الزوجه الثانيه بس بشروط

[عنبو]

المهندس احمد سيف كل سنه وانت طيب

بص يابشمهندس الاحصائيه دى كده متنفعش ليه ؟؟

هقولك ليه لان ممكن تيجى تقول ليا انا عدد النساء اللى فى مصر اقل من عدد الرجال هقول ماشى لكن نيجى نوضح اكتر يعنى ايه ؟؟

لنفرض انا عدد النساء اللى فى مصر مثلا 10 مليون وعدد الرجال 15 مليون تعالى بقى نقسمهم

هنقول مثلاً ان عدد النساء اللى هم فوق سن ال 40 سنه 2 مليون وعدد النساء اللى فوق 20 سنه وقبل سن 40 سنه 6 مليون وعدد النساء الى لسه فى سن الطفوله كام 2 مليون

نيجى بقى للرجاله

عدد الرجاله اللى فوق ال 40 سنه كام هنقول 6 مليون وعدد الرجال اللى فوق سن ال 20 سنه وقبل الاربعين 4 مليون وعدد الرجاله الاطفال كام 5 مليون

كده لو نظرت للموضوع هتلاقى النساء اللى صالحه للزواج والرجاله اللى صالحه للزواج هيبقوا كام 6 مليون واحده الى 4 مليون واحد

يارب تكون وجهة نظرى وضحت علشان كده موضوع الاحصائيات دى صعب يتاخد بيه فى الكلام اللى احنا بنقول عليه وناهيك كمان عن كون الموضوع عرض وطلب وطبعاً حضرتك اكيد تعرف مشكلة العنوسه فى مصر وياريت حضرتك تجيب احصائيه تقولنا فيها كام واحده عانس فى مصر وتجيب احصائيه عن اذا كانت العانس دى تقبل تتجوز واحد متجوز ولا لا ؟؟

على فكره فيه كتاب بس هشوف الرابط بتاعه واجيبه اسمه رساله من عانس يارب الاقيه وتشوف الكلام اللى فيه على لسان العوانس

وعلى فكره ده رايى الشخصى فى التعدد للمره التانيه

اولاً وقبل كل شىء عاوز اوضح موقفى من موضوع التعدد

انا طبعا مش ناوى اعدد بس طبعاً مش علشان حاجه فى التعدد لا دى علشان انا مبحبش وجع الدماغ وكفايه عليا بيت واحد ووجع دماغ واحد

لكن طبعاً التعدد فهو سنه واذا قدرت اعمله هعمله بس طبعاً برضى جميع الاطراف واول طرف انا طبعاً لانى انا اللى هشيل المسؤليه وطبعاً مراتى فى المستقبل ان شاء الله

[أحمد سيف]

كل سنه وانت طيب يا محمد باشا

شوف يا سيدي أنا هريحك وأجيبلك الإحصائيات بدل ما ندخل في لعبة التخمينات

عدد الشباب المصري بين سن 30 و 35 هو 3,100,054

عدد البنات المصريات بين سن 25 و 30 هو 3,618,836

أعتقد هوا ده السن الطبيعي للزواج في مصر ... طبعا فيه شباب وبنات بيتجوزوا قبل أو بعد كده لكن احنا بنتكلم على المتوسط

معنى كده إن الفرق مش كبير زي ما كثير من الناس متصورة ... الأرقام بتقول إن فيه 500 ألف بنت يا إما هيتأخروا في الجواز أو هيضطروا لقبول وضع الزوجة الثانية

دي نسبة صغيرة في بلد عدد سكانها 80 مليون تقريبا ... لذلك يبقى التعدد هو الاستثناء والزوجة الواحدة هو الأصل

طبعا ممكن نشكك في الإحصائيات عشان نثبت وجهة نظرنا لكن تبقى الحقيقة واضحة للجميع ... طالما أن عدد المواليد للجنسين متقارب ولا نمرّظروف استثنائية زي الحروب أو الأوبئة زي ما كان بيحصل زمااااااااااااااااااان (واخذ بالك يا عم سهل جدا) ... يبقى الطبيعي أن كل شاب نصيبه زوجة واحدة في المتوسط

[سهل جدا]

كل سنه وانت طيب يا محمد باشا

شوف يا سيدي أنا هريحك وأجيبلك الإحصائيات بدل ما ندخل في لعبة التخمينات

عدد الشباب المصري بين سن 30 و 35 هو 3,100,054

عدد البنات المصريات بين سن 25 و 30 هو 3,618,836

معنى كده إن الفرق مش كبير زي ما كثير من الناس متصورة ... الأرقام بتقول إن فيه 500 ألف بنت يا إما هيتأخروا في الجواز أو هيضطروا لقبول وضع الزوجة الثانية

ياااااااه

متشكرين أوي يا باشمهندس أحمد سيف (هو انت دكتور ولا مهندس ولا إيه بالظبط)

حضرتك وفّرت علينا وقت كبييير جداً

شوف سعادتك..

دلوقتي انت أقرّيت إنه لو كل راجل تزوج واحدة بس, هايكون عندنا نص مليون فتاة ستُحرم من الزواج الحلال..

أضف إلى ذلك هذه النقاط:

1-الشباب اللي حضرتك ذكرتهم في الشريحة العمرية دول مش كلّهم جاهزين للزواج، في منهم غير المقتدر مادّياً، أو صحّياً, وفيه منهم اللي مأجّل شوية موضوع الزواج لظروف ما، وفيه منهم والعياذ بالله اللي مقضيها عربدة وزنا.

2-وفي المقابل الفتيات اللي في الشريحة العمرية اللي حضرتك ذكرتا كلّهنّ –في الغالب- جاهزات للزواج فوراً..

3-لما يحدث طلاق (ودي نسبتها كبيرة حالياً للأسف) الراجل المُطلّق بيفضّل الزواج من فتاة بكر لم يسبق لها الزواج.. وبيلاقي بدل الواحدة ألف (لأن سوق الزواج نايم زي ما أنت عارف)

بينما المرأة المطلقة.. بصعوبة تجد زوج..

4-عدد الأرامل من النساء أكثر منهنّ في الرجال.. لأن زي ما قولتلك إن العمر الافتراضي للرجل علميّاً أقلّ من العمر الافتراضي للنساء..

انظر لهذه الملاحظات كلها مع إحصائية حضرتك.. هاتلاقي إنه ثقافة التعدّد لو ما رجعتش فوراً.. نساء كثير هايتحرموا من الزواج...

شوفت بقى .. يعني احنا لمّا نقول إن التعدد في صالح المرأة قبل الراجل ما غلطناش..

ولمّا واحد زيي يقول إنه عاوز يتجوّز أربعة..

يبقى كثّر خيري

لأ ني هاحل مشكلة 3 نساء أخريات غير حرمنا المصون (مدام سهلة جدا)

وأهو كله عشان مصر..

يبقى ليه الهجوم عليّ بقى...

على رأي المثل.. اعمل خير .. شراً تلقى :wub:

[عنبو]

كل سنه وانت طيب يا محمد باشا

شوف يا سيدي أنا هريحك وأجيبلك الإحصائيات بدل ما ندخل في لعبة التخمينات

عدد الشباب المصري بين سن 30 و 35 هو 3,100,054

عدد البنات المصريات بين سن 25 و 30 هو 3,618,836

أعتقد هوا ده السن الطبيعي للزواج في مصر ... طبعا فيه شباب وبنات بيتجوزوا قبل أو بعد كده لكن احنا بنتكلم على المتوسط

معنى كده إن الفرق مش كبير زي ما كثير من الناس متصورة ... الأرقام بتقول إن فيه 500 ألف بنت يا إما هيتأخروا في الجواز أو هيضطروا لقبول وضع الزوجة الثانية

دي نسبة صغيرة في بلد عدد سكانها 80 مليون تقريبا ... لذلك يبقى التعدد هو الاستثناء والزوجة الواحدة هو الأصل

طبعا ممكن نشكك في الإحصائيات عشان نثبت وجهة نظرنا لكن تبقى الحقيقة واضحة للجميع ... طالما أن عدد المواليد للجنسين متقارب ولا نمرّظروف استثنائية زي الحروب أو الأوبئة زي ما كان بيحصل زمااااااااااااااااااان (واخذ بالك يا عم سهل جدا) ... يبقى الطبيعي أن كل شاب نصيبه زوجة واحدة في المتوسط

كلام حضرتك تمام التمام طيب انت بتقول ان فيه 500 الف واحده بس هم اللى هيتاخروا فى الزواج او هيضطروا قبول وضع الزوجه الثانيه ماشى ده كلام علمى ميه الميه

طيب تعالى بقى على ارض الواقع تخيل بقى ان فى مصر 3.5 مليون فتاه عانس فوق سن 35 سنه طبعاً ده رقم مخيف واجمع بقى الرقم ده على الرقم اللى حاضرتك واضعه اللى هو عدد الاناث من سن 25 الى سن 35 تلاقى كام تقريباً 7 مليون الى كام 3 مليون شاب شوف بقى كام واحد من الشباب دول عاوز اساساً يتزوج وشوف منهم كام واحد يقدر يتجوز ومعاه تكاليف الزواج

طبعاً هتلاقى النسبه 7 مليون أنسه الى 2.5 مليون واحد ده لو افترضنا ان بس نص مليون من الشباب ده هو اللى مش قادر يتزوج لكن طبعاً الوضع الاقتصادى بتاع البلد بيقول العكس بيقول ان نص مليون بس هو اللى قادر يتزوج والباقى اساساً مش ناوى يتزوج لانه يدوب بيجب اكله وشربه بالعافيه

وشكراً

[بندق أفندى]

طيب فين الكواليتى؟ لما دى الكوانتتى؟

بمعنى كم رجل يستطيع تحمل مسئولية الزواج أصلا؟

[عنبو]

طيب فين الكواليتى؟ لما دى الكوانتتى؟

بمعنى كم رجل يستطيع تحمل مسئولية الزواج أصلا؟

مهو احنا اقولنا 500 الف ياعم بندق ولا انت رأيك ايه ؟؟

[الباشمهندس ياسر]

طيب فين الكواليتى؟ لما دى الكوانتتى؟

بمعنى كم رجل يستطيع تحمل مسئولية الزواج أصلا؟

عايز اقولك ان المداخلة دى من اروع ما قرأت فى هذا الموضوع

بصراحة

كلمتين ف الجون ... بس مين يقرأ

[doha]

سيبكم انتم الموضوع كله مفيهوش غير مداخله عم بندق الي وقفت قدامها ييجي ساعه ..

هو عارفها اكيد المداخله ام برواز بقصة قديمه تحت ..

لي عوده للتعليق ويمكن احطها في موضوع مستقل وفي الحاله دي ياريت يابندق افندي لو لقيتني نزلت موضوع بهذا الخصوص تعرف انك انت المقصود فخلي ودنك معايا ..

نرجع لموضوعنا بتاع الزوجه التانيه ..

لي تعليق بسيط على الي بيقول ان الستات اكتر ..

ايام لما ولدت بنتي كان كل الي اعرفهم في ذلك الوقت والدين بنات زيي .. عكس ايام ابني الله يرحمنا جميعا برحمته كان كل الحوامل الي ولدوا في الفترة بتاعتي جايبين اولاد ذكور ..

المهم ايام بنتي بقى دخلتها الحضانة وكنت بروح لها المستشفى وتعرفت على الممرضات هناك .. فمرة بتكلم مع ممرضة فيهم فدخلنا في حته ان البنات كترت اوي وان الكل مخلف بنات فهي ايدتني في المعلومه دي وبرضه قعدت تقول مهو عشان القيامه قربت ومش عارف ايه .. احنا كنا ساعتها في الحضانة وفيها ركن بيدخلوا فيه المواليد اول مايتولدوا عشان يجروا لهم بعض الفحوصات قبل مايسلموهم لاهلهم فكان في دفتر بيتسجل فيه كل المواليد .. المهم قلت لها طيب تيجي نتأكد افتحي كده الدفتر عشوائي على اي اسبوع ونشوف ..

فعلا فتحت الدفتر على الاسبوع الي انا ولدت فيه الي كان كله بنات المفروض ..

لقينا ماشاء الله 15 بنت مولودين في مقابل ماشاء الله 19 ولد ..

اذا النظرية كانت خاطئة فعلا على مايبدوا واحنا عشان حاطين في ذهننا ان البنات اكتر فمصدقين بينما الطبيعي انهم قد بعض .. ايوه في اوقات بتزيد فيها البنات بس بترجع اوقات بعدها بيحصل العكس وزي ماتلاقي اسره فيها بالخمس بنات برضه بتلاقي اسره تانيه مخلفة خمس اولاد .. نسبة وتناسب وربنا سبحانه وتعالى متكفل بحفظ النظام الطبيعي والتوازن مابين عدد الذكور وعدد الاناث .

[عنبو]

السلام عليكم ورحمة الله وبركاته

انا حبيت اقول كلمتين فى الاخر كده

فيه فرق بين كونك مش عاوزز تعدد علشان متجرحش مراتك وعيالك لكن فى نفس الوقت مقتنع ان التعدد ده شرع ربنا وصح ومش بتنكر على اللى بيعمل كده

وفيه فرق بين كونك بتقول ان التعدد ده غلط وبتجرم اى واحد بيعدد

تقبلوا تحياتى

الحاج محمد الروش وادعو ليا اصل انا ماشى فى موضوع خطوبه واوعى حد يجيب سيرتى فى التحقيق

[أحمد سيف]

ربنا يخليك لمصر يا حاج سهل جدا ... على فكره أنا لا دكتور ولا باشمهندس ولا حاجه ... ناديني بس بإسمي الأول (أحمد)

[عبير يونس]

السلام عليكم ورحمة الله وبركاته

انا حبيت اقول كلمتين فى الاخر كده

فيه فرق بين كونك مش عاوزز تعدد علشان متجرحش مراتك وعيالك لكن فى نفس الوقت مقتنع ان التعدد ده شرع ربنا وصح ومش بتنكر على اللى بيعمل كده

وفيه فرق بين كونك بتقول ان التعدد ده غلط وبتجرم اى واحد بيعدد

الله ينور عليك يافندم

هوة ده الكلام الصح

انت لخصت الموضوع في كلمتين

تقبلوا تحياتى

الحاج محمد الروش وادعو ليا اصل انا ماشى فى موضوع خطوبه واوعى حد يجيب سيرتى فى التحقيق

ربنا يوفقك يارب و يتمم لك بخير و نفرح بيك عن قريب

آمين

[فتافيت]

السلام عليكم انا بق عايزة اعرف اية اللي حصل بعد كدة وكمان الاخوة العضاء اللي بيردوا عن لسان الزوجات فين الزوجات انا مش شايفة حد رد عليهم جاااااااااااااااااااااااااااااااااااامد :lol: :P :yahoo: :yahoo:

تنا بق عايزة اقولكم ان الست دي اكيد ليها راي مخالف عنننا وياريت اللي فتح الموضوع يرحع لنا ويقول لنا اية اللي حصل عشان نعرف نرد مضبوط :roseo

كل سنة وانت طيب يا باش مهندس ياسر p: :blink:

[سهل جدا]

سبحان الله ..

خبر لسة قارئه انهاردة طازة ...

دبي- العربية.نت

قوميون روس يدعون لـ"تعدد الزوجات" بسبب تناقص السكان

تجدد النقاش أخيراً، في روسيا حول فكرة السماح بتعدد الزوجات لمواجهة الأزمة الديموغرافية الحادة، ولتخفيف آثار مشكلات اجتماعية، أبرزها الانتشار المتزايد لظاهرة الأطفال "غير الشرعيين".

واللافت أن معسكر مؤيدي تعدد الزوجات بات خلال السنوات الأخيرة، يضم سياسيين بارزين معروفين بتوجهاتهم القومية الروسية، بينهم نائب رئيس البرلمان فلاديمير جيرينوفسكي الذي طالب بوضع صياغة قانونية لتعدد الزوجات، وذلك وفقا لما ذكرت صحيفة "الحياة" اللندنية.

وكان جيرينوفسكي اقترح في 2002 مشروع قانون لمناقشته في مجلس الدوما، يسمح للرجل بالزواج من أربع نساء، شرط أن تعطي كل منهن موافقتها على أن يقترن زوجها بغيرها، لكن الاقتراح قوبل حينها بعاصفة داخل البرلمان وتم رفضه بغالبية الأصوات.

وبرر جيرينوفـسكي، الـذي لم يـخف نيته الاقـتـران "بـزوجة ثـانية وربما ثـالثة"، موقفه بضرورة وضع آليات قانونية لمواجهة التدهور الديموغرافي الخطر في البلاد.

وأشار إلى أن نحو 300 ألف طفل غير شرعي يولدون سنوياً في روسيا، وإلى أن عدد النساء يزيد عن عدد الرجال بعشرة ملايين نسمة، ما يعني أن تعدد الزوجات "أمر ضروري ليس في الشيشان أو القوقاز فقط بل في كل روسيا".

ويتفق مفوض حقوق الإنسان في الشيشان نوردي نوخاجييف مع جيرينوفسكي، إذ عبّر عن ثقته بأن السماح بتعدد الزوجات سيساهم في حل مشاكل ديموغرافية وإنسانية وأخلاقية وروحية، ليس في المجتمع الشيشاني فحسب، وإنما في روسيا عموماً.

ومعلوم أن روسيا تفقد سنوياً نحو 800 ألف نسمة، بينما فشلت محاولات السلطات المختصة في مواجهة الخطر الداهم والتقليل من آثاره الكارثية حتى الآن.

في المقابل، جاء موقف نائبة أخرى لرئيس البرلمان الروسي، وهي لوبوف سيلسكا، حاداً في مواجهة مؤيدي الفكرة، فقد قالت: «لماذا يتحدثون عن تعدد الزوجات فقط، طالما في روسيا مساواة في الحقوق يجب أن نسمح بتعدد الأزواج أيضاً؟».

اللافت أن بعض معارضي الفكرة لجأوا إلى ابتكار حل يقسم المجتمع إلى قسمين «أحدهما شرقي له عاداته ولا بأس باحترامها، والآخر لن تجد الفكرة قبولاً لديه».

وأشار رئيس لجنة العلاقات بين القوميات في المجلس الاجتماعي، نيكولاي سفانيدزه إلى ان «المرأة الشرقية قد لا تعارض وضعها كزوجة ثانية أو ثالثة، فإذا كان الأمر ينسجم مع ثقافتها فنحن لا نملك الحق بأن نمنعها من ذلك».

أما طاهر ساماتوف، ممثل الإدارة الدينية المركزية للمسلمين، فكان رأيه أكثر وضوحاً، عندما أشار إلى أن تعدد الزوجات «قد يساعد في حل المشكلة الديموغرافية في روسيا، لكن الشعب لن يتقبل هذا التطور»، مقترحاً أن يُسمح بتعدد الزوجات للمسلمين فقط.

أما مسؤول الإدارة الدينية لمسلمي نيجني نوفغرد، دامر محي الدينوف، فأعلن معارضة قوية للفـكـرة، مــشيراً إلـى الأوضـاع المعـيشـيـة القاسـية.

واستند إلى تقديرات تشير إلى أن نحو 27 في المئة من مواطني روسيا يعيشون تحت خط الفقر، ليطرح السؤال: «كم يبلغ عدد الرجال القادرين على تلبية احتياجات أكثر من أسرة وتوفير حياة كريمة لأربع زوجات أو لزوجتين حتى؟ وهل سيكون هؤلاء قادرين على منح أطفالهم المستوى المطلوب من الرعاية والتعليم؟».

ومع احتدام النقاش حول الموضوع بدأ قانونيون روس في البحث عن منافذ في القانون الأساسي تفتح هوامش لأنصار الفكرة، وبحسب بعضهم، فإن قانون الأحوال المدنية، على رغم أنه لا يتيح تعدد الزوجات، لا يعاقب، في الوقت ذاته، من يرتكب هذه «المخالفة». وبذلك، فإن الزواج الثاني أو ما يليه يُعتبر لاغياً بحكم القانون، لكن القانون ذاته لا يتطرق إلى «الزواج المدني».

رابط الخبر: http://www.alarabiya.net/articles/2009/08/21/82454.html

يقول تعالى: {ألا يعلم من خلق وهو اللطيف الخبير}

تم تعديل 21 أغسطس 2009 بواسطة سهل جدا

[روبي]

السلام عليكم انا بق عايزة اعرف اية اللي حصل بعد كدة وكمان الاخوة العضاء اللي بيردوا عن لسان الزوجات فين الزوجات انا مش شايفة حد رد عليهم جاااااااااااااااااااااااااااااااااااامد :wub: :wub: :blush2: :blush2:

تنا بق عايزة اقولكم ان الست دي اكيد ليها راي مخالف عنننا وياريت اللي فتح الموضوع يرحع لنا ويقول لنا اية اللي حصل عشان نعرف نرد مضبوط :roseo

كل سنة وانت طيب يا باش مهندس ياسر p: :lol:

اهلا أختنافتافيت ان شاء الله يارب دوما بخير و كل سنة و انت طيبة

بالنسبة لي حصل الاخ صاحب الموضوع قال انه الاخ الصغير تزوج الارملة و العيشة فل :rolleyes:

بالنسبة لرد الزوجات انا جبت راي امي و بالرغم اني لست متزوجة فانا مع التعدد

كمان انتظري اخوات لنا في الله متزوجات نحسبهم على خير سيأتين برأيهن فقط الان هن منشغلات

و دمت بخير و اسعدكم الله جميعا في الدارين

[MZohairy]

سبحان الله ..

خبر لسة قارئه انهاردة طازة ...

دبي- العربية.نت

قوميون روس يدعون لـ"تعدد الزوجات" بسبب تناقص السكان

:rolleyes:

بقيت تاخد برأي القوميين الروس الكفره يا سهل و تستدل بيهم؟؟

[سهل جدا]

سبحان الله ..

خبر لسة قارئه انهاردة طازة ...

دبي- العربية.نت

قوميون روس يدعون لـ"تعدد الزوجات" بسبب تناقص السكان

:rolleyes:

بقيت تاخد برأي القوميين الروس الكفره يا سهل و تستدل بيهم؟؟

أنا جيبت كلامهم من باب ((والحق ما شهدت به الأعداء))

وليس من باب إني أتبعهم..

ونقلي لكلامهم فيه رسالة لبعض إخواننا اللي بيشككوا في أهمية تشريع التعدد..

وإنه حل لكثير من المشكلات ..

[MZohairy]

سبحان الله ..

خبر لسة قارئه انهاردة طازة ...

دبي- العربية.نت

قوميون روس يدعون لـ"تعدد الزوجات" بسبب تناقص السكان

:blush2:

بقيت تاخد برأي القوميين الروس الكفره يا سهل و تستدل بيهم؟؟

أنا جيبت كلامهم من باب ((والحق ما شهدت به الأعداء))

وليس من باب إني أتبعهم..

ونقلي لكلامهم فيه رسالة لبعض إخواننا اللي بيشككوا في أهمية تشريع التعدد..

وإنه حل لكثير من المشكلات ..

عموما انت كده بتعمل زيي يا سهل او انا بعمل زيك :rolleyes:

بستشهد بالرأي اللي بشوفه صح ايا كان قائله

و برفض الرأي اللي بشوفه غلط ايا كان قائله

معنديش تقديس لرأي انسان مهما كان مشهورا

رمضان كريم

[rar]

xxxxxxxxxxxxxxxxxxxxxxxxxxxxx

لا بجد... الروس دول انا مش فاهمهم خالص... يعني خايف علي التعداد، طب ما تعمل زي اليابان و ألمانيا، اللي بدأوا يفتحوا طرق للهجرة الشرعية... يعني ما اللي متجوز واحدة بس ومش راضي يخلف عيال... هيتجوز واحدة تانية و برضه يرفض يخلف منها... ايه اللي اختلف؟

و لو عندهم سيدات مش لاقيين أزواج... احنا عندنا ملايين الأزواج اللي جاهزين لدرجة التحرش!!

تم تعديل 24 أغسطس 2009 بواسطة Scorpion
مخالفة القاعدة رقم ١ من قواعد الكتابة في المحاورات

[doha]

xxxxxxxxxxxxxxxxxxxxx

لا بجد... الروس دول انا مش فاهمهم خالص... يعني خايف علي التعداد، طب ما تعمل زي اليابان و ألمانيا، اللي بدأوا يفتحوا طرق للهجرة الشرعية... يعني ما اللي متجوز واحدة بس ومش راضي يخلف عيال... هيتجوز واحدة تانية و برضه يرفض يخلف منها... ايه اللي اختلف؟

و لو عندهم سيدات مش لاقيين أزواج... احنا عندنا ملايين الأزواج اللي جاهزين لدرجة التحرش!!

لاه الكلام ده مكانه مش هنا .. ده يبقى مناسب اكتر لو تكتبه في منتدى روسي عشان تقول للروس ان حل مشكلتهم في تناقص السكان يمكن متكونش في التعدد وساعتها يمكن ياخذوا بيه ..

ان كان التعدد مش هيحل مشكلة التناقص فمش معنى كده انه مش حل او انه باطل ..

معليش ياعم رار .. احنا هنا بعكس مايمكن تصورت مش بنناقش مشروعية التعدد او الحكمه من وجوده لاننا مش محتاجين ذلك .. كفاه ان ربنا اباحة لنا ليكون ده اذن مرور له لحياتنا الواقعيه بغض النظر وافقنا عليه او لم نوافق حل لنا مشاكلنا او لم يحل .

احنا مثلا متغربين وغربتنا دي ( جايه على دماغنا ) ومع ذلك ساكتين بل وحامدين كمان لانها وبرغم الالم النفسي الي بتسببه لنا احيانا وبرغم انها ضرتنا في بعض الامور الا انها حلت لنا مشكلة او مشاكل أكبر وسهلت لنا امور اخرى شفنا انها اهم ..

كان يبقى الوضع ايه لو صحينا الصبح لقينا قرار طلع بمنع تغرب المصريين نهائيا وكله لازم يرجع هل الحجة وقتها من ان الغربة لها سلبيات وان اسر الناس المتغربة دي في مصر متضرره وان لازم نراعي مصالحهم عشان كده هنمنع الغربه دي خالص ونضطهد اي حد يفكر حتى مجرد تفكير يطلع برا داره عشان مينقلش مقداره؟

ساعات المر وعلى مرارته بيكون هو الحل وبيكون التصريح باستخدامه هو طوق النجاة الوحيد في بعض الاحيان ..

اهو كذلك التعدد احنا ( خاصة الجنس الخشن الي بنتمي اليه ) بنرفض التعدد شكلا ومضمونا بل حتى مجرد التناقش فيه ..وعلى العكس عند الطرف الآخر ( ابو شنب ) تلاقيه عمال يعدد في مزايا التعدد ويسيل لعاب البعض احيانا لمجرد مرور خاطرة الزواج الثاني في خياله او ضمن اي حديث يكون طرفا فيه .. الرفض من النساء والتاييد من الرجال هو الموقف الرسمي للغالبية منهم .. طبعا ده لما نكون بنتكلم وبنتناقش او على قولة اخوانا العرب ( بنطق حنك ) ..

لكن وقت الجد لما حد مننا سواء راجل او ست ينحط في موقف فعلي تكون احد حلوله او بدائله هو التعدد ساعتها مضمنش ان الكل يبقى على موقفه ورايه ايا كان موقعه ..

يعني اكيد لو وحده زوجها قالها عاوز اتجوز عليك لاي سبب مش هتوافق بس نفس الوحده دي لو عندها بنت والبنت تعدت السن القانوني بدون جواز واوشكت على الاربعين مثلا وتقدم لها واحد متزوج وحده تانيه وطالبها في الحلال .. تفتكروا الام هيفضل رايها هو نفسه وان الفريك مبيحبش شريك ... ولا هتبقى من أنصار البامية متتاكلش قرديحي من غير لحمه؟

ونفس الشيء تفتكروا الراجل الي قال هعدد ده وخلاص عجباه اوي زميلته الارمله في الشغل وعاوز يعفها ويكسب فيها ثواب لو اكتشف ان له قريبه مات جوزها من كام سنة وسايب لها عيلين والست ملهاش اي طلبات الهم الا انها سمرة وقصيره شويه .. وطخينة .يلله ان شاله ماحد حوش ..

تفتكروا الراجل ده ساعتها هيفكر يكسب فيها الثواب الي كان ناوي يخليه لزميلته خاصه والاقربون اولى بالمعروف ؟

بل ولنفرض ان واحد قرر يتجوز ولقي وحده آية في الجمال والادب والاخلاق وصغيره وكل ماتشتهيه الانفس موجود فيها .. تفتكروا ساعه الجد هيقدر انه يروح يخطب تاني ويتجوز تاني ويفتح بيت تاااني ومسوليات تاني تاني وكل الهم الي شافه في الجواز الاولاني يرجع يعيده من الاول تاني ؟

الكلام سهل بس المهم التطبيق ,الي مهما كان معيب فهذا لايعني خطأ النظرية او الرخصة الي كما احيانا قد يساء استخدامها فأحيانا مبيكونش في غيرها حل ..

تم تعديل 24 أغسطس 2009 بواسطة Scorpion
حذف أصل الأقتباس

[سهل جدا]

عموما انت كده بتعمل زيي يا سهل او انا بعمل زيك :rolleyes:

بستشهد بالرأي اللي بشوفه صح ايا كان قائله

و برفض الرأي اللي بشوفه غلط ايا كان قائله

معنديش تقديس لرأي انسان مهما كان مشهورا

رمضان كريم

لا يا أستاذ زهيري ما تخلطش الأمور ببعض الله يباركلك

أنا طريقتي غير طريقتك خالص

أنا بخلّي عقلي تابع للشرع

وليس الشرع هو اللي تابع لعقلي..

وبحاول أطبق حديث رسول الله صلى الله عليه وسلم القائل:

((لا يؤمن أحدكم حتى يكون هواه تبعاً لما جئت به))

وليس .. ما جئت به تبعاً لهواه..

وبالنسبة لكلام روسيا فزي ما قولتلك أنا استشهدت بكلامهم من باب .. ((وشهد شاهد من أهلها))

ما تاخدنيش في دوكة الله يخليك يا حبيبي

رمضان كريم..

و لو عندهم سيدات مش لاقيين أزواج... احنا عندنا ملايين الأزواج اللي جاهزين لدرجة التحرش!!

ما هي هي يا عم رار

لمّا احنا نصدّر لهم عرسان رجّالة.. هايكون عندنا في مصر عجز في الرجال

حاجة كدة عاملة زي نظرية الأواني المستطرقة.. أكيد تعرفها .. :blush2:

على فكرة يا أستاذ رار

الدين المسيحي كان فيه تشريع تعدد الزوجات..

لكن في القرن الثامن على ما أذكر منعته الكنيسة لأسباب لا أعلمها..

أنا بقولك كده عشان ما تفتكرش إن احنا عندنا تعدد وانتو لأاا :blush2: