مشكلتى فى المملكه العربيه السعوديه (حاسس انى بحلم )

[raedraed]

انا اقتبستلك مادتين من قانون العمل السعودي

المادة رقم أربعين

1- يتحمل صاحب العمل رسوم استقدام العامل غير السعوديـ ورسوم الإقامة ورخصة العمل وتجديدهما وما يترتب على تأخير ذلك من غرامات ورسوم تغيير المهنة والخروج والعودة وتذكرة عودة العامل إلى موطنه بعد انتهاء العلاقة بين الطرفين

-------------

المادة الثانية والستون

إذا حضر العامل لأداء عمله في الوقت المحدد لذلك أو بين أنه مستعد لأداء عمله في هذا الوقت ولم يمنعه إلا سبب راجع إلى صاحب العمل كان لح الحق في أجر المدة التي لا يؤدي فيها العمل

ديه نقطة وكلمة إنك جيت على غير عقد ولا يهمك حتى لو مافيش عقد يعتبر قائما حتى لو كان غير مكتوب وليك الحق انك تثبت كدا بجميع الطرق وهاكتبلك البند الخاص بكدا دلوقتي بس ثواني هادور عليها

[raedraed]

المادة الخمسون:

يجب أن يكتب عقد العمل من نسختين يحتفظ كل من طرفيه بنسخة ويعد القعد قائما ولو كان غير مكتبو وفي هذه الحالة يجوز للعامل وحده إثبات العقد وحقوقه التي نشأت عنه بجميع طرق الإثبات ويكون لكل من الطرفين أن يطلب كتاة العقد في أي وقت أما عمال الحكومة والمؤسسات فيقوم قرار أو أمر التعيين الصادر من الجهة المختصة مقام العقد

يعني الخلاصة انت ليك 3 مرتب تلات شهور وليك انك تسيب الشغل من نفسك دون إشعار وده لأن كفيل بيه أخل بالإلتزامات اللي عليه واللي منها الإقامة وا وا وا ، أما حكاية نقل كفالة فديه انا مش متأكد منها لكن سمعتها كتييير

وموضوع انك تسيب الشغل بدون إشعار باردوا في القانون لكن وقريتها قبل كدا وهابقى ادورلك عليها لو محتاجها

وياريت يا جماعة كل الناس تقرا قانون العمل بالنسبة لتوظيف غير السعوديين عشان تعرفوا حقكم فين بالظبط عشان لما كفيل ظريف يتنطط ، تقوم تكلمه بكلام يعرف قيمتك بيه وإنك مش غلبان وعلى نياتك والكلام ده !

[الباحث عن الرزق]

انا سمعت نصيحتكم ورحت لابن الكفيل انا واخوى الى هو صاحبوا واكتر من الاخوات كمان وابن الكفيل هو الى متفق معاى مش ابوه المهم الراجل رحب بينا وكال العاده انا محتاجك تشتغل معاى بس اه من بس دى بالطريقه المصريه قلتلو جيب من الاخر انت والدك مش موافق عليا اشتغل معاكم قالى كل الامور دى تتعدل انا معرفتش افكر ولا اعمل ايه المهم قالى من بكره تيجى المطعم لو تحب واهو تشتغل ولا متشتغل حتى بس تكون موجود وخلاص يعنى بالمعنى البلدى والدى مش موافق انك تشتغل محاسب وكمان نخفض الراتب الى هو 2000 ريال لحد بعد الحج وبعدين ابوى يبعد عن اداره المطعم وتشتغل فى المستوى بتاعك انا بصراحه دوغت من الصدمه اخوى قالو لا هو مدام فى مشاكل عليه بينك وبين والدك مش ينفع يجى فى الوقت ده بس انت طلعلو الاقامه بتعتوا وابن الكفيل الى هو ماسك كل حاجه لابوه الى كان بعيد عن كل حاجه لحد مانا دخلت السعوديه مش عارف يعمل ايه ولا هو قادر يقلى اشغل فى مكان تانى ولا هو قادر يقلى تعال على الاتفاق الى اتفقت عليه والمشكله ان الناس دى مبتدخلش على نفسها ريال حرام يعنى مش طمعنين فى حاجه ......

طيب اشتكى ولا لا

[raedraed]

طالما انت مش عايز تعملهم مشاكل عشان الزمالة والصداقة واللذي منه

يبقى خلي أخوك يفهم ابن الكفيل والكفيل نفسه ، بالزوق كدا إن أخويا هايتضرر من موقفكم ده وان احنا مش عايزين مشاكل مع بعض وا ... الخ ، ولو ماستجابوش يبقى خلاص ما باليد حيلة والحق نفسك يابن الحلالـ ، ديه مصلحتك مش مصلحة الكفيل !

[عاشق النيل]

السلام عليكم جميعا

الاخ الفاضل كلامك ابن الكفيل كويس وبداية خير

ويفهمة انك معرض للتوقيف من الشرطة والسؤال عن الاقامة وساعتها فية غرامة ومسؤلية

والحيلة دى نفعت مع كفيلى لانة خاف جدا من الشرطة والغرامة وطلع الاقامة متاخرة شوية بس طلعها

وهو مش بسهولة حيطلب منك نقل الكفالة لكن اخوك يفهمة انك وراك التزامات ولو ما عندهم مكان ليك يسمحلك تدور على شغل لغلية ما يحل مشاكلة مع ابوة وما تجيب لة سيرة نقل كفالة دلوقتى

والكلام كلة يبقى قال الله(سبحانة وتعالى)وقال الرسول(صلى الله علية وسلم)

وموافقتة على انك تدور على شغل برة يعنى ان شاء الله ممكن يسمحلك بعد كدة بنقل الكفالة وعدم الموافقة يبقى عايزك

والاقامة الاول تمسكها دة المهم وبعدين الشغل

وعشان يرحلك الكفيل لازم يكون فية سبب قوى يعنى عامل لك عملة او حاجة مشينة والخروج لية فترة شهرين تقريبا

دا لو عمل خروج نهائى

وانا شايف انك واخوك اتاخرتوا ف الخطوة دى يمكن معلش يعنى تكون فلوس الشغل المؤقت نستك الاقامة

المهم تخلصوا الاقامة الاول والباقى كلة باذن الله سهل بعد كدة :)

والشكوى حتقفل سكك التفاهم الودى لان فية كفيل بيخسر الوف والا ان حد يجبرة على حاجة

وفى كفيل بيخاف موت من اى شكاوى والا قضايا

وخليك ف الودى الاول والحسنى اهم حاجة تحسسة انك عايز تتشتغل ولا لانقاص الراتب هللة (لان التنازل يؤدى لمزيد من التنازل) bv:-