مشكلتى فى المملكه العربيه السعوديه (حاسس انى بحلم )

[الباحث عن الرزق]

السلام عليكم ورحمه الله وبركاته

كل عام وانتم بخير جميعا انا كان ليا مشاركات فى المنتدى قبل ان اسافر الى السعوديه

ومشكلتى بكل بساطه وهى مش بسيطه انى جيت الى السعوديه بفيزا طاهى عام وانا اخصائى موارد بشريه بس قلت مش مهم وعملى هو مدير مطعم محترم فى مكه بمرتب محترم والفيزا من صاحب اخوى لان اخوى فى المملكه جيت السعوديه من غير انى امضى على عقد عشان انو صاحب اخوى عادى يعنى ودخلت المملكه من تلات شهور المهم كان الكفيل معاه مشاكل خاصه بيه فلى خليك عند اخوك ومرتبك طالع من يوم ما دخلت السعوديه طبعا كلام السعوددين محدش ياخد عليه المهم مرت تلات شهور ما شفتو تانى والجواز اخدو من غير ميطلعلى اقامه والتلات شهور عدت من غير ما اشتغل عندوا ولا يدينى ريال واحدوكمان بيتهرب منى ليه مش عارف يعنى رضيت بالهم والهم مش راضى بيا طبعا انا مضيعتش التلات شهورر كدا اشتغلت محاسب فتره ليله فى مكه بمرتب 1500 ريال وكمان اشتغلت مساعد موارد بشريه رغم ان عمرى 25 عام بمرتب 3500 ريال يعنى الامور كويسه رغم انى جاى عليه بمرتب 200 ريال بس وظيفه الموارد البشريه عيزين نقل كفاله وانا اساسا من اليوم مقدرش اخرج لاى عمل منهم لان التلات شهور انتهت وانا اشتغلت عشان حسيت انو مش عيزنى بس انا دلوقتى اعمل ايه تفاهم معاه بيهرب منى طيب اعمل ايه انا دلوقتى وانا محبوس فى غرفه حتى العمل الى لقيتو ابتدى يروح منى

ممكن اخوانى تقولولى اعمل ايه اشتكيه طيب اشتكى على ايه واروح فين ؟؟؟؟؟؟؟؟؟؟؟؟؟

ولو عايز ارجع مصر ارجع ازاى ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[الباحث عن الرزق]

والله اخوانى انا حالتى مش كويسه اعمل ايه ولا عارف اشتغل ولا انا عارف ارجع مصر بس محبوس مش عارف اخرج ولا عملى الى فى الصباح ولا الى فى المساء وهو مش عارف انا شغال اصلا يعنى فى باله انو سيبنى بشحت عند الحرم

[الباحث عن الرزق]

ارجو اخوانى الرد لانى مش عارف اعمل ايه

وربنا يجعله فى ميزان حسناتكم

[الباحث عن الرزق]

الاخ خالد شحاته ارجو افادتى والاخ الفاضل سى السيد

[doha]

اولا هدي اعصابك جدا ومتخافش بسيطه ان شاء الله ..

قبل اي حاجه حط في بالك لو زنقت موت اوي هتروح القنصلية بتاعتنا في جده ومتخافش احنا برغم كل السلبيات لنا قنصلية و سفاره وناس يسألوا علينا .. هتقولهم ياجماعة الخير جواز سفري ضاع وعاوز اطلع بدل فاقد .. هيطلعوا لك واحد وهتاخذه وترجع بلدكم عادي جدا .. انت داخل المملكه قانوني مش داخل متهرب ومثبت في كمبيوتر الجوازات انت دخلت بتأشيرة سليمه وعليه فانت تقدر ترجع مصر في اي وقت انت عاوزه وحتى لو معندكش جواز سفر مفيش مشكلة زي ماقلت لك هتطلع له بدل فاقد ..

اذا مفيش داعي للخوف من حته ان الكفيل معاه الجواز ..

نيجي بقى لحته وضعك القانوني ايه دلوقت..

سبق وسألت في الجوازات بخصوص التاخير في استخراج الاقامة وقالوا لي عادي معليكمش اي مشاكل اللوم بيكون على الكفيل بينما انت داخل البلد قانوني وبما انك داخل بفيزا عمل يبقى لك تقعد اظن سنه او اكتر مش فاكره بدون ماتستخرج اقامه .. انا كنت فاكره ان وضع الي داخل على شغل ده له 90 يوم بس يستخرج فيهم اوراق .. من فم ظابط الجوازات سمعتها قال عاااادي جدا في بس اظن غرامه ماليه بسيطه بيدفعها الكفيل مش انت ..

طيب نيجي بقى لحته انك ماشي من غير اوراق ثبوتيه ويمكن دي الي مخوفاك ..

عادي متخافش برضه وخليها على ربنا طالما انت طرحت حته ارجع مصر ازاي فانت مش خايف من الرجوع اقصى مايمكن يحصل لك لو اتمسكت لا قدر الله هيرحلوك عادي جدا جدا يعني لا فيها سجن ولا غرامه ولا شيء اطمئن .. وبرضه مفيهاش ترحيل باذن الله انا بس بفترض لك اسوأ الاحتمالات عشان تعرف انك باذن الله في امان ..

انت كل المطلوب منك دلوقت صلي لله ركعتين كده يهدي لك الحال وترجع تكلم الكفيل وتطلب منه اما امساك بمعروف او تسريح باحسان .. يعني قوله دلوقت انا عاوز اقامه مقدرش امشي في لاشارع كده خاصه وانا عاوز اعتمر واحج ومش عارف ايه .. وعشان تريحه خالص قله انا هدفع التكاليف هتلاقيه باذن الله استجاب هو مش من مصلحته ميطلعش لك اقامه لكن ممكن بيماطل لانه مكسل مثلا يروح يستخرج الاوراق ويمضي ومش عارف ايه وانت عراف فيه ناس يومها بسنه .. اطلب منه اقامه واساله عن موضوع الشغل وان كان عاوزك ولا يطلق سراحك تشوف حالك عند حد تاني

روق وان شاء الله مش هيكون غير كل خير ..

تم تعديل 18 أغسطس 2009 بواسطة doha

[الباحث عن الرزق]

شكرا جدا مدام ضحى انتى رديت عليا باسلوبك المحترم قبل ما اسافر الى السعوديه ودلوقتى بتردى بنفس اسلوبك المحترم

بس انا اساسا مش عارف اكلمو اصلا ده غير انا شغال شغلتنين يعنى الاتنين حيضيعو يعنى من حقى انى اشتكى ولا لا

ولو اشتكيت حشتكى قين وعلى ايه؟؟؟؟؟؟؟؟؟؟؟؟؟؟؟؟؟؟

[doha]

بالنسبة للشغلتين متشيلش هم .. الشغل ده رزق فلو انقطع من شغله هينوصل من شغله تانيه ولو انقطع من اثنين هيترزق من ثلاثه واربعه .. فمتشيلش هم الشغل .. يعني انت من ست شهور كده كنت عارف انك هتشتغل وتقبض في ايدك ماشاء الله مبلغ كويس ؟ مكانش على بالك طبعا ولا كنت واثق ولا عامل حسابك وكان ممكن جدا لاقدر الله تيجي وتقعد ومتلاقيش شغل .. اذا زي ماربنا رزقك فجأه من حيث لا تدري ولا تحتسب باذن الله هيرزقك دائما بنفس الطريقة انت بس اعمل الي عليك ..

اذا هنركن موضوع الشغلتين دول على جنب متشيلش همهم او متقعدش تقلق نفسك ان هيروحوا منك او ماشابه .. مفش حاجه هتروح ومفيش بني آدم رزقه بينقطع وهو حي .. نلتفت للاهم كفيلك وعملك عنده ..

دلوقت على حسب مافهمت منك انت جاي على عمل ومشتغلتش فعلا يعني الراجل جابك ودخلك البلد وركنك .. طيب انت دافع في العقد ده فلوس؟

انا مش عارفه دفعلت ولا لاه ولو دافع فانت دافع كام .. على كل حال خلينا نحسبها بطريقة تانيه ..

من الواضح كده ان الراجل مش محتاجك وجايبك كده لهدف ما غالبا عشان يتربح من وراء عملك ..

حتى لو مكانش ده اتفاقكم من الاول فعادي جدا نخليه هو الاتفاق ايه المشكلة طالما في فائده بتعود عليك من وجودك هنا يبقى المثل يقول نفع واستنفع ..

الوضع العادي لاي محاسب عاوز يجي على فيزا حره بحيث يدور على شغل انه بيدفع فيها مبلغ من 7 الى 11 الف ( عشان انت فيزا طباخ معرفش سعرها كام بالظبط بس هي اقل من المؤهل العالي وعلى حسب بتسمح لك تستقدم زوجتك ولا لاه هتغلى شويه لو بتسمح )

وبتدفع كمان مصاريف استخراج الاقامه

وبتدفع كمان مبلغ للكفيل في حدد ميتين تلتمية ريال كل شهر او الف وخمسمية الفين كل سنة . طبعا اول سنة مفيش حاجه هتندفع من اول التجديد الجاي للاقامه وعليك خير ..

على اسوأ الظروف لو الكفيل جايبك يتاجر بفيزتك فاعرض عليه مبلغ في حدود الارقام الي انا ذكرتها لك دي يعني شوف تكلفت كام عشان تيجي واخصمه من الـ 11 الف واعرض عليه الباقي .. طبعا هتبدأ معاه بعرض انك تدفع تكاليف فيزتك الرسميه فقط وهي 2000 ريال مقابل انه يتنازل عن كفالتك لو رفض اعلى بالمبلغ ولغايه 11 الف هتكون انت الكسبان خاصه ان امامك شغل فعلا .

كل ده انا بفترض انك مدفعتش حاجه ف الفيزا طيب افرض انك دافع فعلا ومع ذلك الكفيل بيماطل ..

في الحاله دي مقدامكش غير تصبر عليه شويه وتحاول تشوف حد يكلمه وتفضل وراه لغايه مايجيب لك الاقامه لان للاسف مفيش اي قانون هيحميك .. الحل القانوني الوحيد امامك انك تروح مكتب العمل وتشتكيه هناك انه بيماطل في استخراج الاقامه وانك مقبضتش اي راتب من ثلاث شهور في الحاله دي اقصى مايمكن عمله لك منهم انهم هيرجعوك مصر معزز مكرم وطبعا اي مبلغ دفعته عليه العوض..

انا شايفه ان مفيش اي وجه للقلق او الاستعجال .. ادي للكفيل فرصة واثنين كمان بس افضل وراه ومتنامش عشان بس تذكره لان غالبا اصحاب الاعمال الي من النوع ده بيكونوا كسولين جدا بدليل انهم بيجيبوا موظف لكل حاجه عندهم وبدليل ان معندهمش مانع غالبا يبيعوا فيز عشان يعيشوا من عمل غيرهم فيها .. عادي جدا ..

اما بالنسبه للشغلتين فاستخير وان لقيت نفسك مرتاح خلاص انزل الشغل وميهمكش محدش هيسالك رايح فين ولا جاي منين ولو لك فيها خير ربنا هيصبرهم عليك لغايه ماتطلع الاقامه ولو مفيش يبقى احسن وجات منهم وهيرزقك بالي احسن بس انت طول بالك وقول يارب ..

[elfakhrany]

شكرا جدا مدام ضحى انتى رديت عليا باسلوبك المحترم قبل ما اسافر الى السعوديه ودلوقتى بتردى بنفس اسلوبك المحترم

بس انا اساسا مش عارف اكلمو اصلا ده غير انا شغال شغلتنين يعنى الاتنين حيضيعو يعنى من حقى انى اشتكى ولا لا

ولو اشتكيت حشتكى قين وعلى ايه؟؟؟؟؟؟؟؟؟؟؟؟؟؟؟؟؟؟

شغلك غير قانونى مدام لسه مستخرجتش الإقامه وكارت العمل.

[الباحث عن الرزق]

انا مدفعتش حاجه فى الفيزا

بس انا لو اشتكيت حيكون ايه الحل يعنى ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[doha]

لو اشتكيت لك الراتب المتأخر المكتوب في العقد ( الي مش مكتوب ) ولك ترحيل عادي يعني هيدولك ( الحق ) ترجع بلدك .. ده غير انك لو اخذت سكة الشكاوي ابسط حاجه هيبلغ انك هربان منه ويقول مشفتوش من ساعة مادخل المملكه ومش هتقدر تثبت كذبه لانك لا شفت الشغل بتاعه ولا تعرف مكانه ولا اي شيء ..

على العموم طالما مدفعتش حاجه يبقى دي فرصة وجات لغايه عندك ان الراجل شكله مش محتاجك غصب عنه .. امسك فيها .. انت دلوقت اعرض عليه انك عاوز الاقامه وانك هتسدد كل المصاريف والاجراءات المطلوبه بس هو يعمل لك تفويض باسم اي مكتب تعقيب ( هتلاقي عناوينهم بالكوم في جريدة الوسيلة بس يفضل تسأل اي حد عندكم عن واحد مضمون او مجرب ) لو رضي خلاص هتروح تدفع مبلغ 650 ريال رسوم ( ممكن تخلي اي قريب لك عنده حساب في بنك الرياض يدفعهم لك من ماكينة الصراف .. ) هتسلم الوصل وموافقة الكفيل لمكتب المعقب وخلاص هيطلع لك الاقامة في يومين بس اعتقد والله اعلم هيكون عليك كده غرامه 500 ريال مش قضية .. ادفعهم واشتري نفسك ..

وزي ماقلت لك الراجل ده تكلف فعليا 2000 ريال عشان يجيبك يعني لو حكمت تدفع له المبلغ ادفعه له وامرك لله ..

ملحوظة : حتى لو كنت دافع مليون ريال في التاشيرة لو اشتكيت ملكش حاجه فاشتري دماغك من الجزئية دي..

[doha]

شكرا جدا مدام ضحى انتى رديت عليا باسلوبك المحترم قبل ما اسافر الى السعوديه ودلوقتى بتردى بنفس اسلوبك المحترم

بس انا اساسا مش عارف اكلمو اصلا ده غير انا شغال شغلتنين يعنى الاتنين حيضيعو يعنى من حقى انى اشتكى ولا لا

ولو اشتكيت حشتكى قين وعلى ايه؟؟؟؟؟؟؟؟؟؟؟؟؟؟؟؟؟؟

شغلك غير قانونى مدام لسه مستخرجتش الإقامه وكارت العمل.

ايه كارت العمل ده؟؟

[خالد شحاته]

الاخ الفاضل

السلام عليكم ورحمة الله وبركاته

احب اوضح بعض النقاط انت داخل رسمي وقانوي زاي ما بتقول الاخت ضحي بس طبعا متعرفش تستخرج جواز سفر اخر من القنصليه بدوان اوراق من الكفيل بعني للازم اورق من الكفيل وبرنت من الجوازات علشان تستخرج جواز سفر اخر كل ده مش مهم لان الجواز موجود مش ضاع والحمد لله انت بتقول الكفيل صاحب اخوك معني كدا اخوك عارف بيته او عمله يروح له اي مكان من دول ويجيب الجواز لك وتعمل تفويض لاي مكتب خدمات يطلع لك الاقامه لو الكفيل عايز فلوس اعطيه لو حتي طلب تمن التاشيره طلما ربنا مسهل لك في العمل للازم توجه الكفيل شوف طلباته ايه ان كان فلوس ولا عمل المهم انك تعرف راسك من رجلك اما من ناحيه نزول مصر بردك مش هتعرف تنزل مصر الا بعمل تاشيره خروج نهائي او لقدر الله اتمسكت والكفيل مش جه لك الجوازات بيجي مندوب السفاره بيكون معك ما يثبت شخصيتك وبيطلع لك وثيقه وتسافر بيها الي البلد بس انا منصحكيش بشي ده لان لو نزلت بطريق دي مش هتعرف تدخل المملكه مره اخري لان كدا نزلت مخالف

[elfakhrany]

شكرا جدا مدام ضحى انتى رديت عليا باسلوبك المحترم قبل ما اسافر الى السعوديه ودلوقتى بتردى بنفس اسلوبك المحترم

بس انا اساسا مش عارف اكلمو اصلا ده غير انا شغال شغلتنين يعنى الاتنين حيضيعو يعنى من حقى انى اشتكى ولا لا

ولو اشتكيت حشتكى قين وعلى ايه؟؟؟؟؟؟؟؟؟؟؟؟؟؟؟؟؟؟

شغلك غير قانونى مدام لسه مستخرجتش الإقامه وكارت العمل.

ايه كارت العمل ده؟؟

كارت العمل بيقوم الكفيل باستخراجه مع الاقامة النظامية فى اول مرة ليكون عملك نظامى من مكتب العمل وغالبا بيتم تدبيسه مع جواز السفر اللى عند الكفيل وفى حالة نقل الكفالة من كفيل الى اخر تأخذ ثلاث خطابات للتنازل عن الكفالة من الكفيل + جواز السفر + كارت العمل + الاقامه وتسلم كل ده الى الكفيل الجديد لتغيير البيانات الى الكفيل الجديد

تم تعديل 18 أغسطس 2009 بواسطة elfakhrany

[doha]

كويس يعني كرت العمل ده مع الكفيل مش معانا ..

[MZohairy]

الاخ الفاضل

السلام عليكم ورحمة الله وبركاته

احب اوضح بعض النقاط انت داخل رسمي وقانوي زاي ما بتقول الاخت ضحي بس طبعا متعرفش تستخرج جواز سفر اخر من القنصليه بدوان اوراق من الكفيل بعني للازم اورق من الكفيل وبرنت من الجوازات علشان تستخرج جواز سفر اخر كل ده مش مهم لان الجواز موجود مش ضاع والحمد لله انت بتقول الكفيل صاحب اخوك معني كدا اخوك عارف بيته او عمله يروح له اي مكان من دول ويجيب الجواز لك وتعمل تفويض لاي مكتب خدمات يطلع لك الاقامه لو الكفيل عايز فلوس اعطيه لو حتي طلب تمن التاشيره طلما ربنا مسهل لك في العمل للازم توجه الكفيل شوف طلباته ايه ان كان فلوس ولا عمل المهم انك تعرف راسك من رجلك اما من ناحيه نزول مصر بردك مش هتعرف تنزل مصر الا بعمل تاشيره خروج نهائي او لقدر الله اتمسكت والكفيل مش جه لك الجوازات بيجي مندوب السفاره بيكون معك ما يثبت شخصيتك وبيطلع لك وثيقه وتسافر بيها الي البلد بس انا منصحكيش بشي ده لان لو نزلت بطريق دي مش هتعرف تدخل المملكه مره اخري لان كدا نزلت مخالف

ده الكلام المضبوط

أمامك 3 طرق....

1- لا توجد طريقه للاستمرار بشكل قانوني في السعوديه غير التفاهم مع كفيلك

فقط لا غير

2- او الاستمرار كما انت حاليا (وضع غير قانوني بالطبع)

3- او الشكوى في مكتب العمل و الجوازات (هذا الحل سيسفر عن الترحيل فقط و أخذ مستحقاتك من كفيلك و لكنه لن يتيح لك الأستمرار في السعوديه)

بالتوفيق و ربنا يقسم لك الخير حيث كان

[الباحث عن الرزق]

شكرا على ردودكم الجميله بس انا سمعت من ناس هنا انو لو ما اخذت راتب تلات شهور من الكفيل يحق لك انك تشتكيه الى الاماره ثم مكتب العمل وبعد كدا يدولك نقل كفاله رغم انف الكفيل لو ثبت انك ما اخذت مستحقات تلات شهور الى قلى كدا واحد فى الاماره فى مكتب الامير خالد وقالى ممكن احددلك معاد فى الاماره وتيجى تعمل شكوى واحنا بدورنا حانحولك لمكتب العمل وفى الحاله دى كفيلك هو الى حيقلك اسحب الشكوى والى عايزو حاعملهولك

والراجل دا فى مكتب الامير خالد هل هذا القانون صحيح

[MZohairy]

شكرا على ردودكم الجميله بس انا سمعت من ناس هنا انو لو ما اخذت راتب تلات شهور من الكفيل يحق لك انك تشتكيه الى الاماره ثم مكتب العمل وبعد كدا يدولك نقل كفاله رغم انف الكفيل لو ثبت انك ما اخذت مستحقات تلات شهور الى قلى كدا واحد فى الاماره فى مكتب الامير خالد وقالى ممكن احددلك معاد فى الاماره وتيجى تعمل شكوى واحنا بدورنا حانحولك لمكتب العمل وفى الحاله دى كفيلك هو الى حيقلك اسحب الشكوى والى عايزو حاعملهولك

والراجل دا فى مكتب الامير خالد هل هذا القانون صحيح

اذا اثبت انك قمت بالعمل عنده و لم يعطيك راتبك فكلامك صحيح قطعا

لكن الله اعلم بما في جراب كفيلك من حيل و الاعيب لدعم موقفه ضدك

حاول بالحسنى و اذا فشلت فلتلجأ لهذا كحل اخير

[doha]

اخي الباحث عن الرزق انت متأكد انك جاي فعلا ومن البدايه على عمل مش على فيزا حرة؟

مش عارفه ليه هيء الي من كلامك انك اساسا متفق مع كفيلك على انك هتيجي تدور على شغل هو ملوش دعوة بيك وانك لقيت الشغل فعلا وعاوز تنقل كفاله بس كفيلك اختفى وده الي خانقك ومخليك تشتكي ..

ان كان الوضع كما فهمت فالرد هو نفسه ليس لك اي حقوق بطرق قانونيه لانك اساسا جاي بطريقة ملتويه .. ملكش حقوق اه بس معليكش واجبات ومفيش عليك اي التزام ومش هتخسر حاجه على اسوأ الظروف غير المبلغ الي هتكون دفعته في الفيزا دي .

يجوز الاخوه هنا يفيدوك بحل افضل ولكن اعتقد لو توضح لنا حقيقة الموقف يكون احسن عشان الردود تبقى اقرب للحل ..

[raedraed]

مافيش حاجة اسمها فيزة حرة ، دا تعبير مجازي لكن الحقيقة انه جاي على كفيل وفيه اتفاق ضمني بينهم على شئ معين

مكتب العمل مالوش دعوة بالموضوع ده لأنه غير قانوني ، انت تحاول تثبت بأي وسيلة انه هو اللي قعدك من العمل وانك طبعا ماستلمتش مرتب ثلاث شهور ، في الحالة ديه هايحصل زي ما الموظف اللي في الإمارة قالك ، دا غير كدا واهم حاجة انك تقدر تنقل كفالة غصب عنه وتبقى ارتحت منه

[doha]

شكرا على ردودكم الجميله بس انا سمعت من ناس هنا انو لو ما اخذت راتب تلات شهور من الكفيل يحق لك انك تشتكيه الى الاماره ثم مكتب العمل وبعد كدا يدولك نقل كفاله رغم انف الكفيل لو ثبت انك ما اخذت مستحقات تلات شهور الى قلى كدا واحد فى الاماره فى مكتب الامير خالد وقالى ممكن احددلك معاد فى الاماره وتيجى تعمل شكوى واحنا بدورنا حانحولك لمكتب العمل وفى الحاله دى كفيلك هو الى حيقلك اسحب الشكوى والى عايزو حاعملهولك

والراجل دا فى مكتب الامير خالد هل هذا القانون صحيح

مهو اكيد الي نصحك بكده انت حكيت له القصة بالظبط زي ماحكيتها لنا انك جيت على شغل والراجل عنده ظروف وقالك معليش استنى لما الظروف تنحل بعدين اشغلك وللآن مشفتش منه لا شغل ولا فلوس .. ايوه في الحاله دي هتروح تشتكي في الاماره وتعمل الي قالوا لك عليه ده كله .. لكن افرض انت عملت كده واشتكيت والكفيل قال محصلش وانا طلعت له فيزا ومشفتوش من ساعه مادخل المملكه ولا اعرف عنه حاجه وهو هربان مني اساسا .. هتعمل ايه ساعتها؟

لازم يكون في اثبات على كلام واحد فيكم .. لو انت رحت له مكان عمله وشفته او قابلته فعلا بعد دخولك للمملكه ممكن تثبت روايتك لكن لو انت من البدايه متفق معاه على فيزا حرة بدون عمل وبالتالي اكيد مشفتوش بعد مادخلت المملكه ولا تعرف الشغل الي مفروض انك بتشتغل فيه ده وبتقبض عليه راتب فين يبقى مظنش هينصفوك .. واحتمال ان الحل الوحيد المتاح في ايدهم هو اجبار الكفيل على تخريجك نهائي وفي الحاله دي هتروح عليك فلوس الفيزا الي دفعتها لو كنت دافع له شيء ..

على كل حال جرب موضوع الاماره انا اعرف ناس جربوه ونفع بس للامانة مش عارفه هم كانوا فعلا جايين على شغل ولا فيزه كده وخلاص ولكن اميل والله اعلم انها كانت فيزا حرة لان الشكوى متطابقة ..