بالراحة علينا في الQuotations

[rar]

أعزائي المحاورين...

ظاهرة بتضايقني أثناء قراءة المحاورات... لكن مش عارف اذا كانت من آداب الكتابة في المنتدي، و لا فعلا بتضايق ناس كتير غيري...

تلاقي حوار داير بين فردين أو أكثر في أحد المواضيع... فيبدأ الأول في الرد علي مداخلة الثاني، و يروح عامل Quotation لكل المداخلة، و ضايف عليها سطرين...

يروح الأول ما يكدبش خبر، فيروح عامل Quotation لمداخلة الثاني، و جواها الQuotation بتاعه مداخلته الأولانية...

و هكذا لغاية الرد ال 19...

نيجي احنا نقرا الموضوع، تلاقي صفحة كاملة تتحمل، و نقعد نعمل scrolling بالماوس لما صباعنا يوجعنا... عشان في الآخر نقرا عشر سطور علي بعض...

يعني، مش عارف دي عقدة نفسية عندي... و لا فعلا دي عادة سيئة لازم نبطلها و نحن في طليعة عصر المنتديات... و بنطور آدابها خطوة بخطوة؟

طبعا الموضوع ما يستاهلش قواعد من الادارة... هو بس أتمني اخواتي المحاورين يقتصدوا شوية في الQuotation و يحطوها فقط عندما تضيف لردهم ما لا يضيفة توجية الحوار لمحاور آخر بالاسم...

و دمتم

[سهل جدا]

والله عندك حق يا أستاذ رار

كلنا بنقع في الحكاية ديه ..

أنا كنت الأول بقتبس جزء من المداخلة ثم أردّ عليه

فاتهمني بعضهم بأني أقتبس الشيء اللي على هوايا لكي أردّ عليه, وأترك الباقي اللي ما بعرفش أردّ عليه

فلمّا بطّلت اقتبسش الكلام خالص.. لاقيت العضو ما بياخدش باله إني برد على كلامه ..

تفتكر حضرتك إيه الحل ؟؟؟؟؟؟؟؟؟؟

[doha]

الله يفتح عليك , لسه حالا مفيش دقيقة او دقيقتين بقول لنفسي نفس الكلام وانا عماله افر في الصفحات عشان اطلع كلمه او كلمتين زياده ..

ياريت فعلا ناخذ بالنا من موضوع الاقتباس ده على قدر مانقدر بحيث نقتبس المفيد بس الي بنعلق عليه وان كان ولابد ولازم ناخذ الرد كله على بعضه يبقى اضعف الايمان نلغي الردود التانيه يعني سين بيرد على صاد وانا عاوزه ارد على سين يبقى اقل واجب احذف رد صاد الاول طالما ملوش علاقه بالي هقوله لسين ..

شكرا على فتح الموضوع ..

[حسام يوسف]

أولا أهلا بحضرتك يا عزيزي الفاضل رار من فترة مشفتش مشاركات لحضرتك

ثانيا ملحوظتك فى مكانها

ثالثا

اعتقد ان السبب هوة الاستسهال

وقبل ما ألوم حد

فأنا هبدأ بنفسي وهاخد بالى م الخطأ ده

تحياتى لحضرتك :)

تم تعديل 18 أغسطس 2009 بواسطة حسام يوسف

[سهل جدا]

أعزائي المحاورين...

ظاهرة بتضايقني أثناء قراءة المحاورات... لكن مش عارف اذا كانت من آداب الكتابة في المنتدي، و لا فعلا بتضايق ناس كتير غيري...

تلاقي حوار داير بين فردين أو أكثر في أحد المواضيع... فيبدأ الأول في الرد علي مداخلة الثاني، و يروح عامل Quotation لكل المداخلة، و ضايف عليها سطرين...

يروح الأول ما يكدبش خبر، فيروح عامل Quotation لمداخلة الثاني، و جواها الQuotation بتاعه مداخلته الأولانية...

و هكذا لغاية الرد ال 19...

نيجي احنا نقرا الموضوع، تلاقي صفحة كاملة تتحمل، و نقعد نعمل scrolling بالماوس لما صباعنا يوجعنا... عشان في الآخر نقرا عشر سطور علي بعض...

يعني، مش عارف دي عقدة نفسية عندي... و لا فعلا دي عادة سيئة لازم نبطلها و نحن في طليعة عصر المنتديات... و بنطور آدابها خطوة بخطوة؟

طبعا الموضوع ما يستاهلش قواعد من الادارة... هو بس أتمني اخواتي المحاورين يقتصدوا شوية في الQuotation و يحطوها فقط عندما تضيف لردهم ما لا يضيفة توجية الحوار لمحاور آخر بالاسم...

و دمتم

أولا أهلا بحضرتك يا عزيزي الفاضل رار من فترة مشفتش مشاركات لحضرتك

ثانيا ملحوظتك فى مكانها

ثالثا

اعتقد ان السبب هوة الاستسهال

وقبل ما ألوم حد

فأنا هبدأ بنفسي وهاخد بالى م الخطأ ده

تحياتى لحضرتك :)

تاخد بالك ازاي يا أستاذ حسام..

إذا كان حضرتك في ردك على الموضوع نفسه اقتبست الموضوع الرئيسي بدون أي داعي :wub:

إيه ده... دا أنا كمان اقتبست مداخلتك انت والأستاذ رار في نفس الوقت... :wub:

[لولا]

فعلا موضوع الإقتباس احيانا يصيبنى بالإلتباس !!

يحدث ذلك عندما تكون بعض الإقتباسات كبيره جدا ومتداخله ..

واحيانا كثيره اجدها غير ضروريه لإضافه كلمة شكر مثلا او تعليق يخص جزء صغير من المداخله المقتبسه ..

وايضا عندما يمكن مخاطبه الشخص باسمه والرد على عموم كلامه دون الحاجه لتكرار اقتباس من الجميع فى كل مره..

هى مسألة تنظيميه لا يمكن فرضها ولكن سيكون من الرائع جدا لو تنبهنا لها كلنا لأننا نسهو احيانا

احيانا ايضا ادخل مواضيع بعدد كبير من الصفحات لأكتشف انها وصلت لهذا العدد لكثره الإقتباسات الطويله وتكرارها مرارا..

تحياتى للجميع

لولا

[ozoozo]

وكمان بعض التوقيعات بتكون طويله جدا ومرهقه ولو العضو ده عمل 3 مشاركات يدوبك ياخدو صفحه كامله

كان معانا زميل كاتب قصيده طويله جدا في توقيعه وكنت احاول تجنب المواضيع التي بها مشاركاته لانها ليس بها جديد الا التوقيع الذي يزيد من عدد الصفحات