستوى اللى اتربت عليه

و اخيرا

بعد الشر عنكن م العنوسة و خنقتها

انا ببقى جزين و الله كل ما اقابل بنت تخطت التلاتين و متجوزتش

[عطر الجنة]

من الاخر سمعت مثل من سيدة تزوج زوجها عليها

من امراءة لا تفوقها فى شئ

فهى جميلة و حلوة المعشر

والله رزقه منها بالبنات و البنين

لكنه قدر

( جنازته و لا جوازته )

تم تعديل 19 أغسطس 2009 بواسطة عطر الجنة

[MZohairy]

ساعات الراجل بيبقى لسه متغدي في البيت

و ينزل الشارع و هو ماشي يلاقي محل كبابجي بيشوي حتة نيفه من اللي قلبكم يحبها و الريحه طالعه تفرح القلب الحزين

يقوم واكل تاني

مش بياكل عشان جعان استغفر الله

بس طفاسه و خلاص و عنيه زغللت فمقدرش يقاوم اللحمه wst::

و الكلام ده ممكن يتكرر تاني مع بتاع الشاورمه اللي على الناصيه

و يتكرر تالت مع بتاع الحواوشي اللي تحت الشغل

و بس

ميقدرش ياكل طفاسه اكتر من اربع مرات :wub:

[عنبو]

اولاً السلام عليكم ورحمة الله وبركاته

كل عام وانتم بخير بمناسبة رمضان اعاده الله علينا بالخير واليمن والبركات

احنا ياعم زوهيرى مفرضناش حاجه على حد كل حاجه كان بموافقتها وبعدين هى مكنتش مضطره انها توافق اساساً لانها ولله الحمد بنت ناس واهلها ميسورين ناهيك كمان عن كونها متعلمه ومثقفه يعنى هى فاهمه وعاقله كل كلمه بتقولها

لكن اللى كان بيروح يكلمها كان من باب تهدية النفس والمصلحه العامه

يعنى مثلاً لما تروح تقول لام احنا هناخد ابنك علشان يستشهد طبعاً استحاله هتقولك خده اهو طبعاً هتقولك لا وهتسيبك وتمشى لكن لما تروح هناك وتفهمها هترضى من باب المصلحه العامه للكل

ده اللى الناس كانوا بيرحوا يتكملوا فيه وبعدين انت ليه نظرت للموضوع من باب التعدد وان المجمتع ذكورى يعنى الراجل اللى هو اخو الزوج كان عاوز يتجوز على مراته لا طبعاً دى ظروف خارجه عن ارادة الكل ياعم زوهيرى يعنى دى حالة وفاه ودول ولاد اخوه اللى هو اساساً رباهم وتعب عليهم يبقى مينفعش يسيب اولاده يتربوا بره ولا بعيد عن امهم ياعم زوهيرى

وفيه امور ياعم زوهيرى مينفعش اخد فيها قرار بسرعه لان الشيطان ممكن يكون متمكن من الانسان وقتها لكن لما اقعد مع نفسى واحط نفسى مكان التانى يبقى اكيد فكرى هيختلف

وانت ليه ياعم زوهيرى متقولش انت مرات الاخ الاصغر ده اقعدت مع نفسها ووضعت نفسها مكان سلفتها وحكمت على الموقف من باب العقل لا من باب العاطفه ونظرت للمصلحه العامه لا للمصلحه الخاصه فوافقت وبعدين هى لو مكنتش عارفه زوجها على ايه وان انه اساساً مكنش ناوى يتزوج عليها ولكن ظروف لاغصب عن الكل

وبعدين ياعم زوهيرى لو كانت حست انها اضغط عليها مكنتش رضية بعد كده وعايشه لحد دلوقتى وهما الاتنين بقوا زى الاخوات وعادى يعنى وبعدين انا اعرف ناس تانيه متجوزين اتنين والامور عاديه ولا فيه مشاكل ولا حاجه

ياعم زوهيرى ربنا اللى خلقنا وهو اعلم بنا وربنا برضه هو اللى شرع التعدد للراجل بس بشرط العدل والراجل اللى هينفذ هو اللى يقدر يقول انا هعدل ولا معدلش واذا عدل يبقى الموضوع منهى واذا معدلش يبقى جزائه عند ربنا هو اللى بيحاسب النا ش مش احنا ياعم زوهيرى

يعنى انا لو متزوج وحبيت اعدد واقولت لمراتى انا هتجوز عليكى وهعدل بينك وبينها متجيش مراتى تقولى ياطالم انت كده طلمتنى لا انا مظلمتهاش انا كده مبعملش حاجه غلط وبعدين هى اذا حبت تطلق هى حره لكن ميجيش واحد يقولى حرام عليك علشان انت اتجوزت مراتك لا هو هيبقى حرام عليا لو انا معدلتش وانا تعهدت انى هعدل ولو معدلتش ربنا اللى هيحاسبنى مش اى حد

المشكله ياعم زوهيرى انا واحد قالت ليا انا عندى جوزى كل يوم يبقى مع واحده شكل على انه يتجوز عليا اقولتها يعنى انتى عاوزه يعصى ربنا ولا يعصيكى

احنا ياعم زوهيرى كان فيه واحد انا اعرفه الناس عرفت انه اتجوز على مراته لقيت الناس كلها مشمأزه منه والكل بيبص له بصه غريبه وكأنه اخطأ وفى نفس الوقت واحد بايظ برده وكل يوم مع واحده والناس شايفه ده عادى وشايفه التانى هو اللى شاذ

لا ياجماعه اذا كنا علشان منزعلش النساء هنكتر الزنا لا يبقى تزعل النساء ولا اننا نعصى ربنا وعلى فكره متقوليش ده عينه فارغه مهو احنا مش انبياء يعنى كل واحد فيه وفيه

يبقى اللى يكتفى بواحده اوك مافيش مشاكل واللى عاوز يتجوز يتجوز طالما هيعدل

وبالنسبه للناس اللى بتقول انا هتجوز واحده تانيه علشان اعف مسلمه ماشى ياعم ميتجوز متجيش انت بقى تقوله متجوز واحد غلبان

ياعم هو حر يعنى انا عاوز اطلع مثلا 1000 ج متجيش انت تقولى مطلع ياعم 5000ج ياعم انا حر وبعدين ربنا اللى هيحاسبنى مش انت

يعنى واحد عاوز يتجوز تانى ماشى وواحد عاوز يساعد واحد علشان يتجوز ماشى وهو كله خير لكن موضوع الافضليه دى ميعرفوش الا ربنا

[أحمد سيف]

ماتزعلش نفسك يا عم عنبي ... إن شاء الله ربنا هيكملهم لك أربعه... بس ابقى افتكرني بدعوه حلوه ساعتها

تم تعديل 19 أغسطس 2009 بواسطة أحمد سيف

[روبي]

مجتمعاتنا بشكل عام ابتعد عن دين الله تعالى بعدا لانحسد عليه، وهذا البعد له من الآثار السلبية التي لايعلمها إلى الله تعالى في كل النواحي والأصعدة، لذلك من الطبيعي أن نجد حالات كثيرة قد ظلمت فيها المرآة بسبب الزواج الثاني، وكذلك سنجد حالات كثيرة ترغمنا أن نقول الحمد لله رب العالمين ان شرع لنا تعدد الزوجات.

ولكننا لو نظرنا بحالات الظلم فسنجد أن سبب الظلم الذي وقع ليس مشروعية تعدد الزوجات، ولكنه سببه الزوج المبتعد عن دين الله تعالى ومنهجه، ومثل هذه الزوج سيظلم سواء عدد أو لم يعدد....

لذلك طالما أن موضوع التعدد أمر إلاهي وان موضوع الزواج يجب أن يتم أصلا بموافقة المرأة فمن حقها الرفض إن كانت لاتقبل مثل هذا الأمر، فهو يقينا بعيد كل البعد عن الإجحاف والظلم بشكله الأصلي، ومايتم من مشاكل أسرية ليس سببه التعدد وإنما سببه ثقافة المجتمع الرافضة لفكرة التعدد أصلا والبعد عن دين الله ثانيا.

فأعتقد أنه يجب أن يتم إعادة صياغة ثقافة المجتمع بخصوص هذا الموضوع بحيث أن يكون أمر التعدد أمر عادي لامشكلة فيه من حق الزوج ممارسته وإزاحة كل الأوهام الموجودة برؤوسنا حول التعدد.... وعلى حسب ماقالته ماما جزاها الله خيرا أن يتم الأمر بعلمها خيرا من أن يتم من وراء ظهرها حتى لو بالحلال ولن نقول بالحرام والعياذ بالله تعالى....

ثم بعد ذلك تكون الناس بالخيار توجد نساء تقبل وتوجد نساء لاتقبل، ويوجد رجال تريد ويوجد رجال لاتريد ولكن الأصل أنه لامشكلة بالممارسة طالما أنها ضمن الحدود الشرعية....

[MZohairy]

ولكننا لو نظرنا بحالات الظلم فسنجد أن سبب الظلم الذي وقع ليس مشروعية تعدد الزوجات، ولكنه سببه الزوج المبتعد عن دين الله تعالى ومنهجه، ومثل هذه الزوج سيظلم سواء عدد أو لم يعدد....

لذلك طالما أن موضوع التعدد أمر إلاهي وان موضوع الزواج يجب أن يتم أصلا بموافقة المرأة فمن حقها الرفض

اذا كانت اغلب النساء لا تقبل

و أغلب الرجال لا يعدل

فهل تعتقدون ان شرع الله وضع لكي يطبق بمفهوم البعض للتعدد من انه زواج من كمية نساء مع بعض و خلاص؟

أم ربما له اهداف أخرى؟

[بندق أفندى]

تجربة شخصية أعيشها منذ عدة أعوام .. شد وجذب فى اتجاه الزواج التانى .. لأسباب أراها منطقية .. ليس بها على الاطلاق ما يعيب زوجتى .. فهى أم مثالية وابنة مثالية وأخت مثالية وست بيت مثالية وست ستايل وشيك (بمساعدتى ههههههه) .. لكن دائما تشعر بشئ ينقصك ولا تستطيع استكماله .. تأتى مرحلة منتصف العمر لتقضى على كل مقاومة وأجدنى مندفعا فى اتجاه الزواج الثانى .. وفى لحظة اقف أفكر .. ما هى التبعات النفسية والفكرية والمادية والعدلية (ههههههه مش العدلية بتاعت الأكل - اللى قديم وريفى أكيد يسمع عنها) .. وكيف يمكن هندلة حياتين بذمتين نفسيتين منفصلتين؟ وكيف تكون الحياة اذا اضطرت الى طلب الطلاق .. وهل يمكن ان أبيع سنوات العشرة ببساطة؟

الحقيقة بعضهم يستطيع .. وبعضهن يستطيع ان يقبل التعدد ويكون قادر عليه .. وفى الغالب لا يكون له عمق عاطفى .. والا هيتلخبط جدا .. المهم .. اجدها من الصعوبة بمكان حتى على الرجل .. اذا أراد لحياته أن تستقيم ..

عشان انا جدا محظوظ .. أكتشف الحب الأول انفصلت وجلست تبحث عنى 4 سنوات ولما علمت بالصدفة بالخبر أجدها تزوجت من شهر واحد فقط لأنها يئست منى .. لأنه لديها نفس الاحساس السابق .. كان يجب أن أعلم من نفسى بما حدث ولما لم أعلم معناه أنى لم أعد انا .. فى ذات الوقت .. أهلى واهلها واقفين لبعض ناقر ونقير .. وكانو رافضين من الأساس برغم القرابة بينهم .. وبالتالى تعاونوا سوية على وأد أى حلم قد يصبح جنينا .. أهى دى بقى اللى كانت واخد بها أبروف قبل ما اتجوز .. واعتقد لم أكن لأفكر ساعتها

تم تعديل 19 أغسطس 2009 بواسطة بندق أفندى

[toota]

ساعات الراجل بيبقى لسه متغدي في البيت

و ينزل الشارع و هو ماشي يلاقي محل كبابجي بيشوي حتة نيفه من اللي قلبكم يحبها و الريحه طالعه تفرح القلب الحزين

يقوم واكل تاني

مش بياكل عشان جعان استغفر الله

بس طفاسه و خلاص و عنيه زغللت فمقدرش يقاوم اللحمه bv:-

و الكلام ده ممكن يتكرر تاني مع بتاع الشاورمه اللي على الناصيه

و يتكرر تالت مع بتاع الحواوشي اللي تحت الشغل

و بس

ميقدرش ياكل طفاسه اكتر من اربع مرات :wub:

وهو ده الفرق بين الراجل السمبتيك....ومش بيرمرم بين الوجبات...وخايف على صحته...وبين الراجل الي مقضيها رمرمة....يا راجل ده حتى ضيع طعم اللحمة في بقه wst::

تم تعديل 19 أغسطس 2009 بواسطة toota

[سهل جدا]

ولكننا لو نظرنا بحالات الظلم فسنجد أن سبب الظلم الذي وقع ليس مشروعية تعدد الزوجات، ولكنه سببه الزوج المبتعد عن دين الله تعالى ومنهجه، ومثل هذه الزوج سيظلم سواء عدد أو لم يعدد....

لذلك طالما أن موضوع التعدد أمر إلاهي وان موضوع الزواج يجب أن يتم أصلا بموافقة المرأة فمن حقها الرفض

اذا كانت اغلب النساء لا تقبل

و أغلب الرجال لا يعدل

فهل تعتقدون ان شرع الله وضع لكي يطبق بمفهوم البعض للتعدد من انه زواج من كمية نساء مع بعض و خلاص؟

أم ربما له اهداف أخرى؟

تقصد إيه بأغلب النساء...

النساء المتزوّجات

أم اللاتي حُرمْن من الزواج..

إضاءات:

- الثابت علمياً أن عدد النساء أكثر من عدد الرجال ويوجد في ذلك أكثر من بحث، وهذا ليس في الكائن البشري فقط، وإنما في باقي الكائنات الحية..

(شوف مثلاً أي واحدة بتربّي فراخ.. شوف عندها كم فرخة نتاية وكم ديك)

ويوجد بحث لعالم أمريكي نشر في مجلة ساينس (ستجده على النت), قال فيه أن عدد النساء في أغلب بلدان العالم أكثر من عدد الرجال..

- العمر الافتراضي للرجل يقل عن العمر الافتراضي للمرأة بحوالي 15 سنة وتصل إلى 20 سنة في بعض البلدان.. كما أن الرجال أكثر عرضة للموت والأخطار بسبب الحروب والأعمال الشاقة الخطيرة.. بعكس النساء الذين يعيشون في الغالب مدد أطول..

- الأنثى تتزوج في سن أقل من سن الذكور, وهذا بسبب طبيعة تركيبتها الفسيولوجية, بعكس الذكور الذين لا يتزوجون إلا في سن أكبر من المرأة.. لأنهم محتاجون إلى تكوين مادّيات تعينهم على الزواج ونفقاته.. بخلاف المرأة..

- ليس كل الرجال صالحون للتعدد, وليسوا كلهم قادرون على العدل ومعلوم أنه من لم يتمكن من العدل لا ينبغي له أن يتزوج أكثر من واحدة .. كما أن الرجال الذين يعددون في الغالب لا يتزوجون أربعة ؛ بل أكثر المعددين يكتفون باثنين, والقليل من يزيد على ذلك.

الخلاصة:

الذي يقول أن كل الرجال لا ينبغي لهم أن يتزوجوا إلا امرأة واحدة.. لا يظلم الرجل فقط

وإنما يظلم المرأة نفسها !!!

لأنه سيحرم الكثير منهنّ...

للتذكير:

قال تعالى: {ألا يعلم من خلق وهو اللطيف الخبير }

وقال تعالى: {وما كان لمؤمن ولا مؤمنة إذا قضى الله ورسوله أمرا أن يكون لهم الخيرة من أمرهم}

وقال سبحانه: {إنما كان قول المؤمنين إذا دعوا إلى الله ورسوله ليحكم بينهم أن يقولوا سمعنا وأطعنا}

عنبووو يا حبيبي .. نصيحتي يابني اخلع من الموضوع ده

هاتلاقي ناس بتدعي عليك ومش طايقاك .. زي ما حصل معايا قبل كده في موضوع من المواضيع ...

اللهم بلغت

[أحمد سيف]

الثابت علمياً أن عدد النساء أكثر من عدد الرجال ويوجد في ذلك أكثر من بحث، وهذا ليس في الكائن البشري فقط، وإنما في باقي الكائنات الحية..

(شوف مثلاً أي واحدة بتربّي فراخ.. شوف عندها كم فرخة نتاية وكم ديك)

الموضوع يا عزيزي مش محتاج أبحاث أو خلافه ... كل الحكاية احصائيات السكان المعلنة للجميع

وآدي موقع عشان تطلع بنفسك على الحقائق

http://www.census.gov/ipc/www/idb/worldpopinfo.php

عدد الرجال والنساء في العالم متساوي تقريبا ... وإذا كان هناك فارق فهو في حدود 1% مش أكثر

الوضع الطبيعي أن يكون لكل رجل امرأة واحدة ... وإلا فإن الكثير من الرجال لن يستطيعوا الزواج

هناك حالات خاصة تتسبب في زيادة مؤقتة في أعداد النساء مثل الحروب ... لكن التوازن يعود سريعا ... أعتقد أن تشريع التعدد جاء لمعالجة هذه الحالات الخاصة

تم تعديل 19 أغسطس 2009 بواسطة أحمد سيف

[أحمد سيف]

وعشان ما نقولش إن احنا حالة خاصة غير العالم (كالعاده) جبت لك برضو الإحصائيات الخاصة بمصر

Midyear Population, by Age and Sex for Egypt 2009

Total 78866635

39993727 Male

38872908 Female

Ratio 102.9

يعني بالعربي عدد الرجال في مصر يزيد عن عدد النساء بأكثر من مليون، وهذه الزيادة تتركز في الأعمار الصغيرة (أقل من 35 سنه)

[سهل جدا]

ما احنا سبق وتناقشنا في الموضوع ده يا أستاذ أحمد في موضوعي السابق عن التعدّد

وقلنا إن أي إحصائيات بخصوص نسبة عدد الذكور لنسبة عدد الإناث على مستوى العالم بتكون غير دقيقة..

لسبب بسيط، وهو إنه لا يزال إلى الآن بعض المجتمعات البدائية والبدو.. وغيرهم في دول العالم الثالث لا يسجلون بناتهم في الأوراق الرسمية لعادات جاهلية متخلفة تبالغ في ستر المرأة بطريقة غير شرعية..

عموماً البحث اللي أنا ذكرته بتاع مجلة ساينس أنا قرأته مترجم.. وذكر فيه الدكتور الباحث هذا الكلام الذي قلته لك.. أن نسبة عدد الإناث أكثر قليلاً من نسبة عدد الذكور على مستوى العالم.. سأحاول البحث عليه على النت إن شاء الله..

وبعدين أنا شايف إن حضرتك أغفلت النقاط الأخرى.. مع أنها مهمة جداً.. وحصرت الكلام على نسبة عدد الذكور للإناث فقط

ولم تتعرض لمسألة هامّة مثل أن العمر الافتراضي للرجل أقل من العمر الافتراضي للمرأة

ومسألة تأخر سن زواج الذكور عن الإناث...

دعا نتكلم عن بلدنا الحبيبة مصر..

الفتاة عندنا تصلح للزواج في عمر (22 سنة) تقريباً.. أي بعد انتهائها من الدراسة الجامعية مباشرة.. (وفي بعض القرى تتزوج تحت العشرين كما تعلم)

بينما الذكور في مصر يتزوجون بعد سن الثلاثين.. لأنه بعد ما يخلّص دراسة يحتاج لأن يجمع أموالاً لتجهيز مسكن الزوجية ومصاريف الزواج وما إلى ذلك ...

وهذا الموضوع (أعني: تفاوت العمر في الزواج) لوحده كفيل إنه يحرم عدد كثير من النساء من الزواج..

وربما يتخطّين عمر الثلاثين, فيفوتهنّ قطار الزواج..

بينما الرجل –في الغالب- في مجتمعاتنا يستطيع الزواج في أي وقت..

يعني في كل الأحوال.. المرأة هي المتضرّرة أكثر

إضاءة:

في أكثر أزمان انتشاراً لتعدد الزوجات قديماً..

لم نسمع يوماً أو نقرأ أن شابّاً أراد الزواج فلم يجد عروسة بسبب كثرة التعدد!!

دمت بزوجة واحدة

قصدي دمت بود