البلطجية الكلاب للعجوز وزوجته وابنته الحامل:هنخلص عليكو!!!!!

[النسر المصري]

كلاب!!!!

خنازير!!!!!!!!!

شوية زبالة من ازبل زباله في المجتمع !!!!!!!!!!!!!!!!!

كل الكلمات القذرة اللي ممكن نجمعها من قاموس القذارة مش هتكفيهم عشان أقدر اوصفهم بيها!!!!!!

الحكاية بدات بان 15 بلطجي من المرج مع تلاث ستات تزن كل واحده فيهم 150 كيلو .... قاموا باستئجار شقة في مدينة نصر .... وقاموا بتحويله الى مشغل خياطه!!!

اشتكى سكان العمارة (الفخمه المفروض) لهم وللشرطه....ولكن لا حياة لمن تنادي

حتى اصبحت العمارة مويوؤة بسبب تصرفاتهم وقذارتهم وزبالتهم ورائحتهم

وظل في الدور فقط شقه وحيدة يسكنها عجوز وزوجته وتاتيهم كل فترة ابنتهم لزيارتهم!!!!

ومن اسبوع كان العجوز ومراته قد عادوا مع ابنتهم الحامل في اسبوعها الثاني الى الشقه ليجدوا الجيران المعفنين قد قاموا بتحويل الدور الى مزبله اكبر!!!!

كراتي مرصوصه هنا وهناك....وترابيزات ....وكراسي.....وقصاقيص فماش.....وهييييصه !!!

جت العجوزة بتقولهم ولاول مرة بعد سنين وبعد ماطفش كل الجيران ماعادا المغلوب على امرهم دول...المهم بتقولهم : يعني ينفع الكلام ده بردو....دلوقتي الناس اللي هيجو يزوروني ويهنوني يدخلو الشقه عندي ازاي والحاجات دي مرميه بره كده؟!!!

وعينكم ماتشوف الا الضلمه .... يجي واحد جحش جوه يجعر ويقول : أقصدك ايه ياوليه انتي...قصدك ان احنا معفنيييين!!!!!

ويروحوا يطلعوا الزباله الثانين اللي جوه عشان يجاملوه ويكملو تجعير وقلة ادب ولسان طويل !!

راح الراجل العجوز طلع يجري لاقى مراته عماله تتشتم من خمستاشر بلطجي زباله.....

راح العجوز غلط غلطة عمره وقالهم: انت ناس مش متربيين....ايه قلة الادب دي ؟!

وعينك ماتشوف الا الضلمه مرة تانيه....راحوا الحيوانات مسكوا الراجل العجوز من رقبته ووخانقينه ويزقوا فيه !!!

والستات العجول طلعت وقعدوا يهبشوا في الست العجوزة وزق وشدوها من اشربها!!

وطبعا بنتهم الحامل لازم تدافع قامت راحت جرجرتها واحده ست من شعرها وخلتها الشقه عندها وهاتك ياضرب وقعدت عليها بتخنها ده كله!!

الناس على ماتجمعو كان العجوز ومراته وبنتهم اتمسح بكرامتهم الارض وخدوا علقه من اقذر المخلوقات!!

راحت بنتهم الحامل اتصلت على جوزها وقالتله الحقني ده حصل كذا وكذا وكذا....الا وهو جاي معاه اتنين تلاته دكاتره زيه ...وجاي عاوز ياخد قحه بالدم انشالله يقتله واحد.....بس الظاهر انه نسي ان دول حيوانات ... ومش هينفع يواجههم بتلات دكاترة فرافير زي دول!!!

راح صحابه مسكوه وهدوه وقالوله انت ماينفعش تاخد حقك دلوقتي ...انت تنقل عمك ومراته من البيت الاول.....وبعدين هناخدلك خقك....وفي مليون طريقه وطريقه تاخد حقك من غير ماتدخل نفسك في الموضوع!!! بس صدقني سهل او ددول يتمسمروا ويتقضي عليهم!! من اول انك تبعتلهم ناس من المرج بلطجية زيهم...... لغاية انك تعمل منهم فيران تجارب في امن الدوله وتبيعهم بعد كده اعضاء بشرية متقطعه !!!

ولحد كده واحنا منتظرين ماستفسره الايام القادمه واللي هانقلكم الاخبار بتاعتها على الهواء مباشرة ..... عشان عاوزين نعرف ايه اخرة البلطجه.....ومين اللي كسبان من موضوع البلطجه.... ومين اللي خسران فيها!!

وفي انه دين ولا عرف ولا قانون ولا تقليد ولا حتى لو كانوا كفره مجوس ماسونين ولاد كلب.... مين في دول حتى يقدر يعمل كده في راجل عجوز ومراته وبتهم الحامل!!!!!!!!!!!!!!!!!!!!!!!!!

ليه كده!!!!!....

ليه سمة ولهجة معظم اللي بقابلهم هناك هي لغة بلطجية.......!!!!!!

ليه الكل عاوز يعمل فيها بلطجي وبدراع!!!!!!

وهل وصلت حمورية البطجة لدرجه انهم يستقوا على اضعف مخاليق الله ؟!!!!!!!!!!!!!!!!

خليتوا ايه حتى للبلطجة اساسا!!!!!!!!!!!!!!!!!!!!!

طبعا جكومة بلطجية وسمتهم هي البطجة على الشعب وعلى اضعف فئات في الشعب واكثرهم فقرا وحيله ....والبغال العجول البلطجية اللي من عينة اللافاشكيري وعز ووز وغيرهم بسوقوا بالبلطجة في الشعب!!!!

والنتيجة الطبيعية اننا نجد نفس المنظر والمشهد ده في كل انحاء الجمهورية !!!!!!! بس طبعا بصور اخرى!!!

نسيت اقولكم ان الناس طلبت الشرطه سبعين مرة ....وكل مرة كانو يردو بقذراة وبلطجة اوسخ من الجيران..... لغاية لما جم بع ساعتين ونص وبعد ماكل واحد دخل بيته ...!!!!

الظريف في الامر انهم كتبوا تعهد على الشقتين ان ماحدش يتعرض للتاني!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!! :)

[prince]

المحترم النسر المصرى

من الواضح ان اصحاب القصة ليس لهم ظهر بدليل اتصالهم بقسم الشرطة!!! لكى تأخذ حقك فى مصر تلزمك واحدة من ثلاثة اشياء

1 ان تتعامل معهم بنفس الاسلوب ( البلطجة) وهذا اسلوب غير جيد لعدة اسباب اولها اصحاب القصة من كبار السن ويمكن التعرض لهم فى اى وقت وثانيا لايمكن النزول بالمستوى لمثل هؤلاء وثالثا معالجة الخطأ بالخطأ قد لا يكون مقبولا عند البعض

2- ان يكون لك اتصالات عالية المستوى شرطة او نيابة او غيرها من الجهات السيادية او ان تكون من رجال الاعمال النافذين

3- ان تحمل جنسية اجنبية تكفل لك حمايتك فى دولتك (مع الاسف)

ومن الواضح ان الثلاث حلول التى طرحتها غير ممكنة او صعبة على الاقل لذلك امامك حلين أخرين:

1- ان ترضى بالامر الواقع وتتعايش مع الوضع الراهن وتتعاطى النسيان وهو الحل الاسوء من وجهة نظرى

2- ان تترك المكان كما فعل باقى السكان وتدهب الى مكان جديد وتبدأ حياة جديدة

ولك خالص تحياتى

[Amr Radwan]

الاخ العزيز النسر المصري ..

اولا .. انا مقدر و متعاطف جدا مع الاسرة المغلوبه علي امرها ..

و لكن .. اصبحت الحياة في مصر و غيرها من الدول العربية مليئة بالبلطجة .. و اصبحت هي السمة السائدة في التعاملات للاسف ..

بصراحة المفروض في المواقف دي لا نلجأ الي الشرطة فقط .. المفروض نعرف نقاط ضعفهم عشان نعرف نتعامل معاهم .. ده مشغل (مصنع يعني) داخل عمارة سكنية و حكومة مصر الرشيدة عاملة قوانين بمنع المصانع انها تكون داخل الكتل السكنية .. هذا معناه انهم مش شغالين بتصريح او ورق رسمي و ده كفيل ان كل سكان العمارة ممكن يعملوا شكوي مجمعة و يمضوا عليها و يرفقوها بصور من المدخل و الكراتين و غيرها و يبعتوها لمجلس الوزراء و وزارة الصناعة و مجلس المدينة او الحي و وزارة الداخلية و الامن الصناعي و طبعا المفروض محضر اثبات حالة من قسم الشرطة بالوضع .. و صدقني .. صدقني هتلاقي الناس دي جاية تعتذر و هتهرب من البلاوي اللي جايالهم ..

حاجة كمان .. ممكن تبعت او تتصل ببيرنامج من برامج التوك شو زي العاشرة مساءا و غيرها و هما ما هيصدقوا يلاقوا حالة زي دي عشان يعملوا عليها حلقة ..

تحياتي لك و كلي تعاطف مع هذه الاسرة المحترمة ..

[skyed]

روى الإمام أحمد وصححه الألباني عن أبي هريرة رضي الله عنه قال, قال رجل يا رسول الله إن فلانة يذكرمن كثرة صلاتها وصدقتها وصيامها غير أنها تؤذي جيرانها بلسانها

قال : هي في النار .

قال : يا رسول الله فإن فلانة يذكر من قلة صيامها وصلاتها وأنها تتصدق بالأثوار من الأقط ولا تؤذي جيرانها .

قال : هي في الجنة .

[skyed]

عن أبي هريرة أن رسول الله صلى الله عليه وسلم قال : " والله لا يؤمن .. والله لا يؤمن .. والله لا يؤمن .."

قالوا : وما ذاك يا رسول الله ؟

قال: " الجار لا يأمن جاره بوائقه "

قالوا : يا رسول الله وما بوائقه ؟

قال : " شره [/size]

تعالى : { واعبدوا الله ولا تشركوا به شيئا وبالوالدين إحسانا وبذي القربى واليتامى والمساكين والجار ذي القربى والجار الجنب والصاحب بالجنب [/b]} ( النساء : 36 )

لعنة الله علي من يخالف أوامر الله و سنة سيدنا رسول الله لعنة عليهم ان لم يرجعوا عن ما هم فيه .

[عاشق الترحال]

أقولك على حاجه بصراحه ومن غير زعل .

للأسف في الزمن اللي إحنا عايشين فيه الحكومه بتاعتنا لا بتهش ولا بتنش في الكلام ده إلا لما يبقى فيه واسطه تحرك الموضوع وبعدين خلي الناس الغلابه دي راحت عملت محضر من غير واسطه عارف البلطجيه التانيين بيعملوا ايه واحد بيعور نفسه ويروح يعمل محضر فيهم أو واحده ست منهم تروح تتبلى على زوج البنت الحامل .

حلو كده واخدلي بالك

وبعدين محضر قصاد محضر وتلاقي الناس الغلابه طبعا ولأنهم مش واخدين عالبهدله فيتنازلوا عن محضرهم علشان عاوزين يروحوا بيوتهم ومش عاوزين وجع دماغ .

بالنسبه لي أنا مخي صعيدي شويتين في المواضيع دي وأؤمن بالمقوله اللي بتقول ما أخذ بالقوه لا يسترد إلا بالقوه.

وعليه فلو أني مكانه كنت هبلطج عليهم بما لا يطيقون ولا يستطيعون رده سواء بأهلي أو أصدقائي أو معارفي أو أؤجر لهم بلطجيه يربوهم و بعد كده هما اللي هيجوا يبوسوا الأيادي ويطلبوا السماح .

لأنه للأسف فيه ناس مبتجيش إلا بالضرب على دماغها

ولو عملوا برأيي ممكن بعد مايأخذوا حقهم كمان بالبلطجه دي يشوفولهم واسطه محترمه ويحكوا له عالوضع وهو يشدهم يظبطهم في قسم الشرطه وطبعا كلنا عارفين الكلام ده وبيحصل ولما يحسوا أن الناس دي لها ظهر جامد هيتلموا ويمشوا عالصراط المستقيم ومحدش منهم هيتعرض لهم.

أو أنهم بقى يستسلموا و يبعدوا عن الشر ويغنوا له ويعزلوا من البيت ويشوفوا شقه تانيه في عماره سكانها محترمين .

وربنا عالظالم.

[مغتربة]

هى مصر جرى فيها ايه

بجد انا مش مستوعبه

[toota]

للاسف مقولة القانون للضعفاء فقط .....مظبوطه

اسهل حاجة يكسروا باب شقتهم....ويقولوا ان البلطجيه كسروه....ويعملوها بسرعه....حتلاقي كل البلطجيه دول راحوا النيابه ويتسجنوا....

حصلت مع ناس اعرفهم....الجيران بالشكل ده وزيادة...حصلت انهم بعتولهم ناس على الفجر...يسحبوهم النقطة وللاسف واسطة من جوه القسم نفسه ولما رفضوا يروحوا معاهم....تاني يوم بعتولهم البوكس....

ومفتحوش للبوكس واتصلوا بالنجدة....وعلى ما مشيو الي بيخبطوا طلعوا اصحاب الشقه بره عملوا تكسير في باب الشقة ولما النجدة جت...طلبوا عمل محضر بجيرانهم لانهم حاولوا يكسروا عليهم باب الشقة...وبس ...

اتحولت للنيابه وكان حيحصل سجن...لولا انهم استعطفوهم بالتنازل...ومن ساعتها...محدش اتعرض لهم ولا قالهم بم....

طريقة مجربه....غير كده مش حيخصلوا...وحتى لو حاولوا يأجرو شقتهم او يبيعوها...سمعة الجيران حتضيع لهم البيعة.....

سبحان الله....المثل الي بيقول ناس تخاف ما تختشيش ولا تعرف رحمة ربنا .....

تم تعديل 18 أغسطس 2009 بواسطة toota

[doha]

للاسف مفيش اي فايده انا بس صعبان علي جدا الحامل المسكينه دي وعلى فكره زوجها مش ملام ابدا انه مقدرش يعمل حاجه مع الاشكال الناقصه دي لان مش عيبه انه محترم ونظيف وسط القاذورات ..

للاسف زي ماقالوا لك لازم يكون عندهم واسطه جامده اوي تحرك الامور في القسم والا مش نافعه الحكايه ..

على كل حال في حل تاني بينفع مع الاشكال الي زي دي وهي انهم يجيبوا واحد ( كبير بلطجيه ) يعمل لهم ( قعدة عرب ) ويتصالحوا .. للاسف مفيش غير كده الصلح السلمي خاصه وان الحل التاني ان يجيبوا بلطجية ترد حل سهل نظريا لكن وقت الجد الناس المحترمه صعب توصل للناس الي زي دي وتعمل معاها اتفاق خاصه لو الامكانيات الماديه مش بالملايين عشان يبقى لك نفوذ يحرك الي ميتحركش ..

البلطجية مفتريين ايوه لكن هم كمان مش عاوزين وجع دماغ وعملوا الي عملوه ده عشان محدش يهدد اكل عيشهم يبقى لو انعرض عليهم اي حل سلمي ( يحفظ ماء الوجه ) للعجوز وزوجه هيرحبوها بيه جدا بل وممكن بعد كده كمان من نفسهم يتوددوا للجيران دول قال يعني بقينا حبايب ..

هم من داخلهم حاسين بالنقص وانهم اقل من سكان العماره عشان كده فاردين عليهم السطوه بالذارع .. لو تدخل حد من نفس عينتهم ( معلم ولا حد نصف متعلم له هيبة وشخصيه او حتى بلطجي معروف ) في الحاله دي هتكون فرصه ان البلطجية يعتذروا مقابل اعتذار الاب والام كمان هيحسوا البلطجية بادميتهم وان راسهم براس الناس دي وبالتالي هيخف الاحتقان الي بين الطرفين وباذن الله ينتهي الموقف بسلام ..

المطلوب حاليا تسألوا عن الناس البلطجيه دول جايين من اي منطقه يعني اي حته شعبيه بالظبط وشوفوا حد يكون عايش في المنطقه دي هم بيبقوا عارفين من من رجاله ( الحته ) عنده قدره على فض المنازعات وخلافه ( هيقصدوه ) وباذن الله هو هيحل المشكلة ..

بس على فكره غالبا هيبقى الحال على ماهو عليه والكراتين محطوطه وكل حاجه بس هنبقى اشترينا كرامه الاسرة المهانة وفي نفس الوقت خففنا شويه الصدمه النفسيه الي هم فيها لان اكيد مهش قليلة ..

تم تعديل 18 أغسطس 2009 بواسطة doha