مصر وقرعة تصفيات كأس العالم

[Masrawy Abroad]

ذكرت جريدة الأهرام التصريح التالي لمحسن صالح تعليقا على المجموعة التي وقعت فيها مصر لتصفيات كأس لعالم

"وأكد أن الكاميرون صاحبة ترتيب عالمي ومنتخب عنيد وهو ضمن التصنيف الأولي وكوت ديفوار منتخب له مستقبل كبير ويتم إعداده منذ فترة طويلة لذلك فهو منتخب واعد في القارة‏,‏ أما لقاءات الأشقاء مع ليبيا والسودان فلها حساسيتها الخاصة بجانب الملاعب السيئة التي ستؤثر علي النتائج في لقاء المنتخب السوداني ومنتخب بنين‏.‏"

بالله عليه....هو عاوز يلاعب مين طيب؟؟!!! الحقيقة سكوت المدرب ده أفضل من كلامه....

مدرب سلبي ويبرر الهزيمة قبل اللعب....شايف بنين وليبيا والسودان فرق مش سهلة بسبب حساسيات وهمية وملاعب سيئة...هل مثلا يحطونا في مجموعة لوحدنا ونلاعب نفسنا ولا ايه؟؟

nosb: :)

[فــيــروز]

هل مثلا يحطونا في مجموعة لوحدنا ونلاعب نفسنا ولا ايه؟؟

لا الحقيقه الاحسن مانشتركش من اساسه عشان موضوع التمثيل المشرف اللى كلنا عارفينه :)

[Lighthouse]

طبعا يااخي الكريم الراجل بيعمل اللى عليه وزيادة شوية

يعني بيبرز الهزيمة مش لانه سلبي ولا حاجة علشان مانظلموش

بس بيهيئ الراي العام لماهو منتظر علشان لو حصل واتهزمنا ( وده مؤكد طبعا حسب مستوى اللعيبة الممتازين بتوعنا اللى بالكتير يلعبوا بلي مسافات قصيرة :) ) ماحدش يرجع يحاسبه ويقول له خدعتنا وعملت لنا البحر طحينة

فالراجل ياولداه بيمهد من دلوقتي للخيبة القوية اللى منظرة فريقنا

علشان كله يعمل حسابه من دلوقتي

حتى الاعلانات

فيه اعلان كده بيتكلم فيه لاعب ( مش عارفة اسمه معلش ) عن تنظيم مصر للدورة وفيه طفل بيقول له افرض ماطلعناش

التاني بمنتهي الشجاعة بيقول له يكفينا شرف المحاولة

يعني من دلوقتي بيعلم الطفل الغض ان المحاولة بس بدون اي مقومات للنجاح كافية واهو عملنا اللى علينا والباقي على الله

مش سلبية برضه

خلينا نبص لنص الكوب المليان kis)-

ونعتبرها واقعية هههههه

ولو انلها وصف افظع من السلبية بس خلاص مش لازم نقوله والمعنى في بطن الزير :)

[Guest Mohd Gramoun]

بسم الله الرحمن الرحيم

* مصر يقدوها الحظ لمجموعة الموت

* مصر في المجموعة الحديدية

هذا هو رد الفعل المصري للقرعة.... ولكن من يريد التأهل عليه العمل و المثابرة فالبطولة لاتأتي من فراغ و مدغشقر تلاعبت بمصر و إن تهاونا ستتلاعب بنا بنين و بنات و كل العيال الصغيرة

[Masrawy Abroad]

أعرب محسن صالح المدير الفنى لمنتخب مصر يوم الجمعة عن صدمته إزاء وقوع الفريق فى مجموعة واحدة مع الكاميرون بتصفيات كأس العالم والتى ستقام نهائياتها عام 2006 بألمانيا.

وقال صالح فى تصريح خاص لـ Filgoal.com عقب الإعلان عن القرعة يوم الجمعة بمدينة فرانكفورت الألمانية: "الكاميرون هى الفريق الوحيد الذى أردت تجنبه فى التصفيات."

مش ممكن الانهزامية دي.....يا جماعة حد يسكت الراجل ده اللي نازل اسهال تصريحات لا فائدة منها ..يعني حتى يرحم اللعيبة اللي ها تلعب...

المدرب مصدوم !! طيب عاوز اللعيبة تبقى ايه؟؟؟؟...

الحقيقة تصريحات هذا الرجل تعبر عن حالنا المآساوي....

محسن صالح مدرب محلي اخره تدريب الاسماعيلي......

- المدرب الكبير المفروض يكون عارف إن فرصة وقوعه مع الكاميرون كانت قائمة لحد كبير وتتساوى مع باقي فرق التصنيف الأول.لأن مصر تصنيف تاني.....فلماذا الصدمة إذن..المفروض انه يتوقع كده....والله لو كانت اي فرقة غير الكاميرون لكان برضه طلع القطط الفطسة...

إذا كان عمل الفرق اللي معانا عقبة:

الكاميرون ............صدمة وفريق مصنف عالميا :)

بنين والسودان..........ملاعب سيئة وبالتالي لا يضمن الفوز عليهم هناك :) kis)-

السودان وليبيا......مباريات ليها حساسيتها...... kis)- :lol:

[zamalkawy]

احنا لو مجموعتنا تشاد و بنين و جيبوتي و مورتانيا كنا هنقول مصر في مجموعة الموت

يلة اخر امل لينا نشوف مصر ي كاس العالم لو استضافنها 2010

غير كدة بقى انا اقدر اترسم على احفادي لما اتجوز انشاء الله و اقولهم انا شفت مصر في كاس العالم 1990 :) :) kis)-

بس علشان اكون صريح لو مصر وصلت و الكاميرون موصلتش هزعل جدا

[هشام عبد الوهاب]

المجموعة فعلا صعبة جدا .بل تعد اصعب المجموعات فى التصفيات الأفريقية كلها .

[هشام عبد الوهاب]

وأكد أن الكاميرون صاحبة ترتيب عالمي ومنتخب عنيد وهو ضمن التصنيف الأولي وكوت ديفوار منتخب له مستقبل كبير ويتم إعداده منذ فترة طويلة لذلك فهو منتخب واعد في القارة‏,‏ أما لقاءات الأشقاء مع ليبيا والسودان فلها حساسيتها الخاصة بجانب الملاعب السيئة التي ستؤثر علي النتائج في لقاء المنتخب السوداني ومنتخب بنين‏

لا ارى اى انهزامية اواحباط فى هذا التصريح .... كلام سليم جدا ولا غبار عليه .

[Masrawy Abroad]

احنا لو مجموعتنا تشاد و بنين و جيبوتي و مورتانيا كنا هنقول مصر في مجموعة الموت

صدقت فعلا في هذه المقولة

[Masrawy Abroad]

نسينا نذكر المجموعات:

المجموعة الأولى : السنغال – مالى – زامبيا – توجو – ليبيريا – الكونجو

المجموعة الثانية : جنوب أفريقيا – الكونجو الديمقراطية – بوركينا فاسو – غانا- اوغندا – الرأس الاخضر

المجموعة الثالثة : الكاميرون - مصر - كوت ديفوار - ليبيا - السودان - بنين.

المجموعه الرابعة : نيجيريا – زيمبابوى – الجزائر – انجولا – الجابون – رواندا.

المجموعة الخامسة : تونس – المغرب – كينيا – غينيا – مالاوى – بوتسوانا

أنا في رأيي المجموعة الأولى مثلا صعبة جدا..وكل فرقها مش مضمونة عدا توجو....طبعا ليبيريا بلاش اتكلم عنها...

والمجموعة التانية: جنوب أفريقيا وغانا والكونغو ومين تاني...

المجموعة الثالثة:عقبتنا هي الكاميرون ..أما كوت ديفوار فراحت عليها...وباقي الفرق لجمع النقاط...

المجموعة الرابعة:..فيها تقطيع برضه..نيجيريا والجزائر والجابون وأنجولا..يا ساتر..ايه ده :blink:

المجموعة الخامسة: تونس والمغرب ومالاوي.....على فكرة احنا اصبح حظنا عالى على دول الشمال الأفريقي على مستوى الفرق وليس المنتخبات....

الحقيقة المباريات ذات الحساسية فعلا هي مباريات الشمال الافريقي (تونس والجزائر والمغرب) لكن ليبيا والسودان....لا كده حرام .... :angry:

وفي النهاية احنا منتخبنا لا يعتمد عليه الصراحة....ومستواه غير ثابت وصعب تتبنأ بنتيجة مباراة له حتى لو مع فرقة صغيرة...يعني ممكن ينهزم من بنين مثلا وتلاقيه فاز أو تعادل مع الكاميرون....حقيقي مش عارف ازاي :blink: