اذهب إلى المحتوى
محاورات المصريين

تحذير للقادمين الى المملكة وحاملين معهم ادوية

Alrefaey

بواسطة Alrefaey
في القوانين والقضايا

 مشاركة

Recommended Posts

Alrefaey عضو جديد

Alrefaey

بتاريخ:
بتاريخ:

عمل فى المملكة لمدة سنتين ونزل الى مصر حالما بالاجازة السنوية وما سوف ينجزة من خطوة هامة فى حياته من خطوبه وترخيص محل كى يفتحة صيدلية فيما بعد قضى اجازته واثناء عودته من الاجازة الى المملكة قصدة احد اصدقائة لحمل بعض الادوية لوالدته الموجودة داخل المملكة فى زيارة لأبنها وطبقا لرواية الصيدلى انه كان لا يعلم ماهى اسماء تلك الادوية ,

فجرت العادة للكثير من المصريين حمل بعض الادوية من مصر الى المملكة اما لعدم توفرها هنا او لرخص ثمنها واثناء دخوله استخرج الظابط بعض الادوية الموجودة ووجد فى وسط الادوية دواء ليبراكس ودواء زولام ,

دواء ليبراكس هودواء مهدىء للقولون ولكنة ممنوع بيعه هنا فى المملكة دون وصفة طبية لانها داخل جدول المخدرات ودواء زولام هو دواء مهدىء ومنوم ايضا وداخل الجدول فى مصر ولكنه لايوجد فى المملكة ,

حصلت مشادة بين الظابط وبين الصيدلى حيث قال الصيدلى بأنه مبدئيا لايعلم انه زولام او ليبراكس او حتى كونى اعلم وهذا على لسانة ماهى المشكله دول 10 علب ليبراكس و2 علبة زولام لوالدة صديق لى

نهاية المشادة محضر وقضية اتجار بالمخدرات وهو الان فى احدى سجون الرياض من شهر تقريبا

قام اهله ببيع كل مايمتلكون كى يوكلوا احد المحامين السعودين للدفاع عنه بعد فشل المحامين المصرين والسفارة للتوصل الى حل وهذا على حد قولهم

493275s8wrn8jsb5.gif

"‏{‏‏وَمَن يَتَّقِ اللَّهَ يَجْعَل لَّهُ مَخْرَجًا وَيَرْزُقْهُ مِنْ حَيْثُ لَا يَحْتَسِبُ وَمَن يَتَوَكَّلْ عَلَى اللَّهِ فَهُوَ حَسْبُهُ إِنَّ اللَّهَ بَالِغُ أَمْرِهِ قَدْ جَعَلَ اللَّهُ لِكُلِّ شَيْءٍ قَدْرًا‏} "

رابط هذا التعليق
شارك
Scorpion عضو جديد

Scorpion

بتاريخ:
بتاريخ:

اشعر بالشفقة علي هذا الصيدلي و في نفس الوقت أحمله مسئولية استخفافه بما قام به ....

أولآ هو صيدلي بالمملكة اذن يعلم تمامآ القوانين التي تنظم بيع الأدوية هناك .. و ما هي الأدوية التي تحتاج الي روشتة .. و ما هي الممنوعة ...

لا يستطيع ان يقول انه لا يعلم اسماء الأدوية التي يحملها ....

لا يستطيع ان يحمل 10 علب من دواء تم تصنيفه كمخدرات فقط ك "جميل" لصديقه ...

لا يستطيع ان يقاوح مع ظابط يقوم بأداء واجبه و تطبيق قوانين بلده بل و الدخول في مشادة معه ...

لقد أخطأ خطأً جسيمآ من أول لحظة .. لحظة موافقته علي نقل أدوية لا يعلم محتواها و هو صيدلي .. الي لحظة خلافه مع الظابط ...

التحذير الذي اشارك الفاضل Alrefaey فيه ... هو تحذير كل من يريد أن يخدم احدآ من أهله أو من أصدقائه خدمة مماثلة .. الحذر كل الحذر مما يقوم بتوصيله ... فبكل الثقة و الصداقة التي تجمعه مع من يريد أن يخدمه .. لا يجب ان يشعر بالحرج في ان يقوم بفحص "الأمانة " بجميع مكوناتها قبل أن يوافق علي نقلها .. فهي في النهاية ستكون مسئوليته .. و القربة المخرومة التي سيضعها فوق رأسه ...

كل اللي حيلتي زمزمية أمل... و إزاي تكفيني لباب القبر


"صلاح جاهين"


رابط هذا التعليق
شارك
mandoo عضو جديد

mandoo

بتاريخ:
بتاريخ:

السؤال ... ماهو موقف صديقة ؟ ماذا فعل له من أجل الخدمة الكبيرة التى لم تنجز ؟ واين أم صديقة ؟

أعتقد أن هذا الصيدلى إما أنه ساذج أو أنه يعلم علم اليقين مايحمله من أدوية . وفى النهاية القانون لايحمى .........

ربنا يتولاه برحمته لأن مشكلته كبيرة وسيتم تطبيق القانون بحقه ويستبعد من البلد مع وضعه فى القائمة السوداء ...

رابط هذا التعليق
شارك
Alrefaey عضو جديد

Alrefaey

بتاريخ:
  • كاتب الموضوع
بتاريخ:

اشعر بالشفقة علي هذا الصيدلي و في نفس الوقت أحمله مسئولية استخفافه بما قام به ....

"استخفافه" نعم هذا ماشعرت به ,العقل لايتقبل ان يحمل صيدلى دواء لا يعرفه او يعرف مكوناته لكن اغلب الظن انه جرت العاده لنا كمصريين وبالذات زملائى الصيادلة التعامل مع الادويه حتى لوكانت مخدرة بشكل فيه نوع من التهاون نوعا ما ,فجد شاهدت الكثير من الزملاء يحملون ادوية تصنف على انها مخدرة مثل الترامادول او ليبراكس او حتى زانكس الى معارف لهم داخل المملكة غير مبالين قوانين وانظمة ,

لكن كى اوضح الامر بخصوص هذه الحالة تحديدا بشأن دواء ليبراكس هو دواء كان فى الاول اوفركاونتر لكن حصل سوء استخدام له فدخل جدول المخدارت وتم حظرة .

الفاضل مندو

ليت الحكم يقتصر على ترحيل الصيدلى وقائمة سوداء هذا اقصى طموح لنا الخوف من الحكم عليه بعقوبة اتجار مخدرات وهذا هو الواضح حتى الان

493275s8wrn8jsb5.gif

"‏{‏‏وَمَن يَتَّقِ اللَّهَ يَجْعَل لَّهُ مَخْرَجًا وَيَرْزُقْهُ مِنْ حَيْثُ لَا يَحْتَسِبُ وَمَن يَتَوَكَّلْ عَلَى اللَّهِ فَهُوَ حَسْبُهُ إِنَّ اللَّهَ بَالِغُ أَمْرِهِ قَدْ جَعَلَ اللَّهُ لِكُلِّ شَيْءٍ قَدْرًا‏} "

رابط هذا التعليق
شارك
enjisultan عضو جديد

enjisultan

بتاريخ:
بتاريخ:

على فكرة الموقف دا بالضبط كان هيحصل مع عمى

حد قصدهم يا خدوا ادوية معاهم لحد معرفة فى مكة

وهما طالعين عمرة وكلنا متجمعين عندهم

وعمى قام قالى تعالى شوفى دى ادوية اية بالضبط

بابص........ لاقيت زولام وترامادول بالهبل صراحة اكيد كان هيروح فى داهية بس اهة ولا دكتور ولا حاجة بس سأل

ربنا ستر الحمد للة

انما طبعا صيدلى اية ان شاء اللة الله اللى شايل دوا مش عارف اسمة اية؟

دى مش منطقية

على العموم ربنا يا رب يطمن اهلة علية

انما انا افتكرت الموضوع متعلق بالادوية العادية هى دى منها قلق يعنى شوية مضادات حيوية عشان البنات

ولا هنتمسك يها يا دكتور؟

( يا بني إذا افتخر الناس بحسن كلامهم فافتخر بحسن صمتك ) .

رابط هذا التعليق
شارك
جيمي عضو جديد

جيمي

بتاريخ:
بتاريخ:

لسه قافل التليفون دلوقتي حالا مع صديق للصيدلي المسكين ده وبيعمل معاه فى نفس الشركه ... وللاسف الشركه فصلته من اول مالشرطه اتصلت بيهم ... واهله يا عيني باعو اللى عندهم علشان يوكلوله محامي ..ويخرجه من الحبس لسكنه لعند مالقضيه تنتهي ... وقمة الذل فى الشركه اللى خرج بضمانها (لايتعارض ذلك مع انها فصلته لان ده بوساطة المحامي) قمة الذل بقه ايه .. انه بيروح يمضى حضور الساعه 8 ويرجع يمضى انصراف الساعه 6 مساء مع انه مابيشتغلش ... والعهده على الراوي

اللى انا مستغربله راجل جايب علبتينن زولام ... يعني لا هو مهرب ولا تاجر ولا ينفع يكون مدمن بعلبتين ... هقول ايه دول يادوبك يعملو دماغ ازازتين بيره من اللى بيتشربو هنا فى الفنادق للاجانب عادي يعني .... يبقى ليه التعسف ده

والليبراكس مش جدول فى مصر .. وانا اول مره اعرف انه جدول هنا فى السعوديه مع اني كمان شغال فى صيدليه ما اظنش انه تاثيره تاثير ازازتين دوا كحه زي دوا (.....) او دوا(.....) ودول مش جدول هنا وبيتباع عادي فى الصيدليه مع انها جدول فى مصر من زمان

ولا يمكن يمكن يمكن يعني كل ده علشان تطاول على واحد سعودي ... رضي الله عنه

انا على فكره لسه باعت جايب علبتين ترمادول السنه اللى فاتت مع واحد قريبي .. وسالت ناس كتير قبل ماعمل كده وكان ردودهم كلها عادي مافيش مشكله ابعت هات دول علبتين وكمان انت لو قريت نشرة الترمادول مش هتلاقى كلمة تخدير مكتوبه فيها

واعرف كمان هنا صيدلي فاتح صيدليه لحسابه علي اسم كفيله وبيجيب كراتين ليبراكس وادويه من مصر كتير ....

مش عارف اقول ايه غير ربنا يهون عليه مصيبته ويعديه منها على خير ....... آمين

رابط هذا التعليق
شارك
elfakhrany عضو جديد

elfakhrany

بتاريخ:
بتاريخ: (معدل)

بصراحة السعودية مفيش فيها ثوابت وأنا أتوقع ان حصلت مشادة مع الظابط المسئول واستخدام الأسلوب المصرى أنت مش عارف انت بتكلم مين ! أنا دكتور أو ماشابه مما ادى الى استفزاز الظابط وتعقيد الأمور .. والله أعلم

تم تعديل بواسطة elfakhrany

يدهشني أن يقول الأجانب :

Share What You Can To benefit The Others

وقد عملوا بذلك فتقدموا !

وقد قالها قبلهم أشرف الخلق سيدنا محمد (حب لأخيك ما تحب لنفسك)

أتمني أن لا نكون كالفراعنة القدامي أخفوا عِلمهم فمات معهم !

[وسط][/وسط]

027.gif

رابط هذا التعليق
شارك
Alrefaey عضو جديد

Alrefaey

بتاريخ:
  • كاتب الموضوع
بتاريخ: (معدل)

هى دى منها قلق يعنى شوية مضادات حيوية عشان البنات

ولا هنتمسك يها يا دكتور؟

لا اطمنى يافندم اى دواء ممكن تدخلى بيه المملكة بخلاف المسجل هنا فى المملكة على انه مخدر او control drug

وضباط المطار لا يعرفون سوى الادوية المسجلة لديهم على الحاسوب ومنها ليبراكس و زناكس وهى ادوية عالمية معروفة بمعنى انه توجد بعد الادوية المصنعه بمصر باسماء مختلفة وتحمل نفس المواد المخدرة ولكنها غير مسجلة عندهم بنفس الاسم

تم تعديل بواسطة Alrefaey

493275s8wrn8jsb5.gif

"‏{‏‏وَمَن يَتَّقِ اللَّهَ يَجْعَل لَّهُ مَخْرَجًا وَيَرْزُقْهُ مِنْ حَيْثُ لَا يَحْتَسِبُ وَمَن يَتَوَكَّلْ عَلَى اللَّهِ فَهُوَ حَسْبُهُ إِنَّ اللَّهَ بَالِغُ أَمْرِهِ قَدْ جَعَلَ اللَّهُ لِكُلِّ شَيْءٍ قَدْرًا‏} "

رابط هذا التعليق
شارك
Alrefaey عضو جديد

Alrefaey

بتاريخ:
  • كاتب الموضوع
بتاريخ:
بصراحة السعودية مفيش فيها ثوابت وأنا أتوقع ان حصلت مشادة مع الظابط المسئول واستخدام الأسلوب المصرى أنت مش عارف انت بتكلم مين ! أنا دكتور أو ماشابه مما ادى الى استفزاز الظابط وتعقيد الأمور .. والله أعلم

أؤيد رأيك اخى فخرانى

صراحة الواحد بيعدى منهم وهو حاطط ايدية على قلبة ليقولك التأشيرة ولا ختم ناقص

493275s8wrn8jsb5.gif

"‏{‏‏وَمَن يَتَّقِ اللَّهَ يَجْعَل لَّهُ مَخْرَجًا وَيَرْزُقْهُ مِنْ حَيْثُ لَا يَحْتَسِبُ وَمَن يَتَوَكَّلْ عَلَى اللَّهِ فَهُوَ حَسْبُهُ إِنَّ اللَّهَ بَالِغُ أَمْرِهِ قَدْ جَعَلَ اللَّهُ لِكُلِّ شَيْءٍ قَدْرًا‏} "

رابط هذا التعليق
شارك
Alrefaey عضو جديد

Alrefaey

بتاريخ:
  • كاتب الموضوع
بتاريخ: (معدل)

لسه قافل التليفون دلوقتي حالا مع صديق للصيدلي المسكين ده وبيعمل معاه فى نفس الشركه ...

تعرف مين يا جيمى فى زهرة الروضه ؟

بالرغم من اللوم الشديد على الصيدلى فيما حدث الا انه فى موقف لايحسد عليه

دعواتكم يا اخوانى له ربنا معاه

تم تعديل بواسطة Alrefaey

493275s8wrn8jsb5.gif

"‏{‏‏وَمَن يَتَّقِ اللَّهَ يَجْعَل لَّهُ مَخْرَجًا وَيَرْزُقْهُ مِنْ حَيْثُ لَا يَحْتَسِبُ وَمَن يَتَوَكَّلْ عَلَى اللَّهِ فَهُوَ حَسْبُهُ إِنَّ اللَّهَ بَالِغُ أَمْرِهِ قَدْ جَعَلَ اللَّهُ لِكُلِّ شَيْءٍ قَدْرًا‏} "

رابط هذا التعليق
شارك
جيمي عضو جديد

جيمي

بتاريخ:
بتاريخ:

لسه قافل التليفون دلوقتي حالا مع صديق للصيدلي المسكين ده وبيعمل معاه فى نفس الشركه ...

تعرف مين يا جيمى فى زهرة الروضه ؟

بالرغم من اللوم الشديد على الصيدلى فيما حدث الا انه فى موقف لايحسد عليه

دعواتكم يا اخوانى له ربنا معاه

[/quote

رفاعي باشا ..هي فعلا شركة زهرة الروضه .. و مش مهم اعرف مين .. احنا كلنا اخوه

بس انا مش معاك فى حكاية اللوم الشديد على الصيدلي ده.... لوم ايه بس .... انا مش شايف في اللى عمله اي خطأ ... بالنسبه لليبراكس .. كل زمايلنا الصيادله اللى انا كلمتهم اول مره يعرفو انو جدول هنا ... وبالنسبه لعلبتين الزولام ... بالله عليك فتش تحت مخدة اي صيدلي او اي طالب فى كلية طب او صيدله يا هتلاقي زولام او زاناكس او ترمادول .. او اي علاج للارق ..... ومش معني كده انهم مدمنين يعني ....

ومش معني كلامي اني بشجع على استخدام العقاقير المهدئه او المنومه او المسكنات زي الترمادول ... ومش ده المجال اني اكلم عن اضرارها ..

بس انا حزين جداا من اللى حصل للصيدلي ده وشايف ان كل الصيادله هنا فى السعوديه عليهم واجب ناحية المسكين ده ... دي لو هتوصل ان رجالة زهرة الروضه يتوقفو عن العمل ويضغطو على الشركه تقف جمبه يا رفاعي ... ولو فى اي اقتراحات تانيه يا ريت نناقشها مع بعض .. اصل كده حرام يضيع مستقبل الغلبان ده فى غلطه ماتستاهلش العقاب ده كله

رابط هذا التعليق
شارك
Alrefaey عضو جديد

Alrefaey

بتاريخ:
  • كاتب الموضوع
بتاريخ:

متفق معك دك جيمى انه يجب علينا ان نقف بجانبة ونساندة ماديا ودبلوماسيا ان امكن والاخوان فى زهرة الروضه بدؤ بالفعل فى حملة للم تبرعات له لتوكيل محامى واتمنى من جميع المجموعات الاخرى ان تبادر بنفس الخطوة .

لكن دعنى نتفق على انه لا يصح الا الصحيح حمل اى دواء صنف كمخدر بدون وصفة طبية هو خطأ جسيم حتى لو كنا نحن كصيادلة اعتدنا عليه واستسهلنا الامر حتى اصبح عادة هذا لايمنع كونه خطأ ومخالف للمهنة والقانون .

قام احدا منا بحملة وخالف وتمت مصادرتة فى المطار ما الواجب عليه فعلة يعتذر ويجر ناعم ويمشى امورة ولا نعمل مشكلة مع الظابط ونعرض نفسنا للمسائلة ؟

493275s8wrn8jsb5.gif

"‏{‏‏وَمَن يَتَّقِ اللَّهَ يَجْعَل لَّهُ مَخْرَجًا وَيَرْزُقْهُ مِنْ حَيْثُ لَا يَحْتَسِبُ وَمَن يَتَوَكَّلْ عَلَى اللَّهِ فَهُوَ حَسْبُهُ إِنَّ اللَّهَ بَالِغُ أَمْرِهِ قَدْ جَعَلَ اللَّهُ لِكُلِّ شَيْءٍ قَدْرًا‏} "

رابط هذا التعليق
شارك
  • بعد 5 أسابيع...
واثق الخطوة عضو جديد

واثق الخطوة

بتاريخ:
بتاريخ:

شكرا على تحذيرك

خاصة انني من هواة حمل الأدوية للأصدقاء .. بدون أن اعرف ما فيها ..

ولعل من اسخف المواقف التي صادفتني زميل _ بس رخم وتافه - قالي لي على اسم دواء وطلب منه كرتونة مقفولة !!!!!!!!!!!!!!!

اي والله كرتونة 24 زجاجة من الدواء

أنا قلت يمكن تكون فيه حالة صحية طارئة

وقلت اعمل معروف فيه ..

لم أسأله عن الدواء وما استخدامه .. ذهبت لشراءه وحملته معي بكل ود ..

كانت المفاجأة أنه طلع ..

مكسوف اقولكم والله

المهم انه طلع (علاج نسائي ذو استخدامات خاصة جداااااااااااااااااااااااااااااااااا)!!!!!!!!!!!!!

مدونتي

http://abokalil.blogspot.com/

ae477180d5.gif

رابط هذا التعليق
شارك
aimen عضو جديد

aimen

بتاريخ:
بتاريخ:

من ثلاث اعوام احد زملائى طلب منى احضار ليبراكس ده لزوجته التى تعانى من القولون العصبى

وفعلا احضرت له 5 علب معى

فى الجوازات احد الظباط اخدهم منى

وقال لى دا مخدر قلت له انى لا اعرف اصلا وانى جايبه لزوجة زميلة وفعلا عدى الموضوع على خير بعدها موضوع الأدوية والدايا وشيل لى واشيلك وانت فى مصر اتوقف تماما ....

اللهم يسر له امره وفك كربه يارب بحق الشهر الكريم

sob7an2_www_different-des_com.gif

astghfr_www_different-des_com.gif

رابط هذا التعليق
شارك
سكر عضو جديد

سكر

بتاريخ:
بتاريخ:

فى موضوع برضه غريب بيحصل فى المطارات مش موافق عليه شكلا او موضوعا

ان يكون فى حد معاه وزن زيادة يقوم مميل على واحد تانى خفيف ويقوله خد الشنطة دى معاك

بالرغم انه ميضرش بس واللعه برضة مسئولية

او واحد واقف على باب الجوازات ودة اخطر والعن يقولك ممكن توصلى العلبة دى

والله العظيم مرة واحدا طلب منى انى اوصله هارد دسك كمبيوتر كامل رفضت بشدة

لكن فى المقابل ممكن اقبل ورق توكيلات موبيل كدة يعنى مش هارد دسك المفترى

رابط هذا التعليق
شارك
أسد عضو جديد

أسد

بتاريخ:
بتاريخ:

للأسف الشديد

هذا الشخص وضع نفسه في مأزق شديد ..

في العادة تمر الحقائب عند الوصول للمطار في السعودية على جهاز يكشف بالأشعة ...

وتظهر الأدووية والمواد الكيماوية في هذا الجهاز

ولا يتم السؤال عن المحتوى إلا إذا كانت الكمية كبيرة وواضحة وظاهرة ..

وبالتالي يتم السؤال عن الأدوية .. وتصبح مشكلة إذا كانت أدوية ممنوعة .. وأكثر إذا كانت مدرجة على جدول المخدرات ..

وتتعاظم الأزمة إذا كان حاملها صيدلي .. أو طبيب .. لأن الشبهة ستحوم حولإتجاره بتلك الأدوية .. وهو ما يحدث بالفعل في بعض الحالات من ضعاف النفوس

هذا أمر بديهي .. ويجب الحذر منه باستمرار ..

اللهم في تلك الأيام المباركة .. فك كربه ويسر له أمره

في القصص الرومانسية القديمة .. يكتب المحب رسالة حب .. ويضعها في زجاجة .. ويرمي الزجاجة في البحر .. لا يهم من سيقرأها .. لا يهم هل ستصل إلي حبيبته أم لا .. بل كل المهم .. أنه يحبها ..
وتاني .. تاني .. تاني .. بنحبك يامصر .. ...

 

1191_194557_1263789736.jpg


‎"إعلم أنك إذا أنزلت نفسك دون المنزلة التي تستحقها ، لن يرفعك الناس إليها ، بل أغلب الظن أنهم يدفعونك عما هو دونها أيضا ويزحزحونك إلى ماهو وراءها لأن التزاحم على طيبات الحياة شديد"

(من أقوال المازني في كتب حصاد الهشيم)
 

رابط هذا التعليق
شارك
  • بعد 4 أسابيع...
أبو اياد المصرى عضو جديد

أبو اياد المصرى

بتاريخ:
بتاريخ:

بصراحة الله يكون فى عون ذا الصيدلى بس الغريب فى القصة انها أدوية وهو صيدلى يعنى عارف مشاكلها بس تقريباً هو استخف بيها فربنا يعينه على اللى هو فيه اللهم أمين

طب ده بالنسبة لهذة الأدوية طب بالنسبة للأكل يا جماعة لو نواشف ومعلبات هل يتم منعها فى المطار ولا ايه النظام لأنى ان شاء الله مسافر الرياض قريب جداً لأول مرة

رابط هذا التعليق
شارك
وطني حر عضو جديد

وطني حر

بتاريخ:
بتاريخ:

عايز اسال سؤال حيرني اول ما قرأت الموضوع

ليه كل مصائب المغتربين المصريي في السعــوديه من تحت راس الاطباء او من في حكمهم

كل البلاوي بتيجي من تحتهم ليه؟؟؟

كل بلد وليها نظامها . والنظام واجب التطبيق . مش احنا نقول دول حبه ولا حبتين .

في مصر هناك ممنوعات وهناك سلع عليها جمر ك وسلع غير متجمركه ..

وبعض دول العالم تمنع الدخول بعملتها والبعض الاخر يمنع الخروج بعملة الدوله ..

هل يحق لنا ان نعترض على انظمه تلك الدول .مش عايز اخرج برا الموضوع ., ولكن يبقي التساؤل مطروج يا اطباء مصر كفايه مهدله

رابط هذا التعليق
شارك
moamana عضو جديد

moamana

بتاريخ:
بتاريخ:

طيب ما انا جوزى بيعانى من قولون عصبى و بعته بعلب ليبراكس كثير حوالى 5 علب و كمان علبة كالمبيام

عادى و سافر الى قطر كمان بنفس الادوية و عادى خالص

اعتقد ان المشادة هى السبب فلو كان قاله انا معرفش انه جدول هنا و صادره اعتقد و الله اعلم كانت هتعدى و ربنا يستر

نصيحة اللى مسافر يشيل العلب من الكرتونة او يجشى كل 3 علب فى علبه واحدة و كده

رابط هذا التعليق
شارك
بنت الشاطئ1 عضو جديد

بنت الشاطئ1

بتاريخ:
بتاريخ:

طيب انتوا بتقولوا ان الليبراكس ده للقولون وهو ممنوع

طيب ما اكيد فى بديل له فى السعودية..طب السعوديين لما بيجيلهم قولون بياخدوا ايه مثلا واللا هما مش بيجيلهم قولون

رابط هذا التعليق
شارك

انشئ حساب جديد أو قم بتسجيل دخولك لتتمكن من إضافة تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل؟ سجل دخولك من هنا.

سجل دخولك الان
 مشاركة
عودة لقائمة الموضوعات

  • المتواجدون الآن   0 أعضاء متواجدين الان

    • لا يوجد أعضاء مسجلون يتصفحون هذه الصفحة
×
×
  • أضف...